|
|
#148
09-14-2013, 09:15 AM
| ||
| | ||
| اسفه لأني طولت عليكم بس الدراسه ما ترحم وممكن اوقف الروايه شويات بس مو اكيد يعني لو وقفتها الحين راح انزل بارتات مضعفه في اجازه عيد الحج باذن الله دخلنا فصل جديد من روايتي وانضمت لشبنقح وحده انا شخصيا ما حبيتها ومدري عن صديقاتي المهم ما علينا أشكر المتابعين اللي احبهم حيل البارت 18 في الساعه 2 مساء شبنقح نايم الا جوان كالعاده جوان : اووووف ... مافيني نوم ..... ليان ليان : Zzzzzzzzzzzzz جوان : هديل هديل : Zzzzzzzzzzzzz جوان : ي ربي مافيني نوم قامت جوان من السرير وطلعت من الغرفه مشت في الممرات والمدرسه كلها نايمه والمكان ظلام كان جو مخيف حيل وهي بنص الطريق رجعت وخذت معاها مصباح جوان حايسه كعادتها في الدولاب : ي ربي وين المصبااح وينه ... أي هذا هو اخذت هالمصباح و دفترها وطلعت من الغرفه وراحت لسطح المدرسه نعود لغرفه شبنقح صحت ريم وراحت شربت مويه وهي راجعه سريرها اكتشفت اختفاء جوان ريم : وين راحت .. اصحيهم ولا اروح ادور لحالي ؟؟ .... لا بصحي وحده راحت ريم صحت خلود ريم : خلود .. خلود قومي بسرعه خلود فتحت نص عينها : ها وش فيه ريم : جوان مو في الغرفه خلود : ممكن في الحمام ريم : لا باب الحمام مفتوح ومافي احد خلود : تلاقيها تاكل تحت ريم : بس المطعم طافي خلود : ييي انت ما تعرفيها هذي لو المطعم محترق راح تاكل ماعليك ارجعي نامي ورانا دوام ريم : اوكي تصبحي على خير نعود لجوان جوان : مليت وانا في السطح راح انزل اخذ لفه برى المدرسه وارجع ولا احد بيحس المديره ونايمه وشبنقح نايمين نزلت جوان للغرفه ودخلت بهدوء ومحد حس فيها اخذت تيشيرت من تيشيرتات عنود حق برشلونه عشان يكون واسع وما يبين انها بنت لأن ما تبي تلبس عبايه ولبست بنطلون حق خلود وكاب وخذت شال و تلثمت من الشباب يوم يتلثمون بالشماغ ولبست جزمه رياضيه وخذت الجوال وطلعت طبعا الوقت قريب الفجر سارت الساعه 3 وطبعا المدرسه بعيده عن الجو السكاني وكل اللي يحيط بها جبال كانت وحاطه يدها بجيبها الغبيه تبي تمشي مثل العيال بس مو عارفه وهي ماشيه سمعت صوت غناوي واحد يدق قربت من الصوت ولقيت مجموعه شباب مخيمين قريب ويغنوا ومستانسين ... جوان خافت وتراجعت على ورى انتبه عليها واحد الولد يخاطب نفسه : وش جاب هالولد بهالوقت اكيد ضايع من هله وقف الولد وجوان خافت خوف شديد وحركت ركض الولد استغرب حيل وسار يركض وارها ويصارخ : تعال ي ابني ماراح اكلك تعال بس الظاهر انك ضايع وقفت جوان تخاطب نفسها : الحمدلله ع باله ولد بس شلون لو تكلمت ولد بصوت بنت ي ربي وش هالورطه حتى طريق المدرسه ضيعته الولد قرب منها : حبيبي قولي وش اسمك وينهم فيه اهلك جوان تكلم نفسها : ترى انا بأولى ثانوي الولد : تكلم وش فيك جوان بكت الولد : ي ليل توهقنا فيك تعال تعال الله يسامح امك اللي تاركتك وجالسه مع صديقتها الولد مسك يد جوان وجوان تبي تسحب يدها بس فكرت انها تروح معاه عشان لا تنكشف ~~~~~ وقفه قصيره اسمه علي عمره 22 سنه ملامحه عادي بس هو اسمر وعنده غماازه ~~~ علي : شباب لقيته ضايع واحد من العيال : ي ليل وش هالوهقه طيب ما دورت على اهله كان في ولد شاك ان جوان بنت وكان يطالع فيها جوان تكلم نفسها : ي ربي لو عرف وش اسوي بروحي الولد : علي انت متاكد انه ولد ضايع علي : أي ليش الولد : لالا ولا شيء جوان زاد بكاها من غير ارادتها علي : وش فيك بعد جوان تحاول تضخم صوتها: ابي ارد البيت واحد من العيال : حبيبي كم عمرك جوان بنفسها : اهلا بالورطه وش اقول علي : كأن وقته الولد يبكي وانت تساله جوان غطت وجهها مثل الاطفال بيدها وجلست تبكي علي : حبيبي طيب قول لي وش اسمك وش اسم بابا جوان : ابي ماما علي : طيب قول لي تعرف رقم احد من اهلك جوان تخاطب نفسها : ي حبيبي وش اقول ( ثم ارتفع بكاها الى صراخ ) علي قرب من جوان عشان يضمها بس حطت رجلها وراحت ركض هو ما درى انها بنت بس هي خافت يعرف علي : خل نلاحق عليه قبل لايضيع الولد اللي كان شاك فيها : تقصد نلاحق عليها قبل لا تضيع علي : نعم الولد : ولا شيء راح علي والولد يركضوا ورى جوان جوان ودموعها ع خدها : ي ربي وش هالورطه الحين بيأذن الفجر وانا باقي مارجعت وهي تركض تذكرت الجوال وخرجته من جيبها وكانت تبي تدق على شبنقح بس خافت تتهزأ وهي عارفه ان عنود مو بتهزأها الا بتقطع راسها علي ركض وركض ومسكها من يدها وعصب عليها : وين رايح بهالليل امشي قدامي راح اوديك لأقرب مركز شرطه يدورا على اهلك جوان : لالالالالا علي : وش فيك الولد يكلم نفسه : وربي انها بنت علي : والنهايه ماراح تتكلم جوان ساكته وعرفت ان الولد كشفها وكانت ترجف وبتموت من الخوف علي : انت ليش خايف ترى ماراح ناكلك ج وان تكلم نفسها : انا لو ولد ما خفت علي : تكلم انطق قول شيء ا لولد : علي تعال علي : خير الولد يهمس لعلي وجوان تطالع فيهم وعلي ماسك يدها وهي ترجف علي صرخ : نعم جوان صرخت وبكت اقوى علي طالع بجوان : بنت مين انت ؟ هنا جوان ما قدرت تتحمل الصدمه وطاحت ع الارض علي : ي ربي وش نسوي فيها ~~~~~ ماعرفنا الولد اسمه حسام وهو بعمر علي لعووب حيل ومصادق الف وحده على عكس علي كان محترم حيل وكان دوم ينصح حسام وما تركه بحجه انه صديقه ~~~~~~ حسام : مين انت وبنت مين ي حلوه علي : حسام ابعد عن البنت احسن لك ترى عندك خوات حسام : ي ليل الحين بتسمعني اسطوانتك عندك خوات وعندك خوات جوان جنت واغمى عليها علي : وربي ما تلمسها لو على جثتي حسام : علي هات البنت وش عليك منها انت علي : استح على وجهك ي قليل الادب الى متى وانا اعدل اخطائك وانصحك حسام : محد طلب منك علي حمل جوان وراح السياره وترك اصحابه حط جوان بالمقعد اللي ورى ودخل يسوق وهو بالطريق اذن الفجر ونزل صلى وطالع بجوان وقال : وش سالفتها وكم عمرها اصحيها تصلي بس ما عليها عبايه ولا شيء ما ابيها اطالع فيها اكثر ي ربي خلسني من اللي انا فيه عند شبنقح انواع الجنان ليان تبكي : وينها فيه وين اختفت ريم : انا قتلك ي خلود انها مو موجوده خلود : على بالي تحت هديل : مانبي المديره تعرف ها العنود : وربي اشوفها لأفصل راسها عن جسمها الكلبه ليان : ي ربي هديل : لا تستعجلوا خل ندور في سياره علي كان مشغل قران ويمشي بسرعه يبي يوصل لأقرب مركز شرطه صحت جوان جوان : انا وين علي : ابي افهم السالفه لو سمحتي جوان تذكرت كل اللي سار لها وقامت تبكي علي : ي بنتي اهدئي ماراح اسوي فيك شيء بس قولي لي وينهم اهلك جوان تبكي : ردني المدرسه علي : أي مدرسه جوان : ي ربي حتى الطريق ما اعرف علي : معاك جوال جوان : أي ..لالالا . ... لا تتصل على احد راح يذبحوني علي : لازم اكلم ابوك جوان : ماعندي اب علي : نعم جوان : انا يتيمه وعايشه بمدرسه داخليه علي : اجل اتصلي على صديقاتك على أي وحده من الابلات جوان تبكي وتشاهق : لالالالالالا راح يذبحوني علي عصب : احسن خل يذبحوك انت مجنونه في بنت بكامل قواتها العقليه تطلع لحالها جوان بكت اكثر : والله ما هقيت اني اضيع اسفه علي : ي ليل الحين اعتذري حق نفسك مو انا اسمعي ي بنت الناس سنه كم انت جوان : اولى ثانوي علي : نعم احلفي جوان : وربي علي : اوكي اتصلي الحين جوان : لالالالا علي : وش اللي لا انا ماقدر اخليك عندي جوان : طيب شسوي علي : انت غلطتي وتحملي نتيجه غلطك جوان : اجل نزلني هنا علي : الظاهر تبين اعطيك كف جوان بكت بصوت عالي علي : اقول نزلني علي صرخ عليها : بس اهجدي وين انزل بنت هنا مو مجنون انا مستحيل اخليك لحالك هنا جوان ارتاحت لهالولد علي : الحين راح تدقي فاهمه جوان : واذا ما دقيت بتصفقني يعني علي : وش رايك جوان : مدري عنك علي : اتصلي على احد ريحيني ترى حيل معصب ولو بيدي ذبحتك جوان بكت من جديد : ما سويت لك شيء علي يبي يضحك على شكلها وهي تبكي بس ما يبي يطيح البرستيج المعصب جوان : مابي اتصل علي وقف السياره واخذ عقال من المقعد اللي جنبه : اذا تبي تحافظي على راسك اتصلي جوان صرخت وفتحت باب السياره وهربت عند شبنقح هديل : دورت في كل مكان ما لقيتها ريم : تاخرت عن الحصه العنود : حتى احنا خلود : وش نسوي الحين العنود : مافي حل غير اننا نكلم المديره ليان : منجد العنود : ترى حدي معصبه والله راح افرمها مثل اللحم ليان : لالا حرام خلود : ليان اسكتي نعود للشيطانه جوان علي نزل يجري وراها في البراري كان خايف تضيع المهم كان سريع ومسكها من يدها وعطاها كف جوان طاحت على الارض وبكت علي : لما اقول اتصلي يعني اتصلي ترى مو فاضي لك جوان وقفت وقالت : انقلع عن وجهي انا مو صغيره اقدر ادبر نفسي علي تجاهلها وسحبها للسياره جوان تبكي : ابعد عني علي : والله كف ثاني هاتي الجوال جوان كانت مقهوره منه بس هي الغلطانه هو كان محترم ويخاف من الله وما يبي يترك بنت في مكان مثل هذا لحالها سحب الجوال بالقوه وسار ماسكها بيد ويفتش في الارقام بيد علي طالع بجوان : ليش كذبتي وقلتي انك يتميه جوان معصبه : ماكذبت علي : وتكلمي امك وهي بقبرها ماشاء الله جوان ضحكت : ي غبي هذي مو ماما الحقيقيه علي : ماشاء الله وسرت غبي بعد جوان : لا تكلمني علي : اشششش خليني اكلم ي طفله جوان عصبت : مو طفله انا علي : ألو العنود : الو مين علي : ي اختي انت خاله جوان مدري امها مدري المهم تقربي لها العنود : صديقتها بالسكن مين معاي علي : اها والله مدري وش اقول العنود صرخت: جوان وينها فيها شيء شبنقح جنوا وساروا يسحبوا الجوال يبوا يسمعوا وش سار العنود : بس اهجدوا ... أي نعم كمل علي : البنت معاي ومافيها شيء بس مضيعين الطريق وما ندري شلون نوصل للسكن العنود : ي ليل مدري وين انت امشي وراح توصل علي : شلون يعني وصديقتكم مخليه براسي عقل عشان اركز واعرف الطريق ا لعنود : ليش وقعت في حبها علي : مالت عليك ي الخبله اقول لك جننتني وهي تبكي العنود : ماعليك المهم تعال بسرعه علي : وين امشي العنود : امشي وراح تلاقي لافتات توجهك لمدرستنا علي : والله ما اغبى من جوان الا صديقتها اوكي يلا مع السلامه العنود : لا تتاخر والله لو يسير فيها شيء راح تتمنى الموت ولا تطوله علي : اكيد لا تخافي العنود قفلت وهي ناويه نيه شر على جوان خلود : بشري وينها هديل : من هاللي كلمتيه العنود : الكلبه خرجت امس وضاعت ولقاها ولد والحين بيرجعها ليان خافت حيييل وسارت تبكي وريم بعد بكت المهم عوده لجوان وعلي جوان : لوسمحت طفي المكيف علي : اوكي جوان : جوعانه علي فتح شطنه صغيره جنبه وطلع ساندوتش وعصير وعطاها جوان جوان : ابي مويه علي : امسكي جوان : انا اسفه تعبتك حيل علي : لا انت مثل اختي بس انتبهي ترى مو كل مره تسلم الجره جوان : اوكي بعد 3 ساعات وصلوا السكن وكانت الساعه 10 صباحا نزلت جوان من السياره علي : جوان انتبهي لنفسك جوان : شكرا واسفه علي : يلا ادخلي ومره ثانيه ما تطلعي بانصاف الليول ومن غير عبايه جوان نست عمرها من الخوف وكلام علي فشلها حيل ونزلت راسها دخلت المدرسه وهي خايفه طلعت الغرفه بسرعه ودخلت بس ما لقت احد نزلت تدور ع شبنقح وفي الاخير لقتهم بمكتب المديره دخلت جوان وهي تبي تبكي المديره : وين كنتي ي اخت جوان جوان : ابلى .......... المديره عصبت : وش سبب طلعتك هذي من المدرسه انا لو ما اعرفك عدل كان شكيت فيك احمدي بك ان محد لاحظ اختفائك غيري جوان بكت : ابلى انا اسفه مدري شاللي سار فيني وخلاني انزل المديره : الله يهدييك تعالي هنا وقعي على هالتعهد واعتذري لصديقاتك جوان : شبنقح أنا اسفه ليان حضنتها وبكت : جوان ارجوك لا تعيدها ترى قلبي طاااح والله بادلتها جوان الضمه : اسفه ي الغلا هديل : تدري ي جوان ان ودي اذبحك ي ي .......... خلود : جوان وش هالتفكير الغبي انت مجنونه جوان : ترى ما كنت ادري اني راح اضيع ريم عصبت : ولو انت بنت وخارجه بنص الليل بهاللبس ما تخافي على نفسك جوان : انت خلك برى الموضوع العنود مسكت جوان وطيحتها ع الارض وطاحت فيها تصفيق وهي تبكي خلود : بس عنود هديل تحاول توخر عنود بس عنود منهاره وطلعت حرتها في جوان ليان لازالت تبكي هديل ضمت ليان : شوفي الكلبه مافيها الا العافيه ليان : اااااااااااااااااه ابيها تموت قدامي بس ما يسير فيها شيء المديره كانت واقفه تتفرج خلود طلعت من الغرفه وسمحت لدموعها تطيح بقوه سمحت لدموع كانت ماسكتها من اول ما اختفت جوان العنود صفقت جوان وهي تبكي : حرام عليك اللي سويتيه فينا والله حرام جوان وفقت وبكت : عنود خلاص موتيني ترى ما قصدت اضيع نفسي بس كنت طفشانه وربي مدري شلون جات الفكره على راسي العنود معصبه : اجل مره ثانيه قولي لها ما تجي ليان : خلاص عنود جوان خل نقفل السالفه ترى بس اتذكر اخاف المديره : جوان انا لو وحده من صديقاتك وربي ماراح اكلمك هديل : جوان لاتعيديها ابد العنود : حسبي الله عليك ريم خرجت من الغرفه وشافت خلود تمسح دموعها ريم : خلود حبيبي وش فيك خلود : مافي شيء ريم : كنتي تبكي خلود : لا تقولي لأحد انك شفتيني ابكي ريم ضمتها : اوكي ي الغلا طلع شبنقح ع الغرفه وجوان حاسه انواع الندم تضرب براسها جوان : هديل زعلانه هديل : والله مو زعلانه بس لاتعيديها والحمدلله ما فيك شيء هذي اهم جاحه جوان : خلود عنود ليان وهديل سامحوني العنود : هو غصب علينا نسامحك بس لو تنعاد الفكره المجنونه هذي انسي انك عرفتيني ليان : خلاص اللي سار سار ولا تبكبروا الموضوع ريم حست ان لازم تحافظ على كرامتها وتطلع شوي وتخلي جوان مع خواتها طلعت ريم من الغرفه هديل : جوان ترى هذا بسببك جوان : ما احبها العنود : جوان روحي اعتذري لها جوان : والله ما اعتذر خليها تنقلع ليان : حرام عليك خلود : جوان حاولي تحبيها جوان : مابي المهم اسمعوا حاسه بالندم ياكلني من راسي لساسي العنود : احسن ليان : حبي شعورك بالندم حلو وترى احنا مو زعلانين بس كنا خايفين هديل تبي تغير الجو : اصلا لو امها ربتها ما طلعت وخوفتنا العنود : انا ربيت وتعبت بس هي انحرفت جوان : احلفي العنود : والله خلود : ههههههههههههههههههههههه لا تحلفي ي هبله أي تربيه واي بطيخ العنود : لا بطيخ ولا تفاح رجعوا شبنقح يضحكوا بس قطع ضحكاتهم دخول ريم وعيونها مليانه دموع ها كيف الباارت ؟؟ وش رايكم بتصرفي (جوان) مع الغثيثه رييم ؟؟ تبوا ريم النحيسه تكمل معانا في شبنقح ؟؟
__________________ بـغزل أوتاكو , كلهم فلر بس إنت بداية آراك |
|
#149
09-14-2013, 09:50 AM
| ||
| | ||
|
يسلمو االبارت رووعة س1 ها كيف البارت ؟؟ البارت يجنن ومرة حلو واستمري كذا حطي مغامرات مجنونة س2 وش رايكم بتصرفي ( جوان ) مع الغثيثة رييم ؟؟ مرة ما عجبني تصرف جوان س3 تبو ريم النخيسة تكمل معانا في شبنقح ؟؟ ايوا نبغى |
|
#150
09-14-2013, 12:07 PM
| ||
| | ||
| ها كيف الباارت ؟؟ البرات رووعه بس جوان الله يصلحها خوفتنا وش رايكم بتصرفي (جوان) مع الغثيثه رييم ؟؟ عااااااااااادي تبوا ريم النحيسه تكمل معانا في شبنقح ؟؟ على راحتك أنتِ^^
__________________ سبحان الله وبحمده سبحان الله العظيم سبحانك اللهم وبحمدك اشهد ان لا اله الا انت نستغفرك ونتوب اليك اللهم انك اعطيتنا الاسلام من غير أن نسألك , فلا تحرمنا الجنة ونحن نسألك . |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ايوب المعا صر | سحاب زرقاء | قصائد منقوله من هنا وهناك | 0 | 06-29-2012 02:46 PM |
| صداقة..... اخوة ........ | I&U | مواضيع عامة | 14 | 08-18-2011 05:57 PM |
| اللهم اجعلنا ممن يصن الحجاب ويصونهن الحجاب, اجمل ما انشد عن الحجاب.........mk | mk1990 | خطب و محاضرات و أناشيد اسلاميه صوتية و مرئية | 4 | 05-27-2007 11:41 AM |
343Likes
العرض العادي
