|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#46
03-21-2015, 12:13 PM
| ||
| | ||
| طلع يوم جديد على ابطالنا مها جالسه على سريرها ومعها الجوال: شرايك نتقابل مع البنات بمجمع الـ.... اليوم؟؟ راشد: مو شينه من زمان عنهم مها: وتعال انت وصقر وياسر وسلطان راشد: سلطان مو موجود مها: وراه وينه؟ راشد: بدبي بيروح لأخوه له كم سنه عنه ------------ في دبي.. سلطان دخل للجامعه ويدينه بجيوبه ويتلفت ........: تبي شي؟ سلطان: تعرف طارق الـ.....؟ .......: لا ما اعرفه دش داخل ودور عليه سلطان صار يمشي بالممرات ويدخل غرف وقاعات فاضيه لين ضاع ولا عرف يطلع وحك راسه: وش ذالورطه؟ بعيد عنه شوي عصام يأشر على سلطان: طارق شوف هذا مو اخوك سلطان؟ طارق لف على سلطان وفتح عيونه على وسعها: هذا شجابه هناا! عصام: امش امش لا يشوفنا طارق وعصام كانو بيروحون بس سلطان انتبه لهم وراح لهم طارق كشر: غثيث سلطان مبتسم: اهلين طارق ما اشتقت لي؟ عصام: ما صدقت ينساك الا تجي قدامه ثانيه شتبي؟ سلطان سوا روحه زعلان: افاا ما تبوني طارق منقهر: رووح الله يسود وجهك سلطان تكتف وابتسم: لا مو رايح طارق مشا هو وعصام بس سلطان مسك كتف طارق: لحظه لحظه كنت بسألك ابوي وينه طارق ابتسم على جنب: من متى وانت تسأل عنه؟ تعتبره ابوك اصلا؟ سلطان ناظره ببرود: اذا قلت لك وين ابوي (وبعصبيه وصراخ) تجاوب يالبزر فاااههم!! طارق ضحك: اعصابك سلطان: خلصني وينه طارق: مدري سلطان: تستهبل انت! طارق: من جدي ما اعرف وينه سلطان: عطني رقمه طيب طارق شوي ويموت من الضحك: 27 سننه وتوك تذكر تسأل عن رقمه سلطان: خلصني عندي شغله معه طارق طلع بطاقة ابوه من بوكه وعطاه: خذه وانقلع برا دبي ماني رايق لك سلطان مشا: عاد انا الرايق بمقابل وجهك ----------- في المجمع راشد: هلا وينكم؟ مها: شوف اول ما تشوف عيون حلوه هذي انا راشد ضحك: ابو الثقه ي شييخ اقول وينكم جد مها: عند المطاعم راشد: اوكي باي ياسر: هاه وينهم؟ راشد: عند المطاعم ،، عند المطاعم ريناد: خير شتبي! ....: ابيك لميس: عمى قليل حيا كانو بيمشون بس واحد منهم مسك رنا: ي حيوان اترركني مرام دفته عنها: جعل يدك للكسر شتبون مننا الناس بدو يتجمعون عليهم قال واحد منهم بصوت عالي: متلزقين فينا ليه؟ لا تصيرون رخيصات وتلاحقون الشباب من مكان لمكان مها انصدمت: وش تخربط انت! هييه احترم نفسك رنا ماسكه مها وفيها الصيحه: مها تكفين خلينا نمشي قسم خايفه مها معصبه: اقول اتركيني اشوف شغلي معه مرام: ترى والله العظيم ان ما مشيتوا بنادي الأمن الشباب ضحكوا راشد شاف الضجه اللي صايره واتصل على مها مها: وينك؟ راشد: انتي اللي وينك؟ مها: فيه شباب متلزقين فينا جعلهم بحديب راشد سكر ياسر: وش السالفه راشد راح عند البنات ولا رد على ياسر ياسر: شفيه ذا؟ صقر: امش نلحقه راشد: مها مها لفت عليه: اخييرا جيت مرام استانست: هلا بالعيال راشد ناظر الشباب بعدين رجع بنظره لمها: شيبون ذولا هم عطوك الرقم؟ مها: لا لا راشد: تبون شي كلموني انا واحد من الشباب: هالبنات يمشون ويعرضون انفسهم على الشباب وازعجونا راشد عصب وجا بيضربه مها: انتتبه تضربه انت عارف وش بيصير راشد انقهر ياسر: هيه راشد من ذولا؟ مها: ياسر هلا والله ياسر لف عليها: انتي وخري وين ريناد رنا لفت على ريناد منقهره ريناد استغربت من نظرة رنا لها بس ما عطت الموضوع اهميه: ياسر ياسر فرح: هلا بالحلا كله وينك فقدتك ريناد تنحت: هاه؟ ياسر استوعب كلامه: احم لا لا بس شلونكم كلكم يعني وكذا ريناد حاطه يدينها على وجهها من الحيا رنا انقهرت وراحت وجلست على احد الكراسي واحد من الشباب: ياهووه ترانا هنا مرام: صقوور صقر: نعم مرام: شوف شغلك مع ذالسلق وودوهم للشرطه صقر وراشد: الشررطه! مرام: ايه الشرطه شفيكم صقر: انتي شكلك انجنيتي وش الي نوديهم للشرطه راشد: احد يحفر قبره بنفسه الله يهديك مرام تذكرت: ااه ذكرت ياسر ضحك: درج الشباب شافوا الوضع يطفش ومشوا لميس: لحظه وين رنا؟ مها: اشوفها جلست شكلها تحجز لنا ي زينها راحوا وجلسوا عندها رنا: افففف مها: شفيها ذالنفسيه ريناد: اسحبي عليها مها وراشد صارو يسولفون مع بعض وريناد وياسر مع بعض لميس: اقول ذولا عايشين جوهم شرايكم نروح نتمشى صقر: لا مالي خلق مرام: انتي روحي انا بجلس مع صقوري صقر رفع حاجب: ايش؟ لميس سحبت رنا: اجل قومي انتي لميس ورنا راحوا صقر: لا عاد تناديني كذا مرام ابتسمت: وليه؟ صقر: ما بيننا شي لا تناديني كذا مرام: قم معي شوي صقر: لا مرام: اقول قووم صقر عصب: قلت لك لااا مها: بسم الله شفيكم؟ صقر: ولا شي مرام بحده: صقرر صقر تأفف وقام مرام وصقر راحوا وجلسوا بعيد شوي صقر: شتبين مرام: الحين تتركني عشان ابوك رفضني! صقر: فيها شي؟ ابوي ومابي اعصيه مرام بغصه: تقدر تغير رايه ليه بهالسهووله لييه صقر انفعل: حاوولت هددني بأنه بياخذ مني كل شي اعمالي ويطردني من شغلي ويقفل بطاقتي شتبيني اسوي؟ مرام تجمعت الدموع بعيونها: تفضل الفلوس علي صقر؟ صقر: مرام تكفين ارحميني شوي ترى الي فيني مكفيني مرام ضربت الطاوله: والي فيني ما يهمك! صقر تنهد مرام: اذا رجعت اليوم قول لأبوك يتفرغ بكرا ابي اقابله صقر: اييش! انجنيتي انتي شكلك مرام: اييه انجنيت بسببك علقتني فيك وتركتني لييه تعلقني فيك من اول ليه صقر: لو حصل ووافق ابوي وقابلتيه ما اظن بيحصل لك خير ما انصحك تقابلينه مرام: اجل تبيني كل يوم اتعذب كذا بسببك ومو قادره انساك؟ صقر: مرام ي حبيبتي مو بيدي افهمميني مرام: ايش افهم تكفى افهم انك فضلت الفلوس علي! افهم انك تركتني من اول ما قال لك ابوك اتركها! افهم انك خطبت وحده غيري! علمني قوول صقر انصدم: شعرفك بالخطبه؟ مرام: هه وليه ما اعرف ولد تاجر خطب بنت تاجر وما تبي احد يعرف؟ صقر: ما باليد حيله ابوي خطبها لي تبيني اقول لا ما ابيها مرام: اجل تقول ايه؟ اكيد لازم تقول لا صقر: مراام لا تصعبين علي الوضع مرام قامت: شوف قول لأبوك اني بقابله لا تنسى صقر: وين؟ مرام: في بيته صقر: نعم! مرام راحت وسحبت مها وريناد: قوموا بنمشي مها: ايش تو الناس مرام: قوموا قسم مالي خلق ريناد: خلاص مها خلينا نمشي مها: طيب راشد اتصل علي راشد: اكيد مها ومرام وريناد راحوا لسيارة السواق واتصلوا على باقي البنات ومشوا ------ عند سلطان سلطان: لحظه هيه لا تسكر الخط ابو سلطان: هييه؟ احد يقول لأبوه هيه سلطان: لاحوول طيب فيصل اسمع فيه مشكله بالفرع الثاني اروح انا احلها بنفسي ولا بتحلها انت ابو سلطان: كبيره؟ سلطان: لا بسيطه بس مدير الفرع الثاني اتصل علي اساعده لأنه مشغول بأشياء ثانيه عاد انا بعد منب فاضي لشركتك ذالقلق قلت اشوف اذا تقدر ابو سلطان: خلاص خلها علي ومره ثانيه جرب تقول يبه سلطان ضحك: انا اناديك يبه! روح لقبر امي واسألها اذا عادي اناديك يبه او لا ابو سلطان: قلت لكك مالي شغل بموتها سلطان قفل المكالمه: ماله حق ماااله ------- ابو مها: هاه شقلتي؟ ترى لنا اسبوع ما ردينا عليه مها: لاحوول شفيك مستعجل؟ ام مها: فكرتي زين واستخرتي ي بنتي؟ مها: يمه من جدك؟ هذي ما يبيلها تفكير ام مها تنهدت: قلت المفروض قايل للرجال من اول انها ما تبي تتزوج ابو مها: قلت له بس كان مصر ام مها: خلاص حنا ما راح نجبرك على شي ما تبينه مها: لحظه لحظه وش بكم اخذتوا ردي من عندكم ما بعد قلت شي ابو مها وام مها ما فهموا شي مها: احم انا موافقه ام مها زغرطت: اللف مبروك يالعروس مها ضحكت: يمه تو الناس ام مها: وش تنتظر كلم الرجال ابو مها: لا خلينا نصبر شوي ام مها: وش نصبر له اتصل عليه الحين ابي اشوفها قدامي عروس قبل ما اموت مها: بسم الله عليك لا تفاولين على روحك ان شاء الله بتشوفين عيالي بعد ام مها ابتسمت: الله يحفظك لي ابو مها (لو تدرين مها ما قلتي كذا) بنفس اليوم عطوا راشد الرد --------- اليوم الي بعده اجتمعوا خوال وعمان مها عشان يباركون لها عالخطبه ليلى: مبرووك بعد قلبي مها: يبارك فيك رزان: ابدا ما توقعتك تتزوجين هذا مها: ليه ما مليت عينك! رزان: لا بس يعني شوي كثير عليك مها: وجع كل البنات باركوا لها ريم: وانتي ليه ما تباركين لها ولا مو عاجبك الوضع؟ شوق: انا؟ ريم بقهر: هو فيه غيرك؟ شوق: افف ليه انتي نفسيه كذا ما فرقت باركت او لا اقوم احسن لي من الجلسه معكم ( طلعت) شهد: وه احس اتنفس الحين رولا: شفيكم؟ ريم: ما دريتي؟ شهد: من جدك كيف تدري هذي بنت خالتي وذيك بنت عمي شجابهم لبعض ريم: اوه صح رولا: يلا قوولوا لي شهد: ماله داعي زبدة الموضوع اننا نكرهها مها ضربتها بكوعها شهد: اي هيه شفيك مها بصوت قصير: اختها هنا لا تقولين ذالكلام وهي موجوده شهد: طيب ---------- عند الشباب سلطان: وه للحين عليهم انتم ياسر: من جدك انت! اقول لك راشد خطب مها سلطان: اوف اوف كل هذا صار طيب رفضته مها؟ راشد: طبعا واافقت وش ترفض له صقر: وافقت! راشد: ما قلت لك؟ صقر: لا توي ادري سلطان: حركاات والله يالمعرس عقبالي راشد: لا ان شاء الله سلطان ضربه بمزح: استغفر ي حيوان تدمر مستقبل تراك راشد ضحك ورن جواله: وش ذالرقم؟ ياسر وسلطان قطو: ما تعرفه؟ راشد مستغرب: لا سلطان: يمكن ابو مها راشد: لا ابو مها مسجل رقمه عندي ياسر: رد وحط سبيكر راشد رد عليه: هلا مين معي؟ ......: مو مهم انا المهم انت راشد راشد استغرب: اعرفك؟ .......: ما اشتقت لشغلك القديم؟ راشد: اي شغل؟ .......: سمعت انك خطبت بنت عايلة الـ...... صقر (شكله وراه سالفه) راشد: ايه شعرفك؟ ضحك: ليه ما اعرف رئيسي القديم وش صار عليه راشد: اي رئيس وشغل الله يهديك شتخربط .......: معقوله نسيت بهالسهوله؟ تجارتك قبل راشد عصب: انا اقول شعرفك فيني اقول تراي تركت هالشغله خلاص لا تبثرني ......: لا لا راشد ما خبرتك كذا ترى عندي ادلة على كل سوالفك قبل راشد ضحك: اعتبرها مو موجوده ضحك معه: تراي معي نسخ وارسلت وحده لأبو عروسك مدري وصلته او لا راشد وقف ضحك: ايييييشش ي ساافل صقر عصب وسحب الجوال وسكر بوجهه: اتصل على مها راشد: وليش؟ صقر: بسرررعه خلها تشوف وين ابوها راشد اتصل على مها مها: هلا راشد: مها ابوك وينه؟ مها: هاه؟ راشد: بسررعه ابوك ابوك ويننه مها: بالبيت على مكتبه راشد: شوفي دوري او اي شي اوراق سي دي الي هو اي شي منرسل لأبوك مها: ليه شالسالفه؟ راشد: فيها ادله على تجارتي قبل مها: ايييش! راشد: بسرعه مها مها: طيب قفلت المكالمه وراحت ركض عند الباب ولا شافت شي: هيه هيه انتي تعالي جت الخدامه عندها مها: ما جا شي لأبوي؟ الخدامه: ااه سميه ودي حق بابا مها تركض: سمييه وتببن ،، عبدالعزيز: سميه سميه: نعم عبدالعزيز: وشو هذا؟ سميه: مدري حق بابا عبدالعزيز: اها خلاص روحي سميه: فين بابا؟ عبدالعزيز: بمكتبه سميه راحت للمكتب ،، مها دخلت على ابوها: يبببه ابو خالد: بسم الله شفيك؟ مها: يبه الخدامه جتك؟ ابو خالد استغرب: لا ما جاني احد مها ارتاحت وطلعت برا ووقفت عند باب المكتب تنتظر سميه سميه جت بتدخل مها: هي هي وين سميه: هذا... مها: جيبي جيبي انا اعطيه سميه عطتها مها: وش موقفك رووحي سميه خافت وراحت مها ركضت بالظرف لغرفتها واتصلت على راشد راشد: هاه شصار؟ مها: هذاه معي وش اسوي فيه؟ راشد: خليه معك بكرا بجي اخذه مها: وان لقاه ابوي واخذه راشد: خلاص صوري الاوراق وارسليها لي مها ارسلت الصور لراشد صقر انصدم: كل هذا عنده! راشد: وش نسوي؟ لو اخذنا هذي ما راح يتركنا وبيرسل ثانيه صقر: انا بتصرف معليك راشد: اعتمد عليك؟ صقر: ايه ما عليك راشد: ياسر انتبه ياصل ابوك شي ياسر: من جدك انت لو ما وصل ابوي بياصل اي ضابط بالشرطه راشد مسك راسه: وش ورطني بذالمشاكل انا صقر: لا تشيل هم انا بتصرف ما عليك راشد: مشكور صقر: افا عليك بس ---------- شهد: مهووي مها: هلا شهد: شريتي فستانك لعرسي؟ مها: لا لسا شهد: اييش وش تنتظرين بكرا روحي تقضي يالمروقه مها: ليه تو الناس بعدين بعدين شهد: ايش الي بعدين عرسي بعد اسبوع وانتي تأجلين مها فزت: بعد اسبووع الله قرييب ليه خلوه بعدين شهد: كم لي مخطوبه بعدين من زمان محددين هاليوم الناس درو وانتي لا مها: يقلع ابو النكبه انا ابلش بزواجي ولا بزواجك شهد: يلا عاد ما اوصيك نقي على سنع مها: باللهي قولي لريم تروح تشتري لي انا مشغوله ولا اعرف اختار اصلا شهد: ابوك يالعجز طيب طيب مها: شهيد شهد: هلا مها: مشتاقه لخواتي وبنات عماني بس كل مره انشغل بشي وانساهم شهد: اتصلي عليهم الحين اذا مشتاقه لهم مها: بس الوقت متأخر مرره شهد: معليه اتصلي عليهم يمكن بعدين ما يحصل لك تلاقين ا في بيت صقر ابو صقر: شتبين مني؟ قلت لك صقر ما راح ياخذك هو خلاص بيتزوج مرام: عمي تكفى تراي احبه والله العظيم اموت بالارض الي يمشي عليها ي عم تراي ابيه من ثلاث سنين لا تحرمني منه ابو صقر: قللت لك صقر مو لك لأنوار بنت عمه كلمتي وحده اطلعي يلا مرام: ما راح اطلع لين توافق اخذ صقر او على الاقل تعطيني سبب مقنع لرفضك لي شاللي ناقصني ؟ ابو صقر: يكفي ان ما عندك نسب مرام بحقد: وش فيها عايلتي ابو صقر: مو معروفه ولو كانت عايلتك معروفه فأنتي امك وابوك متوفين يعني نفس الشي مرام انقهرت بس ما بينت: اسوي الي تبيه بس اخذ صقر طلبتك عمي الي تبيه ابو صقر مشا: مابي منك شي ان شاء الله تلقين نصيبك مع غيره انسيه مرام مسكته وبدت تبكي بقوه: طلببتك عمي ما ابي غير صقر شلون انساه قلبي ما ملكه الا هو ابو صقر بعدها: بعدي عني ولا تناديني عمي ماني عمك مرام ببكا يقطع القلب: الي تبيه بيصير لو قلت لي طبي بالنار واعطيك ولدي طبيت ابو صقر تنهد وجلس مرام تمسح دموعها: آمر ابو صقر: عندي شرط واحد مرام: سم ابو صقر:........... انتهى البارت البارت السابع عشر بينزل الساعه 11 jojo1344 and ♡صمتي حكايه الحبيب♡ like this. |
|
#47
03-21-2015, 01:32 PM
| ||
| | ||
|
السلام عليكم كيفك؟؟انشاء الله بخير تصدقي حبيت هذا البارت اكثر من كل البارتات واخيرا ظهرت شخصية مرام الرومانسيه ويارب تنجح مرام في انوا تخلي ابو صقر يرضى ويزوجها لي صقر ورنا مسكينه قطعت قلبي يارب تلاقي شخص ينسيها ياسر وريناد يارب هي وياسر يعيشوا باحلى من الخيال من دون مشاكل ومها ااااه من مها تغيرت من رشودي رويشد يازينهم وذاك الحمار الي يعرف بتجارة رشودي ويحاول انه يفضحه عند ابو مها راح اقطعه واضرب فيه ضرب لين يتوب ويقول انا اسف ما راح اقرب منك للابد يا راشد وشكرا على هذا البارت الرائع وفي امان الله ♡صمتي حكايه الحبيب♡ likes this.
__________________ سبحان الله وبحمده سبحان الله العظيم . . ساكورا قائدة منقذو الوطن ...في دولة اسبرطة |
|
#48
03-21-2015, 01:39 PM
| ||
| | ||
|
اكيد كملي
♡صمتي حكايه الحبيب♡ likes this.
__________________  |
|
#49
03-22-2015, 03:19 AM
| ||
| | ||
|
معليش جونا ضيوف ولا امداني اكتبه بنزله بكرا jojo1344 and ♡صمتي حكايه الحبيب♡ like this. |
|
#50
04-03-2015, 02:05 AM
| ||
| | ||
| معذوره ياقلبي لكن .. . . . . . . راح تعوضينا بي بارت جداااا طويل دق التحيه قدامك سعوديه 💜✨ likes this.
__________________ سبحان الله وبحمده سبحان الله العظيم . . ساكورا قائدة منقذو الوطن ...في دولة اسبرطة |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية عن نارتو مدرسة الثانوية وبعنوان (احبها ولاكن) اول رواية لي | صغيرة لاكني خطيرة | قصص الانمي المُستَوحاة و المصوَّرة | 93 | 08-04-2017 12:39 PM |
| روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ | نكبهـ | أرشيف المواضيع الغير مكتمله او المكرره او المنقوله و المخالفه | 51 | 03-02-2015 04:19 AM |
| رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية | florance | أرشيف المواضيع الغير مكتمله او المكرره او المنقوله و المخالفه | 2 | 02-26-2014 02:28 PM |
| رواية نور الكون رواية جديدة من روايات سعوديه رواية نور الكون | الحب الساكن | أرشيف المواضيع الغير مكتمله او المكرره او المنقوله و المخالفه | 13 | 07-03-2011 03:30 PM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
69Likes
العرض العادي
