اذا وقعت امسك بايدك ووقف لا تستنى حدا يساعدك لانه اذا انت ما ساعدت حالك ما حدا رح يطلع بوجهك . مهما كان الشخص عزيز لما يجي الاشي لمصلحته ما رح يشوفك رح يمشي عليه ويدوسك , مهما كان قريب رح يستغل ضعفك , انت اللي بتمثل القوة لنفسك انت وما حدا غيرك , يمكن كلمه من حدا تساعدك بس انت لو ما تقبلتها ما رح تفيدك لو انت اصلا ما كنت مستني حدا يحكيلك نصيحه او كلمه مفيده انت ما كنت رح تسمع ورح تطنش , اترك كل الناس وخليك عبد مخلص لانه وحده الله ثم نفسك رح يخليك الافضل ورح تكون اقوى , لما تشوف حدا ضعيف لا تتفلسف عليه ولو شفتوا مبسوط لا تحكي مش سائل , اول على اخر كل انسان طبيعته مختلفه , يمكن الاشي اللي ما بهمك يهم غيرك ويعنيله اكتروالكلمه الي ما بتجرحك بتجرح غيرك , انا ما بحكي انه الاصحاب والاهل ما الهم تاثير بس مش دايما رح تلاقيهم جنبك فما تعتمد الا على ربك بعدين نفسك , كن لنفسك كل شي وخلي اشياءك الحلوه والمره مخزنه لانه كلها بتعلمك وبتسعدك.



فلسفه فارغه