|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
07-15-2013, 08:49 AM
| ||
| | ||
| تزوجتك غصب بس حبيتك غصب عني روايتي من تأليفي السلام عليكم ورحمة الله وبركاته .. أخباركم ان شاء الله طيبين بدون مقدمات ادش بالبارت على طول البارت الاول دخلت الغرفة وفي قلبها الف فكرة وفكرة انسدحت على السرير وماحست بروحها الا واهي نايمة الساعة 6 المغرب محمد:هي انتي قومي الحين المغرب شوق وصوتها كل نوم : اوف اطلع برا بعدين بقوم محمد يهزها : قومي أذن ؟ شوق تفز : انزين اطلع محمد : قومي ها مو تسحبين علي شوق : لا تخاف انت الحين اطلع دخلت الحمام اكرمكم الله وتوضت وصلت وراحت غرفة اخوها شوق : ها شتبي ؟ محمد : امي كلمتك بالموضوع شوق باندفاع : اي كلمتني وانا مو موافقة وياليت ماتجيب سيرة هالموضوع مرة ثانية محمد : شفيك انتي شلون مو موافقة ؟ تراه رجال ونعم الرجال ذا خويي وعنده شركات وترااه غني شوق تخصرت : وانا يهمني غناه ؟ انا يهمني اخلاقة محمد وقف : انتي خبلة ولا ايش اقولك رجال ونعم الرجال اخلاق والحمدالله المواصفات الي تتمناها اي بنت زيك شوق حطت ايدها على راسها : بس انا مو موافقة محمد عصب على خفيف : وشولة ماتوافقين ايش ناقصه ؟ شوق : يعني بتزوجوني غصب وهذي حريتي واناا اقدر ارفض او اوافق وانا مو موافقة محمد : مو على كيفك شوق انذهلت : يعني على كيفك انت .. تراك طولتها انا بمشي محمد سحبها من ايدها : فكري بالموضوع زين شوق تفك ايدها : فكرت وانا مو موافقة عليه اذيتوني عااد وراحت غرفتها انسدحت تفكر بالموضوع وبالكلام الي قاله اخوها عند جاسم ام جاسم : يمه شلونك علامك ماتبين ؟ جاسم يعدل جاكيته : الحمدالله تدرين الاشغال ام جاسم : علامك كاشخ وين بتروح جاسم : رايح عندي اجتماع ام جاسم : الله يوفقك ولا تنسى الموضوع الي قلت لك عنه جاسم : يماا انا قلت وخلاص الي تبينه سويه انا مالي شغل ام جاسم : بس انت موافق ؟ جاسم تنهد : الي تشوفينه اي يمه ام جاسم ابتسمت : على البركة وطلع من القصر الكبير وهو يفكر رن موبايله وكانت موسيقى هادية وكلاسيكة جاسم : هلا مرحباا وينك انت ماتبين تركي : انا الحين الي ماببين ولا انت ؟ جاسم يضحك : هههههه طيب طيب شلونك تركي : الحمدالله وانت جاسم : بخير الله يسلمك تركي : تعال معزوم على كنتاكي جاسم : بالله عليك ؟ انا اكل هالسوالف وبعدين انا لازم اروح اجتماع تركي : احلف بس طيب من ماك وخلك من الاجتماعات وتعال قابل خويك جاسم يبتسم : طيب جايك تركي : الله عليك كبير كبير ياالجسمي جاسم يضحك : هههههه بسك عاد الحين جايك يالله على خير تركي : مع السلامة عند ام محمد ام محمد تحاول تقنع بنتها : احنا عطيناهم كلمة يبنيتي يعني تبين تفشلينا شوق : يماا المفروض تاخذون شوري ؟ ام محمد : بس الرجال مايعيبه شي شوق : يما شلون اوافق على انسان انا ماعرفه ولا حتى اعرف اسمه ام محمد : بتتعرفين عليه شوق وفيها الصيحة : يما الله يخليك انتي الوحيدة الي تفهميني مابي اتزوج الحين توني صغيرة ام محمد تمسح على راس بنتها : يمه الي كبرك متزوجين ومعيلن والرجال الحمدالله اخلاق ومايعيبه شي شوق ودموعها تنزل : مابيه يمه الله يخليك ام محمد ضاق سدرها لما شافت دموع بنتها : لاتبكين وابوك اعطاهم كلمة لاتفشلينا شوق تناظر امها بكل انكسار وخيبة امل .. وصل ابو شوق وعلى طول نزلت شوق تحت شوق معصبة وتصارخ : ييييييبه شلون تعطيهم كلمة وانا مو وافقة ابو شوق : ............... ^_^ احمسكم حق البارت القادم |
|
#2
07-15-2013, 09:25 AM
| |||||
| | |||||
|
اووووووووووول رد ونااااااااسه بدااايه موفقه اهنييييييييك رائعه انزين متى البارت الثاني ؟ خلااااص راح انطر امري لله وانت مثل ماانا نورت روايتك نري روياتي > الله ع التواضع ^^:7ayaty: الموهيم روايتي بعنوان :ان كان الحزن رفيق دربي فساهجره دمتي بخييييييير عزيزتي^^
__________________
|
|
#3
07-15-2013, 07:56 PM
| ||
| | ||
| بسم الله الرحمن الرحـيم .. بداية موفقه عزيزتي ومستحيل اقول رائعة لان بالبداية .... للاسف انا راح انقد شوي اعذريني .... انتي طبعا بالبارت الاول امم بعد قرائتي للبارت لقيت بعض الاشياء الخاطئة وتعديلات البارت ماقصد التنسيق اقصد (الكــــتابة ) انتي كتابتك يبي لها شوي تعمق مفروض نقول : دخل عليها اخوها وجاته القشعريرة من قوة البرودة طفى المكيف وولع المبات وصرخ : قومي قامت مفزوعة : حمدو ووجع .... يعني تطولي بالحدث شوي بس هاذا انتقاداتي انتي بالبداية طبعا .... لاتنسي ترسلي رابط الجزء الجاي .... نوريني بروايتي : ان عطفي كله جنون ولكن لست عطف ع طير يخون الرابط : http://vb.arabseyes.com/t408640.html .... انتضر جديدك مع ودي :wardah::wardah::wardah: |
|
#4
07-15-2013, 10:56 PM
| ||
| | ||
| أبو شوق يناظر زوجته ومو فاهم شي : ايش ؟ شوق : يبه قلت لك مابي اتزوج ابو شوق يفهم السالفة : عاد تصدقين يبنيتي توني راد من أبو جاسم وعطيته كلمه وماقدر اثنيها .. شوق ناظرت امها والدموع تجمعت بعينهاا ناظرت الارض وصعدت فوق ماتكلمت أي كلمة أبو شوق يفسخ عقاله وشماغه : خليها تتجهز وبدون مقابلة أم شوق وعلامات الاستفهام فوق راسها : شلون بدون مقابلة ! لازم تقابله تسأله تكلمة ابو شوق حاط ايده على خده : أذا تبي اي شي تسألني انا أم شوق مو مرتاحة من هالزواج الغصب هذا : بس صدق البنت مو موافقة واحنا مانقدر نغصبها ؟ أبو شوق يناظرها مستغرب : اشوف تغير رايك ؟ أم شوق بتوتر : خلاص الي تشوفه عند جاسم جاسم : هههههه يالله تسلم حبيبي خوش قعدة معاك انا لازم اروح تأخرت الحين الساعة 9 تركي : الله يسلمك .. تو الناس اقعد جاسم : لا بروح مو كافي اني هربت من الاجتماع تركي يبتسم : على راحتك واتحمل بنفسك جاسم : وانت بعد يالله على خير تركي : مع السلامة جاسم اكتفى بابتسامة وطلع .. ركب السيارة لقى تلفونه الي ناسيه  2 مكالمة ومحادثات واتس اب ورسايل كثيرة دق قلبه خاف صاير شي حرك السيارة وراح البيت بدون مايفتح التلفون صفط سيارته داخل وطلع من السيارة بهيبته : انتي شتسوين برا فاطمة : مليت من قعدة البيت قلت اطلع برا جاسم يمسك يدها : يالله ادخلي داخل تأخر الوقت فاطمة : طيب اقعد سولف معاي جاسم يناظر ملابسه : ببدل ملابسي فاطمة تسحب يدها : اقعد بسولف معاك جاسم يقعد : يالله قولي فاطمة تناظر بركة السباحة الكبيرة : شصار عن موضوع زواجك ؟ وانت راضي ولا لاء جاسم تنرفز : انا ماحب هالطاري و ماحب ازعل امي فخليتها تسوي الي بتسويه فاطمة منصدمة : مجنون انت ؟ كيف توافق على بنت انت ماشفتها ولا عرفتها ولاحتى كلمتها جاسم : مادري ولا فوق ذا امي تقول ماتبي مقابلة فاطمة بانذهال : جنت امي كيف بدون مقابلة يمكن البنت تبي تسالك جاسم : ايش بتسال عني ؟ حاصل له تاخذني فاطمة : ترا اهيا مغصوبة عليك جد والله جاسم انصدم: مغصوبة ؟ كيف يعني من الطرفين غاصبين غصب فاطمة تضحك على كلام اخوها : أيه غاصبينكم غصب جاسم : أكيد كارهتني هالبنت الا ايش اسمها وكم عمرها فاطمة : مادري اسأل امي جاسم : لاتكذبين قولي فاطمة تضحك : اسمها شوق عمرها 20 جاسم : 20 سنة مراا صغيرة فاطمة : ايوه انت اكبر منها ب 6 سنوات جاسم : عادي محد قالها توافق فاطمة : قلت لك مغصوبة جاسم تنرفز : انزين يالله ادخلي داخل فاطمة قامت من على الكرسي ودخلت داخل ظل جاسم يناظر الحديقة الي حوله خضراء وفيها ورود بكل الالوان ومن صوب ثاني بركة سباحة كبيرة تلمع ولونها سماوي يجنن يسحر العين وطاولة للسوالف مظللة .. سرح بشوق وفكرة تجيبه وفكرة توديه خلنا نتكلم شوي عن جاسم جاسم 26 سنة عنده شركات طبعا بأسمه وبأسم ابوه يشتغل مدير شركة في السعودية وله شركات خارج السعودية وسيم لأبعد درجة وماخذ جمال امه البريطانية .. حنطاوي عيونه عسلية مايلة للخضار وشعره عادي زي الشباب سبايكي خفيف وخشمه طويل سلة سيف شفايفه عادين طوله 175 ووزنه 70 شوي عصبي وصارم ومايرضى بالغلط .. اهم شي عنده رضى امه وابوه نروح لأخته فاطمة 18 سنة اخر سنة ثانوي .. جميلة ماخذه جمال امها بعد بياض عيونها رمادية شعرها بني فاتح طويل لاخر ظهرها طولها 158 ووزنها 45 جسمها متناسق شفايفها مليانين شوي وردين خشمها سلة سيف مثل أخوها عيونها مكحلة ورموشها كبار وبارزين دلوعة وتموت في أخوها اجتماعية حيل وطيبة لابعد حدود ونظراتها تذبح الواحد .. صعد غرفته فسخ بدلته الرسمية لبس بجامته وانسدح على السرير فتح تلفونه .. شاف المكالمات كلها من اخته ودخل الوتس اب شاف القروبات يعني مافيه محادثة خاصة ورمى التلفون .. عند شوق كانت تبكي وخشمها صار احمر فتحت تلفونها راحت لأسم اعز صديقة عندها ودقت عليها الساعة 10:42 بالضبط شوق : هند هند خافت من نبره صوتها : هلا شوق خير شصاير تبكين صح ؟ شوق : هند ابيك تجين البيت هند : الحين ماقدر ؟ الوقت متاخر شوق تبكي : الله يخليك تعالي نامي عندي واذا امك مو موافقة انا بكلمها هند : لحظة أسالها شوق تمسح دموعها : طيب هند بعد كم دقيقة : طيب الحين جاية شوق : انتظرك سكرت التلفون مسحت دموعها ناظرت بالمراية شكلها شوق 20 سنة بيضا عيونها رمادية شعرهاا بني لنص ظهرها كان مفتوح وخالته على جهة اليمين وفينوكة صغيرة لونها فيروزي .. شفايفها مليانين شوي توتين عيونها مكحلة واسعة رموشها كثاف وطوال وخشمها سلة سيف حنونة وفيها رومانسية وطيبة لاكنها عصبية وماتحب الغلط تدافع عن نفسهاا .. بعد ربع ساعة وصلت هند نزلت من على الدرج الكبير : هند هند : شوق علامك تبكين .. وحضنتها شوق : امشي معاي الغرفة واقولك دخلت الغرفة وقفلت الباب هند تتنهد : ايش صاير قولي خوفتيني شوق :هند انا مو عارفة ايش اقول هند :قولي شوق : بزوجوني غصب !! هند بانذهال : اييش ؟ كيف شوق : مادري المهم اني انا مو وافقة مابي اتزوج وماعرف مين ذاا اصلا ولامرة شفته هند : طيب ماقلتي لابوك انك مو موافقة شوق تمسح دموعها : قلته له بس هو مقرر اني اتزوجه وعطاهم كلمة وماخذ شوري هند تمسح على راسها : بس حبيبتي الله كاتب لك تتزوجينه وبعدين ابوك ادرى بمصلحتك شوق : ايش مصلحتي يزوجني واحد انا مو راضية فيه هند : انتي قعدتي معاه ؟ شفتيه ؟ كلمتيه ؟ شوق : لا هند : خلاص بسك لاتبكين عند جاسم في الصالة كانو جالسين جاسم : فاطمة طيب هذي شوق عندك رقمها فاطمة تضحك : هههههههههه اي ايش تبي رقمها تدق عليها ؟ جاسم بنرفزة : بجيك كف هاا اعطيني رقمها فاطمة : ههههههههههه طيب برسله لك جاسم ينتظر بفارغ الصبر .. وصلني اخذ الرقم وخزنه بأسم shq فاطمة : مو كذا شوق يغبي جاسم : ادري انا كيفي راح للوتس اب وبحث عن اسمها ولقاهااا .. ماكانت حاطة صورة ودخل شاف اخر ظهور الساعة 3:23 العصر فاطمة : ايش تنتظر كلمها جاسم يناظر اخته : اخاف فاطمة : هههههههههههههه تخاف من ايش كلمهاا جاسم بتردد كتب : السلام عليكم .. شوق : طيب أخبار محمد معاك ؟ هند تنهدت : مدري والله انتي ادرى باخوك شوق : احلفي بس اصلا انا صرت اكرهه من الكلام الي قاله هند : وايش قال شوق : مو بكيفك وراح تزوجينه وشي زي كذا .. هم بزوجوني اياه عشان فلوسه مو عشان شي هند : كيف هو غني شوق :هذا الي سمعته من اخوي هند : اففف شوق شوفي تلفونك كل شوي رن شوق : هذا الوتس اب مالي خلق اشوف هند تبتسم : شوفي مين وجع راسي شوق تاخذ التلفون تفتح الوتس اب شافت محادثة من رقم غريب كاتب السلام عليكم .. على طول اخذت الرقم بحثت عنه في النمبر بوك طلع باسم jassim شوق : جاسم !! أي جاسم هند : ايش شوق : مكلمني بالوتس اب واحد اسمه جاسم هند : ايش قال شوق : السلام عليكم هند : طيب ردي السلام شوق : وعليكم السلام .. جاسم سمع رنة الوتس اب فز واخذ االتلفون فاطمة : هذي من اولهااا جاسم ناظرهاا بحقارة وصعد غرفتها فاطمة عدلت جلستها : ايش فيه ذا مايتحمل مزح انغام الحزن likes this. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتي الاولي((رومانسية ورومانسية وكوميدية وغنائية))من تأليفي | coraline.jonas | أرشيف المواضيع الغير مكتمله او المكرره او المنقوله و المخالفه | 24 | 10-21-2014 02:37 PM |
| للمحبي الاكشن والغموض’روايتي Cold snow من تأليفي | هاروهي الغامضة | أرشيف المواضيع الغير مكتمله او المكرره او المنقوله و المخالفه | 21 | 08-18-2013 01:19 PM |
| روايتي الثالثة (حب من أول نظرة) من تأليفي | sαsσ вαиστα cяαzy | أرشيف المواضيع الغير مكتمله او المكرره او المنقوله و المخالفه | 19 | 06-29-2013 05:29 AM |
| روايتي الثانية {{{{ملكة الجمال }}}} من تأليفي | s w e e t | أرشيف المواضيع الغير مكتمله او المكرره او المنقوله و المخالفه | 128 | 12-07-2012 06:42 AM |
39Likes
العرض العادي
