‏وش أسولف لك ؟
عن شموس العواذل
والجفا ظلّك !

عن غيوم
تمر و عيّت إتبلَّك !

عن إحساسك
مطر للغير
ولا جاني رذاذك خير !

وأنا الأولى
أنا خِلّك !

__________________

‏يمكن يمر
( الشوق ) في حالة إعفاء ؟!

ويمكن
( نصيبك ) يختلف عن نصيبي ؟!

لكن ..
و رب "الباء والياء والتاء" !
ما عدت أحسَّك
يا حبيبي حبيبي !

__________________

‏على حطَّت غيابك
خطوتي تاهت ..

بدونك
وش هي الدنيا ؟
ولا حاجه !

رحلت
ولا التفت لوجهي الباهت ..
نسيت
إن أنت أكثر شخص محتاجه !

__________________

‏يا خفيفه ما يحبّك !

لو بكيتي
لو شكيتي للحروف ..
لو نهرتي
لو سهرتي
لأجل عينه هالظروف !

في نظر عينه لعب ..
حبيبته بس العفيفه !

__________________

‏أنا أحبك
حُب ما هو طبيعي ..
خلاني أنسى الناس
وأعيش لأجلك !
ما أبي جميع الناس
لأنك جميعي ..
أعشقك من راسك
لين حد رجلك !

__________________