|
|
#21
06-14-2013, 09:30 AM
| ||
| | ||
| لا لمياء بعد اللي سمعت بتسكت ولا بتحاول تكشف الحقيقة؟؟؟؟؟ بتتردد في الاول بس بعدين بتكشفه البنات اللي سمعتهم لمياء وش هي أهدافهم؟؟؟ يقتلون البنات اللي يكرهونهم المتهامات هل هم بريئات أم خلفهم سالفة؟؟؟؟ وراهم سوالف مو سالفه وحده توقعاتكم؟؟؟؟؟؟ تموت كل المدرسه هههه امزح والله مادري البارت مرة رائع روعهه خياللللللل بس حبيبتي ممكن سوال ايش هي نوع روايتك وهل فيها رومنسيه وشكرا على الرابط cool soso and ملاك الوفاء like this.
__________________ I love you syo kun |
|
#22
06-18-2013, 11:34 PM
| ||
| | ||
| البارت الرابع إسترجاع لما حدث المحقق راح يفتح التحقيق من جديد ودلال راحت للقاعة علشان تستدعي البنات عند لمياء بعد ما رجعت العنود: تحسنتي لمياء : ايه زهور: يا قلبي وش هالمصايب قلبي الصغير لا يتحمل ملاك: والله ما توقعت إن سعاد تسوي كذا صح أنها ساكتة بس طيبة وتساعد صدق الدنيا ما فيها أمان العنود حست بلمياء: لمياء تعالي نجلس شوي زهور وملاك: طردة يعني العنود تمد إللسانها: عادي فرقكم عيد زهور تمشي: صدق ساحبة تشوفين العنود تكلم ملاك: هيه شوفي المهبولة صدقت ملاك: معليك بروح أشوفها خذوا راحتك العنود: لمياء وش فيك لمياء: ولا شيء العنود: علي يعني أنتي يوم رجعتي أنقلب وجهك شفتي شيء أحد كلمك ولا شيء لمياء: لا ولا شيء العنود: تراء كذا أزعل لمياء: لا لا تزعلين خلاص بقول العنود: يلا غردي وش عندك ((لمياء قدها بتتكلم وتدخل دلال وتروح تشاور المعلمات بعدها تغيرت وجيهم ثم تقول بصوت عالي)) دلال : بــــنات هدوء اسكتوا بقولكم شيء بنت1: عرفتوا مين قتل الأستاذة ميــــن بنت2: هي أنتحرت ولا أحد قتلها بنت3: انقتلت بسكين صح>> الأشاعات ووش تسوي البنت1: لا انتحرت انا شفتها شربت كلوركس> نصب عيني عينك (( وبدوا البنات كل وحدة تقط خيط وقلبوا مجلس الشورى)) دلال أرتفع ضغطها وبصوت عالي: بـــــنات وصمخ اسمعوا وش بقول البنات:.....>> سكتوا دلال: بنادي بنات بالأسماء وكل اللي تسمع اسمها تجي اللحين فاهمين أنوار سعد الـ هنادي عمر الـ أحلام متعب الـ أروى عبد الله الـ رغد عبد العزيز الـ البنات بدوا يتهامسون وتنزل مجموعة من الطالبات اقصد أشكالهم ما توحي بشكل أحد طالب علم مكياج كامل إكسسوار تسريحات غريبة أزياء مخالفة عند دلال وبين همسات البنات وصدمتهم البنت1: هذولاء القاتلات البنت2 بعصبيها: سدي حلقك يا الكلبه ولا تتبلين البنت1: لا تدافعين أكيد قاتلات أجل ليه الشرطة طالبتهم البنت3: مستحيل عزوزي يسوي كذا البنت4 بقرف: هذي أول وحدة متأكدة أنها القاتلة البنت5: حدك عاااااااد (( وبدوا البنات يتهاوشون واللي تسب واللي وصلت تنط على الثانية ابله حصة تسكنهم هي وبقيت المعلمات)) دلال: يلا أمشوا البنت1 بخشونة : انتظري انتظري أختي مرة وحدة نمشي وين يا الحبيبة >> بويه دلال: هيه احترمي نفسك البنت2 بدلع: Police do nottake meI'mscared(( أرجوك لا تأخذيني أنا خافه)) دلال بعصبية: أمشوا امشوا (( يمشون البنات)) عند لمياء والعنود زهور وملاك جاين مسرعين بعد ما راحت دلال والبنات يتضاربون زهور: أما يعني هم اللي قاتلين العنود بحقد: أمثالهم يستاهل يطق في السجن ملاك شوي وبتبكي: لا عزوزي حبيبي ينسجن العنود: اشش الله يفضحك ما أدري وش يحببك فيها لمياء تتذكر اللي سار في الحمام: ما أظن أنهم مجرمات العنود بحقد: لا تدافعين عنهم ما تعرفين هذولاء يقتلون القتيل ويمشون في جنازته لمياء: ( الحين وش أسوي يمكن ينظلمون لازم ألقاء حل) عند المحقق خصص أحد الفصول علشان يقدر يكلم البنات ويحقق معهم الشرطي: حضرة المحقق البنات وصلوا المحقق: طيب جيبهم بالدور (( براء الفصل كانوا البنات بالطبع كلهم لابسات عبايات بعيدة عن الستر الضيق والمفتوح من قدام واللي شعرها طالع واللي متلثمة المديرة جنب البنات ومن يشوفها يقول أنها هي اللي بتحقق خايفة وتمسح عرقها وتلف يمين ويسار وأكيد نص البنات قاعدين يقزون فيها كأنهم يقولون جايك الدور ودلال تناظرهم بتعجب على هالأشكال )) المحقق: وش فيهم تأخروا (( يسمع صراخ براء)) .... تكلم المديرة: هيه المديرة بخوف: ها بنت1: أسمعي تراء والله أن ما كلمتي أهلي الحين لأرفع عليك قضية أنك سلمتينا للشرطة بلا أذن من أولياء أمورنا دلال: خير وش تحسين فيه أنوار أنوار: أنا أقول الحق إن ما اتصلت في أهلي والحين برفع عليكم قضية توديكم وراء الشمس المحقق يطلع: وش السالفة بنت2: حنا نجرب حقنا الدستوري نبغا محامي المحقق: وش دستو وش تكلمين بنت تقاطعة 2: اول شيء سحبتنا كذا بلا أي أدله قدام البنات المحقق يبي يتكلم تقاطع البنت2: وشهرت فينا وهذا يعتبر جريمة بحد ذاتها المحقق يبي يتكلم تقاطعة البنت تتكلم بسرعة2: ثاني شيء أنت انتهكت خصوصيتنا وهذا جريمة انتهاك خصوصية الأخرين والتشهير بأعراضهم وحنا بنات تتوقع الأمر ينسكت عنه المحقق: يــا بنت ( تقاطعة) البنت2: الخلوة تتوقع ندخل معك بالحالنا وش الدنيا سايبه هذا جريمة ثالثة وهي الاختلاء بالمراءه تتوقع الهيئة بتسكت عن هذي الجريمة الشنيعة وش بيقول عنا الناس والحين كم عدد الحقوق اللتي تم انتهاكها المحقق إلا الحين ساكت: ها وش تقولين البنت تشه  : ها هذي تعتبر جريمةتقاطعها دلال بصراخ: هنااااااادي خلاص بنت3: بدت شغل القرقرة أسكتي المديرة تبي تسير قوية: خلاص عاد الحين بتسون التحقيق ومراح يسير شيء البنات : هاااااااا أنتي أخر من يتكلم البنت5: I impossible toenterthe investigation (( مستحيل أدخل للتحقيق)) انوار: أظن ما فيه دليل يثبت شيء علينا (( وقعدوا يصارخون ويعايرون)) دلال: أسكتوا فضحتونا المحقق دق جوالة يرد على الأتصال ويبعد شوي عن جو النكد العقيد: السلام عليكم المحقق: وعليكم السلام حضرة العقيد فيه شيء العقيد: بلغني أمر أنك تحقق في أحد مدارس البنات المحقق: نعم والحين ببدأ أستجوب المشتبهات العقيد بعصبية: أي أستجواب تعرف أن البنات هذولاء لو رفعوا شكوا واحدة علينا بيمحونا من الأرض المحقق بعصبية: وش دخلني فيهم أنا هذا شغلي العقيد بعصبية: هالشغل بيروح بسبب شكوا منهم المحقق:لو وقف كل الناس عنه علشان بنات مدلعات كان راحت الدنيا العقيد بعصبية: أجل من اليوم (( كان بيتكلم )) المحقق كان بيرد بس فيه أحد سحب الجوال من يده ....: ألــــووو العقيد بعصبيه: مين .....: أنا رغد عبد العزيز الـ أظن أنك قد سمعت بهالأسم (( بعدت شوي عن الكل وبعد دقيقتين رجعت)) رغد تعطي المحقق الجوال: ممكن نكمل التحقيق أنوار: رغد بس رغد: سمعتنا بتروح فيها إن ما حققنا وبيقولون إنا صدق قتلنا البنت خلينا نحقق ( تلتفت على المحقق) صح كلامي المحقق مفهي : صح رغد: يلا بنات خلينا نحقق ونخليها تعدي على خير الكاتبة: يبدأ التحقيق بالطبع يبدونه مع هنادي وما طلع بنتيجة إلا وجع رأس ويبغى حبوب إسبرين وبعدها البنت أروى اللي تفسلفت بالأنجليزي المحقق: لو سمحتي تكلمي عربي أروى: ليه ما تعرف إنجليزي المحقق علشان ما يكبر السالفة: إيه أروى: طيب حضرة المحقق بس وش تبيني أقول المحقق: أنتي على علاقة بالميتة مرام أروى: لا والله بس اللي أعرف إنها كانت مكروها من البنات المحقق: ليه مكروها أروى: البنت ما أعرف عنها كثير بس هي خلوقه مررة يعني أدب وأخلاق ودرستها أوكي والكل يمدح فيها بس تعرف كثير بنات يغرون منها ولا يحبونها المحقق بمكر: وأنتي من أي جهة من هذولاء أروى ابتسمت: أنا ما أحب البنات من شكليتها يسون نفسهم بريئات وهم العكس المحقق يتجاهل أخر جملة: طيب صديقاتها أروى: إسئل رغد وأنوار وعزوز كانوا يمشون مع مرام المحقق منصدم: مين عزوز أروى بسخرية: أحلام المحقق فهم أنها البوية: طيب تفضلي أروى بصوت حلو: Goodbye dearhandsomeman (( وداعا أيها الرجل الوسيم)) المحقق سوى نفسه مو فاهم وش قالت ------------------------------------- التحقيق مع أنوار يدق الباب المحقق يناظر الورق اللي في يده: تفضلي البنت: هــــــــاااااااي المحقق يلتفت وينصدم من البنت الواقفة شكلها ملفت وحلوة يعني فتنة والعباية إلا مالها داعي البنت: فيه شيء المحقق يرجع للواقع: احم احم تفضلي مين معي البنت تحط رجل على رجل بجرئة: أنا أنوار سعد الـ المحقق يتحاشى النظر لها: طيب أنوار سمعت أنك تعرفين مرام أنوار بغرور: ايه كنت اعرفها ولا اتشرف بها المعرفة المحقق: ليه انوار بنبرة غريبة: البنت معروف عنها تكلم أولاد وعلى علاقات وحنا أول ما عرفنا طلعنا وتركنها علشان ما نخرب سمعتنا المحقق: طيب تعرفين أحد من الشباب اللي تكلمهم أو تشكين بأحد أنوار: لا ما اعرف أنا مستحيل ألتحم مع هالفئة من الناس بالأساس أنا كنت معارضة صداقتها وكنت متأكدة أمثالها ما يقدرون يوصلون لمستوانا المحقق تنرفز من كلامها: ما أظن المستوى يحدد التربية أنوار بثقة: إلا يحدد فبنت العائلات تعرف حدودها ومتعلمة في أحسن المدارس ومستحيل تطيح سمعة عائلتها بس البنت الفقيرة لا تربية ولا تعليم راقي المحقق: (( شوفي نفسك بعدين تكلمي على التربية)) المحقق بنرفزة: طيب فيه أحد يحقد عليها انوار: يووو كثير يكرهونها وأولهما أنا المحقق: شكرا انوار: حضرة المحقق ممكن طلب المحقق: تفضلي أي خدمة انوار: اتمنى ما تقول لأحد يعني أخف سمعتي تروح ويتهموني المحقق: كل اللي تقولينه ما يطلع ابدا انوار بصوت ناعم: مشكورة يا حلو المحقق اللي ما سمع وش قالت: ها فيه شيء انوار ترقع: لا بس شكرا ------------------ التحقيق مع عزوز او أحلام تدخل بقوة وهي ماسكة العباية كأنها كيس في يدها أحلام بخشونة: السلام عليكم يا الأخو المحقق منفجع: أحلام أنتي صـ صـح أحلام: عزوز يا الأخ المحقق يطنشها: أجلسي يا ( ويشد أختي) أحلام تنرفزت وجلست على الكرسي وهي فاتحة رجيلها كأنها ولد المحقق: هيه يا بنت أجلسي زين أحلام: أنت تحقق ولا تعلمني الأدب المحقق: لا بحقق بس لو في يدي لعلمتك بس مو فاضي أحلام تضحك بخشونة: ههههههههههههه المحقق أنفجع من ضحكتها: سلامات وش فيك أحلام: والله إنك فله عطني الرقم المحقق تنح: هـــــااا أحلام: أعجبتني المحقق : تتمسخرين أنا أحقق أحلام بطفش: طيب طيب يلا وش تبي الزبده المحقق اللي يبي يخلص أسرع شيء وإلا بيذبحها: سؤالين وبعدها أطلعي تعرفين أحد يكره مرام وأي شيء قولي لي وأصدقائها أحلام: أول شيء اليوم اللي ماتت فيه مرام كنت غائبة فيه ثاني شيء علاقتي سطحية معها ما أحب النوع البارد من البنات المحقق: أطلعي أحلام: أماا بس كذا المحقق: إيه كذا يلا روحي __________________________________ التحقيق مع رغد (( ملاحظة ترها البنت اللي صدمت في لمياء صاحبة قصة فكتوريا عرفتوها)) دخلت عليه رغد المحقق: أنتي رغد عبد العزيز الـ رغد بعد ما جلست وحطت رجل على رجل بس يهدوء وهي تأكل علك : نعم أنا هي حضرة المحقق ( وسكتت تقصد أسمه)) المحقق: أسف ما عرفت بنفسي أنا راشد سالم الـ رغد: طيب راشد>> رفعت الكلافه راشد منصدم: ها رغد بابتسامة وهي تعلك: عادي أناديك راشد لأنك مرة صغير ماتستاهل تسير محقق بها العمر ما أدري كيف قدرت تشتغل هالشغل راشد أنهبل: ( وين يا الأخت) رغد: لا يكون قلت شيء غلط >> لا قلتي أشياء راشد يغصب نفسه يبتسم: لا عادي خذي راحتك رغد فكت الطرحة وشعرها طلع راشد: خــير وش تسوين رغد: قلت خذي راحتك راشد: خير فيه فرق بين خذي راحتك بالكلام وفكي الطرحة رغد بعصبيه: أسمع يا هذا تراء ما فيه أحد فها الغرفة يعني وش بيسير مفروض تعاملني معاملة خاصة راشد: وليه إن شاء الله رغد بغرور: لأني أنقذت مستقبلك المهني راشد بعصبية : محد طلب هالمساعده رغد: صح أنت ما طلبت المساعدة بس بدافع رحمتي بك وشفقتي راشد: تعرفين مين أنا علشان تقولين كذا رغد تقاطعه بحزن ودراما: أعرف أعرف لا تحرق قلبي أكيد أنت أكبر واحد من أخوانك وتعيشون في بيت مهدم في أحد الأحياء المجهولة تحاول تكسب لقمة العيش لعلاج أمك المريض بالسرطان وإطعام إخوانك علشان ما يشحذون وتكون الأب لهم في ظل أبوك المجرم اللي راشد يقاطعها: وش تقولين رغد بغباء: أتخيل حياتك القاسية راشد يناظرها بإستغراب: ولا شيء من اللي قلتي صح رغد تحطمت: ولا شيء راشد يهز رأسه: ولا شيء (( لحظة صمت غريبة)) رغد تضحك: ههههههه راشد خاف: بنت فيك شيء رغد: لا كمل وش فيك ما تحقق تراء حنا في تحقيق مو لعب راشد: ( من ساعتين وش أقول لك)) راشد: يلا نبدأ التحقيق رغد تطلع العلك من فمها وتلصقه على الطاولة: يلا كمل راشد سكت عن تصرفها: طيب سمعت أنك صديقة لمرام ممكن تتكلمين عنها رغد: أنا صديقتها وعرفتها على الشلة بس كان فيه كثير من البنات ما تقبلوها فسارت بعض الحوادث وتهاوشت مرام مع شلة من البنات وكانوا صديقات نعرفهم فتركنها بسبب هالخلاف راشد: وأعداء فيه أحد من شلتك يكرها أو خارج الشلة رغد: لا على ما أعرف راشد سرح شوي رغد تقاطعة: فيه شيء راشد: لا ولا شيء يمكن تطلعين رغد قدها وقفت بتطلع ثم رجعت التفتت على راشد: لو سمحت راشد: تفضلي فيه شيء رغد: أسفه على وقاحتي معك قبل شوي راشد: لا عادي رغد: طيب والمجرمين عرفت شيء عنهم أكيد ما تشتبه في صديقاتي راشد: معليك راح أمسكهم وصديقاتك ما عليهم شيء وطلعت رغد تاركة راشد في حيرة من أمرة ------------------------------------------------ الكل متشوق للشخصيات بنحط الأبطال بس مو كلهم اللي طلعوا للحين ولكن بعد كم بارت بيطلع أشخاص جدد وهم أبطال لمياء محمد الـ تدرس علمي السنة الثانية بنت ذكية بس عيبها تجيها حالات لقافه تورطها بعدين في الكثير من المشاكل وهي تكرة شخصية من الأبطال بعدين تعرفونها طيبة وخجولة وعلى نياتها وحساسة بعين تنقلب بسبب اللي بيجيها الشكل: بيبي فيس متوسطة الطول وجسمها حلو شعرها بني فاتح طويل لنص ظهرها عيونها واسعة ولونها بني غامق ورموشها طوال وبشرتها بيضاء يعني جمالها طبيعي رغد عبد العزيز الـ (( أعيد تراها نفس البنت اللي صدمت لمياء >> شكلي بنجلد)) تدرس علمي السنة الثانية عندها أسلوب غريب بالكلام ووقح يخلي الكلي يتنرفز منها أنسانة مزاجية مرحة ومضحكة لها ذوق غريب في الملابس بس يطلع حلو عليها ولكنها تخفي هالتصرف شخصية ذكية يعني ما تقدر تعرف وش تفكر تحب تنرفز شخص معين بعدين تعرفونه فيه لها أعداء كثير وهي تخفي سر محد يعرفه الشكل: قصير بس جسمها حلو مخصر قاصة شعرها فكتوريا " القصة اللي من قادام طويل ومن وراء قصير" وصابغة شعرها أسود ومن أطراف شعرها صابغة أحمر بس من عند الأطراف رموشها كثيفة وعيونها وساع ولونها عسلي بيضاء وملامح وجهها جذابة أنوار سعد الـ تدرس علمي السنة الثانية صديقة رغد من النوع اللعاب تحب تكون هي المتحكمة في كل شيء ومغرورة بس تتغير شخصيتها 24 درجة إن مشت مع رغد بإعتبارها صديقة الطفولة ماكرة وصاحبة حيلة وممثلة درجة أولى وهوايتها تحطيم اللي قدامها مهتمه بالموضة والملابس والأزياء وتلبس أغلى الأشياء وعندها أهم شيء المكانة والعائلة الشكل: طويلة حيل مثل عارضات الأزياء وجسمها جذاب سمراء بس السمار الهندي واللي يخليها أحلا عيونها وساع ولونها أسود وشعرها فوق ظهرها بشوي لونه بندقي لها سر محد يعرفه العنود فايز الـ تدرس أدبي السنة الثانية بنت مرحة ومحششة درجة أولى مهبوله وعليها خطط تكره بنت من البنات وتخفي كرهها عن الكل تفهم لمياء وتحاول تساعدها في مشاكلها الشكل: قصيرة دبدوبة كيوت شعرها لتحت أذنها أسود بيضاء وعيونها واسعة هنادي عمر الـ تدرس السنة الثانية علمي بنت ما تقدر تمسك لسانها وهو عيبها الوحيد إنها إن تكلمت ما تسكت لها قصة بعدين تعرفون شخصيتها أكثر في البارت الجاية وهي لها قصة الشكل: متوسطة الطول نحيفة حنطيه عيونها ناعسة سوداء وهي نقطة جذابة فيها وجهها من النوع اللي يسير بريئ مناسب لملمحها شعرها لتحت كتفها بني غامق على سواد أحلام متعب الـ السنة الثانية أدبي بوية وتحب الناس ينادونها عزوز البنات منهبلين عليها وهي من النوع اللعاب والباقي بعدين تعرفونه وهي من شلة رغد وانوار الشكل: قاصة بوي وتسيح شعرها على عيونها عيونها ناعسة سوداء بيضاء مرة متوسطة الطول جسمها عريض يعني زي البويات أروى عبد الله الـ السنة الثانية علمي بنت مغرور ومتكبرة ودلوعة وغيوره ومغزلجية وتتفلس كثير بالأنجليزي بعدين تكتشفون جانب من حياتها الشكل: قاصة شعرها لين أذنها وصابغته أشقر بيضاء بس مو مرة جسمها حلو متوسطة الطول عيونها ناعسة بس جمالها مو ذاك الزود ملاك سعود الـ السنة الثانية علمي زهور صالح الـ السنة الثانية أدبي (( أدورهم حالين بسيطة وإن شفت لهم حاجة بحط تقرير عنهم)) ((( أعرف كل شخصية ما أعطيتها حقها ولكن علشان ما أخرب عليكم لأن الكل له قصص وأسرار والطيب والشرير يعني مع الوقت تقدرون ترسمونهم في خيالكم))) المعلمات>> حرام يستاهلون تقرير المديرة دلال وحدة طماعة وعشقها الفلوس بس خوافة ولا عندها هيبة وشخصية المرشدة دلال وحدة طيبة بس شديدة وقوية في وقت الشدة المعلمة مشاعل معلمة الانجليزي وحدة ثرثارة ونقالة حكي مو كفوا تسير معلمة بس لها طابع كوميدي وهي صغيرة في السن يعني مو كبير وهي ملسونة المعلمة حصة صح بانت في الأخير شخصيتها شوي متناقضة حقودة مررة وتسبب مشاكل ولكن في اللي بيكسر خشمها المعلمة فاتن وحدة طيبة على قد حالها بس تنقلب وحش على زوجها مدري ليش فيه كثير من المعلمات بس هذولاء اللي تتركز القصة حالين عليهم والباقي بعدين وأكيد المحقق راشد سالم الـ عمرة 28 توه متوظف والمسكين طاح بها القضية رجل شهم وشجاع ذكي وسريع البديهة من عائلة معروفة بالرياض ولها هيبة قوية بس هو ما يهتم بها الشيء الشكل: أكيد وسيم أسمر السمار الخليجي وجسم رياضي يليق بمحقق مثله عندة غمازة على خذة اليمين ومسوية سكسوكة بس مخففها وإن أبتسم طيح البنات عيونه ناعسة وجذابة وعيونه العسلية >> ما أنهبلتوا عليه (( والكثير من الشخصيات ستظهر والأبطال أيضا)) الكاتبة: تطلع رغد وتلقاء البنات ودلال معهم والمديرة مختفية أكيد بعد سواد وجهها دلال: خلصتي رغد بهدوء: يب دلال تنادي أحد الشرطة: لو سمحت خلصنا التحقيق نقدر نرجع الشرطي: تقدرون بس ممكن تحضر المديرة لأن فيه كلام وأوراق لازم توقعها دلال: خلاص شوي برجع البنات وأروح للمديرة ونجي دلال تكلم البنات: يلا بنات بنرجع لقاعة المحاضرات (( تمشي دلال قدام والبنات وراها متوجهات للقاعة)) انوار تبعد شوي وتروح لرغد: رغد تتوقعين مين كتب أسمائنا رغد بابتسامة: مين غير البقرات الثلاث انوار بهدوء: هل حقيرات يعني إعلان حرب رغد بابتسامة: ما عليك الحين خلينا نفتك من التحقيق ودورهم بيجي بعدين انوار بمكر: خليهم علي رغد بعدم إهتمام: براحتك نرجع لراشد السرحان يدخل عليه شرطي الشرطي: حضر المحقق أكتشفت شيء راشد: لا بس عرفت شيء واحد الشرطي بناظرة بفضول راشد بابتسامة: بعد ما توصل المديرة بتأكد من حاجة وأقدر بعدها أعلمك وش أكتشفت بس شيء واحد أكيد كل وحدة منهم كذبت راشد وش قصده بكذب البنات؟؟؟؟ وش رأيكم بالشخصيات أكتبوا كل شخصية وتعليقكم عنها؟ أفضل المواقف؟؟؟؟ ......... ( تحليلك للأحداث))))
__________________  شكرا خاص لصديقتي غريقة الحب على هالتصميم It's summer time girls روايتي الثانية: أسرار مدرسة العليا http://vb.arabseyes.com/t408642.html |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية عن نارتو مدرسة الثانوية وبعنوان (احبها ولاكن) اول رواية لي | صغيرة لاكني خطيرة | قصص الانمي المُستَوحاة و المصوَّرة | 93 | 08-04-2017 12:39 PM |
| ادخلو بسرعة مدرسة واكادمية كونوها العليا مضحكة لايفوتكم | M! Sa Ki | أرشيف المواضيع الغير مكتمله او المكرره او المنقوله و المخالفه | 3 | 01-06-2014 12:48 AM |
| قصة {مدرسة كونوها العليا }روعه من تاليفي | ساكورا زهرة الكرز | أرشيف المواضيع الغير مكتمله او المكرره او المنقوله و المخالفه | 51 | 08-28-2013 06:31 PM |
| رواية قصة حب سرية / للكاتبة : حكايا قلم ... | همسات روح | أرشيف المواضيع الغير مكتمله او المكرره او المنقوله و المخالفه | 515 | 06-22-2011 04:19 PM |
| صور لنادي مدرسة اوران العليا للضيافه | البؤساء | أرشيف المواضيع الغير مكتمله او المكرره او المنقوله و المخالفه | 12 | 02-25-2010 07:11 PM |
126Likes
العرض العادي
