08-01-2015, 11:11 AM
|
| |
نا علي ساكن بـ فلسطين - نابلس ، عمري سنةة و نص ، عندي أخ واحد بس .
بـ يوم متل كل يوم ، كنا قاعدين وأنا بعيّط جوعان و أمي تعبت منّي ، لإني هلأ أكلت بس جوعان !
وأبوي بصرخ "ولك يا علي اسكت ، بدي أنام عليّ شغل ، وأنا بفهمش ، بس بعيّط ، وأمي بتحكي "بكرا بس تكبر و تصير مهندس قدّ الدنيا بدي أذكرك بـ حالك" ، لـ هو أبويّ بقول لـ أمي "لا بدو يطلع دكتور ، عشآن ينادوني أبو الدكتور "
صاروا يضحكوا ويحكوا 'الله يحميك يا ابني " ، بعد كل هـالحكي أنا نعست ونِمت !
فجأة و بدون ما حد يحِس ، انحرقت دارنا من اليهود ، حرقوها والنّار وصلَت لـ عندي ، وأنا بعيّط ، يماا انحرقت يما انا بولع يما تعي شوفيني !
أمي من الخوف قعدت تطفي النار بعد ما عِلي صوتي كتير و كان البيت محروق ، بس أمي طفت البيت بـ وقت متأخر كنت أنا محروق و مخلِص ! ، "كلهم بالمستشفى إلا أنا ، أنا عند الله ، أحسن من كل المستشفيات ، بالجنة أنا يَ أمي ، لا تخافي عليّ ، في معي كتير متلي يما ، في أخوي #محمد_أبو_خضيرة دار بالو عليّ يما ، ما تخافي علي ، الجنةة حلوة يما ما بتخوف"
أنا ما بقدر اعمل غير هيك لـ بلدي ، كل واحد فينا لازم يستغل موهبته ، قدراته ، يحمي بلده ، اخ ي فلسطين !
احلى قصة انا بقرأها بحياتي ( فلسطين ) |
|
المواضيع المتشابهه 
4502Likes
العرض العادي
