البارت الثاني من الوسم الثاني
بالشركه
بدون شعور حست أصابعها تختار رقمه الي عمرها مافكرت أنها ممكن تحتاجه بيوم...رن جواله وتوسعت عينه لما شاف الرقم رمى الأحجار من يده وأستاذن يرد وطلع للحوش
.....:الو هلا ركان ..كانت الكلمات تطلع ببطئ من وسط الدموع
ركان الي فزقلبه من مكانه يوم سمع صوتها ومو قادر يستوعب وضل ساكت..الهام:ركان شفيك ساكت أنا الهام
ركان بدون شعور: معاج يابعد روحي ليه البكاء..الهام الي مومستوعبه كلامه:شقولك ياراكان
تعبانه حيل مادري ليه أتصلت فيك بس من جد مقهوره..ورجعت تبكي بحراره
ركان الهام ياقلبي لاتبكين الهام ردي علي الها..
سكت لما شاف ضل شخص أنعكس قدامه ..نزل الجوال ولف بهدؤ وسودت الدنيا بعينه
لما شاف سعود متكتف ويطالع فيه...ركان ضاعت حروفه وصار جسمه يغلي وكتفى بصمت
سعود:شفيك تطالعني كذا ..وقام يضحك :خربت عليك جوك أاااااسف بس كنت بقولك لشباب ينطرونك أنا بروح لاتخاف والله ماسمعت شي ههههههه..ومره ثانيه تبي تعيش جو روح مكان أحسن سلام
وراح وسط ذهول ركان الي نسى الهام بهلحضه والدنيا كلها ...بعد ثواني تذكر الجوال الي بيده...اوه الهام :الو الو....الهام كانت تناديه طول لفتره ومارد وكانت تسمع همس جنبه زعلت وكانت تضنه طنشها فسكرت(كالعاده هذي الهام كل شي تبرره بطريقتها وبحساسيتها السيئه)
رجع يرن عليها لكنها ماردت عليه فطلع من الأستراحه متجه للبيت وهو يحس بضياع
لاهي الي ترد ويبرر لها ولاهو عارف شسمع سعود....ومرة عليه ليله طوييييييله مايدري ايش مخبيه بعدها...بينما سعود رجع حصل الهام أستسلمت لنوم وأثار الدموع بوجههاوجوالها بيدها.....
وفجأه انقطعت ذكرات الأمس ....
خالد يمرر يده قدام وجه راكان الي ساند ظهره عالكرسي ويهتز وراء وقدام وسرحان بلفراغ وبين يديه قلم:
راكان يرمي القلم اوه خالد بمكتبي يهلا ومرحب شهالنور.
خالد يطالع بساعته:
لاوالله بدري أجلس ولا أخليك شوي تكمل مشوارك ... قال هالكلام وهو يجلس
(هههه تعبت نفسك بهالجملة)
ركان هههههه:لا لاتجلس قوم وطلع برى بعد عندي شغل مو فاضيلك
خالد:لاموفاضيلي فاضي لحبيبة القلب الي ماخذه عقلك وسط الدوام.. ويهز حواجبه
راكان الي ارتبك وكأنه خايف أن سعود قاله أو درى بشي:شتخربط انت يلا قوم خلني أخلص شغلي
خالد:أفا تطردني من مكتبك ترى نمزح ..زين خلني أشوفك بليل واطلع هالطرده من عينك وطلع وسكر الباب بقوه كأنه معصب
ركان يتسند ويفتح ازاريره:الله يهديج يالهام شسويتي فيني أوووووووووف ماني قادر اركز شلون أدق عليها الحين شلون
وشلون أتأكد أنه ماسمعني ...أوووه شفيني أنا مافي الهام الا زوجته يعني....
بطلع أشم هواء شوي أحسنلي ..وأخذ مفاتيحه وراح لبحر الحب والأشواق ويرتب أوراقه ويناجي طيف الهام
(الدنيا بخير وناس ناموأحلى نومه وركان مسكين سهران متعذب ههههه)
.................................................................................................... ...
بنفس الشركه بمكتب أخر:
تفضل
...ممكن أدخل
أبراهيم يرفع راسه بهدؤ وبين ايديه زحمة اوراق يرميهم ويوقف :هلا وغلا حيالله عمي أبورائد شدعوه جاي بنفسك ليه ماكلمتني أجيك
بورائد يسلم بحراره ويده على كتف براهيم :
شدعوه يولدي تستاهل العنوه ولزم الواحد يطمن على حلاله بنفسه ولا شرايك ..
أبراهيم :أي والله أنك صادق يعمي الله يكثر من أمثالك..اوه عذرني يعمي تفضل تفضل
أبو رائد يدقق بلامح ابراهيم وهو يجلس:والله يولدي ماكنت ناوي اجلس وراي مكاتب كثيره بس الحين يوم شفتك تذكرت أسئلك عن شي
أبرهيم وهو يجلس قباله:عساه خيريعمي أمرني..أبو رائد:خير ياولدي بس الصدق انك موعاجبني من فترة وأنا بكلمك وأنشغلت وبعد قلت يمكن ظرف ويروح بس للحين ماني شايف تحسن
الا كل مالك تسوء أكثر وحط يده على ركبت براهيم:شبلاك ياولدي
أبراهيم الي حس بغصه وحس أنه مو قادر يسيطر على مشاعره تنهد بضيق وتغيرت ملامحه :هم العرس أنت أخبر فيه ياعم وعسى الله يزين الحال..بورائد وهو يوقف ويضرب على كتف ابراهيم:الله يعينك وأنا بوك أول سنه لابد فيها من المشاكل وأنت رجال عاقل وقدها أن شاءالله..أبراهيم بنبرة رجاء:أن شاء الله...ابو رائد: مادام هذا الي فيك الحين تطمنت وأن بغيت أي شي أن حاضر يبوك فمان الله....ابراهيم وهو يوقف :فمان الكريم
طلع أبو رائد وترك أبراهيم بجرحه الي ماشكاه لأحد لاأمه الي فرضت عليه هالهم ولا خالد أعز اصدقاءه ماكان يشتكي غير لربه وهو نعم الوكيل...
.................................................................................................... .
في فلاتهم الاشبه بالقصرفي أحد صالات الفلا المصممه بنظام أمريكي الاثاث بلونه البني الدافئ والارضيات خشبيه جلس جنبها وهو يحتضن يدها بترجي:
الله يخليج ياماما نرجس أنا مقدر أدخل لأن بيني وبين سعود كلام.. ولازم مابينله أنه كاسر خاطري ..وبعد وعدت الهام أني ماأتدخل بحياتها لكن...
نرجس توقف:أن شاء الله ياولدي مايصير الالخير وحياتها تدمرت وانتهينا ..حزنك وخوفك ماله داعي الحين ..وانت غلطت من البدايه لأنك شجعتها على الي براسها
وكسرت قلب سعود لما حددتله مدة الزواج ..يعني مهما كانت مشاعر سعود تجاه الهام هو فاهم
سبب رفضها له
بس الي أنت سويته معاه وموقفك منو من البداية والى الأن هوا الذي اظن سعود مو قادر يفهمه ...وراحت عنه وكلامها يرن بأذنه هذي أمه الي ربته عمرها ماقست عليه ودايم تهون
عليه وتخفف عنه بس هالمره صفعته بكلامها صفعه ماكان يتوقعها....
هي كانت متعمده تقول هالكلام عشان تفهمه أنه ماينجرف وراء عواطفه.. خوفه الزايد على أخته
وصلها الى حياة تعيسه بدون هدف ممكن توصله .. حتى لوكانت هي ناويه الشر من البدايه تأيده لها ومحاظراته الدائمه لسعود قدامها كانت أكبر دافع لالهام أنها تستمر بكبريائها وجرحها لسعود...
.................................................................................................... ......
في المدرسه وهم ينتظرون سياراتهم..
العنود:رنود ماقلتيلي من بيجي يأخذج لاتقولين نوفي
رنده هههه وتحط يدها بخصرها:نعم من متى المعرفه ..نوفي اشوفج تمونين
العنود تمثل بهيام:يختي شلون تبيتي أناديه حبيته شسوي فديت روحه
رنده تضربها براسها بخفيف:أقول اعقلي وهذا أخر واحد تفكرين فيه هذا هنا..وتأشرعلى قلبها
مافيه قلب مايعرف يحب كويس اذا يحب أمي ههههههههه
العنود:ههههههه والله لو تبيني اعلمه كيف يحب حاضره وغمزت لها..رنده وهي تضبط غطاها وبتطلع:عنودوه مشكوره مانبي دروسج خلي أخوي بحاله باي
العنود ببتسامة خبث:باي
.................................................................................................... ......
في البيت باقي ساعتين على رجعته يفتح الباب بهدؤ
سمرتقوم بخفه من الكنبه:هلا عمري وتطالع بساعتها..عسى ماشر
رائد يبوس خدها كالعاده:لايحياتي بس حسيت بصداع قلت أريح شوي..سمرتمسك يده واليد الثانيه تحط يدها على جبينه:فعدوينك أن شاء الله حبيبي لاباس عليك
رائد ينزل يدها وهو يبتسم ويبوس يدها:أنا مصدع مو مصخن ههه يحليك ياسمورتي
سمر وهي تضحك :تضربه على صدره بخفيف يوه بدون قصدلاتدقق يله روح ريح
على بال ماحطلك الغداء....رائد:لاوالله ياعمري مافيني خليه لمن اصحى....سمر:مايصير رئودي كل شوي وخذلك بندول ونام..رائد يبي يخلص نفسه من حنة سمر
لف عليها أذا كلت بتنشط وأنتي كاشخه مومن مصلحتك ..سمر تطالع بلبسها ..تدفه عنها بشويش خلاص نام
رائد وهو يضحك بصوت عالي:أنا أقول بعد أنام احسن..سمرتكلم نفسها :يوه نسيت نفسي وشدراني أنه بيرجع بدري اوووه
(هذهي سمر خجوله وطول هالفتره ماتجراءت ورائد مستغل خجلها كثير هههه يس كفو عليك سموره الحياء زينة الأنثى وعمر زواج ماينزعه)
.................................................................................................... ......
الساعه اربع العصر في أحد المجمعات
كانت تلف بلمحلات وتختار لها شغلات للخطوبه الي بعد كم يوم ... يرن جوالها
الو هلا رنده..رنده:ليه ماصحيتبني أبي أشتريلي كم غرض
ليان:طلعت مستعجله بدر حرق جوالي....رنده:ماعرف شسمه المحل الي فيه البلوزه الي ابيها
ذيك الي تجي سبورت وفيها لمعه ومخصره وفي منها....ليان:اقول رنوده أذا ذكرتي المحل دقي
ولاخلي نواف يجيبج..رنده:لحضه..الو ...الو
اكرهج ياليانوه من كل قلبي...ونزلت تدور أمها عشان تستأذنها
...........................................................................................
فالمول
تمشي وهي مومركزه تحاول تطلع جوالها الي انحشر مع زحمة ...وييينه ..ياربي
الحين بيعصب بدر
وفجاءه
أسف أختي سلامات وكان يجمع بأشياءها الي انكبت من الشنطه
ليان:لاانا الي اسفه مانتبهت واخذت الاغراض منه وناولها أخر شغله الي كانت زجاجة عطر
أخذتها منه ورمتها بشنطه ولفت على صوت بدر يناديها ..بهالحظه مر الرجال من جنبها وبتعد
بدر:ليه ماتردين..ليان:سلم شفيك معصب...بدر وعينه عالرجال الي مابتعد كثير:منو هذا
ليان أبتسمت وانبسطت من غيرته وحبت تستهبل:مين ؟؟
بدر الي رفع حاجبه وتكتف:الي مدلك العطر حبيبتي تذكرتيه ولا لسه...كانت نبرته مو نبرة غيره كانت نبرة شك نظراته تأكد هالشي
ليان تطرد عنها فكرة الشك وترد بنبره حازمه:مااعرفه صقعت فيه وانا اطلع الجوال ابي ارد عليك وطحت ونكبت شنطتي وجزاه الله خير كان يشيل الاغراض معاي..
بدر:وانت مبسوطه ويقلد صوتها يشيل الأغراض معاي...ليان:نعم
بدر:لالا ولاشي امشي نجلس هنا ..ويأشر عالكفي
ليان وهي تمسك اعصابها:أن شاءالله...بدر مشى وخلاها وراه وجلس وهو يهز رجله بعصبيه
جلست ليان وهي ماسكه نفسها وماتبي تخرب فرحتها ليوم هو طاالبها عشان بيشترون الشبكه على ذوقها...
بدر:شفيك ساكته....يشيل المنيو...شتبين اطلبلج
ليان:.........
بدر يسكر المنيو:أجل دقي على اخوج خلينا نخلص ونمشي...(نواف كان يبي يشتري هديه لهديل ويوم عرف بصدفه أن بدر بيروح مع ليان قاله انه يبها تختارله)
ليان تفتح شنطتهابدون حتى ماتساله عن السبب:من منهم ؟
بدر:نواف وادري انج مسويه نفسج زعلانه وليه مايتصل من جواله...نسيته بسياره خيره عشان الحق أشوف....وسكت لما ليان رفعت بيدها ظرف ابيض وقالت بستغراب:وشهذا وشجابه بشنطتي وكانت بتفتحه لكن صوته وقفها ....حس بنار ستعرت بقلبه وقام يقول بصوت عالي بعد رسايل
ويده كانت اسرع وضرب الظرف وطاح منها على طاوله....لحظة صمت دارت بينهم لما عيونهم طاحت على الصور الي انتثرت وعيون الناس كلها عليهم..جلس وضم راسه وهو يقولها...لاتطالعيني كذا بفهمج والله بفهمج
وقفت ليان بصمت وحطت الصور الي طاحت بحضنها على الطاوله ..وقالت بهمس يمكن تحتاجهم وضحكت بستهزاء وراحت وهو موقادريقوم
نزلت للمواقف ودموعها مثل بحر ....هذا بدر الي ضيعت عمري كله بحبه بالأخير يطلع
.....سكتت ثواني وبعدها ضحكت بسخريه على حالها..وصلت لسياره وهي تحمد ربها الف مره الي ماقالتله يروح ..أول ماحطت يدها على مقبض الباب حست بيده على كتفها...
ليونتي أسمعي....بعدت يده بشمئزاز وركبت سياره وهو ماتجراء يوقفها الي صار مو قليل
رح لسيارته وهو يسب نفسه ويسب عامر لأنه يحس أنه وراء هالموضوع بس ماعنده دليل هالصور عند هشام وهشام منقطع عنهم من سنين ...أخ ياراسي بينفجرليه كذا لييييه
وأنطلق بسرعه جنونيه نحو المجهول أما ليان فراحت للمكان الي اعترف لها فيه بحبه وياليته ماعترف...
قبل لانغادر المول
بسام...الو هلا وغلا...عامر:اهلين هاه بشر..بسام:احسنن مما تصورت حظك حلو
عامر :كيف وشصار....بسام :بس اطلع من المول واقولك نتقابل بليل وحقي قبل كل شي
عامر :افاا عليك بلحفظ وصون يله بنتظرك بستراحتي سلام...بسام:سلام
(هذا هم رفقاء السوء المال عندهم اهم من كل شي عرض دين مصالحهم دائما على راس الهرم)
...................................................................................................
في جناحها من الصباح حتى الأن مادار بينهم أي حوار وحس أنها تتحاشاه وهو ماسأل فيها
جالس يتابع مباراه وصوت واصل بيت الجيران ومندمج معاها حيل...
قصر الصوت لما انتبه لصوت جواله....سعود يعدل جلسته:هلا بلحب شلونج ..
غزل:بخير وينك اليوم ماشفتك ولا ترد على مسجاتي....سعود وهو يلملم الفوضى
ويتوجه للمطبخ التحضيري:والله مانتبهت يقلبي كنت تعبان شوي
غزل:سلامتك يقلبي ..سعود: الله يسلمج ياحياتي
الهام حاولت قد مافيها تبين أنها طبيعيه بس كانت تحاول تتاكد أنها أنثى من حقيقه مو يمثل عليها..فقررت تدخل تسوي نفسها تاخذ شغله..فهذي الأثناء كان سعود يرجع المكسرات وشغلات مكانها وفاتح لسبيكر ويتكلم ومو خاطر على باله انها بتجي لأنه يعرف أنه مايعنيلها شي ..فتح الدولاب وحط علبة المكسرات واول مافتح الثلاجه بيرجع البيبسي ..سمع صوتها تسحب لكرسي تبع طاولة الطعام وتجلس وبيدها كاسة عصير حط الببسي وسكر الثلاجو وشال
الجوال من على طاوله وطلع...الهام وحاسه ان الكاسه بتنكسر بيدها:واسمها غزل بعد طيب
يسعود سو االي تبيه وانا أعرف كيف أخلك ترجعلي تحبي وأكسر قلبك..طلعت الصاله وشافته واقف بلبلكونه
وساند راسه على الباب ويطالع السما..سحب الكرسي وجلس وهي جالسه على طرف السرير وراه بينهم كم متر
رن جواله مره ثانيه وحست دمها يغلي مع آنها ماتدري من المتصل فقررت تقوم عشان ماتسمع شي ماتبيه
قبل لاتقوم رد سعود:هلا بورود هلا بوردة قلبي شدعوه كذا الي يتزوجون ينسون أخوانهم
ورود:والله يعمري مشاغل وعلى بالي بس شسوي أنت عارف وليد أي مكان مايرضى الا يوصلني ويرجع تعبان أستحي أطلبه
سعود:أي والله كفو عليه تبين يخليج تدورين من مكان لمكان لاحسيب ولا رقيب ...الهام حست كأنه يعنيها وتألمت من كلمته مع أنه ماكان يعرف بوجودها أصلا..
ورود:لاماقلت كذا بس بعد الحبسه مو حلوه..سعود بنبره حنونه هزة قلب الهام:ورود قلبي والله لو مايغار عليج ويحبج مايسوي كذا وبعدين هو مو حابسج انت الي ماتقولين له ولا هو لو تبين القمر يوديج وبدل السايق أثنين بس مابي زوجته تروح مع سايق الا فالضروره وهذا من حقه ولاو شرايج..ورود:أي والله مايقصر فديته..سعود:هههه والله انتو يالحريم عياراة المهم اسمعي كلام رجلج تراه يعزج والطلعه لاتقدم ولا تأخر مدامه مريحج...ورود:يسلام وصرنا نقول حكم
صحيح الزواج يغير سبحانه..سعود يضحك:ههه اقول يله مناك أنا من يومي عاقل ,,ورود:الاماقتلي شخبار الهام..سعود تنهد :بخير الحمدالله طول ما أنا بعيد بتضل بخير
...ليه ماتكلمينها أنتي..ورود:لاوالله من زمان ماكلمتها المهم كنت بقولك أني بجيك
سعود:وين تجين..ورود:شلون وين بيتك بعد وين..سعود بتردد: ايه حياج الله
ورود:شفيك تقولها كذا ..سعود:لاولاشي بس أنت أعلم بالحال أنا من طلعت من بيتنا
ماعزمت أحد والله حتى امي فشلان فيها..ورود:من جدك ..سعود:خليها على ربك المهم تعالي
لحالج لاتفشلينا برجال تراني عزابي ههههههه..حدج عصير وحلا وكثر خيري
ورود الي حست بغصه على حال أخوها ماتوقعت الأمور للحين كذا:خلاص أبشر لاتسوي شي بجيب ضيافتي معي..سعود:والله توفرين هههه اهم شي القهوه مشتهي قهوه سنعه غيرقهوة لعيال بالاستراحه هههههه..ورود:من عيوني بكره العصر أنا عندك...سعود بيتج يالغلا بأي وقتج..ورود:بس عاد عط الهام خبر فشله أجي كذا..سعود بنبره جديه أستغربت منها ورود:دقي عليها وقلويلها يله فمان الله...الهام الي كانت تمثل أنها نايمه وسمعت كل المكالمه وكانت كاتمه شهقاتها..ماكانت تدري أنه يعاني لهدرجه ولاكان يبين لها أي شي من سكنو ثلاث شهوروهو متغير
وتاركها على كيفها حتى حقه ماصار يأخذه من شهر ونص وكانهم أخوان ...كل الي يسويه يسمع محاضراتها ويجيب مقاضي خفيفه للبيت هذي حياتهم الحين...
طلع وسكر لباب وفتحت الهام باب من الحزن ودموع وصراع قوي داخلها تجاهه.....
.................................................................................................... ......
جالسه بوسط الحديقه على الأرجوحه الخشبيه وهي تسترجع ليلة البار حه..
هبه:ليه كذا يالهنوف ليه... كانت عيونها معلقه على علبة الساعه وتتكلم بغيظ ..بدون شعور ضربتها بظهر يدها وطاحت على الأرض مع كاست العصير الي كانت قريبه منها
سلوى تميل وتشيل العلبه وتروح لهبه وتحط العلبه عالطاوله:أهلين هبو
هبه منحرجه:هلا سلاوي معليه منتبهت باخذشنطت الهنوف وطحت على الاغراض
سلوى:مومشكله حياتي اهم شي انج بخيروسلمتي..هبه : أي الحمدلله...سلوى:زين قومي نرقص شوي الشله كلها عالمسرح هبه لاحياتي سلاوي أنا بروح أحس مصدعه شوي..
سلوى تطالع ساعتها:توالناس ثلاث تونا بدينا السهره ساعه بس وروحي..هبه:لاحياتي مره ثانيه
وشالت شنطتها على وقت وصول الهنوف...الهنوف:سلاوي وينج البنات يدورونج ولفت على هبه وحطت يدها على كتفها ..او هبو رايحه. بدري...هبه تبعديدها بقرف.. باي سلاوي سلمي عالبنات ومشت لما بعدت شوي ..سلوى:هبو نسيتي هذي لفت هبه وشافت العلبه بيد سلوى فلفت وطالعت هنوف بستحقار :هذي تبعها مولي باي
سلاوي ها يشفيها مزاجها اكس.. هنوف تمثل البراءه:شدراني عنها خليها عنج امشي نكمل رقصنا وسحبتها وراحت..
.............................................................................................
طلعت هبه وهي تبكي بالم ركبت سيارتها وهي مغطيه وجهها
السواق:مدام هذا سياره مدام هبه
هبه :هذا أنا يله أمشي ..السواق يطالع ساعته:وين روح...هبه :اوه البيت يعني وين
السواق:انتا روح ساعه خمسه ثنين ساعه باقي...هبه :محي الدين روح البيت مافي كلام زياده
محيي الدين:ليش ماما انتا سكر وجه انا مافي معلوم أنتا..هبه:........محيي الدين:كلو خرما (حرمه)مافي سكر وجه عشان انا هندي والله كذا واجد كويس هههههه....هبه:انتا مافي مسلم
محيي الدين:الحمدلله مسلم...هبه:ليش في شوف حرمه..محيي الدين:انا في رجال معلوم
ليش خرما مافي سكر مافي هرام ...انتا في مسلم صح ليش سوي خراب... أنا انتا سيمس يم
نفسو الشي
هبه الي زاد بكاها وحست بكلامه سهام دخلت بقلبها نزلت للبيت وهي حاسه بضيااااع
وتوضت وصلت وحست براحه من زمان ماعرفتها متى أخر مره صلت متى أخر مره صامت
أسلام بس بلهويه....
(للأسف هذا هو الفكر السائد ان الهندي أو البنقالي مالازم نتغطى عنه وكأنه مو رجل)
.................................................................................................... ......
في بيت بعيد عن الأحزان فمجلس بوشهد
ابوشهد:على بركة الله يولدي وهي حليلتك والي تشوفه..خالد:تسلم ياعمي والبيت جهز الحمد لله والأمور تمام... بوشهد:الله يتمم بخير
خالد:يله أترخص..بوشهد:وين تعشى معنا ...خالد:تتعشى معكم العافيه والله الوالده تحتريني الجايات أكثر..
ابوشهد:مدام الوالده مسموح سلم عالوالد...خالد :يبلغ ..وصله للباب وقدام البيت قابل ركان بيدخل البيت
ركان اوه النسيب عندنا...خالد مانسيت طردتك اليوم الصبح..ركان:تبي تقنعني انك زعلان
خالد ايه ومابرضا الا بشي واحد..ركان يقفل سيارته ويقرب منه تامر أمر...
خالد يطلع كيس:وصله لشهد...ركان نعم أنت ماتستحي على وجهك محارمنا ترى
خالد اقول امسك لايجيك شي مايعجبك زوجتي قال محارمنا ..خذ ركان الكيس وهو يضحك
ودخل وراح خالد لبيته...
............................................................................
فلاستراحه:
جيت عالموعد..عامر حياك
بسام :أقعد خل أقولك وشسويت
عامر:لاتقول زدت من راسك
بسام: افاا عليك
عامر والله حمستني يله هات أسمع
وقبل لايتكلم بسام سمعو صوت فرامل قويه والعامل يصرخ
وتبعها صوت طلق نار
طلعوا يركضون وتفاجئو لما......................................
...........................................................................................
أتمنى اكون وفقت بالبارت رائيكم وتوقعاتكم
علاقة الهام بسعود؟
بدر كيف بيصلح موقفه؟
العنود وهبه هل سيكون لهم دور قوي بروايتنا ام لا
وشصار مع عامر وبسام؟