اتّساق قَمر | إطلالَة سَماويّة. - الصفحة 347 - عيون العرب

**سَرْمَد** · #**1731** 06-16-2016, 05:06 AM

اشتقت أصمم 😢😢
اكتر اشي استمتع فيه ،، مش ضروري على الفوتوشوب
حتى اعمل diy ،، لازمني ادوات كتير والوان
الله يصبرني

**سَرْمَد** · #**1732** 06-16-2016, 05:25 AM

لأول مرة بحس حالي جاي على بالي احكي كتير
كل ما احكي بدي اروح انام بتذكر اشي وبصير بدي اكتبه
انتو بتعرفوا اني انا شغلتي على الفيس بوك بس اغير الصورة الشخصية
كل اسبوعين او بالاخرى كل ما تنزل صورة لبورجو وعلي
وغير هيك الحالات و الكوفر بالشهر مرة لانزل اشي على الفيس
واللي منشطين صفحتي صاحباتي وتاقاتهم
اما الناس اللي عندي ما شا الله نشيطين بشكل رهيب خصوصا ابن خالتي باليوم بجوز 10 بوست
العائلة تاعتنا نشيطة هههه
انا هون بتلاقوني بحكي كتير وبعبر عن راي وبنزل اشياء وصور وهاي
وعاملة لجة كل هاد لانه ما حدا رح يدقق على كلامي من اللي بعرفوني بالواقع
بحكي شعوري براحتي لانه ما في ابراج مراقبة او ابراج الاستفزاز
مش قصدي انه الناس اللي عندي مش متفهمين لا لاني ما بدي تدخل بدائرة الاسئلة
واصلا مسحوب علي ههههههه
بالعربي
انا بس بدي حدا يسمعني ورح افجر راسه باذن الله
حاسة حالي حكيت عن اسبوع

**سَرْمَد** · #**1733** 06-16-2016, 06:27 PM

السلام عليكم ورحمة الله وبركاته
هيلووووو حبايبي
كل تخطيط مبارح انه اشوف دعبل راح على الفاضي
احكيلكم شو صار
كانوا امي واختي بدهم يطلعو على رام الله وانا بعد 10 دقائق بروح مشي على المدرسة
لما شفت امي بتلبس قلت ليش امشي بهالشوب بخليهم يوصلوني
قمت من الفرارة البست الاواعي وما هي ثواني الا وكنت مرتاحة في السيارة
المهم الا اختي بتحكي شو رايك تيجي مع امي وخلص
انا فكرت وفكرت قلت ماشي
ولما وصلنا المدرسة كنت رح انزل اجيب السهادة بس امي قالت بسرعة انا بجيبها
لانه نانا رح تتاخر على الشغل
وهيك جابت الشهادة وكل شي تمام وانطلقنا
بعتت مسج لدعبل بس طلع ما معي كرت وهلا حكيت معها على الواتس
المهم
شوفوا التدوينة1731#
سبحانه في مكانه بما اني رحت على رام الله مع امي واختي
بنفس المجمع اللي في عيادة نانا في مكتبة كبيرة
واللي تعرفت عليها هديك المرة ،، مكتبة احلامي
المهم شريت حاجات مش كتيرة بس جميلة
شريت دفتر رسم للالوان المائية فيه 160 ورقة اعتقد
والوان مائية جبت نوعية غير اللي عندي وكم شغلة تانيات
في عندي رسومات حابة اورجيكم اياها وبخطط اعمل موضوع
بس مين بده يصمم الطقم هادا هو اللي معجزني 😢😢😢
المهم المهم
في استاند للوحات ومعه لوحة كنت رح اجيبهم بس امي
حكت احكي لنانا بتجيبهم معها بس تيجي عنا

ازعجناكم happy1

**سَرْمَد** · #**1734** 06-16-2016, 10:28 PM

هيلوو
جيتكم مع كتابات دعبلي الجميل ايو
ترا شو تمسخرت عليه عشان حقوق النشر 😂😂
وكله برعاية #asya

-

كله كوم وتعليق ازهار كوم تاني
صحيح انه عقولهم راقية

هلا هدول شوي من اللي بعتتلي اياهم
اي حدا عنده تعليق ، انتقاد ، راي يبعته على الزوار
بعينكم الله ،، انتو كريمين واحنا بنستاهل

**سَرْمَد** · #**1735** 06-17-2016, 12:26 AM

بعيد عن قلبي كبعد الشمس عن الارض

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
- قَمر تلفحةة الشَمس - جريان وظمأ لا يرتوي " عطارد "	ِ	مواضيع عامة	12	08-04-2015 03:31 AM