Scarlet|إنشِطَارْ - الصفحة 8 - عيون العرب

**Spirits Demise** · #36 06-26-2015, 06:10 AM

همممم ساعات شي جميل تضحك مع الناس حتى لو كنت مضايق شي يشرح
الصدر ، ماله داعي تضيق خلقك على شي .. أو تزعل من شي ! إجازتك ولازم تستمع
بكل ثانية فيها قدر المُستطاع لا تضيع وقتك على الزعل ، أفضل أنك تضيع
وقتك وأنت تحاول تتجاهله أنا أول وحدة بجرب الشي اليوم
لأنو بإختصار .. جديًا ما صار في شي مهم

**Spirits Demise** · #37 06-26-2015, 06:17 AM

كح بعطيكم درس اليوم تتوقعوا أيش هو التسليك ؟! التسليك هو فن من فنون
البقاء على قيد الحياة ! في هذا الفن واجب عليك أنك تعطي اللي تكلمه جوه
وتسوي فيها أنك فاهم ومتحمس أو متعاطف أو اللي هو ترا التسليك شي جميل
ويخلي العلاقات الاجتماعية أقوى ! تعلموا هذا الفن العظيم .. وطبقوه !
الحياة بتكون سعيدة #تجربتي !
-
و أيريس .. أحبك

**Spirits Demise** · #38 06-26-2015, 06:22 AM

التزبيد ، أيش هو التزبيد ؟! هو عكس التسليك بالضبط هنا لما تنققع مرارتك
هذا يكون الخيار المُناسب ! وهو مثل ما قلت عكس التسليك ويحطم العلاقات
بس يا أخي قلعه أهم شي أنت مرتاح ومستانس في التزبيد المتلقي تطير جبهته
تطيير وتتشوت بعد وماي الوجه كله بح بح لأنه بإختصار أنك تعطي في الوجه
من دون مقدمات عشان اللي قدامك يتعلم كيف يكون إنسان !
وشكراً لكم معًا نحو مجتمع صالح

**Spirits Demise** · #39 06-26-2015, 10:37 AM

من هنا : [ ]
^ أضغط على القلب للدخول

هذا كان غلاف قصة كتبناها أنا و سارة للمدرسة هي مقتبسة من روايتي
الأصلية مع تعديلات أحنا أضفناها وبطلها الرئيسي كان جلين العنجهي
القصة كانت لمادة الأنجليزي بس أستمتعنا وأحنا نكتبها مرة ولأن أحنا
تأخرنا رهف صممت لنا الغلاف اللي تقدروا تشوفوه فوق وعلى كثر ما أستمتعنا
عانينا صراحة لأن الوقت كان ضيق ×_× بس الغلاف تحفة فنية ! ليومكم ذا محتفظة
فيه كـ ذكرى تصاميم هالبنت كلها تحف فنية : ( تطقطق علي لأني كل مرة
أقول لها ذا أجمل تصميم لك لأنو فعلاً كل مرة تسوي تصميم تكسر فيه على كل
التصاميم اللي قبله x'D بس هذا الغلاف قديم مرة قولوا ما شاء الله و عقبال
ما تتطور أكثر وأكثر هالهبله الجميلة الله يحفظها
كان أسم القصة : [ My ghost lead me to Atras ]
حبيت أشاركم هالذكرى الجميلة

**Spirits Demise** · #40 06-26-2015, 12:25 PM

R E D

أفضل أسم سارة أيش أقول عنهَا ؟! مشاعِر كذا صعب الكلماتْ تعطيها حقها !
هي كانت ولا زالت .. أخت لي الأخت اللي علمتني دون ما تدري أشياء
كثيرة ! هي صديقتي اللي مافي شي راح يستبدلها فِي هذي الدنيا أشياء كثيرة
تغيرت فِي حياتي لأنها كانت موجودة فيها بس ، ويمكن الغبية ما تدري حتى
كنت أشد حَيلي في أول ثانوي بسببها هي باختصار .. نقلت لي عدوتها xDD
أحب ألعب معها يا أخي ! أستمتع بقوة لمَا أكون في أي لعبة معها ، تعطي جو جميل
ساعات أتهوس عليها إذا ما كان لهَا لا حس ولا خبر ، وصراحة .. ما أتصور ممكن في
يوم تدرس بعيد عني ، معقولة تمر أسابيع وما أشوف الزلابة هذي ؟! الشي ينكد بقوة ..
أه تراها نذلة بشكل ما أحد يتصوره أحيانًا x'D وأحب ذا الشي فيها الزلابة :hehehe:
بس عليها ضمير عادي يقعدها طول الليل لأنها ضيعت قلمك بفتقد أيامي
في المدرسة لأنها كانت تتضمن هالذكية x'D أتمنى نكمل مشوارنا في الجامعة
و تراها مُخلصة بشكل يفزع الواحد ._. من سادس ابتدائي وهي خاقة عند رينجي من
بليتش و ليومكم ذا وهو شخصيتها نمبر ون والمُفضلة ، وأنا كل يوم ولد
ولا أنسى أقول أنها أكسل ما خلق ربي ×_× دايمًا تطلع بأشياء جميلة مرة وتصاميم
تطير العقل وبعدين تشتم فيها زلابة صح ؟! الزبدة أحب الزلابة هذي
يارب أغفر لها كُل ذنبٍ وأسعدها ، و أحفظها أينمَا كانت وأحرسها يارب العالمين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
Flandre Scarlet	sakura-lover	صور أنمي	2	08-15-2013 02:58 PM
^_^ مكتبة scarlet-eyes الثانية لصور المسلسلات الأنمي من A إلى Z ^_^	scarlet-eyes	أرشيف المواضيع الغير مكتمله او المكرره او المنقوله و المخالفه	23	07-29-2009 06:19 PM
^_^ مكتبة scarlet-eyes لصور أفلام الكرتون متنوعة ^_^	scarlet-eyes	أرشيف المواضيع الغير مكتمله او المكرره او المنقوله و المخالفه	45	06-12-2008 11:24 AM
هنأوا scarlet-eyes بمناسبة حلول عيد ميلادها	soso-caty	أرشيف المواضيع الغير مكتمله او المكرره او المنقوله و المخالفه	1	10-06-2007 06:21 AM
هنأوا scarlet-eyes بمناسبة حلول عيد ميلادها	soso-caty	أرشيف المواضيع الغير مكتمله او المكرره او المنقوله و المخالفه	0	10-05-2007 11:20 PM