|
|
#126
04-11-2015, 03:46 PM
| ||
| | ||
| كيفك كيف الأحوال ؟ :madry: اسفه على الغيبه الطويلة  بس الاختبارات والمداعس الغبيه .gif "Icons(48)") حطي بارت ثاني الروايه جوووووناااااااان يا بنت الحلال  والحين الاسئله والتوقعات :madry::madry: علاقة الهام بسعود؟ راح تصير جيده  بدر كيف بيصلح موقفه؟مادريخير7 العنود وهبه هل سيكون لهم دور قوي بروايتنا ام لا يعني وشصار مع عامر وبسام؟  لا تتأخري في البارت الجاي cute1 وارسلي لي البارت اذا نزل :madry: في أمان الله ورعايته
__________________ http://vb.arabseyes.com/t471293-new-post.html وجودكم يسعدني ويسعد غيري لذلك شرفو صديقتي بروايتها الاولى  |
|
#127
04-14-2015, 04:50 PM
| ||
| | ||
|
يا اختي شو تردين اقولك انتِ مبدعَه الفصل يجنننننن وعلاقة الهام بسعود ان شاء الله بتصير زينة و آآآه يا بدر حظك زفت والله مو عارفة كيف بيصلح موقفه معاها وهل عامر و بسام الله يسود يومهم مثل ما سودو يوم بدر بأنتضلر الفصل القادم في امان الله
__________________
 |
|
#128
04-17-2015, 08:01 PM
| ||
| | ||
| أعتذر احبابي عن تنزيل البارت اليوم وسأنزله غدا بأذن الله وأعدكم ببارت طوييييييييييييييل يستحق الأنتظار |
|
#129
04-19-2015, 03:44 AM
| ||
| | ||
| [size="5"] البارت الثالث من الموسم الثاني اليل في هذا البارت له مذاق مختلف ..متابعه شيقه فلاستراحه: جيت عالموعد..عامر حياك بسام :أقعد خل أقولك وشسويت عامر:لاتقول زدت من راسك بسام: افاا عليك عامر والله حمستني يله هات أسمع وقبل لايتكلم بسام سمعو صوت فرامل قويه والعامل يصرخ وتبعها صوت طلق نار طلعوا يركضون وتفاجئو لما شافوالعامل يرجف وقدامه جثه تقدم عامر وكان ماسك بيده حديده تحسب لأي خطر مجرد ماطلع من الباب وصار خلف العامل تفاجئ بصوت وراه ينادي عبدلجليل وقبل لايلف هو وياه لصوت بحركه سريعه ارتفعت يدعامر وضربة العامل على راسه عامر حاول يلف ويشوف من الي ماسكه بس شاف الدنيا ظلمة وطاح بدون سابق أنذار... .................................................................................................. في ليله ذاتها في مكان بعيد عن مسرح الجريمه صلاح:الله يهديك يابدر أرحم نفسك لك ساعه وأنت تشرب بهدخان بتذبح نفسك وبعدين أنت ماعندك دليل ولو ماحصلته بستراحته رح نحصله بمكان ثاني وين بيروح يعني تعوذ من شيطان وقوم صل ركعتين بدل الي أنت تسويه وفرج ربك قريب وليان مدام تحبك أكيد ماراح تتخلى عنك بهالسهوله هونها وتهون. بدرببتسامة سخريه:تحبني...هذاك أول أووول الحين خلااااص ضاعت ضاعت مالي وجه حتى أرجع أتصل فيها حسبي الله عليك يعامر .. مسك راسه بضيق كأنه يحاول يمنع الافكار والذكريات:اوووه بس كافي صلاح يضرب على كتف خويه:قوم معاي أنت بتذبح نفسك بلي التسويه الدنيا ماتسوى وأنا خوك وقف بدر بستسلام وطلعوا من شقة صلاح... ................................................................................................ ولاتزال هذه اليله تحمل الكثير...في بيت ليان دخلت ليان البيت وجهها بلون الدم وكانت تدعي من قلبها أن صاله تكون فاضيه بس للأسف أم نواف:هلا والله بنيتي خوفتيني عليج وينج كل هذا تختارين شبكه وليه جوالج مغلق ليان الي كانت معطيه أمها ظهرها عشان ماتشوف وجهها بهالحال أستجمعت قوتها وتصنعت لطبيعيه ولفت بسرعه وباست راس أمها وحضنتها وبدت تصيح أم نواف بخوف:بسم الله عليج يابعد قلبي شفيج ليان:.........ام نايف:لااله الا الله فكيني خل أشوفج لاتعورين قلبي ليان تترك امها وتمسح دموعها:الله يخليج لي ياأغلى أم بدنياولا يحرمني منج أم نواف:شبلاج تكلمي فورتي دمي...ليان:تبوس أمها على خدها سلامتسج يالغاليه بس اليوم تسلطو علي صديقاتي كل وحده أخبارها أشين من ثانيه أم نايف وهي تجلس:شصاير...ليان:وحده من صديقاتي الي معاي بلجامعه أمها توفت ومسكينه كلمتني وهي حيل منهاره قطعت قلبي بكاها وتذكرتج..ام نواف وعيونها متوسعه:الله يطول بعمري على طاعته شهالفال ...ليان:تضحك وتحضن أمه وتبوسها الله يمد بعمرج يالغاليه بس قصدي تخيلت نفسي مكانها..ام نواف:تضربها على كتفها بخفيف أنت شبلاج جنيتي الا تموتيني..ليان:ههههه أسفه ماقصدت..أم نواف:زين هذي عرفناها وشغيرها..ليان:وكلمتني لهو متهاوشه مع زوجها وبعد كسرت خاطري..أم نواف:اعوذ بالله من شيطان الرجيم الله لايسلط علينا وأنتي شعليج من خلق الله ليه تردين أنت رايحه توسعين صدرج ولا تحلين مشاكل الناس ليان:اااه قدر وصار شسوي..ام نواف تطالع الكيس الي بيد بنتها:ومن العصر وأخر شي جايتني بكيس واحد اظاهر بدر قص عليج وقعد يسولف ولاخذتي شي ههههه ليا ن حست بغصه من طاريه(ايييه يايمه لو تدرين قص علي وبس الاقتلني) ام نايف تضربها على كتفها:شبلاج ماتردين لحقتي تشتاقين له عنبو توج راجعه من عنده ليان بشبح أبتسامه مصطنعه:شهالكلام يمه الله يهديج..ام نواف:انا أقول الصج لاتسوين روحج مستحيه أنا أمج وعرفج أقول بس خلصيني طلعي الشبكه أشوف..ليان الي حست بألم بصدرها وأن الدموع بدت تتجمع بعينها جات على نفسهاوردت:شقولج يالغاليه بدرجاه ظرف طارئ وعتذر وبكره أن شاءالله بنروح وبعدين ماعجبني شي بس ماحبيت أكسر خاطره والحمدلله جاه هالظرف عشان يهون ..أم نوايف توقف بملامح مستاءه:أجل كل هالوقت وينج فيه..ليان توقف:فبيت لهو حسيتها تعبانه ورحت لها..أم نواف:والله يبنتي ماعندج سالفه شاغله نفسج بفلانه وعلانه وأنا من العصر أنطرج ولاستفدت شي خلني اروح أرقد أبرك..ليان تبوس راسها:لاتزعلين يالغلا بكره أن شاءالله مالج الا الي يرضيج أم نواف:الي يرضيني أنج تهتمين بأمورج وتهتمين بمستقبلج تحسبيني رندوه تمشي علي خرابيطج المهم أنا مابي أعرف شصار بس أبي بكره أشوف الشبكه والخطوبه تتم بوقتها سامعتني ..لفت وراحت لغرفتهاوليان بعد راحت لغرفتها شايله هم الكون..وتستغفر من كذبتها الي مامشت(((ههه فتحت جوالها وشافت:21مكالمه لم يرد عليها وكم مسج كلهم من بدر حطت الجوال عسرير وطالعت بلمرايه شكلها كيف صاير يخوف ويحزن بنفس لوقت ..بتسمة على الفكره الي خطرة لها رجعت لجوالها واتصلت ...وبعد ثواني جاها صوته الرجولي ببحته اللمميزه ليان:سلام عليكم ....:وعليكم السلام ورحمة الله وبركاته هللا وغلا ومرحبا حيا الله الغاليه ليان:الله يحيك شلونك أبراهيم...أبراهيم:أبد بخير يالغلا أوه وشجابنا عالبال لاصراحه بكتبهابمذكراتي الخاصه ليونه متصله علي من قدي ليان:هههههه يله عاد لاتبالغ كلها كم شهربس ماكلمتك فيها..أبراهيم :انا بنسبه لي عن سنه ليان:ياربي منك يارومنسي أنت المهم امممم ممكن أطلب طلب أبراهيم وهوينسدح عسرير:اهاا قولي كذا الموضوع فيه طلبات أمريني..ليان حست بأحراج:لاعادأنا متصله أسلم بس تذكرت شغله.. ابراهيم وهو يوطي أضاءت الأبجوره:امزح حياتي عيوني لج..ليان:تسلم بس أبيك تطلع معاي نتغدا سوا بعد بكره وين ماتحب ..أبراهيم:بس كذا احلى مطعم بشرقيه أنا كم لولو عندي..ليان:وحده الله يخليها لكم..ابراهيم:ياشين الغرور يله وراي دوام ممكن تسمحين أسكرالحين..ليان:نوم العوافي مع سلامه..ابراهيم:مع سلامه ورمى لجوال وحلق بعالم الأحلام وليان فبالها الف فكره .................................................................................................... .. مع أشراقة شمس يوم جديد يمحي أثار ليله قاسية.. في الشركه بورائد:هذا هي أهم بنود الأجتماع تقدرون تتفضلون على مكاتبكم طلعو من لجتماع وكلن راح لمكتبه عدا سعود الي سحب يده وليد وراحو لكفترياالشركه سعود:وليد والي يرحم والديك ترها قافله ومو وقت نصايح وليد:من قال بنصحك اقعد وروق وفطر عازمك ياخي حرام سعود:مالي خاطر مشكورعندي شغل لين راسي وليد:أفاا ترد عزيمتي يالنسيب سعود:شكلك منت بفاكني يله أطلب خل امشي فهلحظه وصل خالد خالد:هلا بوسعود ادورك وانت هنا سعود يستند عالكرسي بضيق:كملت خالد:يسحب الكرسي ويجلس افاااا سلمات يالحبيب سعود:الله يسلمك خالد يلف على وليد:وانت قاعد تطالع فينا قوم جبلنا فطور.. ويغمزله وليد:اوك بجيب على ذوقي..وراح خالد: لاتزعل من أبوي ترى والله قلبه طيب وهوعمك وانت اعلم فيه سعوديلف على خالد وقهر الدنيا فيه:الشركه مليانه مهندسين وناس محتاجه الكورس اكثر مني مختار أحد يسافرالا أنا لاوالطامه مع الهام شلون فهمني وأنت أخبر بلحال ويقول لاتناقشني والله شي يقهر خالد:ماعليك أنا بكلمه لك واذا على الهام أنا اتفاهم معاها شتبي بعد وبعدين ترا حتى رائد بيروح وبوصيه عليها يعني اضمنلك أن الهام ماراح تسوي شي خالد لاحظ تغير ملامح سعود لما طرا رائد وكأنه قراء بملامحه (هذا الي زاد الطين بله) وقف سعود:اعذرني نتفاهم بعدين أعتذرلي من وليد...وراح متجه لمكتبه اماخالد فحس بضيق شديد وراح لمكتب أبوه (وليدمسكين رجع ماحصلهم تدبس بلفطور هههه ورجع سواه سفري وارسل لكل واحد بمكتبه) أبو رائد رفض بشده ومارضى يسمع من خالد وكأن براسه شغله يبي يسويها وطلع خالد وهو مضايق ومستفاد أي شي غير أصرار أبوه أكثر من قبل... بورائد وهو يجلس على مكتبه ويعدل نظارته:اووه الله يعين على هالدنيا ومد يده وأخذمجموعة المناقصات الي تحتاج توقيع وبدا يوقع ...رن جواله ورد بدون مايشوف المتصل وهو لازال يكمل شغله..رمى القلم من يده لما تأكد من الصوت الي محفور بقلبه ومستحيل يغلط فيه...كانت تناديه لكنه كان ساكت ويسمعها وبعد ثواني رد مرحبا كرستينا كرستينا:مرحبا..كيف حالك أشتقتلك كثيرا محمد يغمض عيونه ويحط النظاره عطاوله :وأنا كذلك كيف حالك..كرستينا:أنا بخير وكيف هم أبنائي..محمد بضحكة سخريه:من الجيد أنك تتذكرين ذلك..كرستينا:لم أنسى هذا يوما محمد:جيد...هل تعلمين بأن الهام تزوجت..كرستينا:ماري تزوجت كف عن المزاح فلا زالت صغيره..محمد:ههههه صغيره..كم تبلغ من العمر الأن؟...كرستينا:اظن20ربيعا محمد:على كل حال أخبريني الأن لماذا تتصلين بي بمثل هذا الوقت.. كرستينا:أشتقتلك الايحق لي ذلك..محمد:هههههه لابد من أنك ثمله هل تذكرين شكلي صدقا كرستينا:محمد كفاك سخريه أنا لاامزح يبدو أنك لاترغب بلحديث معي لابأس بلغ تحياتي للأبنائي واعتذر عن أزعاجك..محمدالي حس أنه جرحها كثير من بداية المكالمه:حسنا سأفعل وسأشتاق الى أتصال أخر عزيزتي..كرستينا:تذكرت قدأتي قريبا لزيارتكم الى لقاء..محمد:الى لقاء محمد سرح بخياله ورجع لزمان جميل ولحظات ياليتها تعود...... (طبعا الجزء بالفصحى على أعتبار أنه فرنسي مترجم وكرستينا تسمي الهام ماري) .................................................................................................... ...... بزاوية أخرى ومكتب أخر خالد:يالله صباح خير شفيك أنت بعد عافس وجهك رائد:أنت ماتعرف تسلم خالد:السلام عليكم رائد وهو يرتب الاوراق بلملف:وعليكم السلام أي خدمه أخوي خالد خالد:شفيك مضايق رائد:ماحضرت لجتماع أنت..خالد:اله سعود وقلنا يحقله أنت عارف القصه بس أنت ليه منزعج رائد:لايشيخ ماتدري أن زوجتي حامل..خالد يضرب على راسه:اوه صح نسيت رائدبضحكه قصيره:والله أنت مريح بالك ولا أنت بدنياولحين مدام عرفت.. ممكن تتفضل على شغلك وتخليني أخلص شغلي خالدبنبره جديه:رائد السفره ذي جات من الله عشان تضبط أمورك مع أختك وزوجها أنا مدري شبينك وبينه بين هذي فرصه وجت لعندك سلام..وطلع وسكر الباب وراح مكتبه لكنه طلع جواله وجلس يسولف مع شهد (هههههه احلى دوام شوي مصلح اجتماعي وشوي عالم أخر) .................................................................................................... ... عامربغرفة الزيارة بدريسلم على عامر بحراره ويحضنه:شلي صارمين هذا المقتول وشلون قتلته وليه عامر يجلس ولكلبشات بيده:والله انك اصيل يبدر وجاي تزورني بعد ونزل راسه بالأرض بدر:ماعلينا الحين قولي شصار عامر قال لبدر الي صار أمس وان في شخص مسك يده وضرب العامل ولما حاول يلف اسودت الدنيا فجاءه ومايدري شصار بعدها فتح عيونه وحصل واحد ماشافه زين صاحه ومسكه شي وهرب بعدها سمع صوت سيارة الشرطه وحاول يهرب عشان يبعد عن الجثه أنتبه أن الي بيده مسدس وقبل لايرميه مسكوه وقبل كم ساعه ودوه المستشفى وعرضو عليه العامل وبسام الي حصلوه طايح برضو وبراسه ضربه بلحديده الي عليها بصماته ولماتعرف عليهم سجلو القضيه مبدئين عليه قتل لصاحب الجثه وشروع بلقتل للعامل وبسام عامر:بس أقسملك أني بريئ ومالي أي يدبلي صار بدر يضرب على كتفه:بتنفرج وهذا ذنب سويته وربي عاقبك عليه أستفغر ربك وبتزين الأمور أن شاءالله عامر حس أنه يعني موضوع الصورتنهد بألم:أن شاءالله دخل الضابط معلن أنتهى الزياره ومسك يد عامر فقال قبل لايطلع من الغرفه:سامحني يبدر سامحني أنا وراي قصاص وذنوبي تكفيني سامحني تكفى.. بدر وحس أن دموع حرقت عينه:مسامحك وربي يسامحك طلع عامر وطلع بدر بعدها ورجع لدوامه بقلب مكسورومن غير شعور مسك جواله و أصابعه أختارت قلبي يتصل بك ................................................................................................ ليان صحت على صوت رنة الجوال شالة جوالها وردت بنعاس الو هلابرهوم بدر الي كان فرحان بأنها ردت أختفت أبتسامته لما سمعها وشقالت وظل ساكت ليان ولازالت موحابه تفتح عيونها:اوه شفيك ساكت المهم أنا بكمل نومتي وأنت أرسلي أسم المطعم لما اصحى بتصل فيك باي قلبي بدر:....................................... رمى الجوال من يده وسرح مايدري شلي صاير..معقوله ليان..لالالا..أجل شهالكلام الي قالته مستحيل تحلم اكيد كانت نعسانه وتحلم ....أنا لزم ارجع أتصل بوقت ثاني وأتأكد .................................................................................................... .. فبيت الهام.. الو سلام عليكم ماما نرجس نرجس:اهلين حبيبتي شلونك...الهام:بخير أشتقتلج كثير..نرجس:الي يشتاق للأمه يجي يسلم ولا كلام بس الهام وهي تجلس عالكنب:والله يماما أنشغلت أسفه حقج علي بكره أزورج أن شاء الله نرجس:أن شاء الله.الهام:كنت بقولج اني برسل السواق يأخذ ثنتين من الخدم لان جايتني ورود وابيهم يشتغلون عالبيت شوي نرجس:خلاص بس يوصل برسلهم...الهام:مشكوره حبيبتي سلمي على بابا وخلودي نرجس :يوصل سلام..الهام:سلام جو الشغلات وحده نظفة البيت وثانية جهزت الشاي وشغلات.. وبخرو البيت وراحو ........................................... رجع سعود على الساعه 11 صباح مو قادر يكمل بعد هالخبر فقرريريح عشان يستقبل ورود بنفس حلوه...تفاجئ من ريحة البخور الي ستقبلته بمجرد مافتح الباب وزدادت دهشته من وضع البيت المرتب ونظيف...راح لغرفة النوم بدون مايتفقد باقي البيت حاس أنه تعبان حيل..دخل ومادور عليها ولاهتم خذله ملابس ودخل أخذ شور.... طلع شاف بيدها جواله ورتبكت لماشافته ...طنشها ودخل المطبخ شرب كوب عصير ورجع لسرير... لتفت عليها لما قالت: لاتفهمني غلط أزعجني وأنا نايمه وكنت ابي اطفيه..سعود وهو يدخل تحت البطانيه:أسف أبعديه عن راسك وارميه عالكنب..وانسدح وغطى وجهه الهام بدم فاير من تطنيشه:سعودوه امسك سكر الصوت أنا أكلمك لاطنشني مد يده لها بدون مايلف..حطت الجوال بيده وهي بتموت من لقهر..واول مالمسه رن الهام بدون ماتحس:رد عليها تعبت وهي تتصل طمنها عليك....حط لجوال سايلنت ودخله بدرج ونام الهام حست أنها بتجن من حركاته وقررت ترجعله هالحركه بلي بتسويه بلمساء .................................................................................................... ...... الساعه 2الظهر بشركه الو هلا...الهنوف:هلا برهومي..أبراهيم بضيق:شبغيتي حبيبتي أنا مشغول الهنوف:الله يخليك تعال الحين ضروووووووووووي ابيك ..ابراهيم:خير شصاير الهنوف:خير أن شاء الله تعال وعلمك لاتتأخر بليز أبراهيم :طيب عشر دقايق وانا جاي سلام أبراهيم جلس يفكر يروح ولا يطنش شممكن يكون عندها بس خاف أنه جد شي مهم وهذي أول مره تتصل عليه طلع بعد ماخبر راكان أنه ساعه وراجع .................................................................................................... ...... ببيت أـبراهيم أول مادخل جاته تركض.. الحمد لله أنك ماتأخرت باقي 40د ويسكر المحل أبراهيم الي يبعدها عنه ويجلس على أقرب كرسي ويفتح أزاريره:نعم شقلتي الهنوف بدلع تجلس على يد الكرسي جنبه وتحط راسهاعلى كتفه وتمررأصبعها على صدره وبدلعها الماصخ:أسفه طلعتك من شغلك وخوفتك بس شسوي أتصل علي محل الورد الي مسويه فيه مسكت مريومه وقالي انو عندهم ضغط و بيسكرون والي عندهم طلبيات اليوم لزم يستلمونها ولا مافي الا 11 بليل ..شفت انو شي ضروري مو استهبال أبراهيم يضرب يدها ويقوم يلف عليها ويمسكها من كتفها و يهزها: أنت أحد قالج قبل كذا أنج تافهه وعديمة أحساس ..أنت وبعدين معاج ماتستحين ...ويأشر على قلبها بأصبعه هنا مافيه قلب مافيه رحمه...أنت متزوجه رجال ولاسواق ولاخادم أنا مليت منج ومن لامبالاتج ....رماها عالكنبه وهي تتوجع من مسكته ... قال بصراخ قومي لبسي عباتج بسرعه قومي..كانت ساكته ومصدومه وشكل براهيم مخيف أول مره تشوفه بهالحال عيونه حمراء وجهه أحمر من الصراخ ويتنفس بقوه..ركضت ولبست بسرعه بدون نقاش طلعت ماحصلته وعرفت أنه سبقها لسياره اول ماسكرت الباب طار بسرعه جنونيه وقلبها كان يطير من لخوف بس موقادره تتكلم...وقف عند بيت أهلها وفتح لها الباب...وقال:أنزلي.. هنا في عبيد كثير تحت أمرج.. تشرطي عليهم زي ماتحبين وأذاعرفتي معنى الزوج ارجعي بيتك..طلعت وسكر الباب وراها بقوه ومشى عنها دخلت البيت ودموعهامغرقه وجهها ..لالاهذا مو ابراهيم لامو هو ..وتحط يدها على مكان مسكته وتبكي بحراره وصلت لصاله ووقفت لما شافت أمها تضرب الشغاله وتصرخ عليها...ركضت بدون ماتحس ومسكت يد أمها وشغاله هربت ام هنوف بعصبيه:خير ليه تدافعين عنها ماأخبرك حنونه لهدرجه وسبحان الله ماتطلع أخلاقك الا عالخدم الهنوف وهي ترمي عباتها عالكنب وتجلس وهي تمسح دموعها:موحنيه بس مااظن فيه شي يستاهل كل هالضرب ام هنوف تجلس وترمي العصابعيد: أنت دايم كذا المهم شجايبك هالوقت ..وليه وجهك احمر الهنوف تروح لامها وتحضنها:ضربني يايمه ضربني وطردني من لبيت بعد وتبكي بحراره ام هنوف بحنيه:ابراهيم مستحيل ليه شصار...الهنوف ضلت ساكته وتبكي ام هنوف تركض لجوالها وتتصل بسعاد أم براهيم... وتسب فبراهيم وتتوعد ..بدون ماتترك مجال لسعاد ترد أو حتى تفهم الموضوع ..سكرت ام هنوف ورجعت لبنهتها حظنتها وباستها لمن هدت وبعدها راحت هنوف لغرفتها والام راحت تكمل أشغالها (مؤلمه هذهي الصوره ضرب الخادمه أصبح متعه عند البعض ويعتقدون أنها عبده ومجرده من المشاعر ولايعلمون أن الدنيا دواره والله عدل ولا يضيع حق أحد....ولاتغتر بدموع وتجرفك العاطفه فأخوت يوسف عليه السلام بكو بحرقه وهم يكذبون) ....................................... بغرفة الهنوف لازالت مصدومه وتبكي ومو مصدقه الي صاروالي بعد زاد حزنها موقفها المحرج قدام صديقتها ...اليوم زواجها وهذي مسكتها كيف تنزف بدونها ...ومو قادره تتصل تعتذر منها ....شهالورطه الي طاحت فيها.... والمحل خلاص سكر.... رمت نفسها على سرير وهلكت نفسها من البكاء ..الحين بس حست أنها تحبه.. وتأكدت من مشاعرها أتجاهه غرورها وكبريائها كان حاجب الرؤيه عندها.. فماكانت تعامله كزوج.. كل الي فبالها أنه مجنون فجمالها ودلالها.. ومايقدر يرفضلها طلب ..ماكانت تدري المسكينه أنه كان جابر نفسه ويحاول يمشي الحال وينسى الهام فيها.. .............................. أتصلت عليه فوق لعشر مرات مارد ...كانت بترسل مسج بس حست أنا نزلت نفسها كثير... ومو هي الي تعتذر وتتودد له..هوالي لازم يجيها ويعتذرلها (ولايزال ثوب الكبرياء عالق بروحها) تذكرت حبها ..وكاتمة سرها ..ومستشارتها الي من يوم الحفله مافكرت تكلمها ..ولاهتمت فيها اتصلت وكلها ثقه بطيبة هبه ... وقناعه بأنها ماغلطت بشي فمالها حق تزعل رن الجوال أكثر من مره بس ماردت عليها ..وفمحاوله أخيره يأسه...:نعم خير شبغيتي الهنوف بدهشه من أسلوب هبه:أنا هنوف شكلج ماعرفتيني..هبه:لاعرفتج أي خدمه الهنوف بدون شعور بدت تبكي وتشهق...هبه بنفاذ صبر:لو سمحتي أنا ماني فاضيه قولي شعندج ولا سكري الهنوف بقهر:شفيج علي ليه تكلميني كذا.. ليكون حاطه عينج على براهيم وأنا خربت عليج .. عمرج مازعلتي لهدرجه.. وانت شيخصج أذا خنته ولا ماخنته ..هذي حياتي ومالج دخل فيها هبه وتتصنع البرود:مدام مايخصني بحياتج ليه متصله فيني.. شسوى براهيم هالمره .. وتقلد صوتها بسخريه ..تأخر على محل الحلويات ولا مامر جابلج الفستان من المشغل ...لالاشكل هالمره سوى شي كبيييير.... بس الي أتمناه من كل قلبي أنه يكون طلقج ....لانج ماتسوين ظفر رجله..وسكرت بدون ماتسمع ردها الهنوف بحال تعجز حروفي عن وصفه ..ابراهيم وهبه فيوم واحد.. زي مايقولون ضربتين براس تووووووجع ............................................................................. هبه ماتدري شسر تصرفها... وليه تعاطفت مع براهيم ...بس الي تحس فيه أنه مظلوم معاها .. وأنها مستغفلته ومستغله طيبته ....والأكثر من كذا شايفه نفسها كثير عليه.. وتذكر أنها دايم تتكلم عنه بسخريه... وتقلل من شانه قدام صديقاتها.....وأنه خاتم ....وانه وأنه ....وهذا الاشياء خلتها تكره الهنوف من غير ماتحس.... وخلاها تنفجر عليها بهلحضه جلست وهي تفكر بلي سوته ..وتتذكر حالهامن يوم الحفله وكيانها ملخبط ..ملت من هالطريق سهر..دخان ..حفلات مختلطه وكلام فاضي..طيب وبعدين الى متى؟؟ ..لازال كلام محيي دين فبالها فعلا العيشه الي عايشتها أسلام بالأسم بس... تنهدت لما تذكرت الي صار لها وهي بثنويه.. لما تعرفت على مجموعة ملتزمات وقررت تتوب ..كانت فرحانه وحاسه براحه كبيره..ماكانت تهتم بتعليقات هنوف وباقي الشله عليها ..أهم شي راحتها الي تحس فيها... بس بعد شهر أنتهى حلمها ومات... ........................... في مصلى المدرسه بعد وحده من المحاضرات.... كانت جالسه جنب مريم اقرب وحده لها من البنات ...وهي الي عرفتها عالشله مريم:قولي يقلبي أسمعج.. وأن شاءالله احل مشكلتج ..وربج غفور رحيم هبه :مشكلتي أني بصراحه أكلم شباب و..و مريم قبل لاتكمل هبه كلامها بدت تنظر لها بشمئزاز.. وتذكرها بالله.. والموت.. والقبر وكلام كبير ..حسس هبه أنها طلعت من المله.. وكتملت الصفعه لما قالت لها مريم رجاء بدون أحراج ...دوري ناس غيرنا الملتزمات كثار هبه عاشت صراع اليم بهلحضه ..كيف ترجع لشلة الفساد.. وشبيقولون وكيف بتتحمل سخريتهم... ولو تبي تتركهم وتكمل بطريق الألتزام من بيثبتها ويضل معاها....وقت عصيب مرعليها ..قررت بعدها ترجع لشلتها.. وأنحرفت أكثر من قبل.. لاوصارت تكره الملتزمين وتترصد لهم وتتمسخر عليهم ... (للأسف هذي نتيجة الفهم الخاطئ لدين بعض المتشددين.. المسيئين حقيقه لدين بقصر فهمه لتعاليم وأساليب النصح..كانو سبب كبير لضلال الكثيرين بدل هدايتهم بأسلوبهم المنفر..لكن نقول أن هذا سلوكهم.. وفهمهم ماله علاقه بدين ...ولخطاء ايضا في سلبية بعض الناس... الي من غلطة شخص واحد يحكم على الدين وأهله ويستمر في الخطاء ...أنتبه لن يحاسب معك أحد..وسيسالك الرب فأعد جواب مقنع يقنعك أنت ابتداءً) ............................................................................................. صحى سعود وتوضا وصلى وبدل وجلس ينتظر أخته مل من الغرفه وطلع لصاله... حصل الهام تصلح الورد بلمزهريه ...وريحة عطرها ماليه المكان ...ولبسها حدث ولاحرج ...من زمان ماشافها كاشخه ..واستغل فرصة أنشغالها وقف على درج يتأملها أنتبه على نفسه لما رن جواله ..وهي أنتبهت لوجوده ..بس تصنع الامبلاه وقدر يرجع لوضعه كان يقول لنفسه (اييييه يسعود والله أنك خبل للحين تحبها ..أنسها خلاص كلها شهر ونص وطلقها) فتح الباب ودخلت ورود.. وبيده كم شغله شالهم عنها ..سعود وللأول مرره بحياته يحضن ورود الي تفاجئة وقفت مصدومه .....من دون أي تعبير حتى بزوجها أكتفى ببوسة جبين سعود:وحشتيني ورود... ويبعد عنها ويقرص خدها.. شفيك مفهيه.. تخيلتيني ابو شباب ههههه ورود توها تستوعب:لالاههههه ..سعود يمسك يد أخته ويدخلها لمجلس ..وناسي الهام الي واقفه عند الطاوله.... سعود:الى متى ناويه توقفين تفضلي ...دخلها وشغل الأضاءه.. وأنبهر لما شاف الضيافه الفخمه الي موجوده عالطاوله.. وأطقم الضيافه الراقيه ....بس مثل الدور وجلس بدون تعليق ورود وهي تعلق عبايتها عشماعه:مدامك بتحط ضيافه ليه متعبني...سعود:تعبي راحه ههه دخلت الهام وبيدها العصير...حطته عالطاوله وسلمت على ورود:هلا ورود شلونج وحشتيني وضلت حاضنتها كم ثانيه ورود:وانت اكثر وينج لاحس ولا خبر سعود مل من الفلم وجلس يشرب عصير..:ورود مطوله مصار سلام الهام أنحرجت :اوه نسيت نفسي تفضلي ....وتميل وتمد لها كاس لعصير سعود :عن اذنج ورود ثواني وجاي راح المطبخ وجاب الشغلات الي جابتها ورود... رتبها عطوله الي قدامه...والهام تحس ودها تذبحه سعود:يله عشان ماتقولين أني تعبتج عالفاضي...ورود بأحراج:لاشدعوه أنا والهام واحد خلهم بعدين ..خل نشوف شهالزين وتأشر عضيافه..وقفت بتروح لطاوله..مسك يدها .. وشده تجلس ..وهو جالس ياكل من الحلى الي هي سوته .. خلي الزين على قولتك هو الي بعدين ..مافي احلى من شغل أيدج يالغلا ...صبيلي قهوه بس... ورود بعد ماجلست ..حست الوضع تكهرب.. بس سعود مطنش الهام عالأخر صبة لخوها قهوه .. وجلسو يتقهون ويسلفون ..واغلب الحديث بين سعود ورود اما الهام كانت مزهريه (((ههه رن جواله وشاف المتصل الي لمحته الهام ...سعود:بعد اذنج شويات وراجع ...لاوصيكم حشو فيني هههههه وطلع وسكر الباب ورود تقوم على طول عند طاوله... وتشكلها حلويات وترجع جنب الهام ورود:ماعليج منه ..صبي قهوه خل نذوق هالشغل الزين الهام تمد الفنجال:شلون وليد معاج..ورود لاتساليني عنه شهادتي فيه مجروحه فديته الهام بحسره:الله يهنيكم ويتمم عليكم. ...وليد يستاهل وأنت بعد تستاهلين..ورود من قلب:اميييين وياج... الله يصلح الحال الهام :ورود بقولج شي بس لاتزعلين مني.. ولاتحسبين الكلام الي اقوله.. لاني ماحب أخوج ورود وحست بحزن من كلمة الهام بس مابينة:لاقولي عادي.. انا عارفه الوضع الهام:انا اعرف أني مااهتم بسعود ..وماعامله زين بس ...امممم ورود:بس ايش..الهام:أنت تشوفين أن هذا عذر أنه يكلم وحده...ورود بملامح جديه:مستحيل الهام:شفتي قتلج ماراح تصدقيني...ورود:سعود صح كان عنده سوالف... بس ماكانت توصل للكلام ...وغير كذا هو بطل كل شي ....من قبل لايخطبج ..والكل يشهد على اخلاقه ..وكيف تغير الهام:واذا قتلج أني سمعت صوتها بأذني ..ومستعده أحلفلج.. وغير أنه صار يكلمها قدامي وما كأني موجوده.. وغير كذا مره رديت وهو بلحمام وتأكدت زياده.... ولو حابه تتأكدين بنفسج... بعطيج الرقم وتصلي ورود برورد مصطنع تصب لها قهوه:والله أن كان كلامج صحيح ...فأنا مالوم أخوي.. ست شهور ونص موقليله أبد... ورجعت تشرب وهي تغلي من داخلها الهام:يعني أنت تشوفين الي يسويه صح..ورود وهي تحط الفنجال عطاوله:لاطبعا بس ليه ماتكون زوجته ...ولو ماكانت زوجته ....لاتنسين أنك أنت بعد تروحين وترجعين... وهو مايدري وينج فيه...الهام تطالعها بحده:شقدج...ورود:مااقصد شي ..أحمدي ربج أنه يسوي هالشي قدامج وبعلمج ...بس هو الي طول حياته معاج ...وأنت ماخذه راحتج... وماتبينه يشك ولا يسأل.. شحاله بظنج...مبسوط ..مرتاح؟ فوقي يالهام.. وكافي الي ضاع راحت لشماعه ولبست عباتها...ممكن تنادين سعود يوصلني الهام تهز راسها بصمت بمعنى طيب..راحت تنادي سعود وحصلته مغير ملابسه ومستعد يطلع الهام:أختك تبيك توصلها..سعود:افاا ملت بهسرعه يعني..هههه يحق لها والله ...هذي ساعه كيف لو شهر ..ومر من جنبها ونزل لورود بلمجلس...لحقته عشان تسلم على ورود.. قبل تروح ورود:مشكوره لهو ماقصرتي وخلينا نشوفج...الهام:تنورينا بأي وقت.. ورود:وانت وين خليتني وختفيت لاوبتطلع بعد سعود: ههه اسف اتصل علي واحد.. يبينا نروح سوا نشتري كم غرض.. ورانا سفره ورود تجلس عالكنب:لاهذي يبيلها جلسه وين ومع منو وليه ماقتلي...سعود:ههههه شوي شوي لاينطلج عرق... هذاطال عمرج.. قرار مفاجئ من عمي ..كورس عمل لاومع زوجاتنا ..ورود:غريبه وليد ماقالي ..يمكن بيفاجئني يحظي وأخيرا بسافر...سعود :ههههه الحمدلله وشكر من قال ان رجلج بيروح..وفتح الباب ..عموما قومي لاتأخريني وأكملج بطريق... طلعو وضلت الهام ضاااايقه ومو عارفه شتسوي كلام ورود عور قلبها وحركات سعودولامبلاته صارت تجرحها ..مهما حاولت تمثل او تطنش ................................................. رن جوالها وكانت المتصله شهد جلست تسولف معاها.. وتحسنت نفسيتها شوي.. وقالتها شهد عن حفلة توديع العزوبيه بكره (توديع العزوبيه حفلة يسونها لبنات ماقبل الزواج فيها أنواع الأستهبال والفله توديع للعزوبيه هههه عالم فاضيه وتقليعات غبيه) الهام:وليه توك تتكلمين متى يمديني أجهز ...شهد:والله أنشغلت بتجهيزات ودقيت كم مره مارديتي الهام تتذكر:أي والله صح.. المهم خلاص بطلع اشتريلي فستان.. الله يعيني عليكم الحين نحفتي سمنتي شهد:ههههه لابد منهاهشغلات يله بعد اذنج وراي شغل واجد سلام ... الهام : سلام هذي الحفله جت بوقتها لانها محتاجه جد تغير جو.. لبست وراحت السوق كالعاده بدون أذن .................................................................................................... ...... في اجواء جميله.. أضاءات رومنسيه ..كانت جالسه مع ابراهيم كاشفه ومطلعه خصل من شعرها...وفاتحه العبايه وحاطه مكياج خفيف ... كانوا يختاون عشاهم سوا بعد ماراحت عليها نومه فحولوه لعشى ليان تأشر عالمنيو:جربت هذا...ابراهيم:معاج كل شي حلو حتى لو ماجربته ..أذا ذوقج أجرب ليه لا ليان:يله عاد لاتكثر هالكلام ترى أستحي....أبراهيم:هههههه فديت الي يستحون يله شتبين بعد..أمري وتدللي وجلسو يختارون وبعدها تعشو وهم جلسين يسلفون تفاجؤ بنواف يدخل عليهم وبعده بدر ................................................................................................... خلصت من السوق بدري وقررت تزور أمها بدل بكره لأنها بتكون مشغوله بحفلة شهد دخلت البيت وجلست مع نرجس.... وعاتبتها كثير على حالها ..ومن هلكلام وبعدها رجعت السوالف وضحك ..وصفت النفوس ..وبعد ساعه من جلستهم رائد:اسلام عليكم ورحمة الله وبركاته...كان داخل وهو مبتسم ..بس مايدري ليه نمحت أبتسامته لما شاف الهام رائدببرود عكس حماسه الأول :اوه لهو هنا هلا وغلا...الهام الي كانت مشتاقه لرائد وفقت وكانت ناويه تحضنه ....بس بعد ردة فعله...غيرت رايها...و صافحته برود سمر الي كانت تمشي حبه حبه:السلام عليكم...رائد ههههههه نسيتج كل ذا تمشين سمر تطنشه وتسلم عالباقي وتحضن لهو.... ويدور بينهم حديث عادي رائد يوقف:يله أستأذن بروح اجهز نفسي لسفره.... ولااوصيج يماما نرجس على سمر نرجس:من غير وصية ..بعيوني الله يسهل دربك..صح قالك أبوك ان امكم أتصلت وسلمت عليكم.. وتقول بتجي تزوركم رائد بلى مبالاه :حياها الله...الهام:رائد شسالفة هسفره..رائد يطالعها بستغراب:ليه زوجج ماقالج الهام:لا أنت قولي...رائد وهو رايح جهة الباب مستعد للطلعه:أبد كورس عمل بس شاطرين علينا ..نكون مع زوجتنا لان السكن عوائل..يله فمان الله ..سمر أنتظرج بسياره الهام بعد ماراحوا ...ماما شفيه رائد علي أنا غلطت بشي..نرجس:مافيه شي بس يمكن عنده ضغوط او تعبان...الهام الي حست ان نرجس تدري بس ماتبي تتكلم:ايوا يمكن ..يله حبيبتي برجع البيت أنا تأخرت..نرجس:الله يحفظج انتبهي لنفسج...الهام:أن شاءالله سلام رجعت البيت وحصلته كالعاده... راجع قبلها ونايم ..حست بتأنيب ضمير ...والكل صار ضدها فجاءه تروشت ونامت أستعداد لبكره .................................................................................................... وليد :يله بعد هالعشوه الحلوه خلينا نمر نسلم على أمي مدامنا قريبين ورود:الي تشوفه راح البيت وسلم على امه وجلسو شوي ..وشهد ستغلت الفرصه وأخذت ورود تشوف ايش جهزت ويش ممكن تزيد دخل راكان وحلوة الجلسه ..وراحت أمهم تجيب الحلى ..ستغل ركان الفرصه وقال لخوه عن مكالمة الهام ..وأن سعود كان وراه ...طبعا عصب عليه وليدوهزئه ..وحس ركان بغلطته وقاله أنه من بعد هالأتصال ..قرر يطلعها من حياته وينسها ..ونتهت اليله بهذا المنزل لكنها لازالت طويله فمكان أخر .................................................................................... نواف يلف على بدر ويطالعه من فوق لتحت وليان تسكر عبايتها وتغطي وجهها وتصد عن بدر ابراهيم يطالع فيهم برود ومو فاهم شالقصه بدر:شفت بعينك...نواف يتقدم ويمد يده لبراهيم:هلا والله زمان عنك شلونك يخالي شخبارك..وهو يطالع بدر بعتب ابراهيم:والله فيك الخير متذكر اني خالك وين هالغيبه.. ليان أبرك منك..الا ماعرفتنا من الأخ ليان :هذا خطيبي يخالي...ورصت على الكلمه..توني بسولفلك عنه .. ولد الحلال عند طاريه ...تفضل ليه واقف...بدر الي حس نفسه سخيف وشكه وصله لموقف حرج هاه لابس كنا بنسويلكم مفاجئه أنا ونواف .. كنا متعشين هنا.. صدفه حلوه..يله نواف مشينا نواف يله طلع نواف وهو يغلي وماترك لبدر فرصه يتكلم ..وقفه بدر بالقوه ولفه عليه: نواف اسمعني والله أسف اسف لشيطان قص علي سامحني والله ماقصدت شي نواف بضحكة سخريه:متصل علي تعال شوف أختك مع من قاعده وما قصدت شي ...لكن تدري الشرهه مو عليك ...الشرهه علي الي أشك بخلاق أختي ... واروح على كلام واحد مثلك ..سلام بدر خلاص أنهار وضاع فوق الضياع الي هو فيه وبدل مايضبط الأمور خربها طلعت ليان مع خالها بعد ماشكرته وشرحتله الموضوع ..وأنها كانت تبي تتأكد ان خطيبها شكاك وهو كان الطعم (((ههههه رجعت لبيتها وهي مقرره تطوي صفحة بدر للأبد...للأبد .................................................................................................... ...... صباح يوم جديد ينفض غبار ليله بلى ملامح صحت من نوم وبدت تجهز نفسها لحفلة شهد.. ولاتجراة تسال سعود عن سفره الي بتكون بكره وسعود أنشغل بترتيبات السفر ....ليان وهديل برضو كانوا يستعدون والاربع صديقات مبسوطات وكل وحده تبي تفاجئ الثانيه بشي مراليوم طبيعي وجاء وقت جمعتهم تقابلو مع بعض وكانت عازمه بعض صديقاتهم المقربين الي بثنوي ولجامعه وكانت سهرة استهبال ووناسه بكل المعاني جلست الهام تستريح من الرقص بعد مافرغت طاقه لاتوصف جت جنبها ليان وجلسو يسلفون عن القديم ولجديد بس ليان ماحبت تتنكد وماقالت للهو شصار مع بدر بس قالتلها أن ابراهيم مبسوط بحياته والهنوف نسته الدنيا (طبعا هذي كانت كذبه من ليان عشان تيئس الهام وتخليها تنتبه لحياتها قبل لايتركها سعود لأن الهام سألت عن براهيم وحست ليان أن بقلبها باقي شوي أمل )أنتهت السهره وتفرقو وكلن راح بيته الا الهام الي تجدد الحزن بداخلها ...وراحت للبحر عشان تخفف من ضيقها شوي .......................................................................... عند خالد وسعود كانو يسولفون ومبسوطين ويفرون بسياره يودعون بعض قبل السفر خالد: سعود الهام بلبيت...سعود:لا يشيخ فبيت خطيبتك نسيت...خالد:اوه نسيت قالتلي أمرها وربي نسيتها ههههه رفع جواله سبع مكالمات لم يرد عليها خالد:ههههه يويلي حرقت جوالي وانا ناسيه صامت من طلعت من الصلاه دق على الهام وقالتله أن السواق جاها و انها عالبحر..خالد:انت ماتعرفين الساعه هذا وقت تمشي..عموما ..حلو أنا قريب....الهام :ماشي أنتظرك كلمت الهام سواق يروح وجلست تتمشى لمن يجي خالد بهالحضة لمحت راكان وراحت له كان جالس وياطالع بسلسال الي اهدته أياه الهام..وناوي يودع التذكار الوحيد منها..ويرميه بالبحر فزع لما سمع صوتها وراه وحس أنه يتوهم الهام:السلام عليكم ركان ويحط سلسال بجيبه:وعليكم السلام.. الهام شتسوين بهالوقت هنا الهام:اتمشى والحين بيجيني خالد ..بس شفتك قلت أسلم ركان :الله يسلمج وصد عنها الهام:شفيك عسى ماأزعجتك بهلحضه وصل خالد بس رن جواله وأشر لسعود ينادي الهام على مايكلم شهد نزل سعود وهو متأفف ووصل وكان يحاول يكذب عينه بس ماقدر قرب أكثر وانصدم لماشافها واقفه قريبه حيل من واحد ماميزه مين بس المهم رجال سعود بصوت يرتجف:والله كفو عليج يابنت الأكابر الهام لفت تتأكد من صوت وتتمنى من كل قلبها يكون مو هو أما ركان ضل واقف وما تحرك ولا تجراء يلف سعود يلف عنهم: أسف قطعتكم ... وراح بخطوات سريعه ..الهام:لحضه خلني افهمك سعود الله يخليك..ولف عليها ودفها عالارض بشمئزاز وراح... ركب سياره..وخالد يساله بالأشاره عن الهام قاله راحت مع سواق ماتبي تركب معي ..حرك بسرعه حرك مشى خالد وهو يكمل سوالف مع شهد بينماسعود خلاص حس أن الهام تجاوزت كل لخطوط الحمراء ..وماعادت تناسبه ولا تشرفه كزوجه...هو تعمد مايخلي خالد يشوفها لانه مايبي الموضوع يكبر... الهام اتصلت على سواق:وضلت تبكي شممكن تقول..وأكيد بيقول لخالد وبتصير فضيحه...ياربي أنا شسويت ركان واقف يشاهد بصمت حمد ربه مليون مره أن ربي نجاه وصار الموقف كذا أنتظر لما جاء سواق الهام وركبت رمى سلسال وركب سيارته وهو يستغفر ويحمد ربه أنه نجاه من فضيحه وموت محقق.. (لاتغتر بطول ستر الله عليك ..فالله يمهلك..لكن أذا لم تتب كشف ستره عنك) .................................................................................................... .. دخلت البيت وماتدري أيش ممكن يسوي فيها....ماتظن هليله تمر على خير...دخلت غرفة النوم ...شافته جالس عالكنب وأول مادخلت طالع ساعته...بدري ليه ماجلستو شوي...اسف ..اااسف خربت عليكم...عموما ترى ماقلت لخالد شي..مو عشانج ولاخوف عليج..بس مابيه يوصخ يده فيج...الهام:لاتقول عني هالكلام أنا مو بنت شوارع..سعود :يطالعها من فوق لتحت...ويتكتف أوه أسف مانتبهت أنج توج راجعه من بيت صديقتج كنتو تراجعون قران بثلث ليل الأخير...الله يهديني صاير شكاك ومااحاسب على كلامي المهم ياشي....جهزي شنطتج لسفرة بكره ولاتحاولين تسوين أي حركة غباوه ..لاوالله افضحج عند عمي وخلي قلة حياج تنفعج...وطلع وصفق بالباب وتركها تبكي بكل الم نزل المجلس ونام وهو خلاص عازم ان بعد هسفره يطلقها.. صباح اليوم ثاني حصلها جاهزه وجهها ماله ملامح من البكاء ماحن عليها ولا هتم وصلو المطار وأقلعت الطياره وبعد ساعه من الأقلاع شالت غطاها لف عليها وطالعها بنظره حاده بس هي عندت ولاكانها تشوف قام من جنبها وراح يشتريله شغله ..رجع ماحصلها بمكانها...تلفت يمين ويسار ماشافها رجع وقال اكيد بدورة المياه..مرت ربع ساعه مارجعت..بدا يقلق ويسال المظيفات الي طمنوه وراحو يتأكدون من دورة المياه والكفتريا...بهذي لحضات أعلنت الطياره عن هبوطها بمحطتها الأولى(ترازيت)وتبدل الركاب طبعا هو والهام كانو ماراح ينزلون ولمفروض يكونون بمقاعدهم صارت الطيارة فوضى مع حركة الركاب وصار زي المجنون يدور بدون فايده والمضيفات قالو أنهم ماشافوها... واعلن الكبتن تأخر الأقلاع الى أن يتم العثور على الهام يترى وين راحت؟؟؟؟ ........................................................ انتظركم بفارغ الصبر توقعاتكم بدر وليان؟ هنوف وبدر؟ ركان؟ عامر؟ رائيكم بالبارت حتى الجمعه القادمه كونوا بخير أحبابي [/size] |
|
#130
04-20-2015, 04:53 PM
| ||
| | ||
| بسم الله الرحمن الرحيم السلام عليكم ورحمة الله وبركاته كيفك انشاء الله يخير بارت جد ناري ورائع شكرا تسلم يدك بدر وليان؟ اعتقد انهم بيتصالحوا مع بعض ويحبوا بعض هنوف و وابراهيم؟ يارب يطلقها ويرتاح منها ياااااارب ركان؟ اعتقد انه بينكشف لكن قلب سعود ابيض ويسامحه :madry: عامر صراحه مرره حزنني نفسي تجي عنده واحرره من السجن واثبت برائته بس هذا الي يستحقه خان اعز اصدقائه وترك الحياة تلعب فيه الهاام وسعود اااه ااه مررره يحزنووني يارب يتصالحوا ويرجعوا لبعض ااه يا قلبي قلبي يعورني عشانهم ااه وفي امان الله
__________________ سبحان الله وبحمده سبحان الله العظيم . . ساكورا قائدة منقذو الوطن ...في دولة اسبرطة |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية بنات فله والشباب عله جنــآآن لآ تفوتكم | دكتورة الحب | روايات و قصص بالعاميه | 15 | 05-28-2015 12:12 AM |
| روايه (( ثلاث بنات بثانوية عيال )) كامله لا تفوتكم حماس | شاربة بيرة و مدوخة ديرة | أرشيف المواضيع الغير مكتمله او المكرره او المنقوله و المخالفه | 142 | 02-26-2015 08:08 PM |
| رواية رومانسيه وجريئه بنات عو وقلبهم ماعزهم (سعوديه ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 17 | 10-02-2010 08:14 PM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
