|
|
#11
07-05-2013, 01:24 PM
| |||||
| | |||||
| تذكيييييير.... دقت الباب ودخلت البنات بدو يتهامسون ووحد قالت :شرفت الاميره ومعها باقه ورد من الامير رغد من غير ماتطالع فيهم مشت لين المكتبه تبع الفصل وحطت الورد بمكان مناسبب والابله كانت تكتب ع الصبوره ورغد معطيتها ظهرها وقالت الابله : شرفتي اخيرا ياااا قاطعتها رغد وهي تقول: ابله تهاني ماني ناقصه البارت الثاني... ابله تهاني حست ان رغد تعبانه وقالت لها تروح للمرشده طلعت رغد من الفصل واتجهت للحمامات على طول اتصلت ع السايق الي تاخر عليها وقال: مدام هدا في ماما ابقى انا مافي اقدر اجي انت (مدام هذا في ماما تبغاني مارح اقدر اجيك انتي ) تنهدت رغد بتعب وقالت طيب خلاص لبستت عباتها وطلعت من المدرسهه قبل لايقفل الحارس الباب وفجاه تسمع صوت خطوات جايه ناحيتها راحت تخبت ورا الجدار ولما سمعت الخطوات تبعد تنهدت بارتياح ومن بعدها بدت تركض تبي تروح لبيت جدها تبي تنام بحضنه تبي تحكي له كل الي صار معها تبي تحس بامان بحنان وماحست الا وهي صادمه بجدار زادت الدوخه معها بس تماسكتت قالت :تماسكي يارغد بيت جدك قريب خلاص ماباقي شي قامت تمشي ببطئ الين سمعت صوت يقول لها باسف: اختي انا اسف تعورتي؟ وقفت رغد وهي مصدومه وتقول لنفسها : يعني انا صدمت برجال اخخ ي كبرها عند ربي يارغد رجال اجنبي عنك تقرفت رغد وزعلت على نفسها لكن التفتت له وهي غاضها البصر عنه وتقول لا حشى ماتالمت عادي الرجال... باستغراب :شوفي بلوزتي فيها دم اكيد هذا منك انتي انصدمت رغد وخافت هي تحب افلام مصاصي الدماء لكن تكره تشوف الدم رفعت راسها شوي شوي الين ماشافت الدم وتراجعت على ورا وهي تحرك راسها وتقول: لا لا هذا مو دم ي رغد لاتخافين "حطت يدها على راسها وصرخت" لا مو دم لاااا انصدم الشاب لما شاف البنت يوم رفعت راسها وشاف قد ايش هي خايفه عرفها ايهه عرفها و حاول يهديها بس ماقدر فجاه سمع الشاب صوت فرامل سياره ينسحب بقوه نزل ممن السياره شاب وسيم مره واتجهه لرغد بسرعه وحملها انصدم الشاب الي كان مع رغد وحاوول ياخذ رغد من الشاب ونزلها ع الارض ورغد مسحت دموعها بسرعه وقامت تركض تبي امان مو لاقيه تبي جدها قامت تركض بين الحارات الفخمه ومن حاره لحاره الين وصلت لبيت كبير او نقدر نقول قصر دخلها الحارس لانه عرفها وانصدم من شكلها وكيف الدم مغطي وجهها البريئ ركضت رغد شوي ولما جت بتدخل القصر طاحت مغشي عليها ركض الحارس ناحيه رغد وقام ينادي عليها انسه رغد رغد رغد يلا اصحي خلاص بطلت ماراح اقول لك انسه يلا يارغد مو هذا طلبك اصحي اصحي شالها البواب وركض لجوا ونادا ع الجد :استاذ عبدالله استاذ عبدالله نزل الجد عبدالله من فوق وهو مكشر توه كان منغمس باوراق للشركه بس لما شاف الي بين ايدي البواب خوف الدنيا كله صار بوجهه وقال وهو يصرخ رغد بنتي رغد وراح لها بعصاهوبخطوات سريعه وقال امش جهز السياره خلنا نوديها المستشفى بسرررعه البواب : حاضر ي ابو محمد وركض بسرعه وحط رغد بالمرتبه الي ورا وركب الجد قدام وحرك بسرعه للمشفى نخليهم لين يوصلون ونروح للمكان الي فيه الشابين الشاب الاول : مجنون انت مججنون كيف تبي تشيلها وانت اجنبي عنها الشاب الثاني : لا ياااعمي لاتنسى اننا تربينا سوا الشاب الاول : واذا تربيتو سوا افهم رغد ماعادت صغيره الشاب الثاني : لا مانسيت بس كيف تبيني اتركها وانت قاعد تشوفها منهاره وماتحركت الشاب الاول: لا انا كنت قاعد اهديها ولما كنتت بشيلها انت جيييت الشاب الثاني بعصبيه: هذا انت قلتها كنت بتشيلها الشاب الاول:لاا تنسى اني عمها يانواف عمها مو ولده >>عرفتوو مين نواف ولا؟ نواف:\ وهو يتلفت ويصرخ:رغد ياارغد وينك يارغد وقام هو وخاله يدورون مثل المجانين ماراح يسامحون انفسهم لو صار لها شي خطر على باله مكان وعلى طول ركب السياره ولحقه عمها بمكان ثاني مكان كثرت فيه ريحه المعقمات وبغرفه يغطيها اللون الابيض كانت ذيك البنت بشعرها الاسود الحرير منسدحه على السرير والدكتور يفحصها خرج الطبيب من الغرفه وتوجه للسيد الواقف بقلق ينتظره يقول وش فيها الدكتور: معها انهيار عصبي وسبب الاغماء عشان فقر الدم عندها انصدم الرجال وقال :كيف انهيار عصبي كيف ؟ الدكتور:بنتك شكلها كانت تتحمل كثير لكن اليوم الواضح انها جتها صدمات كثيره ادت للانهيار بمكان ثاني عند بيت الجد عبدالله وقفت سياره كلايزر زرقا ونزل منها شابين نواف والعم وتوجهو للحارس الي كان قلقان وسالوه بخوف :ياعم رغد جت هنا اليوم؟ البواب بخوف وحزن : ايهه جت بس "ونزل راسه " نواف بخوف اكبر : بسس ايش تكللم العم: اهدا يانواف اهدا مايصير كذا البواب : من حقه يخاف ومن مايخاف على ورده العايله نواف:هو وقتك توترني زياده قولي وينها "وبصراخ" وينهااا البواب بحزن : بالمستشفى هنا العم ونواف جن جنونهم كيف بالمستشفى رغد ماعمرها راحت لها الا لما انجرحت بجرح في رجلها ولا هي من يومها تكره المستشفيات وترفض تروح لهم واخذو اسم المسشفى وراحو طيران في المستشفى جلس ابو محمد وهو حزيين ويقول بنفسه : كيف ؟ كيف شمعته ووردة العائله يصير فيها كذا كيييف؟ سمع صوت خطوات تتجه لهه وبركض بس مارفع راسه الهم الي فيهه اكبر من كذا سمع صوت واحد يقول : هذي غرفتها خلنا ندخل وواحد ثاني : طيب بس احنا ماعرفنا وش فيها خل نروح وماكمل كلمته لانه شاف الي جالس على كرسي الانتظار وبهمس : يبه وبصوت اعلى : ابويي ويروح لهه ويجلس على ركبه وقال: يبه وش صار وين رغد وش فيها نواف:جدي قول لنا وش صار ليه رغد هنا خبري فيها ماتحب المشفى ؟ الجد: ماحد يحب المشفى بس ندخلها غصب العم: طيب يوبا قوول وش فيها الجد بانكسار : انهيار عصبي نواف و العم بوقت واحد : كلهه مني الجد بصدمه : ليهه وش مسوين انتو العم باسف :صدمت فيني من ساعه ونزف خشمها ولما شافت الدم انهارت نواف باسف وقهر: قعدت استهبل عليها وهي حسبت اني بجد صايع لاني كنت عند مدرستها اليوم الجد بغضب مكبوت : اتصلو على ناصر بسررعه اتصل العم على ابو رغد وقال لهه يجي المستشفى بس ماقال لهه انو رغد موجوده فيها جا ناصر وهو مسرع بسيارته على غير عاده لانه خاف يكون ابوه فيهه شي بس لما وصل نزل عليه الخبر زي الساعقه وقال: كلهه مني كله مني ليتني ماعصبت عليها كلها مني الجد بخوف : انت نواف رعد من بعد اخخ يارغد كل هذا يصير فيك الله يستر لحظه صمت مرت لين تكلم الجد مره ثانيه وقال اسمع ياناصر رغد بتجي تعيش عندي من اليوم ورايح ناصر بصدمه: كييف يعني بتروح معك لا هي مااراح ترضى الجدد: بنسالها اذا صحت وقام انا بدخل عندها وعط اخوانك خبر ان يوم الاربعاء فيهه عشى بمناسبه خروجها من المسشفى نواف يهمس لرعد: باليت نص الدلع الي يدلعه رغد يجي عندي كان الحظ ضحك لي رعد وهو يضحك بصوت واطي : هه حسبي الله عليك وش تبي انت انا بعد احب رغيد اكثر وحده بالعايله نواف وهو يقلده : احب رغيد اكثر وحده بالعايله وبصوته الطبيعي" ياعمي طير انت ورغيد حقتك رعد بمكر: يعني تبي تلعب علي وتقول لي انك ماكنت خايف ؟ خجل نواف هو يعتبر رغد اخته اكيد بيخاف عليها وقال: اذلف بس قم لابارك الله فيك هنا رعد مات ضحك عليهه وهو يدري انهه يعتبرها اختت بس ولا كان لعن شكلهه اصلا هع هع قامو كلهم واتجهو لغرفة رغد دخل الجد والاب ورعد وعقبها دخل نواف وهو مسوي نفسه مو مهتم ولقوووو رغد صاحيه وتناظر قدام تحمحم الجد وقال : رغغد التفتت رغد لصاحب الصوت وقالت بلهفه : يبه يبه تعال يبه طلعني من هنا مابي اجلس هنا اكثر تكفى يبى طلعني الجد بطيبه : خلاص خلاص اهدي بكلم الدكتور وعلى الله يوافق رغد بسرعه تقوم من السرير وتوخر ابره المغذي ببرود وهي تناظر ابوها ونواف وتقول:هاا بابا في شي ماقلته بعد ؟ ناصر نزل راسه رغد انجرحت ومن مين من اغلى شخص ابووها الي تبيع نفسها عشان رضاه جرحها التفتت على نواف وقالت له: هاا نواف هنا ؟ يوه ليكون تحسبني وحده من خوياتك وبحده اطلع برااا وصرخت براااااااااااا تقدم منها رعد بسرعه وضمها يبي يهديها مايدري انها تقرفت ماتتخيل نفسها احد حاضنها اذا ابوها وجدها يالله يالله وهذا الشخص مين هي ماتعرفه ؟ بعدت عنه بقرف وقالت : هي انت منو تحسب روحك ليكون ابوي ولا جدي عشان تضمني كذا رعد :رغد اهدي اناا تقاطعه رغد بحده : انتت؟ مين انت ؟ انت هو الشخص الي دخل الرعب فيني لما خبرني عن الدم انت منت ابوي ولا جدي ولا ولد عمي ولا خالي وبصراخ انت ولااااا شي ا لجد وصلت معه خلاص صرخ وقال : رغغغغغغغغغد وبعدين معك عن قلت الادب اعتذري لعمك اشوف رغد التفتت لجدها الي قاعد يتكلم هي مو سامعه شي غير انها تسمعه يصرخ عليها بدت الدموع تنزل على خدودها وكانت كل صرخه تجرحها وفجاه ظلمت الدنيا بوجهها ماعاد صارت تشوف شي الجد انصدم من تفسه كيف رفع صوته على شمعت ووردة العائله ورعد مو اقل منه هو يعذرها اذا ماعرفته لانه كان مسافر وهي ماكانت تشوفه عشان تلاحظ انه فيه شبه لها اما نواف كان منزل راسه وهو يدري ان رغد حساسه بس مو لدرجة انهه يغمى عليها بس هو عاذرها اذا الكل مصدوم هي وش ردة فعلها ابوها هرول لها وهو مخنوق شالها وحطها ع الفراش فجاه ينفتح الباب ويدخل من الدكتور وهو يقول : وش سويتو فيها وطلب منهم يطلعون من الغرفه وفحصها مره ثانيه وانصدم طلع لهم بعجله وقال لهم فسرو لي وش الي صار الجد بخوف ليه وش فيها سكت الدكتور ونزل راسه باسف رعد انجن وقال: قول يادكتور وش فيها الدكتور وهو يهز راسه باسف على البنت الي توها مادخلت مرحلة المراهقه وكل هذا صار لها بيوم واحد والله يستر من الجاي وقال : انهيار عصبي حاد بالاضافه لفقر الدم الي عندها والصدمات الي جتها كان في احتمال كبير انها تدخل غيبوبه منهم لكن ربكم ستر واذا صحت لازم نلبي لها اي طلب ولا بتفجر وبيصير الي مو بالحسبان رعد بحزن والدمعه متعلقه برمشه : ابشر يادكتور مشكور ماقصرت نواف جلس على الارض وقال: احنا شسوينا ليتني ماستهبلت من البدايه الجد بصدمه وحزن : ليه راحت عن بالي ليهه نسيت انها حساسه لييه ناصر بحزن : كنت بوديها العصر للمعهد ليه خلوها تصحى عشان اوديها ولا ماراح اوديها رعد ولمعت بعقله فكره قال : راضوها وانتو تعرفون رغد ايش تحب وانا معكم الجد والامل بدا يرجع له : انا راح اتكفل بالغرفتين ناصر بابتسامه: وانا الادوات نواف بفرح : وخلو علي الوان الغرفه والورد رعد بابتسامه: وانا راح اقدم لها شي راح تحبهه مرا نواف بلقافه : وشو وشو ؟ رعد: انشغل بامورك واختار نوع الورد واذا رحنا لمزرعه ابوي تعرف نواف باستغراب :المزرعه ؟ ليه ؟ اهه ليكون بتسوون لها ثلاث غرف الجد : ايهه ناصر: طيب تحركو رعد انت بتكون هنا لين تصحى وانت يبه روح ارتاح واجري اتصالاتك ونواف روح اطلب انوا الورود والوان الدهان رعد بتذمر: ليهه طيب هي ماتحبني وش يجلسني هنا ؟ الجد : لازم تعرف مين انت عشان تتقبلك نواف : الكل يعرف ان رغد تكره الشباب ولا نقول فصيله الذكور كلها ناصر: الا شباب العيله متقبلتهم الجد: وانتبه تصيع لانها تكره الصياعه نواف : اسال مجرب شوفني انا الحين هي كارهتني عشاني استهبلت عليها وسويت نفسي صايع رعد يمسك راسه : بس بس عرفت عرفت اجل والله ان هالرغد ماينلعب معها استاذن الكل وتركو رعد لكن لما جا نواف يروح مر من عند رعد وقال : الي يعجبني ببنت اخوك انها تخفي حزنها بابتسامه ابتسم رعد شبح ابتسامه ودخل عند رغد جلس عندها شوي ومسك يدها وهي بدورها تحركت رعد خاف من ردة فعلها لما تشوفه ووخر يده فتحت رغد عيونهابتعب ودارت عيونها حول الغرفه وطاحت عينها على رعد الي يناظرها بخوف وتوتر ابتسمت ابتسامه سخريه على نفسهها اهلها راحو وخلو عندها غريب رعد كنه فهم افكارها قال بسرعه : لا يارغد ماتركوك وانا مو غريب انا رعد يارغد عمك رعد رغد دمعت عيونها يعني جدها له حق يصرخ عليها لكن ابوها ليه ونواف لما خطر على بالها هالاسم تقرفت ومسكت راسها كنها تقوله انسى هالاسم انساه رعد يغير الجو ويقول : اقول ياست دلوعه متى ناويه تطلعين من المشفى ولا عجبك الوضع هنا ؟ رغد ابتسمت له وقالت بعجله : تكفى الحين الحين يلا بالله ياعم طالبتك رعد بنذاله : لا خلك خيسي هنا اسبوع كامل رغد فهمت ليه وشقت الابتسامه وقالت بدلع : لا والله عمو ترا اذا انت ماطلعتني انا اطلع نفسي رعد فهمها وقال : مشكلتك طالعه علي ضحكت رغد وقالت : ايهه عمي ليه ماافتخر اني طالعه عليه رعد يسوي نفسه معصب ويقول : رغــــد اخلصيي علي من انا ؟ رغد ببرائه : يعني مين انت انت عمي رعد فهمته وقامت من السرير بسرررعه وقامت تركض لكن هيهات ورعد موجود حجر لها وشالها وحطها ع السرير وقام يدغدغها وهي ميته ضحك وتقول : هههههههههه خلاص ههه انت اه اه ههههههههه عمو رعد رعد قام يدغدغها زياده : هههههههه لا لا ههههه توبه خلاص هههه ان اهه انت رعد هههههههه خلاص قلت انت ههه اهه تعبت انت رعد خلاص وقف وقف رعد وقال : بالله عليك وش شايفتني انا عجوز مثل ابوي ولا ناصر رغد ماتت ضحك وقالت : اششششششششش بس لا يسمعونك رعد : خل يسمعوني وش بيسون يعني بيطقوني جاهم صوت من ورا يقول الاول : وللللللللد الثاني : اجل احنا عجزان هاا؟ نواف امسكه لا يهج نواف : ابششر ياعم هنا رغد كشرت وقالت : نعم نعم وبابتسامه مكر وهي تناظر لرعد :عموو رعد محد يزعله وماعقبها ماشافو الا غباره ورعد يلاحقها ويقول رغيييييييييييد وقفي هنا تعالي تراك مالبستي عباتك استوعبت رغد ودارت على رعد ووقفت لكن رعد من السرعه حاول يوقف وشطفها وهي ضحكت وقالت فرصه وركضت للغرفه الي كانت فيها فتحت دولابها واخذت العبايه لبستها وطلعت ركض ولا عبرت اهلها الي ينادونها اهم شي تهرب الا شوي ( طخخخخخخخخخخخ) صقعت بصدر احد رجال صرخت وقالت مووووووو مره ثاااانيه الي صقعت فيه قام يضحك وشالها رغد تصرخ وهي تضحك : لااااااا خلاص رعد نزلني لااااااااا >>> حسيت انه المستشفى مافي احد غيرهم هعهع المهم قامت رغد ترفس تبي توخر لكن هيهات ورعد ابو الجسم الحديد هو الي شايلها هو وخرها عن بطنه وقال : بس بس يابنت بروح فيها تراااا رغد وهي تنفخ خدودها بطفوله :احسسسسسن احسسسسن نزلني يلا يلا رعد: لليهه ماتبين تطلعين ؟ رغد بصراخ وفرح : يس يس ابطلع وااااااااااو وصرخت صرخه طلع منها الدكتور مفزوع ولما شاف رغد تصارخ على رعد الي ميت ضحك ابتسم وعقبها ضحك على هبالهم وقال : بسسسسس رغد لما شافت الدكتور قالت بسرعه: دكتووووور بالله اكتب لي خروج ماينفع مع ذا الاهبل شي اصلا الدكتور : ليه يعني مليتي مننا رغد بعجله: ايييييهه بعدين استتوعبت وقالت لا لا مو قصدي بس انا عندي دوام بكرا رعد : بنننت استحي على وجهك انا واقف هنا تراا رغد بعصبيه شدت على يدها وضربت راسه ضربه خلت رعد يترك رغد تطيح ع الارض رغد ماتحملت صرخت من الالم ورعد ماسك راسه وجالس ع الارض ويقول: حشى ماينمزح معك رغد تبتسم وتقول عشان تقهره: احححححححسن تعيش وتاكل غييرها يارب وقامت تضحك طلع لهم الدكتور وقال تقدرون تروحون ورغد ماصقدقت خبر على طوووووووووول طلعت من المستشفى والدكتور قال هذي شكلها تكره تطب مستشفى رعد يقول اييهه من يومها كذا مادخلتها الا ثلاث مرات وهذي الرابعه ولحق ذيك المجنونه اا قصدي رغد يشوف وين راحت بين ما الدكتور منصدم ويقول حشا وش هذا ماتمرض ذي قام يضحك وقال لا اله الا الله ماشاء الله لا تحسدها يامشعل >> اي والله لاتحسدا ولا بتلقى صراخها وصل عندك من الدور الاخير كااك> براااا نروح للجد وناصر ونواف الي فقدو الامل بان رغد ورعد يرجعون وقررو انهم يطلعون وهمم طالعين مرو ع الدكتور يسالونه اذا تقدر تطلع ولا لا جاوبهم الدكتور وهو يضحك : كارهة المستشفيات طلعت مع عمها من شوي طلعو من الدكتور الي حكى لهم كل شي وهم يضحكون على هبالهم وفرحانين عشان رعد قدر يطلع رغد من انهيارها وطبعا بعد كم نصيحه من الدكتور وفاتوره العلاج الي يدرون انه ماراح ينلمس قررو يروحون المزرعه من يوم الاثنين ويسوون المفاجاه بالليل باليوم الثاني يوم الاحد نزلت رغد وهي زهقانه من المدرسه >> هذا وهو ثاني يوم دخلت لغرفه الطعام وقالت صباح الخي ماكملت كلامها لانها شافت قناع مرعب قدام وجهها صرخت من الخوف وقالت : يمممممممممه من انت التفتت لاخوانها لقتهم كلهم جالسين وميتين ضحك رغد بذكاء استغلت الفرصه وطلعت من شنطتها القناع الثاني كانت بتخوف فيه بنات عماتها الي ماخذين خوالها يصيرون يعني بنات عمانه وخواله ولبسته ونطت بوجه الي لابس القناع وهو نفس الحاله ارتعب وغمض عيونه ويقول :سكنهم بمساكنهم سكنهم بمساكنهم رغد ضحكت وسحبت القناع من على وجهه وصرخت بفرح :رعوووووووووود واااو فجاه قلب وجهها للعصبيه وشدت قبضه يدها وقالت بصراخ : تبييييي وحده ثانيه رعد برعب هز راسه بلا وعقبها ماشفتو الا غباره ورغد تركض وراه >> على هالصبح عاد رعد وهو يركض: رغد خلاص اهجدي يلا عشان اوديك المدرسه واذا جيت اطلعك نمر على الي تبين رغد نطتت بوجهه وقالت : صدق ؟ رعد ارتعب هذي شلون جت هنا وقال: ايهه صدق خمته رغد وقالت :ياخي والله احبك خجل رعد وقال: ادري رغد: ياشين الثقه > اي والله رعد : يحق لي مو انا عندي بنت اخخ مثلك رغد : اقول رعود يلا تاخرت >ترقع هع()_() رعد: ههه فديت الي يخجلون توني ادري انك تعرفين تخجلين رغد حز بخاطرها انو شقصده ليه يعني مو ذنبها لو انها تحب تتكلم بدون خجل ا نقول انها عودت نفسها على كذا رغد بابتسامه حزينه: اقول رعد انت شكلك ماتبي تروح انا بطلع رعد عرف انهه جرحها وندم على كلمته الغبيه الي قالها ولحقها وقال: لا والله ؟ له له وانا الي كنت اقول بنمر باسكن يلا عن الدلع امشي وقام يسحبها على برا وركبها السياره وشغل ع المسجل وجت على اغنيه ابحكي لك عن احوالي رغد سمعت الدقه وعرفت الاغنيه ولما بدا المغني يغني هي غنت معه بصوت مخنوق ابحكيلك عن احوالي وابيك تشوف لي صرفه خيالك دايم فـ بـآلي واحس بشئ ما اعرفه يوديني الفكر ويجيب وشوقي لك معنيني لأأنكـ لما عني تغيب تضيق الدنيا في عيني رغد : لما رحت عني العام الي فات صرت دايم اسمع هالاغنيه وكملت وعيونها تدمع : وش احكي لك وش افسر عن احوالي وعن علومي ؟؟ كثر شوقي لك تصور اشوفك حتى في نومي تكلمت كنت كل مره احلم فيك اصحى من النوم والاقيك الاقي طيفك قبالي يواسيني بحزني ويبعد الهم عن بالي كملت تعب حالي وقلبي ضاق يشيلك سر في صدري وانا من زحمة الأشواق اخاف اموت وماتدري ومن حبك وتأثيرك فؤادي ينبض بطاريك صعب يهوا احد غيرك وهو ميت اساسا فيك قاطعت .. كنت متعلقه فيك لانك كنت الوحيد الي طلعتني من كرهي للذكور كنت دايم تبي تعرف السبب لكن انا ماقولك ومستحيل اقول لك تكمله... وش احكي لك وش افسر عن احوالي وعن علومي ..؟ كثر شوقي لك تصور اشوفك حتى في نومي شهقت رغد من البكي ورعد تقطع عليها ووقف السياره بجنب باسكن ونزل نزل لانه داري اذا رجع راح تكون ماسحه دموعها وتبتسم له وتقعد تسب بنفسها راح ورجع وهو جايب الانواع الي تحبها وشافها تستناه بلهفه ولما دخل سالته : اخلص علي بسسسرععه وش جبت عطاها وحده من العلب وقال: هذا كليه على مانوصل المدرسه والباقي اذا جينا نرجع رغد: وااو وااو وش دراك اني احب هالنكهه ؟ رعد بغرور : لا يخفى شيئ على الملوك رغد : اموت فيك انت ياوااثق وباسته عل خده رعد: اححم رغد كنك صايره منحرفه اليوم رغد شافت انهم وصلو : السوال هذا اسالني اياه بالرجعه يلا تشااو =) رعد يتنهد ويقول : تراني اعرفك لا تتاخرين ولا بذبحك رغد تضحك بدلع وتقول :ماتقدر ونزلت قبل ماتقفل الباب سمعت رعد يغني :يلوموني حبيبي فيك صراحه قمه في الروعه وانا والله من شفتك دخلت قلبي بسرعه رغد تفشلت وقفلت الباب بقوه >> حشى والله لو انه حبيبها رعد فتح القزاز ولبس نظارته الشمسيه ورفعها على شعره جا بيمشي الا تجي وحده ترمي عليه ورقه شافها لقاه رقمها قطعه وجدعه عليها ومشى عصبت البنت ودخلت المدرسه وهي تسب وتشتم فيه ومن حظها انها وقفت جنب رغد وهي تفصخ عبايتها وقالت : ذاك المغرور من يظن نفسه الحين الشباب يتمنون نظره مني وهو يقطع رقمي رغد بلقافتها الي ماتتركها :اوصفيه لي يمكن اخق معك هع >> الله يستر قالت البنت من غير ماتطالعها: مع اني ماعرفك لكن بقولك هذا واحد يخقق شعره مثل سوادالليل وابيض وووو انصدمت رغد وقالت : ناظريني شوفي يشبهني ؟ ناظرت البنت رغد وانصدمت وخافت وبكذب : لا لا مايشبهك رغد بشك : اهااا وقالت بمكر : تاكدي ان الي تتكلمين عنه بيدري عن كل شي ومشت عنها بكل شموخ شافت بنات عمانها وابتسمت بمكر , راحت تخبت ورا بنت ولبست القناع >تذكرتوه ^_* وراحت لهم بكل هدوء و بدومايحسون لانهم معطينها ظهورهم ونطت قدامهم وووو بوووووووووووو البنات يوم شافو الي قدامهم صرخووووو بعدين استوعبو وقالت وحده منهم : مافي غير التبن رغد هي الي تسوي كذا رغد وخرت القناع وهي تضحك بس يوم شافت وجيههم بلعت ريقها وقالت قبرك اليوم يارغد وماشفتو الا غبارها والبنات يلاحقونها الين مارن الجرس وكل وحده راحت فصلها الي هو فصل رغد اكيد الا ريما الي اكبر منهم بسنه وليلى الي اصغر منهم بسنه والثلاثي المرح المشاغب راحو قرشعو الثلاث بنات الي جنب رغد وجلسو هم لما رن جرس الفرصه طلعت رغد والثلاثي ريم والتوام سحر وسمر عشان يروحون لكن وقفهم صوت بن تقول : ااا احم لو سمحتي التفتو البنات على البنت وشافت رغد انها البنت الي كانت تبي ترقم رعد >>اخبر انه المفروض العكس هع قالت رغد وملامح وجهها تغيرت : خير .؟ البنات استغربو تغير ملامح رغد بس سمعو البنت تقول : ممكن اكلمك شوي لحالنا رغد بهدوء مفاجئ : عندك شي قوليه هنا البنت : امم اا ابي ابيك تقولين للولد يدق علي ومدت لها الرقم هنا البنات انصدمو ورغد ابتسمت بسخريه وشقت الورقه ونثرتها عليها وهي تقول : اذا اهلك ماعرفو يربونك ماعندي مانع لو انا اربيك يلا بنات مشو البناتت بهدوء غير المعتاد نطت عليهم ريما وهي تقول : احسن وجه فيكم كالعاده رغد ياخي البسمه لله ابتسمو ناظرتها رغد بهدوء وقالت ماعليك منهم مصدومين وهذا الي يسمونه هدوء ماقبل العاصفه ريما بلقافه : ليييهه ليهه؟ قالت لها رغد السالفه وهي انضمت لشله المسبهين ورغد ماسكه ضحكتها عليهم قالت يلا باقي ليلى ........: وش فيها ليلى ياهانم؟ رغد : هههههههههه عمرك طويل ليلى وهي تشوف البنات وبلقافه : وش فييهم وش فييهم تنهدت رغد وقالت الله يعين بس وقامت تحكي لها السالفه سبهت شوي لكن رغد رشت على كل وحد مويه وقالت : هيه انتم هذي مو اول ولا اخر مره نشوف المعجبات فيها قالت ريما ايهه صح بس تعالي قولي لنا من هالمره ؟ رغد بغباء : من يعني غير حبيبي وعمري وو قاطعتها ريم وهي تقول حبيبك وعمرك ؟ من ذا يالخاينه رغد بتنهيد وابتسامه من قلب : خالكم رعد البنات بصدمه : ايييييييييييييييييييش رعد سحر: هيه رغد سمر تكمل: لاتكذبين سحر : رعد مسافر سمر: و ش يجيبه هنا ريم: ايهه صح انا سمعت ابوي يقول لامي انو رعد رجع من السفر بس بيجلس اسبوع ويرجع انصدمت رغد وقالت من غير وعي : بناااااااااااات البنات سكتو ورغد كملت : انا بسافر معع رععد ولهوووووووووووون نقول ستوووووووووووووب :baaad: الوااااجب كيف البارت حلو ولا شين ؟ الطووووووول؟ وش بتكون ردة فعل البنات؟ تتوقعون ابو رغد يوافق ؟ ايش بيصير بالمزرعه ؟ ووش هي المفاجاه الي يحضرونها؟ دمتم بخير احبتييييي ^_^ لهيب نيران ♥ شانا ♥ and CN blue like this.
__________________
|
|
#12
07-05-2013, 02:07 PM
| ||
| | ||
| كيف البارت حلو ولا شين ؟ والله انه يخبل مره الطووووووول؟ طويل بالمره يعني مشاءالله لو تكتبين كذا كل بارت روايتك راح تشتهر وش بتكون ردة فعل البنات؟ راح تكون صدمه قويه وماراح يصدقون ع الله ويروحون لبيت رعد تتوقعون ابو رغد يوافق ؟ اتوقع اذا وافقت رغد بيستسلم ويوافق هع هع ايش بيصير بالمزرعه ؟ بيرونها المفاجئه الي سووها وراح تنبسط مررررره ووش هي المفاجاه الي يحضرونها؟ اتوقع ثلاث غرف او غرفتين فيها الي تبي وفيها اهم شي الي هو الورود الي تحبها رغد انغام الحزن likes this. |
|
#13
07-06-2013, 12:23 AM
| ||||||
| | ||||||
| اقتباس:
ياهلا اختي منووره و شكرا لمرورك على موضوعي وهذا شرف لي ووسام على صدري :wardah::wardah:
__________________
|
|
#14
07-06-2013, 06:10 AM
| ||
| | ||
| كيف البارت حلو ولا شين ؟ البارت اكثر من مذهل الطووووووول؟ مناسب وش بتكون ردة فعل البنات؟ مدري تتوقعون ابو رغد يوافق ؟ ليش لا ايش بيصير بالمزرعه ؟ ....... ووش هي المفاجاه الي يحضرونها؟ ......... بانتظار البارت القادم عزيزتي دمتِ بصحة وراحة البال انغام الحزن likes this.
__________________  |
|
#15
07-06-2013, 09:32 AM
| ||||||
| | ||||||
| اقتباس:
ي اهلين وسهلين منوره حبيبتي:wardah: البارت وصل
__________________
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رفيق دربى | فريق سحابة أمل | نثر و خواطر .. عذب الكلام ... | 0 | 03-20-2013 03:30 PM |
| بعض الحزن يحييك وبعض الحزن يميتك | أحلى من الشهد | أرشيف المواضيع الغير مكتمله او المكرره او المنقوله و المخالفه | 15 | 09-22-2011 01:01 AM |
| انشودة رحلت الي بحار العشق حلمي سأشكوى الحزن يا أمواج أليس الحزن في عيني تراه مبكيه | بتول الشرق | خطب و محاضرات و أناشيد اسلاميه صوتية و مرئية | 0 | 05-09-2011 02:32 PM |
| يا رفيق الدرب ........ | الداعية | شعر و قصائد | 12 | 11-02-2006 04:31 PM |
98Likes
العرض العادي
