|
| |||||||
| مدونات الأعضاء دفتر يوميات الأعضاء خاص بالعضو ذاته ولا يحق لأي عضو الرد أو التعقيب قسم يسمح للأعضاء بإضافة تدويناتهم اليومية الخاصة لمشاركتها مع مئات الآلاف من الاعضاء والزوار يومياً .. مدونات - مدونة |
 |
| | LinkBack | أدوات الموضوع | انواع عرض الموضوع |
|
#1156
06-23-2014, 01:28 PM
| ||
| | ||
| كيفكم ان شاء الله بخير - اخر أخبار ضواحي القدس ◄ بالنسبة لمنطقتنا يوم السبت على الساعة وحدة بالليل بعد ما خلصت حفلة التخرج وهيكا اليهود "المستوطنين" اقتحموا البلد أو بالأحرى اقتحموا الجامعة نزلوا مشاه وجيبات وجيس وفير يعني المهم الشباب ما خلوهم بحالهم حجار مليتوف من الشباب وقنابل غاز من الجيش على اساس انهم ما يخلو اليهود يدخلوا على الجامعة بس دخلو واول اشي عملوه اعتقلو جميع سكيوروتي الجامعة " الامن" يعني مش اعتقال اعتقال بس بعدوهم عن طريقهم ودخلوا على الجامعة شكهم أخدوا اسماء وكسروا اشياء حسب ما سمعت واكتر اشي بخلي الواحد ينقهر وينرفز ليش داخلين على دار القران نفسي افهم -_-1 حسبي الله ونعم الوكيل أما عنا بالبيت أول ما سمعنا صوت قنبلة الغاز الأول بما انا في شارع الجامعة فاخي لبس اواعيه وطلع من البيت فانا اتصلت على دار خالتي اسالهم شوفي الا ابن خالتي رد بحكيله شو في عندكم حكالي ولا اشي بس الجيش نزلوا عن الجبل وبدهم يقتحموا الجامعة امي ضلت عند الشباك تطلع على الشارع وتشوف شو في وهكذا وفي رام الله عملوا مظاهرة وعجبوا على مركز الشرطة واستشهد شب كان طالع يتفرج من فوق العمارة كان نوع الرصاص دمدم ! الله يصبر أهله - بعرف زهقتكم بس جاييتكم بيلي صار اليوم من الساعة وحدة الصبح لحتى الساعة 6 اصبروا علي -_-1  |
|
#1157
06-23-2014, 01:43 PM
| ||
| | ||
|
- هلا بالنسبة للي صار على الساعة وحدة اخي اجى وحكالي انا رايح انام بدي احط الايفون بالشحن وقبل ما تنامي جيبيلي اياه وحطوه على الطاولة اللي جنبي قلتله طيب وراح نام بعد شوي يمكن عشر دقايق حسيت في اشي بيتحرك ورا البيت فرحت طفيت الكمبيوتر والتلفزيون على اساس اشوف شو في فاول احتمال اجاني انه الجيش اقتحموا البلد اليوم كمان طلعت على باب البيت ما في شي على الشباك برضه مش شايفة اشي بالاخير حملت اغراضي ورحت انام قصدي رحت عشان اتريح وانا قاعدة على التابليت المهم سمعت صوت خبط رجلين قلت تلاقيهم الجيران سمعت باب الحديقة بينفتح قلت اكيد اخي التاني اجى بس طلهع مش هو قلت ماشي صرت بتوهم بعد شوي خالتي بتتصل بتحكي الجيش نزلوا مشاه و بالجيبات ومستعربين كمان يعني عدد كبير منهم بحكيلها ما في اشي عنا احنا وبعدين اعطيت التلفون لاميبعد شوي اختي بتتصل بتحكيلي الجيش عندكم بحكيلها لا المهم كالعادة امي على الشباك بتشوف شو القصة واختي بتحكيلها يما منشان الله ما تضلك تمشي بدي انام وبلش الاقتحام الجيش انتشروا ودخلوا على كتير بيوت يا اما تفتيش او اعتقال واستمر الوضع للساعة 7 الصبح حتى انه لما اجت سيارة النظافة حكولها ارجعي هلا بعد ما صحينا مع انه ما نمنا حتى ولا تهنينا نزلت امي تشترلي من المحل فابن الجيران لقيها بالطريق وشو حكالها انا كنت قاعد على البلكونة من اول ما بلش الاقتحام ويا حزركم وين كان جزء من الجيش كانوا منتشرين حول بيتنا وعند الشجرات وهيك بس ما شفناهم احنا وكان في واحد مجهز حاله ومتمركز وبيطلع على جهت بيتنا والباقي منتشرين وعلى اقوال امي مفتشين المخزن تاعنا وهم اللي فتحو باب الحديقة عنا وهم اللي سمعت صوتهم ورا بيتنا وهم اللي كانوا زاعجين اختي بمشيهم مش امي وكل هادي الحقائق الصبح عرفناها يعني لو صحي اخي من النوم كان اكل هوى الله ستر واخي تاني لو رجع من عند صاحبه كمان كان رح فيها وشسمه الله يكفينا شرهم وتعبت من كتر ما كتبت فيوووه - الصبح
__________________ ؛ 아쌀라 أنعش من حولك أقلها بالكلمة الطيبة "
|
|
#1158
06-30-2014, 06:51 PM
| ||
| | ||
|
السلام عليكم كيف الحال ..؟ - رمضان مبارك وينعاد عليكم بالصحة والعافية وكل عام وانتو بخير - بعد ساعة بياذن المغرب xD ما حسيت بشي غير عطش وجوع الحمدلله  صرت اصحى على الساعة 9؛30 كلو نشاط من شريت التابليت ما كتبت اشي بالمدونة  ان شاء الله برجع اكتب فيها متل اول - شكرا للاخ مؤمن الرشيدي على المتابعة حفظك الله اينما كنت  - |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| - قَمر تلفحةة الشَمس - جريان وظمأ لا يرتوي " عطارد " | ِ | مواضيع عامة | 12 | 08-04-2015 03:31 AM |
14923Likes
العرض العادي
