|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
07-04-2013, 08:29 PM
| |||||
| | |||||
| ان كان الحزن رفيق دربي فساهجره عشان اوقف كتابه اكرر واقول ان هذه المره الاوله التي اكتب بها ولكن ليس الاولى التي الفت بها لذلك ارجو ان تنال اعجابكم روايه:ان كان الحزن رفيق دربي فسأهجره نبدا الحياه رائعه اذا عشتها بتحدي مع حلوها ومرها بالاثاره والغموض والحزن والفرح فتحت عيونها الززرقا الواسعه الجميله بتعب وهي تقول بتذمر: ياربيه من هالمدرسه كان لازم تبدى يعني مايكفي ان شغل البيت عليي قامت من سريرها بكسل وراحت توضت وصلت لها ركعتين وقالت: خلني اقوم اصلح لي كوفي قبل لا يصحون اتجهت للمطبخ وقامت تصلح لها اسمها: رغـد بنت ايه بالجمال من عائله غنيه ومعروفه وماشاء الله عايلتها كثيره تكون احلى بنت بالعائله عيونها زرقا مايله ع الرمادي وواسعه بياضهايسابق بياض الثلج طولها 155سم خدودها من ربي مورده شفايفها مليانه شوي وورديه ولامعه خشمها,انفها: سله سيفملاك بشعرها الاسود الي يسابق سواد الليل صراحه البنت جميله جدا حتى انا مو قادره اوصفها دلوعه جدها تغار بقوه وحبوبه فرفوشه ورجه بس تكون عند الغريب هاديه ورازه نفسها والي يشوفها يقول هذي مغروره لجمالها ولعزه نفسها سعوديه ابوها مايرضى على زعلها ودايم يهاوشها اذا زعلت ويزيد زعلها زعلين لكن ماتوضح لاحد ابد ودايم البسمه على شفايفها عمرها 14 نرجع لرغد خلصت من الفطور وكانت الساعه 5:30 انطلقت بسرعه عشان تتحمم عشان تروح مدرستها انتهت رغد من الشاور بسرعه مع انو هذي مو عادتها العاده تقعد ساعه بالحمام ونص ساعه تلبس خلت شعرها متحررعلى اكتافها من العجله ولبست عباتها وطلعت شافت ابوها توه راجع من المسجد سلمت عليه وقالت :صبحك الله بالخير يالغالي الاب: صبحك الله بالنور رغد:تقبل الله بابا الاب:منا ومنكم رغد: بابا سامحني اذا زعلتك مره ولا اذيتك ولا ولا ولا ولا وقامت تعدد اشياء الاب ضحك وقال : الله الله الله كل هذا وش الموال الي دايم تعيدينه رغد وهي مبتسمه: الله يهداك يابوي ماحد يعرف متى يومه يمكن اموت باي لحظه الاب:بسم الله عليك ي بنتي وش هالكلام ترا والله لازعل رغد بدلع رباني : بابا والله سوري مو قصدي وكملت وهي تضحك ماعلينا الحين هااه وش قلت على الي قلته لك امس؟؟ الاب:والله يابنتي مع اني ناسي هاللغه وصاير فيها زفت لكن ابشري من العصر بدخلك معهد تعليم فرنسيه رغد: بس بابا صعبه وشلون وانا مو متعلمه شي الاب:لا ماعليك انتي بتكونين مستوى اول بعدين بتنقلين للمستوى الثاني رغد كانت خايفه امها ترفض عشان كذا قالت : بابا واذا ماما رفضت؟ الاب:لا ماراح ترفض واذا رفضت مو بكيفها رغد بفرح:شكرا بابا وضمته >للمعلوميه رغد تكره احد يضمها بس ابوها عاادي يمووون هع فجاه كشرت وناظرت الساعه وقالت بفجعه : ياويلي ياويلي بتاخر ع المدرسه الاب بضحكه:تونا يارغد 6:15 رغد: يادوب اوصل تكون 6:30 او 6:45 الاب:ليه المدرسه قريبه رغد: ايه بس انا اروح مشي الاب بشك: وليه تروحين مشي ؟ ارتبكت رغد لكن جاوبته وقالت: لا بس انا احب اروح مشي الاب كنه مو مصدقها لكن عداها وقال:طيب يلا اركبي انا اوديك رغد:يلاا طلعت رغد من البيت بسرعه وهي تزفر بارتياح ان ابوها مشاها لها طبعا هذا اول يوم بالمدرسه عشان كذا رغد رايحه بدري عشان تحجز لها مكان نتركهم لين يوصولون ونتعرف ع الاب [color="rgb(255, 0, 255)"]اسمه:ناصر عمره 40 بس الي يشوفه يقول هذا الامير سلمان بن سعود لكن ناصر احلى منهر عيونه نفس لون عيون رغد وهي وارثه اللون منه قعدته ماتنمل على كبر سنه الا انه فرفوش وينكت لكن اذا عصب لحد يقرب منه>نفس رغد هه وارثينها من ابوه\جدها طيب وحنون على عياله خصوصا رغد تاجر معروف هو واخوانه [/color] نرجع لرغد الي نزلت من السياره بهدوء وهي كارهه المكان تكرهه المدرسه مو عشان كسل لا عشان البويات الي فيها بالعكس رغد بنت ذكيه وطبعا اكيد متكاسله لكن هي وعدت نفسها انو هالسنه راح تشد حيلها دخلت المدرسه وهي تسمي بالله راحت فسخت عبايتها ودخلت للاداره تسالهم عن مكان فصلها رغد بهدوء وثقه:السلام عليكم المعلمه وهي تناظر الاوراق :وعليكم السلام نعم امري؟ رغد بابتسامه عذبه:مايامر عليك عدو بس حبيت اسال عن مكان فصلي هالعام انذلهت الابله على ادب رغد وثقتها ماعمرها قابلت بنت الا وهي متهاوشه معها ومكتبتها تعهد وقالت لها:بما انك اول وحده جيتيني المكتب فانا راح اعلمك بس ايش اسمك؟ رغد بنفس النبره ونفس الابتسامه : رغد ناصر ال.... انصدمت المعلمه وقالت بنفسها:الحمدلله مارفضت طلبها ولا كان رحت ورا الشمس قالت الابله بابتسامه ثواني وواشوف اسمك رغد:اوكي وجلست تفتش بالملفات الين مالقت الاسم المعلمه:رغد انتي بصف ثاني\ثااني رغد: اها شكرا بس يصير احط اغراضي؟ المعلمه:يصير ليه مايصير رغد مشكوره ابله ماقصرتي تعجبت المعلمه ورفعت راسها عن الملفات وانصدمت بالي تشوفه شافت ملاك مو بنت وزادت صدمتها غير انها بنت التاجر المعروف الا انها جميله وجميله قليله بحقها استاذنت رغد وطلعت تدور عن فصلها ولما لقته دخلت وشافت الطاولات محيوسه استغربت من الي مسوي كذا لكن بدت تعصب من هالفوضه الي بالمكان وقامت ترتب ولما شافت انو كل شي تمام طلعت جوالها وشافت اذا في احد ولا لا واتصلت على ابوها وقالت له :بابا بالله عليك طلبتك قول تم الاب:تم يابنتي بس وش فيك؟ رغد: ابي تجيب لي ورد الاب استغرب بس قام يضحك لانو رغد كالعاده بتحط الورد بالفصل رغد تكمل:وجيب معك كمان يقاطعها ابوها ويقول:مزهريه وخل البايع ينسقها لك وقام يضحك رغد:حبيبي والله فاهمني وهي الثانيه ضحكت لكن فجاه تدخل المديره الي جبنا طاريها من شويات ارتعبت رغد وخبت الفون قبل لاتشوفه وتصادره لكن هيهات فات الاوان والمديره شافته لكن المفاجاه انها قامت تضحك رغد باستغراب:ابلهه وش يضحك؟ المديره : ههه شكلك وانتي مرعوبه بس بما انه اول يوم وانك مو مثل البنات الي يجيبون جوالاتهم ويكلمون واذا جيت من عندهم ولا كاني جيت راح اعفيك هالمره بس اول شي قولي لي مين كنتي تحاكين؟ رغد ببراه : كنت اكلم بابا ابتسمت المديره على برائتها بس بما انها طفشانه قالتت خلني استهبل:طيب وريني الفون اشوف ولما اخذت الفون انصدمت شافت اسم حبيبي يتصل بك عصبت المديره وقالت رغغغغغغغغد من هذاااا؟ استغربت رغد وقالت بنفسها هذي شدخلها بالضببط بس ابتسمت وقالت مين يعني ابوي هه المديره وماصدقت وردت ع ابوها بس ماتكلمت لانها سمعت :ههههه رغد بالله قولي ان المديره ولا وحده من المعلمات كشفتك عشان اضحك هههه رغد سحبت الفون من المديره وناظرتها باحتقار انو وكيف تشك فيها وهي تكره الجنس الثاني الا عيال عايلتها متقلبلتهم وعقبها ابتسمت بنصر وقالت ايوا بابا هاا جبت الورد؟ الاب لا والله مدري اي نوع تبين رغد:اممممم ابي باقه من زهرة الاوركيد باللون الوردي والاورانج المايل ع اصفر الاب : خلاص تم شويات وجايبها رغد بفرح:شكرا بابا وحطت اغراضها وطلعت بما انو المديره طلعتت بكرامتها تدرون ان رغد اول وحده توصل المدرسه من بعد المديره طبعا ولا في احد باول يوم راحت للساحه الخارجيه ومعها عباتها عشان تطلع لابوها اول مايجيب الورد ويعطيها رنه بالوقت الي رغد تلبس عبايتها رن الفون تبعها رنه وقفل عرفت انو ابوها جا جت تطلع من المدرسه الا بدخله وحده من الطالبات وهي تكلم نفسها وتقول بفزع: يمهههه يقلبي ايش هذا الجمال ابتسمت وقالت ياااي تشرفت بشوفتك اميري والله انهه يخقق هههه ياحظي بس البنات ماراح يصدقوني اني شفت واحد يخقق مثل هذا ضحكة رغد على تفكير البنت وطلعت لابوها دورت بعيونها على سيارة ابوها وماحصلتها بس شافت الي ماكانت متوقعته شافت سياره زرقا كلايزر خقت قدامها بعدين استوعبت ودقت على ابوها وشافت الولد الي بالسياره ينزل ويستند ع الكبوتت بطريقه ملفته هي فهمت قصد الشاب انه جاي يرقم بنات عصبت وقالتت والله ماسكت لهه هو وامثاله وراحت له بخطوات واثقه ورافعه راسها بكل شموخ وقالت: نعم اخوي شعندك واقف هنا ؟ اضن هذي مدرسه بنات وما اضن انهه مكتوب عليها مدرسه الصايعات الشاب ببرود ومن دون مايطالع لها :المطلوب رغد بغرور وثقه:المطلوب انك تورينا عرض اكتافك وروح اخمد بفراشك بما انه ماعندك دوام وعن الصياعه الشاب:وان قلت لا رغد بابتسامه واثقه:اتصال واحد واوديك ورا الشمس لا انت ولا عشره من امثالك تقولون لي لاا واعرف حدوك ي هذا الشاب بابسامه : اعرفي مع مين تتعاملين ي انتي رغد بسخريه : مع مين اتعامل ليكون مع ولد علي عبدالله ال... الشاب بابتسامه ثقه: بشحمه ولحمه ي هانم رغد بغضب: هييه انت عطني مقفاك ماعندي عيال عم حقيرين انااا ناظرها الشاب وبابتسامه جميله:رغغغغغغغغغغد رغد بعصبيه وصممممخ استوعبت انه قال اسمها ورفعت عيونها بعد ماكانت غاضه البصر عنه وبصدمه كبيره والم بنفس الوقت :لا ي ولد العم لاا مو انت الي تصيع من مدرسه لمدرسه لا ي ولد العم راحت تعدي الشارع وهي متحطمه مهما كان هذا ولد عمها كيف كيف يصيع كيف خرب عمها مارباه على الصياعه من غير شعور نزلت دموعها هي ماتحبه ومافكرت بس هي ماتحب تشوف احد تعرفه يصيع ومين؟ نواف نواف الي كانت تلعب معه وهي صغيره الي كان يلعبها نوااف ..! رغد بنفسها لا اكيد هذا حلم ايه حلم وبصحى منه حلم وصرخت حلم وبصحى منه نواف ركض لرغد وسحبها لحضنه وقال:لا يارغد لا مو انا الي يصيع ي رغد لا بعدت عنه رغد بهدوء وكملت مشي نواف بانكسار :والله ماكنت اصيع يارغد ولف لسيارته الي كانت بزاوية المدرسه بعيده عن مكان الحارس وركبها مشى شوي الا يشوف بنت تمشي بسرعه وتاشر له استغرب بس وقف ونزل من السياره يشوف وش فيه ومايلقى الا البنت تحضنه ووتبكي>>قلة ادب>>المهم قالت له كلام مو مفهوم وهو ابتسم بحنيه ومسح على ظهرها وقال:خلاص ماصار شي انسي انا الي مفروض اعتذر يلا امسحي دموعك لاتبكين مسحت رغد دموعها ببرائه وقالت:اسفه والله مو قصدي بس انت عارف اني اكره الصياعه نواف:لو انا ماعرفك كان لطشتك كم كف رغد تضحك وتقول:ايهه عشان اتوطى ببطنك نايف يضحك : لا ياشيخه وانتي ناسيه اني الولد مو انتي بالحظه هذي رن جوال رغد وجوال نواف كل واحد منهم رد رغد:سم بابا نواف:هلا يبه رغد ونواف ناظرو باستغراب وقالت رغد: بابا الله يهداك انت الي ارسلته مو انا ؟ نواف:يبه وش اسوي بالبيت وانا باقي لي اسبوع عالجامعه رغد:خلاص خلاص بطلنا ورد مانبي شي مشكور ودق على ولد اخوك قول لهه لايجيبه واستاذنت منه عشان تقفل وهو حاز بخاطرها ليه ابوها غصب عليها التفتت لنواف بابتسامه وقالت باي نواف لاحظ الدموع المعلقه بعيونها بس ماقدر يسالها عن السبب لانه يكلم ابوه الي يقول له روح لجامعتك احسن من البيت ومو مقتنع بسالفة انه باقي لي اسبوع هع مشت رغد الى المدرسه وهي تفكر بانها تهرب مو من المدرسه بس من البيت قالت مافي الا جدي هو الي بيساعدني تكره عيشتها تكره امها الي كانت السبب بدمار حياتها بس بطريقه غير مباشره صارت تكره كل جنس بني ادم الا كما ذكرنا عيال عمها مشت مشت مشت لكن ماتدري انها من القهر دارت حول المدرسه ونواف كان يتابعها بنظره الين ماوصلت للسيارته مره ثانيه وحست بدوخه بس تحملت وتذذكرت نواف وايش السبب الي خلاه يجي لمدرستها اتجهت له وسالته وهو تذكر ودخل السياره وطلع معه ورد منسق بطريقه رائعه بالمزهريه وورده لوتس حمرا سالته لمين ابتسم بسخريه وقال: لخويتي هنا رغد ماقدرت تتحمل دموعها قامت تنزل على وجهها البريئ >>ياخي البنت حساسه وتكره الصياعه والحين ولد عمها الي تعده اخوها يصيع طلعت فونها ودقت عالسواق يجي ياخذها بعد نص ساعه قالت بتحضر الاذاعه وتدخل الفصل وترجع ولفت تمشي بهدوء الين وصلت عند باب الدخول وبدت الدوخه ترجع لها لكن تماسكت دخلت للمدرسه ومسحت دموعها وقالت انا رغد بنت ال.. مافي شي يهزني ومشت بكل شموخ للطابور باخر الصف وكانو يقولون للطالبات كل وحده وفين فصلها ولما سمعت اسمها توجهت لفصلها والبنات الي بقو انصدمو من جمالها راحت لفصلها وفتحتت الباب شافت بنات يبون يجلسون على كرسيها ويتهاوشون عليه لانو مكانها كان مميز والكل يبيه راحت جلست مكانها وماعبرت الي واقفي بس هم لما شافوها جلست عصبو وراحو يكلمونها الاولى:هيه انتي ياهانم. رغد مو معبرتها تتذكر الي صار لها وكيف طلع ولد عمها صايع الثانيه:هيه انتي يالصايعه ماتسمعين , برضو رغد ماعبرتهم تذكرت كيف ابوها هاوشها يحسب انها الى الان تنتظره برا وهي فعلا كانت تنتظره بس مع نواف يعني كان عادي مافي خوف الثالثه:هيييييييييييييه صمخ ان شاء الله ماتسمعين قومي هذا مكاني طفشت رغد منهم وطلعت شنطه من علاقة الطاوله الي من جهة الجدار وقالت هذي شنطة مين؟ كلهم سكتو مايدرون بس قالت الثانيه :شنطتي , طلعت رغد بوك من الدرج وقالت :هذا بوك مين؟ قالت الاولى بثقه :هذا لي ابتسمت رغد بسخريه وقالة :تقدرين تروحين ي الثالثه الثالثه:واذا مارحت ؟ رغد بابتسامه واثقه وبنبره غريبه :راح تندمين صدقيني خافت ذيك البنت وقالت:طيب بس بشوف وش بتسوين فيهم قالت رغد:وانتو (وتاشر ع البنتين) الحقوني راحت بهم رغد لمكتب المديره والبنتين بدو يخافون دقت رغد الباب بثقه وقالت لها المديره تتفضل دخلت رغد وقالت السلام عليكم المديره : عليكم السلام ها يارغد مو كن زياراتك لمكتبي واجد اليوم رغد قالت عندي طالبتين ابي اعرفك عليهم ونادت على البنتين وقالت بابتسامه : هاه ي تو هذي شنطه مين ؟ تو بابتسامه مزيفه : هذي شنطتي ها ي ون هذا بوك مين؟ ون بثقه عمياء بتوديها ورا الشمس :هههه يعني بوك مين بالضبط هذا بوكي رغد : ها سمعتي ي ابله وش رايك بالكلام هذا؟ المديره بعصبيه مكبوته:وش اسمائكم الولى: انا روان ال.... الثانيه بابتسامة وثقه:انا ابتهاج ناصر عبدالله ال..... رغد بضحكه بريئه : ههههههههه اقول ابله نوره شوفي بالله وش تقول كاااااك تقول انها بنت ناصر عبدالله ال.... المديره اطلقت ضحكة سخريه عالبنت الكذابه الي بيصير لها شي مو لصالحها من رغد سكتت المديره ورغد تكلمت:ابله نوره تسمحين لي احل الوضع بنفسي؟ المديره وهي تفكر: امممم ايه اسمح لك لاني بصراحه واثقه انك بتححلينها بعقل رغد بالتسامه: ان شاء الله اكون قد الثقه فتحت رغد الشنطه وكان فيها كم صوره لابوها ولها طلعت صوره ابوها وقالت اوك ي ابتهاج ممكن تقولين لي منو هذا؟ ابتهاج وهي تشوف الصوره :هذا الملك عبدالله اكيد رغد وهي تاشر لنفسها طيب تقدرين تقولين لي من انا ؟ ابتهاج: انا سمعت اسمك بس ماسمعت اسم عائلتك الفقيره وقامت تضحك رغد تنهدت وقالت: تعالي ي روان قولي لي من هذا ومن الي معه؟ روان يوم شافت الصوره انهبلت وقالت هذا الملك وانتي رغد بابتسامه:يعني؟ طيب دقايق بروح اجيب شخص ثالث واجي استاذن ي استاذه المديره اذنك معك حبيبتي راحت رغد وجابت البنت الثالثه الي كانت ميته خوف طلعت رغد صوره ثالثه من البوك والشنطه وقالتت للثالثه اول شي اسمك؟ الثالثه:اسمي ااامتنان ال.... رغد انصدمت بس مابينت وقالت بكل شموخ وهي توريها الصور :طيب هذا وين شفتيه؟ انصدمت امتنان وقالت هذا هذا الي كان عند الباب اليوم رغد ناظرت البنتين وطلعت بطاقه من البوك وورت البنات وانصدمو وخصوصا ابتهاج الي جمدت بمكانه لما قرت المكتوب رغد بابتسامه ساحره:تقدرون تنصرفون الحين لفو البنات بس رغد قالت ابتهاج ابتهاج : سم رغد: سم الله عدوك بس بغيتك تقولين اسمك الحقيقي ابتهاج: اسمي ابتهاج عبد الرحمن ال...... رغد:والنعم خلاص تقدرين تتفضلين انصرفت ابتهاج وهي منزله راسها من الخجل عشان الموقف الي حطت نفسها فيه لما انصرفو قالت المديره لرغد:ليه صرفتيه كان خليتيني اعاقبهم على كذبهم رغد :لا حشى ي ابله كل جيتي لهنا كنت ابي اوضح لهم من انا عشان لا يلعبون معاي ويلا انا استاذن بروح لفصلي جت رغد بتطلع لكن جتها الدوخه مره ثانيه وطلعت بسرعه عشان ماتشوفها ولما طلعت شافت قدامها الفراشه ومعها زهرة لوتس حمرا ومزهريه فيها زهورالوركيد الي طلبتهم قالت رغد للخاله: ياخاله عطيني الورد فاقت الخاله من شرودها بلامح رغد ورفضت تعطيها الورد ودخلت لغرفة المديره ورغد لحقتتها المديره: ليه مارحتي لفصلك رغد تاشر للورد وقالت :هذا لي انا المديره ضحكت لكلامها وقالت:لا هذا مو لك اكيد جايني انا مو انا اصلا عندي معجبين واجد رغد تضحك:ههههه لا لا هذا لي انا المديره :لا لي الخاله :بس بس والله كنكم بزران مو لولا وحد منكم هذا لرغد بنت ناصر ال.... رغد ماتت ضحك وقالت: شفتي ي ابله الله يهداك بس قلت لك انه لي وماصدقتي الخاله باستغراب ليه انتي هي رغد؟؟ رغد ببرائه: ايوا انا رغد والحين ممكن تعطيني الورد تبعي الخاله:طيب الي وصل لي الورد قال انه اسف ولازم يقابلك وانتي عارفه وين المكان والساعه والوقت هو بيتصل عليك رغد بحزن اخفته بابتسامه:ايهه مايخالف واخذت الورد واستاذنت بس وقفها صوت المديره وهي تقول : رغد مين هذا وبيه يبي يقابلك؟ رغد وهي معطيه المديره ظهرها :هذا االولد الي بالصوره وكملت مشي وراحت الفصل دقت الباب ودخلت البنات بدو يتهامسون ووحد قالت :شرفت الاميره ومعها باقه ورد من الامير رغد من غير ماتطالع فيهم مشت لين المكتبه تبع الفصل وحطت الورد بمكان مناسبب والابله كانت تكتب ع الصبوره ورغد معطيتها ظهرها وقالت الابله : شرفتي اخيرا ياااا قاطعتها رغد وهي تقول: ابله تهاني ماني ناقصه وبكذا يكون البارت الاول انتهى والف مبروك واكيد قصير البارت لكن خبروني اذا اعجبكم ولا اوقف
__________________
|
|
#2
07-04-2013, 08:34 PM
| ||
| | ||
| ياعيني على البارت مرررم كشخه عشت الجو هع وهذا نواف خطير يروح لها المدرسة هع كملي اختي لا توقفين انغام الحزن likes this. |
|
#3
07-04-2013, 09:01 PM
| ||
| | ||
| يـــخــــبـــل مجٍ÷~ُ=\"5\"دشاءالله ابدعتي ولاتنسين تكملين الروايه
وشكرا روايتك روعه جظٍ÷~ُد انغام الحزن likes this. |
|
#4
07-04-2013, 09:51 PM
| |||||
| | |||||
|
اقتباس: المشاركة الأصلية كتبت بواسطة Xx.Joker.xX  ياعيني على البارت مرررم كشخه عشت الجو هع وهذا نواف خطير يروح لها المدرسة هع كملي اختي لا توقفين :wardah:يسلمو يالغلا :wardah: ههه افا عليك ماشفتي شي الى الان:lolz:
__________________
|
|
#5
07-04-2013, 09:52 PM
| ||||||
| | ||||||
|
اقتباس: المشاركة الأصلية كتبت بواسطة sh_nasser يـــخــــبـــل مجٍ÷~ُ=\"5\"دشاءالله ابدعتي ولاتنسين تكملين الروايه
وشكرا روايتك روعه جظٍ÷~ُد هههههه يسلمو خيتو بس وش ذا الخرابيط كاااك:coolcool:
__________________
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رفيق دربى | فريق سحابة أمل | نثر و خواطر .. عذب الكلام ... | 0 | 03-20-2013 03:30 PM |
| بعض الحزن يحييك وبعض الحزن يميتك | أحلى من الشهد | أرشيف المواضيع الغير مكتمله او المكرره او المنقوله و المخالفه | 15 | 09-22-2011 01:01 AM |
| انشودة رحلت الي بحار العشق حلمي سأشكوى الحزن يا أمواج أليس الحزن في عيني تراه مبكيه | بتول الشرق | خطب و محاضرات و أناشيد اسلاميه صوتية و مرئية | 0 | 05-09-2011 02:32 PM |
| يا رفيق الدرب ........ | الداعية | شعر و قصائد | 12 | 11-02-2006 04:31 PM |
98Likes
العرض العادي
