|
|
#56
08-01-2013, 04:42 AM
| ||
| | ||
| السلام عليكم لك متابعين روايتي أشكركم على ردودكم الحلوة والله لا يحرمني منك وأسفة على التأخير بس كان عندي ظروف وأنتم من نور روايتي وشرفها بمتابعتكم وأهتمامك أتمنى أكون عند حسن ظنكم إلى الأخير أختكم وزميلتك cool soso ----------------------------------------------- يوم الأربعاء في البيت عند لمياء تفطر والطاولة مليانة أم محمد: لمياء تراء أنا سكت علشان أبو مشاري بس أن سار شيء ثاني والله وسابع سماء إن ما تروحين للمدرسة لمياء تقوم من الطاولة: أن شاء الله يمه ( تركب لمياء مع السوئق اللي جابة عمها لها كان من الجنسية الهندية وأسمه كومار) كومار يسوق للمدرسة: سلام ماما لمياء وهي تتأكد من أغراضها: سلام ( وتلتفت على السواق وتشهق) كومار: ايس فيه ماما ( وش فيه ماما) لمياء: وش مسوي فيه عمرك الله يخذك كومار: ماما أن ابغى أطلع كوول قدام هادا سواق تاني علشان كدا روح حلاق سوي شعر أشتر ملابس أطلع كوول (ماما أنا أبغى أطلع كوول قدام السواقين الثانين علشان كذا رحت للحلاق وأشتريت ملابس علشان أطلع كوول) الكاتبة: كان لابس تي شيرت ملون وحاط سلاسل ذهبية ويدة كلها خواتم ولابس نظارة مغطية نص ملامح وجهة ومسوي بشعرة سبايكي لمياء: لا لا أنت موب صاحي أقول وصلني المدرسة وإن رجعنا أتفاهم مع عمي يشوف لك حل --------------------------- في المدرسة في الحمامات البنت1: ياويلي رحنا فيها 2البنت بعصبية: اسكتي خليني أفكر 3البنت: وش تفكرين فيه النهاية واضحة أنوار مراح تسكت البنت1: كيف حنا توقعنا الشرطة بتمسكهم البنت3: سلمى شوفي صرفة تراء انوار أكيد عرفت شفتيها كيف كانت تطالع فيني يوم مريت جنبها البنت2(سلمى) : لا أنوار بالنسبة لي ولا شيء الحين بدأ اللعب يلا أنا بتصرف خلينا نطلع (( وطلعوا من الحمامات)) ---------------------------------------------------- الكاتبة ((بعد وصول لمياء مرت الحصص بسلام وجات الفسحة)) في الفسحة وتحديد الكافتيريا لمياء - ملاك - زهور    لمياء: بنات وين العنود ملاك: العنود مرررة مصختها تراء زهور: تخيلي يوم شفتها صدت عني لمياء: أكيد فيه شيء ملاك وهي تأكل كرسون : مم مرة سخيفة زهور: سكري فمك يع الله يقرفك ملاك مسكت الكرسون وحطت بفمها وبلعت مرة وحدة وقعدت تكح زهور تعطيها العصير: أشربي أشربي لمياء: بسبتك شرقت أعوذ بكلمات الله التامات ملاك بعد ما هدت: لا لا ما أصدق شوفوا عزوز وشلتهم جالسين جنبنا زهور: بغيتي تذبحين نفسك علشان هالعزوز ملاك تنهد: فديته لمياء تلتفت وتشوف أنوار والهنوف وعزوز: بنات عرفوني بهم زهور: شوفي شوفي البنت الطويلة السمراء هذي أنوار وحدة من عائلة معروفة تعرفين عائلة الـ...... لمياء: هذي منهم زهور: ايه ملاك: بس ما تعجبني تحسونها مرررة مغرورة وشايفة نفسها بس عليها ذوق يأخذ العقل شوفي ساعتها رولكس  زهور: أسكتي وتحسري البنت ما تلبس الشيء إلا مرة وحدة تخيلي ما عمري شفتها تلبس الشيء مرتين زهور وملاك يتنهدون: الله كريم لمياء بخجل: بنات بس مو أنتوا من عائلات راقية زهور: لا حنا عاديين لا حنا أغنياء ولا فقراء الدرجة المتوسطة ملاك: أعجبتني الدرجة المتوسطة لمياء: طيب كملوا زهور: شفتي القصيرة البيضاء هذي الهنوف من عائلة معروفة بعد بس مو ذاك الزود ملاك: ما أدري كل ما أشوفها أحسها مخفة ( خبل) زهور: زيي وتعرفين البويه عزوز وخلصنا تراء مدرستنا فيها كثير بنات أنتي بس تشوفين التوب بعدين تقابلين الشلل الثانية لمياء : بس ما معهم بنت ثانية >> تقصد رغد ----------------------------- عند رغد كانت متوجة للكافتيريا وتقابل سلمى الكاتبة: ((سلمى تناظر رغد بحقد رغد يوم شافتها ابتسمت وكان مو هامها شيء سلمى استغربت وبعدين صدت وراحت رغد بابتسامه وهي تشوف سلمى تبعد دخلت الكافتيريا وأول ما دخلت كل الأصوات اللي في الكافتيريا وقفت مشت بثقة ورحات للطاولة اللي فيها البنات)) رغد: هاي الهنوف: هاي عزوز: وش هالكيس اللي في يدك رغد تحط الكيس على الطاولة: وحدة بنت أعطتني أياه ما تصدقين ما ركزت عزوز: أقول شكل معجباتك كثار بتغطين علي رغد تمثل الخجل: لااااا تراء أستحي لها الدرجة أنا خقه وأسحر البنات أنوار بتملل: ليه تقبلينها وأنتي مو راعية أعجاب رغد: لو تشوفين البنت مسكينة مدت الكيس وهي شوي وتبكي وما بغيت أكسر بخاطرها الهنوف بفضول: وش فيه رغد: ما أدري ( وقعد تفتحة وطلع عطر)  الهنوف: واو مرة ذوق رغد بتملل: خذيه الهنوف : لا الهدية لك رغد: تبغينه خذيه الهنوف بخجل وتوتر تناظر العطر وتناظر رغد: عادي رغد بابتسامة: عادي ( وتعطيها العطر وتخذة) الهنوف: شكرا رغد: عفوا الهنوف يوم لاحظت نظرات الغضب من أنوار: رغد تبغين تشربين شيء أكيد أنتي جوعانة رغد: جيبي لي حليب بالفراولة الهنوف باستغراب من الطلب: ها طيب ( وراحت) أنوار تطق بأظافرها الطاولة: خلصتوا تراء عادي أنتظر أطول رغد : أكيد أنوار: طيب سلمى لقيتي لها حل رغد باستهبال : أكيد أنوار: رغد لا تستهبلين ابغى أعرف وش بتسوين رغد : يا أنوار اصبري كل شيء بيسير أوكي عزوز: بس من رأيي أنتبهي سلمى مو هينة رغد: سلمى صح ذكية بس مو أكثر مني أنوار: بس انتبهي الهنوف جأت ومعها حليب الفراولة: جبت طلبك رغد تخذ الحليب وتناظر الساعة: خلص الوقت أنوار: وين بتروحين عزوز: شوي وتخلص الفسحة رغد تبغى تستفز أنوار: معي موعد مع حبيبتي ما أقدر أخليها تنتظر أنوار: يــــــاا بنت عزوز فاطسة ضحك: تستاهلين أنوار: أسكت عاد ------------------------------------ عند سلمى كانت جالسة في قاعة المحاضرات وما فيه أحد غيرها .... بتوتر: سلمى خذي جبت الأكل سلمى: شكرا مها مها: لا عادي بس ممكن أروح صديقاتي ينتظروني براء سلمى: روحي أساسا البنات شوي ويجون مها: طيب باااي ( وراحت) ---------------------------------- خلينا نعرفكم بسلمى سلمى ندرس أدبي السنة الثانية بنت جد جميلة تحب ترفع شعرها الأسود الطويل وتلبس نظارة عيونها ناعسة بني غامق بيضاء نحيفة متوسطة الطول بنت رغم مظهرها المحترم إلا أنها لعابة وتحب تكلم شباب وتلعب عليهم قاعدتها العبي عليهم قبل ما يلعبون عليك بنت عديمة الثقة بالناس وحدانية رغم كثر صداقاتها ولها ماضي -------------------------- سلمى تطلع جوالها اللي مخفيتة : ألووو حبيبي كيفك الرجل: هلا عمري حياتي كيفك وكيف الجامعة سلمى تسوي نفسها زعلانة: أووووف لا تذكرني الرجل بينهبل: ليه حبيبتي جعله فيني ولا فيك وش فيك سلمى: اليوم الدكتورة طردتني من المحاضرة وأنا جد أنحرجت تخيل ما سويت شيء الرجل: دامك ما سويتي شيء أكيد غيرانة من جمالك سلمى تمثل الخجل: لا حبيبي أنا مو هالدرجة الرجل شوي ويدخل وجهة في الشاشة: فديتك أنتي أحلى وحدة سلمى: تحبني الرجل: أموت فيك سلمى: طيب ليه أنت مو مهتم فيني اليوم عيد ميلادي ولا تذكرته الرجل : لا حبيبتي وش تبغين الحين اجيبه لك سلمى: وش تشوفني محتاجه شيء عادي ما أحتاج فلوسك تراء أنا عندي كرامتي الرجل: لا أنا حبيبك وبجيب لك وفلوس ما فلوس فلوسي كلها لك حتى أنا سلمى: صدق الرجل: أكيد سلمى: تسلم حبيبي فيه طلب وأن نفذته بكون أسعد وحدة بالعالم الرجل: أمري سلمى: فيه عقد ألماس من محل ..... برسل لك صورته وعنوان المحل ممكن تجيبه لي أعتبره كهدية عيد ميلاد الرجل: أكيد سلمى: باااااااااااي ( وسكرت من دون ما تسمع وش بيقول) ----------------------------------------- سلمى: ( يع أحس أني بختنق وش هالقرف بس عادي بخرب عليه وأنحاش خليه يجيب العقد وأتركة) الكاتبة: (سلمى قعدت تشرب العصير ومع فترة بدأت تحس أن رأسها يدور وقفت من الكرسي بس بغت تطيح) سلمى: وش فيني .....: محتاجة مساعدة سلمى: رغـــــد يا الحقير وش سويتي فيني رغد جالسة على أحد الكراسي: اه تقصدين العصير هذا فيه حبوب منومة ما قالت لك مها سلمى شوي وتطيح: كيف بس مها رغد: صديقتك أوه يا سلمى أنتي الوحيد اللي تختارين أسوء أنواع البنات علشان يكونون صديقاتك سلمى بسخرية: مثل صداقتنا رغد بنظرة حادة: لا تدخلين المواضيع ببعض سلمى بغى يغمى عليها بس رغد مسكتها رغد بابتسامة مكر: لا مو الحين لازم نتمشى شوي سلمى خلاص حتى الكلام ما تقدر تنطقه بس تشوف كل شيء يدور حتى : اااااااااااااه الكاتبة: ((رغد تمسك سلمى وتمشيها لين يطلعون من القاعة وبطبع البنات كلهم منصدمات لأن سلمى ورغد مثل الزيت والنار وقعدوا يتهامسون ولا هم مركزين على شكل سلمى اللي هي شوي وتطيح وأول ما وصلوا الحمامات دخلوا بطبع كان فيه بنتين يعرفون رغد سدوا باب الحمام علشان محد يدخله )) ---------------------------- رغد ترمي سلمى على أرض الحمام: ااااوف كتفي بغى ينكسر سلمى اللي منسدحة بالحمام وبدأت تفقد الوعي وأول ما شافتها رغد بيغمى عليها طلعت جوالها وقعدت تصور سلمى رغد: ما أدري بس بس بتكون صورك للذكرى تعرفين عندي صديقة تموت بصور سلمى فاتحة عيونها بالحيل وتسمع بس:........... رغد: Sweet Dreams My stupid friend (أحلام سعيدة يا صديقتي الغبية) ( راحت رغد وسلمى مغمى عليها في الحمام) ------------------------------------------- بعد فترة في أحد الفصول تدخل بنت البنت1: بنات ما سمعتوا البنت2: وشو البنت1: سلمى ورغد كانوا يمشون مع بعض تخيلوا البنت3 بغباء: عادي البنت1: سلمى صديقتكم البنت 2  : وشوووو وينهاالبنت1: ما أدري البنت3: مشاعل خلينا ندور عليها أكيد رغد سوت شيء مشاعل: غرور أكيد الحين محد يمشيء براء خلينا بسرعة ندورها ملاحظة بسيطة: صح أن المدرسة أهلية وكل شيء فيها مفتوح بس المرشد دلال حطت قوانين صارمة علشان تمسك البنات وهي مجرد التهريب من الحصة فصل لمدة أسبوع ولأن كثير بنات يهربون حطت عقوبات بطبع الكل تقريبا يطبقها غرور: أكيد هي في قاعة المحاضرات خلينا نعرفكم بغرور ومشاعل مشاعل: السنة الثانية أدبي قاصة شعرها لين تحت الأذن بشوي بيضاء وطويلة وجسمها حلو بيبي فيس شخصية مشاعل عقلانية كثير وواعية وثقة مررة رغم هذا فهي صديقة وفية لسلمى غرور السنة الثانية أدبي مع مشاعل بالصف شعرها طويل وصابغته أشقر سمراء وطويلة مررررة شخصية غرور نقول عنها سهل ينلعب عليها بسيطة عقل فيها غرور بس مو مرة تحب نقل الكلام والأخبار في قاعة المحاظرات مشاعل: وينها غرور تلمح شيء: شوفي مشمش مو هذي مها اللي مع سلمى بالصف مشاعل: وش جابها غرور: وش معها هذا مو جوال سلمى مشاعل: هيه مها مها فزت بخوف: هـــا مشاعل بشك: شفتي سلمى مها تخفي الجوال وراء ظهرها وبتوتر: لا ما شفتها أبدأ مشاعل لمحتها: وش اللي وراء ظهرك مها بخوف: ولا شيء غرور: مو هذا جوال سلمى وين سلمى يا النصابة مها تبي تتهرب: الحصة بدت بروح مشاعل مسكتها بقوة: أول شيء عطيني الجوال مها بخوف أعطتها: ها خذي مشاعل بعصبية: وش سويتي لسلمى مها تبكي: تكفون لا تعلمون أحد سامحوني غرور: هالخبلة وش مسوية مشاعل: وين سلمى مها: هي السبة هي تستاهل كل شيء مشاعل: هدي أعصابك يا بنت الحلال مها بجنون: الكلبة سرقت حبيبي هو وعدني بالزواج بس بعدين تركني وسمعت من البنات أنة يطلع مع سلمى كلمته سمعني كلام يجرح مثل السم هو ماله دخل أكيد سلمى سوت له شيء هددته ولا سحرته لأنة يحبني مثل المجنون سلمى سرقت حبيبي غرور: أقول الرجال لعب عليك وأنحاش وحطيتي الحق على سلمى صدق أنك قليلة أصل مشاعل تناظر غرور يعني أسكتي: طيب وش سويتي بسلمى مها تضحك بجنون: رغد قالت لي أنها بتذبح سلمى بس أنا كل اللي علي أني أعطيها عصير فيه منوم علشان تخفيها من الوجود والحين أكيد هي بالحمامات ميتة ( وغطت وجهها وقعدت تضحك) غرور بدت تخاف من مها: مشاعل خلاص عرفنا أنها بالحمام خلينا نروح لها (( وقدهم بيروحون وقفت مشاعل)) مشاعل: بالمناسبة رغد مو مجنونة مثلك علشان تذبح سلمى بالأكيد بتسوي شيء بس ما تذبحها مها وقفت من الضحك وقعدت تبكي وتضرب نفسها: لا لا كذابات كذابات بذبحكم بذبحكم ------------------------------ (( مشاعل وغرور بسرعة راحوا للحمام اللي جنب قاعة المحاضرات)) مشاعل أول ما دخلت: سلمى سلمى غرور تفتح الأبواب باب باب: سلمى حبيبتي فيك شيء سلمى بصوت واطي: هـــــــينااااااا اااه ((غرور ومشاعل راحوا لأحد أبواب الحمامات غرور تفتح الباب وتشهق)) مشاعل: سلمى فيك شيء سلمى منسدحة في الحمام : بـــــخير غرور تبكي: وش سوو فيك مشاعل: هدي لحد يسمعك هذا من أثر المنوم غرور: طيب وش نسوي مشاعل:أخاف نروح للمرشدة وتوديها للمستشفى وإن سوو فحص يطلع بدمها المنوم غرور: طيب سلمى حاولي تغصبين نفسك أن تستفرغي( يكرم القارئ) مشاعل: أيه صح حاولي يمكن بعدها يخف أثر المنوم غرور: أجل خلينا نروح قاعة المحاضرات ونختبي فيها مشاعل : بس بنات النظام يسون لفة هناك علشان التهريب يعني بيمسكونا غرور: لا أعرف بنت من النظام بتساعدنا هي تسوي لفة هي وصديقتها على قاعة المحاضرات يعني بكلمها وهي بتخلينا نقعد مشاعل تمسك سلمى: يلا حبيبتي خلينا نروح حسبي الله على رغد ومها غرور تمسكها من الجهة الثانية : يلا سوسو الكاتبة: (( بعد ما خلصت المدرسة غرور ومشاعل وصلوا سلمى للبيت لين تطمنوا عليها وكذبوا على أمها وقالوا أنها ما أكلت في الفسحة علشان كذا تعبت وسلمى أرتاحت ونامت بطبع كلمت البنات وتطمنوا عليها وقالوا أنهم بيزورونها يوم الجمعة علشان يفهمون السالفة)) -------------------------------------------------- يوم الخميس (( في قصر كلمة فخم قليلة علية يمشون فيه الخادمات بزي موحد تقوم بكسل كالمعتاد وتطلع من غرفتها ذات الطراز الأمريكي العصري ))  .....: رووووووووز وينك >>> الخادمة الخادمة روز: Yes MissRaghadyouneedsomething (( نعم أنسه رغد هل تحتاجين لشيء)) رغد: Is my familyathome( هل عائلتي بالمنزل) روز: Your father traveledtoLondonin order to work ( والدك سافر للندن من أجل العمل) رغد: And Mom ( وأمي) روز: I traveled toQatarforaparties ( سافرت لقطر من أجل أحد الحفلات) رغد بغضب: In ahomeand does not ( فيه أحد بالبيت ولا لا) روز بخوف: Only Little Miss and all of you and your brothers abroad ( فقط الأنسه الصغيرة وأنتي وجميع أخوتك بالخارج) رغد تتنهد: Bring breakfastclubpresidentservants ( احضري الأفطار ونادي رئيسة الخدم) روز تركض بسرعة وهي خايفة الكاتبة: ( جأب الخدم الفطور وكأن أنواع وأشكال ورغد تناظر وهي متملله) رغد: ( شيء وأحد ابوي وش كان يحس فيه وهو يجيب طاولة هذا كبرها وأنا الوحيد اللي أكل فيها )) ...: صباح الخير طال عمرك رغد برسمية: صباح النور ملاحظة: عائشة رئيسة الخادمات وهي المسؤولة عنهم وأي تقصير من الخادمات تطردهم وهي مرررة رسمية وصارمة رغم كبر سنها عائشة برسمية: طال عمرك فيه شيء ناقص في فطورك رغد: لا كل شيء تمام أختي كيف حالها عائشة: تو قامت الأنسة حلا وأرسلوا الفطور لغرفتها رغد: كيف حالها عائشة اللي دائم تسمع هالسؤال من رغد: بخير اتمنى تشوفينها رغد بابتسامة: طيب بفكر ----------------------------------------------- الحين نتكلم عن عائلة رغد الأب عبد العزيز أنسان يشتغل ودائم يسافر مستحيل يقابل أولادة إلا بالمناسبات الرسمية لأن بالنسبة له الشغل والأهل يكونون المرتبة الثانية له منصب عالي بالمجتمع وغني مرررة وفلوسة تغطي بلد يعتقد أن تربية الأولاد بالفلوس والمدارس الفخمة ---------------------------- الأم منال تحب الحفلات والمجتمع الراقي عايشة حياتها طول بعرض تسافر للخارج ملابس من أفخم شيء ألماس باردة مع أولادها ولازم كل شيء يسير بمثالية تخطط وتتحكم بأولادها ولكن رغم هذا إلا أنها تملك جمال وجاذبية ومستحيل تشوفها أم -------------------------------------- الأخو الأكبر بندر مبتعث للخارج يدرس إدارة أعمال أنسان مرح وبسرعة يدخل القلب كوميدي وجرئي فلة وهو بالأساس ما أختار يسافر براء إلا علشان محد يتحكم فيه وهو على وشك التخرج الشكل: أسمر السمار الخليجي سكسوكة وخشمة مرسوم على وجهة رسم جذاب وله غماز على خده الأيمن عيونة عشلية وشعرة أسود متلفلف بس مو كدش ------------------------------ الثاني فهد جاد وذكي وله مستقبل يخذ مكان أبوه يعني منافسة بينة وبين بندر باااارد ومو سهل يطلع مشاعره يحب تكون بينة وبين الناس مسافة يحب يقرأ كتب الشكل: ابيض مسوي سكسوكة بس خفيفة شعرة أسود عيونة سوداء ناعسة ------------------------------ الثالث سلطان>> شخصيتي المفضلة ثالث ثانوي مرح مغزلجي وجرئي يحب المقالب رامي الحياة وراءه بالنسبة له الدنيا لعب وهو الوحيد اللي فاصخ المسؤولية من نفسه ومو مهتم بأحد الشكلة: أبيض مسوي سبايكي سكسوكة خفيفة عيونة رمادية ------------------------- الرابعة رغد>>> تم التعريف -------------------------- الخامسة هي حلا أصغر وحدة بنت جميلة جمال خيالي بس عندها عقدة نفسيه بسبب شيء سار لها بالماضي وخلاها تتعقد من الناس ولا تطلع من غرفتها أبدأ كل شيء تبغاه يجيها في غرفتها المعلمات يجونها يدرسونها في غرفتها الخادمات يجيبون الأكل لها وأي شيء تحتاجة تطلبه من الخدم أو بالأنترنت -------------------------- الكاتبة: (( تدخل رغد جناح كبير فخم وكلاسيكي التصميم وتشوف بنت تجلس على طاولة صغيري موجود فيها أنواع وأشكال من الأكلات وثلاث خادمات ينتظرونها تخلص من فطورها كانت مثل الأميرة بشعرها الأسود الطويل متساوي الأطراف وبشرتها البيضاء الصافية ووجها الطفولي اللي خربتها الهالات السوداء تحت عيونها اللي تبين ملامح التعب والأرهاق رغد وقفت تتأمل حلا))  حلا نزلت الشوكة: وش تبغين أنا ما منعتك من تدخلين غرفتي رغد ببرود: كنت أتأكد إذ أنتي عادك حية ثلاث أسابيع ولا شفتك حلا ببرود: اطلعي من غرفتي رغد بمزاح: ليه ما تنزلين تأكلين زي الناس أكل بالحالي حرام عليك حلا ببرود : خليني بحالي رغد بجدية: ما تبغين تطلعين من غرفتك حلا بسرعة رمت الصحن على الأرض وانكسر: اطلعي براء أنتي زيهم تشوفيني مجنونة رغد بابتسامة هادية: تعرفين إذ كنتي مجنونة أنا أجن منك حلا : خليني رغد: طيب بخليك اه نسيت بعد أسبوع ماما مسوية حفلة ليه ما تجين حلا تناظرها بقهر رغد تتنهد: نسيت أنتي ما تقدرين تطلعين من هينا ((الخادمات يبغون يوقفون رغد بس هي عطتهم نظرة حااااادة بس وحدة من الخدامات راحت تجيب عائشة لأنها بتتصرف مع هالحالة)) عائشة جات: طال عمرك وش تسوين رغد: وش تشوفين أنا قاعدة أدردش مع أختي الحبيبة عائشة : طال عمرك هذا وقت راحة حلا اتمنى تقدرين ((رغد تلتفت على حلا اللي يالله تتنفس والخادمات يحاولون يهدونها)) رغد بنظرة غريبة: محد يحبك بالأساس لو يحبونك كان حاولوا يطلعونك من هالمكان (( وطلعت)) عائشة: أنستي أنتي بخير حلا تصارخ وترجف: لا تلمسوني لا تقربون مني عائشة تأشر للخادمات يبعدون منها: خلاص هدي حلا بصوت مبحوح: ليه محد يفهمني ما أقدر ما أقدر عائشة تمد يدها علشان تساعد حلا بس حلا تبعد يدها بقسوة حلا: أنا مو عاجزة علشان تمدين يدك عائشة: أنسيتي تبغين شيء حلا ببرود تخفي حزنها: جهزوا لي الحمام عائشة بحزن: حاضر ----------------------------- رغد بعد ما طلعت من جناح حلا وراحت جناحها رغد بحزن( " تطلع جوالها") ....: الوو رغد تتصنع الأبتسامة: الو رهف رهف: هااااي حبي كيفك رغد: بخير الصور اللي أرسلتها لك وش سويتي فيها رهف: أكيد اللي يعجبك برسلها لك الليلة (( بعد ساعة عند رغد جالسة ومشغلة موسيقى صاخبة ومسكت مجلات تقرأها ورن جوالها)) رغد تطفي الموسيقى: هاي مين .......... رغد: حياك عندي تفضلي بالأساس أنا طفشانة بالحالي (( رغد تنادي خادمتها الخاصة)) جوليا: كيفك حياتي رغد: قولي للخدم يحسبون حساب ضيف للعشاء جوليا تجلس بميانة على الكنب: مين عزمتي أنوار رغد تقرأ مجلة: لا بنت عمي حمود دنيا جوليا: ييييي من زمان عنها رغد: ايوها قولي للطباخ يجهز شيء صاحي مو ناقص يطبخ لي أشياء الله العالم وش مكوناتها جوليا: بتعرفي أمك بدها هيك والشيطانة مراح تسمح لي>> عائشة رغد: وأنا بأكل حتى اللي بتختاره أمي صرفيني وش فايدتك جوليا: من عيوني ( وراحت) ------------------------ الساعة تسعة على طاولة العشاء رغد شرقت: وشوووووو دنيا: مثل ما قلت لك أنا بنام عندك رغد: أعرف يا خبل بس اللي قبلها دنيا: ااااااه تقصدين بطلع مع حبيبي رغد: اشششششش الأذان لها جدران دنيا: تقصدين الجدران لها أذان رغد: نفس الشيء المهم خلصي العشاء وخلينا نروح لجناحي بعدين نتفاهم أوكي في جناح رغد رغد: من هوو هذا قولي القصة من البداية دنيا بخجل: تعرفت عليه وهو من عائلة معروفة مرررة كان يدرس في كندا وبعد ما تخرج جاء لهينا كنت أنا وهو نتراسل ببرامج المحادثات بعدين أعطاني إيميله وقال لي خلينا نتقابل وتقابلنا رغد: ستووووووب تقابلتوا دنيا بحب وخجل: يـــــب ---------------------------- خلينا نعرفكم بدنيا بنت عم رغد بنت خفيفة بسرعة ينلحس عقلها وتحب هي أكبر من رغد بسنة بس عقلها عقل بزر --------------------------- رغد: كيف ترضين على نفسك تقابلينة دنيا مو فاهمة: عادي رغد: دنيا أعرف حركاتك لايكون سار شيء من هينا من هينا دنيا: انتي وش شايفتني أكيد لا بس هو وعدني ببزواج رغد شوي وتذبحها : زواج وشو دنيا: بصراحة أنا بعد ما قابلتة كان مرة أخلاق وهو يوم شافني أعترف بحبة وقال أنة يبغى يتزوجني وأنة شاف شريكة حياته فيني رغد: كملت طيب والحين يبغى يقابلك لين ما دام قابل من قبل دنيا بخجل: لأنة مشتاق لي وولهان وأنا قلت لأمي بنام عندك وبعدها بركب مع السواق ونقابل بكافية رغد: طيب وش أسوي لك دنيا: أنتي بس كلمي السواق وأذ كلمت أمي قولي لها نايمة رغد: أوكية بس تراء إذ سار لك شيء مالي دخل دنيا: يووووو أنتي مملة رغد: ليش دنيا: أسئلي كيف شكلة وش مواصفاتة رغد تتمسخر: كيف شكلة وش هي مواصفاتة أنسة دنيا دنيا: أسمر معضل عيونة ساحرة مثقف محترم رومنسي كل شيء فيه مثالي بس عندة عيب وحيد رغد: وشو دنيا بخجل: اسمه مناحي رغد ما أستوعبت: هــــااااااااا دنيا: أسم حبيبي مـــــناحي رغد: الأسمر المعضل المثقف اللي مبتعث لكندا أسمه مناحي دنيا: ايه رغد فطست ضحك: ههههههههههههههه حسبي الله على بليسك فيه أحد يسميه مناحي دنيا: ما يهم اسمه أهم شيء حبنا وعشقنا رغد بمسخر: أتخيل وجهة عمي قسم يموت وأحد أسمه مناحي جاي يخطب بنته الكريمة دنيا: خلاص عاد رغد تحاول توقف ضحك: متى بتروحين دنيا: الساعة 11 رغد: أوكيه إذ البسي ملابسك وغيري بغرفتي دنيا: وأنتي رغد: بقعد هينا أقرأ مجلات بس إذ خلصتي تعالي أبغى أشوف وش ملابسك دنيا تروح لغرفة رغد: أكيد كشخة (( بعد نص ساعة تسمع رغد صراخ دنيا)) رغد تدخل الغرفة: وش وش فيه دنيا: يا ربي وش هالكعب اللي عندك يهبل (( أختاروا الكعب اللي يعجبكم وتخيلوة كعب رغد))      رغد: أنا قلت اللبسي بغرفتي مو فتشيها دنيا: ما أستحملت قلت خليني أشوف ملابسك بس الكعب هذا لفتني رغد بغرور: أكيد هالكعب طلبيه خاصة جبته من باريس 24 ألف دنيا: ريــــــــــــــــــــــــال رغد: وجع دولار دنيا منصدمة: دددددوووو لااااااااااااااار رغد: أكيد هالنوع مستحيل ينزل بالسعودية ولو بعد مليون سنة مستحيل تلقين زية ولو نص بالمية دنيا بهمس: مو صاحية أشتري كعب بهالقيمة رغد: هـــــاااااااا دنيا: أقصد تراه كعب لا زاد ولا نقص رغد تشهق: لا هذا حياة أي بنت في العالم ثاني شيء هذا الكعب الوحيد اللي ما لبست للحين دنيا: ليه رغد: كل ما أحاول البسة اهون وأقول لا يناسب مناسبة ثانية دنيا: طيب طيب لبسي حلو رغد: أوكي دنيا: خلاص بس أعدل مكياجي وأخلص (( رغد رجعت تجلس وتسمع أغاني وتقرأ من هالمجلات طلعت دنيا بعد ما لبست عباتها)) رغد بملل وهي تقلب المجلات: خلصتي تراء السواق براء ينتظرك لا تتأخرين الساعة 12 تكونين مقابلتني دنيا بطفش: اوووف طيب الكاتبة: (( تركب دنيا السيارة مع السواف وتقول له مكان الكافيه وتطلع جوالها وتدق على رغد)) عند رغد يرن الجوال رغد ترد وهي منسدحة على الكنبة: الووو دنيا: رغد رغد: ها وش فيك توك طالعة من عندي نسيتي شيء دنيا بخجل: سامحيني رغد: ليه وش فيه دنيا: تراني أستعرت شيء من عندك رغد: عادي فدوة لك دنيا: حتى ولو كان الكعب ذاك اللي من ساعة تمدحين فيه رغد فزت من مكانها: هـــــــااااااااااااااااااااا دنيا بخوف: أسفة (( وسكرت الخط)) رغد: يااااااا الكلبة كعبي لو جاه شيء والله لأذبحك وأشرب من دمك هذا ما لبسته وأستانست فيه لبستيه أنتي نهاااااااااااااااااية البارت (( أعرف أني ركزت على بعض الشخصيات في بارتي هذا ولكن هالرواية بتكون مختلفة يعني الكل ابطال)) رهف وش تقصد بالصور؟؟؟؟؟؟؟ دنيا وش بيسير لها؟؟؟؟؟؟؟ أهم شيء كعب رغد بيرجع سالم ولا لا؟؟؟؟؟؟ سلمى هل بتقدر تنتقم من رغد ولا لا ؟؟؟؟؟؟ مها هل بتكون جزء رئيسي بالقصة؟؟؟؟ هل هناك شخص تبغى يكون دورة أكبر من عائلة رغد في الرواية ( تصويت)؟؟؟ غرور وعائشة وحلا شخصيات جديد ما رائيك بها؟؟؟؟
__________________  شكرا خاص لصديقتي غريقة الحب على هالتصميم It's summer time girls روايتي الثانية: أسرار مدرسة العليا http://vb.arabseyes.com/t408642.html التعديل الأخير تم بواسطة cool soso ; 08-01-2013 الساعة 05:43 AM |
|
#57
08-01-2013, 05:29 AM
| ||
| | ||
| ياااااه اخيييرا من اول انتظرك حمدالله اول رد :kesha:د بصراحة البارت خوقااااقي 3> والله يحمس رهف وش تقصد بالصور؟؟؟؟؟؟؟ اكيد صور سلمى معدلة فيها دنيا وش بيسير لها؟؟؟؟؟؟؟ هذا وجهي اذا ما كان لاعب عليها اخ مناحي أهم شيء كعب رغد بيرجع سالم ولا لا؟؟؟؟؟؟ هههههههه مستحيييل سلمى هل بتقدر تنتقم من رغد ولا لا ؟؟؟؟؟؟ بتحاول لكن ما اتوقع تقدر مها هل بتكون جزء رئيسي بالقصة؟؟؟؟ ما اعتقد بس يمكن لها جزء هل هناك شخص تبغى يكون دورة أكبر من عائلة رغد في الرواية ( تصويت)؟؟؟ المحقق راشد غرور وعائشة شخصيات جديد ما رائيك بها؟؟؟؟ غرور اتوقعها عقل بزر ، عائشة شكلها لها دور خصوصا مع حلا بإنتظاااااارك لا تتأخري
__________________ |
|
#58
08-01-2013, 06:59 AM
| ||
| | ||
| وااااااااااااااااااااااااااااااااااااااااااااااااااااااااااااااو انا ثاني رد المهم البارت رووووووووووووووووعة فن :ha3: رهف وش تقصد بالصور؟؟؟؟؟؟؟ اكيد صور سلمى دنيا وش بيسير لها؟؟؟؟؟؟؟ يمكن يجذب عليها أهم شيء كعب رغد بيرجع سالم ولا لا؟؟؟؟؟؟ ههههه يمكن يرجع او يمكن يصير شي لدنيا ومايرجع سلمى هل بتقدر تنتقم من رغد ولا لا ؟؟؟؟؟؟ بتقدر تنتقم بس مادري شلون مها هل بتكون جزء رئيسي بالقصة؟؟؟؟ اي هل هناك شخص تبغى يكون دورة أكبر من عائلة رغد في الرواية ( تصويت)؟؟؟ لا اصلن كلهم ماعجبوني عائلتها غبيه غرور وعائشة وحلا شخصيات جديد ما رائيك بها؟؟؟؟ امم عائشة وااجد صارمة وماحب الشخصيات الصارمة وحلا احسها غامضة شوي بأنتظار البارت القادم لا تتأخرين :baaad: |
|
#59
08-01-2013, 08:35 AM
| ||
| | ||
|
البارت روعةة ! توقعاتتتيي: رهف وش تقصد بالصور؟؟؟؟؟؟؟ صور سلمى دنيا وش بيسير لها؟؟؟؟؟؟؟ بتنصصدم باللي تششوفه وييطلع ششكله غيير عن مواصفات الي تعتقده …!! أهم شيء كعب رغد بيرجع سالم ولا لا؟؟؟؟؟؟ مودري بس اعتقد مابيرجع سسالم ھَھٍھَھٍ سلمى هل بتقدر تنتقم من رغد ولا لا ؟؟؟؟؟؟ ايي يمكن تقدر مها هل بتكون جزء رئيسي بالقصة؟؟؟؟ مااعتقد ،، نوو هل هناك شخص تبغى يكون دورة أكبر من عائلة رغد في الرواية ( تصويت)؟؟؟ بندر  غرور وعائشة وحلا شخصيات جديد ما رائيك بها؟؟؟؟ غرور وعايشة : مودري !! حلا: لو مخليه هالششخصيه فلاوييه وجيي وايد بيطلع حلوو بسس هذي روايتج وكيفجتقبلي مروري ولا تطوليين علينا بالبارت الياي دوودي _ كويت |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية عن نارتو مدرسة الثانوية وبعنوان (احبها ولاكن) اول رواية لي | صغيرة لاكني خطيرة | قصص الانمي المُستَوحاة و المصوَّرة | 93 | 08-04-2017 12:39 PM |
| ادخلو بسرعة مدرسة واكادمية كونوها العليا مضحكة لايفوتكم | M! Sa Ki | أرشيف المواضيع الغير مكتمله او المكرره او المنقوله و المخالفه | 3 | 01-06-2014 12:48 AM |
| قصة {مدرسة كونوها العليا }روعه من تاليفي | ساكورا زهرة الكرز | أرشيف المواضيع الغير مكتمله او المكرره او المنقوله و المخالفه | 51 | 08-28-2013 06:31 PM |
| رواية قصة حب سرية / للكاتبة : حكايا قلم ... | همسات روح | أرشيف المواضيع الغير مكتمله او المكرره او المنقوله و المخالفه | 515 | 06-22-2011 04:19 PM |
| صور لنادي مدرسة اوران العليا للضيافه | البؤساء | أرشيف المواضيع الغير مكتمله او المكرره او المنقوله و المخالفه | 12 | 02-25-2010 07:11 PM |
126Likes
العرض العادي
