|
|
#146
05-09-2015, 05:46 PM
| ||
| | ||
| من جد البارت يجنننن الاحداث حلوة ومشوقة كثير ما بعرف ليش بس عم تصير شخصيه سعود حلوة الحقيقه حلوة شخصيته وكل الشخصيات مميزة بــ شئ وايضا اعتذر على التأخير بأنتظار باقي الفصول سلام
__________________
 |
|
#147
05-17-2015, 03:07 PM
| ||
| | ||
| اعتذر حبايب قلبي عن تأآخري بتنزيل لبارت لأن الكمبيوتر ضرب أعدكم غدا ببارت يستحق الأنتظار ...شكرا لكل من مر هنا |
|
#148
05-18-2015, 11:39 PM
| ||
| | ||
| البارت السابع ج1 ...بس طمنت نفسها ....أنه ممكن يكون السواق يبلغها بوصوله نزلت وراحت للباب ورفعت السماعه:مين وصلها صوته الي ألجمها وجمد الدم بعروقها...رمت السماعه لمن هز الباب وقال:............. .................................................. ............................................... مساء لورد ...سمورتي...ممكن تفتحين لحبيبج الباب كان قلبها يدق وهي ميته خوف وتدعي أن الله يسلمها وما يوصل لسواق بهالوقت ...وتكبر السالفة وأهل رائد يدون...ركضت غرفتها وهي ماسكه بطنها ...وميته بكاء.... ....اوووه ...رديييي....اه يقلبي ام سمر:هلا سلام عليكم سمر:لحقي علي يمه ...مو قادره تتكلم ...وضرب الباب يزيد أم سمر:شفيج ...توج ماكملتي يومين بتاسع....ردي وقفتي قلبي سمر تاخذ نفس:يمه ..فهد ..فهد ام سمر تضرب على صدرها وكأنها استوعبت الي يصير بدون ماتتكلم بنتها...وتوها ركزت بصوت الجرس ...سكرت الخط على طول من غير متودعها .........ام سمر:وي جعل تحسب على بليسك ياقليل الحياء....الله يعين قلبج يوخيتي من وين طلع لها هالولد ...رد ....الله لايوفق العدو ....حسبي الله ونعم الوكيل فيك ........فهد كان حاط يده عالجرس ..ويطالع بشاشة جواله ويبتسم :هههههه ....لحقت تستنجد لف وركب سيارته وهو يضحك بستمتاع.....بعد ما رسل لسمر (شفتي كيف أقدر أوصلج لو كنت أبيج بلقوة....بس أنا حبيت أعطيج درس وفرصه تفكرين سلام).. ...................................... طبعا سمر كانت تدق على أمها وخطها مشغول ...وشافت أنسب حل تكلم نور تجيها مع أخوها قبل لايوصل سايق أهل زوجها لانها ميته خوف ...وحاسه أنها محتاجه تروح للمستشفى وفعلا عشر دقايق كانت نور عندها ....وخذتها عالمستشفى.... د.سمية:مايصير يأختي أنت حامل ودخلتي بشهرج ...لزم تتجنبين الأنفعالات لما شافت سمر تصيح ..وتحسس على بطنها ..وتبكي بقهر...ومو حولها لفت على نور:لازم تنتبهون لصحتها كويس ...وفهمو...زوجها وصوه عليها ...شكلو مزعلها حيل.. نور مو عارفه شتقول:أن شاء الله ..بس كيف البيبي...وهي تتألم صارلها شي ولا بس مقهوره؟ د.سمية:لاالحمدالله...مافيها الا العافيه...بس تقلصات.. قوية شويه..وشكل أختك شوي رقيقه ههه نور بضحكة مجاملة:أي حيل ....مشكور حبيبتي...نقدر نمشي... د:أي خلاص ...ولااوصيكم خلوها ترتاح ...وجهها شاحب شوي شكله ماتتغذى كويس... نور:بأذن الله ..بنريحها وكل شي بيصير تمام..يله فمان الله وخذت أختها وسندتها هي وشغاله ورجعو لبيتهم بعد ما بلغو نرجس أنهم جو وأخذوها ................................................................................................... فهد (وهذي البداية والجايات أكثر ...هذا الي يعطي فهد ظهره...) ................................ في أجواء مختلفه تماماً الموسيقى والبخور وأنواع الوناسه الهنوف:بس خلاص عبير مقدر....ظهري...ليطيح ولده ويبلشنا عبير:ههههههه...من قصبج ترقصين هنوف تميل فمها يمين ويسار :لزم اسوي الواجب.....عرس رفيجتي وما أرقص ...عشتو الله يعينا الحين عالأسطوانه...اف غثيث عبير:خفي عالريال...يوم وداج بيت أهلج سويتي مناحه ....وداقه تشتكين ...والحين صار غثيث هنوف:يحياتي أنا أعوف ما أنعاف...مو هو الي يرميني بيت أهلي...أنا الي اطلب الطلاق بكيفي وبلوقت الي يعجبني عبير تتحمد عليها:مريضه الله يشفيج...خل أقوم أرقص أحسنلي وقامت عنها قبل لا تقول أي كلمه... هنوف بغرور ترجع شعرها وقلبها يغلي:غبيه..شهربع ...اف...نفسيات وطلعت جوالها تكمل وناستها... العرس كان شرعي ...حسب طلب أهل العريس ...ولعروس رحبت بلفكرة عشان تتبارك ليلة عمرها طبعاًهذا أول زواج شرعي لهنوف...فمو عاجبها الجو حيل..زعالم متستره وأنيقه بنفس الوقت مافي غير شلتها الي صايرين ....محط أنظار المعازيم...هذا وهم مجتهدين يتسترون ههههه (وهنا بنقول لفته ونصحح نظره غلط عند عالم وايد...يحسبون الزواج الأسلامي..كراميش ولا طيور الجنه هههه...طبعا لاهو نفس الي فيه موسيقى لكن بدف لحاله..بدون اورج ولا خرابيط لكنه نفس الأغاني بس العدله الي مافيها غزل فاحش ...وهزو لصبح بلحلال ههههه) ..................................................................... كان هذا أول زواج تحضره بعد عزلتها...لبسها مكياجها ...كل شي فيها غير ...سلمت على أخت العروس الي حست بتوترها فوصلتها أقرب طاوله منها ...وراحت تستقبل ضيوفهم كانت واقفه متسمره بمكانها ودموها متجمعه بعيونها.. لفت تتأكد من أخت صديقتها انها بعدت وبنفس الوقت ...تدعي بقلبها أنها ماترفع راسهاوتشوفها عشان تهرب ما تبي تشوفها... بس للأسف رفعت عيونها وضاعت لحروف...جملة وحده قالتها بمشاعر مختلطه....وهي تسكر تلفونها ..وتوقف بشويش:باي أكلمك بعدين.. (شغلو خيالكم معاي وتخيلو الوضع بلحركة البطيئه...ههه) ...................... هبه لفت على طول ماتبيها تعب نفسها...كارهتها وكارهه نفسها لأنها جات...بدت تبتعد وهي تتلفت تشوف مكان فاضي ...ماتبي حتى رفقت السوء الي كانت معاهم... وقفتها يد هنوف:هبه ممكن نتكلم شوي....ثواني ماباخذ من وقتج وايد.. هبه طالعتها من لفوق لتحت وهي تفك يدها بهدؤ وبشمئزاز:أسفه....أنا ماعرفج... الهنوف تصرخ ويدها بخصرها:لايبنت ال(عيلتها)...مابقى غيرج تردين علي بهطريقة...منو أنت...بدت تسب طبعاً....هبه كملت طريقها وهي تحرك شعرها ...وتتمايل..بنعومه... بفستنها الأسود. الامع والأنيق..ومو كأنها تقصدها...وهالشي خلى الناس تطالع بهنوف على أنها سوقيه...ومشكلجيه بينما طلعت هبة بصورة الملاك ...المسالم طبعاً جتها أخت العروس....وسحبتها معاها...وسكتتها ...وهالشي زاد غصب هنوف..وحست بولاده مبكره (ههههههه....تستاهل)....ولبست عباتها وطلعت ركبت تكسي مو قادره حتى تنتظر أحد... .................................................................................................... ......رجع البيت يدندن وهو مبسوط ومروق....من زمان مانبسط ولا سهر...الضغط الأخير بلعمل نساه نفسه...صعد الدرج وهو متأكد من الي فباله لكن كان يقول بخاطره(يمكن يطيح عليها العقل..هالمره بس) دخل حجرته ماتعب روحه ولا دور ...خذ دش...وبعد ما طلع أتصل فيها ................................. كانت توها راكبه التكسي ...ومعصبه وتنافخ....رن المره الأولى عطته مشغول على ماتجلس....وتوصف لتكسي...وبعدها دقت عليه وقالته أنها ربع ساعه وهي بلبيت طبعا أبراهيم صارت فوق راسه علامة تعجب ...وجلس يطالع ساعته ...يبي يتأكد: معقول بترجع ثنعش...شصاير...لاومعصبه....هههههه قلعتها هذا الي ماتطيع زوجها وبعده أتصلت على واحد من الي تكلمهم وقعدت تفضفضله ...ونقطع الأتصال لان بطاريتها فضت ونست تشحنها قبل تروح من العجله... رمته بالشنطه وهي معصبه ولفت عسواق الي من بدت تكلم وهو يهز راسه.. ويتبسم .. (كأنها تكلمه ههههههه)وناسه لهنود ........................... هنوف بعد ماخلصت مكالماتها:بط بهلعيون..تحسبني ماشوفك ...وجع .... معلوم طريق...ولا لا السواق:..................... هنوف:الحين أنصمخت مساع أذنك ...شكبرها معاي...معلوم ولالا السواق:ايه عرفته....الهنوف توسعت عيونها وتغطت بسرعه برتباك: سعودي السايق وهو يطالعها بالمرايه:أي سعودي ياقلبي...ليش خفتي...بوصلج لتخافين ...وعلى شفايفه بسمه شريره هنوف تتصنع القوه وتحط رجل على رجل وهي دمها ناشف:ليش أخاف...بتاكلني يعني... ضحك من قلبه على نبرة صوتها الي باين أنها بتبكي بس ماسكه نفسها....وهي نقزت من ضحكته العاليه ...فزاد ضحك أكثر ...وهنا الهنوف تذكرت أنها مسلمه (ههههههه)وبدت تدعي..ودموعها تنزل.... مهند(السايق):وااضح أنج مب خايفه ورجع يضحك...اوك بوصلج وعد...بس بنتمشى شوي أوك.... هنوف ترد بعد محولات أنها تضبط صوتهاولازال عندها شبح كبرياء:نتمشى شورنا..بتخوفني يعني... مهند:اوك حلو تو اليل بأوله ....تبين مكان معين ولا على ذوقي...تدرين...على ذوقي..وطلع فيها من الشارع الرئيسي على شارع فرعي بأناراة خافته... هنا هنوف تخلت عن كبريئها وصاحت بصوت مسموع...مهند:ليش الصياح يقلبي...توماصار شي...كل هلي كلمتيهم يعني ماطلعتي معقول ...شالفرق أنج متعرفيني.... لاتطمني ...بنتمشى بس.... ومرت ساعه ونص ....وجوالها مغلق..ومارجعت البيت...وتصل بخونها مايدرون عنها ....................................................................................... عند هديل ونواف نواف يشرب ماي واقف ورها ساند نفسه على طولة الطعام بينهم قرابة الاربع امتار :ليش ماتعشيتي زين يقلبي... هديل:مو جوعانه حيل...نواف:مو جوعانه ولا زعلانه...هديل ساكته نواف:بكره بوديج ...اليوم تعبان عشان كذا ماوديتج... هديل:سلامتك ماتشوف شر...خلاص مو ضروري ...الباقي بخلي البنات يشترونه نوااف يحضنها ويبوس راسها:يشينج اذا برطمتي خلاص عاد هديل ههههه:ممكن تهدني عشان أكمل غسيلي...الصحن بيطيح من يدي نواف:ارضي وهدج...هديل:والله رضيت.. نواف:الحين تصبحين على خير ....والله يعيني... بكرة ماتنفع لزبيريه... لزم البس جوتي رياضه...هالوعد بطلعينه من عيني...وراح وهو يضحك وهي ضلت تضحك ومبسوطه وتدعي ربها من قلب انو يديم محبتهم ...خلصت وراحت تكلم ليان ويكملون ترتيباتهم... .................................................................................................... .... في غرفتها ايام العزوبية لازالت تبكي ...ولخوف متملكها.... كلمت رائد بس رد عليها بجفاف...ففضلت تسكر مو ناقصه دخلت عليها نور نور:وبعدين...خلاص عاد...ماصارت....قتلج من أول قولي لزوجج رفضتي...الحين تحملي والله يسمر اذا ماوقفتي هالعزا..بتصل بالهام وأقولها الي صار... سمر:اص ولا كلمه مالج دخل فيني...طلعي وسكري لباب... نور ترفع حجبها وتتكتف:متأكده من كلامج...سمر تأشرعالباب وهي ساكته نور:اوك انتظري تلفون من الهام...سمر طبعاً طنشتها ورجعت على حالها بس وقفت دموعها لما شافت الهام يتصل بك.... سمر ضبطت صوتها وردت وهي مقرره ماتتكلم لما تسمع كل الي قالته لها نور... شقالتلج دخلي بلموضوع.....الهام:يكافي شبلاج ...ردي زي الناس سمر:تكفين الهام لاتزيديني على الي فيني..الهام:شفيج يقلبي ليش مب راضيه تعشين...كل هذا شوق لرائد ههههه....ترى اذا صار بولده شي بيزعل... سمر: شقالتلج ام لسانين... الهام:الا جزاها الله خير تقولنا شتسوين بروحج...شدعوه ماكمل ست ساعات...وصومتي روحج ...شلون بتكملين لسبوع....يله قومي غذي ولدنا..ولا ترى بعلم أبوي سمر فرطت من الضحك...وهي تطالع نور تسويها حركات بوجها...انها خوفتها عالفاضي الهام:بسم الله عليج ...شفيج... سمر:اقول باي انت عندي وحده هنا ابي أتفاهم معاها... وسكرت بوجه الهام المسكينه...ومجرد ماوقفت كانت نور واصله الصاله الي تحت هههه وتصارخ بصوت عالي:فيج خير نزلي ..انت ودبتج..وتمدلها لسانها... وسمر قررت تنزل لها ...ونتهت ليلتهم بمطارده بلحركه البطيئه تتخلها أستراحه ههههه (ههههه كفو ينور) .................................................................................................... ... فبيت الهام الهام نزلت لصاله وهي تتحمد على سمر وجنونها المفاجئ..... حصلت أمها وابوها يسولفون الهام:ماشاءالله يبدو أنكم مستمتعان جدا...وببتسامه:هل أنصرف؟ كرستينا تشيل نظارتها وترمي القلم الي بيدها وتفتح يدينها:لاياصغيرتي تعالي .....جلست بحضن أمها وباستها.. محمد:وانا خلاص راحت علي كرستينا:حدثنا بلفرنسية لاحاجة للعربيه الأن الهام:ههههههه ماما هناك أسرار يجب الا تعرفيها وغمزت لبوها وضحكو...وراحت لبوها وباست راسه وجلست قبالهم الهام:ماهو مشروعكم القادم؟ كرستينا:ساسافر بعد غد..الهام بتكشيره: ليس مجدداً... الأم بحنان تروح تجلس جنبها:عزيزتي ماري...أسبوع واحد فقط..هل نسيتي صفقتي التي حدثتكم عنها سأنهيها على وجه السرعه...وأعود لأرعى حفيدي وصغيرتي.. الهام تحضنها:ماما أحبك..لن ادعك تسافرين بعد هذه المره اتفقنا..كرستينا:اتفقنا محمد:الحمدلله ....مشى الحال..مدام تفاهمتو....قوليلهم يحطون عشانا...سحور مو عشى الهام:ههههههه من عيوني....وراحت كرستينا:اعرف ماذا طلبت منها...محمد:ماذا؟كرستينا بحماس:أن يضعوا العشاء.. محمد:واو أنت براعه جدا وشديدة الذكاء....كرستينا:هههههههه..لاتتمسخر أيها العجوز وجلسو يدردشون ويتمزحون وتعشو ونوم العوافي للجميع(طفو لمبات) .................................................................................................... ...... عوده لحفل الزفاف هبة أنسطت كثير وتعرفت على بنات جدد..يناسبون حياتها الجديده..كل شي تغير للأفضل ورجعت لربها..وحجابها...وحتى السواق تأثر من كثر ماصارت تنصحه..وتوديه هو وشغالتهم لمكتب لجاليات..للمحاضرات... شوفت هنوف هزت كيانها..لكن أصرارها على نسيان مضيها ..رجع لها توازنها...وقررت تكمل درستها...وتبدا حياة بلى معاصي (واخيرا يهبه طلعتي من السلبيه وستفدتي من دروس الحياة...وعقبال كل بنات المسلمين الله يمن عليهم بالهدايه ويثبتهم) . ......................................................................................... فهد:هلاوغلا خالتو ام سمر:ورايق يلي ماتستحي... فهد:افاا ليش شسويت ام سمر:لاتستهبل....وتتغيبى علي فهدبروقان ويمثل الجديه:لاجد خالتي شفيه ام سمر:اسمع عاد بناتي لاتقرب منهم...الدنيا مليانه بنات...استح علو وجهك وتسنع.. فهد:أن شاء الله بس تراني ماسويت شي يخالتي لاتظلميني ام سمر:اقولك بنتي بغت تسقط بسبتك وانت قاعد تمثل...علبالك بصدقك... فهد:والله انكم بهالعيله مالكم غيري ....كل شي براسي سكرت بوجهه وهي معصبة...ومتشككه...مستحيل بنتها تتخيل...وبنفس الوقت ماعندها دليل.. وفهد مو راعي شر...شلون صار كذا فجاءه...شلون .................................................................................................... ..... ليان خلاص قررت تخلي زوجها أسطورة وتفرح بكل التفاصيل.. أتصلت على بدر بنبرة طبيعية جدا .. ليان:الو مساء لخير بدر يطالع ساعته:هلامساء لورد طفي الاب وقام..وقف بلبلكونه...يبي يستمتع بكل لحضه حتى لو مو على مزاجه بدر:شهالشي الضروري ...الي مخلي أميرتي تتصل ليان:هههههه...اميره مره وحده بدر بحالميه:يديم هالضحه... ليان:اممم ممكن خدمه صغيرونه... بدر يغمض عيونه ياخذ نفس بهدؤ:عيوني لج ليان بزله:تسلم عيونك بدر:شقلتي...ليان:ابي نطلع..سوا ابي أتكلم معاك شوي... بدر:بخصوص...ليان:ندردش بس توعدني وعد تقولي الحقيقة بدر:على حسب نوع الحقيقة... ليان:ليش شخايف منه...سوالف تطير بلهواء بدر:عجل ليه تبينها..الذيب مايهرول عبث ليان تمثل الزعل:اوك خلاص أسفه كلن يرى النااس بعين طبعه...هذا وانا اقول أبي أفتح معاه صفحه...ونتقرب أكثر.. بدر:أسف..اسف يحياتي...بس والله اعذريني .....انت تعرفين ليش قلت هاكلام ليان:اوك فهمنا باي..وسكرت بدون ما تخليه يكمل وهي تضحك على تمثيلها المتقن...وتبادلو المسجات لين تفقو يطلعون بكره المقهى مع بعض .......................................................................................... خلاص مخه بيطلع وين يدورها...يخاف يتهور وتطلع بلعرس..ومكذبه عليه ياترى أنت وين يهنوف وييييييين .................................................................................................... ...... أنتظروني بالجزء الثاني غدا مع أحداث سعيده |
|
#149
05-21-2015, 01:46 AM
| ||
| | ||
| مساء لحب للأروع متابعين.  ...تعبت من الأعتذار ...عندي كلمه واحده...لوكان النت رجلاً لقتلتهغضب1البارت السابع ج2 فتحت عيونها على صوته:لوسمحتي قومي ...صحصحي...يارب شهالبلشه...ويحط على خشمها منديل فيه عطر...فتحت وفزت ..الله يخليك لاتلمسني مهند مرر يده بشعره بضيق وأشر لها :أقول اذلفي ...أنزلي بسرعه.. هنوف:وين اروح... مهند:مامر عليك هشارع...متشوفين بيت من ذا هنوف لفت مكان مايأشر...كان واقف بأول شارع بيتهم...مايقدر ينزلها عند البيت وبهالوقت... هنوف تنزل بسرعه وتركض من غير حتى ماتلف عليه...وهو ضل تابعها بنظره لمن دخلت وراح لبيته وهو طول الطريق يتذكر الي سواه ...وهو ندمان على تجاوزه... (مهما بلغت غيرتنا على بنات بلادنا..تضل هناك حدود..فهذه تضل أعراض) ......................................................................................... كان جالس على الكنب وماسك راسه ويزفر بضيق....ويدعي من قلبه فز لما سمع صوت الباب...هرول لها ومسكها بسرعه ..لما شافها تترنح..ودموعها تسيل على خدها...خذ نفس ومشاها للكنبه وجلسها...وضعها مايأهل لنقاش...واضح من بهذلتها...وشهقاتها انها صادقه....انتبه لعباتها الي فيها غبار وكعبها مغبر.. بعدثواني من الصمت هنوف بصوت مخنوق :اسفه....وحضنت ابراهيم الي اكتفى بأنه يفك يدها ويبعد عنها...وقف بس وقفته يدها:الله يخليك خايفه...لاتخليني...وصارت ترجف بشكل غريب وهي تغمض عيونها وتسكر اذنها ...كأنها ماتبي تسمع شي..... ابراهيم يشيل يدها من اذنها...وبدت تصرخ :مابي أسمع....انا مو كذا...رجعني بيتنا... كان يناديها ماتسمعه... يهزها برضو ماتتجاوب....تخربط بكلام كثير شي يفهمه وشي لا... لم زاد بكاها...ورجفتها وصراخها....صطرها بقوه ...لأنه عرف أنها دخلت بهستريا فعلا..سكتت وصارت ...بس تصيح....وتترجاه يسامحها....صار يمسح على راسها...ويقراء عليها قران لمن سكنت حركتها ونامت..سدحها عالكنب وهو متحسر على حاله ...مايدري وين كانت..ولا وشصار فيها...أستغفر من الخواطر الي طرتله....وقرر يجلس جنبها لما تصحى ومر عليهم اليل وهي تفز...وهو ينومها...الى ماطلعت الشمس...وسكنت حركتها.. .................................................................................................... ...... الساعه سبعه صباح يوم جميل يطوي أحداث كئيبه.... صحت مروقه ومنعنشه ...قررت تتناسى سعود شوي....لبست لها فستان بيت ناعم...ورفعت شعرها بطريقه حلوه ...وحطت روج خفيف..انبسطت من شكلها..مررت يدها على بطنها وبعدها رصت الفستان عشان تشوف بطنها...مدة شفايفها بتكشيره وقامت تطالع فبطنها وتمسح عليه: يله عاد أكبر خل ماما تفرح ....مشتاقتلك ....ضحكت على هبالها هذا توه ماتحرك ومتحمسه شلون بعدين نزلت الصاله لقت ابوها يفطر راحتله وباست راسه...محمد يطالع ساعته:ماشاء الله القمر صاحي بدري ...عسى خير....الهام ببتسامه:أبد جاني نشاط...قلت اروح أكمل تجهيزات لزواج ليان محمد:ايه السالفه فيها سوق قولي كذا...الهام:ههههه لاوالله ...توها خطرت على بالي... محمد:بس أنتبهي لاتنسين انج حامل...هله هله بركاده... الهام تأشر على عيونها:من عيوني...محمد وهو يوقف:تسلم عيونج...يله فمان الله الهام:يبه أجلس معاي شوي ..من زمان مافطرت معاك...محمد وهو يشيل شنطته الدبلوماسيه: ابد بكره أنزلي بدري تحصليني... الله أكبر ...وهه هذي الشيخه بعد قايمه مبكر...يله لقيتي أحد يشجعج سلام..الهام:بحفظ الله... وصلت كرستينا وحضنت بنتها من وراها وباست راسها:تبدين رائعه ماري..لدي طفلة جميلة...الهام:توقف وتبوس امها:عيناك جميلتان ..لذلك هي تريني هكذا...امممم..وان كنت جميله..فلاشك بأنك الأجمل كرستينا تجلس:اوه ماري ...انت تبالغين...لم أعد فاتنه هههههه... الهام:ههههه بلى انت كذلك...الهام وتذكرت سفرت امها وكشرت:ستغادرين اليوم كرستينا وهي تطالع بصحنها ماتبي تشوف تعابير بنتها:عند الخامسه...لازال لدينا الوقت لنستمتع...الهام:اذن مارأيك أن نذهب سوياً الى السوق...كرستينا بصراحه ماكانت فاضيه بس بنفس الوقت ماتبي تفوت أي فرصه تقربهم من بعض أكثر:اممم لاباس...ولكن لساعه ونص فقط... الحركه الكثيره لاتناسك الأن...الهام:كما تريدين وجلسو يتفطرون وبعدها جلسو يسولفون...دخلت عليهم نرجس:السلام عليكم كرستينا والهام:وعليكم السلام....نرجس:أردت أن اخبركم ..بشيئ كرستينا ببتسامه:تفضلي ...ماذا هناك...نرجس:اريد أجازه ...الهام:أجازه؟؟ نرجس:انجبت أبنتي..ومولدها الأول ...وارغب بسفر لرؤية حفيدي...كرستينا الي فز قلبها ...وتمنت تكون مكانها:بطبع عزيزتي هذا من حقك...ولكن ..اتمنى أن تسافري بعد عودتي...نرجس بضيق:حسناً...شكراً...وطلعت الهام:أمي ..أظنك تشعرين..بما تشعر به الأن...كرستينا:نعم....لكنك حبلى ...وبحاجه لرعاية الهام:ماما ...أنا لست طفله...استطيع تدبر أمري...ثقي بي... كرستنا تتنهد:حسناً...كما تريدين ...ووقفت....سأنهي اعمالي حتى العاشره...وبعدها سنذهب..أتفقنا...الهام ببتسامه:أتفقنا وراحت بعدها لنرجس وبشرتها..وطبعاً سعادة نرجس لاتوصف...بس طلبت منها..تحجز على أخر...الأسبوع...على أساس تحضر معها زواج ليان....عشان ماتتهوروتنسى نفسها.. وتكثر رقص هههههه.... .................................................................................................... .... صباح جميل يتسلل الى قلوب كناري الحب ...بكره رحلتهم...بيرجعون لسعوديه فليوم بينتقمون من نفسهم ...بتمشيه....هههههه..... قام على صوتها قوم خلود بسك نوم....خالد ...يسكر اذنه بصابيعه شهد :شقاعد تسوي....خالد:مابي أسمع صوتج...شهد تكتفت...جلس خالد بسرعه:لالالالاتفهميني غلط...جاهز لزعله...مابي أسمعه لانه يخدرني...وغمز لها.... شهد قامت من سرير:ياربي من هرومنسيه ا لزياده...ماشاء الله عليك ...شغال طول ليوم خالد وهو ينزل من سرير:لاتحسديني...ترى بتغير وبتندمين...بصير ...عضه بصبح وسطار بليل شهد :هههههه....ههههه...مالك حل...مرجنبها وباسها...وكمل طريقه:وانت بعد ...حلاج ماله حل...ودخل يتروش راحت تجهز وهي تضحك...على سوالف ...خالد الغرام..الي ماتنتهي .................................................................................................... .. صارت الساعه تسع فتحت عينها وجسمها متكسر....من نومة الكنب لفت شافته نايم وهو جالس...طالعت بشكلها..وهي تعض على شفايفها بحسرة...وفشله...وكل شعور ممكن تتخيلونه...عدلت نفسها...واول ما حركت رجلها بتنزلها:اااااي فز ابراهيم مع أنها ماكانت صرخه ...وشافها تفرك ركبتها ودموع متجمعه بعينها راح لها.:تألمج...هنوف :هزت راسها بمعنى نعم....ابراهيم:تبين اوديج المستشفى هنوف تهز راسها بلا....ابراهيم:خليني أشوفها...كشف عن ساقها وشاف كدمه زرقاء...وبركبتها.... خدش ...اثر طيحه.. او احتكاك.. ابرهيم:انت طايحه؟...هنوف :ايه....ابراهيم:دقايق وراجع...راح يجيب شنطة الأسعافات وهي رجعت بخيالها ليلة أمس... .................................................................................................... رجع عشارع الرئيسي بعد لفه طويله...وكان يكلم ربعه ويلف عليها ويرجع يكلم...وهي ماعندها غير الدموع موقف لاتحسد عليه... مهند وهويكلم:الي يضيع ثقة أهله يخوك ..يستاهل الي يجيه...حرام لامو حرام هي لوكانت سنعه ومتربيه ...محد تعرض لها...المهم انتو بلستراحه...زين ضبط الجو....حلوه وبس ....ولف عليها وهو يرص على الكلمه :تهبل اوك شوي واصل... هنوف:انت ماعندك خوات ...متخااف الله....مهند:ههههه أسمع من يتكلم ....من الي ميخاف الله ومتعطر...وكاشخ...وراكب لمزين اخر ليل...ويغازل ويواعد ...وهو متزوج سكتي بس...وضبطي مكياجك قربنا ههههه...صرتي تخوفين ...بس تطمني أنا مالوث يدي بشكالج... عندي عرض ..اخاف عليه..وعسى هالمره تكون درس لج.. عصبت هنوف وضربته بالشنطه على كتفه بقوة...وبدت تشمخه...أختل توازنه ويده رخت من على الدركسون ..وصار يبعدها وسياره تمشي لوحدها أنتبوا على سياره جايه بوجههم صرخت هنوف وطاحت...بينما السواق ضرب بريك قوي ومهند كذلك ولف عنه وصار ارتطام جانبي بس خفيف ...من رحمة الله فيهم..وتفاهمو وكلن كمل طريقه... وجودها معاه خلى الرجال يتنازل.. (وهذا لشي يشكر لشباب السعودي خاصه ولكل عربي أصيل..انهم يراعون وجود المراءه فيتجاوزن كثير ) مهند بعد مامشى وانتبه أنها فاقده للوعي...جلس يستغفر وعرف أن هذي عقوبه..له من الله وتنبيه..لأنه تجاوز .... ..مع أنه كانت نيته بس يأدبها ...بس بعد لكل شيئ حد وقانون... .................................................................................. تنهدت بضيق وهي حاسه بحتقار لذاتها......الي صار هز كيانها.... أقوى موقف يمر عليها بحياتها...بالأضافة للي صار بلعرس ... (ااااخ يالهنوف وشالي قلب الموازين....يترى ولدج موجود ولا مات...) وقامت تمسك بطنها...بحزن ...قطع سرحانها صوته:خايفه عليه غمضت عينها....استعداد لسهام الجديده....ماتقدر تدافع ولا تقول شي من أمس ساكت....وراجعه بهيئه...مخزيه...وبرجلها كدمات.... يعني أي تفكير ...بيفكر فيه ماتقدر تلومه...وصمتها...يعزز موقفه أكثر أبراهيم:اذا تستاهلينه....الله مابيحرمج منه...أنت تبينه..حافظي عليه..ورح لرجلها يداويها بصمت حست كلمته طعنتها...هي كانت تحس أنه مافرح بحملها...بس ظنت عشان الخبر وصله وقت غلط....بس لحين حست من جد أنه مايبه... (ليه يعني هو مايبيه....هو ضناه هو بعد...ضناه)ونزلت دموعها...بينما هو خلص علاجها ابراهيم:تحسين بشي....هنوف بفشله:لامشكور....ابراهيم بتلميح:تبين شي قبل لااروح..بخاطرج شي هنوف:لا سلامتك...ابراهيم:الله يسلمج...انا تصلت بأمج وبترسلج شغاله...واذااحتجتي شي دقي...وراح عنها.... مالها حق تطلب منه يضل معاها زي أي زوجين...اكتفت بالصمت ,,,وهو غير ملابسه وطلع .............. ابراهيم(ماني سالج عن شي...اذا انت عندج كبرياء وغرور....انا عندي برود يجمد مشاعرج ويقتلج...) وراح الشركة منفسه الوحيد... بعد ماقراء رسالتها الي قالتله فيها احداث امس بس طبعاً مع تغير للحقايق... .................................................................................................... ...... لبست وتجهزت وطالعت نفسها بلمرايه....نزلت وحمدت ربها أن أمها مو بصاله...ماتبي تعليقات ام نواف السحريه ههههه ركبت السياره....السلام عليكم صباح الخير بدر:وعليكم السلام ...صباح الحب... ممكن تجين قدام....ليان نزلت وركبت قدام بدون نقاش:ركبنا...يله على وين رايحين... بدر بكل دهشة الدنيا:انت متأكده...انج بخير... ليان:ههههههههههه...ليش شايفني أشق هدومي مشى بدر بدون مايرد....مو مصدق ...وليان تضحك بقلبها مرو من جنب مكان كافي...ليان:بدر...بدر بدون شعور:عيونه ليان:تسلم عيونك...اشتهيت القهوه ممكن ....بدر وهو يلف عند الكشك:بس قهوه...تامرين أمر..هنا زحمه شرايج أخذ من الي قدام ليان:هذا قهوته فن ...ودونات شي ثاني....بدر وهو يوقف:والله ماردج...تبين شي ثاني...امم أي شوكلاه على ذوقك...بدر:اموت عروقان...اجيبلج كل الي بلماركت ليان:تسلم...نزل والابتسامه ماليه وجهه...وهي بعد كانت تبتسم لكن لسبب ثاني رجع ومعه كيس شوكلاته كل انواع الدنيا...وكوبين قهوه ...ودونات...اشر لها تفتحله وفتحت الباب وخذت منه الأغراض...ليان:اله اله كل هذا ...وايد بدر وهو يمشي:عقبال ماتشتهين وانت حامل بولدي...ليان كبتت حرتها(ايه معليه,,هين):ان شاء الله...بدر:لالا مابي احسد روحي أنت مو ليان...ليان تمثل الجديه:ماعرفنالك صرنا حليوين...ماعجبك...شدينا ماعجبك...شالحل... بدر:لايقلبي بلعكس أنا طاير من لفرح.....أن شاء الله دوم تصير حياتنا كذا ليان ضحكت لاشعوري...بدر بستغراب:شفيج....ليان :ابد مستمتعه بكلامك بدر فهم أنه مو هذا السبب بس ماحب يخرب وناسته وداها لكباين علبحر أول ما وقف....ليان:ليش وقفت هنا..بدر:موهذا غرامج..حجزت كبينه...ليان خافت من فكرت أنهم يصيرون لحالهم:اممممم أقولك شي ولا تزعل.. بدر:تفضلي...ليان:امممم بصراحه من بعد ذاك اليوم...ماصرت احب البحر...وأحسه يجدد أحزاني بدر وهو يدق سلف:لا يبه أنا ماصدقت نروق....وين تبين أمري....ليان:أي مقهى...بدر :صار نزلو لمقهى..قسم العوائل وجلسو... ليان:طبعا لاتطلب لي شي خلاص فل...بدر:براحتج... ليان:اوك خلينا نتكلم الحين بصراحه بس..صدقني أني مابي افتح جروح...بس أبي أعرف...كلشي عن ..وسكتت شوي ...زوجي بدر ابتسم لما قالتها وحس أن قلبه فز:مدامج قلتيها...وعد اقولج كل شي.. ليان:كلشي ...كلشي...بدر:ليان لتخوفيني منج...ليان:ليش أخوفك...هو كلام قتلك ...يعني لو عرفته...شبيضرك... بدر:صورتي بتهتز....ليان(أي صوره الي تهتز....انكسرت من زمان) بدر:شفيج ساكته...ليان:لاتخاف مابتهتز...انا جايه ..أنهي الماضي.... وبعد عشان أقولك:ان هزوج ماراح.............. ....................................................................................... توقعاتكم: عن البارت بصفه عامه اراكم بالبارت القادم كونو بلقرب  |
|
#150
05-21-2015, 01:17 PM
| ||
| | ||
|
السلام عليكم و رحمة الله و بركاته كيف الاحوا ل ؟؟ ان شاء الله كلوو تمام البرات رائع حقااا و سردك عم يتحسن كل مرة بلكي لانك ما كنت متعودة اول شي و صحيح اللهجة غريبة علي بس مدري حبيت الرواية من اول بارت و هلئ صرت دائما استناها و متشوقة للبارت الاجاي و اكثر اللي رح يصير لالهام و كمان باقي الشخصيات انا بانتظارك لاتطولي في امان الله
__________________ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية بنات فله والشباب عله جنــآآن لآ تفوتكم | دكتورة الحب | روايات و قصص بالعاميه | 15 | 05-28-2015 12:12 AM |
| روايه (( ثلاث بنات بثانوية عيال )) كامله لا تفوتكم حماس | شاربة بيرة و مدوخة ديرة | أرشيف المواضيع الغير مكتمله او المكرره او المنقوله و المخالفه | 142 | 02-26-2015 08:08 PM |
| رواية رومانسيه وجريئه بنات عو وقلبهم ماعزهم (سعوديه ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 17 | 10-02-2010 08:14 PM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
