صباحكم توته
وصباحي انتوا
انا وحده فاضيه لا شغله ولامشغله والحين بكتب البارت قبل لا يجيني كف منجد
احم احم
اكيد تذكرون شخصيه ندى المغروره وصديقتها مرام اليوم راح تنضم طالبه لهالمجموعه بس اختها ماراح تكون معاها
الطالبه الأولى بويه شيطانه
والثانيه اختها التوام بس عكسها تماما
سجى ونهى
نهى (نواف) سهى هي نفسها سهى
البويه جبتها بس للإستخدامات الشريره بس بعيده جدا عن الانحراف
المهم ندخل في تفاصيل القصه
مع بدايه الفصل الدراسي الثاني في يوم الأحد (تذكرت حتى احنا بنسير ندرس الأحد)
الساعه 6 صباحا
العنود تشرب شاهي
خلود تعاني من مشكله ايقاظ جوان
ليان تسرح شعرها
هديل تقدم السماجه الصباحيه
العنود : أقول شبنقح انا ناويه اشد حيلي هالترم ومابي احد يقلي خل نسحب وكذى
ليان : حتى انا
هديل : انا ولا انتي
العنود : هديل ما فكرتي تتخلي عن هالسماجه
خلود عصبت : محد فكر يساعدني عشان نقعد هالشيء
جوان (توها تفتح عيونها ) : صباح الخير
خلود والشرر يتطاير من عيونها : مدري وش سويت في حياتي عشان الله يعاقبني فيك
جوان : اكيد اكلتي اكل احد
خلود مسكتها من بلوزتها : تحركي غيري ملابس النوم ما نبي نتأخر
جوان : عنود صبي شاهي وسوي ساندوتش بغير ملابسي وبجي اكل
خلود بتموت من الحره : جواااااان لاتحقريني
جوان : عنود زودي سكر مع الشاهي
العنود : اوكي
غيرت جوان ملابسها وراحت تاكل لمده ساعه
المهم وصلوا ع الفصل 7 ونص بس ما كان في ابلى
اول مادخلوا شافوا البنات متجمعين على مكان
جوان : وش ساير
وحده من البنات : في بنات جدد توأم بس وحده بويه
خلود : ها والثانيه لا تقولي كيوت
نفس البنت : اي هم صح يشبهوا بعض بس الفرق قصه الشعر
جوان راحت للتوأم تسلم عليهم : تو ما نورت المدرسه
سهى : بوجودك
نهى : بوجودك
جوان صرخت : يمى وشفيه صوتك
ضحكت نهى وما ردت
هديل : الله يفشلها هذي الانسانه
العنود : غبيه
جوان : اسفه .. انا جوان ( وسارت تأشر على شبنقح) : هذي اختي التوأم ليان وهذي هديل والثانيه خلود والهبله اللي سرحانه في الحب العنود
العنود عصبت : ي حيوانه
جوان : ههههههههههههه
نهى : هلا تشرفت فيكم انا نواف وهذي سهى
جوان : !!!!
خلود سحبت جوان : ي غبيه نواف هي بويه
هديل : بويه ولا دهان
نهى: هههههههههههههههههههههه
كانوا شبنقح يسولفون مع التوأم الجديد وبنات الفصل وندى تفكر بشيء سيء لشبنقح لأن بينهم عداوه ويكرهوا بعض
بدأت الحصه بعد دخول المعلمه (رياضيات)
جوان & ليان حطوا راسهم ع الطاوله وصكوا ابوها نومه ما كأنهم نايمين من امس
خلود وهديل والعنود كانوا مركزين مع الابلى
الابلى : ليان بريك حلي المسأله هذي
وقفت ليان بسرعه : ها
الابلى : حلي المساله
ليان : شلون
الابلى : انا شرحتها
ليان : ..........
الأبلى : جوان
جوان راسها ع الطاوله وتهمس لصديقاتها : قولوا لها تعبانه .. قولوا لها تعبانه
ما درت ان الابلى جات لين راسها وعصبت : قولوا لها تعبانه ها اتوا ما ودكم تحسنوا درجاتكم
كان شبنقح يضحك على التوأم المجنون وكذلك الفصل
المهم خلست الحصص الثلاث الأولى وجاء وقت الفسحه
جوان : نهى سهى تعا ....
قاطعتها ندى : تعالوا معانا
نهى : اوكي
جوان : وجع مغروره
العنود : ههههههه بدال ما تعلقي عليها انتبهي لدراستك ترى ابرك لك
جوان : اوووووووووف عنود لا تغثيني بالدراسه حدي مقهوره من ندى
~~~~
سهى ما كانت مرتاحه لندى ومرام وحاولت تمنع اختها بس اختها عنيده
نزلت نهى مع ندى ومرام
وسهى راحت غرفتهم
شبنقح نزلوا للمطعم عشان التوام الجوعان
في مطعم المدرسه وعلى طاوله تجلس فيها مرام وندى ونهى
نهى : والله هالشبنقح عجبوني حيل
ندى : وش تبين فيهم هم الد اعدائي
نهى : ههههههههههههه ليش وش مسويين
ندى : ي خي سمعتهم سئيه بالمدرسه ولو لا كرم المديره كان تلقيهم بالشوارع هايتين
نهى : لا حرام علييك
مرام : وربي
نهى : مو مبين
ندى : وربي هم سمعه سيئه ع مدرستنا
نهى : ناويه على شيء سيء
ندى : ههههه
نهى : ماعندي مشكله بس باين عليك بنت نعمه وكلش بحساب
ندى : هههههههه ي خي وانت بعد مو فقرانه ليش تجري ورى الفلوس
نهى : ههههههههههههه هوايه منذ الصغر
ندى : سبحان اللي خلقك انت واختك جد التوام المختلف
نهى : ماعليك قولي وش بتسوين
ندى : ....................
(ترى مرام ذاك الشيء اللي يسمونه مزهريه مالها لزمه بس تعطي هيبه لندى )
في طاوله شبنقح
عنود : ههههههههههههههههههه الله يرجك ليان
ليان : وانت بعد
جوان : بناات وش رايكم نسحب
خلود : اعقلي الله يستر علينا وعليك
جوان : هههههههههههههه
هديل : اذا فاضيه الحصه بنروح الغرفه
جوان : احفلي
هديل : والله
ليان : يعني ما اكمل السالفه ؟
جوان : الا الا كمليها
ليان : المهم كنت اتريق على جدتي والزهايمر حقها تخيلوا نكون تو رافعين الأكل تهزئنا وتصارخ وين الاكل حسبي الله عليكم مجوعيني

جوان : ههههههههههههه ي حليلها ي خي عشقي عجايز الزهايمر
~~~~

بدأت الحصه الرابعه ودخلوا الفصل
كانت الأبلى تشرح وشوي ودخلت نهى متأخره وقالت انها كانت بالحمام... سالتها اختها
سهى : نهى ليش التأخير
نهى : اسمعي .......
سهى شقهت بس بسرعه نهى قفلت فمها
سهى تهمس : حرام
نهى بنفس الهمس : اشششش نتفاهم بعدين
يوم دراسي ممل كالعاده
خلس اليوم الدراسي والكل بغرفته

في غرفه شبنقح

عنود وهديل يذاكروا
خلود وليان ياكلوا فص فص
جوان تحوس بدرجها

جوان صرخت : وش هذا
طالعوا فيها وصرخت عنود : اتركيه بسرعه لا تلمسيه
جوان : ليش
العنود حيل معصبه : قلت لا تلمسيه
جوان خافت : اوكي
هديل : ليكون اللي في بالي
عنود : وجع من سواها وش هالمزح
ليان بكت : حرام عليم راح يورطونا
خلود : لازم نكلم المديره بسرعه
جوان : فهموني وش السالفه
العنود : ي ليل اسمعي هذا الشيء نوع من المخدرات انتبهي ولا تلمسيه عشان اذا لقوا بصماتك راح يشكوا فيك
جوان خافت حيل : ماما بس كان بدرجي .. وربي ماعرف عنه شيء ولا ادري عن سالفته
العنود : لا تخافي المشكله راح تنحل
راح شبنقح لمكتب المديره وقال لها السالفه
المديره وفقت : نعم نوع من المخدرات .. وش جايبها مدرستنا
جوان حيل منهاره لأنه كان بدرجها الكيس
خلود : أبلى كان بدرج جوان بس وربي هي ما تدري عن السالفه
المديره : انا راح اجمع البنات واكلم الشرطه لازم يسوون تحقيق عشان ما نظلم احد رغم اني مصدقه برائتكم واشهد عليها
الحين اطلعوا وروحوا قاعه الاجتماعات
ليان خايفه : بنات راح نتورط ؟
هديل : لا ان شاء الله خير
في خلال ساعه بنات المدرسه كلهم بالقاعه يسمعوا الكلام اللي تقوله المديره
المديره : بدون مقدمات ي بنات اللي سار اليوم ممكن يغلق المدرسه فرجاء كونوا صادقين الحين راح يجوا نساء من قسم الشرطه للتحقيق لأن اكتشفنا في احد الله يهديه بيتعاطى
كانت المديره تتكلم وسهى دموعها بعينها
جوان وليان بعد كانوا يبكوا
العنود انتبهت على حزن سهى وكان قلبها يقلها ان في شيء سهى تعرفه كانت سهى تطالع اختها بحسره والم وحزن
نهى وسهى استاذنوا عشان رايحين الحمام
عنود : هديل خلود انتبهوا على جوان وليان
وراحت ورى سهى ونهى

في الحمام

سهى تبكي : نهى حرام والله حرام الحين راح تضري بنت ما لها ذنب عشان فلوس بعدين من هالحقير اللي جاب لك هالسم انا مو قتلك اقطعي علاقك بكل الشباب
نهى ماسكه اعصابها : سهى احنا توأم هذا مو معناه اني اكون مثلك جبانه خوافه خجوله وانت مو شغلك اقطع علاقتي في الولد او لا بعدين يقولون هالشبنقح وراهم مصايب خل نزيدهم وينفصلون
عنود كانت تسمع والصدمه تكسوها

سهى لازالت تبكي : نهى البنت وش سوت فيك لسه اليوم عرفتيها حرام وربي حرام جوان وصديقاتها ما سوا شيء وانت قلتي انهم طيبين وحبيتيهم بعدين من قال لك ان عندهم مصايب والله مافي احد مصيبه مثلك
نهى عصبت : ندى قالت لي وبعدين ي خي خليني اسوي اللي ابيه
سهى : ابوي وامي لو دروا
نهى : ابوك وامك خليهم ع جنب اعرف اتصرف فيهم
سهى : نهى ي اختي ي حبيبتي وربي خايفه عليك ترى الله بيحاسبك
نهى : اووووووووووف لا تقعدين تسوين فيها شيخ
سهى : وش قالت لك ندى اللئيمه انا من شفتها ما ارتحت لها
نهى : اي ندى لئيمه وحقيره بس وراها مبالغ .. قالت لي احط هالكيس في درج وحده من شبنقح عشان هي تكرههم وهم اساسا سمعتهم سيئه وكذى وطبعا كل شيء بحساب
سهى لازالت تبكي : والله حرام عليكم تتبلون على بنات الناس وربي محترمين اكثر منك ومن ندى
عنود وكلها غضب ومشتعله وودها تكسر المكان على راس الحقيره ندى ونهى ... تمالكت اعصابها وسجلت الحوار بجوالها .. كان التسجيل شوي ضعيف عشان بعيده عنهم شوي بس كان واضح
سجلت اللي تبيه وطلعت من الحمام
ورجعوا سهى ونهى
العنود : جوان ليان لا تبكوا
هديل تهمس لخلود : تتكلم بثقه وش عندها
خلود بنفس الهمس : والله مدري الظاهر متأثره بالمحقق كونان
جوا الشرطيات ودخلوا كم بنت لواحد من الفصول عشان التحقيق
جوان تبكي بقوه ومنهاره وخايفه
العنود : خلاص جوان راح تطلعي براءه وربي
جوان : ماما اخاف تثبت التهمه وربي انا ما اعرف هالشيء اصلا عشان استخدمه واول مره اشوفه
خلود : خلاص جوان امك قالت راح تطلعي بريئه
بعد 3 ساعات
الشرطيه طلعت من الغرفه و قالت بيكملون التحقيق بكرى بس عنود وقفت
العنود : لو سمحتي انا اعرف صاحب الكيس
الشرطيه : انت واثقه من كلامك ترى هذا في مسؤوليه وفي شهاده وكذى
العنود : اي واثقه صاحبه الكيس اسمها نهى صالح وهي في فصلنا وشريكتها بالجريمه اللي قالت لها تسوي كذى ندى محمود
الشرطيه : ي بنت لا ترمي اتهامات ترى انت راح تتضرري
العنود : اسمعي هالتسجيل

الشرطيه : اجل ادخلي معاي
دخلوا غرفه التحقيق

جوان جنت : ي ربي وش اللي في بالك ي عنود
هديل : ي خي خلاص بسك بكاء
ليان : ي ربي والله خايفه
خلود : جوان وليان اهدئوا شوي
بعد ساعه خرجت العنود ومعاها الشرطيه
جوان وليان ركضوا وضموا عنود
العنود ضمتهم مع بعض وقالت : راح يمسكوا الحيوانه اللي تبي تورط صغيرتي
جوان : من هي
العنود : كملوا هالفلم وتعرفون
الشرطيه قالت للمديره وسمعتها التسجيل
المديره استدعت ندى وسهى ونهى للتحقيق
اول دخلت نهى مع الشرطيه
الشرطيه : انا راح اسمعك شيء وانت قرري بعدها اذا كنتي ناويه تعترفي ولا حابه نجيب شهود
نهى : أولا انا برئيه وما عندي شيء اعترف فيه
الشرطيه : اوكي اسمعي
سمعتها كل شيء دار بينها وبين اختها
للحظه نهى حست الأرض تدور فيها تمنت لو سمعت كلام اختها بس ما يفيد الكلام
الشرطيه استدعت ندى وسهى
ندى حاولت تنكر لكن نهى فضحتها
وسهى ميته من البكي على اختها ومقهوره
خلس التحقيق واستدعوا أهالي البنات بس ندى أهلها كانوا مسافرين فاضطرت انها تنام في القسم
سهى راحت لشبنقح وراسها موطى بالارض
سهى بانكسار واضح على وجهها : اسفه اختي سوت شيء يوطي الراس اسفه اعتذر بالنيابه عنها
العنود : انا سمعت كل كلامكم انت وحده اصيله وما ترضى بالغلط وشكرا
سهى بكت اكثر واعتذرت لجوان خاصه وراحت من المدرسه
في المساء في الساعه 11 الكل نام الا جوان تهذر مع نفسها
جوان : والله كان يوم يخوف اااه بس لو ماكان طلع التسجيل حق ماما وربي رحت فيها الحمدلله
وهي تتكلم جاتها مخده طايره من خلود
خلود : نامي عشان ما نتوهق فيك الصباح
جوان : مافيني نوم
ليان : ترى حيل تعبانين نامي ولا تسوي ازعاج
هديل : zzzzzzzzzzzzzzzzzzzzzzzzzzzzzzzzzz
جوان صرخت : ما ابي اناااااااااااااااااااااااااااااام
عنود عصبت : الله ياخذ شيطانك ما تخلي احد ينام
جوان : خلاص لاتعصبي والله والله بنام
هديل : ههههههههههههه انت ما يجي معاك الا عنود
خلود تكلم ليان : والاخت هديل معانا ع الخط
هديل: zzzzzzzzzzzzzzzzzzzzz
جوان : جوعانه
العنود : كلمه ثانيه وربي اصفقك
جوان : حاضر ماما
العنود صرخت : بس
جوان : طيب
العنود : لا تتكلمي
جوان : اخر مره
ليان : ههههههههههههههههههههههه
خلود : وربي اخرتها برميك انت وبنتك وحلوا مشاكلكم برا الغرفه
جوان : اصلا قلبك ما يطاوعك
العنود صرخت : جوان ي زفت بس
جوان : خلاص والله بسكت
العنود : ماراح تنتهي السالفه
جوان :لا تعصبي
العنود : اااااااااااه بموت بسببك
جوان تستهبل : لا بعيد الشر
العنود : وجودك اكبر شر في حياتي ابي انام اسكتي
ليان : zzzzzzzzzzzzzzzzzz
جوان : تكرهيني ي عنود
العنود بكت : ارجوك جوان خليني انام
جوان : لالا تتهربي من السؤال
العنود بكت بصو عالي وجوان تضحك المهم خلود اخذتهم ورمتهم برا الغرفه ورمت بطانيه لهم وقفلت الباب
عنود وجوان عند باب الغرفه
عنود : عاجبك اللي سار الحين طردتنا خلود
جوان انسدحت على رجل عنود : بس خليني انام
المهم عنود سارت تشد شعرها من الجناان

نهايه البارت