ممكن أسأل؟؟!! - عيون العرب

تعبت احبك · #1 12-02-2007, 09:39 PM

ممكن اسأل!!
ليه احبك..؟

ليه قلبي راحته في حضن قلبك..

ممكن اعرف.. ؟
ليه ايامي بلا وجودك تموت.. ؟
وليه احلامي بلا نورك تموت ..؟
وليه من دونك يغطيني الحزن..؟
ويسجن شعوري السكوت..؟

ليه اضيع ان كنت غايب..؟
وليه اشوفك كل اهلي ..
وكل ناسي والحبايب..؟

ليه اشوف الدنيا ورديه معاك ..
ليه احب اني اكون نجمة تضوي في سماك..؟
وليه اشوف الوقت ورده ذابلة لو غبت يوم..؟
وليه احسك جنتي..؟

والهنا بقربك يدوم..
ليه احسك .. شخص نادر
شخص اغلى من الجواهر ..

ليه اشوف الناس من بعدك
سراب
..
وليه اشوف الحب من دونك سراب ..
ليه يحييني حضورك ..
ويقتل ايامي الغياب ..

ممكن اعرف ليه احسك كل كلي ..
شمسي انت .. وانت ظلي ..
مالي من دونك مكان ..
وبس في عيونك محلي ..
ممكن اسأل ..
وممكن اعرف ..
ليه كل هذا ياخلي.. ؟

ليه احبك .. وبكل حالاتك ابيك..
بهدؤك .. بانفعالك ..
وبجنونك.. مهتويك ..
ليه احبك..
خفقة الروح اليتيمة..؟
وكل احلامي القديمة..؟
واسرار تخفيها عيوني ..
بس ماتخفى عليك

ايه احبك
بغروري.. وبشموخي.. وبعنادي..
اللي طوعته بيديك ..

وبغرورك.. وبكثر جورك..
وبحنانك.. ودافي احساسك..
وأمانك..
لانثرته " من اجيك"

ايه احبك
وتوي دريت
ان الهوى حده خطير ..
يقدر يغير في ملامحنا الكثير ..
يقدر في لحظه يجعل المهر الجموح طير صغير ..
يرضى بحبات الحوى ..
ويغفى على الكف الكبير ..

توي دريت ..
اني كذوب ..
وان المشاعر قبل مااعرفك ذنوب ..

ايه
احبك
ووحدك حبيبي ..
اللي سمع صوتي يطير ..
ياموانيء كلها حب ودفا ..
بس مرساها ( ) ..

ايه احبك ..
وبوعدك .. وقت ماتوقف ايامي معاك ..
بودعك .. وبحمل هواك ..
في روح ماحبت سواك ..

ايه احبك ..
وبظل احبك ..
فوق مااحبك لأنك وحدك الحب الحقيقي ..

واحبك وحدك ..
ياحلمي الأخير ..
واحبك وبكل حالاتك ابيك ..بهدؤك .. بأنفعالك ..
وبجنونك .. مهتويك ..
أحبك

**..ملاك الورد..** · #2 12-03-2007, 08:13 PM

..أأأأأأأأأأأأأبداااااااااااااااع..
..تعيب أحبك..

**samir albattawi** · #3 12-05-2007, 02:13 PM

لالا لاتسألي
لان ماعندي غير كلمة واحدة اقولها لك
شكرا

تعبت احبك · #4 12-11-2007, 12:19 AM

ملاك الورد >>>
samir>>>
اسعدنى مروركم وأتمنى أن أعجبكم ما تفيض به مشاعري التي ترجمها
قلمي ............ودمتم بووووود

غرور انثى · #5 12-11-2007, 09:14 AM

انٍى اعًجز عٍن التعًبيرٌ عنَ الُأعجاب ٍبك ..
فكٍلماتٌك وًكأنهاٍ بركٍان هًائج منٍ عظمٍت وصفك ِ ..
وقدرتك الفائقه بالتعبير ..
سٍلمت انامٍلك الٌجٌوريه
ولاتحرٍميناٌ ِمن روَائع سٌطورك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ابي احلى ترحيب بليزز اذا ممكن احباب قلبي	ahmad1	عيون التهاني و الترحيب بالأعضاء المستجدين	6	01-05-2008 03:24 AM
ممكن ليش لأ ...	قطرية كيووت	أرشيف المواضيع الغير مكتمله او المكرره او المنقوله و المخالفه	4	11-08-2007 03:11 PM
ممكن ليش لا...!!!	همس2009	مواضيع عامة	6	09-15-2007 07:56 AM
ساعدووووووووووووني ممكن برامج لسوني اريكسون k750i	x-zone	أرشيف المواضيع الغير مكتمله او المكرره او المنقوله و المخالفه	1	08-04-2007 11:42 PM
افتح الاوان الى ممكن تشوفها بعد تخرجك الاسود بجد	matrex13	ختامه مسك	6	12-03-2006 11:23 PM