|
|
#16
06-10-2014, 12:53 PM
| ||
| | ||
| في غرفة نوم البنات(طبعا البنات ينامون منقبات لأن الشباب صاروا يدخلون عليهم فجأه) هدوء والكل نايم وفجأه.. صقر يكسر التحف والصوت قوي ريناد تتمغط: يا ليل الليل من غزانا مها: اقسم بالله مخطوفه جايبيني بالغصب توبه اطب دولتكم وانا ما ابي منكم الا العفو والصفح ترانا اخوان يا اهل بريطانيا مرام انسدحت تحت السرير: يا عيال انخفضوا فيه اصوات اطلاق رصاص رنا طبت جنب مرام: وش عرفك انها طلقات رصاص مرام: خبرة السنين انتي توك عليها لسا ما جربتي مها طبت جنبهم: تراتس اكبر منهم بسنه ومني بسنتين لا تقعدين تسوين نفسك مجربه مرارة الحياة ريناد انبطحت معهم: شوفوا حنا لازم نحيا سوا او نموت سوا ولا تراي بزعل رنا: لا تكفين لا تزعلين بنموت ان شاء الله مرام: ايه ان شاء الله مها صارت تضحك وتضرب بالارض لميس انبطحت معهم: يا عيال وش السالفه اول ما قمت سمعت هالصوت لا يكون بشار انتقل لبريطانيا وانا مدري مرام: يوووه لا تجيبين سيرته هالصعلوك رنا: على حسب خبرة مرام بما في الحياة اكتشفنا انه اطلاق رصاص وانا اظن انهم اعداء خاطفينا والله اعلم مرام: ايه نعم لميس: اخس صرتي حقت الاجواء الي تطلع بالتلفزيون اوم تنوره قصيره مرام: لا يا غبيه انا تسميني من حقات الاستخبارات الامريكيه ذولاك الي يلبسون اسود ضيق اما هالحيوانه اوم تنوره مالها دخل بالسالفه مها: شكلك غايره من سيقانها اعترفي مرام: انا اغار؟ انا؟ مها: ايه انتي مرام: يلا بس انا ابيض منها صقر وقف ريناد: شكل الرصاص فضى عندهم خلونا نهجم عليهم رنا: لا يا غبيه انتي ما تدرين يمكن معهم سكين وحنا ما عندنا اسلحه ريناد: ايه صح وفجأه صقر كسر اخر تحفه واكبر تحفه وكان صوتها اقوى من الي قبلها مها ارتجفت: يمممه بسم الله الرحمن الرحيم يا ربي احمنا من ظلم الاعداء يا رب مرام: سامحني يا بشار بس هالمره ياخي انا وش سويت لك بس قلت صعلوك يعني لو تفكر بتلقى نفسك جد صعلوك يعني انظر لحقيقة الواقع ريناد: لا تنسون بنات نموت مع بعض الي تسبقنا للموت يا ويلها ترى بقبصها قبصة النمله لميس: لا تكفين قبصتك ذي تعور صقر بصراخ: قوموا يا تبن انتي وياها قوموا (الشباب دروا عن سالفة الخطف ونقلوا عند البنات عشان كذا لا تستغربون انهم موجودين) كل البنات قاموا ورفعوا يدينهم صقر كتم ضحكته: لفوا على الجدار اشوف يلا ريناد بهمس: بنات لا تنسون بزعل منها الي تموت اول مها: واذا متي انتي؟ ريناد: بسيطه انتم ازعلوا مني صقر ضرب الطاوله: ولا كلمه انتي وياها ريناد نطت من الخوف صقر: على رجل وحده اشوف كل البنات وقفوا على رجل وحده صقر: تعلقوا بالمروحه اشوف يلااا رنا لفت: لا عاد تراك مصخت.. صقققرر مها لفت بسرعه: يالحيوان وانا خايفه حسبالي غزونا مافيا جعلك المر الي يمرمرك مرام شهقت: شنو هذا من كسر التحفه الي خاقه عليها لميس ضحكت: اجل رصاص والله ما عندك سالفه رنا: لعبتي علي يا حماره صقر: تعالوا وراي راشد بيقول لكم شي مهم مها: هذا لو فيه خير كان قال شي مهم كل الي عنده بضاعاته الي مثل وجهه منتهي تاريخها ريناد: الحين سؤال صقر انت وش شغلتك صقر: اتاجر بمنشطات مرام: كفو هذا الي يساعد بلادنا مها تضحك: يا حليلك مو هالنوع من المنشطات نوع ثاني ريناد ومرام ورنا فوقهم علامات استفهام لميس شهقت: مخدرااات يالظالم مخدراات البنات كلهم تخبوا ورى طاوله كبيره ماعدا مها ريناد: بتذبحنا اذبحنا كلنا انا ما عندي استعداد اموت والباقين يستانسون لحالهم على كيفهم هم رنا: مها انتي كيف ما تخافين منه مها تضحك: ما تشوفينه عص نحيف يعني ما يضرب واسلحه اكيد ما معه بزر صقر ابتسم وطلع مسدس من جيبه الخلفي مها تخبت معاهم: يا ويلي ويلاه وش جاب المسدس بيدك والي يعافي والديك اتركني حيه تراي توي صغيره ابي اتزوج صقر عبى مسدسه رصاص: تبين تتزوجين هاه؟ بالجنه ان شاء الله البنات صاحوا صقر دخل المسدس بجيبه وضحك: وانتم صدقتوا؟ يا حليلكم بس اطلعوا من الطاوله البنات: لا صقر: اطلعوا دام النفس عليكم طيبه مرام: بتكلم نيابة عن البنات صقر: تفضلي مرام: سلم جميع اسلحتك وجميع املاكك ولا والله ما نطلع صقر يطلع من جيوبه ويرمي عليهم يوم وصل للباكيت حق الزقاير والولاعه: لا عاد هذي الحب ما راح تاخذونها ريناد قامت وسحبته منه: هات بس ما بقى الا انت ترفض اوامرنا مها ماسكه المسدس: ياي شكله خقه بالله بنات ما اشبه نيكيتا مع المسدس لميس: تخسين انتي حدك تشبهين هتلر مها: لا وع ابو شنب ما ابيه لميس طيرت عيونها: اجل تبيني اخليك تشبهين بشار مها: لا لا خلاص توبه ما ابي اشبه احد انا اشبه انا لميس: شااطره رنا: والله انتس مخفه مها جت بتطلق: من هنا اضغط صح؟ صقر ركض وسحب منها المسدس: يا كلبه بغيتي تذبحينا الله لا يوفقتس مرام: بنات ارجعوا ورى الطاوله العدو استلم السلاح البنات كلهم تخبوا ورى الطاوله صقر: لا حووول تعالوا ساعه عشان اجيبكم لراشد والله حاله رنا: هالمره انا بتكلم صقر: بسرعه اخلصي رنا: ارمي مسدسك واطلع برى صقر رماه وطلع برى والبنات لحقوه لميس: الحين تاخذين زقاره ليش؟ ابي افهم ريناد: هي ليتها ولعتها جايبتها كذا مها: يا غبيات هذي عشان استقوي على راشد واذا شاف الزقاير بفمي بيخاف ويطيعني صقر: ابارك لك على الفكره مها: الله يبارك فيك مرام: مع نفسك وصلوا لعند مكان الشباب وجلسوا راشد توازن: انا جامعكم يا بنات البنات: ايه راشد: عشان اشواركم بالنسبه للمدارس الي بوديكم لها رنا: ودني مدرسه للفنون ابي اصير مشهوره مرام: انا ابي اروح مدرسه خاصه للعيال يمكن نلقى مزايين لميس: انا ودني لمدرسه حقين رياضه وذء ابي اجرب البس ملابس كرة سلة مها نزلت دموعها: يعني ما راح ترجعني لاهلي راشد: لا ما راح ارجعك مها: ليش طيب؟ البضاعه راحت تاجروا فيها من اسبوع خلاص ما عاد هي فيه ليش ما ترجعني راشد: انتي مالك دخل ورجعه ما راح ارجعك لين ترجع لي البضاعه مها كشرت: الله لا يوفقك يا حيوان وانا كنت احسبك راحمني وبترجعني بس ما اقول الا حسبي الله ونعم الوكيل فيك( وراحت فوق تبكي) لميس: انت ما بقلبك رحمه؟ بنت صغيره عمرها 16 سنه تسوي فيها كذا هي شذنبها مرام قامت: حنا ما نبي مدارس ولا نبي قرش واحد منك يا زباله(وراحت فوق) البنات لحقوها وبقى رنا رنا: الله لا يسامحك يا ولد الحرام(ولحقتهم) سلطان: كذا تصيح البنت المسكينه راشد معصب: اقول اسكت ما بقى الا انت تعلمني الصح من الغلط(وقام) صقر لحقه: راشد شفيك؟ انت مره تغيرت شصار لك؟ راشد لف عليه: اففف ما ففيني شي مافيني شي ما تفهموون صقر: انت امرك غريب البضاعه راحت ومافيه امل ترجع مبقي مها عندك ليش؟ بتنتقم مثلاً راشد: لا مو كذا صقر: اجل؟ راشد صار يتلفت يمين ويسار صقر: انت شفيك ذابح احد؟ راشد: انا مخلي مها عندي عشاني مو شايف ان الوقت مناسب انها تروح صقر: وليش مو شايف الوقت مناسب راشد: عشان...( ولا بلاش اقول خلوها بالبارت الجاي .................................. بمكان ثاني عند محمد ومشاعل مشاعل: بشر لقيت مها؟ محمد ماسك راسه: دوروا بكل مكان ما به مكان تركوه حتى البر دورنا فيه عجزنا نلقاها شكلها برى الرياض مشاعل بكت: تكفى يا محمد وسع البحث على السعوديه محمد قام: يصير خير مشاعل: لا حول ولا قوة الا بالله بنتي راحت قبل ما اشوفها حسبي الله بمن كان السبب يا ربي احمي بنتي يارب انتهى البارت معليش البارت قصير الاسئلة:- اعجبكم البارت؟ اكثر مقطع اعجبكم؟ ليش راشد قال الوقت مو مناسب؟ توقعاتكم للبارتات الجاية |
|
#17
06-10-2014, 02:30 PM
| ||
| | ||
| السلام عليكم ورحمة الله وبركاتهه مرحبآ جميلتي بارت رائع ومميز .. تحسنت قليلآ داومي على هذا المنوال لايوجد لدي وقت الان سارد في قت لاحق التعديل الأخير تم بواسطة Panadol # ; 06-11-2014 الساعة 12:14 PM |
|
#18
06-11-2014, 10:41 PM
| ||
| | ||
|
السسلام عليكم ورحمة الله وبركاته كيفك يا قمييلهه إن شاء الله بخير ؟! صباحك سكر وعسسل وقشطة وكل شيء زين   --------------------------- وتعجز الكلمات عن التعبير!! ، فنفدت الكلمات والمعاني فماذا اقول وماذا اعبر!! كح كح صرت شاعرهه هههههه  >>لحظة لحظة تسمين هذا شعر ؟! >>يب يب >> هذه خربشات مو شعر الله يخلف عليك  >> كح كح يختي سلكِ <<طيب سلكت... كح كح انسسي المناقشه اللي فوق نبدأ نعلق شسمه ذءء البآرت في قمهه الفخامهه والقممآل  وذءء شسمه يومنهم يخافون وخدعهم صقر هههههههه مت ضحكك ولا يوم تشر مهاا بالمسسدسس عليه هههههههههههه :lamao: وتفاجآت لمَّ بكت مهآإ ما توقعت انها كذاا حساسه ، ومن شدهه التفاعل معها بغيت ادخل واروح اضم مهاا واخفف عنها واسفرها لم اهلها ههههههههههه وذولي اللي صارن مع مهاآ المخطوفات اللي هن مرام ورنا و.. الخ حسيتهن طييات وهيكا وهذا رويششد ودي اضرببه يأخي حررام عليك البنت تبي تشوف اهلها وترجع لمهم ليه ما ترجعها اكرهك تفهم اكرهكك<تفاعلت الاخت وذءء استغربت لمَّ قال انه مو بالوقت المناسسب وش قصده يعني ؟! المهم نجي نجاوب على الاسئله اعجبكم البارت؟ يب يب كثثثير اعجبني بس عيبه انه قصصير ، بس يلاء بتعوضينه بالبارتات الجايات ان شاء الله  اكثر مقطع اعجبكم؟ كح كح اكثر شيء عجبني يوم صقر يخدعهن هههههه ليش راشد قال الوقت مو مناسب؟ لا أعلم، بس احسس انه قال كذا عشان لو مثلا رجع لاهلها اللحين بيصير اهلها يبحثون عنههآ بعدين بيشوفون مع راشد ويدورن انه هو اللي خاطفها!! هههههه ادري التوقع زي وجهي خِربِطَه ههههههههه توقعاتكم للبارتات الجاية اظظن بيصيير شيء حمااااسس يمكن بتهج مهااا وتروح لم اهلها وبدون ما يدري راشد وطقته ههههههه متشوقه ومتحسمة للبارت القادم اتوقع بيصير مفآجات كتييرة  وحبيت اقولتس انتس ممرهه مببدعه وكذءء ويَ زينتس بس متابعهه لتس الى آخخر روايتك بإذن الله في أمـان الله ورعايـته
__________________ - - يَ ربْ جَنةة تُلملمْ شِتآتنآ !سبحآن الله وبحمده , سبحآن الله العظيم . . - تمْتعوْآ بَآلآستغْفآر / .. حتىِ يَتعْلىِ حزنكَم ! . . وْتنزلَ رحمْآت آلإله عليكَمِ ♥♥’ [ آسَتغفْرِ آلله وْآتوْبَ آليههْ :/ْ 2013 - 2015 . |
|
#19
06-21-2014, 02:20 AM
| ||
| | ||
| البارت الثامن راشد: عشان امم عشان صقر: خلصني راشد: عشاني اكرهها ايه اكرهها وما ابيها تروح اهلها صقر يناظره بنص عين: رويشد قول الصدق ترى ما تمشي علي راشد: قلت اكرررهها صقر: تحبها؟ راشد عصب: اقول لك اكرهها ما اطيقها غاثتني صقر: راشد جاوبني تحبها صح؟ راشد سرح: وامووت عليها صقر ابتسم: والله اني قايله راشد تلخبط: هاه لا لا من قال لك اصلا منب ميت عليها ولا ابيها صقر مشى: ايه ايه صدقتك راشد: يووه الحين يذلني عشاني قلت له اوف يا شيني اضعف بسرعه بس والله انها تهبل صقر يمشي مبسوط ويدندن مرام: ابك شفيه الرجال منبسط صقر: مرام مرام: هاه؟! صقر: لو اقول لك وش سمعت قبل شوي ما راح تصدقيني مرام: وشو وشو وشو قل قل تفكى ترى تفكى تهز الرجاجيل صقر: موب كل شي ببلاش مرام: آمر طال عمرك صقر رز نفسه: جيبي لي مويه بارده مرام: اببشر(وراحت تجيب له ورجعت) صقر اخذ المويه وشربها: ايه ابيك كذا مرام: اخلص علي وش مخبي راح هو ومرام على جنب مرام متحمسه: وشو بسرعه صقر بهمس: اششش لا يسمعك احد مرام مسكت فمها صقر: تشوفين راشد مرام: ايه هالسحليه مغيره شفيه؟ صقر: يحب مرام: الله اكبر سحليه يحب والله ما هقيتها صقر: طيب خليني اكمل مرام: طيب طيب صقر: يحب مهاا مرام انصدمت: يحبها!! يعني عشان كذا ما ما صقر يهز راسه: ايه ايه ايه مرام ضربته مع كتفه: كفوو والله هذولا الرجاجيل موب سلطان هالخكري صقر: سلاامات يابو الشباب مرام: وشو؟ صقر: تتجرأين تضربين كتفي؟ مرام: وه من زينك عاد صقر: ترى ما اجيب لك اخبار طازجة مره ثانيه مرام: لا لا خلاص اتوب صقر: يلا انقلعي لخواتك مدري خوياتك ويا ويلك يطلع هالكلام لا لمها ولا لغيرها مرام رقت وما سمعت كلامه صقر: الله يستر من اوم حلقين ذي بتفضحنا مرام تدخل الغرفه: بنااات اجتماع البنات عند مها يهدونها رنا: هذا وقتك انتي مبسوطه والمسكينه تبكي مرام: لا لا بنات هذي حاله طارئه لازم تجون كلكم ما عدا مها خلوها ترتاح مها انسدحت وتغطت بالبطانيه: روحوا ابي اجلس لوحدي شوي الكل طلع مع مرام ريناد: وش عندك؟ لميس: اكيد فيه عروض بيتزا ولا شي انتي مو وجه حالات طارئه مرام: مسويه فيها طالعه منها ترى حتى انتي ما عندك الا الدجه انتي وتوم كروز لميس: لوو سمحتي تراه زوجي احترمي نفسك رنا: يلا قولي لا ادفنك مرام: طاافكم شي خطيير حماس البنات تحمسوا: وشو مرام: تشوفون السحليه الي عندنا ريناد: اي سحليه؟ مرام: يا الله يا غبيه من غيره راشد هالسحليه البنات كشروا: ايه مرام: ما تتوقعون وش بقول ترى راشد ما دروا الا صقر ماسك مرام من عبايتها ورافعها: وانا ولد ابووي انا ما قلت لك لا تفضحينا مرام: نزللني يالضب نزلني ترى ابلغ عليك الهيئه نزلني يا متوحش لميس بصوت خشن: نززلها لا يجيك الي ما يرضيك صقر نزلها ومسكها مع يدها وسحبها معه بعيد مرام تحاول تبعد يده: بعد يدك عني يالوسخ ياقليل الشرف والضمير يالي ما تخاف الله صقر بعد يده: عن الغلط تراي سكت واجد مرام: اقول خلصنا بس خلصنا شفيك معصب صقر بحدة صوت: انا ما قلت لك لا يطلع هالكلام انتي ما تفهمين مرام: عادي شفيها تراهم خواتي صقر: بالدم؟ مرام: لا بس حنا عايشين مع بعض وما اتوقع يفشون السر انا اعرفهم صقر: لا حبيبتي بيفشون السر وبيروحون يقولون لسلطان وياسر وبتصير سالفه وبتزعجونا انتم يالسته الين تحس مها وتدري وتخربون على راشد مرام: طيب طيب اكلتني صقر: انقلعي لغرفتكم يلا مرام: حمارك انا تقلعني متى ما بغيت صقر: قللت لك انقلعي مرام خافت وهجت صقر: ما ينفع معهم الا العين الحمرا بعد شهر مها تتمشى بحديقة الفله: الحيوان جا عيد الأضحى وما رجعني انا اوريه(ما درت الا تصقع بشي وتطيح) ااه وش ذا بانين جدار وانا مدري(رفعت راسها وفتحت عيونها على وسعها وصرخت) ياسر جا يركض: شفيك تصرخين مها مغطيه وجهها بيدينها وتصيح: بعده عني بعده يممه ياسر: من هو؟ مها: الخرووف ياسر يضحك: خايفه من خروف؟ مها: على تراب تراي بنت ياسر: جاك جاك جاك مها صرخت بقوه ياسر ضحك سلطان جا يركض: اسمع صراخ بنت يناديني<<هذا الخروف الصدقي مها: ايه تكفى بعد هالخروف عني بعده سلطان اخذ الخروف وراح فيه بعيد بعدين رجع لها وحضنها: خلاص يا قلبي لا تبكي راح الخروف مها دفته وقامت: وخر عني اشوف قليل ادب سلطان: افا بس هذا وانا مساعدك مها: ناديتك انا؟ ما ناديتك انقلع يلا(وراحت) راشد طلع والشرار يطلع من عيونه: ما اتفقنا على كذا يا سلطان سلطان رجع على ورى وطاح: و و وش اتفقنا عليه؟ راشد يطقطق اصابعه: ما حذرتكم وقلت لا تمسون وحده من البنات سلطان: متى قلت كذا؟ راشد: الحيين سلطان: اسف والله اسف اقسم بالله اسف ما راح المسهم او اقربهم سامحني صقر جالس بعيد عنهم شوي بس يسمعهم وبهمس: قصدك لا تلمسون مها مب لا تلمسون البنات والله باين عليك غاير(وصار يضحك) راشد دخل داخل مرام تكب ورد عليه: هلا بالعاشق الولهان هلا راشد: وش قصدك؟ مرام توهقت: ابد سلامتك(وزرقت فوق) راشد طلع برى معصب: صقووور صقر انتفض: الله ياخذك يا مرام اكيد هي السبب راشد: انت قايل لمرام شي هاه صقر: لا لا ما قلت لها شي شكلها تسمعت لنا او شي راشد: انا مو قلت لك اني اكرهها اكرهها افهم صقر: قلت لك ما قلت لها شي(ودخل داخل) راشد: هين عند البنات مها: بنات فاتكم من شفت رنا: لاتقولين ابو هنود لميس: اما عاد ابو هنود تصدقون اشتقت له ريناد: يا ربي شفيكم تنادونه ابو هنود اسمه عبد الكريييم افهموا مها: من هذا ابو هنود؟ ريناد: اووه ابتل اقول هذا اسمه مو... مرام قاطعتها: هذا سلمتس الله هندي يعيش قريب من دارنا كل يوم نعطيه 50 الصبح نرجع من المدرسه نلقاه جايب شاورمات لنا لميس: يا زينه زيناه ولا بعد يجيبها حااره مدري كيف ضابط التوقيت مها: لا لا لا لا لاااااا رنا: يممه اكلتينا شفيك؟ مها: ما شفت ابو هنودتكم ذا ريناد: كم مرره اقول ان اسمه.. مها قاطعتها: شفت خرووف يا خرفان مرام: امماا خروف قوييه لميس: لا عادي اليوم عيد الأضحى اكيد بتشوفون خروف رنا: نشوف لكن مو عند ذولا ريناد: من جد مو معقوله يضحون هالهيلق مها: المهم انا جايه اسألكم بتحضرون معي الحدث ولا لا؟ مرام: ابك رجلي على رجلتس ريناد: قدام البنات نزلوا وشافوا صقر رافع ثوبه وماسكه بأسنانه ومعه ساطور ومتجه لبرى لميس تصفق: جانا السفاح جانا رنا: انت ما تتوب عن ثيابك ذي؟ البس بدلات ترانا ببريطانيا صقر ما رد عليهم وطلع مها تزحلقت على الدربزين وركضت للباب: الي تاصل اول هي الفايزه مرام: بزر انتي؟ مها: لا ب طقطاق مرام: ها ها ها ساامجه ريناد تلحقها: اقول الحقوا على الحدث لا يضيع منكم البنات كلهم طلعوا وشافوا الخروف يحاول ينحاش بس معلق مع راسه وسلطان وصقر ماسكينه مع رجوله وراشد يسمي عشان يبدأ يذبحه ياسر قدام الخروف: خروفي العزيز ان الموت مصير كل كائن حي فلا تخاف من الموت ومت وانت ساكت لا يجيك كرموع كويس بنذبح شوي شوي راشد جا بيقطع رقبته بس شاف مها واختبص: ااء صقر انت اذبحه صقر ترك رجوله واخذ الساطور مها: لو انت رجال كان ذبحته بنفسك يالخواف يالبنوته يالكتكوته رنا: لا تشككين برجولة الرجال ترى الرجال كلهم حساسين تجاه هالشي راشد حمر وجهه واخذ الساطور ودف صقر: انقلع امسك رجوله انا بذبحه ياسر: باي باي حبيبي لا تخاف ما راح تحس بشي راشد سمى وذبحه ريناد تصفر: اوول مره احضر حدث ذبح خروف مها: انا الي اذبحه عند اهلي لميس: امما عااد مها: ايه نعم مرام: كذاابه مها: ايه نعم لميس ضربتها مع راسها: يمحى ابليسك غرت منك عشانك ذابحته طلعتي ما عندك الا الظعوي راشد: اجل منب رجال مها: ايه منت رجال راشد: هاااه مها: امزح ياخي انت رجال ونص تستاهل الميداليه الذهبيه والله راشد: احم احم مها: ياحظ زوجتك فيك انت وفلوسك راشد ابتسم: انتي زوجتي ان شاء الله مها ما انتبهت: هاه؟ تراي ما سمعتك صقر ضربه على راسه: لا ابد ما قال شي سلامتك راشد: ااي راسي خييير صقر يهمس باذنه: انتبه لكلامك لا تخسرها يا غبي راشد: بالغلط ياخي مرام: ياا لبى طيور الحب مها: وش طيوره؟ مرام توترت: هاه لا لا ولا شي من قال طيور؟ مها: مدري عنتس لميس: مشتهيه العب بلاي ستيشن تعالو نهجم على غرفه ياسر ريناد: ايه والله تعالو البنات راحوا فوق لغرفة ياسر طبعا غرفة ياسر معها غرفه منفصله فيها الاشياء هذي بلاي ستيشن تلفزيون ملفات مهمه..الخ وحمام تبع الغرفه بعد(اكرمكم الله) ياسر دخل غرفته وما درى عن البنات ودخل الحمام(اكرمكم الله) يتروش بعد ما خلص وطلع شاف باب ثلاجته مفتوح وفيه احد يحوس فيها قرب من الثلاجه وشاف احد البنات وصرخ من الخرعه ريناد لفت شافته وصرخت ياسر: وش تسويين بغرفتي يا حراميه ريناد فاتحه عين ومغمضه عين: البس ملابس يا قليل الحيا ياسر: انتي الي قاعده تشوفين ريناد: اقول البس ياسر: طيب كيف البس وانتي فيه ريناد غمضت: هه غمضت يلا البس ياسر: قولي والله ريناد: والله ياسر لبس: شفتي شي؟ ريناد: من زينك عشان اشوفك ياسر: الا ما قلتي لي وش تسوين بغرفتي ريناد تاخذ ايس كريم من الفريزر: العب بلاي ستيشن مع البنات ياسر عصب: ايييش ريناد انحاشت للغرفه الي فيها البنات: بناات ياسر بالغرفه بيذبحنا مها: يخسى يذبحني ياسر يدخل: وش تسوون بغرفتي لميس: انا بقوول انا ياسر: قولي لميس تبتسم: نلعب ياسر: شاطره لميس: ادري ياسر: ترى اقسم بالله لو ما طلعتوا من غرفتي الحين بيجيكم شي ما يرضيكم مها ماسكه صوره معلقه على الجدار: هاه اطيحها؟ اطيحها ولا تخلينا نلعب ياسر: لااا لا الا الصوره هذي والي يرحم والديك ريناد: من هذا انت؟ والجحلط الي جنبك هم اخوياك ذولا؟ لميس: ما تغيروا كثير اقدر اميزهم مرام فاطسه ضحك: بنات بنات شوفوا سلطانوه كيف حاضن العروسه مها: من صغره وهو يحضن اجل شكله فاقد حنان رنا مسكت القيتار ومسكته وصارت تطبل فيه: يلا بنات صفقوا البنات صارو يصفقون رنا: وحبه حبه على قلبي حبه وحبه على قلبي حبه حبه مرام: وانتي ما عندك الا ذي تراها قديمه ياسر يصرخ: اغراااضي صورتي قيتاري اتركوها يالي ماشفتوا خير مها: قصر حسك لحد يسمعك رنا: وحبيتك اسمراني نار بقلبي شعلاني دق الماني دق الماني ياسر: انا ابيض يالحقيره رنا: من قاص عليك وقايل اني احبك؟ الشباب دخلوا سلطان: وش فيك تصرخ؟ ياسر: شوفوا المشفوحات يخربون اغراضي صقر: انتم ما تتركون احد براحته؟ راشد: لا خلهم يستانسون شفيها؟ سلطان: انت هالايام صرت تدافع عنهم واجد لا يكون خرفنوك راشد: لا مو كلهم سلطان مستغرب: مو كلهم! راشد: ااء قصدي ان كلهم يخسون يخرفنوني هههههه انت صرت ما تسمع هالايام زين سلطان:اهاا راشد: المهم خلهم يستانسون ياسر يمسح وجهه: اقول لك بيخربون اغراضي راشد: ما راح يخربونها بس بيلعبون بلاي ستيشن صح بنات؟ البنات انبسطوا: ايه صح راشد: شفت ياسر: خلهم يتركون الصوره والقيتار اول البنات رجعوهم مكانهم ورجعوا يلعبون مها: راشد متى بترجعني اهلي؟ راشد رحمها: قريب ان شاء الله مها استانست: جد راشد ابتسم: ايه مها: كنت داريه انك رجال راشد غمز لها: اعجبك؟ مها: طبعاً بس ياليت تعجل عشان تصير رجالين ونص راشد: يصير خير(وطلع هو والشباب) انتهى البارت رايكم؟ المقطع الي اعجبكم؟ تفاجأتوا برد راشد على صقر؟ انتظروني للبارت الجاي^^ كلي احساس .. and jojo1344 like this. |
|
#20
06-22-2014, 10:55 AM
| ||
| | ||
| سلام كيفك ؟ انشاء الله بخخير انا متابعه جديده الروايه ممره ممره ححلووه والبنات مره عجبوني ومها مره مره فلهه رايكم؟ اابدااع المقطع الي اعجبكم؟ كله حلو تفاجأتوا برد راشد على صقر؟ امم شوي لانه توقعت انه حبها انتظروني للبارت الجاي^^ ننتظر جديدك اتمنى تبعتيلي البارت كلي احساس .. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية عن نارتو مدرسة الثانوية وبعنوان (احبها ولاكن) اول رواية لي | صغيرة لاكني خطيرة | قصص الانمي المُستَوحاة و المصوَّرة | 93 | 08-04-2017 12:39 PM |
| روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ | نكبهـ | أرشيف المواضيع الغير مكتمله او المكرره او المنقوله و المخالفه | 51 | 03-02-2015 04:19 AM |
| رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية | florance | أرشيف المواضيع الغير مكتمله او المكرره او المنقوله و المخالفه | 2 | 02-26-2014 02:28 PM |
| رواية نور الكون رواية جديدة من روايات سعوديه رواية نور الكون | الحب الساكن | أرشيف المواضيع الغير مكتمله او المكرره او المنقوله و المخالفه | 13 | 07-03-2011 03:30 PM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
69Likes
العرض العادي
