أول شي هالتشابتر كان كتيررر حلو
من جد استمتعت و أنا أقرأه و كنت مندمجة تماما مع الأحداث

بالبداية شفنا عزيزتنا سايكو بنظرة الخوف بعيونها
و شفنا كيف كان الغول ينظر لها و كان على استعداد لأكلها
في كل مره أشوف سايكو تبين لي قوية كتير
و يمكن هاي هي الحقيقة .. سايكو قوية لكنها ما تستخدم قوتها
هي كأنو ما تعرف كيف تتحكم بقدرتها كنصف غول
و غالبا ما تعتمد عالباقي في المساعدة
لهيك هالمره كانت خائفة و ما عرفت تتصرف أبدا
و برأيي لو هي دافعت عن حالها كان ممكن تظهر قوتها الكبيرة
لكن الأكيد هو اننا رح نشوف قوتها قريبا بإذن الله

و بعد ما شفنا سايكو انتقلنا لقتال يوري و كاناي
كان مبين انو يوري هو المسيطر في القتال
و هون قدر يشوف يوري وجه كاناي
بالفتره الأخيرة كنت دائما ما ركز على كاناي
لأنو كان آخذ كل اهتمامي خصوصا انو كل اللي عمله منشان سيده بس
لهيك أظن اني تأثرت باللي صار في هاللحظة و تعاطفت مع كاناي
ما كان بدي أبدا انو ينكشف وجهه
لأنو عالأكيد حياة كاناي صارت بخطر كبير
لكن الحمدلله هرب بالأخير
اللي شاغل بالي هو شو
مفتكرين لما تهور و راح لعند هايس لما كان مع رفاقه
أفتكر يوري شافه و شاف كاناي معه بعد
لهيك الاثنين بمشكلة كبييييرة
أتمنى يكون يوري ما انتبه على كاناي لما أخذ شو من هناك
لأنو عحسب ما شفت كاناي أخده بسرعه و ممكن يكونو ما انتبهو لوجهه
أتمنى يكون ما انتبه لأني صرت متأكدة انو شو أغبى مخلوق بالدنيا
و بما انو كاناي دائما ورا سيده و يحاول دائما يعمل شو ما بده
فكاناي غبي بقدر ما شو غبي للأسف

أه و أخيرا عرفو هالاثنين انو كل هاد كان فخ
أظن انهم لحقو عحالهم بالأخير
لكن يبقى هالتهور خطير و كان ممكن يودي بحياة الكل

لاحظت انو تدخل شيرازو و يوري ما كان له داعي أبدا
لأنو موتسوكي كانت قوية و قادرة تحمي حالها
و كانت متحكمة بالوضع تقريبا لهيك كان ببالي انها رح تفوز
أهم شي هون انها صارت أقوى من البداية
يعني أكيد الكل يعرف كيف كانت بالبداية
كانت شخصيتها كتير ضعيفة و ما كانت تعرف تدافع عن نفسها
شكلها تطورت كتير

ننتقل عمعركة هايس ضد أصحاب البدلات
اذا لاحظتو فهايس كان يستخدم الكاغوني تبعه و الكوينكي في نفس الوقت
و هاد يدل عقوة هايس الكبيرة ، أظن انو هايس استعان بقوة كانيكي هنا
لأنو ادا لاحظتو أثناء القتال كان شعره أبيض لكن الاختلاف الوحيد هنا
هو انه كان متحكم بالوضع و كانيكي دعمه بالقوة فقط بس ما كان يفكر مثله أبدا

شفتو ردة فعل يوري لما وصل و شاف قوة هايس
كان مصدوم و حسيته غار
أكيد هايس أقوى شخص و أظن انه رح يتغلب عأريما شي يوم
و هاليوم رح يكون بعد ما يستعيد ذاكرته أكيد
لأنو رح تكون عنده قوة هايس اللي كان دائما سعيد
و قوة كانيكي الغاضب إضافة لقوة كانيكي أبو الشعر الأسود اللي كان دائما حزين
و عالأغلب هاد سر قوته ... التحمل لهيك بنشوف كانيكي دائما صابر مهما يصير له
لأنه دائما عانى أكثر و ما في موقف عانى فيه أكثر مما عانى بماضيه
أظن اني تفلسفت كتير بهالنقطة لدرجة خربت أعصابي و ما صرت أعرف أشرح
لكن الأهم انو هالمعركة كانت أسطورية عالرغم من انو ايشيدا سينسي أبدا ما ركز عليها
و لاحظنا انه مر على هالمعركة مرور الكرام من دون يركز عليها
و أكيد في شي مخفي و ناوي عليه
عالعموم هالمعركة كانت حلوة و استرجعنا فيها الذكريات
و الأحداث اللي كانت بالجزء الأول

أكثر شي صدمني انهم لما التقو جلسو يتناقشو و نسيو سايكو تماما
حسيت كأنو حدا داس على قلبي كيف ممكن يبقو هون و هي رح تموت هنيك
و الأسوء انهم ما تذكروها الا بآخر لحظة
و المسكينة كان الغول أخد قضمتين أساسا
الحمدلله اجا شخص مجهول و أنقذها
لكن للحين متسائلة منو هو و الغريب انه اختفى بسرعه
بس حسيت انه أحد الأشخاص اللي شفناهم بالصفحة الـ 18

و في الأخير شفنا شو
دخوله خلاني أحس بالحنين للماضي
عالرغم من انو مر وقت طويل بس شفتو انو دخوله أبدا ما تغير
شو الحالي هو نفسه شو السابق و التغيير كان بسيط و داخلي فقط
شو بالماضي و شو بهالوقت جسد واحدة بس كأنو اللي بالداخل روحين مختلفين
لما وصلت لهالصفحة تذكرت أول دخول لشو للمقهى في الجزء الأول
مع انو شو غبي كتير بس عالأغلب غبائه بسبب قلبه الأبيض
دائما كنت ألاحظ شبه بينه و بين كانيكي بعد ما تعرض للتعذيب
الاتنين كانو أقوياء و أشرار ظاهريا بس من الداخل قلوبهم أكبر مما كنا نظن
بكلمة وحده هالاتنين شخصياتهم و لا أحلى و يمكن لهالسبب شو تعلق بكانيكي
لأنه لما يشوفه كأنه عم يطالع بالمرآة

أه الفصل كان مره فخم و استمتعت و عشت كل لحظة
ان شاء الله نشوفو الفصل الجديد قريبا
لأنو عالأكيد هو حماسي مره