|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#77
10-11-2013, 11:24 PM
| ||
| | ||
| البارت التاسع مر يومين ولمياء غائبة من المدرسة الكاتبة: ( بغرفتها كانت متغطية وكل ما تبي تنام تتذكر كلام رغد وسلمى والبنات اللي سمعت كلامهم ) -------------------------- لمياء: ( يا ربي وش أسوي أسكت عن كل شيء بس كذا أكون مثلهم قتلت مرام لا أنا ما ابغى استسلم وخصوصا لرغد أنا لازم أكشف كل شيء فيه أحد سواء كل هذا وأنا بكشفه ولو سويت المستحيل وبكرة بروح للمدرسة وبخلي رغد تشوف أني مو اللي يخاف من التهديد) ------------------------------------------------ الثلاثاء - بالكافتيريا عند رغد ( كان عزوز يسولف مع الهنوف وأنوار تقلم أظافرها ببرود)) رغد: الهنوف الهنوف: هلا رغد: جيبي لي حليب فراولة الهنوف تناظر الطاوله اللي فيها حليب رغد : بس رغد بنظرة حادة: قلت جيبي لي حليب فراولة الهنوف خافت وراحت تجيب لها عزوز: حرام عليك خوفتي البنت أنوار تتنهد: هااا وش فيه أكيد فيه سالفه علشان تبعدين الهنوف رغد بابتسامتها المعتادة: يب عزوز: سلمى سوت شيء رغد: بالأساس الموضوع عن سلمى أنوار: بلا الغاز تكلمي رغد: بنات ما تذكرون التحقيق حق أنتحار مرام عزوز: ايه وش فيه رغد: طيب يعني حنا نعرف أن سلمى وشلتها كتبت الأسماء علشان يورطونا بس ما قال المحقق أن فيه ورقة في يد مرام أنوار: إلا قال وكان مكتوب فيها ((أعرف سرك وعندي إثباتات تفضحك إن ما سويتي إلي أبغى بدمرك)) صح كذا عزوز: وش تبين توصلين له رغد: ما تحسون إن اللي كاتب التهديد واثق شوي حتى أنه كتب أثباتات تفضحك مو يعني يعرف مرام زين وفي فترة انتحارها محد كان قريب منها غيرنا بطبع خلينا نحط الخلافات على جنب عزوز بعصبيه: لا تكونين تشكين فيني رغد: هدي أعصابك أنا ما قلت أشك أنا الحين أعرض اللي أعرف عزوز تكلم أنوار: يرضيك كذا جالسه وهي تتهمنا وتقول سلمى ما سوت شيء أنوار ببرود: مثل ما قالت هي ما اتهمت أحد هي قالت وحدة منا يمكن أنا ولا أنتي ولا الهنوف حتى هي مو مستبعدة أنتي أتهمتي نفسك بنفسك " وبنظرة حادة" أنتي قلتي تشكين فيني ((عزوز ضربت الطاولة بقهر والكل اللي بالكافتيريا التفتوا خصوصا أن صوت عزوز أرتفع)) رغد بأستهبال: أجلسي أجلسي الكل يناظرنا عزوز: ما أظن فيه دعوا أجلس مع ناس شكاكين ( وراحت) رغد: يوووو زعلته صح أنوار بمكر: وش تبين توصلين له لأنك ما تتكلمين بالطريقة إلا وراك مصيبة رغد بابتسامة: أتوقع أخت أحلام سوت شيء غلط مرررة أنوار: وش بتسوين رغد: كيف تتكلمين بها الطريقة من يشوفني يقول بقتلها أو كذا شيء أنوار تبتسم بسخرية رغد: أنتي شوفي موضوع أحــ أقصد عزوز تصرفي معه أنوار تشوف البنات يناظرونها ويتهامسون: المكان ما أعجبني خلينا نغيره وقولي لي كيف عرفتي رغد: أوكي ------------------------------------- عند لمياء- ( تمشي بالممرات متوجهة للكافتيريا وتشوف العنود تتكلم مع بنت ما قد شافتها) لمياء تأشر للعنود: هلا العنود العنود تلتفت بأرتباك والبنت اللي معها تروح: هــــ ـلاا كيفك لمياء: وش في صديقتك راحت العنود: ها لا البنت جديد وتبيني أدلها لمياء: طيب العنود خلينا نروح للكافتيريا العنود تعصب: ليه لمياء: ما تبين تشوفي ملاك وزهور تراء مرة متضايقين ويحسبونك زعلانه منهم سامحيهم تراء ملاك خبلة وعلى عقلها وتعرفين هي وحبها لعزوز كلها أستهبال وهي مستحيل تسوي غلط العنود: طيب بس أنا ما أحب هالحركات يعني لا تسويها قدامي لمياء: أوكي يلا نروح للكافتيريا العنود بهدوء وبأقتناع: طيب (( عند الكافتيريا كان فيه تجمع بنات وضحكات)) لمياء تسأل بنت: وش صاير البنت بسخرية: تخيلي فيه وحدة صدمت بالغلط البويه سعود وبدت مهاوشة الله يعين المسكينة العنود: أقول خلينا نروح موب فاضية لهم لمياء تلمح المهاوشة: العنود مو هذي البنت اللي كانت تكلمك من شوي العنود برعب: ويــــنهاااااا (( تشوف البنت واقفة وتتأسف من البويه بس البويه مستقويه إلا بتسوي مشكله وتدف البنت لين طاحت على الأرض)) العنود بصراخ: شـــــــهــــــد ( وتركض لمهاوشة) لمياء المصدومة: العنود هيه وين بتروحين ( وتتبعها) العنود: يا الكلبة وش تسوين تستقوين على بنات خلق الله البويه سعود: أقول اشش الموضوع بيننا العنود: تبين تضربينها قدامي يا المريضة تراء لا تستقوين على الضعاف تراك بنت موب رجال سعود عصب: رجال وغصب عنك ( وتمد يدها تبي تضرب العنود) العنود: أضربي إذ أنتي صادقة لأكسر يدك لمياء تهدي: هدوا يا جماعة الخير الموضوع موب كبير سعود: تبينها تشكك برجولتي وأسكت لمياء بأستغراب: هـــاااا رجولة وشوووو!!!!!!!!! سعود عصب خصوص البنات بدوا يضحكون: ياااااااا *^$#@ برويك (وجت تبي تضرب لمياء) .....( صوت يوقفها): على وين أختي سعود توقف: أنتي مالك دخل رغد رغد: وقفي حركات الأستعراض هذي وأمشي من قدامي سعود: تراك تعديتي حدودك رغد بنظرة حادة: محد تعدى حدوده غيرك فلا تجبرني أسوي شيء ما يرضيك سعود كشر: أساس أنا كنت بخليهم بس مرة ثانية لا يتطاولون علي ( وتمشي) رغد بانتصار تلتفت على لمياء والعنود وتتحول نظراتها لصدمة من البنت اللي مع العنود: اااأنـــتي لمياء اللي تلتفت على العنود وتشوفها تناظر رغد بحقد أما البنت فكانت خايفة العنود تسحب البنت: شهد خلينا نمشي ((شهد ما قدرت تمشي وقعدت ترتعد بخوف من رغد لدرجة رجيلها ما شالتها)) تجي أنوار من بعيد وتسحب رغد المصدومة: رغد خلينا نمشي رغد اللي رجعت ملامحها لوضعها: طيب أنوار تناظر شهد وتبتسم بابتسامة ماكرة وخبيثة وتمشي هي ورغد شهد اللي تنتفض وتتنفس بصعوبة بخوف ورعب كأنها شافت الموت العنود تطلع حبوب من جيبها: خذي حبيبتي ((شهد تأكل الحبوب وبعد فترة ترجع لطبيعتها)) لمياء اللي تناظر المشهد الغريب: العنود أنتي تعرفينها العنود تمسك شهد: خلاص عاد لا تتدخلين اووف ( ويمشون) لمياء: ( أنا صاحية ولا وشو مو تو تقول بنت ما أعرفها وبعدها تناديها بشهد وتدخل المهاوشة علشانها والبنت يوم شافت رغد أنهبلت ما أدري وش فيها بس شكل السالفة فيها رغد أكيد مسويه لها مصيبة البنت ترجف وهذي فرصتي أعرف) لمياء تلمح بنت: لو سمحتي البنت: هلا وش تبين لمياء: البنت اللي تو راحت مع العنود تعرفينها البنت: أظن أنها شهد بنت عم العنود يقولون لها فترة وقفت دراسة واليوم توها ترجع لمياء بصدمة: بنت عمها طيب وش سبب توقف الدراسة البنت: والله ما أدري ( وتمشي البنت)) لمياء: ( هالمدرسة مستحيل ألقاء فيها ناس طبيعين ولا وشو أحسن لي أروح للبنات)) -------------------------------- بيت لمياء لمياء مع أمها على الغداء أم محمد: لو تصدقين يا لمياء كثر فرحتي فيها ما صدقت أنها هي لمياء: يعني هذي صديقتك من زمان أم محمد: أيه يا بنيتي والله يوم قالت الشغالة فيه حرمة عند الباب ما توقعت أنها هي تغيرت مررة لمياء: غريبة يمه ما هي صديقتك كيف أنقطعتوا عن بعض أم محمد: يا بنتي هي تزوجت من يوم هي في ثاني ثانوي ولا كملت تزوجت وأحد من أهل الفلوس وسفرها للندن على حسب شغلة وبكذا أنقطعت أخبارها بس يوم عرفت مكاني زارتني لمياء: وليه رجعت أم محمد: زوجها سار يشتغل بالرياض وهي الحين عايشه بفيلة في .... لمياء: هذي الفلوس وعمايلها أقول يمه ليه ما تزوجتي وأحد من أهل الفلوس بدال أبوي ( ما حست لمياء إلا بكرتون المناديل بجبهتها) أم محمد: يا قليلة الأدب وش ناقصة أبوك عن هالرجاجيل هو الزين كله فديته الله يرجعه بالسلامة لمياء تكتم ضحكها عن أمها : طيب يمه الحين أنتي تقولين لي من ساعة موضوع مهم فيه غير أم سيف وسوالف الحنين للماضي والتغزل بالوالد أم محمد: ايه أم سيف قالت لي عن حفلة وحدة من زوجات أصحاب المليارات وتقول أن معها دعوة وتبيني أروح معها وأنتي معنا منها نشوف أهل الحلال وش يسون بحفلاتهم ومنها ننبسط لمياء: طيب أنا وش دخلني فيكم روحوا أم محمد: يا فضحي المرأة عازمتنا حنا وأنتي تبين تفشليني قدامها لمياء: بس ما أحب يمه أم محمد بحدة وعناد: حبيتي ولا لا بتروحين جهزي روحك لمياء اللي تعرف طبع أمها: طيب بس متى أم محمد: بعد أسبوع لمياء: بس كذا مراح أتجهز كيف أشتري فستان والمكياج والأستشوار> تتعمد أمها تخليها أم محمد: وش دعوة تشترين فستان يا كثر فساتينك البسي وأحد منهم والمكياج والأستشوار تقدري تسوينها بنفسك لمياء أنقهرت : خلاص طيب يمه اللي تشوفين ---------------------------------- اليوم الخميس بالمدرسة>> خلاص غيرنا الجداول هههههه لمياء وقت الخروج لمياء: أقول لك يا بنت أنا تعذرت وحاولت بس ما رضت ملاك: لو أني مكانك كان رحت أمك قالت حفلة أهل عز منها أشوف الكشخة ومنها أدور أم زوجي المستقبلي زهور تتمسخر: وعزوز ما أنتي تعشقينه ملاك: حبي لعزوز هو أنطلاقة لحب المستقبل لمياء بهمس لزهور: الله يعين زوجك زهور تضحك بصوت عالي ملاك: وش فيه زهور: ولا شيء لمياء تتذكر: بنات برجع للفصل زهور وملاك: ليه لمياء: شكلي نسيت كتاب الرياضيات بالدرج زهور: أسرعي تراء المبناء فاضي ملاك: تبين أجي معك لمياء: لا عادي شوي وينادي السائق حقك ---------------------------------- (( بعد ما أخذت لمياء كتابها وقدها بتنزل براء المبناء تسمع ضحك)) لمياء بخوف: بسم الله وش ذا جني .....: ههههههههه من جدك ....: ايه ايه لمياء تتنهد براحه: ( شكلهم بنات بس وش يسون لها الوقت أقول خليني أنزل الحين السائق ينتظرني " بس وقفت لمياء بعد ما سمعت)) البنت1: من جدك البنت2: اششش لا يسمعك أحد البنت1: طيب يعني وحدة من شلة رغد بتروح للحفلة البنت2: ايه يقولون حفلة مختلطة وحركات البنت1: أم الفلة بس وينها البنت2: في أستراحة الـ..... في حي ...... البنت1: متى هي البنت2: بكرة لمياء تحت الدرج منبطحة تسمع وشكلها يضحك: ( أخيرا يا رغد طحتي باطلع الدليل اللي يخليك تنكشفين)) ----------------------------- يوم الجمعة أم محمد: يعني بتتأخرين لمياء: يمه كلها نلف كم لفه بالمول ونتعشاء أم محمد: أن شاء الله صديقاتك بنات ناس لمياء بكذب: يمه هذولاء صديقاتي من مدرستي القديمة وتعرفينهم أم محمد: متى بترجعين لمياء: الساعة 10 وأنا عندك أم محمد: أوكي الكاتبة: ( بالطبع ولا هذا اللي قالته لمياء صح لمياء بعد ما نزلها السائق بالمول ركبت سيارة أجرة وعطته عنوان الأستراحة)) لمياء وهي تشوف المكان برعب: متأكد أنها هينا ((السائق كان سعودي شكل بالعشرينات وحالته حاله هو والجيل اللي مرجع شعرة به)) السائق بعربجية: يا بنت الحلال أنا أعرف الرياض شبر شبر بس أصبري الله يهديك الكاتبة: ( كانت الأستراحة في حي مظلم وحولة أستراحات خاااصة وبطبع الأستراحة المقصودة كانت حوليها مجموعة من السيارات الفخمة والمشبوهة)) السائق بشك: ايه يا الأخت وش تبين من هالاستراحة لمياء ترقع: هذي استراحة عمي وأنا جايه عندهم السائق بلقافة : وعمك هذا مخليك بالشوارع وتركبين تاكسي لمياء: لو سمحت لبق قريب من الأستراحة السائق بغباء وقف قدام الباب لمياء بصراخ: لا لا مو عند الباب بعد بعد لبق بعيد السائق بخرعه وقف بعيد وبشك: أنتي متأكدة أنها استراحة عمك لمياء أسمع أنا بعطيك نص فلوسك تنتظرني بنزل شوي وأرجع السائق بتمثيل: أعوذ بالله أنا ولد بلدك وتقولين كذا الله يهديك لمياء: أسفة أخوي خذ الفلوس كاملة وأنتظرني السائق: عطيني 400 وأنتظرك لمياء بغباء: طيب ( وتعطية 400 ريال وتنزل من السيارة) لمياء تمشي بخوف للأستراحة وهي في وسط الشارع ما سمعت إلا بصوت سيارة الأجرة وهي منحاشه لمياء: يا كلب أرجع أعطيتك فلوسك ( ما حست إلا بالعيون اللي تراقبها) لمياء تشوف مجموعة عمالة يناظرونها بخبث وهي خافت ودخلت للأستراحة ----------------------------- في مكان قريب من لمياء الرجل1: شوف شوف هالمسكينة وش جابها هينا الرجل2: هذي الأشكال مو مساكين الرجل1: حرام عليك شوفها مستترة ولابسه عبايه رأس حتى الرجل2: هذولاء الخوف منهم بس ما دام دخلت الأستراحة أكيد من هالوصخات اللي ما يتسمون الرجل1: راشد أنت ما يمكن تحسن الظن>> من زمان عنه راشد: أسمع ناصر عملي كمحقق خلاني لا أحسن الظن قد شفت محقق يحسن الظن باللي يحقق معهم في مجرم وفيه بريئ وبس ناصر: طيب من ساعتين وحنا نراقب هالأستراحة ليه راشد: سمعت فيه نشاطات مخدرات قلت خليني أشوف بس ما فيه شيء ناصر: أجل بنستدعي الوحدات ونمسكهم راشد: ليه نتعب نفسنا كلم الهيئة هم يتولون هالأشكال الكاتبة: ((أكيد عرفتم مين البنت اللي بالبداية يتكلمون عنها)) بالأستراحة- عند لمياء (( كان فيه مجلس كبير بالجهة اليسار وصوت الدي جي والأغاني والضحك كان مالي المكان ولمياء كانت لاصقه وجهه بالشباك تبي تشوف رغد هي داخل بس ما شافت غير بنات بلباس قليل حياء ورجال في حالة مقرفة وطاولة شراب وخمر تتوسط المجلس)) لمياء: ( الحمد لله الذي عافانا مما أبتلاهم شكل رغد مو هينا بدخل داخل الفيلة)) (( لمياء دخلت وشافت أشكال تثير القرف والأشمزاز وجات بتطلع بس شافها واحد باين أنه متعاطي شيء) الرجل1: هلا بالحلو عطيني شوط رقص يا عسل ((لمياء دفت الرجل وطلعت من الفيلة وقعدت تتمشى بالحديقة تفكر وش بتسوي وتلمح بعيد بالحديقة شخصين وقربت تبي تتعرف عليهم بطبع كانت الحديقة مظلمة والشخص اللي وضح وجهة كان عزوز والأخر ما كان باين منه غير لمعان ساعة يدة الرقمية )) لمياء تخبت وراء وحدة من الشجيرات: ( عزوز وش يسوي هينا)) ((عزوز أعطاء الرجل ظرف والرجال أعطاة كيس ملفوف وعزوز دخلة بسرعة لمياء تطلع جوالها تبي تصور باللحظة اللي تبي تصور رن جوالها" أمها تتصل" وبسرعة سكرته)) الرجل مشاء بسرعة وترك عزوز ((عزوز يمشي بالحديقة يلتفت ولمياء كانت مغمضة عيونها بخوف وتدعي ما تنكشف يرن جوال عزوز)) عزوز: ألــــووو طيب أنتظركم براء ( وراح) لمياء تتنهد: ( الحمد لله لازم الحين أطلع من هالمكان) (( لحظة لمياء قريبة من الباب تشوف الحريم يركضون والرجاجيل نفس الشيء ويدخلون الفيلة)) لمياء: وشو فيه وش صاير ....: الهيئة الهيئة لمياء بخوف: يمه يا ربي خلني أنحاش (( وتتوجة لمياء للحديقة وتلقاء باب شكلة حق عمال النظافة وتطلع منه وتسير تركض بخوف ولا تشوف من الرعب إلا السيارة اللي بغت تصدمها)) يفتح الباب وينزل: هيه ما تشوفين لمياء اللي الغطى طايح ووجها مكشوف: تكفى الحق علي الهيئة تلحقني الرجل2 ينزل: فيه شيء راشد راشد: أرجع للسيارة لمياء: تكفى ألحق علي راشد: أجل أنتي من أهل الأستراحة وكيف أتأكد أنك من هالبنات قليلات الأصل لمياء بسبب نور السيارة ما تشوف وجهة راشد: والله وسابع سماء أني بنت ناس راشد: مين أنتي بنته لمياء من الخوف قالت: أنا لمياء الـ.... راشد بصدمة: أنتي تقربين لـ سطام الــ... >> أبو مشاري عم لمياء لمياء اللي تحسفت مية مرررة: هااا راشد بصراخ وعصبية: قولي لمياء: ايه راشد أنهبل: (( علمي بالرجال أن رجال كفو وطيب وش يجيب بنت من جماعته على هالأماكن)) راشد: أمشي أمشي الله لايبارك فيك ( ويمسكها من عبايتها ويرميها داخل السيارة وناصر مخترع من راشد) ناصر: راشد هدي ((راشد يعطيه نظرة ويسوق السيارة لين بيت لمياء ولمياء تنط من السيارة بخوف ورعب وراشد يسوق ولا هو مهتم فيها )) --------------------------- عند عزوز راكب السيارة عزوز: ما توقعت أنك بتعرفين بمداهمة الهيئة >> طلع قبل المداهمة بفترة أنوار: أكيد لازم الواحد يكون عنده معارف عزوز: أنتي من النوع اللي ما يرمي نفسه بأي مكان أنوار توقف تقليم: اه عزوز كيف حالك حالين عزوز بثقة: أكيد بخير أنوار ببرود: ايه عزوز فيه سبب دائم أحب أسئلة ليه سرت بويه عزوز باستغراب تناظرها أنوار تكمل كلامها أنوار: يمكن يكون بسبب زوجة أبوك أقصد هي مررة صغيرة وأبوك اللي يسافر كثير عزوز تصارخ: اســـــكـــــتي أنوار: أقصد في النهاية أبوك يعرف زوجته من أماكن مشبوهة عزوز بصراخ: كــــذب مين قال كذاااا أنوار بمكر: الكل يعرف أقصد بنات المدرسة كلهم حتى رغد والهنوف بس حنا ما بغينا نتكلم علشانك عزوز بصدمة وشكلها يوجع القلب: الـــــــكـــــــل لا لا أنتي تكذبين أنوار بتمثيل يتفوق على سعاد عبد الله: أقصد وش مضموني أكذب عزوز بصراخ وجنون: خلاااااااص اســـــــكـــــتي السائق: وصلنا عزوز تنزل بسرعة وتدخل قصرها أنوار بابتسامة تكلم السائق: يلا البيت ------------------------------------------- ((عند عزوز اللي مصدوم ويمشي بالبيت يبي يروح لجناحه بس توقفه ضحكات زوجة أبوة اللي كالمعتاد تسوي حفلاتها الوصخة وتجيب بلاويها لا حياء ولا مستحى خمر ودخان ورقص والخدم مالهم حيله فهي الناهية والأمرة وعزوز مراح يصدقها أبوها)) عزوز اللي من القهر معد يشوف شيء ركض لجناحة وقفل الباب وطلع الكيسة اللي بجيبه كانت حبوب مخدرات حوالي 15 حبة مخدر قعدت تبلعها وحدة وراء الثانية لين أكل خمس حبات بس بعدها بدأ يحس بنفضه قوية بجسمه تخلي يأكلها كلها بشراها لين خلصت وبدأ يحك جسمه بقوة لدرجة خلت الدم يننزف خلاص الهواء ما يوصل له جسمه ما يتحرك طاح يبغى يصرخ يبغى يخذ نفس ما يحس إلا بدوران الأرض حتى فقد وعيه -------------------------------------------- اليوم الثاني السبت عند باب جناح عزوز يحاولون يطقونه يحاولون يفتحونه لين بدوا يخافون ونادوا الحارس يكسرة >> بطبع زوجة الأب بسابع نومه بعد السم اللي شربته- وشافوا عزوز على السرير وجهة أزرق وبدا الخادمات يصارخون الحارس من الفجعة كلم الأسعاف مو مهتم بأومر أبو أحلام أن الأسعاف والشرطة ما يقربون بيته وبطبع الزوجة طلعت وشافت الحالة المفجعة ومن الخوف ما تدري وش تسوي أما الحارس فكلم أبو أحلام الحارس: ألحق يا عم الشرطة والأسعاف فيه أبو أحلام: ليه مين طلبهم >> مو مهتم بشي الحارس: بنتك لقينها طايحة وكلمت الأسعاف وبدورها الأسعاف علموا الشرطة السالفة فيها مخدرات الله يستر أبو أحلام: أنت ليه تكلم الشرطة وين نهال>> زوجة الأب الحارس منصدم: بنتك طايحة بالمستشفى أبو أحلام: وين مرتي الله لا يبارك فيك الحارس يعطي الجوال لنهال نهال: الحق شوف بنتك اللي ما تتسمى وش سوت فضحتنا أبو أحلام: خلاص خلاص برجع للرياض واشوف وش سالفتها وصل الخبر للشرطة خصوصا أن السالفة فيها مخدرات بطبع جاء أبو أحلام يوم الأحد وشغل الواسطات بدأ والصحافة ما سكتوا خصوصا أن أبو أحلام ما عندة القوة يسكتهم كلهم عن الموضوع أما أحلام فأنقذوها بأعجوبة خصوصا أن المخدرات نوع قوي بس نتيجة هذا سارت بغيبوبة وحالتها للحين حرجة في الكافية عند راشد راشد يفكر بسالفة لمياء وكيف وحدة من عائلة محترمة تسوي كذا ناصر : راشد راشد راشد: ها وش تبي ناصر: جوالك من ساعة يرن شوفه راشد يرد: ألو نعم معك المحقق راشد طيب وين خلاص جاي ( ويسكر) ناصر: وش السالفة راشد: فيه قضية محاولة أنتحار بالمخدرات وفيه مشاكل مع عائلة المنتحر ناصر: وقضيتنا راشد: خلينا نشوف هذي ولاحقين على قضيتنا ------------------------------- يوم السبت- المدرسة الكاتبة: (( لمياء كان وجهة مسود وباينة عليه هموم الدنيا لو طلع ما يخاف الله الرجل اللي أنقذها وفضحها وش عذرها عند أمها أبوها وعمها والمصيبة أن الرجل شكلة يعرف عمها التفكير نفسة يخليها تبكي وتلعن نفسها مرة وتلعن رغد ألف مرة>> بسبب السالفة زاد كرهه لرغد" قطع تفكيرة جيه بنت كأنها تعرف زهور وقالت لهم شيء وبعدهــــا)) لمياء تشوف ملاك تبكي: وش في ذي بعد زهور: صديقتي تقول عزوز بالمستشفى وبين الحياة والموت لمياء اللي نست راشد وتذكرت عزوز والأستراحة: كيف ليه زهور: يقولون لقوة الخدم في جناحه متعاطي ومغشي عليه لمياء تذكرت الكيس اللي خذته أحلام: ( معقولة يكون كيس مخدرات طيب ليه أجل تنتحر هي من النوع اللي ما يسويها يا ربي وش هالحالة)) لمياء: طيب شلة عزوز وينهم زهور: تبغينهم يحضرون بعد هالسالفة صديقتهم بتموت ملاك تبكي: كذا الصديقات ولا بلاش>> لا تنغرون في قصر عائلة رغد عند كانت رغد لابسه بنطلون جينز وتيشيرت شانيل وجادلة خصلة من شعرها والباقي خلته ستريت مما خلاها أحلا وكاشخه والوضع عادي وتقرأ الجريدة ......: هيه هيه وين يا الأخت رغد تتأفف: أنت وش جايبك ما عندك دراسة سلطان: والله السؤال لك أنتي رغد: ما تشوفني أنا تعبانة نفسين لأن صديقتي حاولت تنتحر> باين سلطان يبغى يستوعب: تستهبلين الناس يتعذرون بمرض بشي بس أنتي تفاولتي على المسكينة رغد تمد الجريد له: شوف هذي هي سلطان يقرأ العنوان ( فتاة من عائلة الــ... تنتحر بتعاطي كمية كبيرة من المخدرات) رغد: يب شفت الله نجاها يا حراااااام سلطان يناظر أخته باحتقار: الحين صديقتك بالمستشفى وأنتي كذا باردة رغد: محد ضربها على يدها علشان تتعاطى سلطان يرمي الجريدة: صح اللي سوته غلط بس مو يعني خلاص تتخلين عنها تراء يمكن عندها ظروف رغد: شكرا أوبرا وينفري بس دوري غيري وانصحيه سلطان بشك: اهم شيء لا يكون تتعاطين مين هينا ولا هينا رغد: مع نفسك سلطان: ما يندر عنك ايه وش تتوقعين نوع المخدرات اللي تعاطته رغد ببرود: وش دراني يمكن أفيون الهيروين المورفين الكوكايين يمكن منشطات مثل الأمفيتامينات وغيرها على حسب عائشة تقاطعهم: طال عمركم عائشة: طال عمرها بترجع بعد يومين رغد بسخرية: مرة مبكرة ليه عائشة: فيه حفلة بعد أسبوع هي مسويتها على شرف نجاح السيد بلندن مع شركة إنشانل كورسكي >> من عقلي الأسم سلطان بيطلع : أنا بطلع عائشة: طال عمرة تبغى تشوفك بالبيت يوم رجعتها رغد تضحك على أخوها: وش مسوي يا مسود الوجة سلطان: مو أكثر منك يا بيضاء الوجه رغد: جهزوا الفطور عائشة: ايه طال عمرك سلطان متوجة قاعة الأكل رغد تمشي جنبه بسخرية : مو بتروح سلطان: وش بعده ممسوك ممسوك -------------------------------------- عند راشد وناصر راشد ماسك أوراق التحاليل: النوع اللي متعاطيته البنت سم في مخدر ناصر: كيف المخدرات عموما سم راشد: اللي متعاطيته كان من نوع قوي لدرجة حبه وحدة تخلي الشخص ينجن كيف بحوالي أكثر من ثلاث حبات زين أنها عاشت ناصر: وش أسم البنت راشد: أحلام متعب الــ ناصر: مو هالأسم مألوف عليك راشد: لا ليه ناصر: تذكرت مو وحدة من اللي حققت معهم أسمها أحلام راشد يتذكر البويه: إلا هي ناصر: الحين الدليل جانا راشد: لازم أروح للمستشفى وأعرف وش سار بالبنت (( خمس دقائق شخطوا فيها للمستشفى)) ناصر يسكر جوالة: أسمع كلمت خويي بالمستشفى قال أن الدكتور اللي مأخذ الحالة أسمه حمود إسماعيل الــ راشد: وين مكتبه ناصر: وش نقول له حنا محققين جاين بنحقق أفهم الضابط رافض ندخل هالقضية وزيادة ما معنى أوراق رسمية علشان يعطينا ملفها يعني وشو ندخل مكتبة وهو ما يدري وندور راشد يلتفت وابتسم: وهذا اللي بنسوية ناصر أنجلط: صاحي ولا مجنون راشد: ما تبي بروح بالحالي ناصر: السالفة عدت أبي ولا ما أبي بالغصب بروح أنا حافظ المستشفى بدلك على المكتب عند راشد&ناصر- الليل الساعة11- في مواقف السيارات ناصر: متأكد لا تورطني وأنا أخوك راشد: أسكت ترها سهلة ناصر: وش سهلة حنا بنسرق ما قد سمعت شرطة ويسرقون راشد: لا فيه بس لأنهم ما أنمسكوا قعدوا للحين ناصر: وين فيه يا أبن الحلال هذولاء في المسلسلات الأجنبية ترانا بـ راشد يقاطعه: يلا امش هذا هو الدكتور ناصر: وش أسوي راشد: الخطة ناصر مخترع: اي خطة ((راشد يسحبه ويسون نفسهم مارين عادي جنب الدكتور ويدف راشد ناصر علشان يصدم الدكتور)) حمود: سلامات أخوي فيك شيء ناصر يرجف: ها لا ايه ما أدري راشد يمسك ناصر من قميصه: أسف أخوي ولد عمي موب بكامل قواة العقلية" وغمز لحمود" حمود فهم أنه مجنون وناظر ناصر باشفاق: الله يشفيه (( وراح)) (( بعد ما بعد حمود)) راشد: هــــااا خذيت مفتاح مكتبة ناصر بلع ريقة: قول أيه وقول لا يعني نص ونص راشد أنهبل: بعد اللي سوينا ما خذيناه ليه ناصر: هدي أعصابك أنا خذيت المفتاح ( ويطلع مفتاح المكتب)) راشد بشك: أجل وش اللي لا ناصر: بس شكلي خذيت المفتاح واللي معه ( ويطلع محفظة الدكتور) راشد يمشي: الله لا يبارك فيك أنت كيف سرت شرطي ناصر: زيي زي غيري نسيت أحط شخصية ناصر الشخصية: وأحد محشش وبايعها مفهي بلحظة وذكي بلحظة يتورط كثير والسبب راشد الشكل: أسمر له عوارض عيونه واسعه وشعرة أسود شبه طويل بس مو مرة جسم بسيط حلو بالمقارنة بجسم راشد ((( دخل راشد وناصر مكتب الدكتور)) راشد يفتش الكمبيوتر وبلحظات: لقيتها ناصر: بشر ها وش لقيت راشد: أحلام متعب الــ العمر 17 تم إحضار المريضة وهي في حالة خطرة بسبب تعاطيها لجرعة من المخدرات وأسرعنا بإنعاش المريضة التي توقفت عن التنفس بسبب تأثيرات المخدر وإضطررنا لغسيل المعدة بعد تحسن الحال وأستقرارة ولكن التأثير كأن قويا مما جعل المريضة في غيبوبة ولكن ما أثار إهتمامي هو نوعيه المخدرات فهي تحتوي على مادة الأميديوس وهي مادة قاتلة وسامة ناصر: تفسر لي راشد: شوف حتى الدكتور شكلة شاك يعني المخدر كان فيه مادة قاتلة يعني اللي أعطاها المخدرات يبغى يقتلها ليه محد يدري ناصر: اللي قلته صح بس واضح البنت بلعتها بنفسها يعني راشد: أنا ما تهمني ظروفها وليه بلعتها أنا بعرف ليه حاول أحد يسممها وشكل هالشخص على علاقة زينة بالضحية لدرجة يعرف أنها تتعاطى ويعرف مين يعطيها ناصر: بس للحين ما لقينا دليل قاطع إن اللي يروج مخدرات في المدرسة راشد جوالة: شوف هذي هي مكونات المخدر اللي في جسم سعاد ومرام ( ويلف شاشة الكمبيوتر) وهذي مكونات المخدر اللي لأحلام ناصر: متشابهين يمكن مادة أو ثنتين هم اللي تغيروا بس هذا مو دليل راشد: أعرف ناصر: ليه ما تبحث في ملف الدكتور يمكن نلقى مخدرات أو شيء من هينا خصوصا إن هالدكتور قد ساعد كثير على تخطي مرحلة الأدمان يمكن مر عليه شخص يتعطى هالنوعيه راشد: صادق يمكن نلقى ( وبعد دقائق)) لقيت وأحد ناصر: يلا خذ عنوان بيته وخلنا بكرة نزورة ونسألة راشد: ما يحتاج هو في المستشفى ناصر: بس أتوقع وقت الزيارات مسكرة راشد: ما سمعت إن المشرحة لها وقت زيارات ناصر: هااااااااااااااااا المشــــــــــــرررررحة ناصر وراشد وش راح يسير لهم بالمشرحة؟؟؟؟ شهد من هي ولماذا أنفعلت عند مشاهدة رغد وأنوار؟؟؟؟ عزوز هل تستحق هذا أما لا؟؟؟؟؟؟؟ المروج الذي أعطى المخدر لعزوز في الاستراحة من هو؟؟؟؟ لمياء ورغد ماذا سيحدث لهم بالبارت الجاي أو ماذا تتوقعين ؟؟؟؟؟ لماذا أنصدمت رغد عند مقابلة شهد؟؟؟؟
__________________  شكرا خاص لصديقتي غريقة الحب على هالتصميم It's summer time girls روايتي الثانية: أسرار مدرسة العليا http://vb.arabseyes.com/t408642.html التعديل الأخير تم بواسطة cool soso ; 10-11-2013 الساعة 11:42 PM |
|
#78
10-14-2013, 05:42 AM
| ||
| | ||
| سلام  حبيبتي روايتك وايد خطيره وقليل في حقهاء كلمة روعه  عنجد اندهشة من البارتات ووصفك للاحداث عميق في قمت الروعه:laaaa: عجبتني شخصية رغد بحذرها وذكاها بس حسيت انها خبيثة شوي :haa: لمياء بصراحة تصرفاتها غبية ومتسرعة متاخذ الامور بمحمل الجد .gif "Icons(48)") عجبتني كثير شخصية راشد :looove:ذكائية وبديهته شكله خطيررررررررررر<<<البنت معجبه هههههه  كسرت خاطر عزوز اقصد احلام اما هذي انوار اكرها احسها خبيثة اما الهنوف حرام مستغلينها خدامه لو انا قلبت اطاوله فوقهم<<<هيه يابو الشباب هد اعصابك معليكم مني المهم خل نكمل معك الى الامام :coolcool:ومعليك من الردور السخيفة والسطحية روايتك وايد حلوه وكمليها يليت تعتبريني من المتابعين وبنهاية حبية اشكرك على الرابط تقبلي مروري تحياتي: عشقي البنفسج  |
|
#79
10-14-2013, 05:51 AM
| ||
| | ||
| رد على الاسئلة ناصر وراشد وش راح يسير لهم بالمشرحة؟؟؟؟ مدري بس اكيد بيصير اكشن  شهد من هي ولماذا أنفعلت عند مشاهدة رغد وأنوار؟؟؟؟ مدري بس اكيد فيه سر  عزوز هل تستحق هذا أما لا؟؟؟؟؟؟؟ لالاحرام .gif "Icons(7)") <<<كسرت خاطريالمروج الذي أعطى المخدر لعزوز في الاستراحة من هو؟؟؟؟ مدري بس اكيد وراه رغد وانوار:cooler: لمياء ورغد ماذا سيحدث لهم بالبارت الجاي أو ماذا تتوقعين لايوجد تعليق:laaaa: لماذا أنصدمت رغد عند مقابلة شهد؟؟؟؟ فيه سررررر تحياتي :عشقي البنفسج |
|
#80
10-14-2013, 04:06 PM
| ||
| | ||
| السلام عليكم ورحمه الله كيفك حبيبتي ان شاء الله تكوني منيحه واوووو الروايه مرة رووووعة او راح اكون من المتابعين الدائمين الهه او سردك للاحداث كان جميل جدا تشعرين القارئ بواقعيه الاحداث يسلمووووووو حبيبتي على الطرح الجميل او ارسال الرابط تقبلي ودي واحترامي |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية عن نارتو مدرسة الثانوية وبعنوان (احبها ولاكن) اول رواية لي | صغيرة لاكني خطيرة | قصص الانمي المُستَوحاة و المصوَّرة | 93 | 08-04-2017 12:39 PM |
| ادخلو بسرعة مدرسة واكادمية كونوها العليا مضحكة لايفوتكم | M! Sa Ki | أرشيف المواضيع الغير مكتمله او المكرره او المنقوله و المخالفه | 3 | 01-06-2014 12:48 AM |
| قصة {مدرسة كونوها العليا }روعه من تاليفي | ساكورا زهرة الكرز | أرشيف المواضيع الغير مكتمله او المكرره او المنقوله و المخالفه | 51 | 08-28-2013 06:31 PM |
| رواية قصة حب سرية / للكاتبة : حكايا قلم ... | همسات روح | أرشيف المواضيع الغير مكتمله او المكرره او المنقوله و المخالفه | 515 | 06-22-2011 04:19 PM |
| صور لنادي مدرسة اوران العليا للضيافه | البؤساء | أرشيف المواضيع الغير مكتمله او المكرره او المنقوله و المخالفه | 12 | 02-25-2010 07:11 PM |
126Likes
العرض العادي
