|
|
#19
07-21-2013, 10:26 AM
| ||
| | ||
| يوم الأربعاء يوم النكد بالنسبة للأبطالنا الخالات والعمات من وبناتهم من طرف شوق ومن طرف جاسم كلهن بالمشاغل ولا حد فاضي وحتى هند في المشغل مع ام شوق الا شوق رفضت تروح وهي بسابع نومها الساعة 4 وربع جاسم طلع راح الحلاق ضبط له .. وسو شعره مثل قصة ديفد فيا صار خقق ولبس بدلته الرسمية وسبح روحه بعطر جفنشي .. وراح لخوياه ابو ناصر وتركي ومشعل نورة تتصل في شوق ماترد كانت نايمة سمع محمد صوت تلفونها ونبهها : شووق !! انتي هني قوومي وهذا انتي العروس المفروض من الصبح شوق : هممم محمد : تلفونك شوق تاخذ التلفون وترد : هلا نورة : تهلهلت عضامك قولي امين ماتخبريني ليه ماتردين صارلي ساعتين وانا ادقدق شوق تضحك : تدقدقين طيب كنت نايمة نورة : هاااااا اليوم خطوبتك قوومي انا الحين اجيتك عشان اسويلك شعر وميك اب شوق : يالله انتظرك وقامت شوق تشوف الساعة وفتحت الوتس اب لقت الكل مكلمها استغربت اول مرة يوصلون المحادثات عندها 20 بالكثير 6 او 10 .. سرحت بالتلفون شوي وانطق الجرس .. ركبت نورة فوق وسوت لها الشعر خفيف مراا خلته مرفوع بشكل حلو وخفيف ومناسب لوجهها والميك اب رسمة عينها بطريقة حلوة وحطت شدو فيروزي وتداخل الاسود والابيض معاه وكثفت رموشها بماسكرا حطت لها بلشر وردي خفيف وروح بنكي درجة فاتحة مناسب للفستان .. نورة : الله مااشاء الله عليك طالعة تخبلين صايرة خخقة شوق استحت : لاتخليني اصدق روحي الحين نورة : ههههههههههه طيب يالله البسي الفستان وراحت شوق تبدل لبست الفستان كان يوصل لركبتها فيروزي الظهر مكشوف دانتيل ومفتوح شوي من منطقة الصدر وكله كرستالات كان نعوم حيل وهادي طالعة تههبل ملالاك نورة : الفسستان حلوووووو مرة عجبني في خطوبة اخوي باخذه منك شوق تضحك : حلالك نورة : ههههههههه شوق تلبس الكعب : اناا ماعرف البس كعب تصدقين اذا مشيت بصير كني هبلة مو متعودة البس كعب نورة : يؤؤ لازم تتعودين شوق : بخلي اخوي محمد يوصلناا نورة : لا مايحتاج ادق على السواق شوق : ايش سواق لا اقعدي بنروح مع امي وهند ومحمد نورة : طيب جاسم يعدل الكرفته : ها قولي شرايك مشعل يصفر : جنتل صاير وسيم الجسمي جاسم : احم طبعاا لازم تركي : اقول ضف وجهك وانت لا تقوله كذا لاتخليه يصدق نفسه جاسم : مو احلى من وجهك كنك راس ثومة بالله تركي : سامج وهذا اليوم خطوبتك جاسم يتنهد : تلايط بس الساعة 7 بالضبط القاعة امتلت << مو شايفين خير رجعت هند وام شوق من المشغل ووراحو غرفة شوق هند انهبلت : كييييييوت طالعة تخققين والله منو قدك ياجاسم شوق استحت : تلايطي بس لاتقولين كذا بعدين اشوف نفسي ام شوق : ماشاءلله يبنيتي طالعة حلووة شوق تنهدت : وانتي بعد هند : يالله لمتى خلنا نروح اكيد راحوو شوق : لا الساعة 8 بنروح جاسم وصل عند القاعة ودلته امه على الغرفة وقعد ينتظر فيها كانت قاعدة معاه اختك ويسلك لهاا : اممم .. اي .. اها .. اي .. ايي فاطمة تصرخ : وجع انا اتكلم وانت تسلك لي الشرهه موب عليك علي انا جاسم عصب : تلايطي بس من زين كلامك يالله ضفي وجهك فاطمة انقهرت وطلعت وسكرت الباب بقووة جاسم : وجع ان شاء الله .. هذي متى تجي مصختها دخلو خالاته وعماته وامه يباركون له ويسولفون وينصحونه وهو يسلك لهم بابتسامة غصبن عنه وبعدها طلعو وظلت امه : الحين بتجي خطيبتك جاسم يناظر : طيب ايش اسوي ام جاسم تنهدت : انا بروح تبغي شي دق علي جاسم : خير وطلعت بعدها بنص ساعة وصلت شوق القاعة هي مع هند وامها ونورة .. هند ونورة دشو القاعة اماا ام شوق نادت على ام جاسم ودخلو الغرفة جاسم وقلبه يدقق : هلا خخا التي ام شوق : ياهلا والله اخبارك ان شاء الله بخير جاسم : انا بخير الله يسلمك اخبارك انتي ام شوق :الحمدالله تمام ام جاسم : يالله ام شوق خلنا نخليهم على راحتهم وطلعو ظلت شوق وجاسم .. جاسم مارفع عينه من الارض وشوق مثل الشي ولاشافو بعضهم ولا شي لانها لابسة طرحة ماشافهاا .. طول الوقت سسسسسسسسكوت ولا احد تكلم ولا شي جاسم كان وده بس لوو يطل على وجهها بس كانت منزلة راسها بالارض وهو بعد .. بعد ربع ساعة او اقل دخلت اختهم : يالله الحين الزفة قومووا وقفوا اهم الاثنين فاطمة تطالعهم : لاتستعبطون يالله امسك ايدها ويالله امش جاسم مسك ايدها الي كانت ترتجف تصنمت مكانها شووق و...................... ؟؟ |
|
#20
07-22-2013, 10:43 AM
| ||
| | ||
| مسك يدها ضغط عليها على خفيف توجهت الانظار عليهم الكل مبتسم الكل فرحان ام جاسم وام شوق يمشون معاهم لما وصلو الكوشة شوق ودقات قلبها تزيد اكثر واكثر فاطمة بهمس : يالله شيل الغطا عنها وبوس جبينها جاسم مو مستتوعب وفاهي : .... جاسم وايده ترجف مسك الغطا ورفعه تصنم مكانه احد صب عليه ماي بارد شاف ملاك واقف قدامه شوق ماتجرأت ترفع نظرها باس جبينهاا وهي عيونها على صدره مو قادرة ترفعها الكل قام يبارك لهم وفرحان لهم .. المصورة طلبت منهم حركة انحرجت شوق تسويها ناظرت جاسم اتصنمت مكانها اتجمدت وتلاقت عيونهم ببعض قرب منها حيل كانت خايفة مسك يدها وصورتهم على الساعة 2 اختلت القاعة ظلت ام شوق وام جاسم سلمو عليهم ووصورو معاهم وودعوهم .. ام جاسم يالله السيارة برة تنتظر شوق وقلبها يدق مو مصدقة الي صار تبي تصيح تبي تصرخ تبي امها تبي ابوهااا .. ركبت السيارة وراحو الفندق راحت الحمام بالفستان ناظرت روحها بالمراية حطت ايدها على فمها وبكت تعرف ان مو زين يصيحون بالحمام بس ماتحملت خشمها صار احمر وللحين تبكي .. جاسم شك انها تبكي بالحمام لانها تأخرت مسحت مكياج العيون وفكت شعرها وربطته بأهمال وطلعت جاسم يطالعها وشاف ملامح وجها عرف انها تبكي تجاهلها وراح بدل ملابسه .. وبدلت ملابسها لبست بجامة رمادية ولاتكلمو من اول مادخلو للحين سكوت .. جاسم دخل الغرفة انسدح ظلت شوق قاعدة على الكنبة مو عارفة تنام خايفة ودموعها باقي شوي وتصيح انسدحت على الكنبة وحست بالبرد لان كان المكيف قبالها فتحت تلفونها وكلمت هند : ههههههند هههند ردي ردي هند وجع هند بعد 5 دقايق هلالا ؟؟ ايش صاير خوفتيني شوق : مماني عارفة انام خايفة هند : يوه من ايش خايفة روحي ناامي شوق : بس هو نايم على السرير هند : وانتي ؟ شوق : على الكنبة وين يعني هند: فيس منصدم .. قومي نامي شوق : ماني مابقى شي على الصبح اذا طلع بنام هند : مو صاحية انتي اخليك بنام تعبانة حيل شوق : طيب تصبحين على خير هند : وانتي من اهله .. وسكرت تلفونها التفت لجاسم شافته قاعد يتقلب مو عارف ينام قام جاسم من السرير وتوجهه لشوق كانت منزلة راسها وتشوف بس رجلينه كان قلبها يدق بقووة جاسم رفع راسها بقوة شوي كسر رقبتها تأمل بملامحها : ليه مانمتي شوق مرتبكة وخايفة وقلبها طبول : ماجاني نوم جاسم قعد جنبها : رفعي صوتك طيب وبلا رسميات من الحين اقولك شوق : ....... جاسم : اكلمك انا شوق قلبها يدق وبهاللحظة تبي تموت : ....... جاسم بصوت مرتفع : اتكلم انااا جاوبيني شوق بخوف : هاا جاسم : هاون ليه ماتردين شوق : طيب جاسم قاطعها : بس خلاص وشغل التلفزيون وقام يطالع وتجاهل شوق الي كانت شوي وتبكي جاسم طالعها : ممكن سؤال شوق تنهدت : قول جاسم : خير لايكون مضايقك شوق : لا جاسم : طيب .. لو طلقتك عادي ؟ شوق منذهلة وبانفعال : ايه عادي من قال ميتة عليك جاسم عصب : عاد انا الي ميت عليك انتي اصلن تحلمين تاخذين واحد نفسي شوق ضحكت باستهزاء جاسم عصب ومسك كتفها وضغط عليه : احترمي نفسك ها صير ادمية من البداية والله بتندمين شوق منذهلة : فك ايدي و كسر جاسم : لاتقولي وكسر .. كسر الي يكسرك شوق عصبت : يكسرك جاسم وقف : لسانك بقصه شوق ناظرته بحقاره واضحة عليها جاسم قرب منها وعطاها كف خلها تتجمد مكانها حست بحرارة خدها لهيب ماقدرت تسوي شي دموعها تجمعت .. جاسم اخذ مفاتيحه وطلع بداية قشرة نروح لهند هند : شهالكلام ؟؟ وليش ماقلت من البداية محمد ودموعة متجمعة : وانا شدراني انها بتتزوج هند : يعني من صدقك تحبها ؟ محمد : ايهه كم مرة اقولك .. هند : ءء غبي ليه ماتكلمت من البداية محمد : طيب انتي تقولين متزوجة غصب اكيد راح تتطلق هند تفكر :يمكن محمد : اذا تطلقت انا بتقدم لها هند تضحك : طيب .. جاسم يكلم فاطمة : زفتة والله ماتوقعتها كيذا فاطمة : حررام شوق مراا طيبة وحبوبة انت ماعطيتها فرصة تعرفك على شخصيتها جاسم : الله والشخصية باين شخصيتها زفت مثلها فاطمة : ارجع الفندق اكيد تبكي ترا حساسة مرةة جاسم : افف انتي الثانية يالله اخليك الحين باي فاطمة : بااي جاسم طول الوقت يفكر فيها ويفكر في السطار الي عطاها اياها .. راح الشركة حطت راسه على الطاولة وقام يفكرر مو قادر يشيلها من باله .. دخل ابو ناصر : جاسم ! جاسم رفع راسه : هلا ابو ناصر : شفيك متكدر جاسم : مافيني شي ابو ناصر : تقص علي انا انا صاحبك عشرة عمر جاسم بدون نفس:قلت لك مافيني شي ابو ناصر : الا فيك جاسم عصب : قلت لك مافيني شي خلاص . . الساعة 4 العصر رجع من الشركة دخل الفندق راح الشقة شافها نايمة على السرير أشفق عليها كان شكلها مبين انها كانت تصيح ظل يتأمل بملامحها وبنفسه يقول ماشاءالله ملاك مو بشر .. ومسح على شعرها وقام المطبخ فتح الثلاجة ماشاف فيها شي عصب لان امه ماحطت في الثلاجة شي .. فتح التلفزيون وقام يطالع فلم .. ورفع الصوت عشان تقعد ويتحجج فيهاا قعدت شوق منزعجة من الصوت شافته زاد انزعاجها ورجعت دفنت راسها بالسريرر جاسم عصب من حركتها وزاد الصوت شوق قامت الحمام غسلت وجهها وطلعت قعدت على السرير تطالع جاسم منقهرة منه وفي قلبها زفت زفت بعد ثلث ساعة طفى التلفزيون وراح لشوق شافها رافعه ايدها وتطالع الخاتم الي بأيدها رفعت عينها وتلاقت في عيون جاسم قرب منها شوق تبتعد خايفة وهو يقرب منها شوق خافت : ن نعم ؟ جاسم قرب منها لما صار وجهها مقابل وجه الفرق بينهم سانتي كان ببووسها على شفايفها بس شوق دفته جاسم عصب اخذها ورمها على السرير وقرب منها وهو معصب : باخذ الي ابيه على كيفي فاهمةة شوق تحاول تدفه تضضرب على صدره بس ماقدرت جاسم قرب منها و ........ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتي الاولي((رومانسية ورومانسية وكوميدية وغنائية))من تأليفي | coraline.jonas | أرشيف المواضيع الغير مكتمله او المكرره او المنقوله و المخالفه | 24 | 10-21-2014 02:37 PM |
| للمحبي الاكشن والغموض’روايتي Cold snow من تأليفي | هاروهي الغامضة | أرشيف المواضيع الغير مكتمله او المكرره او المنقوله و المخالفه | 21 | 08-18-2013 01:19 PM |
| روايتي الثالثة (حب من أول نظرة) من تأليفي | sαsσ вαиστα cяαzy | أرشيف المواضيع الغير مكتمله او المكرره او المنقوله و المخالفه | 19 | 06-29-2013 05:29 AM |
| روايتي الثانية {{{{ملكة الجمال }}}} من تأليفي | s w e e t | أرشيف المواضيع الغير مكتمله او المكرره او المنقوله و المخالفه | 128 | 12-07-2012 06:42 AM |
39Likes
العرض العادي
