#






^

حبيت ردة فعلو هنا - جميلل فِ كل حالاتو مَ ؟


#









# طبعاً بداية التشابتر كان تكمله لنهاية التشابتر الي فات فَ لهالسبب شفنا تسوكياما فِ مقهى ري
حبيت استقبال توكا ونيشيكي لشوو صراحه – توكا مع وقفتها وملامح وجهها الساخره
لما قالت : " تسوكياما .. إذاً ماتزال على ققيد الحياه "
بالله احد يستقبل احد مَ شافو لسنين بهالطريقه ؟ جد توكا مَ تغيرتشِ خالص :hehehe:

كمان كيف إنو نيشكي بدون مقدمات قال لشوو " هي أنت كف عن مضايقة المديره "
لو انا مكان شوو رح اتحطم واتعب نفسياً بِ الإستقبال المخيس دا - الاتنين اخس من بعض :hehehe:

جدياً ردة فعلهم بارده بشكل ولا فِ اي ذرة اهتمام او تساؤل حتى ومَ الومهم صراحه
بما انهم مش ماخدين فكره كويسه عن شوو وبما انهم مش عارفين ايش الي مر فيه
خلال التلات سنوات دي وكيف تغيرت شخصيتو – هما عبالهم إنو شوو مازال نفس الشخص
الكريه الي كان عليه فِ السابق - لذلك عذرهم معهم

– اي صح وفالتشابتر عرفنا جواب سؤال خالد عن شوو وكيف قدر يعرف محلهم
والجواب هوا انو صديقتو تشي إلتقطت صوره لهايسي وهوا بالمقهى واعطتو لكاناي
الي اعطاها لشوو فالأخير - ياهو مشواااار بس معليه اهم شي عرفنا السالفه :hehehe:


# اول مَ شفت التشابتر والحديث الي دار بين توكا وتسوكياما
فكرت بهالسؤال الي بسببو رح اتعمق فالمحادثه دي
السؤال هوا .. ؟

مَ هوا الأمر الصحيح , الأمر المناسب , الذي لابُد من ان تفعله كَ صديق لشخص مَ ؟

1 – تخبره بالحقيقه التي ستؤلمه بكل تأكيد وتدمره وتجعله ينهار عقلياً وجسدياً ؟
حقيقة ان الحياه التي اعتاد ان يعيشها سابقاً كانت سيئه وقاسيه ومريعه للغايه ؟
حقيقة إنه سُلبت منه حياته ظلماً – حُول لوحش مَ من غير اي سبب يُذكر ؟
حقيقة انه خسر امه ووالده فِ سن صغيره وعُومل بكل قسوه من قبل خالته
بعد وفاة امه مباشرةً ؟
حقيقة إنه كاد ان يأكل ويتغدى على اغلى مايملك ؟
حقيقة إنه اعتاد ان يؤذي – يقتل – يتغذى على الاُناس والغيلان على حد سواء ؟
ام تخبره بحقيقة انه " عُ ذ ب " من قِبل غول مجنون لعشرة ايام متواصله دون توقف ؟
حقيقة إنه فقد عقله كلياً وسار بقدميه نحو الهاويه ودمر نفسه تماماً ؟
حقيقة ان " العائله " التي اخيراً قد حظي بها مجرد امر " زائف" ؟
حقيقة انه " مخدوع " من قِبل السي سي جي وانهم من قتل اصدقائه ودمر حياتهم ؟
ام تخبره بكل بساطه انه قد " قُتل " من قِبل الشخص الذي يعتبره كوالده الآن ؟

2- تخفي عنه هذه الحقيقه وتتركه ليعيش حياته الجديده التي قد حظي بها ؟
حياته الجديده التي اتاحت له الفرصه ليتمكن اخيراً من " نسيان " حياته السابقه
حياته الجديده التي كونت له عائله , كونت له اصدقاء , الأهم انها كونت له " السعاده " ؟


# ماهوا الخيار الذي كنت ستختاره لصديقك إن كنت بهذا الموقف ؟
شخصياً ومن غير تفكير كنت رح اختار الخيار التاني
- كنت رح اسمح لكانييكي بأنو يكون ساساكي – لإنو جدياً ؟
رح يكون شي قاسي وعديم للرحمه إني اسلب منو جميع هالأشياء
الي لقاها فِ اخر تلات سنوات من حياتو , حيكون فعل سيء إني ارجعو للمعاناه
الي اخيراً تمكن من نسيانها , إني ارجعو للجنون والتخبط والإنهيار الي اخيراً قدر ينجو منهم
اوكي اعرف ان " إخفاء " الحقيقه امر سيء لكن احياناً ؟ إخفاء الحقيقه هوا الأمر المناسب
والأمر ينطبق تماماً مع وضع كانييكي/ ساساكي الحالي - وهالشي هوا الي بيعملوه توكا ونيشكي


# عموماً -
قبل لا ابدأ اتعمق بمنظوري الشخصي
لكل شخصيه ورأيها حول موضوع كانييكي وإرجاع ذكرياته
رح اقول شي بسيط بتعمق فيه كتير بعدين :

اولاً : الجميع ومن غير إستثناء فهالمانجا ؟
جاهلين حقاً بالي يجري فعلاً مع كانييكي/ ساساكي
وهنا اقصد حياته الي يعيشها فِ السي سي جي ؟

- ايش حصل لو من الأساس بعد معركته الأخيره مع اريما ؟
- التهديدات الي يعيش تحتها ؟
- هل هوا سعيد حقاً معهم ؟
- هل هوا بيعاني هنااك ؟
- هل فعلاً يبغا يستعيد ذكرياتو ؟

اشياء كتيره توكا ونيشكي وتسوكياما مش عارفينها عن كانييكي
- لذلك كل الأطراف ارائها ناقصه شويا !






# بالنسبه لتوكا ونيشكي ؟ الي يعرفوه ومتأكدين منه ؟
من وجهة نظرهم ومن الي هما شايفينه قدامهم ؟
هايسي مش وحيد وصار عندو " عائله " وهوا عايش بسعاده معهم
- تماماً كما كان كانييكي بيتمناه - صار بعيد عن عالم الغيلان الي دمر له حياته
وحطم كل شي فيه تماماً - ويمكن هما شايفين حياته الحاليه كَ فرصه تانيا له
ليعوض الي حصلو ولهالسبب بيعطوه كل الوقت الي بيحتاجو


# بالنسبه لتسوكياما ؟ هوا بيشوف الأمر بطريقه مختلفه لكنه برضو مش خاطئ تماماً
هوا فاهم إنو السي سي جي مش المكان المناسب له ,لكنه بنفس الوقت
مابيعترف ب حياته الحاليه وكيف إنو بنى علاقات مع فرقته ومع زملائه ورؤسائه !

الشي الي ممكن هوا مابيدركه ومش فاهمه - هيا المخاطر الي بتحصل
بِ ارجاع كانييكي فقط بهذه البساطه

عموماً قراره مازال اناني ونا ؟ صح إني اتفهم مشاعره إلا إني ضد فكرته كلياً
جدياً ؟ ممكن تتخيلو ايش رح يحصل لكانييكي إزا استعاد ذكرياته فجأه ؟
كانييكي مازال غير مستقر ويبدو إنو برضو مازال فِ غاية الخطوره
كانييكي بيحتاج للوقت ليأخذ الأمور ببطء , بحيث إنو هايسي رح يقدر
يتعايش بسلام مع ماضيه ومع شخصيته القديمه , لإنو بطبيعة الحال
مافي اي طريقه لهايسي وكانييكي يتواجدو فيها من دون الآخر


#



# اولاً : لقاء توكا + نيشكي بِ تسوكياما :








# فِ اللقاء دا زي مَ شفنا كانت الأفكار متعارضه , توكا ونيشكي كان لهم رأي
وتسوكياما كان لو رأي اخر مغاير كلياً – طبعاً قبل كل شي انا زي سبق وقولت اكتر من مرا
انا مع قرار ترك كانييكي والصبر عليه والإيمان فيه وضد قرار الإستعجال ومحاولة اعادة ذكرياته لو
لإن بعدها كلنا نعرف ايش رح يحصل – أي : انا مع قرار توكا ونيشكي وضد قرار تسوكياما


# هايسي آمن حيث هوا الآن , هوا فِ مكان جيد - عندو " العائله " الي لطالما افتقدها
عندو اصدقاء يهتم فيهم وصار اخيراً يقدر يعيش بسلام " تقريباً " وتوكا ونيشكي ادركو هالشي
هما جالسين يعملو الخيار الصحيح من خلال عدم الأنانيه , شايفين ان هايسي سعيد حيث هوا
الآن والسي سي جي من الواضح إنها مَ رح تقتلو , وكمان صار يعتز ويحب الصداقات الي كونها
- بإختصار هوا " سعيد " وهما بيعرفو هالشي

كَ كانييكي ؟ مَ كان سعيد , كان مضطرب جداً , مَ كان يبغا انه يكون فِ عالم الغيلان
لإنه مَ كان غول , لذلك هما متفهمين الوضع ورغبته , الشي الوحيد الي يبغوه
هوا سعادته الي فقدها منذ زمن

# كلاً من توكا ونيشكي يُعتبرون من الأشخاص الي سبق وان فقدو شخص عزيز عليهم
وفِ نفس الوقت كان لازم يضحو بالكتير من سعادتهم وبسعادة غيرهم لذلك هما بيفهمو
وبمعنى اخر , حالياً هما الوحيدين الي يمكن يفهمو كانييكي/ هايسي حقاً

علاقتو بهالإتنين والصداقه الي جمعتهم ببعض كانت اكتر بكتير من الي كان عليه
كانييكي مع شوو - علاقتهم فوق مفهوم شوو ببساطه

وعَ النقيض تماماً شوو مش فاهم هالأشياء كلها ومستعد لوضع مَ يسمى " احبائه "
فِ خطر لمهمه لا طائل لها !!

# شوو مش قادر يفهم كانييكي/ هايسي على الإطلاق ودي المشكله
شوو عمرو مَ اضطر يقوم بالتضحيه بأي شيء لطالما كان الشخص المدلل
الي يتم الإعتناء فيه - صح ممكن عانى من الوحده لكنه مَ خسر شيء
او اضطر يضحي بشيء رغماً عنه , عالنقيض ؟ نيشكي وتوكا الي عملو الكتير
من التضحيات وبسببها صار ممكن يتصلو بِ كانييكي/ هايسي اكتر من غيرهم

وتوكا اكتر كمان من نيشكي لإنها كانت حوله كتير
كانت توكا وفقط توكا الي حاولت تساعده ليحافظ ع إنسانيته
كانت توكا فقط الي حاولت تذكره ان حياته مش بالبشاعه الي هوا متصورها
وإنه مَ كان غول كامل وهالشي ساعده كتير


# شوو ؟ للأمانه كان هوا الي جره لعالم الغيلان والي طبعاً نعرف نهاية هالشي
- إنتهى به المطاف متحولاً لِ " مجنون "وكانت من الأسباب الي خلتو يخسر
من الأساس قدام اريما

مش جالسه الوم شوو هنا او شي - انا عارفا إنو تغير عن الجزء الأول كتير
وهوا صار من شخصياتي المفضله هالجزء لكن عيب شوو من البدايه كان " انانيته "
المبالغ فيها ومازال مستمر فيها بحيث انو يريد يعيد كانييكي لو - وبعيداً عن الناس الي يحبها
يحاول يجره ويرجعه لعالم مليئ بالدمار والألم - كانييكي عمرو مَ كان سعيد بِ عالم الغيلان
لهالسبب توكا تحاول تبقيه فِ " العالم البشري " عالم الإنسان - العالم الطبيعي حيث ينتمي له
لإنها تعرف إنه سعيد هنااك

# ممكن انا بختلف شويا مع توكا لإنها مش مدركه للوضع تماماً وكيف إنو هايسي
مش سعيد زي ماهيا متوقعه لكن من منظورها الشخصي ومن الي شافتو لما زارها ؟
مَ الومها صراحه واشوفها مع نيشكي بيعملو الشي الصح لكانييكي - لإنهم بيفكرو بشكل
بعيد جداً عن الأنانيه ويفهمون هايسي اكتر من اي شخص اخر حتى الآن



#


# بالنسبه لتوكا :







# كان اكتر الاشياء الي كنت منتظرتها بخصوصها ؟
معرفة مشاعرها ورأيها حول موضوع ساساكي / كانييكي
من بداية المانجا ونا متحمسه لأعرف هالشي وبأمانه ؟ توكا مَ خيبت ظني ابداً
تبغا كانييكي يكون قادر عَ عيش حياه " سعيده " كَ إنسان مره اخرى
توكا صار عندها كراهيه للذات بشكل كبير لدرجة إنها مستعده تخسر كانييكي للأبد
بدل مَ يرجع ويعيش حياته كَ " غول "
بس فِ الوقت نفسه ؟ تفتقده وتنتظر منه ان يعود إزا احتاج للعوده بأي وقت كان

عموماً هيا واحده من ضمن القلائل جداً الي يفهمو كانييكي وشخصيتو وطباعو
حتى قبل ارك الأوغيري , توكا بالإضافه لنيشكي الي يسير معها فِ نفس طريقها
بإتباعهم رأيهم الخاص حول ساساكي , هما اكتر شخصيات بتفهمو

توكا ذكرت إنها تتفهم شعور تسوكياما لكن مَ نقدر ننكر إنو معها الحق لحتى مَ تتفق معو
فِ خطتو - لإن بالنسبه لها ولكل الغيلان عموماً ؟ :
الحياه الي يعيشها البشر افضل بكتير من حياة الغيلان

شفنا توكا فِ الجزء الأول لما إتكلمت عن حياتها وكونها غول امر صعب وفظيع ومرعب لها
الهروب دائماً , الإختباء دائماً , كونك مكروه , كونك تُرى كَ وحش , قتل كل عائلتك .. إلخ
توكا بطبيعة الحال تعرف هالشعور وتحاول تبعدو عن كانييكي لإنه حالياً وبالمقارنه
مع الي عانى منه " من جانب الغيلان " فِ الجزء الأول ؟ حياته الآن افضل بكتير
من حياته سابقاً كما هوا واضح لها

صح كلنا نبغاه يرجع للقصه ويرجعلنا كانييكي الي كان يعمل فِ الأنتيكو
لكن من وجهة نظر توكا ونيشكي ( الأشخاص الي تهتم له حقاً )
إزا كان وضعه افضل الآن ؟ فَ هما مايبغو يدمرونه بإختصار

# توكا إتعلمت درس فِ نهاية الجزء الأول بالطريقه الصعبه وهيا :
أن الغيلان ممكن ان تستمر بالعيش بينما يفقدون شيئاً
لذلك نعم – هيا مَ تقدر تكون متأكده إنو كانييكي " فعلياً " سعيد
لكن من الي شافتو بعد مَ زارها اكتر من مره كيف تقدر تفكر إنو مش سعيد ؟

اخيراً – توكا اختارت إنها تؤمن فِ كانييكي, تفكر فِ كون الأمر متروك له للتذكر
إختيارها واختيار عالم الغيلان ام اختيار السي سي جي والعالم البشري
وبرأيي دا شي جداً جميلل وطالع من حبها وإهتمامها الكبير فيه وبمصلحتو








# الي تقوله الجميله اعلاه ؟
: " انا بخير "
الي تقصده ؟ :
تهتم لكانييكي كثيراً لدرجة إنها عَ استعداد تام تكون بعيده عنه من أجله فقط
لإنها ما تبغا يرجع ويمر بكل الي عاناه لما كان عايش كَ غول سابقاً
الشي الوحيد الي تبغاه ؟ إنها تشوفه يعيش حياه عاديه كَ شخص طبيعي وسعيد
تماماً كما كان عليه قبل تحوله لغول وقبل عملية الإختطاف

# تعرفو ايش اجمل شي فِ علاقتهم ؟
إنهم الإتنين يهتمون ببعض لدرجة إنهم بيفكرو بنفس الطريقه وبيعملو نفس الشي لأجل التاني
وهنا اقصد لما كانييكي عمل نفس الشي الي تعمله توكا عشانه حالياً - لما تركها فِ الجزء الأول
بس لمصلحتها عشان تقدر تمتلك حياه جامعيه طبيعيه كَ شخص طبيعي بعيداً عن عالم الغيلان
وحياتهم – وفهالتشابتر عرفنا ان توكا تبغا نفس الشي لكانييكي

ولتحقق هالشي ؟ لازم تكون بعيده عنه وهالشي منجد موجع لإنها تفتقده وتفتقد وجوده معها
لكنها مضطره تتركه بسبب خوفها عليه وبسبب ارادتها له بالعيش حياه سعيده اخيراً

اشوفو شي جميلل ومحزن كيف إنو توكا تبغا تبقي هايسي / كانييكي فِ العالم " البشري "
عشان يكون سعيد بس بنفس الوقت تنتظره لحتى يرجعلها , هالشي برضو يشبه للي عملو
كانييكي لما بونجو سان سألو إزا راح يروح يشوف توكا ؟ وقال " لا " لإنو يريد لها تجنب " الإشتراك "
فِ عالم الغيلان بعد مَ خرجت منه – لذلك وبعباره اخرى ؟ هوا كمان كان يريد ابقائها
فِ " العالم البشري "

# جدياً احب علاقتهم – كيف إنهم يحبون ويهتمون فبعض لدرجة إنهم مستعدين يبقو بعيدين
عن بعضهم بس لحتى يحمو بعض ويتمكنو من عيش حياه آمنه ويكونو " سعداء " فِ هالعالم
الي اتنينهم يبغو يعيشو فيه , لكن السؤال هوا ؟ سعادتهم ! ماذا عنها ؟
زي مَ شفنا وزي مَ قالت هينامي قبل كدا اتنينهم مستحيل يكونو سعداء بالكامل من غير الآخر
توكا وكانييكي يحتاجو لبعض لحتى يلاقو السعاده الكامله وللحين هالشي مش حاصل
ودا الي محزني




#


# بالنسبه لتسوكياما :






# محاولة اجباره ع الخروج من حياته الحاليه حتى ترجع الأمور للي كانت عليه من قبل ؟
يبدو لي كَ شي " سيء جداً " ََ!!

كانييكي عانى بشكل كبير - بشكل محد غيرو عاناه من قبل
وشوو بمجرد التفكير بهالفكره حتى لو كانت نيته عدم ايذائه إلا إنها فكره سيئه جداً
حالياً ؟ صح ساساكي ممكن مش سعيد تماماً مع كيف تسير الأمور لكنه من الواضح
إنو صار اكتر استقراراً من قبل ويعيش حياه بجوده ونوعيه افضل من سابقتها كَ غول
هوا مَ يتذكر السنوات الي عانى فيها من الألم , الخذلان والترك , التعذيب , الفقدان
الأخطاء الي ارتكبها , الاشياء السيئه الي تسبب فيها .. إلخ

خسر وفقد الكتير من الذكريات المهمه وصلاته لأصدقائه لكنه متردد فِ العوده
وتوكا يبدو إنها عَ إستعداد للسماح له بالذهاب - ع نقيض شوو هنا

سبق وقولت ان تسوكياما لما يتعلق الأمر بكانييكي هوا شخص " اناني "
وهالتشابتر دليل اخر لإضافته للمجموعه بما إنو مش الدليل الأول عَ الشي دا
لكن فِ حين إني مازلت اعتقد إنو الي بيسويه شوو امر " غير مسؤول "
وموقف توكا ونيشكي اكتر " معقوليه " منه ( واساساً عَ حق )
لكني تماماً كَ توكا بتفهم مشاعرو , وإزا حطينا نفسنا مكانو ؟
وإتفهمنا مشاعرو ؟ رح نشوفو شي طبيعي , خطير ومتهور لكنه مَ يزال طبيعي

# الي نعرفو عن شوو بغض النظر عن الإعجاب الي كان يتلقاه فِ الثانويه من نادي معجبيه
وإمتلاكه لعائلته وكل هالأشياء , إلا إنه كان لا يزال شخص وحيد , تشي كانت لسنوات
الصديق الوحيد الي إمتلكو فِ نفس عمره , وحتى مع انهم كانو اصدقاء ؟ إلا إنو كان متعود
يناديها بِ " الحيوان الأليف " ودا معناتو إنو مَ قدر يحصل عَ مفهوم الصداقه حقاً

عموماً اتنينهم اشخاص فريدين وغير عاديين , وممكن لهالسبب مفهوم " الصداقه "
عندهم يكون فِ موضع شك , لكن الأكيد إنهم يستمتعون بقضاء الوقت معاً
بفضل الروايات والصفحات الجانبيه , عرفنا إنو تسوكياما يقدر يصير غريب
ومحرج للغايه لما يتعامل مع الأشخاص ومَ يقدر يفهم المشاعر الإنسانيه اساساً
خلال ارك الذواقه تسوكياما مَ ادرك إنو نيشكي اراد إنقاذ كيمي لإنو يحبها
بل ظن إنها مجرد فريسه مسروقه واراد إسترجاعها لهالسبب

ومَ ننكر إن انضمامو لمجوعة كانييكي كان لمجرد " أكله " فقط , لكن بطريقة ماَ
وخلال هالـ 7 اشهر ؟ خطته اتت بنتائج معكوسه وإنتهى به المطاف يهتم لكانييكي
ويرعاه تقريباً

# فِ الحقيقه , كان كانييكي اول شخص , مارح اقول يثق فيه لإن كانييكي ابداً مَ كان يثق فيه
ومَ كان يسمحلو يعيش مع بقية المجموعه فِ نفس المكان , لكن كانييكي كان اول شخص
يعطي " الذواقه " الفرصه لحتى يكون متواجد معهم ويكون حولهم كَ " شوو " ومش كَ فرد
من " الذواقه " - لذلك اكتئابه بعد " موت كانييكي " , هوا شي مفهوم , وكذلك محاولته لإعادته
لإنو من الطبيعي إنو يبي يرجع لتلك الأيام مع كانييكي , هينامي , بونجو وجماعته لإنو كان سعيد معهم


# من ناحيه اخرى لما نرجع لتوكا ونيشكي ؟ هالإتنين ابداً مَ كان عندهم أي تجارب لطيفه
مع تسوكياما , اخر ذكرى لهم بخصوصه كانت من تلات سنين :

1 - بالنسبه لتوكا لما حاول يقتلها ويقتل كانييكي + لما كان يزعجها هيا واياتو فِ مراهقتهم
2 – بالنسبه لنيشكي لما اختطف كيمي وكان رح يخليها كَ مُقبلات وبعدها حاول قتله كمان
3- اخيرا بالنسبه لكانييكي الشخص الي يهتمون له هالإتنين , كلنا نعرف كم مره تسوكياما
حاول اكله لذلك رح امتنع عن التعمق اكتر

والذكرى الأخيره المشتركه بين توكا ونيشكي عن تسوكياما كانت لما شافوه مع هينامي
وشفنا ردات فعلهم , طبعاً وقتها كانييكي كان يحفر قبره بنفسه لكن تسوكياما مَ كان مدرك
لهالشي وكان مستعد لمساعدته فِ كل شي من غير سؤاله حتى , بالنسبه له ؟
الي كان يسويه كانييكي فِ محاولته للحصول عَ قوه اكبر فِ هذا العالم القاسي كان طبيعي
وكان لا يزال تحت وهمه الخاص ,انه كان يساعد كانييكي ليحظى بثقته ومن بعدها اكله
( زي مَ قولت النتائج اتت معكوسه ) لكنه مَ عرف واتأكد من هالشي إلا فِ النهايه ")


# لما توكا قابلت كانييكي ؟ ادركت الأمر عَ الفور وأن كانييكي جالس يؤدي بنفسه للتهلكه
ولهالسبب عاملته بقسوه وقالت كل هالكلام والي فعلاً كان صحيح وكان بسببه كانييكي
قرر يرجع للطريق الصحيح لكن بعد فوات الأوان للأسف
نيشكي كان الوحيد الي شاف تسوكياما يائس فِ السطح بعد ذهاب كانييكي للإنتيكو
لكن كان شي طبيعي إنه مارح يتفهم مشاعره وقتها !


# الخُلاصه ؟ لما نفتكر إنو هالاشياء هيا الاشياء الوحيده الي هما عارفينها من تسوكياما ؟
فَ وقتها طبيعي جداً وامر مفهوم كونهم غير سعيدين للغايه برؤيته مرة اخرى
او التعامل معه بموقف دفاعي وغير واثق

# إحنا كقراء ؟ نقدر نشوف القصه وراء وجه تسوكياما البائس لما تركه كانييكي
او وراء تعلقه الشديد فيه ومحاولته لإرجاعه , لكن الشخصيات
( وهنا اقصد الأنتيكو عَ وجه الخصوص ) مَ تقدر لإنهم مَ يعرفو أي شيء عن كانييكي
ومجموعته وقتها

ولهالسبب الحوار الي دار بين ري و تسوكياما كان جداً حضاري بالنسبه للأوضاع وقتها !!


#





# الحقيقه هيا , أن كلا الجانبين مازالو مفتقرين للمعلومات
صح إنو ساساكي فِ هذه اللحظه لا يريد خسارة عائلة السي سي جي
ويبدو اكتر سعاده الآن من لما كان كانييكي لكن محد منهم يعرف ان " كانييكي"
مازال هنااك ومازال يعاني

ساساكي نفسه ينتابه فضول كبير بشأن ماضيه وهنااك جزء من السي سي جي
مَ يثقون بساساكي وإزا صار خطير لأي سبب كان , فَ السي سي جي رح تقتله بكل تأكيد

# تسوكياما وكَ غول ؟ يعتقد انه من المستحيل انو غول يريد ان يصبح محقق
( وفِ الوضع الطبيعي , اكيد عندو وجهة نظر صحيحه ونقطه تُحسب لصالحه )
تسوكياما يعتقد بوضوح ان كانييكي يريد ان يعود لكنه لا يأخذ فِ الإعتبار الـ 3 سنوات
الي مرت وهوا فِ السي سي جي , لا يأخذ فِ الإعتبار إنه فاقد لكل ذكريات حياته السابقه
وان كانييكي كان " إنسان " فِ المقام الأول وهالاشياء هيا الي توكا ونيشكي مأخذينها بالإعتبار
تسوكياما يحب كونه غول ومَ يقدر يفهم ليش كانييكي ممكن بأي شكل يبغى يكون " إنسان "
طبعا برضو هالنقطه تُحسب لصالحه لإن كانييكي مستحيل يكون " إنسان "
ولهالسبب تسوكياما يحاول يرجعه لعائلته " الغيلان "

صح إن كانييكي فعلاً مستحيل يكون إنسان – إلا انه يقدر ينعم بحياته تقريباً
وهالشي الي توكا ونيشكي شايفينه ومايبغو يسلبوه منه

# من الواضح إن كلا الجانبين يهتمون له ,لكن فِ حين ان تسوكياما يواجه صعوبات
فِ فهم ماهو الأفضل لكانييكي وكونه مندفع جداً وعاطفي ؟!
ري : يحاولو يكونو اكتر موضوعيه وحذر , توكا زي مَ قالت تتفهم تسوكياما ومشاعره
إلا أن الصبر والإنتظار هوا الشي الأكثر اماناً للقيام به



# اخيراً حقيقة انو توكا فتحت مقهى فقط فِ حالة مَ احتاج كانييكي للدعم
او مَ صار عندو مكان تاني يروحلو ببساطه شي حطم قلبي
- قديش توكا تفكر فيه وتهتم فيه ياخي
فخوره فيها والله - تغير شخصيتها صار للأفضل وللأمانه هوا من افضل
" تطور الشخصيات " الي مرت عليا فِ عالم الأوتاكو =$