قصيدة أعجبتني - عيون العرب

**وردة على الطريق** · #1 10-23-2007, 08:41 PM

قصيده اعجبتني:

يا صانع المكياج الله يجازيك
خليتني مخدوع في شكل خلي

خليتني اركض ورا البنت هاذيك
واشوفها اجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت انا اجمل بنت في اللي حواليك
شف حسني الاخاذ وروجي العسلّي

3.طالعتها ثم قلت هالقلب يبغيك
ومن شاف حسنك خلى غيرك يولي

4.ابغي اشوفك دون مكياج يكسيك
وابغي اشوفك بالجمال المحلي

5.قالت تبيني افرك الوجه تفريك
واشيل هالبودر وروجي وكحلي

6.قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الارض تدور وانا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج خلها تولي

غرور انثى · #2 10-23-2007, 09:42 PM

مشكوره اختي على القصيده
الرائعه 000وتسلمين

**samir albattawi** · #3 10-23-2007, 11:45 PM

اي والله صدق
خداع في خداع
مشكووورة اختي على القصيدة

**وردة على الطريق** · #4 10-26-2007, 01:01 PM

تسلمي للمرور غرور أنثى

مشكور للمرور أخي سامر

**عبدالرحمن الحربي** · #5 10-31-2007, 11:57 PM

قصيده رائعه

مشكووره والله يعطيك العافيه اختي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة قصيدة صوت صفير البلبل	دلوعة كتير	قصص قصيرة	7	10-09-2007 10:57 AM
قصيدة لصدام حسين أرسلها من المعتقل	سيف الإسلام	قصائد منقوله من هنا وهناك	7	09-13-2007 02:35 AM
قصيدة مهداة لسكان المنطقة الخضراء	أبو تمام	قصائد منقوله من هنا وهناك	8	05-15-2007 12:44 AM
قصيدة رثاء بالشهيدالبطل صدام حسين	Aabood	قصائد منقوله من هنا وهناك	1	03-30-2007 04:25 AM
قصيدة أعجبتني ولست مؤلفها(وصية الاسد لابنة ووصية الخروف لابنة )	osama ali	أرشيف المواضيع الغير مكتمله او المكرره او المنقوله و المخالفه	2	03-27-2007 03:34 AM