Scarlet|إنشِطَارْ - الصفحة 3 - عيون العرب

**Spirits Demise** · #11 06-18-2015, 04:43 AM

شسمة ذا طبعًا قلت لكم أني أحب الألعاب صح ؟! اللعبة اللي أنا ألعبها الحين أسمها
فاينل فانتسي قاعدة ألعبها مع صديقتي اللي أعتبرها أختي
اللعبة ع البي سي وأسم هالصديقة سارة أو RED في المنتدى !
إنسانه هبله بمعنى الكلمة بس أستغرب من اللي يقعد معاها وما ينشرح
صدره ع قد ما عليها حركات حقيرة ع قد ما قلبها أبيض :hehehe:
هي أخت لي ، وأخت لرهف هي سعادة تسير ع قدمين .. وقصة
حب يلا خلاص ما أقدر أمدحها واجد أحس في شي غلط
<- أتوقع بتقتلني قريب ، إذا أختفيت تراها هي السبب
بتكلم عنها أكثر في المستقبل ، وكل اللي أبيكم تعرفوه الحين أني أحبها
سارة أسمها في اللعبة Aoi ( أوي ) وأنا أسم شخصيتي سكارليت كالعادة x'D
أحنا جديدين في اللعبة ، وقررنا نصور لكم كم لحظة هناك
بس لا تطقطقوا ع ملابسنا القروية : ( ترا اللعبة اللي تختارها للأسف *دموع*
إذا صار لفلنا عالي راح تصير ملابسنا أكشخ أنتظروا بس
المهم أن أحنا اللي صممنا أشكال شخصياتنا ، في اللعبة الشي الجميل تقدر تصمم
شكل الشخصية من فوق لتحت ، حتى شكل الأنف والعيون
صورة شخصيتي :

ما أدري ليه حطيت ندبة ممتدة ع عيونها لازم أشوه وجهها x'D
المهم أني عندي فرصة أغير لون الشعر وكل شي في المستقبل ، يمكن أغير
كم حاجه فيها ويمكن تبقى مثل ما هي x'D

صورة أوي الهبلة أو سارة :

شكلها كيوت صح ؟!
طبعًا تراها قزم طولها في اللعبة 57 يعني دايمًا وأنا أمشي أنتبه
أني ما أدعسها بالغلط لو شي لا سمح الله أنتوا بس شوفوها وهي تهايط بالكتاب

.. يتبع x'D

**Spirits Demise** · #12 06-18-2015, 04:52 AM

المهم بعدين قعدت أدور عن لاعب شكل شخصيته خقة عشان أصور معه
للأسف ما لقيت كلهم أختفوا فجأة يخرب بيتهم بس لقينا ذا وقعدنا نستهبل
عليه لين سحب ع أم أم اللي جابتنا لفله 50 يعني أعلى لفل في اللعبة ..
أصلاً عادي

بعدين شفنا وحدة كيوت مرة ! لفلها خمسين بس قعدت تستهبل معانا
للأسف طارت دون ما أصورها x'D وهذي كم صورة

عطتكم شخصيتي وضعية الطفشانه هنا هي و وجهها ذا

هذي الصورة حبيتها بقوة ! طلع شكل سارة فيها كاوايي مرة
ودي أرصعها يا أخي طالعه كيوت من جد

طفشتني هنا وهي تقعد ع حضني هالقزمة يا أخي مهبولة والله x'D
كان مفروض أصورها لكم وهي واقفة جنبي تشوفوا فرق الطول بس للأسف
المرة الجاية إن شاء الله

شوفوا القبعة القروية يقلع بيتهم .. ودي بملابس زي الخلق ..
سارة عندها نفس القبعة بس ما قدرت أصورها معاها للأسف ×_×
المهم أنها تفشل يا أخي حرام عليهم

هذي وحدة لفلها 50 طلبت منها أني أصورها وع طول وافقت
أخلاقها مرة جميلة يا أخي وشكلها جميل بقوة ! عجبني
أه عقبال ما نصير كذا في المستقبل لفل 50 .. حلم حياتي

المهم مرة ثانية بصور في الصباح ، وبنتبه وأنا أصور x'D للأسف
أكتشفت أن كثير من صور أوي ما ضبطت مثل ما كنت أحسب
المرة الثانية بنتبه

**Spirits Demise** · #13 06-18-2015, 05:09 AM

والله ما توقعت أني بستمتع كذا بالمدونة وبكون عندي كلام كثير أكتبه
طلعت ثرثارة صحيح بس متأكدة أني راح أقرقر عن فاينل فانتسي كثير
للأسف اللعبة راح تسكر يومين ، فـ ما بقدر ألعبها في هالفترة
___

لقطة جميلة من التقاط وسام x'D
فديت اللي أسمها جنب أسمي والله
يلا عقبال ما أحد يلتقط أسمي جنب R E D ، والأفضل بعد ثلاثتنا جنب بعض
<- طموحي صعب ها ؟! :hehehe:

**Spirits Demise** · #14 06-18-2015, 05:16 AM

بعلمكم شي عن رهف دايمًا جوالها في جهة وهي في جهة *من أرض الحدث*
أتصل عليها وطبعًا ما تدري عن جوالها الأخت x'DD الله يكون بعوني :hehehe:
<- وللأمانة أنا جوالي 24 ساعة سايلنت x'D أعقلنا سارة الظاهر *ضحكة*

**Spirits Demise** · #15 06-18-2015, 11:35 PM

الحمدِ لله
اليومْ حصل لي شي أحبطني ، شي كان بتعبنِي نفسيًا بمعنى الكلمة ..
حسيت الأمل اللي كنت أتمسك فيه خلاص تلاشى بس تذكرت أن ربي ما يضيع
تعب ، و تذكرت أن ربي بعوضنِي أكيد لا تنسى أبد تحمدْ ربك حتى على الشي
اللي ما تبيه ! و ربك كذا رحمته راح تسبق قدرته ولكلِ شي حكمة .. أنت
بس ما تقدر توصل لها ، وساعات ببساطة شديدة .. عندك ذنوب ربك يبغى يخلصك
منها بهذا الابتلاء عشان كذا قول دايمًا الحمدِ لله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
Flandre Scarlet	sakura-lover	صور أنمي	2	08-15-2013 02:58 PM
^_^ مكتبة scarlet-eyes الثانية لصور المسلسلات الأنمي من A إلى Z ^_^	scarlet-eyes	أرشيف المواضيع الغير مكتمله او المكرره او المنقوله و المخالفه	23	07-29-2009 06:19 PM
^_^ مكتبة scarlet-eyes لصور أفلام الكرتون متنوعة ^_^	scarlet-eyes	أرشيف المواضيع الغير مكتمله او المكرره او المنقوله و المخالفه	45	06-12-2008 11:24 AM
هنأوا scarlet-eyes بمناسبة حلول عيد ميلادها	soso-caty	أرشيف المواضيع الغير مكتمله او المكرره او المنقوله و المخالفه	1	10-06-2007 06:21 AM
هنأوا scarlet-eyes بمناسبة حلول عيد ميلادها	soso-caty	أرشيف المواضيع الغير مكتمله او المكرره او المنقوله و المخالفه	0	10-05-2007 11:20 PM