هائمة في ذكريات الماضي - الصفحة 9 - عيون العرب

**Natural Killer** · #41 07-03-2015, 03:34 PM

من إنجازاتي اللي افتخر فيها طبعاً غير اكتشافي للجاذبية والنظرية النسبية وكل القوانين >>>> برا
انجازي بأني نظفت البيت قبل الأذان

____________

اعوذ بالله من غضبه

**Natural Killer** · #42 07-03-2015, 03:40 PM

بابو شوفي شو شريت من الباكا مرام
طقم ردود

خسرتني 25 نقطة حرام عليها
كان 35 بس ما دخلني مو هي بتتدعي انها أمي كان أعطتني اياه مجاناً ما بدي

___________

"قل هو الله أحد * الله الصمد * لم يلد ولم يولد * ولم يكن له كفواً أحد*"

**Natural Killer** · #43 07-03-2015, 03:47 PM

بابو اطلعي من هون شوي

تخرج بابو وعلى عيونها دموع الفرح

أنا : ألو لين

لين : ألو مين معي

أنا : شبحك مين بدو يكون

لين : أها عرفتك يا باكا شو بدك

انا : الحق علي بدي أطمن عليكي . بدي أقولك بس أخلص من المسابقة رح أغزو مدونتك روحي

لين : طيب روحي . بدك شي بدي أنام

انا : إيه بدي فطور

لين : أنا بعرفك أصلاً

لين تقفل الخط

أنا : أول أحد يقفل الخط وأنا أحكي معاه غير أبي ..... دايماً أنا أقفل الخط

^
^
^
^

لنوش حبوشتي أتوقع فهمتي المضمون

________________

"قل أعوذ برب الناس * ملك الناس * إله الناس * من شر الوسواس الخناس * الذي يوسوس في صدور الناس * من الجنة والناس"

**Natural Killer** · #44 07-03-2015, 03:51 PM

بابو بدي أحكيلك لازم أطير أرد ع كم موضوع

نظفي دايما ً مو أجي الاقي الغبرة متكومةخير8

أشوفك متى قدرت

__________

اللهم إني أعوذ بك من شر ما أعرف وما لا أعرف

**Natural Killer** · #45 07-04-2015, 08:20 AM

بابو باركيلي جبت نتيجة الباكالوريا -التوجيهي-
جبت 97.1 والأولى ع مدرستي بالفرع العلمي
يااااااااااي ما توقعتها ورغم ذلك لم أشعر بشيء وقت أخذتها:baaad:
كانوا صديقاتي يحكو مع أختي وأنا نايمة قبل النتيجة حكولها :هاي بلا إحساس حد ينام والنتيجة قربت
أنا بحكيلهم دايماً : خبر خير العلامة شو ما أجت تيجي تراني ما درست شي
لك جبت 97.1 وأنا مو دارسة إلا شخابيط كيف لو درست دراسة أو شبه دراسة
يمكن أجيب 101.9 % هههههههههههه
والله أنا خطيرة هههههههههههه

طبعاً أول ما أخذت المعدل أخذته من الموقع تبع العلامات حتى ما كلفت حالي اطلعه ابن خالي جابلي اياه وبعدها رحت ع المدرسة الساعة 10 بالليل مع أمي وبنت عمي اللي بنفس عمري ومع أمها وأول ما ركبت السيارة اتصلت بروح قلبي أهنئها جابت 98.7 بالفرع الأدبي ما شاء الله عليها وبعد ما انتهيت من الحكي معها نشرت ع المنتدى عشان شيشتي كانت محروقة بدها تعرف العلامة والله يخليها ما قصرت عملتلي عرس وطارت من الفرحة طبعاً هي وكل صديقاتي هون ههههههههههههه
والأهم بس وصلت المدرسة كنت مو جايبة حلو أطعمي وكنت داخلة بكل برودة أعصاب:lolz: البنات كانوا بدهن يقتلني ع المحل ههههه راحت أمي تشتري حلو تحلي المدرسة وأنا رحت أسلم ع المعلمات وصديقاتي بس نصهن ما أجن
^
^
^
كان الأمس يوم جميل ما رح أنساه كان آخر يوم اجتمع فيه مع زميلات الدراسة اللي جمعتني فيهن 12 سنة دراسية

______________

اللهم اغفر لي ولوالدي والمسلمين والمسلمات منذ عصر محمد إلى يوم القيامة يا رب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لـِـــــــتْـ ـرُُ ~ مِنَ ~السَعَــــــــاْدَة	MAIRU	مدونات الأعضاء	76	10-12-2015 07:02 PM
أَوَراق مِنَ شجَرةةَ روگ!يا	ღŘ u Қ i a	مدونات الأعضاء	1	02-07-2014 11:02 PM
- .............. وَآخَرََهُ عِتْقْ مِنَ الَنَآرْ ؛	شِيرْينْ	أرشيف القسم الإسلامي 2005-2016	1	08-11-2012 06:48 PM
وَأَنَّهُ كَانَ رِجَالٌ مِنَ الْإِنْسِ يَعُوذُونَ بِرِجَالٍ مِنَ الْجِنِّ فَزَادُوهُم	حمزه عمر	نور الإسلام -	0	11-10-2009 04:14 PM