|
|
#31
06-22-2013, 01:07 AM
| ||
| | ||
| راشد وش قصده بكذب البنات؟؟؟؟ ماادري وش رأيكم بالشخصيات أكتبوا كل شخصية وتعليقكم عنها؟ لمياء احسه مسكينه جاءت مدرسة وصار اللي صار اما انوار وصاحبتها يرفعون الضغط كرهتهم بالمرة اما المعلمات احس انهم مساكين مالهم دخل أفضل المواقف؟؟؟؟ يوم سمعت لمياء اللي قتلوا ......... ( تحليلك للأحداث))) ماعندي شيء بس الرواية كثير حلوة
__________________  |
|
#32
06-22-2013, 02:06 AM
| ||
| | ||
|
روايهههههههه جنان انا متابعه راشد وش قصده بكذب البنات؟؟؟؟ انا اقول انو اكيدوحده منهم تكذب بس اي وحده منهم مادري او عند وحده سر مااحد يعرفه و تبغي تغطي عليههه علشان كذا كذبت وش رأيكم بالشخصيات أكتبوا كل شخصية وتعليقكم عنها؟ لمياءء احسها مسطينه من يوم ما جت ما قالت بسم الله الا جات وجت معاها المشاكل العنود و صحباتها مررره عجبتي شخصيتهممممم حيلل المدرسات احسم مسكينات الا بعضهم أفضل المواقف؟؟؟؟ البارت كله روووووووووووووووووووووووعه ......... ( تحليلك للأحداث))) احس انو في مشاكل كثيييييييييييييييره بس ما اعتقد كلها قتل كذا كانواحنا نتابع المحقق كونان كل ما راح يستانس طلعت في وجهه جريمه ابعتيلي الرابط لا تنسي |
|
#34
07-01-2013, 11:57 PM
| ||
| | ||
| البارت الخامس تراء أنا زعلت كثير ما أحس في حماس في الرواية تراء بوقف إن ما حصلت عشرين رد وأكثر وأبغى ردود تفتح النفس وأنا وأثقة من متابعيني هم الأروع لا تخيبون ظني الكاتبة : يفتح باب القاعة وتدخل دلال ووراها البنات وبسرعة تجمعوا المعلمات سئلتهم عن المديرة وعلموها أنها في المكتب وراحت وأول ما طلعت بدأ الأزعاج --------------------------------- بنت1: هيه أنتوا وش صار عرفتوا مين القاتل انوار ترد: احترمينا يا بنت الفقر ثم تراء عندنا أسماء بنت2: أكيد علشان مناصب أهلكم ما جاكم شيء أروى: يووو بدأ شغل الحقد والغيرة أعوذ بكلامات الله بنت3: وش تغار عليه على زين وجهك بنت4 تدافع: إلا من الغيرة يا الحقودة تراء شغل القروى مو عندنا يالقروية (( وبدأت البنات يتهاوشون ومين معهم ومين ضدهم والمعلمات ما يقدرون يردون عليهم من الخوف)) هنادي اللي ساكتة وتناظر من بعيد وكانت بتروح لشلتها لولا نظرات رغد لها وبعدها ابتسمت وراحت لأنوار اللي تتهاوش مع البنات رغد تهمس لأنوار: خلاص لا تتعبين نفسك أنوار: أنا تراء رضيت أحقق بس شوفي قليلات الحياء رغد: خليك منهم عندي حل الكاتبة: تتوجة رغد للمسرح اللي يسون فيه المحاضرات وأحيانن الأحتفالات ومسرحيات >> لا تستغربون من الفلوس كل شيء يسير (( شكل قاعة المحاضرات))  رغد بصوت عالي: أحم أحم ممكن تسمعوني شوي الكل سكت وبطبع المعلمات في هالظروف يسكتون أحسن رغد: سمعت أن كثير منكم يشوفنا مجرمات وقتلنا مرام وأعرف بصدق إني ما ألومكم فحنا كنا صديقاتها وقريبات منها والشرطة طلبتنا لها السبب علشان صلة معرفتنا وصداقتنا بالمرحومة ولو كان فيه شك واحد بالمئة إنا المجرمات كان أنمسكنا بس بعد التحقيق شافونا بريئات وما فيه شيء ضدنا ( وبنظرة تحدي) وأي وحدة تقول العكس تعطيني دليل وأنا بنفسي بوصلها للشرطة (( ملاحظة إلا الحين مافيه أحد من المعلمات أو الطالبات يعرف بسالفة رسالة التهديد اللي مع مرام أو الأسماء المكتوبة ما عداء المديرة هدى والمرشدة دلال والبنات اللي تم التحقيق معهم والحارس اللي حظر الحادثة مع المديرة )) (( الكل ساكت)) عزوز: صدق هالبنت سكتتهم صح أنوار: مين هم علشان يتكلمون عنا ولا شيء رغد اللي تنزل من المسرح: كيف الحركة حلوة عزوز: والله لو كنتي أطول كان شبكت معك رغد بسخرية: مشاء الله لو أسير عملاق مراح أشبك معك المعلمة حصة بحقد: أنتي وياها يلا أجلوسوا ولا دوروا لكم مكان تسولفون قدام خلق الله أنوار تبي ترد بس تقاطعها رغد: كنا تو بنروح رغد: أمشي يلا أنوار: طيب عزوز: وين أندست أروى رغد: وش تبغى فيها عزوز: ما أدري بس مع جوو التحقيق طالعة حلوة أنوار: أنتي وش تبين فيها ( تكلمها على أنها بنت) عزوز اللي تضايقت: أقول شكل الأميرة زعلانة بروح أشوف الهنوف (( وراحت)) رغد بمزاح: ليه الحلوة زعلانة أنوار: حنا حالتنا حالة وأنتي تستهبلين رغد: وش تبيني أسوي أبكي ولا ألحق مرام وانتحر أنوار: تعرفين وش أقصد وليه متضايقة رغد: علشان أني غصبتك تحققين أنوار: مكان فيه داعي نحقق وكنا تقدر نطلع من السالفة بسهولة بس ليه بغيتي نحقق رغد بحالمية: شكلي حبيت المحقق أنوار: باين أقطع يدي إن حبيتي رغد: طيب ( وتصدم في أحد)) ----------------------------------- في بعد خطاب رغد لمياء: ( وين شفت هالبنت صح هذي هي اللي صدمتها طيب وش دخلها في التحقيق (( تقطع تفكيرها)) ملاك: عزوزي طلعوه أكيد برئي زهور: ما أدري ليه البنات خاقين معها لمياء تضحك: تقصدين هذيك البوية ملاك: شفتيه يووو حلو صح لمياء تلتفت على العنود تشوف شكلها تنتفض من القهر وملامح وجها ما تتفسر لمياء: العنود فيك شيء العنود بعصبية: ها ولا شيء لمياء تبغى تتكلم تقاطعها ملاك ملاك: ما تحسين عزوز حلو لمياء العنود تصرخ: خلاص عاد ما أدري متى بتوقفون خبالكم أنتي والعزوز اللي مجننك وهو مو داري عن هواء دارك اووف (( وتمشي مخليه البنات)) لمياء تلحقها: العنود وش فيك العنود: ما فيني شيء لمياء بعناد: إلا فيك وجهك مو عاجبني العنود: لمياء تكفين لا تضغطين علي خليني شوي بلحالي لمياء بحزن: خلاص عادي (( وتروح العنود وتخليها)) لمياء: ( أول مرة أشوف العنود بها العصبية (( وتصدم لمياء في وحدة))>> تعرفونها ------------------- لمياء: عمى ما تشوفين البنت: والله أنا مو عميا بس عندي قصر نظر لمياء تلتفت وتشوف رغد: ها أسفه ما قصدتك رغد: عادي ما فيه شيء أنوار تعطي لمياء نظرة: اوووف رغد بروح للبنات صرفي حالك لمياء : ( وش فيها معفوس مزاجها) رغد: أسفه صديقتي متنرفزة من بعض الأشياء لمياء تتكلم بنفسها بصوت مسموع: لا عادي ما الومها يعني شرطة وتحقيق والله لو أنا كان مت خوف رغد بابتسامة : أعجبتيني لمياء: هااااااااا رغد: لا ولا شيء بس شخصيتك صريحة تعجبني هالشخصية لمياء تذكرت كلام العنود وتوترت: أسفة لأني قلت شيء يزعج صديقتك وأسفه لأني صدمتك وأسفه لأني خذيت من وقتك و( رغد تقاطعها) رغد: خلاص عرفت انتهى النقاش اممم لازم أروح لصديقاتي يا اسفة باي (( وتروح رغد)) لمياء: (( يوو نسيت أقول لها إني أعرف أنها بريئة الله يعينها ما أدري مين ها البنات بس لازم أعرف مين هم ) ---------------------- عند المحقق جاء فريق المباحث يأخذ الجثة ويرفع بصمات وينظفون كل شيء والمديرة بعد ما سحبتها دلال من مكتبها وجابتها عند المحقق المديرة وشوي وتبكي: هذا اللي طلبت ( وتمد له ملف راشد يقلب في الملف: خلاص المديرة: يعني أروح راشد: ايه والمباحث بياخذون الجثة وننظف كل شيء للحين التحقق ما تسكر بس سكروا المدرسة أسبوع علشان الأجراء وبعدها خلاص المديرة متشققة من الوناسة: كثر الله خيرك ( وطلعت) الشرطي: حضرة المحقق وش نسوي راشد بمكر: فيه سر في هالمدرسة بس ما أقدر لأن الأدلة مو كافية ولو ودي حققت مع الكل بس مو بسلطتي وزين حققت مع المشتبهات بس فيه شيء ( التفت راشد لقى الشرطي منصدم ولا هو فاهم شيء) راشد: قد شفتك الشرطي بخجل: أنا ناصر أحمد الـ توني جديد في هالمجال وأسف إذ كنت قليل خبرة بهالأمور راشد: أجلس وأنا أقول لك كل اللي أستنتجته ناصر يجلس وهو متحمس يعرف وش السالفة راشد: (( تشوف هالملف هذا ملف غياب الطالبات يوم مرام انتحرت وعلى إفادة المشتبهة أحلام قالت أنها غايبة بس أسمها مو موجود وهذا دليل البنت حضرت يوم أنتحار مرام بس ما أدري وش سبب كذبها بهالموضوع ثاني شيء المشتبهة أروى قالت إن مرام معاروفة بأخلاقها العالية بس في كلامها نبرة حقد واضحة عكس أنوار اللي قالت أنها ما تحب مرام ورافضة علقتها بها بسبب سمعتها السيئة وأنهم تركوها بسبب معرفتهم بعلاقاتها مع الشباب عكس رغد اللي قالت أنها ما تعرف شيء عن هالموضوع وتركوها بسبب خلاف بسيط وأن علاقتهم سطحية أما هنادي أشطب على أعترافها لأنها ما تعرف مرام بأي جهة)) ناصر: يعني كلهم يكذبون راشد: أنا درست شخصية كل وحدة وهي تكلمني وأكثر شخصين كانوا صادقين هم هنادي ورغد وهذا دليل على برئتهم بس الباقي ألتمست الكره منهم وهم يتكلمون ناصر: طيب بس ما فيه دليل قاطع راشد: لا فيه بس تحقيق بيكون بالخفي ومن بعيد بحاول أدرس كل شيء يمكن أقدر ألقاء دليل ناصر: طيب وقضية المعلمة سعاد أنت فتحت قضية قديمة ونسيت الجديدة راشد بابتسامة مكر: لا بينهم علاقة وهو المخدر اللي في دم سعاد نفس النوع في دم مرام ناصر بصدمة: بس هي ماتت منتحرة راشد: نعم بس كان في دمها نسبة مخدرات منخفضة وبطبع أخفوا أهلها المعلومة علشان ما تزيد الفضيحة بس تحريت عنهم وعرفت ناصر: يعني في هالمدرسة شخص يبيع مخدرات راشد: كنت بعرفة لو الأبره المخدر اللي أستخدمتها سعاد موجودة بس في أحد أستغل الزحمة وسرقها وكذا المجرم موجود ناصر بحماس: معك يا أبو الشباب راشد منصدم: ها ناصر: أقول خلينا نحقق وحطني على يدك اليسار برويهم بس خلهم يطيحون في يدي راشد: طيب بس هدي تراء الناس سمعوك الكاتبة: يدخل الشرطي علشان يعلمهم بان الجثة تم شيلها من الأسعاف والشرطة بدواء يخذون البصمات يطلع راشد وهو في داخلة عزيمة إن يكتشف الشخص اللي يلعب بحياة الناس انوار وصلت لشلتها انوار تجلس على أحد المقاعد: ااااوف الهنوف وشوي وتبكي: أنوار حبيبتي وين رغود والله أشتقت لكم وش سار في التحقيق عزوز خوفتني قولي لي انوار معصبة : وانتي يا البقرة تصدقين أي شيء عزوز: ههههه بهيمة لا ولي ساعة أكذب عليها وهي تصدق الهنوف تصد يعني معصبة: يا كلب ليه كذا حرام عليك عزوز: الحلوة زعلانة الهنوف: حركاتك ما تمشي علي تغزل في غيري انوار: خلاص مصختوها الحين حنا في سالفة وانتي في سالفة عزوز بجدية : انا من يوم شفت نفسيتك في خشمك عرفت في سالفة وش فيه انوار: تعرفين من اللي كتب أسمائنا في السبورة وخلانا مصخرة عزوز: مو مرام انوار: افتح عقلك شوي مرام انتحرت بس حنا ما سوينا شيء لها أو أقصد كنا بنسوي بس هي ماتت قبل عزوز: بس اللي فهمت المحقق فحص القلم وما فيه غير بصماتها انوار: حبي تراء سهل الواحد يخفي بصماته ولا هي اول جريمة تسير بسبب التلاعب بالبصمات عزوز: طيب ومين عندة الدافع يسوي كل هذا يجي صوت من بعيد: حبيبتنا سلمى ما فيه غيرها الهنوف: رغد من متى وأنتي هينا رغد تجلس جنب أنوار : ما حبيت أقطع تحقيقكم عزوز بعصبية: متأكدة رغد: صح أن سلمى سوت حركة ما فيه مثلها خلتنا نحقق وتسير سيرتنا على كل لسان بس غلطت غلطه أنوار تكمل عنها: كل اللي أنكتبت أسمائهم كانوا على عداوة معها والكل يعرف سلمى ما تطيق هنادي وأروى بسبب شلتها وكل مرة تتهاوش معها وحنا أظن في أول القائمة الهنوف مو فاهمة شيء: بس ليه ما كتبت أسمك عزوز: ببساطة أنتي سبيكة وما ينخاف منها انوار: الحين وش نسوي رغد : أتوقع هنادي عرفت إن سلمى لها دخل بالسالفة عزوز: أجل شلة هتان بتدخل في السالفة رغد بابتسامة: ما أتوقع هنادي مو غبية تبدأ بمشكلة تعيد أشياء لازم تنسى انوار: الحل عندي رغد بابتسامة مكر: لا تدخلي أنا لها عزوز: وش بتسوين رغد بنظرة ماكرة: مالك شغل الهنوف تبي توقف الجو المتوتر: يلا قولوا لي وش سار بالتحقيق أكيد هدى أنهبلت انوار تضحك: والله بغت تبوس رجيلنا من الخوف (( وقعدوا البنات يقولون للهنوف عن المحقق والهنوف تتحسر تبي تشوفة ووضحوا لها سالفة التهديد والأسماء على السبورة وقعدوا يضحكون وكان شيء ما صار)) شخصية الهنوف: بنت دلوعة مررة وضعيفة شخصية يعني الكل يتحكم فيها مشكلتها إنها تحط مكياج مررة قوي وثقيل وهذا اللي يخرب شكلها وذوقها شوي قديم رغم أنها تلبس ماركات بس تركيب ملابسها غلط الشكل: عيونها زيتية ووساعة ووجها بيبي فيس وقصيرة نحيفة وكيوووت الكاتبة: بعد ثلاث ساعات بحوالي الساعة الثانية بعد الظهر طلعوا الطالبات بعد ما خلص التحقيق والأهالي هبلوا في المديرة بالأتصالات والشكاوي اللي بيرفعونها والمسكينة تحاول ما تخسرهم أقصد ما تخسر فلوسهم عند لمياء في البيت أم محمد: والله وسابع سماء إن ما ترجعين لها المدرسة لمياء: يمه تكفين والله ما سار شيء أم محمد: مجنونة أنتي قولي لي أنا سكت عن البنت اللي طمرت من السطح وقلت ما شيء بس معلمة وتتعاطى مخدرات أم مشاري: لا حول ولا قوة إلا بالله يا بنتي وش تبغين بهالمدرسة والله شعر جسمي وقف يوم جات أمك تبكي وتقول وحدة من المعلمات أتصلت تقول أنك مراح تطلعين من المدرسة لين يخلص التحقيق لمياء: يمه وش تراء ما سار لي شيء أم محمد تبكي وتصارخ: وتبيني أنتظر لين يسير شيء لك يا حسافه قلبك يا مها على بنتك أم مشاري: أهدي يا أم محمد ولا تخلين رجلك يدري باللي سار تراء أبو مشاري محلفني علشان لا يترك شغلة ويجي لمياء: ( يوو الحين أمي وخالتي > أم مشاري- مراح يفكوني تعاونوا علي أقول خليني أروح لعمي هو اللي بيلين رأس أمي)) لمياء: يمه بغير ملابسي للحين بملابس المدرسة وأنتي ما خليتيتني (( وتروح تغير ملابسها على السريع وتأخذ شور وتلبس بنطلون جينز وتير شيرت لونة سماوي علية صورة نجوم بالفضي وكلمات بالأنجليزي وتأخذ جلالها وتروح لبيت عمها من دون ما تحس أمها وأم مشاري)) >> ملاحظة كل الفلل لها باب جانبي تدخل على الفلة اللي جنبها وبيت أبو مشاري كان جنبهم لمياء تدخل فله عمها وتشوف الخدامة لمياء: وين بابا الخدامة: فيه مكتب لمياء: طيب (( وتروح للمكتب وتطق وتسمع صوت عمها )) أبو مشاري: تفضل لمياء: هلا عمي أبو مشاري: يا حياء الله من جانا هلا بنتي تفضلي لمياء تحب رأس عمها وتجلس بتوتر: عمي أبو مشاري: سمي يا بنتي وش تبين لمياء: أنت سمعت بسالفة المدرسة أبو مشاري: إية والله كلمتني أمك وقعدت تبكي وبفصلك من المدرسة الله لا يعيدها من مدرسة لمياء شهقت: لاا يا عمي أبو مشاري مستغرب: ليه يا بنتي المدرسة مو مرة يسير فيها كذا مرتين والله وبعد اللي سمعته معلمة تتعاطى مخدرات قسم إن الدنيا ينخاف منها وأبوك موصيني فيك والله لو يدري لكان يخلي شغلة ويجي وأنا موصي أمك لا تقول شيء لمياء: عمي والله يا عمي أني تعرفت على بنات صالحات وطيبات وارتحت لهم وهم ارتاحوا لي واللي سار كان قضى الله وقدرة وانا والحمد لله بعيد عن السوء ولا بساير لي شيء والشرطة سوت شغلها أبو مشاري: والله إني واثق منك واعرف من كلامك إن البنات طيبات من أصل طيب والصداقة شيء ما ينلقاء لمياء بفرح: وافقت أبو مشاري: موافق (( نطت لمياء من مكانها وعمها منصدم ويوم حست على نفسها)) لمياء بفشلة: عمي مشكور والله ما أقدر أوفيك حقك أبو مشاري كاتم ضحكته: وش حقه أنتي مثل بنتي روان لمياء: أستاذنك بطلع (( وقدها بتطلع)) أبو مشاري بجدية: لمياء لمياء: سم عمي أبو مشاري: بنتي انتبهي على نفسك أعرف أنك طيبة وتحبين الخير لا تخلين أحد يستغلك تراء الناس مالهم أمان أنا رضيت ترجعين لها المدرسة فانتبهي وأنا أبوك لمياء: لا توصيني يا عمي (( وتطلع)) ---------------- لمياء: ( قلبي مو مريحني وكلام عمي وراه شيء أحس إن تدخلي في سالفة التحقيق غلط بس أنا مو ساكتة عن الغلط ايه بعرف السالفة وبكشفها البنات اللي في الحمام مين وسعاد ليه أنتحرت كانت طيبة مررة مستحيل يكون صدفة)) رغد وش خطتها لسلمى؟؟؟؟؟ من هو الذي يروج المخدرات في المدرسة؟؟؟ توقع للبطل راشد ؟؟؟؟؟؟ لمياء وش راح يسير لها وهل مخاوف أبو مشاري قد تحدث؟؟؟؟؟؟؟ سر غضب العنود وتصرفاتها الغريبة؟؟؟؟ توقعتكم بشأن الشخصيات التالية: (( لمياء- رغد- راشد- سلمى- أنوار)) >> قولوا كل شيء في بالكم رايكم بتحليلات المحقق راشد؟؟؟؟؟؟ ر
__________________  شكرا خاص لصديقتي غريقة الحب على هالتصميم It's summer time girls روايتي الثانية: أسرار مدرسة العليا http://vb.arabseyes.com/t408642.html |
|
#35
07-02-2013, 02:06 AM
| ||
| | ||
| هلوووووووووووووووو بـــ صراااااااااااااااااحة الرواية <3 مررررررررررررررررررررررررررررره رووووووووووووووووووووووووووووعة كشخةةةةةةةةةةةةةةةةةةةةةةةةةةةةةةةةةةةةةةةةةةةةةة وكلها اثارة واكشن واااااااااااااااااااااااااااااااو حمستينيييييييي فعلاً حلوووووووووووووووه الرواية اتمنى تنزلين البارت السادس بأسر وقت وما تتأخرين في تنزيله واذا نزلتيه طرشي لي الرابط واحين مع الاسئلة ::::::: رغد وش خطتها لسلمى؟؟؟؟؟ ماااااادري وبعدي ماستوعبت هل سلمى هاذي من هو الذي يروج المخدرات في المدرسة؟؟؟ اتوقع مافي احد يروج مخدرات بس هاذي طريقة استعملها إلي خطط لمرام وسعاد في انه ماينكشف توقع للبطل راشد ؟؟؟؟؟؟ بصراااحة مدري تقصدين بتوقع من اي ناحية بس حاسة انه هو إلي بيكشف الجريمتين وبينجح بس بحقق بسرية عشان مايصير مصيرة مثل مصير المحقق السابق لمياء وش راح يسير لها وهل مخاوف أبو مشاري قد تحدث؟؟؟؟؟؟؟ لمياء اتوقع انها بتساعد في كشف الثلاثة إلي سمعتهم يتكلمون في الحمام وانها يمكن تخبر المحقق . اما عن ابو مشاري مادري بصرااحة شنوا توقعاته بس حاسة ان يمكن إلي سمعتهم لمياء يتكلمون يحاولون يسون لها شي بس مابيقدرون سر غضب العنود وتصرفاتها الغريبة؟؟؟؟ يمكن انها شكت في احد من إلي تسبب في إلي صار لمرام وسعاد . اما غضبها فهو عشان عزوز ( احلام البويه ) إلي البنات كلهم ميتين عليه . توقعتكم بشأن الشخصيات التالية: (( لمياء- رغد- راشد- سلمى- أنوار)) >> قولوا كل شيء في بالكم لمياء : مثل ماكتبت قبل بتساعد في حل هل قضية رغد : هاذي هل رغد انا مو مرتاحة ليها ابد ومابي اتكلم عنها راشد : هاذا هل البطل اصراااحة رووعة عجبني ان شاء الله يكشف القضية مثل ماتوقعت سلمى : اوووف رجعنا إلى هاذي مره ثاني انا ماني طايقتهاا وماعجبتني هل سلمى واتوقع انها لها بصله في هل الثلاث إلي سمعتهم لمياء( شكل كلما ابي اتكلم عن هل ثلاث لازم لكتب إلي سمعتهم لمياء في الحمام .. هههههه ) انوار : هاذي بعد حاسته ان لها صله في موضوع مرام وسعاد حاستها إنها السبب المخدرات  بس اكيد ماتروجها اوووف مادريرايكم بتحليلات المحقق راشد؟؟؟؟؟؟ اتوقع تحليلاته كلها صحيحة انتهيت من الاسئلة الصراااحة انا اكثر الشخصيات إلي عجبوني هم >3 راشد ولمياء ( احسهم يناسبون بعض ) :glb: تقبلي مروري ولا تتأخرين في البارت الجاي  يالله اسمحيلي بااااااااااااااااي بأنتظار البارت السادس  |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية عن نارتو مدرسة الثانوية وبعنوان (احبها ولاكن) اول رواية لي | صغيرة لاكني خطيرة | قصص الانمي المُستَوحاة و المصوَّرة | 93 | 08-04-2017 12:39 PM |
| ادخلو بسرعة مدرسة واكادمية كونوها العليا مضحكة لايفوتكم | M! Sa Ki | أرشيف المواضيع الغير مكتمله او المكرره او المنقوله و المخالفه | 3 | 01-06-2014 12:48 AM |
| قصة {مدرسة كونوها العليا }روعه من تاليفي | ساكورا زهرة الكرز | أرشيف المواضيع الغير مكتمله او المكرره او المنقوله و المخالفه | 51 | 08-28-2013 06:31 PM |
| رواية قصة حب سرية / للكاتبة : حكايا قلم ... | همسات روح | أرشيف المواضيع الغير مكتمله او المكرره او المنقوله و المخالفه | 515 | 06-22-2011 04:19 PM |
| صور لنادي مدرسة اوران العليا للضيافه | البؤساء | أرشيف المواضيع الغير مكتمله او المكرره او المنقوله و المخالفه | 12 | 02-25-2010 07:11 PM |
126Likes
العرض العادي
