|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#6
03-26-2014, 01:13 PM
| ||
| | ||
| السلام عليكم ورحمة الله وبركاته  كيفك حالك يافتاة " انا بخير " << احد سائلك عن حالك XDD, خلينا بموضوعنا  اولآ : - العنوان : اصنن هو اللي شدنـي لروايـة  " نظرهه .. خلقت لقلبيء حيآهه جَديدهه - " وين هالنظرة ياشيخةة عشان تخلق لي حياة جديدة XD تبآ لك يا " علي " كذا تحطم قلب برورتي :hah: كرهت " سامي " باين عليه مشكلجي شويتين <<< كككف :a7eh: ثانيآ : - الشخصيات << يالبى قلوبهم XDD ابرار - يالبيه هالـ جميلة , خلاص اتركي علي خليه لي XD اصنن انا باخدهـ منك ي فتـاة علي - ياعمري هالدميل صح انه قهر -_-1 يصير قهواجي , بس هاذا لي سامي - يااخي اذلف عن وجهي لاابكف يارجعك سنتين لورا XDD البنت ماتبيك , انت قاط وجهك ليه << عصبت البنت ثالثآ - الخاتمة طبعـآ باكون من متابعينك يااميرة :nop: وسوري رديت بدون طقم الردود بس فاتحة بالموبايلوان شاء الله ردي عجبك ومع السلامة :hah: وسلمي لي على علاوي القميل التعديل الأخير تم بواسطة Panadol # ; 03-26-2014 الساعة 01:30 PM |
|
#8
03-26-2014, 09:18 PM
| ||
| | ||
__________________
|
|
#9
03-26-2014, 09:19 PM
| ||
| | ||
__________________
|
|
#10
03-29-2014, 01:40 AM
| ||
| | ||
| -..,* البآرتّ الثآنيء .. دخلت الحمآم اكرمكم الله و انا مو مصدقه عيوني ولا آذونيء ! قهوجي ؟ كيف بيقبل فيه أبوك ي ابرار ؟!!! تو اعرف =( , خلاص قلبي حبّه عشقه ! متى عرفت ؟ بعد مَ صارت نبضات قلبي تنطق بإسمه "( مَ لقيت إلا اني داقه على سلطانه و قلتلها ! سلطانه بصدمه : قهوجي ؟ مو انتي تقولين انه يشتغل شغل عدل :/ أبرار : م خطر على بالي إنه قهوجي ! كان يلبس بدل رسميه او ثيآب ! سلطانه : خلاص إنتي لازم تنسينه ! ابرار : كيف =( سلطانه : ابراروه ها ابوك لو يعرف تدرين وش بيسوي لك ؟ ابرار : انا جايتك مااقدر اتكلم هينا سلطانه تنهدت : طيب أبرار فصلت من سلطانه و دقتء على السايق : الو محسن محسن : هلا طآل عمرك ابرار : تعآل خذني محسن شاف ساعته : اللحين ؟ أبرار : آيوا اللحين محسن : إن شاءالله ابرار فصلت منه , رتبت شكلها , حطت الشيله و رآحت * هي تتحجب بس ! * لما طلعت صآدفت ابوها ابو طلال : وين طالعه ؟ ابرار : آءء بروح عند سلطانه ابو طلال : توك جايه :/! ابرار : طفشت كملت وهي تروح : يلآ اشوفك بالبيتء ابو طلال : انتبهي لنفسك ..................... [ بالمطبخ ! ] أحمد : اقول علاوي ترا والله مافي إلا انها تحبك ! او مشفقه عليك !!! علي : الخيآر الثاني الأكيد :/ احمد : هههههههههههههههههههههههههههههه طيب خذ القهوه ودها سامي علي : إإفف كرييه ! احمد : بقووة =| لما قآم عليء شاف مع الدريشه ابرار وهي تركب السيآره و بقلبه [ لا تفكر ي علي ! هي بالسماء وانت بالقاع !! ] تنهد و آخذ القهوه .. ..................... أبرار رآحت لسلطانه و اخذتها بتروح لمقهى .. [ بالسيآره ] سلطانه : أبرار والله اتكلم صدق خلاص علاوي ذا انسيه ابرار : سلطانه انتي ابداً مو فاهمتني ! سلطانه : وقسسم فاهمتك , بس هو قهوجي -.-" والله إهانه لابوك أبرار إبتسمت : اصلاً خلاص بنسآه ! ارتحتي !!! سلطانه : اي فديتك خليك كذا , والله اهانه لباباتك ! .......... بعد أيامء ! آكتشف ابو طلال إن محسن حاول يغآزل ابرار و طرده -.-" ابو طلال بعصبيه : انا مدري كيف وثقت فيك !!! محسن كان ساكت و خايف ابوطلال يسوي فيه شي ابو طلال : انقلع عن وجهي لا ارتكب فيك جريمه ! آآآآنقلع طلال شآل محسن و طلعه برا البيت بعد مَ اكله ضرب ربعه يكفي -.-"!! رجع . ابو طلال بقهر : ثالث واااحد !!!! بالاخير بجيب هندي ! عالاقل ينوثق فيه طلال ناظر ابرار : إنتي مسويه معه حركه ؟ مو معقوله ثالث واحد أبرار : قسسسم بالله م سويت شي !! وووربك ابوطلال : طلال انا واثق من تربيتي لاختك ! و انا عارف انها مسستحيل تسوي كذا ! بس انا للأسف مااعرف اختار ! ام طلال : طيب جيب من اللي يشتغلون بالشركه :/ طلال : صار صعب إننا نثق ي يمه ! ابو طلال : اااوووه نسيت الاجتماع الله ينسيه الشهاده !! يلآ انا رايح و بفكر برايك ياام طلال ام طلال : طيب مشى بسيآرته للشركة .. و باله مشغول بالسآيق , مستحيل أخليهم بدون سايق و مستحيل آجيب آجنبي لما دخل كان قدامه عليء وهو يحط القهوه على طآولته صغر عيونه : علي علي : هلا طال عمرك ابو طلال : بكلمك بعد الاجتماع طيب ! علي بإستغراب : طيب طال عمرك !!! رآح ابو طلال للأجتماعء , وانا قعدت أفكر وش يبي فينيء ؟ مَ سويت شي غلط ! للحووول ليكون بيسأل عن الأجار ! يآربيء والله عيبء يخلي خويّه يسكننا عنده ومر شهرين مَ عطيته ! لازم بكرآ ادبرها لو اتسلف المهم اعطي الرجآلء ! رحت للمطبخ عشان قهوة سآمي , مَ يشبع ذا الرجآآآل -.-" . . . بعد سآعهَ طلع أبو طلال و نآدى علي .. ابوطلال : آجلس . علي جلس , ابو طلال : انت عارف اني اعاملك مثل ولديء ! و أثق فيك مثل مَ اثق بطلال صح علي : إي طال عمرك ابوطلال : نادني ابوطلال ! علي : طيب ابوطلال : مَ ابيك تشتغل هينا علي ناظره و بصدمه : ليه طال عمرك ؟ سويت شي غلط ؟ قصرت بشيء ؟ ابوطلال : لا بالله مَ سويت ولا قصرت بس انا أبيك تشتغل عندي بالبيتء عقد حواجبه : بالبيت ؟ ابو طلال : إي علي : وش اشتغل ؟ ابوطلال : سآيق علي : و السآيق محسن ؟ ابوطلال : ذا خسييس !!! كم مره يحآول يقرب من ابرار ولما صدته حآول يغآزله وهم لحآلهُم بالسيآره علي انفعل : الحمآآآر !! عسى بس خليتوه يروح كذا !! مَ مردغتوه ! ابوطلال : مَ عليك وكلناه تبن ! ذا ثالث واحد و مابي الرآبع ! توافق تجي ؟ عليء بدون شعور : إي اكيد !! كمل : إنت عاملتني مثل ولد لك ! ابوطلال إبتسم : الله يريحك مثل مَ ريحتنيء ! إبتسمء علي , ابو طلال : يلآ مشينا للبيتء =) ........................ بابا طرد محسن لانه غازلني ! أجل ايش حيسوي لما يعرف اني احب علي =( إإإف انا ليه كذا ؟ حبيته =( , اصلاً حتى ماااعرفه ! وش ذا الحب ="( رن جوآلها و كانت سلطانه ! و لأول مره بحيآتها تصير مالها خلق لها !! سمعتء صوت أبوها وهو يناديء .. نزلت و لقت طلال ماسك كتف علي !!! عقدت حواجبها ! شيسوي هينا ؟ طلال : نورت علاوي =) علي : تسلم طآل عمرك طلال : لا وش طال عمرك ! انا طلال .. طلال وبس ! علي إبتسم , رفع نظره و طآحت عينه بعيني , و كأن الزمن توقفء مو قآدره ابعد عيني عنهء , وهو بدوره نزل عيونه عني بس انا مو قادره حتى اتحرك , ظلت عيوني متعلقه فيه ! طلال : هيه ابرار ابرار بفهاوه : هاه ! طلآل : أكلتي الرجآل بعيونك ! ابرار : شيسوي هينا ؟ ابوطلال : السآيق هو =) أنا حسيت بفرحه غمرتنيء ! و بنفس الوقت حظي طاح زياده سآآآيق !!!!!!! يعني لو اموت ابويء ماراح يوافقء عليه =( ابوطلال : خذ مفتاح السيآرههَ علي حس بشوي إهانه بس شيسوي غصب ! أخذ المفتاح و رآح , أبرار : انا بروح لسُلطانه ! طلال : طيب إلبسي عباتك و علي يوصلك ! أبرار : طيب رحت بسرعه ألبس عبآتي و شيلتيء , و نزلت ركبت السيآرههَ و من حسن حظي إن الليموزين مَ وصلت :$ , فَ اصير اشوفه ! مشى فينيء , انا كانت عيوني مركزه ع المرآيه مدري شصار فيني ! قمت مااحس بنفسي !!! ................... لما رحت لسلطآنه و جلست عندها سآعه ! بالعاده بالقليل ثلاث ساعات , بس كنت مشتآقه اقعد معه =( كأني اعرفه ! لما كنا بالطريق نظرآتي كانت تفضح , هو كان يصد عني و كل مَ طالع بالمرآيه يلاقيني اطالعه إإففف احس كاني اول مره اشوف رجآل =( ! لما وقف عند باب البيت نزلت و زلق الكعب ! بسرعه مسك يدي , انا لا شعوري شديت عليها و تميت أناظره ! بسرعه وخرت نفسي لما ادركت إن طلال كان يطآلعنا , رفع حاجب و نزل أبرار بتوتر : مش....مشكور علي كنت بطيح علي وخر يده , طلال رآح عنهم و نظرآته مَ تخلى من الشك !!! انا رحت دآخل بسسرعه و للحين أحس بلمسط يده ,* يآربي كاني اول مره امسك يد بشر ! , انا خلاص صرت أسيرة هالعلي =( تميت قاعده بغرفتي و تفكيريء فيه ! كيف بنساه ؟ كيف هالقلب بيفهم إنه مو من مستوآي !!!! مر الوقت و انا نمت بلا شعور .. نمت و عقلي لأول مره يفكر :| ! [ السآعه 8 ] قمت و انا احسني متكسره من النوم ع الكنب !! آآآخخخ توضيت و صليت , و رحتء تحت ! لقيت الكل قايم بيمشون للشركة و ماما تجهز نفسها بتروح لخآلتيء ابو طلال : يلا اخرتينا ام طلال : لحظه بشوف ابرار يمكن بتروح أبرار عقدت حواجبها : اول شي ليه بابا تنتظر ماما ؟ ابو طلال : بوديها بطريقي ! أبرار : ليه و علي ؟ أبو طلال : مايشتغل اليوم أبرار : ها ! أبو طلال : بعدين افهمك و يلا ام طلال ام طلال : بتروحين ؟ ابرار : لآ رآحوا , وانا للحين مفهيه ! معقوله طلال شك فينا و طردوه =( ! يآربي يومء بس كيف يطردونه !! كله بسبتي =( , انا لازم ارجعه يشتغل !! لآزم اروحله لبيته لازم !!!!!!!!! ------- بالنسبه للاوان ذا عشآن النصر فأز بالبطوله :a7eh: مبروك لنا و كذا :$ - الهلاليين لا تعصبون كح قرآءه ممتعه :$
__________________ *,   |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| [] القدس في 30 حلقة | الباقيات الصالحات | تحميل كتب مجانية, مراجع للتحميل | 1 | 06-06-2013 07:37 AM |
| حلقة ون بيس 555 | Ghoskhalid | أرشيف المواضيع الغير مكتمله او المكرره او المنقوله و المخالفه | 2 | 08-04-2012 12:34 PM |
| بليتش 321 | بليتش حلقة 321 | تحميل Bleach حلقة 321 | cocitoo | أرشيف المواضيع الغير مكتمله او المكرره او المنقوله و المخالفه | 0 | 05-10-2011 11:05 PM |
| حلقة نقاش | قنديل الأمل | صحة و صيدلة | 0 | 02-23-2011 10:35 AM |
44Likes
العرض العادي
