اضحكوا لنرى جمال ضحكاتكم - عيون العرب

**بيتَر .** · #1 03-16-2015, 05:14 PM

سلام كيفكم يا عرب
من زمان عن قسمي المفضل سحبت عليه سحب اليمة
اسف قسمي العزيز لن اسحب عليك مرة اخرى
الزبدة ما عليكم لي عودة مع النكت

**بيتَر .** · #2 03-17-2015, 02:13 PM

-اللي يضحكون بدون ما يصرخون
موهبتكم عظيمة قسم بالله

-احتاج غرفة فاضية فيها
انا
وحظي
ونعال
ولحد يتدخل رجاءا

-روح اي بيت كويتي

دق عليهم الباب اذا قالوا
منو..؟

قولهم :انا
قسم بالله يفتحون لك الباب

-اللي يقولون خل ربعك ينفعكونكــــ
اقسم بالله انهم نافعيني سعادة ،عشق
،اهتمام ،فزعة ،ضحك ،اكل ،خبال ، وناسة
قلة ادب
الاخيرة انا مو معاهم
دائما انصحهم الله يهديهم

-طول السنة اهايط ابي هدايا...
واذا احد قالي شنو بخاطرك ؟
اقوله سلامتك

صفقوني بالله

-نضحك يعني ؟!

هذ الجملة اللي حطمت
موهبتي الكوميدية

-ارقصلك ؟!

هل يعقل يا مسلمين
ان يكون معناها شنو اسويلك

-كعب وردي وبطلون اصفر وقميص ازرق
وحاطه مكياج برتقالي
وتقول :انا ابي اكسر اللون
الله يكسر عظامك

حتي قوس الرحمن زعل منك

-بعض العبايات اللي عندنا

يحتاج لها عباية

-كلمة الاستاذ غايب
اجمل من كلمة احبك

-اتحمل كل انواع الغشمرة
الا انك تركض بتلفوني وهوا مفتوح

-الرد علي المدح فن عجزت اتعلمه
لكني سبني وشوف الاعجاز اللغوي

-اقوى صرخة ممكن اصرخها ؟
اذا احد ناداني وانا ادور شئ

-اصدقاي عندهم اسلوب في الاقناع
يخلونك تسوي الغلط وانت مرتاح

^شكرا يا فسآد الامة

-انا ما اسافر لان الطائرة علي شكل
صليب وانتوا ؟

-ودي اشتري اثيوبي

يعقد عن تلفوني وهو يشحن
واي احد يقرب يطعنه

-يوم من الايام بحط سماعتي
بمكان وارقبها
واشوف وشلون تربط
نفسها الحيوانة

-ودني السوق برجع الفستان
وبسرعة وبطلع

احذر اخي المسلم انه فخ

-خلاص الله يستر علينا وعليها
جملة تقولها البنت بعد 3 ساعات حش

-يقولون المدرسة مفيدة
قسما بالله نص
ذنوبي يت منها

-قمة الرعب

بنت طويلة تركض

-اكثر جملة سمعتها في المدرسة ؟

ضيوف الشرف اللي ورا
ليش ما يجابون ؟

ناكل جزاك الله خير

-من انجازاتي الدينية

دعست الفتيات العاريات
عند شواطئ في لعبة قراند

ما خليت ولا وحدة

-حاول تضيف بعض المتعة الي حياتك
يعني مثلا :طف ليتات
الحمام علي ابوك
وقوله من عمك

-عزيزتي البنت

لكسر الروتين شوفي اي واحد
يمشي مع زوجته وقولي له
:وين اللي يتصل امس

-الرجل ما يبكي
عبارة يستخدمه الاخ الاكبر لتسكيت
اخوه الصغير بعد ما لحسه الارض

-ما في شئ يكسر الخاطر
اكثر من ياهل مستانس
انه يبدخل اول ابتتدائي

-تبي تساعد عامل نظافة؟

شيل زبالتك يا زبالة
افضل من انك تعطيه عصير وماء وتذل
امه بالتصوير وتنزله في الانستقرام

-احسن ثلاجة تقتح النفس فالعالم
ثلاجة توم وجيري

- الجملة التي ابكت
الملايين ؟
باخذكم حصتين

-كلمة مذاكرة
(مذا )(كره)
كلمة (مذا) اختصار mother
ودمجها مع (كره)
يصير معني (كره الام)
يعني تكره امك
شاهد خبث اليهود اعوذ بالله

لا حد يذاكر

-بعض الناس لما تعطيه جوالك وترجع
تاخذه تلقاه حتي الحاسبة فاتحها

-عزيزتي البنت :
اذا اخوك وعدك بشئ وسحب عليك ..!

انشري رقمه واكتبي :سواق للايجار ...
الله يقدرني ع فعل الخير

-اعيد واكرر

تطلب شئ وانت تنافخ !!
والله الذي لا اله الا هو
عالم الغيب والشهادة
انك ما تذوقه

-تعريف المقصف

هو الجهاد في سبيل الله للحصول
علي لقمة العيش

-اكثر شئ يقهر بالاختبارات !!

لما تنسى الاجابة لكن تتذكر
شكلها بالكتاب

-اكثر شئ سحبت عليه بحياتي

اقرأ الدرس قراءة صامتة

-استغرب من الناس اللي منظمين بالاكل
وكل وجبة لازم صنف معين
انا لو يجيني مندي بعد صلاة الفجر جبت ببسي وجلست افطر

-سناب شات
او ما تدخله يعطيك نبذة عن
وجهك قبل لا تحش بالناس

-اشرب شئ في السيارة

الشارع كله يلقب مطبات

-ما راح يتوبون اللي يحطون في الرز هيل
لين احط ف قهوتهم ماجي

-تخيل اهلك يقرون افكاركـــ

قسم بالله كل دقيقتين كف

-من المناظر الفاشلة في التعليم

واحد في ثالث ثانوي اذا دق
جرس الفسحة يركض للمقصف
باخي علي الاقل قدر الرتبة

-بعض البنات تكتب :
انا فتاة خفيفة ورقيقه
وهي لو تتثاوب ؟...

شفطت بيت جيرانهم
بو احمد

- كل فنانة عربية يحبونها الشباب لازم
يكرهونها البنات

الا احلام جالطة الطرفين

-عندي موهبة اني اتعب من دوم
ما اسوى شئ

-ربما انا فاشلة في اسعاد الاخرين

ولكني ناجحة في رفع ضغطهم
وهذا الاهم عندي ...

-الشئ الوحيد
اللي تعلمته من المدرسةة
وافتخر فيه اني انام وسط
الازعاج

-لكسر الروتين

قول لابوك وهو معصب :
"شفيك بتبكي "

جرب يمكن تطلع في برنامج
مبتسمون رغم الاعاقة

- الصديق الحقيقي هو :

اللي تقدر تستقبله ببجامة
وتسريحة الشمس المشرقة

-احب اسوي مصيبة
ومعاي احد

ياخي احس بامان

-لم تطيح ومحد يشافك

الفرحة اكبر من الام

-عاش البطل
الجملة اللي
خلتني اشيل اغراض الببيت
وانا صغير

-انا واغراضي عبارة
عن ان لقيتك ما بغيتك
وان بغيتك ما لقيتك

- اصعب شئ تتهاوش مع شخص !!
اسرع منك بالكتبة
يقعد يكتب سبع جمل يسفل فيك
وانت توك
ترد علي الجملة الاولى

-بعض الناس اذا ركبت معهم السيارة
يمشي علي 180
يطقطق بتليفونه
ويغير المسجل بيده الثانية
ويشرب عصير ويجيب علبه الكلبنكس من ورا

بعدين يطالعني ويقول ليش ساكت

^لا بس افكر في اي مسجد بيصلون علينا

-انا مومشكلتي متي اقوم من النوم ؟
مشكلتي متي اقوم من الفراش
اذا قمت من النوم !

-عادي جدا اني اتصل
علي احد واقول :
يارب ما يرد يارب ما يرد

-لازم يخترعون جهاز بالمدرسة
لما يرن الجرس يسحب الاستاذ
من راسه برا الفصل

الابداع هو:
انك تنام وانت ما
فيك نوم

-العجيب في
"كابتن ماجد"
انه قاعد يكلم نفسه ويقول:
سوف اسددد بكل قوة وفجاة
تسمع صوت بسام يصرخ لن اسمح لك !!

بسام يرحم امك يكلم نفسه وشلون

-تدري متي ودك تصير شجرة ؟
اذا مديت يديك لواحد بتسلم
عليه وما شافك

انا غابة كلها احزان

-ثلاث وجوه بريئه
1-بنت تبي اخوها يوديها السوق
2-الشباب قدام التفتيش
3-اشكال ربعك وهم قاعدين مع ابوك

^ركزوا علي الاخيرة

-النظارة الشمسية تلبس بالشمس

اماااااا.
انك تجلس بين اصحابك كانك "ام كلثوم"
مايصير يااخي

-لكسر الروتين
ادخل علي ابوك ومعاك
طفل غريب وقله
روح سلم ع جدك

-بعض الاصدقاء مثل المطعم
الهندي !
تدري انه وصخ بس تحبه

-مسكينه الزرافة تاكل
الفطور يوصل لبطنها غذا

-اكتشفت ان اصابعي
هي اللي حافظه الباسورد
مو عقلي

-شفتوا الاجازة هذي اللي
فرحانين فيها
.
.
تاريخ انتهاء الزبادي اطول منها

-الله يديم الاختبارات
ياخي راحة
لا ازعاج
ولا زحمة
والناس كلها تصلي

-الكحه في الاختبارات ؟!
نداء استغاثة

-عدد الوجبات في الشتاء
افطار
غداء
عشاء 1
عشاء 2
عشاء 3
عشاء 4
عشاء 5
عشاء 6

-لو المدرسين واثقين من
تدريسهم لنا كان ما اختبرونا

بس للأسف ما في ثقة

-انا ما ضيعني في امتحاناتي الا
اني احفظ الجواب

وانا ما اردي وش الجواب

-اذا شفت طالب بالامتحان قاعد يضحك

فاعلم انه قاعد يؤلف
منهج جديد للأجيال
القادمه من بعده

-صديقك الحقيقي ..!

هو اللي اذا عاملته بـــ
احترام ...ينصدم ..

82-اكثر المخلوقات خوفا من
الماء !

بنت مستشورة شعرها

-تعرفون ليش الصفوف في الاختبارات
يسمونها قاعات !

لانكم تجيبون الاعياد
والاحتفالات
والاعراس

-أحلى شيء في الحلم "̮*

ما فيه إعلانات "̮

^ تخيل وانت في نص حلمك يطلع لك
مرحبا انا مروان تلودي "̯

-عزيزتي البوية ممكن سؤال !
وقت الصلاة تلبسين حجاب أو طاقية ☹
مجرد سؤال الله يأخذك "̯

-بعض الشباب أول أيام الزواج ياكل بشوكه وسكين
قدام زوجتهه بس مع مرور الأيام عادي يمسح يده في شعرها

-اللي ينام والمخده تحت راسه
ويقوم و المخده مكانها ~o)

يعلمني كيف الطريقه ؟
لاني اقوم و المخده عند الباب
وأنـا تحت السرير

-في علم التوآصل الأجتماعي
يقال بأن من يضع صورة شخص من جنس فائق الجمال ،
بالغالب يكون صاحب منظر قبيح
سوآء من ذكر أو أنثى .
<
<
<
<
^
اللستة ماتطمن ابداً ابداً ..
هههههههههههه

-نفسي عزيزه وإذا صديت عن حاجه
لو غلفوھا بذھب والله ما أبيها

^ بس أبي الغلاف

-ابرآاء للذممه ..

♥😁 كل الرسائل التي تحتوي على كلمة [لاتوقف عندك]
ترإهآ توقف عندي وشكرآ

**بيتَر .** · #3 03-17-2015, 03:23 PM

-اذا خليتك نعصب
وانا اضحك

ترى والله احبك

-عادي اخليك تاكل معاي

بس لو سمحت
بدون سباق : (

-استاذ الرياضيات

لو يموت احد بحصته !

يقول طيب بناخذ مثال بسرعة قبل
ما تجي الاسعاف

-عادي جدا
وقت الاختبار اترك
الورقة واشوف القلم
وين مصنوع

-وراء كل طالب
ناجح
انترنت مفصول

-كل شي يتغير في الحياة !
الا ضحكتني حالفة
تفشلني لين اموت

-يوم كنت صغير

كنت احسب القمر يلحق
سيارتنا
وشكرا

-من انواع الابتلاء :

طفل تعجبه لعبة
علي جواللك

-حاط خلفية جواله

حب وغرام
وهو امه تشيله
اذا نام بالصالة

-الصديق الحقيقي
هو اللي قلته امسك
العصير يشربه

-عزيزي الششاب
لا تعيش الدور
المهم للبنت

ترا البنت
اظافرها اهم منك

-وظيفة البنت اذا عندهم
ضيوف ...!

خدامة بس كاشخة

-مازالت المراة اسرع
مخلوق علي وجه الارض
تكتب مسج عند الغضب

-انا في الاختبار اذا
شفت سؤال اعرف اجابته

احله قبل ما اكتب اسمي
عشان ما انساه من الفرحة

-لا تحزني اذا
كنتي قصيرة

فالسنافر طقو وبهذلوا
شرشبيل

-نومة العصر
المفروض يسمونها

اتحداك تقوم مستانس

-المواعين
سبب في تفكك الاسر
والفتنة بين الاخوات

-من حقوقي عليك
كصديق
تستحملون صوتي وانا اغني

-عجزت افهم اللي يشتكي
للبحير !
سلامات تشتكي لماء
ياخي ليش المشوار

فالبيت فك الدش ونوعين بعد
حار وبارد وفضفض لين تدوخ

-اذا شفت زوجتك جاية
نحوك وشكلها معصبة قل لها
:تصدقين نحفتي

راح تنسي المووضوع وتقول
لك بالله باين علي !

من كتاب التصريف في ترويض الاشرار

-انا يا اكمل دراستي
يا اكمل حياتي

الاثنين مع بعض ما اقدر اركز

-تحية لكل بنت كاتبة

اسمها الحقيقي بالمنتدي
مو
وردة الربيع
وبقدونس الشتاء

سلامات

-عزيزي الشاب :

في فرق بين انك تكون انيق

و

بين انك تكون انثي

-البنت تصايح وتنايح عشان
طلع حبه في وجهها

والولد لو تنقطع رجلينه يزحف
عند اصحابه ويقول :
صرت قزم يا عيال

-اذا شفتني عاقل

تاكد اني قاعد ع ناس
مو مرتاح معهم ابد

-الف بنت تتماني

خف علينا ياورق عنب

-سويت مصيبة وتبي تحلها!

ناااااااااااااااااااااااام

-احما عائلة
اذا قعدنا بمكن عام !

كل الناس تعرف اسامينا

-كل ما تطورت الموضه

زادت انوثة بعض الشباب

-حكمة اليوم :

اشغل فمك بالاكل
افضل من انك تشغله بالقيل والقال
يزيد وزنك ولا يزيد ذنوبك

اتمني اكون اقنعتكم

-كيف يتم صناعة
المطبات في الكويت

صديق معلوم جبل
سوا واحد هنا

-بعد موتي يا صديقي

تعال عزاي وتعشا زين ولا تستحي
وحاول تبوق تلفوني وفرمته

-:يبا ابي فلوس
:انا مو امس (1998)معطيك فلوس

-في بيتنا و تطلب
من احد شاحنه
كانك تطلب منه
يتنازل عن املاكه
بسويسر

-انت تسمونه #كسل
انا اسميه #قانون حفظ الطاقة

ما درست الفيزياء عبث

-

تقول سالفة بسرعة
وفيها اسمي ؟

تعيدها حرف حرف
ومع الاعراب بعد

-عندي موهبة اني اتعب
بدون ما اسوي شئ

-المال يشتري سرير لكن لا يشتري
النووم
المال يشتري دواء ولكن لا يشتري العافية
ارايت ان المال ليس كل شئ ؟!
فحولوا فلوسكم الي حسابي جزاكم الله
خيرا

-ممكن تكرمنا بسكوتك

الاهانة
الوحيدة المحترمة

-المدرسين للحين
فاهمين ان الطرد
برا الفصل عقاب
انا اعتبرها سياحة مجانية

-اللي ماخذين عني
صورة سيئة ...؟!

مسحوها
وتعالوا نصور سيلفي

-الورطة الحقيقة

تسوي مصيبة مع واحد
م يعرف يكذب

-والله اني مظلوم

حتى لو اسكت يقولون
م يسكت الا وراه *"

-قمة آلصبر : !

لما يجونك مجموعة بزران يشرحون نفس السالفة في نفس الثانية وكل واحد يلف وجهك له عشان يشرح لك

-لما تدق على مطعم وتقوله وين الطلب لازم
يقولك ليه هوا لسه ماوصلش !!
^ لا حبيبي وصل بس بغيت اتاكد
السايق رجع بالسلامه ولا لا

-أصعب موقف يمر عليك إنك :
فهم شخص يسولف معاك وهو يبكي ..

^ تحس نفسك قاعد تحل كلمات متقاطعه

-في ناس من كثر ما هم كئيبين !

ودك تكتب على جبهتهم

{ القناة السعودية الثانيه }

-فينى فلسفه

لدرجة انى جالس أفكر ليش نقول اثنين وعشرين 22 :|
وثلآثة وثلآثين 33 :|
وأربعه وأربعين 44 :|

مآ نقول وآحد وآحدين 11

-
قول شكسبير :

دمعة المرأه لو تجمدت
لكانت أجمل لؤلؤه

لِذلك :
كف فَ الصبح
كف فَ الليل :
بَ تصير اكبر تاجر مجوهرات ♥♥ !

^ فكر فيہاا يَ الذيب

-ي فرنسا :

وضع المكياج الزائد عن الحد
في حفلات الزفاف قلة ذوق</3
لأن العروس وحدها ينبغي لها التزين !

^
عاد تعال افهّم أفلام الرعب اللي عندنا </3

^الوحدة تجي وجهها كانه طاوله كيرم

-اجمل 3 رجـال :

- آنآ b) ♡ ..
- وظليَ ♥ /
- وإنعكاس مرايتي :$=)) " ..
آخـف علييڳم ولا آوڳيه الوضـع

-حقيقهُہ ﻟﭑ خيال

عندما تسمح للمشاه بالمرور
تاخذ آجر مرتين؟

1- اللي مشى يدعيلگ، o
2-واللي وراك سبّگ وسب أهل اهلگ!!

من أصدق ما قرأت

-ـ لا تستغرب بعد خمس سنوات ..
تشوف واحد شايل بلازما 42 بوصه ويكلم !

هذا اكيد جلكسي اس

**oud** · #4 03-17-2015, 03:29 PM

اسمح لي ابدي اعجابي بقلمك وتميزك واسلوبك الراقي وتالقك
عبود انت عندك حس عال للكتابة وارجو منك المشاركة في قسم النثر بكل كتاباتك وشكرا

**بيتَر .** · #5 03-17-2015, 03:33 PM

وخلص اتوقع فيه 140 نكت او اكثر او اقل
الله اعلم الا فاضي يعدهم ويقول لي كم واحد
تراني مو شاطر في كتابة الخاتمة
والمقدمة >علي اساس يحتاج لها كتابة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اضحكوا شوي	♪ Āηĝøøℓ	نكت و ضحك و خنبقة	15	09-14-2012 02:09 PM
اضحكوا قبل ما تناموا	чυмία«❀	صحة و صيدلة	8	05-12-2012 09:27 PM
اضحكوا	☂ يُـورلـيـڤ ْ✿	نكت و ضحك و خنبقة	6	03-04-2011 09:02 PM
شايب حطوه مشرف في منتدى ... <<<< تعالو وشاركونا ضحكاتكم	sweet lo0oly	نكت و ضحك و خنبقة	3	12-12-2010 02:27 PM
اضحكوا على شلة كيلوا	вℓυє ѕку	أرشيف المواضيع الغير مكتمله او المكرره او المنقوله و المخالفه	52	08-08-2008 02:45 PM