حـــب مـــن القـــمــامه - عيون العرب

دايخ من زمن بايخ · #1 07-07-2013, 07:50 AM

السلام عليكم

كيفكم واخباركم ( كلها تمام ان شاء الله )

موضوعي هذا اليوم ( كاني معلم ههههه )

حــــــــــــــب مــــن القـــمــامـــــة

قريت هذي القصة والصراحة ضحكت عليها وأعجبتني وحبيت انكم تشاركوني فيها
هذي البنت سلمكم الله عندها أخوات أكبر منها وأصغر منها وهي توها متخرجة من الثانوي المهم بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة "الله يكرمكم" عند الباب المهم جاء دور هالبنت اللي أتكلم عنها كانت سهرانة مع اخواتها الين الساعة 2 الصبح... وبعدها خواتها طلعوا ينامون فوق... وهي قعدت تنظف المطبخ وتشطب عليه.. وقامت طلعت الزبالة عند الباب ...المهم البنت قالت ليش أحطها عند الباب خليني أتشجع وارميها بالزبالة احسن..** وطلعت بره بالشارع وكان الشارع فاضي.. مرة وكانت الساعة حوالي 3.30 المهم يوم جت تطلع ترمي الزبالة المهم الهوا صك باب بيتهم هههههههه وقعدت المسكينة بالشارع .... فكرت ترن الجرس خافت أبوها يهاوشها ويسويلها شيء ..( لأن أبوها شديد)... وطلعت بالشارع ما عليها إلا ! قميصها حق البيت .. المهم حست أن صوت يقرب.. صوت سيارة !! قامت مسكت الزبالة وقلبتها ودخلت جوتها المهم كان اللي جاي ولد الجيران.. كان توه جاي من استراحة... المهم جاء ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بالزبالة؟! واستغرب إن الزبالة مقلوبة قام قرب من عندها ...و جا بيرفع الزبالة ويزينها ...إلا صرخت البنت وقالت: لالالالا... قال: بسم الله الرحمن الرحيم.. إنتي إنس ولا جن؟! قالت: والله إنس، قال: إنتي وش جابك هنا؟؟!!... وقالت له: القصة وهي متغطية بالزبالة وترجت ولد الجيران يساعدها... قال:خلاص لا تخافين... قام قرب سيارته من باب البيت و ركب فوق السيارة ونقز وفتح للبنت الباب.. وقالها: ادخلي بسرعة لا احد يشوفك... قامت مسكينة ما
صدقت رمت الزبالة ..وطلعت كذا قدام ولد جيرانهم المهم دخلت وقفلت الباب على طوول.... وولد الجيران واقف ما تحرك يناظر فيها المهم.. ما مر على هالسالفة يومين إلا جا وخطبها من أبوها وتزوجها... ههههههه والله قصة زواج غريبة وعلى فكرة ترى هذي سالفة حقيقية وحصلت بالفعل.... واللي يعيش ياما يشوف ويسمع

منقول للامآنةة

لحن آلمآضي · #2 07-07-2013, 09:02 AM

ههههههههههههه يا حليلها تخبت بالزباله" الله يكرمكم" هههههههههزواج غريب فعلا بس تضحككككك

**Nemo-kun** · #3 07-07-2013, 07:07 PM

ههههههههه اغرب قصة زواج في الحياة :lamao::rose:

**Ḿ ı η ά๓ เ** · #4 07-07-2013, 07:09 PM

اقتباس:

المشاركة الأصلية كتبت بواسطة nemo-kun

ههههههههه اغرب قصة زواج في الحياة :lamao::rose:

لا في العالم بجد غريبه :eesh:

**نجوم الفضاء** · #5 07-08-2013, 12:11 AM

ههههههههههههههه
صح انها قصة غريبة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مـادة الـريـاضـيـات تـعـلـمـنـا قـصـص حـــب حـزيـنـة احـيانــــا	ايمن اسحاق	نكت و ضحك و خنبقة	11	11-05-2011 04:44 PM
حـــب مــن اول عطســـــــه...!!!	وزير الشؤون العاطفية	قصص قصيرة	9	04-14-2011 02:20 AM
نــظـرة حـــب	samir964	أرشيف المواضيع الغير مكتمله او المكرره او المنقوله و المخالفه	7	12-11-2010 11:55 PM
يقولون انه مافي حـــب ؟؟ اذن ماهذا !	kerbbala	أرشيف المواضيع الغير مكتمله او المكرره او المنقوله و المخالفه	23	09-29-2006 04:55 PM
هـــل تــؤيـــد الـــزواج عـــن حـــب؟؟؟	بــو راكـــــان	ختامه مسك	25	02-17-2006 04:48 AM