شو صاير بغزة..؟؟
-بتسألني شو صاير ب ‫#‏غزة‬،، ؟؟ أنا بحكيلك ....
بغزة في أم مثل أمي وأمك ..
صلت العصر وقامت تجهز فطور لاولادها
صح سفرتهم صغيرة ،، بس لمتهم حولها حلوة كثييير
ووقت المغرب ،، كان بيتهم الصغير حطام،، والعيلة بيفطروا بالجنة!!
في بغزة صبية فلسطينية ،،
أحلامها صغيرة ،،
وبإيدها اليمين.. دبلة ذهبية ،
بتحلم باليوم اللي تلبس فيه الفستان الأبيض ،،
وتعيش ببيت صغير ودافي..
وبعد صبر سنتين
وبيوم العرس ..
بكت على الفدائي ،، وبإيدها زفته للسما ،، وحلفت تستشهد وتلحقه ،،
وبريحة المسك بتكون أحلى زفة!!
بغزة في أب
راجع من كد يومه تعبان ،، بس متلهف وبتخيل كيف اولاده بستنوه عراس الحارة
وبتسابقوا حتى يحضنوه
ولما وصل ،، ما سمع ضحكات ولاده مشى وقلبه مقبوض،،
وشافهم نايمين وبالدم مغطيين !!!
وبالحارة الثانية
في شب،، بدور تحت ركام بيته ،، متأمل يسمع دقة قلب تطمنه انه ما بقي وحيد بهالدنيا!!
سريره كان هون،،
وهون عالمكتب ترك كتابه مفتوح ...
وعالورقة اللي كانت بيضا كتب شطر بيت شعر وما كمله!!
بفتش عن صور اخوانه الي بتحمل ذكريات طفولته معهم
شال أخته ..
كوفية أبوه
و ريحة أمه...!!!
بغزة ،، في شعب طيب
عايش حياة أصعب من الموت !!!!
اللي بيصير بغزة انه لسا فيها ناس بتقاوم رغم الحصار والجوع
لسا فيها ناس عايشين حتى يذكرونا بعروبتنا
بذكرونا بخيانتنا إلهم
بكل طلعة شمس عليهم ،، بعطونا ألف كف
بفرجونا قديش احنا صغااااااااااااااااااااااااااااااااار ،، صغار كثير
واقفين مكتفين وبتفرج وبنعد شهداء ،، وجرحى
وننعي كرامتنا ،، وضميرنا !!!!!!
غزة وفلسطين حكاية ارض ...
بيمـوت فيـها اللي ما بستحق المـوت.... عـلى إيـد اللي ما بيستـحق الحيـاة
الله أكبر ،، يا عربا بلا عروبة!!

إزرع جميلاً ولو في غير موضعـه ؛ فلا يضيع جميل أينما زُرعا .
إن الجميل وإن طال الزمان بـــه ، فليس يحصده إلا الذي زرعا .. ~