|
|
#16
10-15-2013, 04:38 PM
| ||
| | ||
| يوم السبت .. سعود يبتسم عشاان يطمنهاا..مايدري انه دوخها:ليش خآآيفه ممكن افهم؟؟ ريما:مـ..مو خآآيفه...بس انت متأكد انه مااقاال لك شي؟ سعود:وأن قال لي؟؟...وش بيصير..مو انتي قلتي لي كل شي؟ ريما:............ سعود:قال انه يعرفك..بس ابي اسمع منك طبعا ريما ماتدري ان عبد الملك بـ الطريق طقت الممرضه الباب سمح لها سعود تدخل.. الممرضه :في وااحد يبيك..اخليه يدخل يقول ان عنده موعد سعود:أيـه!..خليه يدخل استغربت ريماا..من بيدخل وهي هنــا! دخـل..ارتجفت ريماا يوم شاافته..وبـ شكل وااضح.. ريما:وش جاابه..؟؟؟؟؟؟ سعود خااف من رجفتهاا:وليش ريماا قاامت تترتجف ومن الخوف جلست تعرق:أطلـــع برآآآآآآآآآ! عبد الملك:هههههههههههههههههه..خآيفه ياعمري؟؟ ريما:أسسسسكت...اطلـع برااااااا...."قاامت تصررخ بـ شكل هستيري"..أطلـــــع!!!!!!!!! سعود:ريماا وش فيك قامت ريماا من مكاانهاا...حطت راسها بين يدينهاا وجلست تصرخ وتتكلم تقول كلااام مومفهووم سعود رااح لهاا:انتظرني براا لو سمحت طااالع عبدالملك ريماا بـ نظراات"وقحه"..وكأنه يتأمل كل شبر فيهاا... سعود عصب:لوو سمحت! عبدالملك:انا برووح...بس ماراح انتظرك براا...خذ جووالي من عندهاا وحااكني وطلـع! قال سعود للـ الممرضه تجيب لهاا عصير او مويه عشاان تهداا سعود:وهو يكلمها وهي جالسه ع الارض:ريما!...ريما كلميني وش فيك؟؟ ريما ماتكلمت وجلست تصيـح... سعود:ريمـا..كلميني...لاتخليني كذا جاالس ولا ادري وش فيك ريما:وكنك تهتم سعود استغرب منها بس طنش و قال:وليه ماأهتم..ريما كلميني.. ريما:ابغاا منااديل قام سعود واخذ لها منديل من الطااوله..وعطااهاا.. شالت طرحتهاا اللي كانت مغطيه وجهها...ومسحت دموعهاا نااظر سعود وجهها..ولـ أول مرره..كان وجهها ملياان دمووع الخوف وااضح على وجهها.. بس ماأخفـى حلاوة وجههاا..بدايه من بشرتها الحنطيه ومرورا بـ عيونهاا الكبـار ورموشهاا الكثيـفه..وانتهـاء بـ نعومة وجهها بـ شكل عام حس سعود بـ نفسه..هو طبييب وتمر عليه هـ الحالات..لازم مايخلي عوااطفه تتدخل في شغله..بس هـ البنت غير... لا! مو غير حس سعود انهاا هدت..:سعود تعااالي اجلسي.. قاام بس هي ماقاامت كان وده يسااعدهاا بس..شيي كاان يعوقه..شي يقوله لا تعرفون وشو قامت وجلست ع الكرسي الاقرب منهاا.. سعود:اعتقد ان لااازم تقولين لي كل شي...ماأظن ان الدعوه حب وبس ريماا:.................. سعود:ريماا انا طبيبك...ولازم اعرف ريماا:انا بقولك كل شي..بس ابغااا منك تصدقني سعود:اكيـد ريما:انا لم رحت للـ الزوااج صديقتي اللي هي اخته رجعـت بـ الذااكره لـ ذاك اليوم يوم ترروح لـ الزواج..اللي كان في جده لبست احلا لبـس عندهاا..اللي كان عباره عن فستـان ليموني طويل يبين جمـال جسمهاا.. وفوقه شـال ..ومكيـاجها الخليجي..وشعرهاا مخليته مفكوك وصااير ويفي دخلـت القصر وكان على وقت الزفـه كانت متأخره... لم جاا وقت زفت الرجـال عيوون عبد الملك ماانزلت عنهاا..كان وقـح..ع الاقل استح قداام النـاااس لم انتهـى طلعـت وركبت سيارتهاا الـ"المرسيدس" السوداء ... -لحظـــه التفتت..كان عبدالملك..الوقح حتى لاحقني للـ السياره ريما:نعم! عبدالملك:أفـاا!..انا تقولين لي نعم؟؟ ريما:وش اقول يعني؟؟..اصلا من انت عشاان ارد عليك اساسا عبدالملك:ههههههههه..ماأظن ان وحده مثلك تعرف الـأدب..وان البنت لها سمعتهاا يعني سواالف الناااس المعقده ريما:تدري انك حقيــر عبد الملك:مو مهم..عشاانك بس...فكرتي بـ اللي قلته لك ريما بـ ضحكه عـاليه:ههههههههههههههههههه..انت؟..والله ياملووك ماأظن عبدالملك عصب منهاا:وليش؟..وش يعيني ريما:خلني اصحح لك السؤال..وشو الللي مايعيبك...انا اصلا وش ابي بك عبدالملك:بس انا احبـك!..وانتي تعرفين ريما:انت لو يدري عنك الحب...انتحر عبدالملك:وين تلاقين مثلي ريما:الا بلقـى..والاحسن بعد..يعني وحده مثلي..مال وجمـال..ودلال..انزل نفسي لـ حثااله مثلك؟..نو وووووي عبدالملك:انا حثـاله؟؟ ريما:لو في احقر كاان قلت ..بس مافي بالي شي عبد الملك ابتسم:طيب....نشووف من الحثـاله.. ريما:انت!..اقولها لك مسبقاا عبد الملك:تدرين!...انتي اللي مثلك حراام ينحب ريماا:حلوو..أنســـاني..."رفعت فستـانها بـ غرور..وركبت وهي تلوح له"..ببــاي! دخلـت الفندق.. كاان الجنـاح فااضي ومخيف...دخلت ورمت نفسهـا ع الكنب..خلاااص كل شي شين بـ حياااتها معد في اثااره...روحاات وجياات..سفر...مابقى شي ماسوته بس ماتحس انهاا مبسووطه تذكرت بعض البناات في الجاامعه قبل لاتتخرج..كانوا يسولفون عن اهلهم واقااربهم اماا هي لو يسألهاا احد عن اهلها..ماتعرف اي شي عنهم..كل واحد لاهي بـ حيااته..وبعيد عن الثـاااني...وعمهـا اللي الحين وصي عليهاا ماتدري وين هوا داره دق احد الباب خاااافت..من ممكن يدق عليها هـ الوقت رحت وسألت:ميـن؟؟ لم ناظرت من العين السحريه..كان وااحد من عماال الفندق..جايب عصير هي ماطلبته فتحت الباب:انا ماطلبت عصير!! العاامل:ماأدري..انا في كلااام غرفه نمبر 3897 ريما:امممممم..اوكي ..جاا في وقته اخذت العصير...وجلسـت ع الكنب اخذتهاا الافكـار..اخرتهاا ناااااامت بـ ملااابسهاا \ / \ / نزلت مشااعل من الدرج..صار يومين وهي ماغير تفكـر بـ ابوها اللي الى الان مافتح معااها الموضوع... لقت عمهاا مااجد معااه شاندويش جبن تشدر وزيتون ويشرب شااهي مشاعل:مااشالله!...وش هـ الجلسه الحلووه..وانا؟؟ ماجد:موب لازم...هههه مشاعل جلست بـ جنبه:مجوودي حوووبي ماجد:خير اللهم اجلعه خير....نعم! مشاعل:وش سالفة ابووي ماجد:ابووك؟؟..وش فيه مشاعل:انا اسألك....متغير مايااكل ولا يسوولف زي اول ماجد:امممممم..هو يقولك.. مشاعل:انا ادري وش فيــه ماجد:ليش تسـأليني.........لحظه..وش تعرفين؟؟ مشاعل:هو في مشكله مع وااحد ومحد قاادر يطلعه مهاا الا انا..بس و المشكله ماجد:كيف عرفتي؟؟ مشاعل:سمعتكم بـ الغلط..وانا انزل ماجد تنهد وقال:هو مديون لـ وااحد بـ ملبغ كبيــر..ولازم يسدد..انا شرت عليه قلت له يزوجك بس هو معييّ مشاعل:وش الســالفه..وليه معييّ اسااعده؟؟ ماجد:على قوله مايبي يضيع مستقبلك...بس انا من رايي انه ماينرد مشااعل:قول له اني موواقفه ماجد حط السااندويش:ايـش؟؟..ماسمعت مشاعل:اللي سمعته ماجد:أحلفــــى...كفوو...بنت اخووي...ابشرري والله لـ اقوله قاامت مشاعل من عند عمهاا لاتنزل دموعها قداامه..خلاااص هي قررت وماراح تتراجع رمت نفسهاا ع السرير..ودفنت وجهها في المخده مثل مادفنت حبهاا لـ فراس..اللي انتهـى من زماان..ومعرووفه نهاايته... نرجع لـ ذااكرت ريماا.. قاامت من النووم..وهي ع السرير...ماتتذكر انهاا ناامت في السرير..السرير محووس بـ شكل غير طبيعي كأن اثنيـن ناموا فيه... حست بـ نفسهاا ماعليهاا شي يسترهاا الا اللحاف حق السرير.. اتضح كللل شي...كاانت في حـــالة صدمه..مو مصدقه..او مستوعبه.. رن جوالهاا اللي شكله كاان بينكسر من كثر مايرن..لان في اكثر من 20 مكالمه ردت ع الرقم من غير لاتنااظر..تحس حركاته ملك شخص ثاني وهي مو متحكمه فيهاا صوت رجال عرفته وعرفت ضحكته اللي تتقزز منها:هههههههههههههههههههههههه هههههههههههههههه ريما وسط شهقااتها:يـاحقيـــــــر.. "نرجع للـ الواقع" سعود:اغتصبـك؟؟؟؟؟؟؟؟؟؟؟؟؟؟؟؟؟ ريما وهي تصيـح:أيــه!..الحقير النذل سعود بـ قهر:الحيــواان..مابغلتي عنه؟؟ ريما:لا لان ماافي اي اثر للـ المقاومه..انا كنت مخدره وقتها سعود:وكيف خدرك؟؟ ريما:من العصيـر..كان حااط منوم..وقوي بعد سعود:طيب رحتي لـ المستشفى عشان يبين انه كاان مخدرك ريما بـ حزن وقهر:مادريت..خفت يظنون غلط سعود:من متى هـ الكلااام؟ ريما:من تقريبا 3 شهور سعود بـ انفعال:من 3شهور وسااكته؟؟ ريما:اللي صار صار...انا ابغااك تساعدني.. سعود:.................. ريما:الله يخليك انا مالي غيرك سعود:خلاااص روحي انتي وانا بتصرف \ / \ / اليوم الثـاني ماجد يبي يمهد لـ ابو مشاعل بس ماأقتنع بندر:مااجد لو سمحت لا تدخل بـ شي بيني وبين بنتي ماجد:انا عمهاا..وانا افكر بـ عقل مو مثلك افكر بـ غبااء بندر:مااجد انتهيناا ماجد وهو يرقى الدرج:لا ماأنتهيناا..... بندر:وترا حركتك يوم انك تعرصض بنتي على خويك ماراح اسامحك عليها بس خل مخي يفضا والله ياماجد انك طحت من عيني ..هذا وانت عمهاا ماجد ماتكلم وطلـع الدرج ..ثواني ونزل وهو ماسك يد مشاعل وينزلها وعلااامات الاستفهاام على وجهها بندر:وش تبي بهاا ماجد:ابغاا تسمع موافقتها بـ اذاانك بندر ناظر مشاعل ورجع نظره لـ ماجد بـ عصبيه حاول يخفيها بس ماقدر ماجد:لا تنفعل يابندر......هي سمتعك بـ اذنهااا بندر ناظر مشاعل مشاعل:لالا...سمعتكم بـ الغلط وربي...انا .."سكتت" بندر:مشاعل اطلعي فوق جت مشاعل بترقى بس مسكهاا ماجد:لا مشااعل انتظري بندر:مااجد للـ المره الالف اقولك مالك شغل فيني ماجد:لا لي شغل......ومشاعل موافقه.."يكلم مشاعل"...سمعيه موافقتك مشاعل:أ..أنـا موافقه بندر:مومهم......انا اقول لا ماجد:بندر مشاعل ماتدري بـ السالفه بس هي سمعت سالفة الخطبـه وقالت انهاا موافقه كل بنت مصيرها تروح بيت زوجهاا بندر:.................. مشاعل:يبـه انا مدري انت ليه ماتبيني اتزوج..بس وربي انا ماراح اتركك قرب بندر من بنته الوحيده اللي فعلا جزء من رفضه كان انه مايبي يفارقها بندر:مشااعل....يعني انتي خلاااص..موافقه؟ مشاعل تبتسم له:أيـه..وخلوواا الملكه في اقرب وقت ماجد:انا من راايي خلوها سكااتي لين بعد المكله مشاعل بتروح فوق:سووا اللي تبونه..... وطلعــــت فوق حست انها طلعت قدام ابوها البنت اللي متشققه ع الزواج..بس مومشكله كل شي عشاان مصلحة ابوهاا \ / \ / كانت نوره جالسه ومعاها الاب توب... نورس:نوييييير..وش تسوين؟..كم صار وانتي ع النت؟ نوره تمسح دمعه على وشك تنزل:هاااه....انقعلــي نورس:الحمدالله والشكر نوره:حرآآآآآآآم والله..انا ماأحب اقراا روايااات ابد ابد ابد نورس:من متى تقرين اصلا نوره:روان قالت لي عن روايه ومدحتها لي....آآآخ يالقهر وربي قهر..ليش يصير فيهم كذا نورس:الحمدالله والشكر بس...المهم امشـي نروح للـ السـوق نوره:مااالي خلق..روحي انتي.. نورس:افففففففففف منك... وطلعـت...على ان نورس اكبر من نوره بـ سنتين بس تحس انها اكبر منها بـ 20 سنه \ / \ / -وش مشكلتك؟؟ المريض اللي اسمه علي:انا حسااس جدا يادكتور..لـ درجة اني افسر كل شي ضدي كل شي افسره علي كيفي حتى لم اكون مع اصدقاائي واخوااني واروح عنهم احسهم يغتابوني تعبت مرره يادكتور سعود:اممممم...اسمع انا بـ أقولك ويمكن تعتبر كلامي روتيني... علي:اوكي؟ سعود:اسمعني ياعلي....الحيااة تطلب توازن وتقدير جيد للـ الامور وحسن تعامل..فكر بـ شكل ايجااابي..لازم تحسن الظن بـ النااس....وماتتحكم في تصرفااتهم وكلااامهم...وانت ماتدري وش في قلبهم...... علي:كلامك روتيني...ماأقدر سعود:خل قلبك عاامر بـ ذكر الله علي:..............."ماأقتنع بـ كلااامه يحس انه يسكته" سعود:خلك وااثق من نفسك ولايهمك احد ترا النااس اذوااق سعود ماكاان راايق له ابد بس لازم هذا شغله \ / \ / قامت من النوم ولفـت مالقت ناصر بـ جنبهاا..شالت اللحاف عنها ودخلت الحمام غسلت وجهها.. ورااحت لـ الصاله شافت ناصر وااقف ومعطيهاا ظهره ملاك:نااصر؟ ناصر من غير لا يلتفت:هلا ملاك قمتي؟ ملاك تبتسم:ايه... ناصر تعاالي نتغداا طلعـوا من الفندق وتغدوا في مكاان حلوو كانت الاشجاار تحاوطهم من كل مكاان طبيعه حلووه جلسـوا بعد بعد ماخلصووا من الفطور..وجه ناصر كان متغير ملاك:ناصر انت تعباان؟؟ ناصر ناظرهاا..دخل يده في جيبه وطلع كرت اخذت ملاك الكرت المكتوب فيـه "مبروك الزواج ياملااك....ابـــــوك" رمت عروستهاا.. اخذت الكرت وضمته لـ صدرهاا وقامت تصيـح وتضحك:بابا عرف اني تزوجت ناصر اخذ الكرت بـ قوه:ملاك من هذاا؟ ملاك بـ حيره بس بـ ابتساامه:من ابوي...هو يحبني ويجيب لي هداياا ناصر:ملاااك حبيبتي...ابوك مااات..بس من ذا؟ ملاك:لااااااااااااا مامااااات... ناصر رحمهاا بس لازم تفبق خلاااص:ملاااك قلبي خلاااص اصحـي! ملاااك دفته:انا اكررررررررهك...روح عنـي قاامت ملاك وهي تصيـح :انتوا ماتحبون بابا....انت حمـار وخر عني قام ناصر وتركهاا..بعد ماعطاها نظره -وش فيك مجوود مو على بعضك؟ التفت ماجد لـ فراس:مافيني شي فراس:علينـا هـ الحكي؟؟...تكلم وش فيك ماجد:بندر اخوي مديون فراس:وليه؟؟..من مين؟ ماجد:من زيااد...بس اشوى حليناها زيااد بياخذ مشاعل فراس:مشــــاعل؟...وليه ياخذهاا؟؟..عشاان يسدد الدين؟ ماجد:أيـه.. فراس:لاحوول ولا قوة الا بـ الله....والله حاله ماجد:وانت بعد وش عندك تقول ميت لك احد..مشكله بسيطه وانحلت فراس:مشاعل تتزوج عشاان تنقذ ابوهاا ليه طيب؟ ماجد:هي موافقه...وخلاااص.. فراس:يـ الله مايندرى وين الخيره فيـه ماجد:افف بـ الموت وافق فراس:بـ الموت؟..يعني انت اللي قلت له؟ ماجد:ايه فراس:غبــي!..في احد يعرض بنت اخوه على رجـال ماجد:لا تجي انت الثـاني..تراني مو ب رايق لك ابد وقـام عنه..وجلس مع الشباب \ / \ / لا أعرف لـ الاعتذار اسلوبا.. وها نحن قد اختلفناا.. هو يجلس وحيداً هناك تحت الشجرة,, ويغمض عينيه كانه يهرب من نظراتي المتوسله اليــه,, وانآ..أجلس على الارجوحـة ودميتي بيدي ودمعتي تتبلور بداخل عيني ! بدأت أخطو خطواتي..المتثاقلة باتجاهه..وبدأت دمعتي تخطو خطاها على وجنتي,, أحس بالخجل من نفسي لا أعلم لمَ اغضبته مني جثوت على ركبتي وتساقطت دموعي كأوراق شجر الخريف..! سارت دمعتي من محجر عيني مرورا بخدي انتهاءً بذقني المرتجف.. صرخت بهدوء..وصوت متقطع وعيون مغمضه:الله يخليك...تكفى وبدأت افتح عيني تدريجيا وكلي أمل بأن اجده مبتسما ولكـــــــن...؛ خآب أملي.. ووجدته قد أحكم إغلاق عينيه أكثر من السابق.. أخفضت صوتي لان صوت شهقاتي قد طغى عليه:والله ماأسويهاا مره ثانيه..صدقني أتوب.. وأغمضت عيني..وأطلقت العنان لدموعي.. لكـن.. احسست فجـاه بـ اصبعه الممرر على وجهي.. ليقتل دمعة قبل ان تولد, وأخذ يدااعب شعري وقال:ماأقدر امسك نفسي اكثر يادلووعه ازلت اثاار الدموع... واعدت ترتيب خصلااات شعري المبعثره وحملني وأخذ يجري سريعــاً.. وأنا أصرخ واتشبث به أكثر خوفاً من السقوط وقف قليلا..ليطبع بين عيني قبله لأغمضهما بشده,,وأبتسم.. و افتحهما لاجدنا نضحك ضحكة صاخبة..لـ نكمل ليلتنا بـ جنون مثلهاا.. \ / \ / -من متى تهتمين يا ريماا؟؟؟...بس يوم عرف هـ اللي اسمه سعود حسيتي؟؟ ريما وهي تصيـح:انا غلطااااانه...بس لااازم آآخذ حقـي أمل:ياماما ليش تاخذين حقك؟؟...انتي خلاااص...معد صرتي تهمينه اخذ حااجته منك ريما:بس لاز.............. رن جوالهاا.. امل:ردي ريما:مالي خلق اخذت امل الجوال وردت وحطته ع السبيكر -آلوووووو عرفت ريماا الصووت.....تسمرت عيونهاا في الفرآآغ عبدالملك: ريماا!!...ليه ماتردين؟؟..خايفه ياعمري؟ ريما اخذت الجوال:انت حقيــــــــــــــــر! عبدالملك:ههههه..لالا ماأتفقنا عل كذا..بس صرااحه صدمتيني يوم عرفت انك تروحين لـ طبيب نفسي ريما:................. عبدالملك:لا تظنين انه بيقدر يساعدك اللي مثلك خلاااص ماالهم اهميه...انتي معد صرتي..كيف اجيبها لك...يعني صرتي مثل الحيـوان مالك ا اهميه ريما صاحت وجلست تصيح بـ شكل يخووف عبدالملك:اسمعـي انا قررت اني اجي اخطبك ان شالله يوم الاثنين لاني وقتها بكون فاضي..خليك جااهزه لاني ماراح اتحمل مظااهر..لانك ماتستاهلين .....وايـــه قبل انسـى..ترا ماافي مهر..لانك وبـ كل بسااطه بـ النسبه لي رخيصه......او بـ بلااااش..ههههههههه...باي طــــــوط.....طوط..طــــــوط انصدمت امل من كلااام عبدالملك... امل:وانتي سااكته ليه مادريتي ريماا:ودي لـ سعود امل:انسـي هـ السعود..خلااااااص ريما امل الله يخيلك وديني لـ سعوود \ / \ / - صاار لك يومين تكلمني وتسكر بسررعه فراس:والله ياقلبي اني مشغوول نوره:اوكي..بس لايااخذك شغلك مني... فراس بتنهد:اووكي نوره:فرااس وش فيك؟؟ فراس:عمي بندر نوره خاافت:وش فيه؟ فراس:مديون لـ واحد...وبيسدد..ويمكن مشاعل بتظحي وتزوجه عشاان ماينرمي ابوهاا فالسجن نوره:لاااااع..مسكينه ميشوو..ماتستااهل تاخذه طبعاا هي تظن انهاا بتاخذ واحد كبير..شايب فراس:ايه والله بس يمكن يسعدهاا نوره:ماأظن بحااول اتصرف نِدَآءُ آلرُوؤحْ likes this.
__________________  " class="inlineimg" /> |
|
#17
10-15-2013, 04:38 PM
| ||
| | ||
| ×..الفصل الثامن..× >..:..الجزء الاول..:..< ان وقوعنا في الحب لا علاقة له بمن نحب ، وانما لـ تصادف مروره في حياتنا بفترة نكون فيها دون مناعة عاطفية لاننا خارجون تواً من وعكة"عشقية , فنلتقط حباً كما نلتقط رشحاً بين الفصلين ..!! • أحلام مستغانمي يتراقص النعاس فوق أهدابي ويتمايل..ليثقل رمشي فاغلق عيني لأسافر بعيدا..! كآن يوم زفافي..كنت البس فستاني الابيض..لأبدو كأميرة من إحدى الحكايات والأساطير القديمة كانت أمي في قمة سعادتها المتهورة..وكنت أنا في قمة فرحي المقلق.. المجنون كانت الفرحة تؤثر على يداي..فترتجف لتآخذ برودة الكون وتحتويها في داخلها.. كنت سعيدة لدرجة أن قلبي الصغير سيتوقف من فرط السعآدة.. كيف لا ومن سأزف له الليله حلم الطفولة..والمراهقة والصبا؟! بدأت أصوات أمواج البحر وهي ترتطم بنفسها تصدح بالقاعة وبدأت معها المعزوفات الغنائية.. ليتزامن وقتها مع وقت خروجي..ضربات قلبي تزداد بشكل مخيف.. لأتسمر في مكاني بلا حراك..أنه ليس هووو.....!! ليس من اعتقدتني سأزف اليه.. لا يمكنني التراجع ولا وقت للبكاء.. فأمي تامرني بالسير..ولف ذراعي حول ذراعه ومبادلته القبل.. نهضـت وأنـــا أسحب نفس عميق وسريييع..آآآه كم هو مرعب هذا الحلــم..! لم التفت ولكني اكتفيت بتمرير يدي على مكانه.. لا اريد ان انصدم..! طردت مشاعل هـ الواقع..زواجهاا من زيااد بـ يتم في اقرب فرصه همسـة حـآلمـة:{{ذابـــت نجوم الليل مـن جمـر الآهآت’’.. \ / \ / - اسمحي لي بس انتي مرره غبيه يادانه دانه:لـيش؟...منى فكري معي..واحد مثله لؤطه..ماينرد منى:انتي مو متبليه عليه؟؟ دانه ابتسمت يوم تذكرت:أيـه منى:وليه بيفكر يتزوج اكيد يبي يسنعك ويرجعك بيت اهلك دانه:مافي احد حقود لهـ الدرجه منى:ههههه..الظااهر انتي مو بالدنيا..نسيتي عمك وعيـاله دانه:الله يخاذهم..والله طلعة البر لو ماجد ماخربهاا منى:انتي جبتيه لـ نفسك..متهوره الله يصلحك دانه:ههههههه...ابغاا استاانس خوالي بيرجعون لـ جده قلت بوسع صدري معااهم منى:المهم انا من رايي تقولين لـ اهلك انك ماتبينه دانه:خسااااره..وربي حبيـته..بس معك حق منى:مرآآهقه دانه:هههههههه \ / \ / طلعت ملاك من الغرفه لقت نااصر جالس ع الكرسي وسرحاان اكيـد يفكر منمين الهداياا..ويمكن يقول انهاا منهاا ملاك:نصووري؟ ناصر:هممممممم.."سرحاان" ملاك:ناصر.. التفت لها:هلا ملاك:ليش ماتناام؟ ناصر قاام وهو مبتسم:اوكي جااي \ / \ / -وافقت؟؟ ماجد:ايه..وابيك من بكره تجي تخطبهاا رسمي زيااد:ماجد انت متأكد؟ ماجد:متأكد ونص..احنا ماقلنا لها..قلت لها ان في واحد متقدم لك ووافقت مثل أي بنت تنخطب زياد تنفس بـ رآآحه:اوكي..بجيب الوالده بكره ان شالله ماجد:حلووو \ / \ / -الله!..اجل زواجي وزواجك في نفس الوقت؟؟ مشاعل:ههههه..شفتي كيف؟؟ اشواق:اخر وحده توقعتهاا تتزوج في العااااالم انتي مشاعل:بسم الله علي بيني اعنس مثلا؟ اشواق:طب منهوو سعيد الحظ مشاعل ارتبكت..وش تقول؟؟..انه شاايب؟؟..:مـ..مدري ماقالوا لي شي اشواق:هههههههههههههه..طلعتي متشققه ع الزواج..شكلك على طوووول قلتي موافقه بدون لاتدرين حتى وش اسمه مشاعل:ع الاقل مو مثلك اجلس مية سنه افكر اسواق:ياماما هذا زواج مو لعبـه مشاعل تنهدت:اللي كتبه ربك بيصير لاتجلسين تدققين اشواق:طيب وش بتسوين الحين..متى الملكه والشبكـه وهـ الحركتات مشاعل:امممم..ماأعرف الى الان أي شي بس ان شالله يأخرون كل شي اشواق:ليش؟ مشاعل:بس....عشان استعد - عزاااااام ماودك تذاكر؟ عزام:دقيقه يارغد بس بشوف ذا المسلسل..واروح اذاكر رغد:صار لك ساعه الا ربع تناظرهـ..؟..حشى ماخلص؟ عزام يقوم:لاحوول..طيب طيب بقوم..بس شووفي رغد:هاه! عزام:قولي سـم..عيب يامره رغد:لاوالله؟.. عزام:المهم..ترا في فلم بيجي يوم الجمعـه موب تجلسين تقلقيني تقولين نم لانه بيجي في الليل رغد:ايه لين جا يوم الجمعه يصير خير عزام:لاسلكين لي..ابنااااظره ياست رغد رغد:اقوول رح ذااكر وترا ابسمع لك دخـل عزام غرفته وجلسـت رغد تناظر المسلسل اللي كان ينااظره كان اكشـن وكله دم وذبح وذبيـح رغد:حشـى وش ينااظر ذا؟؟..كل ذا فلـم؟ - السـلااام عليكم رغد:هلا يبـه..وعليكم السـلااام ابو ناصر:شلونكم..وشلون عزام ولمـى رغد:لمـى ناايمه وعزام يذااكر ابو ناصر عقد حواجبه:نايمه؟..تونا 8 رغد تبتسم لـ ابوهاا:ايه هي تنام هـ الوقت ابو ناصر:الله يرضـى عليك ..حليليني يارغد كاني حملتك حمل اكبر من عمرك رغد راحت تحب راس ابوها:لا يبـه ..لاتقول كذا هذول اخوااني..هههه ومعتبرتهم عيالي ابو ناصر يبتسم لها:قولي آآمين رغد:آآمين ابو ناصر:جعلي اشوف عيـالك رغد:آآآمين يارب وتسميهم واحد واحد ابو ناصر:ههههههه..ورجلك؟ رغد:بـ كيفه..ماله شغل احمل واولد واتعب وهو يسمـى؟؟.. ابوناصر:لا يارغد..ان جااك النصيب ابيـك تحطيـنه في عينك..ابيك مثل امـك لاتخلينـه يحتااج شي.. رغد:ان شالله يبه ابو ناصر:و ان جاك ولد سميـه نواف رغد:ابشششر حب ابو ناصر راس بنتـه ودخل غرفته عشاان يتروش ويغير \ / \ / - ومنهو سعيـذ الحظ؟؟ ماجد:زيااد بن عبد المجيد ام فهد:ماشالله..ماشالله...والله والنعـم ماجد:انا من رايي يمـه اننا نستعجـل لان هو تعرفيـن ان سفرااته كثيره مع الوالد ام فهد:انتوا شوفوا مشاعل ماجد:انا قلت لها قالت سوو اللي تبون..وش رايـك؟؟ ام فهد:والله رايي من رايك ياماجد..بس لاتعلنون شي هالحين..يعني كذا لي قربت الملكه اعلنوا ماجد:لا..حتـى بعد المكله تبي لي قريت اياام الزواج ام فهد:خلاااص..صاار \ / \ / دق باب غرفة ابـوهاا ثوااني وجاها الاذن بـ الدخول نوره:هلا بابا ابو نورس:هلا بك نوره.."يبتسم"..بغيني شي؟ نوره:امممم..ايه بغيتك بـ طلب صغيرووووون ابو نورس:تعـالي راجت نوره وجلست قريب لم ابوها اللي كان جالس في مكتبـه:امممممم..تعرف ابو مشاعل؟ ابو نروس:ايه..وش فيـه..عم فراس نوره:هو مديون بـ مبلغ كبيـر..واذا ماسدده قريب..بينسجن وانت عارف هـ الشي ابو نورس:لا ماأدري انه مديون نوره:هو مامعه الملبغ...فـ قرروا انهم يزوجونه مشاعل..بابا وربي ميشوو ماتستاهل..تاخذ شاايب..بليــــز لاتخليهم يسوون كذا ابو نورس:طيب انا وش اسوي حاولت نوره تطلع دموع بـ الغصب:بليـز بابا عطهم هـ المبلغ هديـه..اي شي المهم ميشوو تطلع من الموضوع ابو نورس يبتسم لـ بنته:اووكي خلاااص..اعتبري الموضوع منتهي \ / \ / في اليوم الثاني كان ماجد طالـع مع زياد:ودي ارجـع البيت واشوف وش يسوون الحريـم زياد يبتسم:يتقهوون.. ماجد:يابردك..المهم..وش رايك تدق على اختك وتسألهاا؟؟ زياد:لا ياشيـخ؟؟..مايصلح انت دق على بنت اخوك واسألهاا ماجد:والله ميب شينه بس موب هالحين وقف زياد عند محـل كوفي شوب.. ماجد:خذ take away زياد:ليـش؟..ماتبي تغير جوو؟ ماجد تسترخي في جلستـه:في احد يحصل له يجلس في مثل هـ السياره ويقول لا زياد:هههههههههه...معجبتك؟ ماجد:اووووف..مرررره زياد:مقدمـه ماجد:لا يرحم امك خلهاا لك..كان ودي اخذها بس اخااف عليك ترجع بيكم وتصيح..واكتشف انك تجاملني زياد بـ صوت هاامس:الله!..ماتسوى علي كلمـه ماجد:هههههههههههههههه طلب زياد وحـرك سيـارته وكمل تمشيته هو وزيااد دخل سعود الشقه بعد ماسمح له عبدالملك سعود:يمكن مستغرب جييتي لك..صح؟ عبدالملك يأشر لـ سعود يجلس:لا..انا عارف ليه جااي سعود:اوكي مدامك عاارف..ممكن تفهمني واحد عاقل وفااهم مثلك يسوي هـ السواة؟ عبدالملك بـ ابتساامه غريبه وشريره:لاني حاولت فيهاا..بس هي العنيـده..فـ حبيت اجبرهاا سعود:بس ماتجيهاا من مكاان حسـاس..ياعبد الملك البنت لي خسرت شرفهاا..خسرت كل شي عبدالملك:ان ماوافقت على اللي انا ابيـه..ابتخسر اكثر واكثر سعود:توافق؟ عبدالملك:انا متقدم لها..وابيـها توافق سعود:من جدك انت؟؟.. عبدالملك سعود:تكفـى..عندي لك طلب لاتردني عبدالملك:نعم؟ سعود:عاملها زين الرسول قال وعاشروهن بـ المعروف عبدالملك:هههههه ياحليلك..اللي مثلهاا سلعه لـ البيع..وانا ماأعتبر نفسـي متزوجها..ألا شاريها شراا من محل..لا ومحل رخيص بعد سعود مسك نفسـه لا يقوم عليـه..شي جوااه يقوله قم اكفخـه:عبدالملك..هي ضحيه ولا تنساا انها ضحيتك انت..انا جاااي ابي اصلـح بينكم قاام عبدالملك..وهذي اشااره ان جلستنا خلصت عبدالملك:لاتدخل نفسك يادكتور في مشاكل انت مو قدهاا.."حط يدها على كتف سعود"..انت مو مستواناا..انت انسـان في حالك..وخلك كذا طول عمرك احسـن سعود:انا ماطلبت منك تعلمني ...انا جااي ابعلمك بـ الطيب وان مانفع معااك بـ الطيب..اكثر ماكثر الله الطـرق لـ"التأديب".. عبدالملك:ههههههه..والله وطلـع لك لسـان يادكتور..ماتحقر نفسـك سعود ابتسم له..هذي احسن طريقه لـ الاسفزاز عبدالملك:اوكي يادكتوور..ممكن تطلـع براا..ورح لـ مجانينك احسـن لك سعود:ان شالله تجرب وساعتها بتعرف ان المجانين لهم مكانهم يا.........عبدالملك وطلـع سعود وهو مبتسم..مايدري ليه مافي في راسه فكره بس هو عارف ان الحق معااه ولا راح يضيع \ / \ / كانت مشاعل تدور في محـلات هـ المجمـع مع اشواق وروان..جالسين يشترون لهاا بس هي ماتحمست ابد كيف لا وهي بتنزف لـ غير فراس؟ روان:هيـه!..وين وصلتي؟ مشاعل:معااك روان:وش رايك بـ هذا؟ مشاعل:كيفكم انا مااالي خلق شي ابد اشواق:انتي من زماان مالك خلق..ماتقولين لي وش فيك؟ مشاعل:مافيني شي.. \ / \ / - وش اسوي لك يعني وديتك له ومو موجود..اتصلتي عليه مايرد ريما تصيـح:انا لازم اشوفه..لازم امل:مشكله صرااحه تدورين واحد مايدري عنك..خلاااص ياريمااا مايبي لها كلام..أرفضيـه..تتزوجين عبد الملك؟ ريما:لا..ماراح ارفض..يمكن يسوي شي امل:تخافين منه؟؟..هـه!..من متى؟ ريما:.............. اخذت الجوال اتصلت على سعود...بس مافي رد رمت الجوال ونزلت دموعهاا مره ثانيه وبـ شكل اغزر \ / \ / مــر اسبوعين ولا في يستحق الذكر.. الا ان طول هـ الاسبوعين الهدايا تجي لـ ملاك..وتوصل لي غرفتهاا..ونااصر محتاار من هـ الشي..! ناصر يلف ملاك له:ملووكه!..احنـا لازم نحط حد لهـ اللي يصير.. ملاك:طيب انا ماأبي ارفض هداياا باباا ناصر:مـلاك حبيبي..لاتسوين فيني كذا ولا في نفسـك..ملاك انتي كبيره وتفهمين ملاك:نصووري انا مابيك تزعل مني..بس والله انا احب بابا ولا ابي ارفض هدايااه..الله يخليك ناصر طالع عيونهاا:مـلاك..الهداياا من ابوك؟ ملاك:..........."لارد" ناصر:شفتي ان من جوااك انتي عاارفه انها مو من ابـوك ملاك صااحت:انا عاارفه انك مثل ماما وميشوو ماتحبوون بابا.. ناصر ضمهاا له..حالها مايسر..بس مهما كان هي ضحيـه \ / \ / كانت مشااعل تدور في غرفتها رايحه جاايه..متوتره اليـوم ملكتهاا..اللي محد يدري عنـهاا.. طـق..طـــق مشاعل:ادخـل دخلت ام فهد ومعهاا عصير برتقـال مشاعل:هلا يمـه.. ام فهد:هلا مشاعل..وش فيتس؟ مشاعل:مدري متوتره.. ام فهد تبتسم:لازم..خذي جبت لتس عصيـر..بيجي ماجد هالحين عشاان توقعين جمعـت الدمـوع في عيـون مشاعل ترتعش أوصالي.. أبكي لأواسي نفسـي.. لكن مــآ فآئده نهري السـاخن على خدي.. وأنا خاارج اطـار الدائره همسـه رمـاديـة:[الموت مـاهو مشكـلة//المشكلة لا ماتت الازهـار والمثوى"الرصيف".. \ / \ / دخلـوا ملاك ونااصر..كانت ملاك مبسووطه مرره صحيح بعد نقااشهم..وان ملاك هي الغلطاانه بـ عناادهاا..بس ناصر قدر حالتهاا وراضاهاا.. ناصر دخل الحمام وملاك تتفرج ع التلفزيون \ / \ / كانت رغد جالسـه في الصـاله اليوم خميـس وطفـش..وماعندهاا اي شي تسويه - السـلاام عليكم! التفت رغد على ابـوها اللي كاان توه جااي:وعليكم السـلام ابو ناصر:ههههه..شكلك طفشـانه رغد تبستم له:مررره ابو ناصر:طيب وش راايك تروحين لـ وحده من بناات عمك رغد:اليوم خميـس ومو فاضين لي ابو ناصر:طيب وحده من صديقاتك؟؟ رغد بققت عيونها:اروح لـ صديقتي؟ ابو ناصر:ايه خلاااص انتي صرتي كبيره ويعتمد عليك.. رغد:بس مو كنتوا ترفضون روحتي لـ صديقااتي؟ ابو ناصر:هذااك اول رغد:ابشووف اقرب صديقه فااضيه..والله ونااااااااسه قامت رغد عشاان تشوف أي وحده من اقرب صديقااتهاا المقرباات \ / \ / بعد ماوقعت بيد ترتجف..اختفـا الجميـع عن نظرهاا..وبعدهاا تدخل في بكـاء طويـل..! {.. الود ودي نجتمـع لو في... //تـابوت ..؛ \ / \ / فتحت شنطتهاا عشـان تاخذ جوالهاا..لفت نظرهاا كـرت تذكرت صديقتهاا سمر..يوم تعطيهاا هـ الكرت.. رغد تكلم نفسـها:اكيد العزيمـه خلصت من عشر قروون فتحت الكـر عرفت ان سمر تسوي حفلات دي جي..كل خميـس..وان هـ الكرت دعوه لـ كل خميـس رغد:خووش والله!..كرت ماتنتهي صلاحيته..ههههههههه قررت انهاا تروح لهـ الحفلـه.. دورت لها لبـس..كانت تبي تظهـر ب المستـوى المطلوب لان سمر واهلهاا مو أي نااس.. لقت فسـان ليموني حلوو..تحت الركبـه وكت وحزام تحت الصدر..مكيـاجها خفيف مجرد كحل ومسكرا وكلووس..وكانت كيـوته...،، طلـعت لـ ابوهاا ابونااصر:ههههههه..كل هذا عشـانك بتروحين لـ صديقتك؟؟ رغد:لا بس هذي عزيمـه مو روحـه عاديه ابو ناصر:حلوو..اجل يللا نمشـى؟؟ رغد:اممممممم..طيب عزام ولمـى؟ ابو ناصر:وديتهم عند امي.. رغد:اوكي يللا.. \ / \ / دق ماجد على بن اخوه الباب مشاعل:ادخـل! دخل ماجد وهو مبتسم:مبروك ياعرووسه مشاعل تبتسم له:الله يبارك فيـك.. ماجد:عقبـالي بس بعد مية سنـه.. مشاعل اكتفت بـ ابتساامه جلس ماجد ع السرير..:ميشوو فيك شي؟ مشاعل:لا ابداا..ليش السؤال؟ ماجد:اذا انا ظالمك قولي لي..! مشاعل ودها تصيـح بس مسكت نفسـها:لا ياماجد ازعل منك تراا ماجد يبتسم بـ رااحه:الله يريحك مثل ماريحتيني مشاعل:طيب وراك هنـا مو مفروض انك تنزل عنده؟؟ ماجد:هههههه..تستحين تقولين اسمه؟؟ مشاعل ابتسمت ولا علقت ماجد:قولي زيــاد عاادي مشاعل:ادري.. ماجد:ميشوو..مري شقولك...والله اني مستحي منك مشاعل:افاا..ليه؟ ماجد:زيااد..راح مشاعل مافهمت:وين رااح؟ ماجد:مو المفروض تشوفينه ويشوفك؟؟.. مشاعل تذكرت انها ماشافته اصلا..ولا جا على بالها..حى ماأستعدت:أيـوه؟ ماجد:زياد اظطر انه يسـافر الليله مشاعل:ليـش؟ ماجد:لان ابوه مريـض..وراح معه لـ العلااج مشاعل:اهاا...خير ان شالله ماجد:يعني ماضااق صدرك؟؟ مشاعل:لا طبعـا هذا ابوهـ..واللي مافيه خير في اهله وش ابي بـه ماجد بااس راسهاا:الله يكملك بـ عقلك.. بعد ماطلع من عندها..حمدت ربهاا انه ساافر..لان جد مالها خلقـه..هـ الشايب لي الحين ابوه عاايش؟؟.. واحد يمكن انه اكبر من ابـوي..ويبي يتزوج وحده كبر بنتـه..وكيف فيـه خير في ابوه؟؟ نِدَآءُ آلرُوؤحْ likes this.
__________________ " class="inlineimg" /> |
|
#18
10-15-2013, 04:39 PM
| ||
| | ||
| >..:..الجزء الثـاني..:..< لو دريت ان البحور بلا.. //مواني...ماسبحت.،، وصلت رغد لـ المكان المقصود..بعد ماأتصلت على سمر اللي طاارت من الفرحـه يوم درت ان رغد جاايه.. دخلـ بعد ماراح ابـوهاا.. سمر تسلم على رغد:هلا رغووده..الحمدالله انك جيتي رغد:خخخ..ياحبي لك.. شاافت رغد المـكان..كان حلوو وكبير وعلى مستـوى من الفخـامه..ليه لا وهي من بناات متعب الـ(...) دخلـت لـ مكاان اللي يتواجدون فيـه النااس ومدعوين..كانت اشكالهم تخووف..الـdj على اعـلى شي ناااس ترقص ونااس جالسه..كانوا منتثرين.. وفي بناات مسترجلااات..كانت الحفله مو من الحفلات المفضله عند رغد..بس اضطرت انهاا تجلس مجامله لـ سمر \ / \ / - نووره يختي احبك..كبرتي بـ عيني.. نوره:هههههههههه..هذي ميشوو مو أي وحده.. فراس:احبـــك قد السمـا يانوره والله ماخااب طني يوم اخترت زوجه لي نوره:فرااس ! فراس:عيـــونه نوره:ههههههه..احبـك فراس:آآآآآآآآآآآآآآآآخ...اخيرا سمعتهاا..قوليها ثانيه نوره:والله انك ماتنعطـى وجه.. فراس:ههههههه..مقبوله منك المهم قوليها ثانيه نوره:اموووت فيـك..وانت؟ فراس:ودي عايزه كلااام؟؟ \ / \ / الســـاعه 40 دخلـت رغد الحمـام عشاان تتصل على ابوهاا يجيهاا ابو ناصر:خلاااص هذا انا ابااخذ عزام ولمـى من عند امي وجااايك رغد:اوكي..مع السـلااامه سكرت رغد وطلعـت من الحمـام.."وانتم بـ كرامه"..ورجعـت لـهم ثـوااني وتفـاجأت بـ دخوول شبـاب..تقريبا 12 واحد.. حست بـ روعه تسري بـ جسمهاا.. ركـض لـ مكان العبايات واخذت عبايتهاا..لبستها وهي معصبه بس ماتدري من نفسهـا لانهاا راحت لـ وحده مثل سمر..مشكلة اللي يحتك بـ طبقاات مو من طبقته.. ولا من سمر اللي ترضى انها تدخل شباب لـ عزيمتهاا..اللي اكثر كلمه تستحقها انها"تافهه".. - على وين؟؟ التفتت رغد لـ سمر..وقالت بـ عصبيه:بروح لـ البيت سمر:تونا بدري يارغووده..الساعه 12 تووه يبداا لحمااس.. رغد:اسمحي لي هذي حفلاتكم اللي تبدا 12 اماا انا 12 مفروض اكون بـ البيت سمر:طيب ليه معصبه؟..انا زعلتك بـ شي؟؟..احد زعلك؟؟ رغد:لا..بس شي اللي مثلك مايفهمونه سمر:مافهمت عليك يارغد رغد:تدخليـن رجـال؟؟ سمر تضحك:هههههههههه...الحمدالله على بالي عندك سالفه..عاادي ياقلبوو..هذول عمي وعيـال عمااني رغد:لاياشيخه؟؟..احلفي بس انتي؟؟..اذا انتي معتبره عيال عمك محارم لك..انا لا.. لبسـت طرحتهاا وطلعـت عنهاا..! مشـت الحوش بـ طووله لـ حالهاا..وكانت خاايفه وخصوصا ان ابـوها الى الان ماجاا.. تمشـي بـ عصبيه واضحه..!..تظن اني من نوعيتهاا الرخيصـه! حست بـ احد يمسك يدهاا.. رغد ترص على اسنانهاا:سمر لو سمحتـى!..ابعدي عني - افاا..ليش زعـلااانه طيب؟ انصدمت من الصـوت..كان صوت رجـال.. التفت شاف رجـال..يطـالعهاا بـ نظراات غريبـه..وأبتساامه على ثغره كانت مخوفتهاا الرجال:ليش الحلوو متضاايق؟؟ رغد تسحب يدهاا منه بس مافي فاايده يده كانت قويـه الرجال:ههههههه..شكلك عنيده ويبي لك ترويض رغد:انت لو فيك ذرة رجـوله كان ما......... رجال:لالا..ماأتفقنا على كذا..لاتنسيـن انك في بيت اخـوي عرفت رغد انه عم سمر اللي حكت عنـه.. سحبـت رغد يدهاا منـه..ولفت تكمل طريقهاا الرجـال:اديـناا فيس طيب! عرف من خلال خبرته ان اللي مثلهاا مايجي بـ الحكي المعسول مشى بـ خطواات اسرع من خطواتها وهو عاارف او متأكد انها من جووا ترتجف من الخووف وقف قداامهاا:لم أكلمك..تناظريني فااهمه؟؟ رغد:ابعـد يا.............."وسكتت لانها تحت رحمتـه" الرجـال:ههههه..اسمي تركي ياقلبوو رغد كانت تتنفس بـ صعووبه كان تخاايفه منه ومن شكله اللي كاان طااغي في الوساامه.. عيـونه الحـاده وابتسامته اللي تدخل على غرور طووله الفرعووني وعضـلاته اللي زادته رجوله وواخيرا سماار وجهه والديرتي الخفيف مع السكسوكه..بس على جمـاله الا انه كاان وحشـي تعدى"تركي"..حدوده هـ المره في انه شـال وبـ خفـه طرحتهاا اللي كانت مغطيه وجهها المزين بـ مكيـاج خفيف.. رغد من الخـوف اللي كان مختلط مع عصبيـه..بـ شكل آلي عطتـه............... طررررررررررررررآآآخ!!!!!! حست ان الكره في ارضهاا الحين...طالعته بـ غرور مثله..ومشت عنه بس قبل لاتمشي رمت..:حقيــــــــر! ولـ حسن حطهاا انها يوم وصلت لـ الباب كان ابوهـا وااقف ومعااه عزام ولمـى اللي فررحوا بـ شوفتهاا.. طالعها تركي وهو مااسك خده...مرر اصبعـه عليـه وابتسم.. تركي:هـه!..والله ويبي لك لعبـه ياانتي..بس صبر مافي احد يمك يده على تركي بن متعب ويطلع منهاا...اعلمـك منهو الحقيـر.. {..رجـاءً ابتعد عني...انا مو ناقصـه اللعابك.. \ / \ / - انتي وش تقولين؟؟..ناويه تفشليني؟؟ دانه وهي تصيـح:تكفـى حمد لاتزوجني ايااه..الله يخليك حمد رحمهاا:طيب ليه؟ دانه:ماأبيــه..ماأبيـه..الله يخليك افنـع امي حمد:بس انا عطيـت الرجال كلمه وعيب اترااجع فيهاا.. دانه:الله يخليك حمد..تكفـى...انا اختك الوحيده حمد:ان شالله!..ابقول لـ امي بس ان حسيتي بـ تأنيب الضمير وحسيتي انك بتحطيني في موقف"سخيف" انا موجود وطلـع عنهاا \ / \ / كانت في غرفتهاا تسـمع لـ فيروز اللي ادمنتهاا من يوم حبتـه..هـ الحب اللي جا فجـأه..يمكن لانه كان كل يوم يكبر بـ عينهاا..مو مهم كيف حبيـته اللي تعرفه انهاا تحبـه وبس همسة؛فيروزيــة:{{يَقُولُوا الحُبْ..يُقْتُلْ الوَقْــتْ..//وَ يَقُولُوا الوَقْــتّ يُقْتُلْ الْـ حُ ـبْ..! دمـوعهاا تنزل كيف لا وهي بتنزف لـ غيره..تذكرت حلمهاا اللي حلمته.وكيف انهاا كانت بتنزف لـ فراس بس تفأجأة بـ شخص ثااني غيره... الله يصبرني على هـ الحب..غير ناجح ومن طرف واحد..! \ / \ / دخل ناصر الكرت وولعت اللمبه الصغيره الخضرا اللي ع الباب يعني تقدر تدخل الغرفه.. دخلوا ناصر وملاك الغرفه وعلطول دخل ناصر لـ الحمام"الله يكرمكم"..وملاك وصلت لـ السرير ورمت شنطتها وحطت راسها ع المخده..وسرحت بعيـد جالت بـ نظرها ع الغرفه.. لـكـن! استوقفها شي..كان فوق الطاوله القريبه من البلكونه..قامت ومشت بـ خطوات متعبه بعد المشي اللي مشته في المول..ومسكـت هـ الشي بين يدينها الصغار اللي يزين اصبعها خاتم راقفها من اياام الخطـوبه! مسكت العلبه اللي كانت بيضـا ومربوطه بـ شريطه حمـراا انيـقه وتفـوح منه ربحة عطرها المفضل"نينا ريتشي"ماكانت الريحه عن سلسلة الهدايا اللي كانت تجيهاا من قبل.. مسكت الشريطه بـ اطراف اصابعهاا وجلست ع الكرسي وفكت الشريطـه...وبعدها شالت الغطـاء حق العلبـه..كانت ملياانه بـ قصاصات الورق الحمراوفوقها علبه صغيره..مسكت العلبه وفكتها سلسلة اللمـاس ناعمه..مسكتهـا بين اصابعها وقعدت تتأكلها بـ عيون تلمـع قطع عليها ناصر اللي طلع من الحمـام ومعاه منشفه وينشف وجهه ويدينه ملاك بـ براءه وانبهار:ناصر شوف! ناصر بـ استغراب وحواجبه معقوده:وش ذا؟ ملاك متحمسـه بـ الحكي:أكيـد من ابوي.. دخلت اصابعهاا بين قصاصات الورق وسحبت شي واخيرا طلعت ورقـه ملاك:رسـاله من بابا ناصر بـ لامبالاه:وش مكتوب فيهاا؟ ملاك بـ صوتها الناعم ودلعها التلقائي:نصوري اصبر بقراها واقولك ناصر وهو ماد يده ل ملاك عشان يقرا الورقه:اتركيني هـ المره اشووف ملاك وهي تعطيه الورقه:طيب بس بـ صوت عالي عشان اسمع ناصو وهو يفتحها: ok "مـلاآآكي الغاليه..وصلني خبر زواجك فرحت لك من قلبي تمنيت اني كنت موجود عشان امسك بيدك واسلم ناصر الامـانه الغاليه..بنتي وجبيبتي ودلوعتي..تمنيت لك التوفيق والخير والحيـاة الهاديه..مع زوجك وولد عمك نـاصر!..أللي ماراح يقصر عنك بـ شي مـلاكي!..اشتقت لك ولـ براءتك ودلعك يالغاليه اشتقت لك شوق اكبر من انه وق انسـان محبوس بـ مكان ضيق ومظلم..اشتقت لك في الثانيه 60 مره.. ملني صبري وانا مليـته مايهم,المهم اننا نبادل بعض نفس الشعور عشــــان كذا..!انا قررت اقابلك.." أطلقت ملاك شهقه عفويـه..رفع ناصر عيونه لـ ملاك طالعهاا..ثم نزلها وكمل.. "قررت اقابلك عشان ماأتعبك وياي انا جيت لـ الهوليدي ان مطرح ماأنتي وزوجك موجودين..ماأوف من كثر الحكي فايده..ملاك اتمنى اشوفك ب الكوفي شوف الخارجي ل الاوتيل السـاعه 6 بتوقيت ماليزيا..ابيك تكزنين هنـاك لـ حالك..وزوجك يمديناا عليـه..لاتنسين موعدنا اليوم لانه يمكن مايتكرر.. اتمنـى تكونين بـ خير الين ذاك الوقت بـ حفظ الرحمن أبــــوك.." كانت في غرفتهاا تفكـر بـ اللي صار لهاا..هي الغبيه ليش تروح لـ وحده مثل سمر..! شعور غريب..يوم كلمت ناصر حست بـ تأنيب الضمير أتجاهه..بس خلاااص توبه تروح لها مره ثاانيه.. عزام:فقدتـك..ياعز النااااااس..فقدت الحب والطيـبه..وانا من لي بهـ الدنياا سوواك ان طالت الغيبـه... رغد:ههههههههه..بسم الله متى دخلت؟؟ عزام:من تقريبا.."يناظر ساعته"...14 دقيقه  ثواني ولحظتيننصااب مايعرف لـ السااعاات رغد:ههههههههه..وين لمى؟؟ عزام:تناظر وم وجيري..الا وينك مالك حس ابد رغد:ابد كنت اهووجس عزام يغمز:أيــه..في حبيب القلب رغد:ههههههه..منت سهل والله..ماتنحقر عزام:نياهاههااهااا.. رغد:انا يوم اني كبرك كنت استحي اقول كذا..يالبزر عزام:هااااااااه!..مو كذا يارغووده..عيب ياماما عيب.. رغد:هههههههههههههههه..والله انك مهوووووي!..امش بس نروح للـ الصـاله \ / \ / نعس ناصر عيونه..ورمى الورقه بـ حضن ملاك.. ورمى نفسه على السرير..وحط يده تحت راسه ومد رجله اليمين وثنى رجله اليسار ملاك عيونها كانت حايرهماهي عارفه هي فرحاانه ولاخايفه بس الالحين مستغربه ولا اهتمت لـ ردة فـعل ناصر ناصر وهو حاط اصبعه على شفته السفلـى:ليش ابوك مايبيني؟؟ ملاك بـ عيون تلمع بـ دموع بريئه:لاحبيبي ناصر..أبوي يبيك ويحبك لانوبينته تبيك وتحبك لف ناصر وجهه عنها لاتبين السعـاده على وجهه وهمس لـ نفسه:احبك ياملاك والله احبك ناصر يحاول يكابر:وانا ماراح تاخذيني معاك؟؟.. ملاك ويدها على فمها وقامت من الكرسي وجلست جنب ناصر وحطت يدها على رجل ناصر المثنيه:نصووري..انا آسفه بس ماأقدر ابوي بيشوفي لجالي.."وبـ ابتساامه"..بلكـن بيقولي سر؟؟ لف ناصر وجهه:لا خلاااص انا زعلت! ملاك وفمها مقوس لـ تحت:نصووري الله يخليك ناصر يهز لااسه بـ لا وهو مغمض وماد شفته:لالالا ملاك وهي شوي وتصيـح:تكفـــى ناصر وهو يقوم بـ سرعه:أقــــــول! غمضت عينها كأنها خايفه يسوي بها شي ناصر:اقوول مالت على اللي يزعل منك..امشي بس من زماان ماضميتك من الصبح واحنا الحين العصر.. ملاك:هههههههه..:ومدت يدها له"..يلااا ضمني نصووري مسك يدها وسحبها وبـ خفه وجلسها بـ حضنه وباسها بـ جنب اذنهاا وقال بـ صوت هماس:يعني بتروحين لـ أبوك لحالك؟؟ ملاك تهز راسها:اايه بروح لحالي ناصر:يعني ماراح تخافين؟ ملاك:لاه ناصر:اجل خليناا ننزل ونتغدا عشـان نرجع وننام ويمديك تروحين ملاك وهي تقوم:ان شالله \ / \ / - البنت مو من تفكيـرك ياتركي تركي يكلم بنت اخوه:كيف يعني مو من تفكيري؟؟.. سمر:يعني انت ياعموو تعود على البنات الـ حركاات نص لفه..وهي مو من هـ النوع تركي يبتسم:هـه!..ليه في انوااع من البناات سمر عدلت جلستها ع الكنب الانيـق:معقووله تركي مخقق قلوب العذارى مايعرف ان البنات موب دزاين واحد؟ تركي:هههه..عجبتني مخقق...المهم انا ادري ان البنـات مو دزاين واحد بس من طريقة كلااامك وااضح انهاا كلـش مارح تلقيني بـال سمر:ايووه عليك نوور تركي:لا ياقلبي..البنت تحب الحكي الزين ولاتنسيـن نظري ذاات السحر الـ.. سمر:لاحوووول..ترااك ذليتني على هـ النظره تركي:اقوول اها بس..ترااي عمك كانك نااسيـه سمر:لامانسيت..المهم انا من خلااال تقيمي لهـ البنت وااضح انها من الطبقه الكادحه تركي:هههههههه ايوه سمر:وووو..عليها عزة نفـس مو بطبيعيه..عندها اخوين واخت واحد كبير وواختها واخوهاا صغار وامها ميته وهي اللي متوليه مسؤليتهم تركي:عااد شكلها صغيره سمر بـ غير اهتمـام:21..مو صغيره تركي:ههههه..21..حلوو..صغيره سمر:الا وش سر هـ الاهتمام الزاايد؟ تركي:دخلت قلبي سمر فقعت ضحك:ههههههههههههه..العب غيـرهااا! تركي وهو يقوم:لاتصدقين...المهم هااتي رقمهـا سمر تفتح جوالها:اوكي..بس مثل ماقلت لك ماراح تعطيك وجـه تركي:بنشووف المهم ان طالع ارسلي ايااه بطاقة اعمـال وطلـع \ / \ / وصـارت السـاعه6 وقت الموعد ملاك تعدل حجابها بـ المرآيـه وناصر منسدح ملاك:يللا ناصر انا الحين ماشيه ناصر:اوكي..وانا بنام لي شوي..اسمعي تو سمعتهم وانا بـ اللوبي ان الاصنصير معطل..انزلي من الدرج لايوقف عليك بسم الله عليك ملاك تبتسم:اووكي...بااي نصووري ناصر:بايااات طلعـت ملاك من الغرفه ورااحت بـ أتجااه الدرج ونااصر بعدها من غير لاتدري بـ اتجااه الاصنصير ووصل لـ اللـوبي قبلهاا وصلـت ملاك الكوفي شوب اللي كان فااضي الا من شخـص...شخص كان لابس شمـاغ..ومتلثم فيـه ملاك تكلم روحهـا:شماغ وبـ ماليزيا..غريبه..اكيـد انه..انه بسـرعه راحت ملاك لـ الرجال الغريب اللي منزل رااسه ولابس شمـاغ وثوب بـ ماليزيا ملاك بـ دموع شوق:بابا!... مارفع الغريب راسـه..بس كتب لها بخط يده اللي حبـته مع الاياام "ايه نعم انا ابوك يامـلاااكي" ملاك:يبـه ارفـع هذا عن راسك وكلمنـي!..شيـل هذا.. وحـاولت تشيـله بس"ابوهاا"بعد عنهـا.. ملاك ودموع الشـوق زاادت:بـابـا! وقـف"ابوها" مكانه ومو قدار يتحمل دمووعها الغاليـه.. قربت ملاك وشالت الشمـاغ.......... \ / \ / جالسـه بـ غرفتهاا.. سمعت صوت دق البـاب مشاعل:ادخـل! دخلت ام فهد عليهـا:هلا مشـاعل مشاعل تبتسم :هلا يمـه! ام فهد سكرت الباب وراها وجلست عل اركسي بجنب مشاعل.. ام فهد:اممممممم...مشاعل انتي تبين زيااد؟ مشاعل ليه؟؟ ام فهد:انا ادري انك دااريه عن سالفة الدين مشاعل:هاه؟..اي دين؟ ام فهد:مشـاعل؟...انا امك واعرف مشاعل:.............. ام فهد:شوفي يا مشااعل..الدين وتسدد..وانتي موب مظطره انك تتحملين شي عن ابوك مشـاعل:تسدد؟ ام فهد:أيـه..ابو نوره ونورس سدده الله يعافيـه مشاعل :ابو نووره؟ ام فهد:ايه مشاعل:لالا..ابوي مو بـ حاجه لـ فلووسه خليها له..انا بسدد دين ابوي ام فهد:ليـه نرد المسـاعده مشاعل:قلت لا...وربي يمه ان اخذتوا الفلوس منه مدري وش بيصير فيني تكفيـن يمه لاتاخذوونهاا ام فهد:يعني اقول لـ ابوك يردهاا..وتاخذين زيااد؟ مشاعل:ايووه انا رااضيه ام فهد تقوم عنهاا:بـ رااحتك.. \ / \ / جحظـت عيون ملاك..وضربتـه كف هز اركــان الكوفي شوب.. همسـة؛شكر:{{شكـرا...لجرح كانت فيـه.. //صحوتي !! كف مستحــيل يطلع من ملاك..البنت الناعمه والرقيقه..بس طلـع.. وطلــع على خـد.."نـــــــاصر" ملاك وعيـونهاا اللامعه مثل البلور:انت!..."وحطت يدها على فمهـا" رمى ناصر الشمـاغ واللتـزم الصمت القـاتل...! أنتهـت اللعبـه!! نِدَآءُ آلرُوؤحْ likes this.
__________________ " class="inlineimg" /> |
|
#19
10-15-2013, 04:40 PM
| ||
| | ||
| ×..الفصل التـاسع..× >..:..الجزء الاول..:..< قاس هو موقفك حين تقف اما زجاج.. يرقد خلفـه نصفك الاخر.. قـــاس جدا حين يمنحـوك خيارين .. احـلاهما مـر..؛ فـ أما يعيش معك بلا حراكـ..لكن بـ قلب نابض.. او..يتوقف نبضـه لـ الابد ها انا انظـر لـ ذات القلب الطـاهر.. والشكـل الملائكي..مستلقيه على السرير.. الابيض والبيـاض يكتسي كل ماجوارهاا.. وقد فقدت معظم اجهزتها عملهـا..! تقدمت لها بـ خطاري وانا اركـع على ركبتي..! ودنو منها لـ اهمس في اذنهاا :حيـاتي والله مشتـاق لـ سوالف حيل. وتلتمع عينااي بـ الدمووع..! رفعت رأسي لعلي ارى ملامحها..لعلي الحظ الخجل الذي بات يميزهاا.. حين تخجل لـ تزداد جمالا! لكـن ابت حالتها ان تسمـح عدت لـ أهمس:اقسـم لك بـ رب الكون اني احبـك..وبنتنا مالها غيرك بهـ الحيـاة وان هـ الكون بليـاك ضااق فيني.. وهنـــا بدأت دموعي الرجوليه بـ الانسكـاب رفعـت رأسي لعلي ارى منها تلك الدموع التي لـ طالما حين انطق "احبك" فتقف عاجزه عن الرد فـ ستنجد بـ دموعهاا.. لــــكن لادمووع! بل اجابتني الاجهزه التي حولهـا بـ الصراخ كأنها تستدعي الاطبـاء.. وفعـلا ها انا ارى جمـع من الاطبـاء والممرضين يلتفـون حوالها..ويحاولون اسعافهاا.. لكــن..هاهي احذى الممرضات تقترب لـ غطي ملامح حبيبتي وتحجبها عني.. صرخت بها:هـي!..حدك عااد الا زوجتي,,شيلي يدك عن وجهها ووخري ذا الممرضه بـ برود الكون واسلوب جااف:زوجتـك ماتت والبقـا بـ راسك.. لم تتم الكـاف حتى زحزحتها من كانها بـ صفعه استقرت على خدها الايمن.. يليها:لاتفاولين عليها هي نايمه شوي وبتصحـى بس فكينا من شرك وبـ صوت متحشرج:تكفيـــــن! بدأت تتزاحم في ذكرياتي جميـع تلك الذكريات واللحظات التي كانت تجمعناا.. كانت بـ النسبـه لي جنة الدنياا..واسعد لحزاتهاا وهي بـ جانبي خطاي تتراجع للـ الخلف حتى اصدمت بـ الحـائط لـ اغلق عيني بـ شده لااريـد ان اعي انها ذهبت ورحلت هواء لايختلط بـ انفااسهاا.. لااريـــــد لا..أ..ر..يـ...د!!! اخذت ابكي بـ صوره هستيريه.. اخذت ابكي كـ طفل صغير احتضر واليه امامه..هاهم النـاس يحاولون تقيدي.. وهاهي زوجتي وحبيبتي تبتعد عني فوق اكتافهم.. منعنوني من مرافقتها ل مثواها الاخير لـ عدم تماسكي..كيف اتماسك واصبر ومن علمني الصبر فقد صبره ورحل وهي من كان يمدني بـ القوه والتحمل كنت لاابالي بـ لاهانات والتقليل من قدري لأنني مكتمل بـ وجودهاا وهاهي قد رحلـت كل ماحولي يضيق بس كل ماحولي ينسحـب.. كل ماحولي يذبـل ليسقط كـ اوراق خريف -أبــوووووي!..يللا قم قـام بندر على صوت بنتـه..اللي شكل صار لها سااعه تدق البـاب بندر:طيب طيب جااي مشاعل:انتظـرك.. شرب بندر من المويـه اللي بـ جنبه..مر على وفـاتهاا 16 سنـه ومو رااضي ينسـى..هـ الموقف يتكرر عليه في كل مكان..في نومه وصحوته.. الله يرحمهـا \ / \ / -عجبتك الحفله اللي سويتيها تحت أمس؟؟..وفوق كذا ماتتكلمين؟؟ ماردت عليـه من بعد موقفهاا معه امس وهي ماتكلـمه..يمكن هذي هي صدمتها اللي جت متاخر..بـ وفـاة ابووها ناصر:ملاك انا اكلمك ردي علي ملاك:...................."لارد بس دموع" ناصر:اوكي ..بس حبيت اقولك ان بكـره ان احنـا في الريـاض..! ماردت عليـه.. دخل ناصر الغرفه وضرب البـاب بـ رجله .. ناصر وهو يرمي نفسـه ع السرير:آآآآخ ياقهر..انا وش سويت؟؟..هـ الشي صح ولا غلط.. انا لازم اوديها لـ سعود \ / \ / دخـل شقـته..هـ الشقه شاريها له من زماان.. احيـانا يبي يجلـس في مكـان لـ حاله..بس هـ المره يحس ماله خلق لـ أي شي فتح جواله لقـى اتصـال من ريمـا أتصـل عليها ريما:آلووو سعـود:هلا ريماا..داقه علي؟؟ ريما من سمعت صوت سعود وبدت تصيـح يمكن تحس بـ الامـان بـ وجوده او بس بـ سمااع صوته:سعـود عبدالملك خطبني!!!..وش اسوي؟؟ سعود انصدم لهـ الدرجه جرئ هـ الانسـان:متى؟ ريما:من تقريبا اسبوعين بس ماعطيته رد تمويه لـ عمي سعود:عمك؟؟..وابوك ريما بـ سخريه:ابوي توفى من زماان سعود:.آ..آآسف ريما ماكنت ادري..عظم الله اجرك ريما:حتى لو عاايش ماراح يتغير شي... سعـود يغير الموضوع:عندك نيـه توافقين؟؟ ريما:ماأعرف..ماأدري سعـود:مشكلـه صرااحه..ولا ناويه تاوفقين؟؟ ريما:سعود انا آآسفه لاني دخلتك في مشـاكل انت في غنى عنهاا سعـود:هذا واجبي ياريماا...وانا كـ طبيب لازم اسـاعد مرضااي.. انجرحت ريما منه كونها مجرد مريضه بـ النسبه له..وولا شي بـ حياته ريما:انا فكرت اسـافر وأبعـد عن كل شي سعود:تهربين؟ ريما:ايه..المهم ارووح!..انا ملبقى لي شي خلاااص سعـود:ريما اصبري علي شوي..بـ احااول احـل المشكله..اوكي؟..وان مانفع ساافري وسوي اللي تبين ريما:اوكي!.. \ / \ / في اليــوم الثـاني رجعـوا ملاك ونـاصر طبعـا بدون أي كلاام بينهم..ووقت الضروره ناصر هو يتكلم او يلقي الاوامر وملاك تنفذ من غير كلام..ودمووعها تعرف مجاراها على خذها الحريري وصلـوا للـ البيت رغد:يـاهلا ويامرحبـا.. عزام:هلاهلاههلا..توهاا مانورت الريــاض ناصر:ههههههه..منوره بـ اهلهاا.. اشر ناصر لـ رغد انهاا تاخذ ملاك لـ الغرفه لا اريد ان اصدق الخبر لا اريد ان افهم معنى انه ذهب بلا رجــــوع لا اريد ان اعي معنى ان امي تأن الم وحزن وابي ذهب لا اريد ان ارى العالم من حولي ضعيف امام هذا الخبر القــوي أحبه رغم انه لم يعد يستنشق هواء هو هواءنـا ولا يسكن فوق ارض هي ارضنــا رحمك الله يا من سرى بدمي حبه "الابوي" الصـــادق أحبك ابوناصر:وش في مرتك ياناصر؟؟ ناصر:لابس تعباانه من السفر ابو ناصر:لايكوون مزعلهاا؟؟ ناصر:لايبه ملاك في عيوني ابو ناصر بـ شك:ابروح اشوف ناصر:مو لازم يبه تعاال انا مشتااق لك مووت ابو ناصر:انت لاحق عليك..ابروح اسلم على بنت اخوي ومرة ولدي رغد:وش فيك ملووكه ملاك وهي جالسه ع السرير وعيونهاا الملياانه بـ الدمووع:مـات رغد ارتااعت:منهوو؟ ملاك:أبووي!..مات يارغد رغد راحت لها وضمتهاا..اكثر من ممكن يعرف مشاعرهاا رغد لانهاا فقدت امهاا بعد من 3 سنين بس.. رغد:الله يرحمـه...ادعي له بـ الرحمـه يارغووده دخل ابو ناصر وشاف ملاك بهـ الوضع ابو ناصر:ملاك يابنيتي وش فيتس؟؟ ملاك وهي تصيح:ابوي !..خلااص مات اخذ ابو ناصر ملاك لـ حضنه ومسح على شعرهاا...هـ البنت يتيمه ولو تبلغ الـ 30 بتظل يتيمه في نظره ابو ناصر:افاا ياملاك..انا ابـوك..اي شي تبينه قولي لي يبـه ابغاا وانا اجيبه لك ملاك:يبـه؟ ابو ناصر:ايه قولي لي يبـه ابتسمت رغد وهي تشوف ملاك..بس قطع عليها .. صوت جـوالها بـ رقم غريب.. عقد حواجبهاا.. طلعت برا عشـان ترد..ظغطت على رز الرد..بس ماتكلمت الصوت:آلوو؟؟ كان صوت رجـال الرجـال:هلا رغـد!..لـيه ماتردين؟ رغد:مين؟ الرجال:افاا!..مسررع مانسيتي صوتي؟ رغد وكأنها تذكرت صاحب الصوت:انت!؟؟ الرجال:هههه لازم تنسين..اسمي تركــــي!>>ياخف دمي رغد:والمطلوب طيب...ياخي انت مافيك ذرة رجوله تدق علي بنات النااس؟؟..ماعندك خوات؟ تركي:لالا..ترا ازعل منك رغووده.. رغد رغد خافت من نبرته الواثقه:لا يكثـر بس وسكــــرت الخط في وجهه نزل تركي السـماعه من اذنه وابتساامته مو مفارقه وجهه \ / \ / مر اسبوعين.. ناصر كان ناوي انه يروح لـ سعود يسأله عن حركته في ملاك هل صح او خطـأ ..او يمكن تأثر على صحتها او نفسيتها..الى الان ماعرف كانها رجعت مثل اول او لا تذكر انهم طول هـ الاسبوعين مايتكلمون ابد..وان البينهم من كلام كله من طرف ناصر وبس اما ملاك وتنطـق بـ ولا كلمه نزل ناصر الدرجات وهو يهرول لانه تأخر ع الشغل..اخذ له فطاير ع السريييع وراح لـ شغله حتى من غير لا يقول بـااي.. رغد:يااويلي رااح...من يوديني الجامعه الحين؟ ملاك:دقي عليه طيب؟ ابو ناصر:خلاااص انا اوديك..يللا رغد وهي تاخذ عبايتهاا:ملاك ماراح تروحين لـ المدرسه؟؟ ملاك:لا..ابرتااح اليوم رغد:اوكي براحتك..يللا باي وطلعـت..! ركبت سيارة ابـوهاا..ورن جوالها المتصل>>رقم تركي رغد:افففففف...نشبـه ابو ناصر:مين؟ رغد:هاه!..لا وحده من البنات داايم تدق تبي تنقل مني محاظراتي ابو ناصر:طيب صيري كريمه وعطيها رغد:لالا..هي داايم تضيّعهم \ / \ / - كيف اجهر يمه وانا مدري متى حظرته يرجع؟؟ ام فهد:دامك ماتبينه ليه تردين فلوس ابو نوره المسيكين مجتهد وجايبهاا مشاعل:احنا مو بحاجته..المهم متى بيرجع زياد العزيمه اللي المفروض تكون زواجي بعد تقريبا اسبوع وحظرته ماشرف من المانيا ام فهد:يقول ماجد انه بيوصل اليوم ان شالله فـ الليل اول مانطقت ام فهد اسم ماجد دخـل.. ماجد:السـلام عليكم الكل:وعليكم السـلااام ماجد اول مادخل على طوول راح لـ درج.. ام فهد:وراك ناصي الدرج على طوول اجلس معنا ياكافي ماجد وواضح انه يفكر:لا..ابروح اناام.."وتوه بيرقى بس تذكر شي"..يمه ترا البنت رفضت ام فهد حطت يدها على صدرها:هو!..هماها وافقت؟؟ ماجد:أيـه بس صارت تبي تكمل دراستهاا ام فهد:موب لعب عيـال هو..تقول موافقه ثمن تهوّن ماجد:انا عاذرهاا.. ورااح فوق جلست ام فهد وهي تحلطم.. مشاعل:هههههههه..يمه خلاااص دوري له وحده ثانيه ام فهد:ماأظن ماجد بيوافق...الله كريم...الله كريم \ / \ / الســاعه 2 الظهر وقت خروج رغد من محاظرتهاا.. اتصلت على ناصر اللي جاها بعد مالطعها شوي ع الشمـس طلعت لقته يوسلف مع واحد طويـل القــامه وعريض ونظاره شمسيـه مخفيه نص ملامحه ناصر اشر لـ رغد انها تركب على مايكلم الرجـال دققت رغد في وجهه...عرفته..تركي؟..وش جابه عند ناصر؟؟...وكيف يعرفه ثـواني وركب ناصر ناصر:آآسف تأخرت عليك؟ رغد نست اللطعه اللي انطعتها تو:لا..من هذا؟ ناصر:هذا عم صديقتك بنت الـ(.....) رغد:اهاا..وش عرفك فيه؟ ناصر:ابد!...ألرجـال باين انه ولد نااس ومحترم..جلس يسولف معي...عاد تصدقين في البدايه استثقلت دمه بس بعدين والله انه وسيـع صدر..أسمه تركي رغد بـ لامبالاه:اهاا..! \ / \ / - حلوو..يعني فكيتي عمرك دانه:ايه الحمدالله انك نبهتيني ولا كان تزوجته وبحلت بـ عمري منى:امممممممم...ساعات الواحد يحتااج مخ زي مخي عشاان يفكر دانه:يالثقه منى:خخخ..المهم امك وش قالت يوم درت انك ماتبينه دانه:ابد اخذت لي تهزيئتين حلووات..وبٍس..مستحيل امي تغصبني على شي \ / \ / - هلا يمـه!...الله يسلمك ام ملاك ماسكـه السماعه:والله ياملاك البيت بلاك ولا شي..حتى مشـاري فقدك ملاك:هههه..يمـه انا صار لي 4 شهور ماطلعت من غرفتي ام ملاك استانست انها خلااص معد تقول"قبري":بس والله لك فقده ملاك:اوكي يمـه ابكلم ميشوو بدك شي؟ ام ملاك:لا سـلامتك ونتبهي على نفسك وناصر ملاك:ان شالله ام ملاك:مع السـلامه سكرت ملاك من امهاا وكلمت بنت عمهاا اللي تحبهاا مثل أختهاا او اكثر..مشـاعل مـن بكره وفي اليوم الثـاني.. رغد تكلم ناصر اللي لي الحين ماجااهاا.. رغد:يالله ياناصر..متى تجي يعني؟ ناصر:اوكي اوكي هذااني طالع الحين من الشغـل رغد:اففف...منك!..يللا انتظرك طلــع ناصر من الشغل وركب سيارته... لم مشـى شوي حس ان في شي مو طبيعي..لم شااف لقـى ان كفرات منسمه>>لوول..k.s.a -يعني التاير او الكفر او الاطار مافيه هواا..لووول- وقف ناصر مايدري وش يسوي رغد هنـاك مععصبه مرره يـأس اخرتها فكر ياخذ تاكسي..بس المكسين وقف ربع سااعه عند الشمـس..ولا في اصر لـ أي تاكسي.. مرت من جنبه سياره فخمـه...روزرايز... وقف صاحبه بـ جنب ناصر ولم فتح الشبـاك..عرفه ناصر على طوول تــــــركي! تركي:هلا والله..يامحااسن الصدف ناصر:ههههههه..ياهلا بك تركي:اخبارك؟؟ ناصر:والله تمام.. تركي:ههههه..موب شكلك ابد تمـام ناصر يناظر سيارته:والله الكفر منسم الله ياخذه تركي:افاا!...حظك شين اليوم ناصر:انا اشهد تركي:اركب انا بعد رايح لـ الجامعه ناصر:وش دراك اني رايح الجامعه؟ تركي ارتبك:هاه!..ايه خمنت لان اختك مع بنت اخوي ناصر مستغرب منه اللي في مثل طبقته مايروح يجيب بن تاخته او حتى اخته من الجامعه..لان اللي مثلهم يكون عندهم 100 سواق وسياره رفض ناصر انه يركب بس تركي اصر انه يركب..وبعدها انصااع ناصر له وركب "عند رغد" رغد تنظر ساعتها:افففف..لاحوول وينه ذا؟؟... رن جوال رغد استاانست على بالها ناصر المتصـل>>ملووكه رغد:هلا لوووكه ملاك:هلا رغد وينك؟؟ رغد:انتظر ناصر ماجاا لي الحين ملاك:ماجااك؟؟..انا جابني من المدرسه طيب رغد :ايه مو انا اطلع بعدك بـ ساعه ونص ملاك:اهاا..اوكي اجل انتظرك رغد:اوكـ!..بااي سكرت رغد من ملاك وعلى طوول دق عليها ناصر رغد اول ماردت:مبكـــــــــر! ناصر:اوف اوف..طيب وش اسوي نسم الكفر علي رغد:ايه ايه صررف ناصر:هههههههههههههه...رغووده حبيبتي..انا اخوك حبيبك رغد:وفـر تمليحك للـ البيت..الوعد هنـاك ناصر:ههههههههه..يللا بس اطلعي..وانا اوريك رغد:اوكي.. طلعـت رغد من الجامعه لقت ناصر واقف عند الباب..مشت معه رغد:وين ملبق سيارتك انت؟ ناصر:مو سيارتي سيارة تركي رغد بـ روعه:تركـــي؟ ناصر:ايه نعم..تووركي رغد:من تركي..عم سمر؟ ناصر:يب وصلـــــــوا للـ السياره ورغد مييته خوووف.. تكلم نفسها:مافي شي يخووف يارغد..معاك اخوك خلاااص مافي شي يخووف يارغوووده الحلووه..لووول ركبت وقالت السـلاام عليكم بـ صوت هاامس بس تركي رد بـ صوته اللي انطبع في ذاكرتها:وعليكم السـلااام ناصر:الا صح وين بن اخوك؟؟.. تركي ارتبك:هاه!..ايه..ماجت اليـوم رغد تبي تحجر له لانها عارفه انهاا خطه من اعداده وتنفيذه:بس انا شفتها اليوم تركي ناظرها في المرايه ورفع حاجب..الي الان تخااف من عيونه:بس انا كلمتها اليوم..وقالت انهاا غايبه رغد:لا..انا اليوم شفتها وكلمتها بعد..وسولفت معي طبعـا رغد صادقه وتريكي هو اللي يكذب تركي يطلـع جواله ويدق على سمر..وحط السبيكر متجاهل وجوده ناصر سمر:آلووو.. تركي:هلا سمر وينك؟ سمر:بـ البيت.. تركي:داومتي؟؟ سمر:يوووه ياعموو كم مره لازم تسألني؟؟ تركي:طيب جاوبي سمر:لااااااء كمـل تركي كلامه مع سمر بعد ماطفـى السبيكر.. رغد انصدمت يعني سمر في صفـه..مو مشكله ماراح يقدرون علي مو لأنهم اعلى مني معناها ان الدنيا صارت فوضـى.. \ / \ / رجعت اشواق من الجامعه ورمت شنطتهاا ع السرير..فكرت تتصل على مشاعل..بس ذكرت انهاا مقفله جوالهاا من يومين .. كل هذا يسويه العرس؟؟.. راحت تتوضى وتصلي الظهر لانها فاتتها في الجامعه وناامت \ / \ / مر الوقت بطئ على مشـاعل اللي استعدت استعداد كاامل لـ"زواجهاا"..من الشايب اللي الى الان ماشافته.. خلصت من صـلاة المغرب واستعدت لأنهاا تبي تروح تشوف ملاك من زماان عنهاا..صدق الزواج يلهي الواحد عن اعز النـاس له هذا وانا مابعد شفت البااشاا اخذت قهوتهاا ونزلت الدرج شاافت عمها ماجد يرقى الدرج وهو يكلم..أبتسمت له بس هو اشر لها انهاا ماتكمل نزولها لانها الظااهر يبيهاا ماجد:اوكي..اوكي..ابد ثوووووواني بس..ههههه..الله يحيك سكر ماجد وابتسم لـ مشاعل مشاعل:ايووه..بغيتني؟ ماجد:ايه..زيااد جااي بـ الطريق..ويبي يشوفك لان يوم المكله ماشافك مشاعل:امدااه يودي ابوه يعالج ماجد:هو ماكمل..بس ابوه اصلا ماله علاااج الظاهر..المهم مو هذا موضوعناا روحي غيري ملابسك مشاعل بـ عناد:حلوو لبسي ناظر ماجد لبسهاا اللي كان عباره عن بنلظون جينز سكني وبلوزه بيضا عليها رسمة كرفيتاا حمرا ماجد مايبي يعاندهاا:اوكي بـ راحتك.. مشاعل استغربت منه توقعت انه بيجادلها..من جدهاا بتدخل على زوجها كذا؟؟..اول مره يشوفهاا؟..ايه شاايب..بيظن ان هذي الموضه..خخخخخ نزلت الدرجاات وهي تحاول تتخيل شكله وكيف انهاا ماراح تتكلف في اسقباله ..احسن محد قال لهـ الشايب يتقدم لي او ع الاقل يفكر انه ياخذ فلوس من ابوي \ / \ / كان شعود جالس في الكتب حقـه يفكر بـ ريماا اللي احتلت جزء كبير من تفكيره.. طـق..طــق!.. سعود:ادخـل..!! دخلت بنت عمرهاا تقريبا...اعطيهاا 15 سعود ناظرهاا مو شكلهاا مريضـه البنت:السـلااام عليكم دكتوور سعود سعود:هلا وعليكم السـلااام نِدَآءُ آلرُوؤحْ likes this.
__________________ " class="inlineimg" /> |
|
#20
10-15-2013, 04:41 PM
| ||
| | ||
| >..:..الجزء الثـاني..:..< فزت مشاعل من مكاانها وهي تسمـع صووت الجرس..هذا اكيد زيااد نادت الشغـاله بس مافي رد رااحت لـ الدرج تذكرت ان ام فهد طالعه واخذت معها الشغـاله نادت ماجد مشاعل:مااااااااااااااااااااااااااااااااااجد!...يام جوووووووووووووود بس مافي رد..وابوهاا الحين المفروض طاالع.. مشاعل:امري لـ الله بروح طلعـت..فكرت تروح وتسحب عليه..ولا تروح تغير ملابسها ع الاقل بس خلااص لا مفر "الشايب" جااا..! فتحت البـاب ووجهها احمــر..كانت مستحيـه كثيــر - السـلااام عليكم ناظرت مشاعل "الشايب"..اللي دخل..ماكان شاايب ابداا.. شافت شـاب واقف قداامهاا يناظرها بـ ابتساامه لابس ثوب وشمـاغ وماسك معااه بشته ونظاره اللي كانت على جيبـه كان وسيـم وملامحه حلووه سكسوكته مملحته اكثـر وأكثر.. صنمـت مكـانهاا كنهاا شايفه توم كروز ولا شين وورد..لووول زياد:بسم الله عليك..وش فيك طرررررررآآآآآآآآآآآآآآآآآآآآآآخ سكرت الباب في وجهه.. ودخلت جووا البيت..بـ اطرااف ترتجف.. مشاعل:يمه من ذا..من ذا؟؟..وين الشيبه ..."تذكرت..وضربت رااسها على طوول"..لحظــه..يمكن هذا زيااد؟؟..انا من قال لي انه شاااايب!..ياغبيه يامشاااااعل..اففف..موب مشاعل الا مشــــاكل.. سمعت صوت الجرس مره ثـانيه.. مشاعل وهي عند الباب وترتجف:مـ...مين؟؟ زياد:انا زيـاد يامشـاعل افتحي فتحت مشاعل الباب ووجهاا احمر.. من الفشيله والحيـا..واصلا وقفتهاا قدام رجـال اول مره تشووفه من غير غطاا..تحسهاا غلط..صحيح زوجها بس ماخذت عليه لي الحين مشاعل شوي وتصيح:آآ..آآسفه زياد ماسك ضحكته:لالاعااادي.. مشاعل:تـ..تفضل! دخل مشاعل وهي تلعن وسب في نفسها اولا وفي الشبشب اللي ماغير يطلع صوت بـ سبب احتكاكه في الارض.. تحس ان زيااد ورااهاا فاقع ضحك عليهاا..او على شبشبها.. او على حركتهاا.. كل شي... \ / \ / شاف هـ الطفله اللي عنده واضح انها صغيره:اسف حبيبتي ماعرفتك رفعت البنت حاجب:اسمي وريف احمد..الممرضه الجديده؟؟ سعود:اهاااا..بس موب كن توك ع التمريض وريف:انا داخله مبكر وبعدين انا مو صغيره عمري 19 سنه..ومعهد التمريض سنتين بس سعود مو مصدق عمرها 19 سنـه..اممم...يمكن...ليه لا سعود:اوكـ..تفضلي شوفي شغلك..! وريف:ان شالله طلعـت وريف وهي كارهه هـ الدكتور اللي في نظرها وقح يقول حبيبتي لا ويحسب اني صغيره بعد \ / \ / - نوره..انتي متى ناويه تخلين زواجك؟؟ نوره:مدري افكر في الصيفيه نورس:الله!...بعيــد مرره ..خليه عطلة بين الترمين نوره:لالا عطلة بين الترمين قرريبه كلها كم اسبووع \ / \ / زياد:طيب كيف الجامعه؟ مشاعل:الحمدالله بـ خير الله يسلمك زياد:عااد ابيك تشدين حيلك مشاعل حايمه كبدها:ان شالله رن التلفون مشاعل:عن اذنك دقيقه راحت مشاعل ترد ع التلفـون مشاعل:آلووو؟ ....:آلوو..هلا مشاعل كيفك؟ عرفت مشاعل صااحب الصوت..اصلا كيف تنسـاه..:فراس؟ فراس:ايووه.. مشاعل:الحمدالله بخير..انت شلونك فراس:بخير دامك بخير..الا وين امي؟ مشاعل:طالعه..تبي شي؟ فراس:لا بس قولي لها فراس دق شاعل سرانه في صوته..ياكثر ماحلمت فيه..وفي صاحبه.. فراس:مشـاعل مشاعل:أ..أ.اوكي.. فراس:اوكي يللا .."يستهبل"..بدك شي؟؟ مشاعل:سـلامتك! فراس:الله يسلمك يارب..يللا في امان الله.. مشاعل:مع السـلاامه وسكـــــر \ / \ / دخلت وريف على سعود:دكتور..في مريض ينتظرك سعود هاتي الملف حقـه.. عطته وريف الملف ولامسـت يدها يده..سحبت وريف يدها على طوول.. ناظرها سعود مستغرب من حركتهاا بس ماعلق..حركتها مو عااديه صحيح في بناا يستحون بـ شكل كبير بس هذي في شي مريب في الموضوع طلعـت وثواني دخل المريض \ / \ / مايحـتاج اوصف لكم حالة مشاعل يوم سمعت صوت فراس..الحين هي لازم تدخل على زياد تبعثرت مليـون مره..دخلت عليه وهي تفكر بـ حبها له اللي كل يوم يموت زياد شاف وجهها اللي تغيـّر:مشاعل؟ ناظرته ولا تكلمت.. زياد:وش فيك؟ مشاعل:ولا شي..بس شوية صداع زياد:سـلامتك..تبين بندول مشاعل:لا مو الحين اذا طلعت اباخذ فهم زياد الطرده..:اوكي اجل انا طالع لان عندي شغـل..تبين شي يالغلا؟ مشاعل:سلامتك.. زياد ابتسم لها:اوكي..يللا في امان الله ورااح وهو متحطم بس حط لها مليوون عذر وحتى طردتها له على انها مستحيـه..وعذرهاا..لان قلبـه بدا يميل لهاا..وااضح انهاا خلووقه ومؤدبه وطيبه..وهـ الشي باادي على وجهها..يمكن مايقدر يحكم من الو مرره بس الايـام يتثبت رجـع من صلاة الفجر..!ودخل البيت لقى عياله ماناموا -اجل انا بروح انـوم..رغد لاتقوميني الا الظهـر لاني تعبان رغد:سـلامتك يبه ابو ناصر:الله يسلمك بس مصدع شوي."شاف ولده اللي منسجم مع التلفزيون"..عزام وش رايك؟ التفت عزام اللي مايدري وش السالفه والحليب راسم شنب على وجهه الصغيـر:هاه؟ ابو ناصر:وش رايك اروح انوم؟ عزام:ايه وشسمه ذا..يقولون النوم زين لـ الضحه ويقوي العظاام وااجد ابو ناصر:ههههههههههههههه.. راح باسه ودخل ابو ناصر غرفته..عشـان ينووم \ / \ / الظهـر في اليوم الثــاني -انا ممكن افهم انتي ليش ماتكلميني؟؟..تدرين كم صار لنا مانكلم بعض؟ سفهته وهذا الشي هو اللي تسويه من اسبوعين او اكثر..جلست ترتب التسريحه في الغرفه وهي معطيته ظهرهاا ناصر:ملاك الله يخليك وربي ماتسوى علي حركه سويتهاا..خلاااص ارحميني ملاك:..............."لارد" ناصر راح لهاا ولفهاا له..:ملاك كلميني ملاك:نعـم؟؟ ناصر:لي متى واحنا كذا؟؟..وربي مليـت ملاك تجمعت الدمـوع بـ عيونهاا ناصر:انا كنت ابي اصحيـك ملاك:كذا تصحيني...غرفت عقلي ناصر:مـلاك سامحيني وربي آآسف بس كثر حبي لك مدري وش اسوي..من قبل وانا احبك بس انتي ماكنت يتدرين..كنت اتمنااك زوجه لي..وحبيبتي قبل كل شي..بس كنتي صغيره واتنظرتك لين تتخرجين.. وحتى لم عرفت انك فقدتي ابوك حزنت عليك كثيـر..وماتتصورين قد ايش كانت صدمتي لم عرفت انك ماتطلعين من البيت ولا تشوفين احد..حاولت اعرف اخبارك ولما عرفت انك وصلتي لهـ المرحله ماكان في بالي الا هـ الفكره "الغبيه" اللي اتمنـى تسامحيني عليهاا ملاك نزلت دمعتها بس ابتسمت..تذكرت يوم تزعله وهو على طوول رضـى..خلاااص هذا ناصر ولازم ماتزعل ناصر:رضيتي؟ ملاك:وانا اقدر ازعـل من نصووري؟؟ ناصر:وهـ فديتك ياحبيبة نصوورك اذن العصـر رغد:عزام رح قوّم ابوي.. عزام:ياربيــــه!!..مابي.. رغد:عزاااااااموه انقلـع قووّم ابـوي..بسررعه عزام:لااااااااع بكمل الفلم.. رغد:امـس الفجر شايفه..رحححح عزام وهو يقوم:طيب طيب افففففف راح عزام ودخل غرفة ابـوه اللي كانت برودتها حلووه..ابو ناصر مايحب تصير الغرفه بارده لما يجي ينوم عزام:يبـه!..يبـه!..يللا قم اذن تراا...........يبـه!!! ابو ناصر:.........."لارد".. عزام خاف على ابوه:يبـه!..يبـه!... فـتح عزام اللحاف وشـاف وجه ابوه اللي تغيـر..حط يده على يد ابوه اللي بقـا له في هـ الدنيا بعد ماراحت امه.. كــانت يااااارده سكـر عزام اللحاف مره ثانيه ولحـف ابوه وهو يطرد الفكره من رااسه وطلــع..! \ / \ / دخلـت وريف على الدكتور سعود..وهي قمـة توترهاا..سعود مستغرب منها هـ الانسـانه ماغير تتوتر من جت وريف:في مريض جااي د.سعود سعود من غير لايناظرها لانه مايبي يحرجها او يتورها اكثر:اوكي خليـه يدخل دخـل المريض وسعود يفكر هـ الانسـانه بتسبب له لغز بعد غير مشكلة ريماا \ / \ / - عـزاام ليه ماقومت ابوي صلـوا الحين عزام:............"لارد" رغد:عزااااااااموه...ليه ماترد ساعه اكلمك عزام:............. رغد:عزام اكلمك انا ترا عزام :............. رغد:اففففف..الكـلااام معـاك ضايـع طلعت رغد من غرفة عزام وراحت لـ غرفة ابوهاا.. دقـايق وسمـع عزام صوت اختـه تنادي ابـوهاا..هذي اقـوى أشـاره ممكن يفهمهــا.. خلاااص راح هو بعد.. قام عزام من مكـانه..وركض لـ اخته..! دخل شافاها حاظنـته وجالسـه تصيـح ضمي مَلامح صورته ضميه .. لعله يفيق...! يَشهق .. أو يَردّ النَّفسْ..؛ ضمّيه لعَله حبس.. صٌوته .. رعشة عرٌوقه وخيم حزين الصمت فُوقه.., مات .. مات \ / \ / دخلت ريما على سعود طبعا بعد ماأخذت موعد ريما:هلا د.سعود سعود مستغرب من جيتهاا:هلا بك..تفضلي ريمـا:ممكن اعرف وش صاار على موضوعي سعود عصب منها..وش هـ الانانيه هو ماغير يفكر في موضوعهاا وهي جالسه الاخت وحاطه رجولها على مويه دافيه سعود:ان شالله خير..وانتي قررتي ايش؟؟ ريما:انا و..وافقت! قـام سعود من محله بـ عصبيه:وشوووو؟؟ ريما خافت منه..اول مره تشوفه بهـ الحاله..سعود العاقل الرزين الهادي يعصب؟؟.. ريما:انا آآسفه سعود وربي اني احس ان هذا هو الانسب لي بس مدري لاني خلاااص مثل ماقال عبد الملك معد لي اهميـه سعـود:ريمــــا!..وش هـ الكـلااام انتي مظلوومه والحق بيطلع في يوم ريما:هذا كلام نسمعه في الافـلاام والروايات بس الواقع شي ثااني..الظالم هو اللي ينتصر في الاخير.. سعود:اسمعـي!..انا من راي تسافـرين ومسألة الزواج انسيهاا..عبد الملك ماراح تتزوجينه ريما:طيب ليه اجلس كذا لارجل ولا ظهر؟؟ سعود:ريمـا..روحي لـ أي مكـان..وانا في اقرب فرصه وانسـي هـ النذل اللي اسمه عبد الملك..مثل ماقلتي سافري..وانا بدبر لك كل شي ريما:لا موضوع السفر خله علي..انا اقدر ادبر نفسي سعود:حلوو \ / \ / طلع ناصر وملاك من غرفهم لمـوا سمعوا صوت رغد وهي تنادي ابـوهاا ملاك ماتحملت الموقت وطاحت مغمى عليـهااا وفي وقت دخلتهم دخلت لمـى..اتجهت لـ أبـوهاا .. لمى:بابا!..بـابـا..بابا رد هـ الموقف مر على لمـى بس كانت صغيره وقتهاا لمـى:بابا قووووووم اخذ ناصر لمى وعزام وطلعها براا وغطـى ابـوه ناصر وهو ماسك ملاك ومايدري وش يسوي..:رغـد اطلعي براا رغد منهاره وتبكي بـ شكل هستيري:ماابي ماابي..مامات هو بس نايم شوي ناصر ودمووعه على خده..:رغد اطلعـي مر أول يوم من العـزى..واللي كان وافق مع رغد وأخوانهاا خالتهم..ام راشد ام راشد:شلون مرة اخوك؟؟ رغد بـ خشمهاا الاحمر:دخلت عليها قبل نص ساعه لي الحين تبكي..وامهاا عندها الحين ام راشد:الله يكوون بـ عونكم..الله يرحمه ويغفر له يارب رغد:آميـن "عنـد الرجـال" سعود يكلم ناصر:ناصر ادري موب وقته بس من هذا؟..من امـس اشوفه ناصر شـاف تركي اللي واقف معهم طـول أيــام العـزى..:هذا تركي الـ".." سعود استغرب اللي مثله جاي عزى ابو ناصر:وش جاابه ذا هنا؟ ناصر:والله انه رجـال..واقف معناا من امس..واليوم جااي بعد "نرجع لـ الحريم" مشاعل تسلم على بنت عمهـا:كيفك رغوده؟ رغد:الحمدالله بـ خير..انتي شلونك؟؟.. مشاعل:والله يـ خير.. رغد:تفضلي ميشوو ارتااحي مشاعل:لا هـ المره ماراح تلعبين علي ابساعدك...مو زي امس رغد ابتسمت بس هـ الابتسامه كانت نقطه في بحر حزنهاا..قبل كم سنه امهاا والحين ابوهاا مشاعل حست فيهاا..ضمتها وبدون سابـق انذار..وقالت:الله يرحمه يارغووده رغد صااحت كأنهاا محتااجه:آآمين ياميشوو وربي اشتقت له هو وامي.. مشاعل:ادعي لهم بـ الرحمه..! ام راشد:رغووده!..تصيحين؟..ألحين انتي الكبيره؟..مفروض تقوين اخوانك؟؟ رغد :ان شالله خالتي راحت خالتها عند الحريم..وجت لمـى..:رغد فكي هذي الحلاااوه مدت لها لمى يدها اللي كان فيهـا حلاو مصاص.. اخذتها رغد وحاولت تفكهاا..بس ماعرفت..حاولت مرره ثانيه..بس ماقدرت تحس ماافيها طاقه ابد لان الاكل ماذاقته..والنوم بعد وهي تحاول تفكهاا طاحت منهاا.. لمى:يؤ..طاحت اخذتها مشاعل وفكتهاا..وراحت لمـى .. اول ماراحت لمى نزلت دمووع رغد مره ثانيه..تحس بـ العجز الحين مشاعل:رغد؟؟ رغد وهي تصيـح:يحسبوني قويه!..ويبوني اقويهم..وربي مقدر مقدر...انا محتااجه لـ احد..انا مقدر على هـ المسؤليه..ليش يروحون واحنا نجلس مشاعل:استغفري ربك يارغد...هذا قضـاء ربك رغد:والنعم بـ الله مشاعل:وبعدين من قال انك مو قويه بـ العكس..أنتي عن 10 رجـال رغد:من قال؟..انا اضعف وحده بهـ الكون مشاعل:لا..واذا ضعيفه صيري قويه عشان لموو وعزام رغد:الا على طاري عزام وينه؟؟ مشاعل:تو شفته براا معيي يدخل.. رغد:بعد عمري..من مـ..صار اللي صار ولا نزلت له دمعه..كان يدري بس انا الغبيه مشاعل:يدري؟ رغد:ايه..انا قلت له يقووم ابوي..وهو عرف ولا قال..وخلاني اكتشف هـ الشي بنفسي مشاعل:المسكيـن اكيد مصدووم..مو مشكله هو طفـل الحين مع الوقت بيتجاوز الموضوع وبـ مساعدتك يارغد رغد:خلني اساعد نفسي عشـان اسااعد غيري مشاعل:ترا ازعل منك..وناصر من يوقف معه..انتي امهم وناصر ابوهم رغد:................ في مطـار الملك خالد.. نزلت من سيارتهاا واتجهت لـ طيارتهاا اللي مابقـى عليهاا شي "بتوحشيني يالريـاض.." لبست نظـارتهاا ودخلـت المـطار \ / \ / - عزام ليـه جالس هنا؟؟ التفت عزام على ناصر وعيونه مليـانه دموع..:بس ناصر:اجلس هناك معي عند الرجـال عزام:مابي.."وناظر الشـارع".. ناصر:طيب موب حلوو شكلك كذا جالس ع الرصيف يللا عزام خلك رجال وتعال عزام:عمري ماراح اصير لاني السبب في موته ناصر:عـزام موته قضـاء وقدر..اترك عنك هـ الحكي عزام تكلم والعبره خانقته:انا قلت له رح نم وهو سمـع كلامي.."نزلت دموعه بـ غزاره"...خلاااص معد ابيـه يسمـع كلامي مره ثانيه ناصر مد يده له:هو مامات بسببك..وبعدين ان شالله ابوي بـ الجنه مو احسن له من هنا؟؟ عزام:............... ناصر:مافكرت في رغد ولمـى من يجلس معاهم؟؟..هم لحالهم الحين..وملاك؟ عزام مسـح دموعه.. ناصر:تعال معي عند الرجال عزام:طيب وقـام معـاهـ "عند مـلآك" - ملاك حبيبتي يكفـي بكي..انا مصدقت خبر رجعتي لـ طبيعتك ملاك:هو قال انه خلاااص صاري ابوي..والحين يتركني هو بعد ام ملاك:احمدي ربك على كل حـال..هذي الدنياا.. ملاك:الحمدالله...الحمدالله ام ملاك:قومي صلي لك ركعتين..وكلي لك شي تراك من امس ماكلتي ولا طب بطنك شي ابد ملاك:من له نفس.. ام ملاك:ترا ازعل منك ملاك:لا يمـه كلش ولا زعلك..ان شالله قـامت ملاك عشـان تتوضى وتصلي... \ / \ / دخل عبد الملك..وسأل الرسبشن عن د.سعود سمعته وريف.. وريف:نعم يالاخوو..تبي شي بـ د.سعود؟؟ عبد الملك تفحصها بـ نظرات وقحه خلتهاا تنحرج:ومن انتي الاخت؟؟..ماشالله شكل الاخ سعود عنده معجبـات.. وريف رفعت حاجب..وش يقصد عبدالملك:قولي لـ.."وبـ سخريه"..د.سعود...اني مريت عليه..قولي له عبد الملك مر من عندهاا ونظراته مانزلت عنهاا الا يوم بعد عنهاا..هي انحرجت هي مجرد اشتبـاك يدهاا مع رجال غريب تتوتر..كيف عاد واحد وقح مثل عبدالملك.. \ / \ / رجعت مشـاعل من الجامعه..اليوم كان عاادي حطت شنطتهاا.. رن جـوالهاا.. المتصل>>اشواق مشاعل:آلوو اشواق:هلا ميشوو..اخبارك؟ مشاعل:الحمدالله..انتي؟ اشواق:بخير..ولو اني شايفتك في الجامعه..المهم..اخباارك مع العريس مشاعل:ابشرك رجع من السفر اشواق:هههههههههه..ايه قلتي لي اليوم.. مشاعل:يللا مو مشكله كل بنت مصيرها الزواج.. اشواق:هذا وماجد بـ نفسه مدور لك عريس.. حطت يدها على فمهاا..تذكرت انهاا سمعت فرااس وهو يقول ان ماجد هو الغلطاان لانه عرض مشاعل بس هم قالوا لهاا لاحد يدري مشاعل:ماجد؟؟!.. اشواق:امززح ميشوو مشاعل:لالا مو تمزحين وش السالفه \ / \ / وصلت للـ فرنسا تحديدا باريس.. فتحت جوالها تبي تعلم سعود بـ وصولهاا بس توقعت انه ماراح يهتم..اممم..مو مشكله مصيره بيعرف.. وقفت لهاا تاكسي وركبت عشان يوصلها لـ فندق اللي حجزت عنده جالسه تتأمل باريس من خلال الشباك حق السياره كانت لما تجي هنا تستانس وتفرح ماتوقت ان في يوم من الايـام بتجي هنا هروب.. وصلت الفتدق انهت الاجراءات ودخلت لـ غرفتهاا المفروض انهاا تكون تبعاانه بس من له نفس يرتااح..اخذت لهاا لبس وطلعت براا تتمشـى.. نِدَآءُ آلرُوؤحْ likes this.
__________________ " class="inlineimg" /> |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية ارادة رجل كاملة | rawane | أرشيف المواضيع الغير مكتمله او المكرره او المنقوله و المخالفه | 39 | 03-02-2015 09:31 PM |
| رواية (شلة المراهقات)*\كاملة | كاكاشي كونان | روايات و قصص بالعاميه | 8 | 04-13-2014 01:44 PM |
| رواية درر أحمد كاملة | سهم دروع المحبة | روايات و قصص بالعاميه | 15 | 07-04-2013 05:55 PM |
| رواية رومنسية طويلة | دلوعة ومن العسل مصنوعة | أرشيف المواضيع الغير مكتمله او المكرره او المنقوله و المخالفه | 0 | 07-26-2011 07:00 AM |
| رواية طويلة باحداثها ، ولكنها قصيرة بكلماتها ؟! | bilalco | قصص قصيرة | 1 | 12-30-2010 05:12 PM |
47Likes
العرض العادي
