|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#146
09-19-2013, 11:18 AM
| ||
| | ||
| ((نـــــــــــــــــــــرجع للغرفــــــــــــــة راكان ... طلعت أمه بتروح تشتري لها غدا وهي جالسه على لحم بطنها ... راكان لما طلعت أمه فتح عيونه علطول وهذا يدل انه ماكان نايم وطول الوقت كان مغمض عيونه بس ... حس بنارا بس مافتح عيونه وشاف مين هذي .. توقع انها ممرضه او دكتور ... رفع جسمه بتعب ثم طلع كتاب وقلم من الدرج ... وبدى يكتب كل اللي بباله وبداخله ... مثل كل مره اذا حس انه مخنوووق من شي يبي يطلعه ... ماله غير مذكراتـــــــــــــــــه .... بهاللحظه دق جواله .... حط القلــــــــــــــم ثم التفت ياخذ الجوال .... سمع ضجه برى غرفته في الممر .. استغرب شسالفه ... بس طنش ورد ... ((أما الضجـــــــــــه اللي برى كانو الممرضات يروحون ويرجعون على غرفة الجد .. بعد ربع ساعه ... طلع الدكتور بضيقه ثم قال لهم :~ البقيه بحياتكم ... ((التوأم حسو بصدمه .... صحيـــــــــــــح عمرهم ماقد شافو جدهم الا من خلف القزاز وهو مريض بالمستشفى .... بس الصدمه عليهم كانت قويه ... ماتوقعو انهم راح يفقدون شخص من لحمهم ودمهم ... لا والأساس برضو اللي هو الجد ... أما العم بندر صدمته كانت أقوى من الجميع .... جلس على الكراسي يحاول يستوعب ... فيصل بسرعه جلس جمب بندر وهو يقول :~ انت بخير ..؟؟ ((تنهد بندر وعبرته خانقته ... وده يبكي بس موب قادر ... حاس الخنقه والصدمه بداخله مانعته حتى من الكلام ... ((بعــــــــــــــــد أسبــــــــــــوع كــــــــــــامل ... حظرو العزى ونظمو كل شي ... بالقصـــــــــر ... والمعزين يدخلون ويعزون بتوااااافد كبيــــــــر ... بما انو المرحوم له سمعته الكبيره بالرياض ... بس كل من دخل يستغرب وجود فيصل اللي أول مره يشوفونه ... الكل توقع انه أجنبي بس لما تكلم يستغربون أكثر والفضول يكون أكبر عندهم ... أما من جهة البنات ماكان فيه أي زوار بما انو معروف عند الكل ان هالقصر مافيه حريم ولا بنات غير الخدمات ... هشان كذا كانو البنات الثلاث جالسين جمب بعض ... نارا سااااااااااااكتــــــــــــه ... أمـــــــــــــا ليــــــــــــان تبكي ومن قلب وكأنها لها سنين وهي تعرف جدها ... بس الحرقه اللي بقلبها أكبر لأنها تمنت لو تجلس مع جدها اللي طول عمرها تحلم لو كان عندها عائله كبيره اللي جابوها ... بس مابقى لهم غير عمهم بندر ... أمــــــــــا تولين حاطه رجل على رجل وتهزها بملل وهي تطالع أظافرها ... نارا التفتت على تولين ثم كشرت من وضعها ... قربت نارا من ليان ثم حطت يدها على كتوفها وهي تقول بحنـــــــان غير معتاد من نارا :~ خلاص ليان قطعتي قلبي صج ... بسج بجي ... ترحمي عليه وأدعي له .... ((ليان تحاول تسكت بس موب قادره وهي تبكي أكثر وتتذكر أمها اللي ماتت وأمها اللي سافرت ولا كلفت نفسها تتنازل وتجلس عندهم وتربيهم حتى لو انهم كبار ... بس العمل عندها كان أهم ... رجعت له وتركت عيالها وتفقو على اتصال بينهم ... بس للحين مادقت عليهم ... ولا هم دقو عليها ... ((مرت ثلاث أيام زياده ... بالصالــــــــــــــــه ... الوضع بالقصـــــــــر كان هاااادي ... العم بندر بغرفته ماطلع منها ... أما فيصل طول وقته نايم وبس يعد الأيام عشان يرجع للإمارات ... فاقد شلته وفاقد الجامعه وجو الإمارات ... ماتعود على السعوديه ولا على أهلها ... ولا حتى جو العز هذا اللي هو فيه .. والخدم يخدمونه بأي شي يبيه ... حس بطفش كبييييييييييييييير وهو موب متعود يقعد بالبيت .. بس مشكلته مايعرف أحد بالسعوديه ولا يعرف شوارعها أو أي شي ثاني ... يفكر ببنته ميما طوووول الوقت .... خايف لا يكون فيها شي .. رغم انه كل دقيقه يدق يتطمن عليها ... بس أغلب الأوقات العجوز يالله ترد عليه ... وبالويل يقدر يفهم منها كلام أو تسمعه ... يبي يرجع للإمارات .. يبي يرجع للبنته ... خايف عليها وبقوووه ... ((نرجع للصاله الكبيــــــــره ... نارا منسدحه وتفكر في يزيد شلون بتحصله بالرياض .... وهي موب عارفه شي ... ماسكه الجوال وماتدري تدق أو لا ... أمــــــــا تولين جالسه ومتربعه على الكنبه وهي تتفرج على القنوات وحاطه على قناة فاشن ... أما ليان جالسه بالجهه الثانيه ومره تطالع في نارا اللي مزلبتهم ... ومره تطالع في تولين اللي خاشه جو حماس مع عرض الأزياء ... تحس ودها تتكلم معهم ... تبي تعوض كل الأيام اللي راحت ... بس محد عطاها وجه ... ولا حتى أخوهم فيصل اللي ساحب عليهم كلهم بغرفته ... -(ليان بتردد :~ آآآ ... ماتبون تغيرون الجو شوي ؟؟؟ ((ولا كــــــــــأنهم يسمعونهـــــــــــا )) -(ليان حست بتوتر كبيررر ثم قالت :~ طيب ماتبون تاكلون شي ؟؟؟ ((برضــــــــــو لا من مجيـــــــــب ولا حتى التفتو عليها )) (حست انها لو تسكت أحسن ... بس نارا قامت من سدحتها وراحت عنهم وهي حاطه جوالها على أذنها ... نارا وهي واقفه بعيد عنهم خاااايفه لو مايرد عليها يزيد بعد التفكير كله اذا تدق او لا .. رن كثير بس مارد .. لما جت بتسكره بخيبة أمل ... رد عليها :~ آلــــــــــــو ...!! -(نارا سكرت أسماعه شوي ثم تنحنحت تبي تعدل صوتها من سدحتها طول الوقت رغم انو مافي أمل يتعدل لانو مبحوح خلقه هي وخواتها كلهم وحتى أخوهم فيصل .. بتوتر :~ مرحبـــــا يزيد شحالك ..؟؟ -(سكت يزيد شوي ثم قال :~ بخير ... -(توقعت يسألها عن اخبارها :~ آآآآ .... أبغى أشوفك .. -.................. -انت وياي ؟؟؟ -أي نعم ... -ابي اشوفك .... ضروري ... بس ماأدل شي بالرياض ... ياليت تمرني ... على ماأعتقد عنوان البيت هو ..................... البيت رقمه ....... بعد ساعه راح انتظـ.... ((سكتت لما سمعت صوت ضحكه صغيره .... بهدوء وواظح عليه الجديه قالت :~ ليش تضحك ..؟؟ -ههههـ .... لا بس انتي حسبالك احنا بالإمارات للحين ... السعوديه فيها هيئه ... فيها تفتيش بكل مكان ... يعني لو بيشوفوني معاك علطول مايحدنا الا السجن بتهمة انك طالعه مع واحد غريب ... -..................... -هههههه شفيك سكتي ؟؟؟ ... -(بعدم اهتمام واظح :~ على اتفاقنا ... انا انتظرك ... -(يزيد استغرب :~ كل اللي قلته تو موب هامك ؟؟؟ -طيب واذا رحت الشرطه ..؟؟؟ .... واذا دخلت السجن ؟؟؟ عادي قد صار لي الأعظم ... مايهمني شي ... الا اذا انت خايف فهذا شي ثاني ... -(سكت شوي ثم قال :~ طيب شبغيتي مني ؟؟؟ -ابيك ضروري .... -بس انا قلت لك كل واحد مننا بطريق ... -وانا اقول لك الحين اني بالرياض عشانك .... وابي اشوفك ضروري وألحين ... ((ثم سكرت الخط بوجهه بدون ماتسمع رده او بالأصح ماتبي تسمع رده .. خايفه لا يرفض ... توقعت يدق بس مادق ... مـــــــــــــرت ساعه كامله .... شوي الا ومرت ساعتين ونص ... نارا وصصصلت معها ... كل مره تدق مايرد ... بالأخير دقت بقهرررر ... بس تفاجئت لما رد وهو يقول :~ نارا قلت لك ماراح انسيني ... -(بعصبيه قدام ليان تولين بالصاله ونست وجودهم :~ قلت لك تمرني الحين .... يزيد انا اترياك وانت تقول انسيني ..!!! شنو لعب يهال احنا ..!!؟؟ ... هذا تالي تقديرك لي ..!! .... عموما عموما بطقاق لا عاد تمرني ولا عاد ابي اشوف رقعة ويهك .. وماعاش من يذلني فاهـــــــــــــــم ... ((ثم سكرت الخط بقهرررررر ... التفتت على تولين وليان اللي يطالعونها بتعجب ... كشرت بوجيههم ثم رقت للغرفتها ... -(تولين بتكشيره :~ مالت على هالويه ... ((ثم التفتت وكملت البرنامج ... ليان حست انو وجودها زي عدمها ... فضلت انها ترقى للغرفتها أحسن بكثير ... دخلت غرفتها وشافت بجوالها الربعين اتصال من صقر مثل كل يوم وهي ماترد .. قفلت الجوال ثم نامت ... ((بعد يومين العم بندر قرر يطلع عيال اخوه ويتمشون بالرياض ... ((بالسيـــــــــاره .. -(العم بنـــــــــــدر وهو يغمز للفيصل :~ فيه شارع أسمه شارع أتحليه ... اقولك من الحين ... لا أشوفك فيه .. -(فيصل ضحك :~ ههههه شدعوا ليش ؟؟؟ - ولا حتى شارع تركي الأول ... -(فيصل بستهبال :~ لا أحسن قل أقعد بالبيت ...؟؟ -ههههههـ كفو سنايدي ...؟؟ -(فيصل يردد ورى عمه :~ سنايدي ... سنايدي ... سنايدي ... -(العم :~ وش تسوي انت ؟؟؟ -لا بس بتعلم اللغه السعوديه ... فيها قبايل .. سعودي ومايعرف شي عنهم ... -اللي يسمعك يقول لغتنا صوماليه ولا بنقاليه ... اقول اهجد علينا ... -(فيصل :~ اهجد علينا ... اهجد علينا .. اهجد علينا ... بس الا اقول ماقلت لي وش معنى اهجد علينا ووش معنى سنايدي ..؟؟ -(تولين :~ بالله عمو لا ترد عليه تكفى ... -(العم بندر :~ وش عمو بعد انتي ...؟؟ -(فيصل مسك ضحكته :~ تحاول توظح لك انها دلوعه ... -(ليان ضحكت غصب عليها .... -(بندر :~ ههههـ اقول نارا ليش ساكته ... ((نـــــــــــارا في عالمهــــــــــا المعتاد ... الصمـــــت والغمـــوض عنــــوان لها )) -(تولين بحتقار :~ لو تحاجيها من اليوم لين باجر ماراح ترد عليك ... هذي انا متأكده انها صمخا ماتسمع ... -(بندر :~ تولين ....!!! ... ((قالها بجديه )) -(فيصل حب يغير الموضوع :~ عاد هالشارعين اللي قلت لي عنهم اتوقع هم أول شي بييهم ... -(بندر بضحك :~ أي صح انسى شي اسمه أسواق تدخل وتقز فيها ... ترى عندنا عوائل وبس ... يعني اعرس وادخل ولا جب خواتك معاك ... -(فيصل :~ لا عاد ... شنو بعد !!! ... أطربني من مالديك ... -هههههههـ ... أي وبعد فيه شي اسمه هيئه ... يعني تحاول تمر خويتك شي ولا ماشياااات ... انتبه ... -(فيصل وهو يأشر بيده وكأنه يشرب كاس ويطالع عمه ويغمز ..) ((بهاللحظه ماحس الا بصقعه على جبهته من عمه اللي قال :~ استح استح ياولد ... هالخرابيط انساها .... ترى وراك عم الحين يعني بتلف منا ولا منا اعرف حركاتك ... ((فيصل بألم وهو ماسك جبهته :~ آآآآح ياخي نستهبل شفيك قاعدين نمزح ياخي .. ((ماحس الا يصقعه على جبهته ثانيه من عمه وهو يقول :~ ياخي بعينك ... خويك أنا خويك ..؟؟.. كبرك انا تقول لي ياخي ..؟؟ -آآآآآآآآآآآآآآآآآآآخ يلعن شكلـ.... ((على راسه صقعه اقوى من اللي راحو من عمه وهو يقول :~ لاااااا انت يبيلك تربيه من أول وجديد .... ((تولين وليان يضحكون على فيصل .... ماعدا نارا اللي مالها لا حس ولا حركه ... ((لما وصلو الفيصليه ... -(بندر :~ ولو اني ماحب الأسواق ... بس بصير دليل سياحي هالمره لعيال اخوي ... يالله انزلو ... ((تولين وليان مرررره متحمسين ومستانسين دامهم بين أهلهم ... وبرضو فيصل اللي انسجم وبقوووه مع عمه ... ماعـــــــــــدا نارا ... سااااكته وهاااديه ... -(بنرد التفت على نارا وهو موب عاجبه طريقة حجاب كل بنات اخوه ... خاصتا نارا .... ماوده يضغط عليهم .... بس كانت تولين وليان يهونون عنده قدام نارا اللي ماتعرف حتى تسكر عبايتها ... -(بندر :~ نارا سكري عبايتك ... ولفي الطرحه زين ... ((وده يقول بعد تغطو ... بس مايبي يضغط عليهم من أول مره ... كل شي يجي حبه حبه ..)) ((نارا ولا كأنها تسمع أحد ... بندر ماتحمل راح وهو توه بيعدل الطرحه الا نارا دفت يده من طرف خشمها والأخلاق عندها مقفله ... ضبطت طرحتها بنفسها ثم سكرت كم زر ... بندر مارد بأي ردة فعل .. ماراح يلوم البنت من طريقة العيشه اللي كانت عايشتها خاصتا انه ملاحظ عيشة نارا السيئه من بين اخوانها ... ((لما دخلو السوق ... -(فيصل وهو يطالع البنات ... صفر بصوت واظح وهو يقول ببتسامه وسيعه :~ هلا هلا ... هلااا والله هلاا ... هلا بالزين كله هلا ... -(تولين :~ ؤففففففـ عمو بليز قل له لا يفشلنا قدام الناس ... انت ماتدري انه معروف بالجامعه كلها لقبه .. مغزلجي نمبر ون ... -(العم:~ هههههـ خليه يشوف بنات ديرته ... -(ليان تنرفزت منهم وهي تقول بصوت قصير :~ استغفرالله ... -(العم تقدم من فيصل وقبض اذنه وهو يقول :~ اللي يشوفك يقول ماشاف خير .... كنك ماتدرس مع بنات من جميع انحاء العالم ... -(فيصل بألم :~ أح أح أذني أذني ... عمي الله يهديك خربت البرستيج قدام البنات .. شف شلون يطالعوني ... الحين تلاقي كل وحده منهم تقول حرام عليك يابندر تعذب هالوسيم .. -بندر بعد هاااه ... -اه اه عمي برستيجي حرام عليك ... ((ترك أذنه ثم قال وهو كاتم ضحكته على فيصل :~ برستيج ... انت تعرف وش البرستيج ؟؟؟ -(فيصل :~ أفا عليك انا بالجامعه يسموني ... أبو الأتيكيت والبرستيج كله ... بعدين ترى الشهره عذاااب ... شهرتي بالجامعه عذبتني اتعبتني ... بس شنو اسوات غير نتصبر .. هاي آخر سنه ... ومدري شلون بيتحملون البنات فراقي ... تصدق عاد أفكر أحمل مواد بس عشان قلوب المعجبات مايتعذبون ... -(تولين :~ ياواااااثق ... -(فيصل وهو يطالعها ببتسامه :~ يحق لي دامج اختي ... -(العم بندر بصوت عالي :~ ؤوهووووه ياعيني ... ياعييييني ... ((تولين حست وجهها قلب أحمررررررررررر ... أما فيصل متعود على هالكلام يقوله ... ضحك على اخته اللي انحررررجت بقوووه ثم قال :~ اقول جذبنا جذبه وصدقتها ... اهجدي علينا ((ثم التفت على عمه :~ شرايك فيني صرت سعودي .... اهجــــــــدي علينا ... -(العم بندر :~ الحين تبي تفهمني بالإمارات ماتعرفون هالكلمه ... -الصراحه ماقد سمعت فيها الا ان كانو يقولونها من ورى ظهري عاد مأدري .... -ونعم العذر الرائع .... اقول بس انت ماتنعطى وجه ... حكيك مايخلص ... ((ثم التفت على البنات الثلاثه اللي ساكتين .. ابتسم ثم قال :~ ياخي تعلم منهم شوي .... الأدب والأخلاااق ... -(فيصل وهو يطالع تولين :~ ؤما اتعلم من تولييين مافي أمل ... ((ثم التفت على نارا وكمل :~ ولا عاد نااارا ... جان صرت المعقد نمبر تو ... ((ثم التفت على ليان وكمل ببتسامه :~ أي ليون صح ... بس الباجي شطب عليهم ... -(تولين :~ من زين ويهك عاد ... ((بعد ماطلعو من الفيصليه ...
__________________  آللحن ألآخير + زهرة الوآدي! = ألقابي |
|
#147
09-19-2013, 11:20 AM
| ||
| | ||
| راحو للتوتي كافي ((أنواع القهوه )) لما دخلو ... جاهم النادل وهو يقول :~ بدك فوء ولا تحت ... -(العم بندر :~ لا فوق أحسن ... ((بعد مارقو ... فيصل :~ هاي الطاوله أحسن شي ... ((لما جلسو بالطاوله اللي قال لهم عنها ... بسرعه قال فيصل لليان :~ مايخالف تبادليني بالمجان ..؟؟ ((ليان عادي عندها الوضع وبادلته ... بهاللحظه تولين ضحكت بصوت عالي وهي تقول :~ آآآآآهااا ... وأنا اقول شعند الولد يختار الطاوله لا والكرسي برضو .... ((ثم غمزت على مجموعة بنات بالطاوله اللي تقابلهم .... فيصل وأسلوب الثقل بدى وهو يطالع تولين :~ الحمدالله والشكر ... شفيج انتي ..؟؟ تتذيكين ولا شسالفه .. -(تولين :~ لا أبد خذ راحتك يامغغغغغزززز... أكمل ولا ..؟؟ -(فيصل التفت على عمه وهو يقول بثقل قدام البنات اللي جمبهم :~ بلاهي عمي سكتها قبل لا اتفاهم معها بأسلوب ثاني ... -(نارا بهاللحظه ضحكت بسخريه على فيصل كيف مسوي ثقل وقوي قدام البنات .. -(فيصل التفت على نارا :~ وانتي بعد فيه شي تبين توجهينه للحلو اللي جدامج ؟؟ -(نارا بهدوء تبي تقهره :~ ماشوف فيه حلو جدامي ... ((ليان وتولين علطول ضحكو ... -(العم بندر :~ أفااا يعني انا شذنبي اذا فيصل موب حلو ...!! لا تجمعين... -(فيصل :~ خلها خلها هاي الأشكال غيورين ... ((تولين التفتت على النادل بعد ماطلبو طلبهم ... العم بندر :~أقول ليان وين زوجك ماشفته من الإمارات ... -(ليان حست ان بتوتر :~ آآآ .... لا بس مشغول هو ... ((وهم يسولفون نارا ماكانت معاهم أبدا ... بلحظه لمحت شخص نغزلها قلبها ... دققت فيه وهو واقف مع بنت ... هذا يزيــــــــــــد ..!! ((بسرعه تلثمت قبل لا يشوفها ... استغربو حركتها العم وأخوانها ... نارا ماحاولت ماتوظح توترها ... التفتت شوي تطالع وين بيجلس هو واللي معه ... بس المصيبه لما جلسو بالطاوله المكشوفه جمبهم ... نارا توترت بشكل كبير كيف وجهها مقابل وجه يزيد ... ودها تقول للتولين تبادلها مكانها بس ماقدرت .. هي عارفه لو بتطلب من تولين .. أولا بترفض غرور عليها وثاني شي بيشكون بوضعها ... أحسن شي تجلس مكانها ولا تنزل اللثمه ... كل شوي تطيح اللثمه لأنها ماتعرف كيف تثبتها زين ... طول الوقت ماسكتها بيدها برتباااك .. -(العم يندر :~ نارا فيك شي ؟؟؟ -(هزت راسها بالنفي بدون أي كلمه ..) ((بالطاوله الثانيه يزيد جالس وهو يسولف مع اخته ليلى ... يزيد حس انو فيه أحد بكل دقيقه تلتفت عليه ... رفع عيونه يطالع نارا اللي ماعرفها ابدا ... لما لف بيبعد نظراته عنهم الا وانتبه لتولين وليان اللي يشبهووون نارا ... شوي الا وانتبه على فيصل اللي معروف بالجامعه ... بهاللحظه عرف ان اللي تطالعه ومتلثمه هي نارا ... التفت يطالع عمهم ... ثم رجع عيونه على نارا اللي ماعاد شال عيونه عنها ... نارا حست عليه وخافت لا يكون عرفها ... بالأخير قررت تلتفت عليه ... بس استغربت لما بعد عيونه عنها علطول قبل لا تلتفت وكأنه مايبيها تعرف انه كان يطالعها .. بهاللحظه بدت تحس بنار في داخلها ... رفعت جوالها ثم أرسلت له مسج مكتوب :~ ماله داعي تتجاهلني ... ولا عشان اللي معك ..!! ... شنو تقرب لك ولا شي ثاني ....!!!!! ... ((يزيد لما قرى المسج حس بقهر من كلامها بس حاول يطنشها لأنه يبي ينهي كل شي بينهم وتنساه ... -(فيصل بصوت قصير :~ ياأللااااه عالمعجبات .... وتروني ماخلوني اعرف اشرب الكافي براحتي ..؟؟ -(العم بندر :~ ياربي لا تتقطع ... -(تولين التفتت على البنات اللي جمبهم ... عطتهم نظره غرور واحتقار لهم ... -(فيصل بقهر :~ انتي هيه يالمغروره شلون طالعتيهم خليتيهم يرتاعون من ويهج ... -(تولين رفعت حواجبها تبي تقهره ... -(فيصل :~ حرام عليك .. لاحظ عمي تراني اتكلم سعودي الحين .. لاحظ كيف ... حرام عليك ياتولين عذبتي قلوب المعجبات حرااام عليكي .. -(بندر :~ عليكي بخشمك .... جداوي الأخ !!.... -(فيصل :~ ؤه سوري... بس ليش احنا شنو ... -(بندر :~ انا صرت اشك اني جالس مع هندي ... ياخي انت من نجد ... والحجاز هي جده واللي حواليها ... -(فيصل :~ أي ادري مسوي تعلمني ... -(بندر :~ لا والله ههههـ ... ((نارا بعالم ثاااني .... بتحترق قهر ... للدرجة انها خلااااص ودها تقوم وتعطي يزيد كف محترم ... الرسلت له رساله ثانيه لعلا وعسى يرد لها بشي او يطالعها ... كتبت :~ ماشالله أمداك تلعب على الحبلين .. ولا عشان هاي الغبيه تركتني ورديت لها ... ماكنت ادري انك جذاب ولعاب ... حسافه بس ... ((يزيد تنررررفز وبقووه من مسجها البايخ ... بس قرر انه يطنشها لين تيأس ... نارا ماعاد تحممممملت ... نست اللي جمبها والكل ثم قامت بعصبييييه .... راحت لين طاولتهم أما يزيد لما شافها جايه طلعت عيونه .... يعرف نارا متهوره ولا يهمها احد ... -(نارا لما وصلت عندهم نزلت اللثمه ثم قالت بحتقاااااار لليلى رغم الغضب اللي بداخلها والغيييره :~ جم وحده لعبت عليها بكلمات الحب ... صج ماأتفه منك الا اللي وياك هالغبيه ... انتي هيه قومي قبل لا اتفاهم معاج بأسلوب ثاني ... ((ليلى موب فاهمه شي ... أما عم نارا وخوانها موب مستوعبين نارا وش تسوي ... يزيد ماتحمل الوضع وبسرعه قال بنرففففزه :~ روحي الله يستر عليك ... غلطانه انتي اكيد ... ((نارا لييييييييييييييين هنا ماعاد تتحمل .... بسرعه رفعت كوب الكافي اللي عندهم وكبته على ليلى ... الكوب كان حاااااااااار ... ليلى صرخت وهي توقف من حرارة الكافي اللي حرقها بس موب مره بهاللحظه وقفو عمها وفيصل وبعض الموظفين راحو لها بصدمه .. يزيد فتح عيونه عالآآآخر وبسرعه قال بغضب من نارا :~ انتي مجنونه ..؟؟ ((فيصل وعمها بسرعه تأسفو من يزيد وأخته ... صارت ضجه بالمكان والكل يطالعهم بفضول ... -(نارا سحبت يدها من عمها وفيصل بحقد ... بعد ماتقدمت من يزيد وتفلت بوجهه بحققققققققققققققد وهي تقول :~ حقير ماتسوى جزمــ....... -(عمها قاطعها بغضب :~ نــــــــــــــــــآرا ...!!! ((سحبها من يدها بس نارا موب طايقه أي أحد ... دفتهم من عندها ونزلت من الدرج وهي تشتعل ناااااااااااار ... يزيد واقف بصمت ويسترجع اللي سوته فيه ... -(العم بندر :~ معليش اخوي اعذرنا ... اكيد هي غلطانه بشي ... ((بسرعه التفت على عيال اخوه وهو يأشر لهم يقومون عشان يطلعون ... ((لما طلعو من الكافي ... -(تولين تقول بصوت قصير تسمعه ليان :~ أنا هالبنت متأكده ان بعقلها شي ... -(ليان بضيقه :~ لا تقولين جذي أكيد عندها اسبابها الخاصه ... -(تولين :~ اسباب خاصه ..!!! صج انتي على نياتج ..!! هاي اصلا من يشوف شكلها مايرتاح ابدا ... بالله شوفي جم حلق حاطتها بويهها ... ولا هالجروح اللي بيدها وويهها.. -(العم بندر يصوت عالي :~ نارا وين رايحه نــــــارا ..!! ((فيصل ركض لين عندها ومسكها من يدها بقوه وهو يقول :~ وين بتروحين ..!!! ((دفته بقوه وهي تقول بضبط اعصااااب :~ بعدو عن ويهي ... ((بس ماتركوها لين ماركبو كلهم بالسياره وهي معهم ساااكته والنار تشتعل بقلبها ... تبي تبكي من يزيد اللي حست بخيانته عيني عينك ... حست بقهر كيف كانت مخدوووعه فيه وهو الحين مع بنت ثانيه وينكر انه يعرفها لما قال انها غلطانه ..!!! مجنونــــــــــــه ..!! انا مينونــــــــــه يايزيد .... صج واحد حقير .... ((السياره كانت هدوووووء من بعد اللي صار ... -(تولين ماعاد تحملت هالصمت ثم قالت بنرفزه :~ انتي هيه فشلتينا جدام اللي يسوا واللي مايسوا ... بعقلج شي انتي ..؟؟ مينونــــــــــه ..!! صج ماجذب يوم قال عنج الولد مينونـ..... -(قاطعتها نارا بغضب :~ يلعنج انتي وياه ... -(تولين شهقت وهي توها بتتكلم الا وقاطعهم بندر :~ خلاص انتي وياها .. بعدين نارا خلاص مافيه شي يستاهل انك تعصبين عشانه .. انسو السالفه وكأنها ماصارت ... أكيد كلكم تبون ترجعون للبيت ... عموما بكره الطياره الساعه ثمان العشاء ... تجهزو ... وانشالله ترجعون للسعوديه بعد امتنتهون من دراستكم هالسنه ... -(تولين بسرعه :~ انا ماعندي استعداد الرد واترك امي ... -(فيصل :~ وأنا بعد ماأتوقع الرجع ... الإمارات عشت فيها وتربيت فيها ... متعود أكون فيها وماأتوقع راح اتركها ... -(نارا :~ وانا طلعوني من حياتكم ... ((الكل سكت من بعد كلمتها ... بس سمعو ضحكه عاليه من تولين اللي قالت :~ ابركها من ساعه ... اصلا انا متأكده ان فيه غلط في اثباتات انج اختنا ... -(العم بندر قطع عليهم :~ ليان وانتي شرايك ؟؟ -(ليان بتوتر :~ ماأدري ... -(العم بنرد :~ كلكم ألومكم ماعدا ليان ... ماأقدر الومها دامها متزوجه واحد امراتي وأكيد ماراح تقدر تترك زوجها وتجي تعيش عندنا ... -(تولين :~ وأنا بعد لا تلومني .. أمي أهم عندي من الكل ... ((عــــــــــــــــم الصمت ... والأفكـــــــــــــــار متشوشه ... اللي يبي يرجع واللي مايبي ... العم مايدري شلون يتفاهم معاهم بس قرر انه يتركهم لين نهاية السنه بعد مايفكرون .. -(العم بندر :~ خلاص الحين ماراح أسألكم وآخذ بجوابكم ... بس اللي اقدر اقوله .. فكرو لين نهاية جامعتكم ... بس تذكرو ان هذي ديرتكم ومالكم غيرها لان اهلكم فيها وبيتكم .. وانت يافيصل تذكر ان شغلك ينتظرك بالشركه ... وحلالكم كلكم هنا ... وش بتسوون بالإمارات ...؟؟ ((الصبــــــــــاح الثاني ... بالجـــــــــــــــامعه ... أميـــــــــــــــــــــره جالسه بهدووووووء بالحديقه ... للحظات حست بأحد واقف جمبها ... رفعت عيونها ولقتها نجود صاحبتها ... -(نجود :~موب من عادتج جذي تكونين هاااديه .. لج اسبوع على هالحاله ..؟؟ شفيج أميره ..!! -(تنهدت بضيقه ثم قالت :~ فقدته يانجود وبقوه .... فقدتـــــــه بشكل كبير ... أحس الجامعه بايخه بدونه ... صحيح غالب الأوقات ماأحاجيه ... بس يكفي اني اشوفه من بعيد للبعيد حتى لو مانتبه لي .... -(جلست نجود جمبها ثم حطت يدها على كتف أميره وهي تقول :~ للهدرجه تحبينه ..؟؟ -وفووووق ماتتصورين .... -(نجود سكتت شوي ثم قالت :~ بس ياأميره خليك واقعيه شوي ... يعني الولد جم مره رفضج ... -(ساكتـــــــــــــــه ولا درت ) -آسفه اني اقول مثل هالحجي البايخ ... بس صج والله ... يعني لين متى بتدخلين كل شي فيه ... اذا هو مايبيج انتي لا تبينه ... -(لأميره بنبره فيها الحزن :~ لو بيدي طلعته من بالي من زمان ونسيت حبه من قلبي من أول يوم حبيته .... بدايتي معه عناد بس ماأدري كيف تحولت للحب ... طبعا حب من طرف واحد ... المفروض اكرهه من أول يوم جرحني فيه بالحفله ... هذاك الموقف في بالي للحين ولا يمكن انساه ... حقدت عليه بشكل كبير .... بس قلبي موب راضي يكرهه .... نجود انا ابي اكرهه .... ادري انه انسان سيئ ... واحد يشرب ... ومغزلجي بشكل جنوني ... ويدخن ... و.... ... وياب له بنت بدون زواج من وحده كافره ..!!! ... كل هالأمور هي بس الظاهر ... ومايندرى شنو الخافي ... بس والله موب بيدي .. أحبه ... موب قادره انساه رغم اني عارفه انه مايحبني ... خاصتا على آخر موقف صار لي وياه ... صج كان حقير بس ماقدرت انساه ... آآآآآآه يانجود الله لا يبليج بالحب اللي ابتلاني فيه ... صج الحب صعب ويعذب ... ((دق جوال نجود قبل لا تتكلم ... -(نجود :~ يؤ أميره هاي ابرار دقت دقه وقطعت قصدها المحاظره بدت ... يالله قومي نروح المحاظره بسرعه وبعدين نكمل سالفة فيصل ... يالله بسرعه ... ((لما وقفو والتفتو على ورى نجود تقدمت بتروح بس أميره وقفت مصدومه .... فهـــــــــــــد واقف يطالعها ... من متـــــــى واقف ..!! لا يكــــــــــــون سمعني ... لا لا مستحيل .. احسن شي اطنشه وأتجاهله ... ((تقدمت بسرعه من جمبه وهي رايحه... بس فهد التفت عليها وهو يقول :~ أميــــــــره ... ((بدون ماتلتفت عليه :~ نعم ... -ممكن شوي من وقتج ...؟؟ -لا مستعيله وراي محاظره .. -لا بس دقيقـ..... ((قطع كلامه لما شافها رايحه بطريقها ومطنشته ... حس بقهر كبيييييييييير خاصتا لما يتذكر الكلام اللي سمعه عن حبها للفيصل ... رجع للقروب ثم جلس بصمت ... -(برهوم :~ اقول شباب مادريتو ... -(متعب بملل :~ درينا ... والله درينا ... فصول بيرد اليوم الليل .. ياخي جم مره قلتها .. -(عبادي :~ هههه اتوقع عشرين مره قالها ... -(برهوم :~ لا صج بما انه عرف عايلته وعرف كل شي عنه لازم نساوي له حفله بسيطه ... -(متعب :~ والله فكره حلوه ومش بطاله ... -(عبادي :~ شلون طيب ..؟؟ -(برهوم :~ انا من رايي نساويها له بدون مايدري .. بكره بالجامعه ... نجهز كل شي بالقاعه الكبيره ... واللي يبي يحظرها من الجامعه يحظرها ... -(عبادي :~ صج مينون ... والإداره يالفالح ..؟؟ -(برهوم :~ ماراح يدرون ... شبيدريهم انت بعد يالخواف ... -(فهد قام بطفش وهو يقول :~ فيصل فيصل فيصل ... ازعجتونا فيه.... ؤففففـ الواحد مايقدر يرتاح الا ويسمع هالأسم ... ((ثم اختفى من قدامهم ... -(عبادي :~ شفيه هذا مينون ؟؟؟ -(برهوم :~ انا اقول لكم ... شكله فاقده ... -(متعب :~ تصدق ..؟؟ ... والله شكله ... -(عبادي :~ منو متى فهد رومانسي ... -(متعب :~ وش دخل الرومنسيه بالسالفه ..؟؟ -(برهوم :~ ههههه ؤما فصول ... والله وطلع سعودي واحنا ماندري ... -(مساعد :~ واحنا كل يوم مطلعين له ديره اجنبيه ... -(متعب :~ الله لا يلومنا ... من شكله الواحد مايصدق انه خليجي ... -(برهوم :~ أي مادريتو ترى امه روسيه عشان جذي شقاره مايى عن عبث ... -(عبادي ومساعد ومتعب :~ احلف عاد مسوي يايب شي يديد ...!!!.. -(برهوم بطيحة وجه :~ هههه لا يعني بس اقول .... """""""""""""""""""""" ((بالليل بعــــــــــــد ماوصلو للإمارات .... وهم بالسياره كل واحد بيرجع للبيته ... ماعدا نارا اللي قال لها فيصل تجي وتسكن معاه بدل ماهي جالسه ببيت غريب سنتين ... زين اللي متحملينها بالقبو ... نارا بالبدايه ماوافقت بس لما فكرت فيها انها بتفتك من وجه نوف وافقت ... ((التوأم وهم بالسياره كل واحد وبتفكيــــــــــره يقول .... اللللآآآآآآآآآآآآه ياااازين الإمارات وأهلها .... لها فقده دبـــــــــــي ... شلون بيطاوعني قلبي وأتركها وهي ديرتي اللي عشت فيها ... ((ومن هالأفكار اللي تجي ببالهم وهم يطالعون شوارع دبي من شبابيك السياره ... فيصل اول ماوصل علطول قلبه مع بنته ... اول ماشافها ... -(ميما بزعل :~ ماحبك ... -(فيصل وهو بيضمها دفته على قوتها بخفيف ... :~ لييييه ميما ... شمساوي لج انا ..؟؟ ((نارا واقفه تطالع فيهم ثم راحت تدور لها غرفه .. بس مالقت غير غرفة فيصل وغرفة المخزن ... قررت انها ترتب المخزن وتنام فيه لو عالأرض ... """""""""""""""""""""" ((أما توليــــــــــــــن ... دخلت البيت وهي حاطه قلبها على يدها ماتدري ليش خايفه تشوف امها بعد اللي صار .. على انو ماسوت شي غلط بس رغم كذا خايفه ... لما دخلت الصاله وبيدها شنطتها .. تلتفت يمين يسار تدور أمها ... حست انو البيت هادي رغم انو الساعه 12 اليل ... رقت للغرفة أمها بهدوء ... طقت الباب بس ماردت ... فتحته ببطئ وهي تطل ... لما شافت النور طافي وأمها نايمه .... ماحبت تزعجها .... جت بتطلع بس ماقدرت .. تحس بشوق كبيره للأمها وتبي تسلم عليها ... -(تولين بدون صبر :~ مـــآمــــــا ...؟؟ ((هــــــــــــدوء .. وصوت المكيف هو اللي تسمعه )) -(كررت بحزن كبير وشوق :~ راقــــــده ..؟؟ ((نايمه )).. ((توقعت انها فعلا نايمه .... سكرت الباب بهدوء والعبره خانقتها ... أمها فتحت عيونها ببطئ بالظلام وهي أصلا مانامت ... بس تحس بضيقه كبيره من بنتها ... صحيح بنتها ماسوت شي غلط خاصتا انها شاورتها قبل لا تروح ... بس تحس ان بنتها بتروح منها سواء اليوم ولا بكره ... بما انها عرفت عايلتها وخوانها ... خلاص بيوم راح تروح عنها ... نزلت دمعة حسره .... ((أمــــــــــــــــــــا من جهه ثانيـــــــــــــــه ... في أعلى طابق بالبنايه ... ليان فتحت باب الشقه ... دخلت شنطتها وهي تطالع اذا صقر فيه او لا ... خاااااايفه منه لأنها سافهته طول مكالماته وماترد عليه ... لما دخلت وسكرت الباب بعدها والدنيا ظلام ماعدا الشباك مفتوح وأنوار الشارع يطل منه .. حست براحه لعدم وجود صقر ... توها بتتحرك من مكانها الا وحست صوت وراها يقول :~ مرحبا برجعتج ....!!!.. ((حست من صوته الهدووووء والغموض ... التفتت بهدوء وبخوووووف ... ماردت او بالأصح ماعندها شي تقوله ... -(صقر واقف يطالعها رغم انها موب باينه مره ... تنهد بضيقه بدون ماتحس ثم ابتسم بتصنع وهو يمد يده لكتفها وسحبها بهدوووء له .... ضمهــــــــا بهدوء والوضع كله صاير هاااادي ... ليان توترت أكثر من تصرفه .... أما صقر وهو يتذكر كيف كانت مبتعده عنه للأسبوعين تقريبا .... كيف حس انها سنوات ... ضغط عليها بضمته وهو يقول بضيقه :~ ليان ... طلبتج ... لا تكررينها وتتركيني ... فقدج وايد ... حياتي بدونج ولا شي ... اشتقتلج وايد ... وايد ياليان وااااااايد ... ((ليان حست بخنقه كبيره من قوة ضمته لها بس سكتت ولا قالت شي ... مابغت تقول أي شي وهي تحس بالحب الكبير اللي بداخله وكيف معذبته ...)) """""""""""""""""""""" ((بالريـــــــــــــــــــاض .... العم جالس عالكرسي بغرفته .... يطالع الأرض وهو يفكر بأبوه وعيال اخوه ... يفكر كيف انه جابهم بس بدون مايشوفهم ابوه .. كيف وعده بس ماوفى بوعده ... جابهم بس بعد فوات الأوان ... جلسو بضيقة صدر رغم انهم مايعرفون جدهم ... بندر كانت ضيقته كبيره من بعد مامات ابوه ... بس ماحب يضيق صدر عيال اخوه أكثر ... عشان كذا بآخر يوم طلعهم ولا كأن فيه شي ... يعرف انهم ماراح تضيق صدورهم على شخص مايعرفونه .. ماعداه هو اللي حزين على وفاة ابوه ... بس رغم هذا خبى عنهم الضيقه بآخر يوم وطلع يمشيهم ولا كأن صار شي ... رغم ان الضيه بقلبه وكل تفكيره بأبوه اللي رحل وتركه لحاله بهالبيت ... يدري ان عيال اخوه ماراح يرجعون له ... كاتم ضيقته لين راحو عيال اخوه للإمارات ... بس الحين مايقدر .... نزل راسه بين يدينه ودموعه نزلت عفويه ... دموع حزنه على ابوه اللي مات .. دموع حزنه على عدم وفائه بالوعد اللي وعده للأبوه ... للدرجة انه استغرق سنتين ونص ولا وفى بالوعد الا بعد فوات الأوان ... دموع حزنه على أخوه اللي مات وترك وراه هالتوأم الأربع ... كل واحد بجهه مايعرف الثاني ... يحس بحمل كبير على ظهره مايدري وش يسوي ... حتى البنت اللي حبها ... ندم قد شعر راسه انه حبها ... كرهها أضعاف أضعاف حبه لها ... بس وش الفايده ... الحين بندر وحيــــــــــــد بهالقصر اللي يملاه الخدم والطباخين فقط ولا غير ... وش بيسوي لحاله ...!!! ... ((نزلت دموعه أكثر للمجرد هالتفكير ...
__________________ آللحن ألآخير + زهرة الوآدي! = ألقابي |
|
#148
09-19-2013, 11:26 AM
| ||
| | ||
| البـــــــــــــــــــــــــــــاب السادس عشــــــــــــــــر .. الفصـــــــــــــــــــــل الثالـــــــــــــــــــــث ... ((لما راحو للإداره ... بالإخير الطلاب اعترفو علطول انو الحفله جت من قروب فيصل وللتوأم ... وكالعاده الإداره ماستغربو من هالشي بما انهم حفظو اشكال قروب فيصل ... ((لما طلعو الطلاب مابقى غير .. فيصل وفهد وبرهوم ومتعب وعبادي ومساعد ونارا وتولين وليان وصقر اللي مارضى يطلع الا ومعاه ليان .. أما يزيد جالس بالكراسي برآ عند باب الإداره ... -(الإداره :~ هه ماشالله وكالعاده الأخ فيصل وربعه ... -(برهوم وهو يحك راسه :~ استاذ لو سمحت لا تجمع ... يعني أنا ربعي غير .. هذولي علاقتي وياهم صطحيه ... يعني انا مالي خص بسواتهم ... ((طيرو عيونهم عليه اخوياه ... -(فيصل بسرعه قال :~ ياستاذ انا مالي خص .. هذا برهوم هو اللي ربطني وحلتني بالغصب للحفلتهم ... -(تولين بملل وهي متكتفه :~ ؤفففـ ... طيب وبالنهايه ...شنو بتحرمنا بعد ؟؟ أي ماده ... -(الإداره مافهمو شقصتها بس بالأخير:~ عموما أنا بخصم لكل طالب منكم درجات بكل ماده له ... وبما ان كلكم بآخر سنه ... أكيد يهمكم التخرج ... ونشوف اذا بتقدرون تتخرجون بهالدرجات ... انا سكت لكم وايد ... بس أكثر من جذي مستحيل اسكت ... -(صقر وهو يتنحنح :~ استاذ ... اذا بتحصم من درجات ليان اخصمها مني ... ليان مالها علاقه .. انا اللي غصبتها تدخل بالحفله ... ((نارا وتولين وفيصل التفتو على صقر وليان ... أما ليان اللي نزلت راسها ماتدري وش تقول ... وهي تسمع وتشوف كيف صقر يدافع عنها ويبي يحمي درجاتها اللي يدري شكثر تهمها ... ويهمها التخرج بأحسن الدرجات ... -(الإداره :~ ماأقدر انقص اخوانها وهي لا ... اكيد هي وياهم ... عموما اللي قلته بيعم عالجميع ... وانت ياصقر اذا تبي بعد تكون وياهم ترى ماعندي مانع ... ((صقر تنهد بقهر مايدري وش يقول .. بس بالأخير قرر يقول أي اجمعني مع ليان .. بس كانت ليان اسرع منه لما مسكت يده وضغطت عليها وكأنها تقول له يسكت .. صقر علطول سكت وهو يشوف كيف لأول مره تسمك يده بنفسها ... التفت يطالعها بس بالمقابل كانت تطالع الأرض .. حست بتوتر وبسرعه تركت يده ... صقر نسى كل السالفه ولهى بليان يطالعها ... ((لما طلعو كلهم .. نارا كانت الأخيره بعد ماسكرت باب الإدراه وراها ... وتوها بتكمل طريقها بس يزيد مسك يدها وسحبها بعيد عن عيون الكل ... فيصل لما التفت وراه توقع بيشوف نارا .. بس استغرب لما ماشافها ... وين اختفت بهالسرعه ... -(متعب وهو يضرب راس برهوم :~ مالت عليك .. جذي تتبرى مننا ..!! -(فهد :~ لا وبعد فصول نسى المعروف اللي ساويناه فيه ... -(فيصل وهو يضحك بمزح :~ ماطلبت منكم تساوون حفله ... بعدين انتو الله يهديكم فيه حد يساوي حفله بالجامعه ..!! ((تولين توها بتروح عنهم الا وقابلت الدكتور طلال وهو متجه رايح للمكتبه ... وقفو قدام بعض ... تولين ساكته وهي تطالعه ... من زمااااااااااااااااان عنه ... أما طلال اللي حاس بشوق كبير لها ... توتر بقووه مايدري وش يقول ... توه بيتكلم بس تولين كملت طريقها وهي ماتبي فيصل اخوها أو أي احد ثاني ينتبه لها هي والدكتور ... خاصه انها تابت من بعد آخر موقف بالجامعه والفظيحه قبل سنتين ... ((الدكتور طلال نزل راسه بأسف لما راحت ... بس بالأخير مابيده شي غير انه يكمل طريقه للمكتبه ... بنفس الوقت طاحت عينه على ليان اللي وقفت له دمه من الروعه ... التفت وراه بيتأكد تولين راحت ولا لا .!!!! ثم التفت على ليان وهو معقد حواجبه يطالع فيها .. صقر رفع حاجب وهو يطالع طلال كيف يتمقل بليان .. -(صقر :~ نعم دكتور فيه شي ..!! -(الدكتور طلال برتباك وهو يطالع ليان :~ انتي ... منو ..!! .. -(ليان خافت ماتدري ليش ..) -(صقر تدخل :~ ليش تسأل ..!! -(الدكتور طلال بلع ريقه من الروعه .... بس بالأخير تذكر لما سمع طراطيش حكي بالجامعه انو فيه اربع توائم توهم يعرفون بعض ... معقولــــــــــــــه تكون توليـــــــــــــن لها اربع توائم ..!! ((هز راسه بسرعه يبي يبعد هالأفكار اللي قلبت له راسه وكمل طريقه..)) """""""""""""""""""""" ((يزيد وهو واقف قدام نارا ورى بالسيب لحالهم ... -(يزيد يطالعها بنظرات خلت نارا تتمنى لو تنشق الأرض وتبلعها ولا انها تنحط بهالموقف قدام يزيد ... -(يزيد :~ نارا ممكن تبررين للي سويته كله ..!! -(نارا :~................ -نارا اكلمك ردي علي .. -................ -(تنهد بقل صبر :~ نارا ردي علي ... اللي سويتيه كله ممكن تبررين لي الحين هالتصرفات السخيفه اللي سويتيها ..!! -(نارا ررفعت راسها :~ طيب سمها سخيفه مثل ماتبي ... ((لفت بتروح مقهوره بس يزيد مسك يدها وهو عاض على شفايفه مايدري شلون يتصرف معها ... يحبهــــــــــا وبنفس الوقت مقهور منها .. ومايبي يزعلها ... والمفروض انه يختفى من حياتها بس ماقدر ولا تحمل ورجع للإمارات .. يعني كل محاولاته فشلت ... -(نارا سحبت يدها بقهر وهي تقول :~ خلاص فهمت .. اختك ... طيب موب انت قلت لا عاد تنقابل وبنفترق ليش رديت عيل ..!! -(بعد يده عنها ثم قال :~ طيب ليش معصبه انتي الحين .. موب المفروض انا اللي اعصب .؟؟ -لا والله ..!! ... يالله تفضل قول اللي عندك .. وبعدين انا ماعندي أي مبررات للتصرفات اللي على قولتك سخيفـــــــــــــــه ... -(يزيد :~ انا موب قصدي سخيفه ... بس تصرفاتك ماأدري شلون جايه ... يعني اول شي حطيتيني قدام اختي بموقف محرج وثاني شي لـ... ((ثم سكت وهو يطالعها كيف متكتفه بعصبيه وتطالع الأرض ... تحول كلامه الجاف الى نوع من الحنان والهدوء :~ نارا ممكن تفهميني شفيك بالضبط ..؟؟ -...................... -(يزيد التفت يمين يسار يطالع اذا فيه أحد غيرهم ولا لا .. لما تأكد انو مافيه أحد رجع يطالعها ثم قال :~ نارا أنا جيت للإمارات عشانك ... ماقدرت اجلس بالرياض وكل تفكيري فيك .. -(نارا بسخريه :~ صج والله ... لا ماشالله كلش تفكر فيني .. حتى انك ماتجاهلت اتصالاتي لك بالرياض .. ولا حتى قلت اني غلطانه او مشبهه فيك بالكافي ... -(يزيد :~ صحيح كنت ابي اقطع كل شي بين بعضنا ... بس ماقدرت .... حاولت وماقدرت .. -(بقهر كبير :~ وليش تسوي جذي ..!! ليش تتجاهلني وتبينا نفترق ليش ..!! -(سكت يطالعها ... مايدري وش يقول ..) -(نارا :~ لا تقول بعد عنك اسرار ثانيه ماتبي تقولها لي ..!! ... مو انت كلك اسرار وماتنكشف الا اذا انا كشتفها بنفسي ..!! ... -(يزيد بقهر :~ يعني شلون تقصدين اني اكذب عليك .!!! ... يعني انا كذاب ..! -(نارا :~ افهم اللي تفهمه ... بس اللي ابي اقوله ... بما انك بديت باللي سويته خلاص كمله وخلنا نفترق ... موب تتراجع جذي ..!! ... وبدون أي مبرر ... ((لفت بتروح بس يزيد وقف قدامها ثم قال :~ نارا ... تدرين اني احبك ... والله احبـــــــــــــــــــــك ... وهذا اللي خلاني ماأتحمل ابتعد عنك اكثر ... (( هــــــــــــــــــــدوء .. رفعت عيونها تطالع فيه ... ودقات قلبها تعلا أكثر وأكثر ... بلعت ريقها بتوترررررررررررر ... وبالأخير قالت :~ طيب ليش تركتني من البدايه ... -(نزل راسه بصمت ... لحظات ثم قال :~ المهم اني احبك وانتي تحبييني ... وخلينا نعيش حبنا مع بعض ... ونكمل الدراسه لين مانتخرج بهالسنه .... ممكن تنفذين لي هالطلب ..!! ... -(نارا حست بتوترررررررر .... مدت يدها على شعرها اللي ورى كيف محلوق ... ماتدري ليش حست بخجل منه ... تمنت لو انه أطول لو عالأقل بشوي ... بالأخير ابتسمت وبداخلها تضحك على روحها كيف تفكر هالتفكير وهذا يدل انها تحبه للدرجة انها تستحي من منظرها ... -(يزيد :~ شفيك تبتسمين ... -(بسرعه بتوتر قالت :~ لا مافيه شي بس ... بس كنت بقول لك يعني ... آآآ .... ((توهقت ماتدري وش تقول ... وأخيرا قالت بسرعه :~ اذا دقيت عليك رد ... ((ثم لفت وراحت ... يزيد كتم ضحكته ببتسامه .. وهي بنص السيب رايحه عنه قال بصوت عالي :~ يمه ياقلبي... شفيه قلبي ... ((نارا نزلت راسها بتضحك بس كتمتها لين ماأختفت قدام عيونه ... """"""""""""""""""""""" فهد وهو يمشي مع ربعه متجهين صوب جلستهم المعتاده ... لما طلعو من البمنى فهد طاحت عينه على أميره اللي تمشي وهي منزله راسها ... وقف بمكانه وهو يطالعها ... أما الباقي جلسو .. -(فيصل يطالع فهد :~ ياريال علامك واقف جذي ..!! ((فهد موب معاهم .. لما وصلت أميره جمبه بسرعه قال :~ أميره شحالج ..؟؟ -(أميره رفعت راسها للفهد ثم قالت بدون أي ابتسامه :~ بخير ... ( فيصل كان يطالعها ... ويراقب تصرفاتها كيف جافيه مع فهد ... فيصل بسرعه قال بصوت عالي :~ شدعوا لا سلام ولا كلام ...!! ... ((أميـــــــــــــــــــــــره جمدت رجولها لما سمعت صوت فيصل ... بسرعه التفتت عليه بصدمه ... ماتوقعت تشوفه مره ثانيه بحياتها ... حست ببتسامه على وجهها بعد مالاحظها الكل ... -(برهوم :~ هههههه شفيها تبتسم هاي ..!! -(فهد حس بقهر وبسرعه قال :~ الإبتسامه صدقه وبالذات فيكم ... ((برهوم ومتعب والباقي حسو ان فهد انقهر لأنهم يدرون كيف يحب أميره ... وأميره تحب فيصل ... عشان كذا قال متعب بسرعه :~ لحظه لحظه ... باخذ لكم صوره انتو يالثنين ... لايقين على يعض تدرون ولا ..!! ((أميــــــــــــــــــره موب معااااااااااااهم بس تطالع في فيصل وماتشوف غيره بالدنيا .. فيصل رفع عيونه يراقب ردة فعل أميره عن اللي قاله متعب بس مالاحظ شي غير انها تطالع فيه ... رفع حاجب ثم قال بعدم اهتمام :~ انتي هيه شفيج تطالعيني جذي ... -(أميره حست على نفسها ... بس ماتذكرت غير لما كانو مع بعض قدام البحر بالظلام ... هذاك اليوم ماينسى ... ابدا ... بسرعه لفت ودخلت للمبنى بدون أي كلمه ... فهد لحقها وهو يقول :~ أميره عازمج على الفطور شرايج ... -(أميره مانتبهت له .. لأنها بعاااالمها الثاني وهي تفكر بفيصل وموقفهم للبعض ..) -(فهد عقد حواجبه :~ أميره احاجيج ..!! ... -(التفتت عليه :~ هلا ..!! كنت تحاجيني ..؟؟ -(فهد :~ لا احاجي اللي يمج ..؟؟ أي احاجيج ... شفيج ماتردين علي ... -سوري بس مانتبهت لك ... ((بهاللحظه وبقوه صدمت بطالب هندي ... كانت بتطيح لولا انو فهد تلاحق عليها ومسكها مع يدها ... فيصل كان واقف وراهم بالصدفه وهو رايح للمحاظرته ... وقف ماقدر يتحرك مكانه وهو يشوف فهد كيف ماسك أميره من يدها ... أميره بسرعه وقفت عدل وسحبت يدها بهدوء وهي تقول :~ شكرا ... ((فهد التفت على الهندي بقهر وذب عليه كم كلمه بالأنقلش ثم التفت مره ثانيه على أميره وهو يقول :~ أهم شي ماطحتي .. -(أميره ضحكت :~ لا شدعوا والسوبر مان تلاحق علي ... -(فهد :~ ههههههـ عيل انا السوبر مان تبعج .. شرايج ..؟؟ -(أميره ابتسمت :~ طيب ياسوبر ... خلنا نشوف شنو بتساوي لو اختطفت ... -(فهد :~ تنخطفين مره وحده ..!! يوه عاد انتي ماينمزح وياج ... -(أميره :~ أي تصدق مره كنت بنخطف وأنا بطريق العين ... بس الله ستر وانقذت نفسي بنفسي .... ((فيصل تذكر الموقف اللي تتكلم عنه وكيف اتهمته انه بيختطفها .. ابتسم على هالذكرى ... بس بنفس الوقت راحت اإبتسامه وهو يشوف كيف الأسلوب اللي بين فهد وأميره ميااانه وراحه بينهم ... تنهد يضيقه ثم لف بيروح بس طاح كتابه من يده .. أميره التفتت علي فيصل ... -(فهد عقد حواجبه :~ فيصل منو متى وانت هني ..!! .. ماحسينا فيك ..؟؟ -(فيصل رفع كتابه ثم قال بهدوء وهو يطالع أميره :~ من لما مسكتها مع يدها ... ((ثم لف وراح ... أميره عقدت حواجبها مستغربه طريقة كلامه والأول مـــــــــــــره ..؟؟ ... حست ان هذا موب فيصل ... فيصل راح وهو شخص ثاني .... بس الظاهر انه رجع وبشخصيه غير عن قبل ..؟؟ لا لا فيه شي هذا .. موب طبيعي ... -(فهد سكت شوي ثم قال :~ ماعلينا ... هاه شرايج اعزمج عالفطور وعلى حسابي ... -(أميره ابتسمت :~ لا شكرا ... اليوم مواعده رفيجاتي نفطر سوآ ...يالله عن أذنك ... -(فهد بتردد :~ أميره .. -(التفتت عليه :~ هلا .. -(بتوتر :~ آآآآآآآآ ... آآ ... بس ابي اقول يعني ... آآ ... اذا ممكن رقمج ..؟؟ اذا ممكن طبعا .. بس اذا ماتبين براحتج ... وبنظل زملاء ... -(أميره اتسمت :~ انت اخوي مو بس زميل ... وهذا رقمي بسجله بنفسي بجوالك .. ((خذت جواله من يده وسجلت رقمها ... أما فهد كان يبي يفرح بس ماقدر لما قالت اخوي ... حس بقهر بداااااااااااخله وهو اللي يحبها بس موب معطيته وجه ... سكت شوي ثم أخذ الجوال بعد ماراحت عنه ... ((بعيــــــــــــــــــــــد عن الكــــــــــــــــــل .. بالحديـــــــــــــــــــــقه ... ميشو منسدحه تحت الشمـــــــــــــــــس ... ومغمضه عيونها والسماعات بآذانها كالعاده ... حست بجوالها يدق ... لما طالعت الرقم تأففت بملل ... بس بالأخير قررت انها ترد بعد ماكانت تطنش هالغريب بآخر الأيام ...- بس الظاهر مستحيل يتركها بحالها .. ردت بدون أي كلمه ... -(الغريب :~ هلا وغلا بالزين كله ... شدعوآ الحلو مايرد ... -.................... -طيب اذا مارديتي علي ترى ماراح اقول لج عن الخبر الحلو اللي يهمج أكييييد .. -.................... -على فكره .. الخبر يخص حبيب قلبك مازوريلا .... راكااان .. ((بهاللحظه فتحت عيونها بعد ماكانت مغمضتها وهي منسدحه ... :~ نعم شنو قلت ..!! .... -ههههههه أي أي الحب عذاااب .... بس المشكله الكل يحسبج شاذه ... يعني حبج هذا عالفاضي وخاااااااااااااااصتا ان حبيبج قرب يومه ... -(عقدت حواجبها :~ أنت هيه شقاعد تقول ..!! .. -(ابتسم :~ ياقلبي عليج ... قاعده هني ... ولا على بالج ... وماتدرين شقاعد يصير بالدنيا ... اقول لج حبيبج راكان على فراش الموت وانتي منسدحة لي بهالحديقه ... ههههه ولله دنيا .. بالله هذا حب تسمينه ..!! .. أي حب وأي خرابيط اللي انتي فاهمته غلط ... لو انج تحبينه صج جان الحين تعرفين اهو وينه وشنو قاعد يساوي بالمستشفى ... ياحلوه راكان مريض وله سنتين بالمستشفى في السعوديه ... عاد شنو مرضه ماأدري ... صحيح ان كل شي مايخفى علي ... بس مرض هالولد ماأدري يعني انتي اذا هامنج روحي وشوفي شقصته ... ((ميشــــــــــــــــــــــــو جلست من الصدمه ... تحاول تستوعب كلامه ... راكان مريض ومن سنتين وانا ماأدري ...؟. -(بسرعه كملت :~ مستحيل انت تجذب ... ((ثم سكرت الخط بوجهه ... بس الكلام للحين ماراح عن بالها ... معقوله يكون صدق ..!!! ... ((فعلا مشاعل ماتدري وش تسوي بهالحاله ... الإنسان الوحيد اللي حبته بحياتها وفكرت فيه مريض وماتدري عنه ..!! وبديره ثانيه غير الديره اللي هي فيها ... ماتدري وش تسوي ... شوي الا وتذكرت أميره ... ماتدري ليش تتوقع انها تعرف شوي عن أخباره ... بسرعه وقفت رايحه تدور أميره ... ((من جهه ثانيه ......... تولين وهي جالسه بالكافتريا ... بالصدفه طاحت عينها على جوجو اللي واقفه تطلب طلبها ... حست بضيييقه ودها تقوم وتسلم عليها أو تقول أي شي معاها ... بس ماقدرت ... فيه شي بداخلها يمنعها تقوم ... جوجو لما التفتت تدور بعيونها وين تجلس ... شافت تولين بس تجاهلتها ... لفت بتروح للطاوله ثانيه ... لما مرت من جمب طاولة تولين .. وقفت وهي تفكر ... لحظات ثم التفتت على تولين وقالت بحقد وكره :~ هنيالج طلال حبيب قلبج .... أكيد سمعتي اننا انفصلنا ... والسبب طبعا انتي ... صج انتي وحده ماعندها لا ضمير ولا اخلاق ... والله لو أقعد اتحجى من اليوم لين باجر ... كل الكلمات ماتوفي مدى حقارتج وخيانتج ... بس الحمدالله اللي ربي كشف أمرج الحين ومو بعدين .. لأن صداقتج هاي ماأبيها .... -(تولين رغم انها تأثثثثثثرت بكلام جوجو بس تنرفزت من ذبات جوجو لها باكلمات ... رفعت عيونها ثم قالت بغرور :~ يامسجينه ... عبالج انا اللي ميته على صداقتج .. وبعدين انا شذنبي اذا طلال اختارني وماختارج انتي ... شنو ذنبي اذا الدكتووووور طلال يحبني ويبيني ... ياشطوره تقبلي الواقع اللي انتي فيه ... وبلاش أحلام وأمنيات انتي مو قدها ... حبيبتي ... من البدايه واظحه .. الدكتور طلال لي أنا وبس ... الدكتـــــــــــــور طلال حبيبــــــــــــي أنا وبــــــــــس ... أما إنتي ((ثم طالعتها من فوق للتحت بحتقار وكملت :~ أطلعي منها أحسن لج واللكرامتج ياعسوله ...
__________________ آللحن ألآخير + زهرة الوآدي! = ألقابي |
|
#149
09-19-2013, 11:50 AM
| ||
| | ||
| ((ثم لفت عنها وكملت تشرب عصيرها ... جوجو ماعاد فيها تتحمل أكثر .. بتنفجر غيض وألم وحسره ... بحركه سريعه منها كبت الصحن اللي بيدها على عباية تولين ... الببسي وباقي الأكل ... ((تولين شهقت بقوه وبسرعه وقفت تبعد الأكل عن عبايتها رغم انو ماأمداها بعد مانحاست عبايتها بالأكل والببسي .... تذكرت سالفة نارا بأخت يزيد ,,,,,, الدنيا دواره . . . . . . ((تولين بعصبيه :~ ياحيوانــــــه ... ((بس مانتبهت انو جوجو راحت علطول من عندها ... تولين ودها تقوم تدور جوجو وتاخذ حقها بيدها ... بس ماقدرت من الأكل اللي موسخها من فوقها للأسفلها ... رفعت عيونها عاللي حواليها اللي كلهم يطالعونها بضحكه ... بعصبيه قالت :~ خير انشالله ... لقافه اللهم لا شماته ... ؤفـ عالقرف ... ((بس ماحست الا باللي واقف قدامها وماد لها مناديل كثيره ... لما رفعت عيونها .... كانت الصدمـــــــــــــــــــه عليها كبيــــــــــــــره ... فتحت عيونها ثم سكرتها تحاول تستوعب ... راكـــــــــــــــــــــــان ...!!! ... شجابه بالإمارات .... وكيف طلع من المستشفى ... لما رفعت عيونها تبي تتأكد من شعره ... بس شافت نفس القبعه السودا اللي مغطيه كل راسه وأذانه ... ((حست بقلبها يدق بقوه وهي تطالعه ... ماتدري ليش قلبها يدق بهالسرعه ... راكان ابتسم ابتسامه خفيفه وهو يقول :~ ماتكفي المناديل مو ..!! .. من رايي دورات المياه قريبه من الكفتريا ... ((تولين ساااااااااكته .... بس تطالع فيه ... حالق ديرتي وعظام وجهه بارزه من النحافه الزاااايده ... ووجهه اللي ماينبان لونه .... شاااحب ... وابتسامته الباهته ... حست بقلبها يدق بقوه للمجرد تشوفه بهالحاله ... بلعت ريقها ماتدري وش تقول ... بس راكان لف بيروح عنها ... -(تولين بسرعه وقفت وهي تقول :~ لحظه لا تروح ... ((التفت عليها بصمت وعلى نفس الإبتسامه الخفيفه ... -(تولين بشك :~ مو انت اللي بالمستشفى ..؟؟ -(ابتسم أكثر ثم قال :~ امبلا .... -(تولين تقدمت شوي ثم قالت :~ سلامات فيك شي ..؟؟ -(على نفس الإبتسامه الباهته من وجهه الشاحب :~ لا مافي شي ... لا تشغلي بالك ... -(مدت يدها وهي تقول :~ طيب ممكن المانديل ... -(عطاها المناديل بدون أي كلمه .... ((لما طلعت ونظفت نفسها بدورات المياه ... طلعت تدور على راكان وتدعي ربها انه ماراح ... بس شافته عند باب المبنى بيطلع ... بسرعه وهي تركض بتلحق عليه ... لما وصلت للباب صدمت بأختها نارا اللي بغت تطيح عالأرض ... تولين بدون ماتتأسف او تطالع مين صدمت كملت طريقها ... نارا التفتت على تولين تطالع شسالفتها هذي ... بس عقدت حواجبها لما شافت وجه موب غريب عليها ابدا ... وجه تحس بشووووق له ... بسرعه لحقت تولين اللي واقفه مع راكان ... -(تولين :~ وين بتروح ماقعدت وياك شوي .... يعني من زمان عنك ... سنتين مالك لا حس ولا خبر ... -(راكان ابتسم :~ ليه تتذكرينني للحين ..؟؟ -(تولين نزلت راسها بإحراج ثم قالت :~ شرايك ندخل داخل بالكفتريا ... ((سكت شوي ثم قال ببتسامه :~ بوقت ثاني انشالله .... ((لما لف بيروح طاحت عينه على نارا اللي واقفه على بعد مسافه بينهم ... راكان فتح عيونه بستغراب ... تقدم منها شوي ثم قال :~ نارا شمساويه بنفسج ..!!! ((وهو يطالع شعرها وآثار الجروح اللي بوجهها ... نارا ساااكته تطالعه بدون أي كلمه ... من زمــــــــــــــــآآآآآآآآآآآآآآآآآن عنه .... وين اختفى ... كيف رجع ... بس مين اللي شفته بالمستشفى ... شسالفــــــــــــــه بالضبط ... ((تولين كانت واقفه وراهم وتطالع الموقف اللي بين نارا وراكان ... -(راكان غمز لها بضحكه :~ للهدرجه محلو عشان تطالعيني كذا ...!! -(نارا عقدت حواجبها ثم قالت :~ وينك كل هالمده ..!! -(راكان التفت وراه على تولين ثم قال لهم الثنتين :~ لا ماأصدق ... فيه ناس تتذكرني ... الحمدالله ... أجل اذا رحت كلش بتبقون تتذكروني ... -(نارا وتولين بسرعه قالو بشك وخوف :~ شتقصد ...!! -هههـ لا أمزح ... بس كلمه وقطيتها ... -(نارا تطالع جسمه النحيف بعد ماكان ريااااضي درجه اولى ... ماتدري ليش حست بقبضه جوآ قلبها ... -(راكان قطع عليهم تفكيرهم وهو يقول ببتسامه لطيفه :~ يالله انا رايح ... انتبهو للنفسكم .. أما انتي يانارا .... تمنيت اشوفك وانتي بستايل غير هالستايل اللي نشوفك فيه دايم ... كان ودي اشوفك بنت بعيده عن بنات الإيمو ... لأني متأكد انك أحلى بكثير من انك تتخبين ورى الأسود ... ((ثم التفت على تولين وكمل يقول :~ تولين ... اقدر اقول لك مبروك ... -(عقدت حواجبها :~ ليش ..!!.. -(غمز لها بضحكه :~ الدكتور طلال ... ماتزوجتيه ..؟؟؟ -(ضحكت بخفه :~ لا .... بعدين هذي سالفه قديمه ... ونسيناها .. -(قرب منها أكثر وأكثر للدرجة انها الرتبكت ... ظب يطالع عيونها ببتسامه مررربكه ثم قال :~ عيونك ماتقول كذا ... انتي أكثر وحده تفظحها عيونها ... ((ثم كمل بضحكه خفيفه :~ ههههـ يالله الله يوفقك مع من يحبه قلبك ... انتي ونارو .... ((قالها بطريقه وكأنهم خواته الصغار اللي لهم معزه بقلبه ... -(كمل يقول :~ وين اختكم ليون ...؟؟ -(نارا وتولين انصدمو ... شلون عرف هذا ان عندنا اخت ثالثه لا وأسمها ليان ... -(راكان:~ ههه شفيكم ..!! ... -(تولين :~ شدراك ان عندنا اخت ثالثه لا وأسمها ليان بعد ... -(راكان :~ لا وبعد وين اخوكم فيصل ...هههـ ... تراني أدري انكم اخوان من قبل لا تعرفون عن بعض ... يعني لا تسوون فيها كونا ولا توقوموري ... -(تولين ونارا :~ صــــج ..!! ... -(أميره تدخلت وهي وراهم :~ أي صج .... وهو اللي قال لي انكم اخوان بس انا ماأمسك شي ... ونشرتها بالجامعه كلها ... ((التفت عليها راكان وهو معقد حواجبه ببتسامه :~ أميره ..!! ... -(أميره تطالعه بحقد مصطنع :~ اسكت لا تحاجيني يالخاين .... رحت وهديتني بدون حتى لكمة وداع ... وين كنت انت ... وين اختفيت ... والله مالك حق باللي ساويته ... تروح بدون لا حس ولا خبر ... والمشكله ان مالك معارف بالإمارات ولا جان سألت عنك ... صج صج انت سحيييب عالخلق ... -(راكان :~ الله يسامحك ... كذا رايك فيني ..؟؟ <~ قالها بمزحه .... بس أميره بسرعه قالت :~ لا موب قصدي كذا ... باعلكس يشهد علي ربي ان لك معزه بقلبي للدرجة اني فقدتك بقوه .... ونقهرت منك بالتصرف اللي ساويته هذا ... تروح بدون ماأدري .. ((تولين ونارا يطالعون أميره من فوق للتحت ... متنرفزين من علاقتها القويه مع راكان وكيف طاقه ميانه معاه ... راكان ابتسم ونزل راسه وهو يقول بحراج :~ الله يسلمك ... بس ترى رجعتي للإمارات عشانكم ... قلت اشوفكم قبل لا أسافر للأمريكا ... -(الثلاثه كلهم :~ أمريكــــــــــــــــــا .!!.. -أح لا تدفون ... -(أميره حطت يدينها على خصرها وهي تقول :~ ماشااااالله ... شعننندك بأمريكااااااا... -(راكان يضحك :ئ أفا بس أفا .. أميروه تشككين فيني ... للهدرجه بعينك انا خلاص ولا شي ..!! -(أميره :~ مو قبل لا تجاوب شعندك بامريكا ...؟؟؟ -(سكت شوي ثم قال :~ كم شغله أقضيها وبرجع .. -(تولين :~ للسعوديه ولا للإمارات ..؟؟ -(راكان :~ لا للسعوديه .... بس ماأدري متى الرجع ...؟؟ -(أميره :~ شنو هالشغل اللي ماتدري متى بتخلصه ...؟؟ -(أميره :~ هيه انتي أكلتي الولد بقشوره بلقافتج يالملقوفه ... خلاص قال لج شغل .. شفيج ماتفهمين ... -(أميره ولا كأنها تسمع تولين كملت تقول للراكان :~ للهدرجه شغل مهم عشان تروح له بدون ماتدري متى بترد ..؟؟ بعدين شنو هالقبعه اللي لابسها افسخها ترى الدنيا حر ... -(توه بيتكلم بس نارا تدخلت :~ انتي هيه ماتفهمين الحجي ... قالت لج تولين لا تدخلين ... شحقه بالله مستمره بالتدخل مالج ..!! ... بعدين شكل الولد وايد حلو بالقبعه انتي شلج تدخلين ... -(تولين استغربت من نارا انها صافه معها رغم انهم للحين مايحبون بعض وحتى محد تعود على الثاني زين من بين التوأم وعلاقتهم للحين موب لذاك الزود ... بس حست بحماااس لمجرد التفكير انها ونارا تفاهمو لو على هالنقطه ... بسرعه قالت تولين للأميره :~ انتي شعرفج بالكشخه يالقرويه ... -(أميره وهي تطالع تولين ونارا بحتقاااار :~ لا عاد .... مخليه الكشخه لكم ياحلوات ... عاد صدقو نفسهم هالخوات ... اقول انتي وياها ... منو أكبر فيكم ... هاهاااي عاد ماصدقتو انكم لقيتو بعض أكيد بعد عرفتو منو مولود قبل الثاني .. لأن اللقافه تعم الجميع ..... وبالاخصصصصص ... ((ثم عطتهم نظره وكانها تقول انتو ... راكان قطع عليهم :~ عن اذنكم انا رايح ... -(أميره بسرعه مسكت ذراعه وهي تقول :~ لا والله ماأخليك تروح ... بعدين شنو يضمن لي متى اشوفك ... ((فيصل بهاللحظه مر من عندهم بس لما شاف حركة أميره للراكان ... بدون شعور سحب يدها منه وهو يقول لها :~ انتي هيه مابقيتي ريال الا وتعرفتي عليه وطقيتي الميانه وياه ... ((فيصل لما لاحظ نارا وتولين .. كل تبن وسكت من الفشيله .. ماتوقع خواته موجودين ... -(أميره وهي تطالعه من فوق للتحت بحتقار :~ وانت شكو فيني .. لا يكون ولي امري ولا اخوي ... اقول وخر عني بس ... صج ناس ماتنفهم .. مره مصدقين روحهم ومره يحتكون ... اقول وخر عني زين ولا تحتك المره اليايه ... بعدين ماأشره عليك انت وهالخوات .. صج صج من حفره لدحديره ... ماأشره عليك دام خواتك هالثنتين وألله يستر من الثالثه لا تكون ابشع منهم ... -(تولين :~ هيه هيه انتي ماأسمح لج يالخايسه تسبيني ولا تسبين وحده من خواتي ... -(أميره وهي تطالعها من فوق للتحت :~ عاااشو والله ... منو متى وروح الأسره عندج .. مالت عليج فاهمه الدنيا غلط .... ترى موب لازم تدافعين عن خواتج .. خليج بروحج .. يبيلي اعلمج عدل .. ولا انتي شعرفج بأمور الأسريه ... ((راكان وفيصل ونارا وتولين حسو انو أميره تعدت حدودها بالكلام ... بس راكان قطع الجو وهو يبي يغيره قبل لا يقلبونها جد أكثر من كذا .. -(راكان :~ هلا فيصل ... ((فيصل لما التفت على راكان .. سكت شوي وهو حاس ان الوجه موب غريب عليه ... بس قال بالنهايه وبشك :~ انت ... راكان ولا انا غلطان ..؟؟ -(تولين :~ ماشالله بعد انت تعرفه ... -(راكان :~ أي انا راكان ... توقعت محد راح يذكرني ... -(أميره :~ اذا ماذكرناك .. عيل منو يستاهل نذكره .. ((ثم التفتت على فيصل وهي مكشره ... فيصل حس انها تتريق عليه بس ماعطاها وجه عشان ماتتمادى ... فيصل صحيح مايحب راكان بس يتذكره لأنه ماكان يهضمه من بين اللي يعرفهم ... رغم انه مايدري انه هو اللي ساعده بالحريق ولا كان الحين فيصل موب موجود بينهم .. ولو كان موجود يمكن يكون متشوه بالكاااامل ... بس راكان دفه وأخذ التشويه لما جت بظهره النار عن فيصل ... -(راكان :~ يالله انا أستأذن الحين ... وبالتوفيق للكل ... -(نارا :~ متى طيارتك ..؟؟ -(راكان :~ عالساعه ست المغرب اليوم ... -(أميره :~ لااا مالحقنا نشوفك ونشبع منك .. -(فيصل :~ ليش أكل جدامج هو ...!!.. -(أميره بوزت وهي مطنشه فيصل ... -(تولين :~ تروح وترد بالسلامه انشالله ... -(نارا بتردد كبير :~ ياليت تترك رقم جوالك يعني عشان يكون بيننا اخبار عالأقل يعني ماننقطع عنك ... ((نارا قالت هالشي لأنها كانت متأكده انه رايح للأمريكا عشان يعالج المرض اللي ماتدري وش هو بالضبط .... -(فيصل رفع حواجبه على نارا ثم قال :~ لا أحسن بعد تبادلو صور انتي وياه ... -(أميره :~ ياخي انت هيه شفيك معقد ... صج كلن من يرى الناس بعين طبعه .. ((نارا ساااافهتهم بس تطالع راكان تنتظر جوابه ... -(راكان سكت شوي ثم قال :~ ؤكي بترك لك رقم مرافق لي بهالرحله ... لأني ماأتوقع راح يكون الجوال معاي طول الوقت ... -(أميره :~ ليش ...؟؟ -(فيصل غطى وجهه :~ وهاي للحين اللقافه ماتركتها ... -(أميره :~ وانت أحد حاجاك .. ياسبحان الله يحاول يحتك بأي طريقه مايدري اني عفته ... -(فيصل ضحك بصوت عالي :~ هههههههههههااااااا.... ؤحلى ياللي عافتني ... أي افلقيني اذا صج عفتيني ... أنا فصول ولد بدر ... تعرفين وش منعى هالأسم ياحلوه ... يعني موب بسهوله تعيفيني ... -(أميره رفعت حاجب :~ مستانس بأسم ابوك انت وويهك ... بعد انا .. أميره بنت مساعد .... -(فيصل :~ بس فيه فرق ياحلوه .... هذا انا ... وهذا انتي ... -(أميره تتريق :~ لا والله ..صج أنا هي أنا ... والله معلومه يديده انت وويهك ... .اشوا الحمدالله انك علمتني ان انا هي انا ... حسبالي انا موب انا ... -(فيصل :~ هيه هيه هيه أدوختي مخي ... -(أميره :~ بسم الله عليك <~ قالتها بتريقه ... بس فيصل نزل راسه ببتسامه ... ((تولين وراكان ونارا مسكو ضحكتهم على فيصل اللي استحى رغم انو أميره قالتها بتريقه ... أما أميره رفعت حاجب وهي تقول :~ هه طالعو الصبي صدق روحه ... مااااالت ... انا اسمي عالجني ولا اسمي عليك ... -(راكان لما عطى نارا الرقم قال :~ يالله استأذن ... ((لف بيروح ... بس بالصدفه تولين شافت ليان بالحديقه ... بصوت عالي :~ ليآآآآآآآآآآآآآآآآآآآآآآآآآن ... ((راكان التفت على تولين وين تطالع .. ثم التفت على الجهه اللي تطالع فيها ولقى ليان جالسه وبيدينها كتاب تذاكر ... ابتسم وهو يطالع ليان من بعيد ... وبقلبه يقول .. سبحـــــــــــــــــــــــــــان الله .... نفس الهدوء ونفس الرزانه ... ونفس الأنوثه .... ((ليان التفتت عليهم وهي مستغربه ... واللي استغربت منه أكثر لما عرفت انو تولين اللي تناديها ... علاقتها مع خواتها وأخوها للحين مو حلوه ... بس ماصدقت ان تولين تناديها وبسرعه فزت من مكانها وهي تأشر من بعيد وكانها تقول شسالفه ... -(أميره تدخلت قبل لا تتكلم تولين :~ راااااكان سلمي عليه قبل لا يروح ... -(تولين وهي تطالع أميره :~ صج ملقوفه .. الحين هاي اختي ولا اختج ..!!... -(فيصل ضحك بصوت قصير يبي يقهر أميره :~ لا ياتولين بس تعرفين حركات اللي تحتك بعايلتنا ... يعني لزوم التشبيك من الحين بينها وبين خوات فيصل ... فيصل بن بدر بن سعـ... -(أميره قاطعته بمل :~ بن سعد بن محمد درينا .. وأزعجت ؤمنا يابوي .. خلاص ... ترى كل واحد عنده عايله موب بس انت ... ياليييل ماطولك .. لو اني داريه انك بثر جذي ماكان نشرت الإشاعه انكم اخوان وفتحت عيونك عدل على عايلتك ... وعلى فكره المفروض تتشكرني .... -(فيصل :~ ماشالله .. بشري ؤمج .... والشكر مني لج احلمي فيه أحسن لج وأقرب لج .. ماعاد الا انتي اتشكرج .... ماااالت .. -(أميره :~ على ويهك ... -(فبصل :~ يعن ابوها هالبنت لا يمكن الواحد يقدر يراددها ... كل رد له رد ثاني عندها ... وكأن الردود بجيبها متى مابغت ... -(أميره :~ لا تلعن ابوي ولا ترى لعنت ابوك ... -(تولين تكتفت بملل وهي تقول :~ الحمدالله والشكر ... ميانين موب صاحين هالثنين ... -(نارا تنهدت بملل من الثنين اللي قدامها ثم راحت عنهم لليان ... وتولين لحقتها وتركو اميره وفيصل يتراددون مع بعض ... ويتناقرون مثل قبل وأكثر يمكن ... ((نروح للراكان اللي وقف عند ليان ... ليان لما شافته علطول تذكرته ... لأنها كانت قليييل تحكي اشخاص ... وماعرفت بحياتها غير اشخاص معدودين بحياتها ... عشان كذا تذكرت راكان خاصتا انه كان اسلووووب راقي معها ... -(ابتسمت ثم نزلت راسها ..) -(راكان :~ لا يكون ازعجتك ... بس بغيت اسلم عليك قبل لا أطلع من الجامعه ... -(رفعت راسها بس ماقدرت تقول أي شي وهذا طبيعي عندها بالويل تقدر تتكلم .. الخجل عندها اقوى من أي شي ثاني بداخلها ... -(راكان فاهمها :~ الله يوفقك وانتبهي للنفسك .... وعلى فكره ... صقر رجال ... ماأتوقع راح تلاقين واحد أحسن منه ... الله يسعدك يارب ... يالله انا بروح .. تامريني بشي ..؟؟ -(رفعت راسها بدون أي كلمه ...)
__________________ آللحن ألآخير + زهرة الوآدي! = ألقابي |
|
#150
09-19-2013, 11:52 AM
| ||
| | ||
| ((ابتسم ثم راح عنها ... وهو يمشي .. التفت على الجامعه كلها ... يطالع الطلاب ... شكثر فقد هالمكااااااااااااااان وبقوه ... بعد ماكان معزم انه يدرس ويتخرج ... بس المرض اقوى منه وطيحه قبل مايكمل دراسته بهالجامعه .... عند ناس دخلو قلبه اللي هم التوأم وبعض الأبطال بروايتنا ... تذكر شخص عزيز عليه ... بسرعه قال بصوت عالي :~ نـــــــــــــــــــــآآآآآآآرآآآآآ .. -(نارا كانت واقفه تطالعه وهو رايح بس استغربت لما التفت وناداها ... بسعه ردت عليه :~نعـــــــم .. -(بصوت عالي :~ سلميلــــــــــــــــــــــي على يزيــــــــــــــد ... وقولي له اني مشتاااااااااااااق له بقوووووووووووه ... -(ابتسمت له نارا ثم قالت :~ من عيونــــــــــــي .. حاظـــــر .. ((الكل استغرب ردة فعلها .... بس سكتو ... أما راكان لما شاف ردة فعلها هذي ابتسم لأنه فهم انو الاوضاع بينها وبين يزيد شكلها عال العال بما انها ردة كذا وببتسامه بعد ... طلع راكان من الجامعه لين ماوصل سياره فخمه ثم ركب بالخلف مع السايق بما انه موب قادر يسوق وهو له سنتين ماساق .... وتعباان .... ((أما بداخل الجامعه ... ميشو كانت توها طالعه من بابا المبنى اللي واقفين عنده فيصل وأميره .. ميشو لما شافت أميره بسرعه قالت :~ وأخير لقيتج أميره ... -(أميره التفتت على ميشو مستغربه :~ ليه فيه شي ..!!! ((فيصل يطالع ميشو من فوق للتحت بحتقااااااااااااااااااار ... بعد ماصدق الكلام اللي انقال عن أميره وعن ميشو مع بعض ... حس بقرف من الثنتين عشان كذا لف عنهم وراح ... أميره مانتبهت لفيصل لما راح لانه بالها مع ميشو اللي واظح عليها التعب بالتنفس من كثر الدوران ... -(ميشو :~ راكان ... أكيد تعرفينه صح ... -(أميره رفعت حاجب :~ أي أكيد اعرفه ليش ..؟؟ -(ميشو علطول قالت :~ ايييوه ... ماسمعتي عنه أي شي ..؟؟ -(أميره بستغراااب :~ توني شايفته .. غريبه تسألين ... -(ميشو سكتت شوي ثم قالت :~ اقول لج سمعتي شي عنه تقولين توني شايفته .!!1 انهبلتي انتي ..؟؟ -(أميره :~ شفيج اقول لج توني شايفته ... سلم علينا لأنه بيسافر للأمريكا بقول عنده شغل ..؟؟ -(ميشو بروعه :~ من صجج انتي ... راكان هني بالجامعه الحين ..!! -(أميره مسكت قلبها :~ بسم الله علي لا تدفين ... أي شفيج ... اقول لج توني شايفته والحين طلع من الجامعه ... طيارته الساعه ست المغرب ... ((ميشو حست الدنيا تدور قدامها ... معقوله راكان بالجامعه ومادريت عنه ولا شفته ... بسرعه ركضت للخارج الجامعه تبي تلحق عليه ... مشتااااقه له مووووووت .... تحس قلبها يدق بقوه ... -(أميره بصوت عالي :~ ليييييه تسألين .... .!!! -(صوت وراها :~ ياحبج للقافه ... تموووتين عاللقافه ؟... -(التفتت بقهر لما شافت ان اللي تحاكيها تولين وراحت بدون ماتعطي أميره فرصه تتكلم ..) ((أما ميشو دورت دورت على راكان بس مالحقت عليه لأنه راح ... خنقتها العبره من القهررررر ... بس تذكرت أميره لما قالت لها طيارته الساعه ست المغرب ... قررت تروح للمطار من الحين وتنتظره ليييييييييييييييين المغرب حتى لو تطفش بالمطار ... """"""""""""""""""""""""""""" ((بالمطـــــــــــــــــــــــار الساعــــــــــــــــــــه ست الا ربع ... ميشو تلتفت يمين يسار .. تدور على راكان بس مو لاقيته .... حاطه قلبها على يدها وهي تتمنى تشوفه ... عقدت حواجبها لما شافت نارا وليان وتولين واقفين جمب بعض ... ونعاهم أميره واقفه بمسافه عنهم ... لما لفت راسها للجهه الثانيه شافت شخص توه داخل ومعاه شخص ثاني يحمل شناط .. بس ماهتمت له لأنه ردت بعيونها تتلفت يمين يسار تدور راكان ... بس استغربت لما شافت التوأم وأميره يسلمون عليه ... حاولت تدقق بملامحه بس الصدمه لما شافت ملامح راكان هو نفسه الشخص اللي يسلم على التوأم وأميره ... قلبها صار يدق بسررررعه ... مصدومه ... كيف تغير شكله كذا ..!!!! ... وين راكان اللي تعرفـــــــــــــــه ... ليش صار كذا نحيييييييييييف ووجهه شااحب ... بلعت ريقها اللي جف وهي تطالع المنظر الغريب اللي قدامها ... منظر ماتوقعت بحياتها راح تشوف مثله بهالشخص اللي تحبه ... ((نروح عند التوأم وراكان ... -(أميره :~ يالله عاد انتبه على نفسك ... -(تولين سكتت شوي ثم قالت :~ طمنا عليك اذا وصلت ... -(ليان منزله راسها ماتدري وش تقول ... ) -(نارا :~ انا دقيت على رقم صاحبك اللي وياك .. وأكيد رقمي عنده ... يعني لا تقطع وتنسانا ... بدق واتطمن عن احوالك ... -(راكان التفت على ليان ثم قال ببتسامه باهته :~ وانتي ليون ماتبين تقولين شي ..؟؟ -(بدون ماترفع راسها قالت بخجل :~ تروح وترد بالسلامه ... ((بهاللحظــــــــــــه سمعــــــــــو صوت المايك وهو ينادي على رحلة أمريكا ... -(راكان نزل عيونه عليهم ثم قال ببتسامه :~ يالله بتوفيق للكل ... أنا رايح الحين ... تبون اجيب لكم شي اذا رجعت من السفر ..؟؟ -(كلهم هزو راسهم بالنفي بس أميره قالت :~ أي انا ابيك تييب لي تيشيرت من عندهم .. يعني تعرف حركات الهياط عند البنات ... ابي ماركه غير اللي نعرفهم يعني ابي ماركه ماتنوجد الا بأمريكا ... -(راكان يضحك :~ ياعييييني انتي طلبك مستحيل ..!! .. عموما انشالله اقدر اجيب لك هالتيشيرت هههههـ ... يالله مع السلامه .... وانتبهو للأنفسكم ... ((راكان ظل يطالعهم وحده وحده .... ثم نزل راسه بضيقه ... -(تولين عقدت حواجبها :~ راكان فيك شي ..؟؟ -(أميره بثقه :~ شف أدري انك ماتقوى بعدنا ... بس رجاء رجاء لا للدموع ... لأني ماأتحمل هالمواقف لو سمحت يعني لوووو سمحت احترم رغبتي ... ولا ترى بصكها بجيه واتحدى أحد يفكك مني حتى لو تطير الطياره ... -(راكان ابتسم بضيقه وهو يطالع أميره حتى بآخر لحظه بينهم بتظل على هبالها ومرحها .... :~ يالله مع السلامه .... -(بسرعه قالت تولين وليان مع بعض :~ تعال بحفل تخرجنا ... -(نارا رفعت عيونها ثم قالت :~ أي صج ... لا تنسى تيي حفل التخرج اللي المفروض انه تخرجك .... -(أميره :~ ابد ترى شهادتك تترياك ... انت تعال بحفل التخرج والشهاده جاهزه لك ... -(راكان :~ بحاول .... وانشالله أقدر اجي بالحفل .... يالله مع السلامه ....وانتبهو للنفسكـــــــــــم ... -(أميره تكتفت ورفعت عيونها وهي تقول :~ مع تحيات اخوكم راكان ... ياخي انت تلقي خطاب ... ترى الطياره بتطير ... -(تولين وطت على جزمة أميره بكعبها وبقووووه وهي تقول بصوت قصير :~ فشلتينا ويعوه ... -(أميره شهقت بألم بس ماتكلمت ... راكان ضحك ثم لف وهو يقول :~ يالله مع السلاااامه للآخر مره .... ((رفع يده لهم ثم راح للداخل مدخل الطياره .... أما ميشو اللي تطالع من بعيد وكل الأفكار تجي وتروح .... لحظه تشك انه موب راكان ولحظه تقول انه هو .... عشان كذا ماتحملت وبسرعه ركضت للأميره ثم قالت :~ هذا منو ..!! -(أميره شهقت :~ بسم الله علي منو انتي ... شسالفه ... من وين ييتي ... -(ميشو :~ اقول لج منو هذا ..!!! بسرعه .. -(تولين تكتفت :~ ؤففففففف انتي ليش رازه ويهج عندنا ... منو انتي اصلا ... -(ليان بسرعه قالت :~ هذا راكان .... ((ميشو حطت يدها على قلبها اللي تحس انو بيوقف ... بسرعه لفت عنهم وهي تركض للمدخل الطياره ... بقوه دفت الناس اللي صافين بالدور ... وأربعه من السكيورتي دخلو وراها يلحقونها ... توقعو انها مجنونه اللي تركض وتنادي بأسم راكان ... وتدف كل اللي قدامها تبي تلحق عليه ... لما دخلت بالطياره التفت يمين يسار عالكراسي تدور راكان ... اتجهت للدرجه الأولى وهي تنادي بخوووووف :~ راكـــــــــــــــان .. راكـــــــااان ... ((راكان كان جالس جمب الشباك ... لما سمع اسمه التفت مستغرب مين يناديه ... ميشو طاحت عينها على راكان اللي يطالعها وهو معقد حواحبه ... ابتسمت فرحااااانه من قلب ...... وعيونها واظح فيها الحب له ... تقدمت شوي شوي وهي تقول ببتسامه :~ راكان لا تروح ... ((بهاللحظه دخلو السكيورتي واللي معاه ... لما مسكوها بقوه بيطلعونها بقوه حاولت تدفهم عنها وهي تقول :~ راكان عفيه لا تروح .... أنا مشاعل ليش ماترد علي ... راكان بليز لا تروح ... ((راكان بهاللحظه لف عيونه عالشباك يطالع اللي برى وهو مطنش ميشو واللي يشدونها بقوه للبرى الطياره ... ميشو لما شافت ردة فعله البارده وكأنه مايعرفها ... ماتحملت ... صرخت بوجه اللي يمسكونها وبسرعه راحت للراكان ثم جلست جمبها وهي تقول بضعف وحب :~ راكان قول لهم اني بحاجيك شوي .... راكان عفيه لا تروح ... ((بهاللحظه مدت يده لليده ومسكتها وهي تترجاه ودموع بعيونها ماتحملت الإنكسار اللي بداخلها :~ راكان بليز ... بليييز لا تروح ... ((راكان سحب يده بتكشيره ثم رفع عيونه على الموظفين وهو يقول :~ انتو هيه ظفو عني مجانينكم ... ((بهاللحظه جى هاني من أصل سوري يشتغل عند عمه راكان مرافق اللي رقمه مع نارا ....استغرب الوضع كيف صاير بس سكت يراقب الموقف بين هالبنت وعمه راكان ... -(السكيورتي :~ ليش انت ماتعرفها ...؟؟؟ -(راكان رفع حاجب وهو يطالع السكيورتي :~ ومايشرفني اعرف وحده مثلها ..!!.. من جدك انت ..!! ... اقول بعدها عني ... والله حاله .. قالو ايش قالو درجه أولى .. وهالفوضى كلها صايره الحين ... ((ميشو فاتحه فمها من الصدمه اللي تسمعها ... وتشوفها .... أكثر من هالقسوه ماقد حست فيها بحياتها ... قلبها مكسور ومذلول للحب واحد موب معبرها ولا حتى يتذكرها ... ((مسكوها السكيورتيين وبقوه سحبوها للبرى الطياره ... ميشو من الصدمه ماتتحرك ولا ترد بأي ردة فعل لهم .... رايحه بعالم ثاااااااني .... ماتحس بوجود أي أحد حواليها غير صورة راكان قدامها وهو مكشر ويقسي عليها ... عمرها ماسمحت للأحد يهينها بهالشكل ... بس لما حبت والأول مره تحب ومن كل قلبها ... نست كل شي وسمحت له يهينها بهالشكل ... والسبب ... الحــــــــــــــــــب اللي تشيله بقلبها للراكان ... لما طلعوها بصالة المطار كانت واقفه وهي تطالع قدامها أو بالأصح ولا شي ... ماحست بنفسها الا وهي جالسه عالأرض ورجولها ماقدرت تشيلها من الصدمه اللي جتها اليوم ... دموعها صارت تنزل شوي شوي ... من غير توقف ... بين عيون الناس اللي رايحه وراده من حواليها .... صارت تبكي أكثر وأكثر وتندم على حظها اللي خلاها تحب راكان ... راكان اللي ماعرفها ... راكان اللي نساها .... رغم انو شكلها وستايلها ماتغير وهو نفسه ... بس ماتذكرها مثل ماقال ...!!!... بداخلها ضعف الحب وجرحه بقلبها كبيــــــــــــــــــــــــر ... $$ مايحصل للميشــــــــــــــو ... قد لا أستطيع وصفــــــــه ..$$ وصــــــــف الألم الذي بداخلها .... الألـــــــــــم والإنكسار الذي لم تشعر..$$ به من قبل بهذا القـــــــــــــــدر ..$$ مشاعـــــــــــل .. رأت الكثيــــــــــر من الآلام بحياتها ... لكن كهذا ... لم تشعر به من قبل ...$$ ((ميشو آخر مره بكت فيها لما كانت تتعاطى مخدرات ... ماضيها القبيح اللي يهدد فيه الغريب اللي للحين ماندري من يكون ولا ميشو تدري من يكون ... ماحست بنفسها الا وهي تمشي بالشارع والدنيا تدور فيها .... وهي رايحه للبحر بتاكسي ... قدام البحر .. واقفه تطالعه وتفكيــــــــــــــــرها براكــــآن ... نزلت دموعها بدون أي سابق انذار .... تتحســـــــــــــــــــــر على حبهــــــــــــــا اللي من طرف واحــــــــــد ... تقدمت للبحــــــــر خطوه تتبع خطوه ... لحد ماوصلت المويه للكتوفها وهي داخل البحر بهالظلام .... وقليل من أنوار الشارع والمباني ... رغم ان البحر بااارد .. بس تحس بحراره في جسمها عاليه ... تذكــــــــــــرت عدة مواقف ... أول مره قابلته بالمكتبه ... ولما انقذهـــــــــــــا بالحريق وعرض نفسه للخطر ... وبكل مره كانت تكلمه ويرمي عليها كم كلمه جارحه ويروح بدون اهتمام لها ... تذكرت موقفهم قبل سنتين قبل لا يسافر للسعوديه ... وأخيرا تذكرت آخـــــــــــر موقف بينهم ... قبل ساعات ... كيف ماتذكرها وتنرفز منها ... جرحهــــــــــــــا جرح كبيـــــــــــر فوق الجروح اللي خذتها منه ... ((بكــــــــــذا ... ماحست بنفسها الا وهي مغمضه عيونها وتتقدم للبحر أكثر وأكثر .. تقدمت للعميق ... وهي مسلمه روحها وقلبها للراكان اللي ماسأل عنها ... ((بعيــــــــــــــــــــــــــــد عن البحــــــــــــر ومخاوفه .... للبنايــــــــــــه طويلــــــــــــه ... ليان توها نازله من السياره من بعد المطار ... وقابلت بالصدفه صقر نازل من سيارته بيصعد للشقتهم ... لما شافته نزلت راسها وسبقته ... رفعت يدها بتضغط على زر اللفت ((الأصنصير )).. بس صقر سبقها وضغطه وهو يطالعها ببتسامه ... بس ليان مارفعت عيونها له .... وده يشبع فضوله ويسألها وين راحت له ... بس مايبي يسبب بينهم تتش أكثر من اللي هم عليه ... انفتح باب الصنصير .. بعد مادخلوه صقر ضغط على دور شقتهم ... هدووووء كالعاده بأي أصنصير ... مما سبب جو متوتر بين صقر وليان اللي واقفين جمب بعض للضيق المكان ... صقر كل شوي يلتفت على ليان بعيونه ... أما ليان منزله راسها بهدوووء والتوتر بداخلها ... صقر ماحس الا بصرخــــــــــــــــه من ليـــان ... للدرجة انه نقز من الروعه ... التفت عليها وشافها كيف تناقز بمكانها والدموع بعيونها بتنزل هالدقيقه من الخوف ... نزل عيونه بالأرض ... بس تفاجئ من سبب كل هالصراخ والخوف ... صرصــــــور يدور تحتهم ... صقر يحاول يستوعب السالفه ... مسك ضحكته بقوووه ولا أثر فيه أي خوف هالصرصور .. بس رحم حال ليان اللي رافعه عبايتها وتصارخ والدموع مغرقه عيونها من الخوف ... صار الوضع متأزم من هالصرصور اللي موب راضي يقر بمكانه ماغير يدور ويدور على زوايا الأصنصير ... صقر بهالحظه ابتسم بخبــــــــــــــــث ... مد يده لليان وبسرعه رفعها بين يدينه .... ليان صرخت بقوه موب مستوعبه حركة صقر ... دفته بقوه ونزلت من يدينه ... شوي وتذكرت الصرصور اللي خلاها تنسى نفسها وتتمسك بصقر اللي ابتسامته بتشقق وجهه وهو عاجبه الوضـــــــــــــــــــع ... عشان كذا شال ليان مره ثانيه وهو يطالعها ويقول ببتسامه جانبيه تحرررج :~ مالك غيري ياروح صقـــــــــــر .... ((ليان قلبها يدق بقوه ... بس وضعها وهي بين يدين صقر خلاها بتموت من ضيق التنفس اللي جاها بسببه ... والمضيبه انها ماتقدر تنزل من بين يدينه والصرصور ماهجد للحين يدوور بالزوايا .... صقر رفع عيونه للقدام وهو كاتم ضحكته وعلباله ثقل ... ولا بداخله سعاده وضحكات بتتفجر الحين لو مايكتمها أكثر وأكثر ... ((ليان نزلت عيونها للصدره العريض وهي خجلاااانه .... لما انفتح الباب صقر مافكر ابدا ينزل ليان من بين يدينه وهو ماصدق يصير كذا ... ليان تحركت تبي تنزل بس حست انو صقر مستحيل يتركها للدرجة انه لزقها أكثر للصدره ... وشافت الملامح الجديه على وجهه اللي تخبي ألف ضحكه وضحكه ... حاول يطلع من جيبه المفتاح بس ماقدر ... جت بباله فكره خلته يبتسم غصب عليه ... ليان حست فيه بس صقر ماعطاها فرصه تفكر أكثر لما قال لها :~ طلعي المفتاح من جيبي ... ليان توترررررت .... بس استسلمت للأمر الواقع ومدت يدها للجيب بنطلونه وطلعته بيدين تررررتجف ... لما مدت له المفتاح قال بثقل مصطنع :~ افتحي الباب .... ((ليان وكأنها تقول سمعا وطاعه بس المهم تنزل من بين يدينه وترتاح ... لما دخلو للشقه ... سكر برجله الباب ثم دخل لين وسط الصاله .. -(ليان ماعاد تحملت الوضع أكثر فقالت بدون ماتطالعه :~ ممكن تنزلني ...؟؟.. -(صقر بدون مايطالعها :~ لا .... -(رفعت عيونها عليه بصدمه ..!!! ... شسالفته هذا ..!! شناوي عليه بعد اليوم .. :~ ممكن تنزلني ... -(حط عيونه بعيونها ثم قال ببتسامه :~ لا ... بس عندي شرط ... -(ليان تنهدت بتوتر :~ شنو ..؟؟ -(صقر رفع حواجبه ببتسامه ثم قال :~ عطيني بوسه ... ((شهقت من الروعه ثم قالت بقهر :~ صقر نزلني ... -(هز راسه بالنفي وهو يضغط عليها بقوه عشان ماتنزل بالغصب ... ليان حاولت بس حست انو الوضع تأزم أكثر ... مستحيـــــــــــــــــــــل ياليان .... شلون بتسوينها ... والله ماقدر ... ياربييييــــــــــــــــه منه ليش يحب يحطني بمواقف مثل كذا ..!! ؤفففـ شسوات الحين ..!!! -(صقر قطع عليها افكارها لما قال ببرائه مصطنعه :~ ترى ماطلبت شي كبير .. كلها بوسه صغيرونه ... ((ثم لف لها خده وهو مغمض وبداخله ضحكه طويله عريضه يحاول يكبتها ... ليان عضت على شفايفها بتوهييييييقه .... بس قررت وانتهينا ... بسرعه باسته على خده للدرجة انو صقر ماحس فيها ... -(ليان قلب وجهها احمر وهي تنتظره ينزلها بس لاحظت انه على نفس الوضعيه مغمض عيونه وللحين ينتظر بوسه منها ... -(ليان :~ والحين نزلني ... -(على نفس وضعيته قال :~ أول عطيني البوسه وبعدها مايصير لك الا اللي تبينه ... -(ليان بستغراب :~ بس انا نفذت شرطك شتبي بعد ..!! ((فتح عيونها بستغراب ثم قال :~ من صجج ..!! -(نزلت وجهها اللي قالب أحمر :~أي .. -(رفع حاجب بستغراب :~ ماحسيت فيها ابدا .... لا لا عطيني وحده عدله احس فيها ... من صجج انتي تسمين اللي تو بوسه .... ماحست فيها اصلا ..!!!.. يالله يالله ... ((ثم لقاها خده .... ليان وصلت معها ... عشان كذا قالت :~ نزلني ... لو سمحت ياصقر نزلني .... ((التفت عليها :~ أح طيب لا تدفين ... ((نزلها وبعدها دخلت غرفة النوم وسكرت الباب ... صقر وهو يقول بصوت قصير يعاتب نفسه :~ مالت عليك ... هذا انت اكلت تهزيئه منها بالأخير ... لو اني قابل بالبوسه الأولى مو جان أحسن ... يعني كان لازم تكون طماع ... كش عليك صج ماعندك سالفه .... شكلي بنام اليوم عالكنبه والله العالم ... ((انسدح عالكبنه ثم شغل التلفاز وظل يقلب بالقنوات ... وهو كل ماتذكر الموقف اللي بالأصنصير يضحك ..)) ليان طلعت من غرفتها بتروح تشرب لها مويه ... بس لما لاحظت صقر نايم عالكنبه ... تقدمت منه بهـــــــــــــــدوء .... وشالت من يده الريمونت ثم حطته عالطاوله بعد ماطفت التلفزيون .... مدت يدها للجزمته وفسختها بهدوووووء ... بعدها جابت مفرش وغطته فيه وهي تطالع بوجهه كيف نااايم ومو حاس بأي شي ... عيونها ماقدرت تبتعد عن وجهه وهي تطالعه ... جلست قدامه عالطاوله وظلت تطالعه ... تتذكــــــــــر كل المواقف اللي سواها لها ... بس ماتدري ليش ماتتذكر غير المواقف الحلوه وكأنها نست المواقف السيئه اللي سواها فيها بحياتها ... ماتتذكر غير المواقف الحلوه اللي يسويها لها عشان تحبه .... أول مره تلاحظ الوسامه بوجهه ... حست ملامحه وهو نايم كأنه طفل نايم بعممممممق وبأحلام حلوه ... ماحست الا بيدها اللي مدتها من غير شعور تلمس وجهه ... على آخر لحظه ترددت وبسرعه بعدت يدها قبل لا تلمس وجهه ... دخلت غرفتها وهي تحاول تبعد الأفكار الغريبه اللي تجيها ... عاتبت نفسها عاللي تسويه وحاولت تنام أحسن لها ... """"""""""""""""""""""""" ((بالصبــــــــــــــــــــــاح .......... ميشـــــــــــــــــو فتحت عيونها ببطئ وكســـــــــــــــل وهي على فراشهــــا ..!! حست براسها يعورها ... جلست عالسرير وهي تتذكر كل اللي صار أمس ماعدا ايش صار بعد ماغطاها البحر عن قصد منها ... بس الغريب انها على سريرها ولا كأنو فيه شي ..!!! التفتت عالساعه وشافت كيف يمديها عالجامعه تروح لها ... بس فضلت انها ماتداوم .... انتهى البـــــــــــــــارت ....
__________________ آللحن ألآخير + زهرة الوآدي! = ألقابي |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية أحبها ولكن..!(كاملة) | ms.pinky | روايات كاملة / روايات مكتملة مميزة | 96 | 11-13-2017 05:33 PM |
| توأم ولكن أغراب في جامعة أمريكية ..~ | * إبتسامة أمل * | أرشيف المواضيع الغير مكتمله او المكرره او المنقوله و المخالفه | 32 | 06-25-2016 04:26 PM |
| أتمنى أنها تعجبكم توأم ولكن أغراب في جامعة أمريكة | أنين الأحزان | روايات كاملة / روايات مكتملة مميزة | 344 | 05-28-2015 01:10 AM |
| توأم و لكن أغراب في جامعة أمريكية | .Dania | أرشيف المواضيع الغير مكتمله او المكرره او المنقوله و المخالفه | 53 | 04-15-2011 11:02 PM |
| رواية بنات الرياض للكاتبة رجاء الصانع نسخة كاملة للتحميل | © بندر © | أرشيف المواضيع الغير مكتمله او المكرره او المنقوله و المخالفه | 384 | 01-13-2009 07:33 PM |
72Likes
العرض العادي
