بسم الله الرحمن الرحيم .. السلام عليكم ورحمة الله وبركاته

فكرة جت على بالي وقلت نغير فيها جو المباريات اللي أرهقنا هالموسم وعساه ينتهي بالثلاثية [ يا رب ] .

منو حاب يشاركنا الموضوع فـ [ أهلا ً وسهلا ً ونورتنا ] واللي حاب يكتفي بالقراءة نقوله [ الله يعطيك العافية ] .

الموضوع باين من عنوانه : من صار له موقف مُضحك يا ليت يذكره لنا من باب الترفيه والوناسة .



ببدأ بنفسي والله يستر : بسترجع أيام الدراسة وخصوصا ً [ ثالثة ثانوي ] .

كانت علينا مادة [ الإنجليزي ] الحصة الأخيرة في يوم من الأيام وما أذكره بالضبط !!!

المهم يوم [ طق جرس الهدة ] عطانا الأستاذ هوم وورك [ الواجب ] وكان عبارة عن سؤالين ؟؟؟

طبعا ً هيهات أكتب الأسئلة والجرس طق .. ما يبيله بعد شيل الكتب واركض على بوابة الخروووج .

يوم وصلت البيت حن قلبي على الأسئلة قمت أفكر فيها لكن طاف من أمه أي أسئلة وآنا في البيت !!!

صار اليوم الثاني ولسوء حظي التعيس كانت مادة [ الإنجليزي ] علينا الحصة الأولى !!!

دخل المدرس وعلى طووول قال : يا شباب كل واحد يفتح دفتره على الهوم وورك وآنا بمر عليكم واحد واحد .

لحظة للوراء : من كثر ما أفكر بالأسئلة في البيت ونفس الوقت متثيقل أدق على واحد من ربعي وآخذهم منه

تهيأ لي مادري حلمت إن الشباب ماسحين [ السبورة ] وما مداني أكتب الأسئلة ؟؟؟

نرجع للتفتيش : قاعد يفتش المدرس وآنا أسولف وأضحك مع الشباب ولا قاعد أطالع [ السبورة ]

ومتأكد إن الشباب ماسحين [ الأسئلة ] لين دقت ساعة الصفر وإذا بالحبيب واقف على راسي !!!

سؤال واحد وما في غيره : وين [ الواجب ] ؟؟ جاوبته ببراءة .. قلت له ما مداني أكتب الأسئلة الله يهداهم

الشباب امسحوا اللوح فـ قاموا الشباب يضحكون بصوت عالي واللي يقول قووووية قووووية وآنا أطالعهم

ببرود والمدرس يطالعني بنظره وده يذبحني فيها ووده يضحك علي من سفاهتي فـ قالي شوف [ السبورة ]

وأجاوبه ما فيها شي [ ضحك ضحكة قهر خفيفة ] وقالي شوفها عدل وإذا بـ ... الأسئلة على [ السبورة ]

طبعا ً إنصدمت وإبتسمت إبتسامة حيا ونزلت راسي مفتشل فـ ما كان من المدرس إلا إنه خلاني وراح للي وراي .

[ طبعا ً موقف لا أحسد عليه ] ويللا جا دووووووور اللي بعدووووووو .

ينقل للقسم المناسب

__________________

هههههههه
مبارح اخر حصة طلبنا انا و صديكتي نروح للحمام و طبعا كانت حصة رياضة
اول ما اختفينا عن اﻻنظار صرنا نمشي على التصوير البطيء اول شيء للبياخة و ثاني شيء على شان الحصة تخلص بسرعة
و بعد ربع ساعة رجعنا على الحصة اﻻ لقينا المعلمة تستنانا و تقول انتو ان شاء الله من حد ما رحتو للحمام هسة رجعتو
طبعا و شي اكيد سوينا حالنا بريئين و قلنالها
ما هو كان في عنكبوت بالحمام و ما قدرنا ندخل بسرعة
اول ما قلنها و الصف كامل بضحك
طبعا انا و صديقتي تركناهم و كنا نشوفها بعيون بريئة -على اساس بريئة-
اخر شيء تركتنا و راحت بس كنت من وراها كنت بدي اخنقها و اروح لبيتي

__________________
رجعت
و كمان
قلبت المنتدى

اتمنى ان رجوعي عجبكون/

هههههههه شكرا على الموضوع رائع جدا

__________________
صل على الحبيب المصطفى محمد صل الله عليه و سلم

شكرا على الموضوع يسلموو

__________________