|
|
#31
09-14-2014, 06:50 PM
| ||
| | ||
| كيفك ي قلبي عساكك بخير ؟ طبعآ البارت حلو بس مرة قصير عجبتني حياة مها الجديدة مع سامي .. اضن احداثها مرة خقةة معه واتمنى تبعدي حياة راشد لمدة عشان نحاول نتاقلم مع الحياة الجديدة في شيء ماعجبني وهو لما دخلتي محادثةة البوية مع هديل او طارق وصديقهه يعني اذا بتتحدثي خليك مع مها يعني لما صقعت في طارق وبعدت ماكان له داعي تكتبي محادثةة طارق وصديقةة اللي كانت عن كراهية طارق واخوهه وكذء انت كانك لخصتي حياته الخاصةة وانا ماحب تبدي الروايةة على طول بشخصيةة غير البطلةة بس كمان حلو البارت انتهى البارت خسارة اعجبكم البارت؟ يب يب كثير طويل-وسط-قصير؟ قصير بس مقبول نوعآ ما من جاه الحادث؟ والله مدري تقييمكم(ممتاز-جيد-مقبول-سيء)؟ جيد جدآ .. ماتعدى الممتاز ي حلوة انتظر البارت الجديد ي جميلةة |
|
#32
09-15-2014, 05:14 PM
| ||
| | ||
|
السلام عليكم ورحمة الله وبركاته كيفك ان شاء الله بخخير وما تشكين من باس  "صوت صدمة ، صوت تصفيق وتصفيير " ما شاء الله تبارك الرحمن ، وش ذء الجمال ؟! وش ذء الزين؟!  يا ربااااه وقسسم الفصصصل خطططير ، ما توقعت ابد ان مها راح تروح لدبي اولاً اعتذر حقاً حقاً عن عدم الرد عن البارت العاششر وقسم اسسسفة المشكلة كنن ناوية ارد بس مدري وش خلاني ما ارد ، وبالصدفة سبحان الله دخلت ملفك وشفتك فاتحة رواية مها وعلطول فتحتها وانهبلت وانا اشوف بارت جديد هف زعلت عليك ليش ما خبرتيني  ، اي ام هت يو  <<<ههههههههههه امزح لا تصديقن  اعجبني شخصيةة سامي شكله مهستر بجد ههههههههههههههههههههههههههههههههه للوهلة حسبته راشد بس مغير اسمه ههههههههههههههههه :lamao:  ، ادري خبلةةة سلكي ههههه  .gif "بيس2") وهذا طارق وكان يحس ان مذل انوه تاسف والهوشة مع اخوه ويكره راح لبالي انو اخوه هو راششد >>ما غير فكرها مع راشد هههههههههههه ويا قدمهن ذولي مرام ورنا والخ يا حبيلهن وقسسسم فلةةة ، ليت شخصياتهن بالواقع اقابلهن اخ بسس ، والا ههههههه ما عندنا غيير هنود ههههههههههههههههههههههههههههه هنا تفقعت ضحك الصصراحةة هههههههههههههه :lamao: والا شسمه اول ما كلمّ احسبه سامي ههههههههههههههههههههه ، مدري ليش انا عَ العيال هههههههههههههههههههههه بس انهبلت فيه حادث ؟! لا لميين عاااااااااااا ، اهيء اهيء ششريرةةة  نروح للاسئلةة اعجبكم البارت ؟!. اككيد ، مين اللي كاتبه ؟! انتِ حب9 طويل-وسط-قصير امم وسط ، ليت البارت القادم تتطولينه شوي من جاه الحادث ؟!. اظن عبدالرحمن تقييمكم ممتاز يلا بانتظار البارت القادم بشوق ويّ ويلك ويّ سواد ليلكِ اني لم ترسلي لي البارت -_-1<<ام التهديد ههههه في حفظ الله ورعايته  |
|
#34
12-26-2014, 07:57 PM
| ||
| | ||
| البارت الثاني عشر مها قامت: اوووه من يدق بوقت نومي-ردت-هاااه خلود تصيح: مهااا مها فزت: بسم الله عليك خلود شصاير؟ خلود: اخوي ياا مها اخوي مها : شفيه؟ خلود تشاهق: جـ..جاه حا....ددث وهو بغرفة العمليات الحين مها انصدمت: ناصر ولا عبدالرحمن خلود ما قدرت تتكلم من الصياح مها بانفعال: خلوود تكلممي مين موب وقت صياحك ابدا خلود: ط..ططيب لا تع..صبين اللي جاه الحادث هو ع...عبد.. مها: بس عرفته باي -سكرت بوجه خلود- مها جت بترجع تنام وشافت الساعه سبع الصبح وفزت تذكرت ان محاضرتها تبدأ ثمان ونص قامت اخذت لها شاور سريع وسحبت ملابس من الكبت على عماها وبما ان شعرها كان قصير فمشطته وتركته على حاله سوت لها فطور سريع وافطرت بسرعه لما خلصت مفطره شافت الساعه لقتها ثمان وحمدت ربها لحقت وبنفس الوقت اتصل عليها ابو فارس لبست عبايتها واخذت شنطتها وطلعت ركبت السياره وسلمت كالعاده ولما دخلت الجامعه كان باقي خمس دقايق على المحاضره حاولت تسرع بمشيها بما انها ما تقدر تركض بعبايتها ولحقت على اخر دقيقه انتهى وقت المحاضره وطلع الدكتور مها جت بتلم اغراضها بس تذكرت سالفة عبدالرحمن وبدون ما تنتبه قالت بصوت مسموع: يا الله اروح للسعوديه اتطمن عليه ولا لا سامي معقد حواجبه: منو؟ مها لفت شافت سامي منحني لطاولتها ومتكي عليها: بسم الله الرحمن الرحيم وانت معي بكل محاضره بعدين ليش مقرب هالكثر بعد اشوف سامي جلس على الكرسي اللي جنبها: منو؟ مها تلم اغراضها: ولد عمي سامي: شفيه؟ مها: مو شغلك سامي: مهووي يلا عاد مها بذهول: مهوي! من متى؟ ما بيننا شي ترى لا تناديني كذا سامي: تحبين الكوره؟ مها: شعندك تسأل؟ سامي: ياوبي مها: ايه اكيد سامي: تعرفين كريستيانو؟ مها: استخفيت انت ووجهك؟ من ما يعرف هاللاعب سامي: عندي توقيعه مها لفت عليه بصدمه: كذاب سامي طلع لها التوقيع من شنطته: ما اجذب مها وعيونها على التوقيع: ابيه سامي: مو بهالبساطه انسه مها مها: وش تبي يالمصلحجي سامي: شنو صاير لولد عمج؟ مها: معليش الا هالسؤال ما راح اجاوبك عليه سامي: عيل ما راح اعطيج التوقيع مها: تشقه بالعافيه -اخذت شنطتها بتطلع- سامي: راح احط في بالي اكبر احتمال للي ممكن يصير له نفترض مات لازم تحضرين العزا مها باستهزاء: يا حليلك وش اللي مات لا ما مات هو وخشته قطو بسبع ارواح سامي: عيل بالمستشفى وعلى وشك يموت مريض؟ حادث؟ مها تفاجأت من توقعه المضبوط: ااء لا سامي: يعني صح علي مها بانفعال: ايه صح طيب وش دخلك فيني سامي: مها روحي مها: مابي سامي: صلة الرحم مها: يكفي اني اتصل عليهم هذي صلة رحم سامي: تراج برفضج هذا غلطانه مها: مو هامني -طلعت- سامي تربع: شقصتها ذي؟ سلطان جلس على كرسي مها وحط رجل على رجل بشكل عربجي: اهلييين سيمو سامي بتسليك: يا هلا جا سامي بيروح لكن للأسف حاصروه محسن ومنصور .. في البداية ابي افهمكم الموضوع سلطان ومحسن ومنصور اشخاص معروفين للطلبه بتمشكلهم لكن مو بشكل ظاهر لدكاترة وادارة الجامعه يستهدفون فئه محدده او اشخاص محددين وللأسف سامي يترأس القائمه ويستعملون معهم التهديد او الضرب برا الجامعه وما عندهم مانع من ناحية القتل بس عشان يرضون انفسهم وهذا لسببين اما للمال او لكرههم لهالشخص صايعين لأبعد درجه مع ذلك يخافون من شخص واحد بالجامعه لا مو بس هم كل اللي بالجامعه بعدين بتعرفونه.. سامي بابتسامه مصطنعه: اوكي دامكم مصرين تعالو نتحاجا بالكافيتيريا سلطان شق حلقه من الوناسه: وهذا اللي ابيه يلا قدامي اشوف ......................................... في الكافيتيريا الجو طبيعي سوالف وضحك مافيه اي مشااكل طبعا هذا قبل لا يتواجدون ثلاثه محد يتمنى يشوفهم مها فكت اللثمه وبقت متحجبه بس وبدت تاكل اما عند الثلاثي وسامي سامي شافهم قربو من الكافيتيريا: بروح قبلكم -وركض لها- منصور بعصبيه: هيييه انت تعال سلطان مبتسم: خله ماله مهرب سامي دخل الكافيتيريا يلهث قام يدور اي احد يعرفه بس ما لقا فجأه لمح وحده متحجبه جا بباله مها بس قال لا مها تتلثم بس استغرب معها نفس شنطة مها: اااه الله ياخذها فجت اللثمه وانا حسبالي مو هي ركض لها وجلس بالكرسي اللي قبالها: مها ساعديني بليز مها على طول حطت اللثمه: وش فيك؟ سامي: مو وقت الشرح انتي بتفهمين لما تشوفين وش بيصير بعد شوي -قام وجلس بمكان فاضي- فجأه دخلوا الثلاثه اخرسوا كل المتواجدين هذول دمار الجامعه غيرو حياة ناس للأسوأ وحياة ناس للأحسن اللي قام عشان يستغل اي فرصه وينحاش واللي تخبا ورا خويه واللي خبت وجهها ورا الكتاب بس شخص واحد ما اهتم لوجودهم ويكمل اكله طبيعي طبعا هالشخص هي الخبله مها لأنها ما تدري وش سالفتهم.. جلسوا الثلاثه بالمكان اللي جالس فيه سامي سلطان: سيمو ييب موكا بارده لثلاثتنا سامي تنهد: حاضر مشى وصف مع اللي بيشترون سلطان: وليه حبيبي صاف؟ سامي ماسك اعصابه: عشان اشتري سلطان: تقدر تشتري بدون ما تصف سامي: شلون؟ سلطان: روح جدام وخذ اول دور بسيطه سامي: بس جذي غش سلطان رفع حاجب: غش اذا بتشتري لنفسك يا عيون امك بس انت بتشتري لنا احنا يلا اشوف سامي تنهد: اوكي ماشي راح سامي قدام واستأذن من البنت بس كان ردها كف وكلمة انت وقح مها غمضت عين وفتحت عين: يا سااتر الحين فهمت وضعه المسكين ..البنت قامت تتهاوش مع سامي وسلطان طفش من هالحاله فرفع رجله وحطها فوق الطاوله بقوه وطلع صوت قوي كل اللي بالكافيتيريا لفو على سلطان من قوة ضربته وقال بعصبيه: اذا قال لج عطيني دورج عطيه دورج وانتي ساده فمج فاهمه ولا لا البنت ارتعشت من الخوف: حاضر -ابتعدت عن الطريق وقالت بهمس-وراك ما قلت لي انه لهم سامي: انتي عطيتيني فرصه؟ البنت بخوف: الحين يحطوني بقائمتهم السوداء محسن متنرفز: بسرررعه سامي اخذ الموكا واتجه لطاولتهم والتفت لمها على امل انها تساعده بس شافها ماده لسانها له واستسلم جلس عندهم وعطاهم طلبهم منصور مبتسم: وينها؟ سامي سوا روحه ما سمعه منصور بحده: سااامي وينها؟ سامي: تكلمني انا؟ منصور: عارف انت مين اكلم ياوب وينها؟ سامي: شنو؟ سلطان: عارف شنقصد سامي: ناسي تراي شنو قصدكم؟ سلطان: البطااقه سامي: اي بطاقه؟ محسن: تستغبي ولا شنو؟ عارف اي بطاقه نقصد طلعها من بوكك اشوف سامي طلعها ومدها لهم بتردد جو بياخذونها بس كان فيه يد سبقتهم واخذت البطاقه: حلو شكلي باخذها لي جت بتروح بس سلطان مسكها مع ذراعها ولفها بقوه: ييبي البطاقه ناظرته بتكشيره: بعد ايدك القذره عني سلطان ماسك اعصابه لا يضربها: تكرم ايدي من ذراعج وييبي البطاقه لا افرشج بالارض ابتسمت: اخذتها قبلك والحين اتركني بروح اكل سلطان: ابي البطاقه اول وبعدها روحي كولي ناظرته بضجر: تراك ابلشتني خلاص اتركني بروح اكل وبطاقه ما راح اعطيك اياها يالتبن شوف لك غيرها سلطان رفع يده بيعطيها كف بس كان فيه احد مسك ذراعه: من مسكننني ولف سلطان بيشوف مين وانصدم: ص..ص....صقر؟ صقر بحده: عممك صقر... بعدين كم مره حذرتك ما تلمس بنات ولا انا غلطان؟ سامي بنفسه  قصدك ضربتك مو حذرتك).. احم اظن تذكرون اللي قلت ان هالثلاثي يخافون منه ايوه هذا هو صقر رعب الجامعه او نصف الجامعه اذا انت ذكر حاول تحتك فيه وبتكفن لكن اذا انثى ابشري بالامان ما يلمس بنات الجامعه ولا يخلي احد يلمسهم ما عدا البويات والايمو حاطهم حاله خاصه ولا يعتبرهم بنات ومو مهم عنده لو ضربهم باختصار هو كابوس الجنس الذكوري والحالات الشاذه امثال البويات والايمو .. صقر: حبيبي انا صقر من يعارضني شيصير له؟ سلطان بخوف: ينكسر كسر ما ينجبر صقر: ي حليلك حافظ مقولتي مره تضحك انت .. كل اللي بالكافيتيريا ضحكوا مو عشانه يضحك بس عشان ما يتورطون مع صقر.. سلطان بتوتر: اقدر اروح؟ صقر مبتسم: اكييد جا سلطان بيروح لكن فاجأه صقر اللي عطاه لكمه على فكه ترنح منها وكان بيطيح بس تماسك صقر طرحه بالارض وطاح عليه ضرب: انا لما انبهك ما تعصيني فاهم ولا لا؟ نبهتك مره قبل بس الظاهر الكلام معاك ضايع ويبي لك ثانيه وثالثه مها مدت البطاقه لسامي: لا عاد تتورط معهم وجعتني ذراعي يوم مسكني -طبعا اكيد مستغربين بخصوص محسن ومنصور هذول من شافوا صقر انحاشوا وتركوا سلطان- سامي اخذ البطاقه: اسف وشكرا مها: احم لا داعي عفوا سامي: الحمدلله صقر جا مها: اسمه صقر؟ سامي: ايوه مها: صقر خلاص اتركه اعدمت وجهه صقر: ما راح اتركه هالحقير مها: قلت لك اتركه هذا شي بيني وبينه رجاءا لا تتدخل صقر تركه سلطان ركض برا الكافيتيريا صقر: عشانج بس يا؟ مها: انجلينا صقر: انجلينا؟؟! سامي: جذابه اسمها مها صقر مسك سامي مع ياقته: قلت على مين جذاب؟ سامي خايف: محد صقر: هاااه؟؟ مها: خله صقر هذا صاحبي صقر: صاحبج؟ مها: ايوه صقر: اوكي باي مها مها: باي سامي: وه مشكوره بس لحظه صرنا اصحاب جد؟ مها: لا طبعا بس عشان يتركك طيب هو شفيه يدافع عني لا يكون خاق بس سامي: لا مو خاق ولا حاجه بس هو شكله يعشق البنات ما باجي بنت ما دافع عنها مها: يعني بطل هو وذء؟ سامي: لا ليز مها: ساااامج انقلع عن وجهي سامي: اساسا عندي محاضره تشااو مها ناظرت ساعتها: باقي ربع ساعه على محاضرتي يلا يمديني اتمشا شوي ........................................ في السعوديه (المستشفى) تحديداً في غرفة عبدالرحمن كل العايلة متجمعين عنده ويتحمدون على سلامته عبدالرحمن: لو سمحتم يعني ابي اكلم خلود بموضوع خاص أبو عبدالرحمن: افااا تطردنا؟ عبدالرحمن: لا ما طردتكم بس يعني اذا تسمحون طلعوا اهله وبقا هو وخلود خلود: وش تبي؟ عبدالرحمن: مها بتجي؟ خلود: مدري عنها وراه وش تبي فيها؟ عبدالرحمن: مو شغلك المهم كلميها وقولي لها تجي عبدالرحمن يبيك بشي خلود: لا يكووون؟؟ عبدالرحمن: لا يروح فكرك بعيد خلود باحباط: خسااره حسبالي تحبها عبدالرحمن: لا مجرد موضوع متعلق بالعمل اتصلي عليها اليوم خلود: اوكي عبدالرحمن: يلا اطلعي وارجعوا للبيت انتي واهلي مالي خلق شي اليوم وقولي لأمي ما تجيني بالليل تنام عندي منب بزر خلود: نفسيه وربي عبدالرحمن: يلااا خلود: طيب لا تعصب قطيعه باي .. نرجع لعند مها خلصت محاضراتها ولازم ترجع طلعت جوالها بتتصل على ابو فارس لكن تراجعت ودخلت جوالها واتجهت الى الاداره وقفت قدام غرفة المسؤول عن اللي جت عشانه مرتبكه ومتردده بس في النهايه طقت الباب جاها صوت المسؤول من داخل: ادخل دخلت مها وهي في قمة التوتر: السلام عليكم المسؤول: وعليكم السلام تفضلي جلست مها على الكرسي وصارت تناظر الغرفه واللي فيها مو عارفه كيف تبدأ لأنها حاسه سببها مو كافي المسؤول: اسمج؟ مها: مها أحمد المسؤول: وعايلتج؟ مها تناظر بالفراغ بسرحان: ما عندي المسؤول سكت فتره قصيره بعدها تكلم: اي سنة؟ مها: اولى امم ابي اخذ اجازة اسبوعين المسؤول: من اولها اجازه شعذرج؟ مها: صاير شي بالسعوديه فمضطره ارجع المسؤول بدأ يشتغل على الاوراق اللي معه: ايش صاير؟ مها: امم مشكله بعايلتي المسؤول رفع عيونه وناظرها فتره مها ارتبكت وقامت تحوس بشنطتها المسؤول نزل عيونه عنها: راح تأثر على مستواج وراح نخفض من درجاتج لعدم وجود سبب مقنع مها: مو مشكله المسؤول: متأكده؟ مها ترددت للحظه: ايه متأكده المسؤول: تعالي باجر مها: ليه؟ المسؤول: يعني ليه؟ عشان نتم الاجراءات مها: وراه فيه اجراءات بعد؟ المسؤول: ظنيتي اني اذا قلت ايه تاخذين اجازه وبس؟ مها تفشلت المسؤول: كم رقم ولي امرج مها: قبل كذا تعرف محمد الساري؟ المسؤول تفاجأ من سؤالها: ومن ما يعرف محمد الساري مها: ما اقصد معرفتك به كأحد التجار اقصد معرفة شخصيه المسؤول: ايه حصل درسنا مع بعض الجامعه برا كنا نوعا ما اصحاب ونتحدى بعض كثير بس انتهى الامر بي مسؤول هني وهو صار تاجر مها: كنت تحبه ولا تكرهه؟ المسؤول: احترمه مها ابتسمت: اعذرني ضيعت من وقتك كثير مع السلامه -طلعت- المسؤول: ياوبتها بدون ما احس! ابتسم ورجع يكمل شغله ...... مها: ودي انهيه بدون اجراءات اذا عادي عندك ...... هاه لا لا بس اقرب حجز الصبح..... ايه يقول انك كنت صديقه بالجامعه وكنتم تتحدون بعض...... عرفته؟..... حلو باي وشكرا سامي: قطع من شرج ما عندج غير الواسطات مها: انت مو شغلك سامي: ليه الجذب؟ مها: متى كذبت؟ سامي: قلتي ان اقرب حجز الصبح وانتي ما تدرين اساسا مها: وش اسوي عشان يوافق يتوسط لي لأن مالي خلق صراحه سامي: الحلو بالموضوع انج بترجعين مها: ليه تبي الفكه مني؟ سامي: ابدا بس من جلة الحياء انج ما تزورينهم مها: اناا قليلة حياء؟ ياللي ما تستحي سامي: حاليا نو مها: مو فاضيه لك باي سلطان من بعيد: سييموو سامي يمشي: لا تلتفت ما شفتهم انا ما شفتهم ما سمعت شي -بدا يركض- محسن: الجلب يسوي روحه ما سمعنا سلطان: حسابه عسير بعدين ريم: تؤ تؤ ما يصير تحرق اعصابك جذي عليه سلطان: ريم رجاءا سدي حلجج وروحي عني انتي والهيلق اللي معاج ريم ناظرته بحده سلطان ضحك: اوه سوري انتي اسمج ابو نواف معليش يابو الشباب لطيفه: سلطانوه احترم نفسك الظاهر ما تعرفنا زين سلطان: امبلا اعرفكم انتي لطوف وهذي ريم وهذي مريم وهذي اسماء اسماء: سلطاانوه انتبه لكلامك سلطان: سوري سوري عزوز ريم ناظرته من فوق لتحت ومشت ومشو وراها باقي الشله منصور: نسوي لها شي؟ سلطان: ما نتعامل مع اطفال محسن ومنصور ضحكوا نرجع لمها لا خلونا نروح بعد خمس ساعات في الطياره مها متوهقه جنبها شايب سمعه ضعيف: يا عم يااا عم مها اشرت بيدها قدام وجهه لف عليها: بغيتي شي يا بنيتي؟ مها: ابي اروح للحمام وانت بكرامه الشايب: هااه؟ مها: ابي اروووح الشايب: هااااه؟ مها بصوت عالي: اااابببي امممر كل اللي بالطياره لفو عليها مها بعصبيه: خيير وش تطالعون انشغلوا بحالكم اشوف كلهم لفوا عنها وهم يتحمدون ربهم ويشكرونه جتها المضيفه: إختي ما بيصير تزعجي الركاب مها: تفاهمي مع هالشايب اول المضيفه: شو في؟ مها: ابي اروح للحمام وانتي بكرامه واقول له بعد بروح بس ما يسمعني المضيفه مدت يدها للشايب وساعدته يقوم وهو ما يدري وش السالفه ومها قامت وراحت ..مها طلعت تنشف يدينها: لحظه انا شجابني للطياره؟ ليش اروح للسعوديه عشانه؟ مها هو المسبب بخطفك ليش تزورينه الحين؟ .........: مهبوله انتي؟ مها: نعم؟ .........: مجنونه تكلمين روحك؟ مها: اقول اسكت ما بقا الا البزران يقولون علي مجنونه .........: اقول وخري ابي ادخل مها راحت وهي منقهره انتهى البارت رايكم؟ معليش حاولت اطوله قد ما اقدر انا كاتبته من زمان بس تعيجزت انزله سوووري ما تخافوش فيه بارت ثاني |
|
#35
12-26-2014, 08:01 PM
| ||
| | ||
| البارت الثالث عشر بعد ما وصلت للسعوديه اخذت تاكسي وراحت لبيتهم دخلت ما لقت احد حطت اغراضها وراحت للمستشفى الموجود فيه عبدالرحمن بعد ما سألت عن رقم الغرفه راحت ودخلتها: السلام عليكم الكل: وعليكم السلام ام عبدالله: من انتي؟ مها: هاو ما عرفتيني؟ انا مها ام عبدالله: الحمدلله على سلامتك مها: الله يسلمك وين عبدالرحمن؟ عبدالله: بالحمام مها فكت اللثمه: كويس تضايقني هاللثمه ابو عبدالله وعبدالله صدو عنها مها باستغراب: شفيكم؟ ما لقت رد مها: يبه عبود شفيكم؟ عبدالله والكلام بالموت يطلع: محنا ممحرم لك مها: تستهبل انت! وش اللي محنا محرم لك عبدالله عض شفاته بقهر مها: يمه اشرحي لي شصاير؟ ام عبدالله بتوتر: مها حبيبتي انا ما كان ودي اقول لك من الحين بس شكلي بضطر اقول -سكتت شوي مها تنتظر امها تتكلم ام عبدالله: ما عاد حنا اهلك مها حست قلبها انطعن هذا الشي اللي ما كانت تبيه يحصل ام عبدالله: م...مها مها دموعها نزلت: سويتوها وتبريتوا مني! ام عبدالله: مها حنا ما تبرينا منك حنا بس... مها قاطعتها بعصبيه: ما فرقت نفسس الشيي انكم طلعتوني من سجلكم نفسها تبريتوا مني.. اساسا كنت عارفه بتسوونها ما صدقتوا تلقون عايلتي الا متبرين مني! ام عبدالله انفعلت: مو بكييفنا افهمي مها بصراخ: يمممهههه انكتممي تكفيين ابو عبدالله عصب: مهههاا احترمي نفسسك مهما كان لسانك ما يطول امك اللي ربتك مها ترجع على ورا: لو هي امي ما تبرت مني لو انت ابوي ما تركتني كلكم مو طايقين عيشتي معكم لو انتم اهلي جد كان.... ابو عبدالله بدا ضغطه يرتفع: مممهههههااا مها حطت لثمتها وطلعت تبي تبتعد قد ما تقدر فجأه جتها امها مشاعل من بعيد مع خواتها مها وقفت تناظرهم متجهين لها مشاعل شافت مها وفرحت ومشت بسرعه وجت بتضمها لكن مها تجنبتها مشاعل زعلت وتفشلت: شفيك تبعدين عني؟ مها ناظرتها بحقد: ولااا شي باي راحت مها بسرعه عنهم شهد: شفيها؟ ريم: يمه تتوقعين عرفت؟ مشاعل تنهدت: شكلها شهد بلقافه: تعرف وش؟ ريم: مو شغلك وانتي حاشره روحك بكل شي شهد: يمه تعرف وشو؟ مشاعل: اتركي لقافتك مب نافعتك وانخطبي وفكينا قطنتي عندنا ما جاك احد شهد تفشلت: يعني لازم تفتحين جروح يا يمه مشاعل: عشان تتسنعين يالرفله عند مها تمشي بسرعه ومو شايفه اللي قدامها بس اهم شي تطلع صقعت بواحد رفعت راسها معصبه: ما تشوووف يا.....-ناظرته منصدمه- وهو يناظرها مستغرب شفيها مها: اننتت انتتت! .......: شفيني انا؟ مها: انت يااسر! ياسر: ايه انا ياسر من انتي؟ مها: انا مها ياسر: بقرة رويشد مغيرها؟ مها: وجع ياسر: من زمان عنك اخبار دحدح؟ مها: لا تدلعه الكلب ياسر ضحك مها: ياسر تكفى طلبتك قل تم لا تردني ياسر: ابشري شبغيتي مها: تكفى طلعني من هالمكان الله يخليك ياسر حس وراها سالفه بس ما حب يزعجها: تعالي معي مها راحت مع ياسر وركبوا سيارته ومشا ياسر: على وين؟ مها وصفت له بيت ابو عبدالله بعدما وصلوا مها: خلك هنا بجيب اغراضي واجي ياسر: اوكي مها دخلت بيتهم واخذت شنطتها وكل اغراضها وطلعت ودخلتهم بالسياره وركبت ياسر: على وين الحين يا ستي؟ مها: اي مكان ينعاش فيه ياسر: ما ودك نروح لقصر راشد؟ ترى مشتاق لك حيل مها عقدت حواجبها: ياسر وبعدين ياسر: اوكي بكيفك انا بس اقترحت مها: روح على اي فندق ياسر: ماشي بعد ما وصلوا مها شهقت: لا هذا فخم مره باين عليه ان ايجاره غالي ودني مكان ثاني ياسر: ما عرفتي ليش جبتك هنا؟ مها: ليش؟ ياسر ابتسم ورفع حواجبه ونزلهم: عندي واسطات هنا مها استانست: يعني؟ ياسر طلع جواله: يعني ابشري بعزك مها: انا كنت عاارفه موب نافعني غيرك ياسر اتصل: الو هلا علي كيف حالك...... بخير دامك بخير......ايوه بغيتك بشغله.......شايف فندقك......ابيك تعطي لشخص اعرفه جناح......ي شيخ اقصد انك تخفض من ايجاره..... اسمه؟؟..... مها.... لا لا مو بنت مرقمها بس وحده مديون لها...... مو شغلك ....... خلاص اوكي يوصل باي مها: خويك ذا نشبه ياسر: بشككل اقول بس انزلي يلا مها نزلت وراحوا على الفندق ياسر: علي اتصل؟ .......: لا طال عمرك مها: اوف ابطا رن التلفون ........: هلا طال عمرك...حاضر سكر السماعه: لو سمحتي اسمك مها؟ مها: ايوه ........: عبي البيانات مها عبت بياناتها: خلصت .........: طال عمرك كم الايجار؟ ياسر: انتي شرايك مهوي؟ مها: مدري ينفع خمسين؟ ياسر ضحك: اوكي يالفقر مها: على تراب .......: تفضلي البطاقه مها اخذت البطاقه: وشي ذي؟ ياسر: عمياء انتي؟ بطاقه يعني وش مها: لا اقصد يعني وش اسوي بها ياسر: تفتحين وتقفلين فيها الجناح يعني ايش مها استغربت: موب هذا المفتاح ياسر: الحمدلله والشكر تطورنا الحين صرنا نستخدم بطاقات موب مفاتيح يالجاهله مها تفشلت: طيب وانا شدراني منب اتنقل من مكان لمكان ومن بنت لبنت زيك ياسر: حراام عليك منب قذر كذا مها: لا تنكر ياسر: هذاا سلطانووه موب انا مها: اوه ايه فعلا انت نظيف سلطان وصخ ياسر: ي ليل البعارين مها: على طاري سلطان وذء سلم لي على الشباب ياسر: يوصل مها جت بتاخذ اغراضها ياسر: خليهم هم يجيبوها لك انتي بس طسي وفكينا مها راحت وهي تتأفف نروح للرباعي المرح كانوا بيوزعونهم عشان الدار بيتسكر رنا العبره خانقتها: بنات ايش نسوي؟ لميس: شرايكم ندق على مها يمكن عندها حل البنات: يلا راحوا واستأذنوا يتصلون مها ردت: الو هلا مين؟ البنات وهم يبكون: مهاااا مها خافت: من؟ لميس: حنا لميس ورنا ومرام وريناد مها: شفيكم؟ ريناد: بيوزعونا على دور الايتام بيفرقونا مها: ايش! وانتم ساكتين ليش مرام: ايش تبينا نسوي مثلا مها: ترى من عمر 18 ما تقعدون بالدار البنات: ايييش! مها: شكلهم ناوين يشغلونكم عندهم رنا: ونا بنت ابوووي مها: احسن لكم تتركون الدار مرام: ووين نروح ي حظي؟ مها: تعالو عندي ريناد انصدمت: وين بدبي! مها: لاا انا الحين بالرياض لميس: تبيننا نجي عند اهلك! مها: انا اسكن لحالي مرام: اخاف نثقل عليك مها: لا ابدا رنا: طيب كيف نقنع المديره مها: قولوا لها انكم وصلتوا لسن الرشد وانكم المفروض طالعين من زمان ومن هالكلام وقولوا ان عندكم مكان تروحون له مرام: طيب وين ساكنه؟ مها وصفت لها المكان راحوا البنات يتكلمون مع المديره بعدها تحول لنقاش حاد استمر لنص ساعه انتهى بالموافقه بشرط ان الحارس يوديهم ويتأكد وين بيسكنون ومع مين بعد ما وصلوا كل البنات طبوا على مها مها: كسرتوا عظاامي بعدووو رنا: اشتقناااا لك يالتسلبه مها: الحين صرت تسلبه مرام: ابدا انتي عمتها افا عليك رنا: وجع مراموه مها: ما راح تصدقون من شفت البنات تحمسوا: مين؟ مها: يااسر لميس انصدمت: مغيره اللي خاطفنا؟ مها: هوا زاااتو مرام: يمممه شجابه ريناد بغيره: وايش صار بينكم؟ مها: وانتي شعليك؟ ريناد ميلت وراحت تشوف الغرف رنا: وش فيها ذي؟ مها: مدري عنها نفسيه مرام بدت تبتسم: لا يكووون لميس غمزت لها: اللي بالي بالك مرام: اووووه رنوود علينا رنا: شتخربطون انتم؟ مرام ولميس: اووووووه مها: كولو تبن مرام: الف الصلااااة والسلااام عليك يا حبيييب الله ممحممممد لميس زغرطت ريناد دخلت عليهم: ورا ما تنطمون مرام: اوووووه رنا رمت عليها شراباتها: اقول انطمي ابثرتينا تراك مرام: ووووععع الله يقرفك انتي وريحة الشرابات ذي كني بحضيرة غنم مها: التشبيه اليم فشلتي البنت رنا تدخل: المعذره والسمووحه يا اهل البييت مرام: ماهناش احد اركدي مسويه فيها ادب رنا: محد كلمك مها: بروح اكلم خوذو راحتكم رنا تمشي للمطبخ: لا توصين حريص مها دخلت غرفتها واتصلت على ابو خالد: الو السلام عليكم ابو خالد: وعليكم السلام شلونك مها؟ مها: بخير الله يسلمك ابو خالد: بغيتي شي؟ مها: ابي انقل لأي جامعه بالرياض بشكل مؤقت تقدر؟ ابو خالد: والله ما ادري لأن لو نقلتي المفروض تعيدين من بداية اولى لأن التعليم يختلف من جامعه لجامعه مها: اووف خساره ابو خالد: مب انتي ماخذه اجازه اسبوعين؟ مها: الا ابو خالد: خلاص يكفي اسبوعين ما يحتاج اكثر مها: اوكي بس غريبه ما سألتني وين انا ابو خالد: اعرف وين انتي ليه اسأل مها: يممه كيف عرفت؟ ابو خالد: احد ما يعرف مكان بنته؟ مها سكتت ابو خالد تنهد: زوريني بأقرب وقت مها: حاضر ابو خالد: يلا مع السلامه مشغول مها: مع السلامه مرام درعمت عليها: معك الشيف جولي ايش طلبك؟ مها: شتسوين؟ مرام: اسألك وش تبين مها: وليش تسألين؟ مرام: غبيه انتي؟ بذوقكم من طبخي مها: اي طبخ؟ قصدك الفحم اللي تسممنا منه حنا والشباب؟ مرام: لاا حبيبتي تحسسنت مها: اقول ظفي وجهك انتي وكشتك اخر من يدخل مطبخي انتي مرام: ترى ما عاد اسوي لكم مها: من زيين طبخك الحين نطلب من الفندق ويجيبون الطلب وبنص ساعه واحلا من طبخك المحروق اللي تقعدين عليه ثمان ساعات مرام: افهم من كلامك ان طبخي مو عاجبك! مها: تفهمين من كلامي اني ابيك تشيلين هالمريله من عليك لا وربي اعفس اغراضك مرام: لهالدرجه يعني طبخي طايح من عينك! مها: طايح من خشمي يلا شيليها مرام ترمي المريله: اساسا من زين بطونكم املاها ومن زين مريلتك ميكي ماوس ذي مها: مريلتي خقه ونا ادري مرام تصرخ: بنااااات البنات: هااااه مرام: تعالو بسررررعهه شي خطير البنات جو مها: شعندك مناديتهم عندي؟ مرام: ريناد نبي نسألك الكل لف على ريناد ريناد توترت: اا ام اوكي اسألوا مرام: ياسر ريناد قلب وجهها: شفيه ياسر؟ مرام: انتي تحبينه صح؟ مها: اااححح ريناد: لااا لا ما احبه قططع تخيلوا احبه مها: اشوا لميس: ريناد حنا خواتك تكلمي ريناد: قلت لكم مااا احببه اووف مرام علا صوتها: رييناااد ريناد شوي وتصيح: اوووه ايييه احبه ارتحتوا؟ اعشقه اموت فيه رنا ما تحركت كله تناظر ريناد مها مسكت راسها: ي خررااشي تحبيينه اجل؟ منن متى؟ ريناد: ما ادري من متى بالضبط بس اللي اعرفه الحين اني احبه مرام ولميس ابتسموا بانتصار مها لفت على رنا: وانتي عسى ما حبيتي صقر ولا احد ثاني ي مسودة الوجه رنا تمشي لبرا الغرفه: ايش شايفتني؟ هه ما عندي هالسوالف مها: شفيها ذي؟ مرام تنهدت: بنات كلهم لفو عليها مرام: هي وحده من ثنتين ريناد: مسويه فيها وحده من ثنتين اقول اخلصي علينا مرام: يا إن رنا تكره الشباب كلهم او لميس عرفت وش بتقول وعظت شفاتها السفليه بقهر مها خافت: او ايش؟ مرام: ريناد ريناد: نعم مرام: ممكن تطلعين برا ريناد: ليه؟ مرام: لو سمحتي ريناد طلعت برا وسكرت الباب مها: ايوه مرام: او ان رنا تحب ياسر هي بعد مها شهقت: لاا مستحيييل لميس تهز رجولها: الا بلا تصير مرام: لميس لا توترين روحك هي وحده من ثنتين يعني يمكن الثانيه مو صح لميس: ما شفتتي معاملتها للشباب قبل؟ اختي واعرفهاا مستحيل تكون تكرههم مها: طيب وريناد؟ مرام: شفيها ريناد؟ مها: انتم قبل كنتم ناوين تساعدونها صح؟ مرام ولميس: صح مها: بس الحين فيه ريناد ورنا من بتساعدون؟ لميس: ياسر بيحدد مها: ما فهمت لميس: يعني ياسر بيقول من يحب مها: واذا كان ما يحب احد ولا يحب احد من ثلاثنا وش بتسوون؟ مرام: هذا اللي كنت خايفه منه انه يكون يحبك او يحب لميس او يحبني وقتها مصيبه لميس: ما راح نعلم ريناد ورنا اوكي؟ بنقول بس انه ما يحب احد عشان يوقفون حبهم مها: اكييد بس هذا وجهي اذا طلع انه يحب احدنا مرام: بس المشكله ما معنا رقمه مها: انا معي رقمه مرام: حلوو بس مين بتكلمه؟ مها ولميس: انتي مرام: نعععمم لاا مابي مها: ولاا كلمه انتي اكبر وحده مرام تاخذ الجوال: حسبي الله عليكم وش مسميته مها: الزرافه لميس: لو تدري عنك ريناد قطعت رقبتك مها: ادري مرام: اوص اوص رد مها ولميس لصقوا اذانهم عند الجوال مرام: ارررحب ياسر ياسر عرف اسلوبها: ارحبي مرام ليه جوال مها معك؟ مرام: اقول اسكت من زمان عنكم ياسر: ي شيخه لكم فقده حتى راشد المسكين قلب حاله مرام بعدت عن البنات: اففاا شصار؟ ياسر: متغير ترك خرابيطه وفتح له مدرستين اهليات بالرياض وحده للبنات ووحده للعيال مرام: اووه حركاات اجل شكلي بدخل عيالي فيها ببلاش ياسر: على كيف امك انتي؟ مرام: ايه ياسر: لحظه عندك عيال!! مرام: لا بس مستقبلا ياسر: اها مرام: الا اقول ياسر بغيت اسألك ياسر: اسألي مرام: انت تحب وحده من البنات؟ ياسر تفاجأ من سؤالها: لا مرام: ياسر قول يمكن هالبنت تصير تحبك بعد واضبطك معها ياسر: بشرط مرام: شنو ياسر: ما تقولين لها مرام: يعنني انتت! ياسر: ايه مرام: من هي؟ ياسر: توعديني ما تقولين لها؟ مرام: لييه طيب يمكن تحبك خلني اقول لها ياسر: قلت لك لااا ما تفهمين؟ مرام: اوكي اوعدك ياسر اخذ نفس: الحقيقه هي ....... انتهى البارت ايه رايكم في البدله؟ قصدي البارت مين تتوقعون اللي يحبها ياسر؟ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية عن نارتو مدرسة الثانوية وبعنوان (احبها ولاكن) اول رواية لي | صغيرة لاكني خطيرة | قصص الانمي المُستَوحاة و المصوَّرة | 93 | 08-04-2017 12:39 PM |
| روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ | نكبهـ | أرشيف المواضيع الغير مكتمله او المكرره او المنقوله و المخالفه | 51 | 03-02-2015 04:19 AM |
| رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية | florance | أرشيف المواضيع الغير مكتمله او المكرره او المنقوله و المخالفه | 2 | 02-26-2014 02:28 PM |
| رواية نور الكون رواية جديدة من روايات سعوديه رواية نور الكون | الحب الساكن | أرشيف المواضيع الغير مكتمله او المكرره او المنقوله و المخالفه | 13 | 07-03-2011 03:30 PM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
69Likes
العرض العادي
