كُرْسِي الاعْتِرَافَاتْ مَعْ الجَدْه الخُنْفُشَاارِيهْ وَ المَامَا المُمَيزْه♥ fĿ♡ŔĪdΛ ♥ - الصفحة 13 - عيون العرب

**آدِيت~EDITH** · #61 04-29-2013, 08:12 PM

.

.

اقتباس:
المشاركة الأصلية كتبت بواسطة زوزي دادو

ههههههههه انا بحب دايما بيينلك اسنانك ههههه

اوك بس اسئلة اليوم شوي راكزة اكتر متا بتضحك متل مبارح

هههههههههههه طيب لنشوف لكان هع

اولا لنغني مع شيشيكو

ورجعنا والكرسي بيجمعنا
لا لا لا لا لا لا <<< مؤثرات للغنية ^^

والكل بيبسمعنا ئولو معنا
لا لا لا لا لا لا

فولي غير ئولو ئولو معنا
لا لا لا لا لا لا

زي معرفتوها ....رح بتلائوها
لا لا لا لا لا لا
وتظلو تحبووها .... فلوريدا والله غير
لا لا لا لا لا لا

لا لا لا لا لا لا

اه خلصت الغنية هههههه
اذا لننتقل للاسئلة، هل انت جاهزة؟ هيا بنا

هههههههه مااحلاني الكل عم يغنيلي حلوة المؤثرات ههههههههههههههههههههههههههه

1- شو قصة جارك القطقطوط اللي بينام بالزبالة؟

ههههههههههههههه قصة من خيالي لتكوني صدقتي

2- انت لم تعزمي اختك على المنتدى لان دائما تنتقدك، قلتي احسن تتحسني قبل، هل تظنين ان مستواك اصبح يستحق ان تراه اختك او بعد؟؟

بصراحة لسا المشوار قدامي طوييييييييل

بس للحق اختي مزودتها كتير

يعنيشو ماساويت بتظل تقلي مو حلو وانتي ماتفهمي

بكره هالشي :noo:

3- انت عيلتك كانت كبيرة نوعا ما، يعني عندك اخوة كتار، كان يفرحك هيدا الشي او كنتي تتمني اخواتك يكونوا اقل؟ لماذا؟

الله يخليهم

هيك احلى تحسي مهما كان انو معك اعوان عالشر هههههههه

4 - انت قبل اخر وحدة بين اخواتك حسب ما فهمت الا اذا فهمت غلط، موقعك بالعيلة عاجبك ولا لاء، كنت مثلا تتمني تكوني الاخيرة او الاولى او شي هيك ؟ كمان لماذا ؟

اممممم موقعي حلو بس الكل عم يستغله

انا بكون اصغر بنت بس في ولد اصغر مني

المفروض كون مدللة بس للحق انا اكتر شخص عم يستغلوه بالبيت تنظيف شغل ومابعرف شو والحجة دائماً انتي الصغيرة لازم تطيعينا

5 - :heee: هيدا السؤال ما بحبو، بس بما انه دارج/موضة قلت بسألو انا كمان، شي مرة زعلتك :/: ههههه

هههههههههههههه بصراحة ولا مرة

انتي التوب

ولا مرة زعلت منك بجد

خلصت اسئلتي اليوم انتظريني غدا بأسئلة جديدة من نوع اخر ههههههههههههههه
يلا سلام ^^

كان المفروض الاسئلة تكون موجودة قبل ساعتين بس لما كتبتها وكنت بدي اكبس "اعتمد المشاركة" فصل اللاب كرمال البطارية

هههههه الله يعينك وانا النت عندي اليوم زفت بقووووووووووووووووووووووووووووووووووة

تسلمي حياتي وسامحيني عالاجوبة المختصرة

**آدِيت~EDITH** · #62 04-29-2013, 08:27 PM

.

.

1اقتباس:
المشاركة الأصلية كتبت بواسطة إيـــروكــErokaـا

هلا بك يا حبيبتي

اهليييين حياتي ^^

انا مو من عادتي اسئل اكثر من مرة مثل وسام بس مرة وحدة
بس ايش اسوي طفشانة حيييييييييييل البيت عندنا كأبة زايدة عن اللزوم
أعطيني كم شغله اسويهم من جد نفسي اسوي شي

لاتهتمي بيصير معي كتير هيك

وبكون بحتاج لحدا احكي معو ولما مابحكي مع حدا بيسوء حالي بجد

مشان هيك متل ماقلتلك احكي معي ولاتترددي باذن الله رح اسمعلك ^^

المهم
الأسئلة كأنها موجهه لي يعني هي مثلا عن الماضي اذا قلت ماضي حزين مؤلم هذا يعني انا عشته
وكذا اكيد فهميتي صح

يب فهمت

1- هل عشتي بماضيك الألم و الحزن وكل شيء بإختصار{عذاب} أم لا ؟

عشت كتير ايام قاسية بحياتي صحيح انا ماني الاسوأ وفي غيري عاشوا اسوأ من هيك

وهاد اللي خلاني اتحمل .. وخلاني شوف ان كل شي هين

وبيكفي ان كل اللي عم يصير معنا بعين الله يعني الله عم يحرسنا ويشوفنا

وهالدنيا مجرد شي زائل نحنا كلنا ضيوف فيها والمفروض مانزعل فيها على شي

ونحاول نمضي هالايام قد مانقدر فرحانين متفرغين لطاعة الله ولاسعاد اللي حولنا

وبعدها اكيد رح نكون مرتاحين ومبسوطين

2- هل خانك شخص تثقين فيه صديقة او صديق؟ وإذا نعم كيف؟>>> لا بأس لو لم تردي عليه فأنا اظن انه مزعج

يب يب كتير واولهم اقرب صديقة الي عشت معها الحلوة والمرة وبيوم ماحسيتها تخونني .. بس فجأة اكتشفت من اختي انها كانت عم تستغلنني طول الوقت وصداقتها الي مشان شي كان بدها ياه وكان قريب مني مارح فصل بس كانت اكبر صدمة الي .. حاولت انكر واكذب هالشي بس الادلة كانت تجيني متل المطر لحتى صرت واثقة اني انخنت بجد .. وقتها مابكيت واستغربت هالشي .. بس ضحكت على غبائي وسذاجتي

3- إذا اكتشفتي ان صديقة لك درت بك وأتت تطلب السماح منك وأنا فعلت ما فعلته بك لسبب ما هل ستسامحينها ام لا؟

مافهمت السؤال منيح

بس بالنسبة الي اذا كانت النية صادقة والقلب صافي بسامح اكيد

بس اذا تكرر الشي اكثر من مرة رح سامح بس مارح ترجع علاقتنا متل ماكانت اكيد

4-هل تعيشين العذاب في الوقت الحاضر ام لا؟ وكيف تتخلصين منه اذا لم يكن معك أحد ممن يعذبك؟{بطبع إذا كنتي تعيشينه فقط}

مو عذاب بمعنى الكلمة

بس عم واجه صعوبة بالتأقلم مع حياتي

يعني زوج اختي توفى من فترة قصيرة وهاد قريب جداً منا متل اخي

وغير الاوضاع السيئة بالبلد والناس اللي عم يموتوا كل يوم ومعظمهم قريبين النا او من حينا

وعرسي اللي قرب وماحدا رح يجي تقريباً بسبب هالاوضاع وبسبب التوقيت اللي اجبرت عليه

وضغوطات العرس واشيا كتيرة عم تواجهني هالفترة

بس بيظل املي بالله كبير

ومتفائلة ان بكرا رح يكون احسن باذن الله

5- من هو الشخص الذي بكيتي عليه كثيرا عندما عرفتي انه قد غدر بك؟

ماحدا بكيت على غدره .. اللي بيغدر فيني مابيستاهل ابكي عليه

عزيزتي اعرف ان اسئلتي اليوك كلها حزينة لكن لا اعرف ما بي
اشعر حقا أني لن استطيع التحمل لكني سأصبر بكل تأكيد
وسامحيني رجاءا >\\\\\< إن اللمتك بأسئلتي

مقدرة ظروفك واتمنى تنبسطي معنا هون حياكي بأي وقت وملفي قدامك اربعة وعشرين ساعة

تعي لعندي بس تحبي تشكي

وتاكدي انك مانك وحدك

انا هون واعتبريني اختك الكبيرة او امك اي شي تحبي

نينا|Nina · #63 04-29-2013, 08:32 PM

سأعتبرك أختي الكبيرة وباليابانية اونيتشان

اسفة اشعر ان أسئلتي كأنها قصة حياتي

**zαıиαв šαмα ✿** · #64 04-29-2013, 08:38 PM

سلام ماما

انا رجعت

هههههههههههه اكيد اشتقتي لي :a7eh:

هههههههههههع

الموهيمز يا ماما

قد تكون هذه اخر الاسئلة التي اسالك اياها

لان بعد يومين ساحرم من النت بسبب الامتحانات

ربما اقنع زوجة ابي وقد توافق ان افتحه مجددا:madry:

لن تتخلصوا مني ابدااااااااااااااااا

<<<وباء :heee:

ههههههههههههع

المهم

نجي للاسئلة :/::glb:

سؤال 1

ماما شو تنصحيني اعمل مع زوجة ابي عشان تخليني افتح نت

؟؟؟

سؤال 2

ماما ممكن تخبريني لو سمحتي من هو وسام ومن هي نسيم؟؟ هذه المرة فعلا دوخت خاصة انو نسيم في رد هنا كاتبة ابنك وسام؟؟؟@@"

:hah::hah:

سؤال 3

اممممممم ماما شو رايك باسم حروف خطتها اناملي؟؟؟ كاسم جديد لمدونتي؟:a7eh::a7eh::glb::glb:

سؤال 4

هل سوف تشتاقين لي؟؟:hehehe:

سؤال 5

ممكن تضربي لي كل اعدائي بعد خروجي اذا نسوا امري؟؟؟؟

:hehehe:<<<طبعا اقصد بكلمة اعدائي هم اصدقائي :heee:

اترك لك مجال الاجابة

:glb:

:glb::glb::glb::glb::glb::glb::glb:

**آدِيت~EDITH** · #65 04-29-2013, 08:39 PM

.

.

اقتباس:
المشاركة الأصلية كتبت بواسطة ● kɑrɳvɑl

بسم الله الرحمن الرحيم
السلام عليكم ورحمة الله وبركاته

وعليكم السلام ورحمة الله وبركاته مرحبا برنسي ^^
كيف الحال

الحمد لله منيحة
الأسئلة فوراً
1) لو كنت بتعرفي أنسان أناني مغرور متطلب كذاب وقح وبعيش بوجهين
دائما بيعكس كلامك ولازم تتعاملي معه بصفة العادات والتقاليد كيف بتعامليه بدون ما تزعجي نفسك؟؟؟

ههههه بدي اعرف مين تعني بس حاسة الحكي بيناسب شخص ببالي

امممم بتوقع بتعامل معو متل مايتعامل معي بس بحكمة وذكاء .. بالأسلوب اللي بيفهم عليه

متل هدول الاشخاص بجد محتاجين حكمة في التعامل معهم واسلوب خاص

وبرووود مشان ماتحرق اعصابك

2) كم مره حطمتك أمك..؟؟

ماما .. اممم والله مو كتير

بس اكثر مرة انجرحت فيها جد لما كنت جالسة اتعلم الخياطة منها وانا صغيرة

وخيطت فستان عروس لدميتي كان بيجننن صحيح ماخطته منيح بس كان مرتب وحلو

ولما رحت لمام متحمسة مشان ارجيها ياه قالتلي لازم تدرسي ماتلعبي بسرعة عكتابك

وانا وقتها انجرحت وتحطمت بجد ورحت الغرفة ابكي

ومزقت الفستان بالمقص ولما دخلت ماما زعلها الشي واعتذرت مني وقالتلي ان ردة فعلها لأنها كانت معصبة وانا تسرعت وصارت تلم الفستان معي وتزبطه

3) أنتقاد جارح "أثر بك من من ولما؟؟

من اختي بلاقي انتقادات يومية

واكثر مرة جرحتني لما كتبت واجيت اقرأ القصة لمرت اخي لأنها كان بدها تشوف رسوماتي وتقرأ قصصي

واجت اختي وقالتلها شو عم تقري قالتلها مرت اخي قصة كتبتها اختك حلوة كتير

قرت اختي منها سطرين ورمتها علي وقالت : شو عم تقري طلاسم الهبلة هي ماتفهم شي بنصحك تقري لناس فهمانين

قلتلها ماحدا طلب منك تقريها وانا حرة والقصة عاجبتني
قالتلي هلا رح فرجيكي اللي عاجبتك وثارت تنتقدها سطر سطر كلمة كلمة قدام مرت اخي

ومرت اخي قالت اصحصيح انك شاطرة وانا حسيت بالتحطيم بجد انجرحت ورحت عالغرفة وخبيت كل رسوماتي وقصصي وجلست زعلانة للمسا وماحدا اهتم تباً لهم

حكيت قصة حياتي

وعفكرة هي القصة كانت قصة الام مع ابنها اللي اشتركت في المسابقة بها تذكرها مهيك

4) أنمي مميز عندك؟؟

اممم الانمي القديم عموماً وخصوصاً ريمي الشريد عجيييييب ومميز

5) أي أنواع الأطفال كنت؟؟

انا

كنت مشاكسة وهادئة بنفس الوقت

يعني كل اللي كانوا يشوفوني يقولوا ملاااك

وانا ياماتحت السواهي دواهي

ماكنت بصرخ ولا ببكي

بس بتخبى وبلعب باغراض ماما واخواتي وبهرب فوراً وبعدين لما يلاقوها خربانة بيظنوا ان حدا تاني اللي عمل هي العملة وبيصيروا يعطوه محاضرة

بس وقعت فيها انا كمان مرات كتيرة ههههه

وبث
دمتي بحفظ الرحمن أبنك وســــــــــــام

سوري وسامي تأخرت بالرد عليك تعرف البير وغطاه

شكراً على مرورك المنير ياخبل يامزعج انت وهي هههههه

سامحني على اجوبتي الغبية كلها قصص طويلة ههههههههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥♥♥♥ظلـمونى وقتــلونى♥♥♥♥ / أول رواية لي	<{RiN}>	أرشيف المواضيع الغير مكتمله او المكرره او المنقوله و المخالفه	45	03-02-2015 01:17 AM
♥♡♥جوهرة ميساكي المفقوده~~ رمنس~كوميدي~خيال~ حزن للكاتبه اسيره فر عيون ساسكي ♥♡♥	اسيره في عيون ساسكي	أرشيف المواضيع الغير مكتمله او المكرره او المنقوله و المخالفه	17	06-18-2013 05:23 AM
كُرْسِي الاعْتِرَافَاتْ مَعْ المُشْرِفْ الحَرَامِي ♫ DarK MooN ♫	IZANA	ذكريات عيون العرب	145	04-24-2013 11:58 PM
Σ♡♥ وآللــي خلــق فينــي عــزة نــآيــف آنــي لآخــذ دنيــآي عــز ومهــآبـه Σ♡♥	نـــآيـــفksa	مدونات الأعضاء	21	04-05-2013 01:47 PM