Memorise - الصفحة 14 - عيون العرب

**LAVANIT** · #66 07-17-2016, 05:40 AM

اكتشفت ان العلم سلاح فعلا .
لما تصير عالم جداً لدرجة تطلع اللي قدامك بشكل غبي
وجاهل جداً ، لدرجة مايقدر يكمل مناقشته عشان ما تمسح
كرامته بالأرض بعلمك ، هالشعور قوي جدا الله يرزقني اياه
ههههخهخهههه .

**LAVANIT** · #67 07-17-2016, 05:46 AM

كان من أجمل أيام الميلاد اللي تمر علي .
أهلي ماكانو يدرون انه يوم ميلادي بس طلعنا طلعه تبسط
جداً ! رحنا قمة جبل وقعدنا عليه، ياشيخ منظر اضواء المدينه
لحاله أجمل هديه قسم بالله ، صح اني ماتلقيت هديه غير صورة
عبود المخيسه ههخهه بس صدق كان المنظر جميل ، وقعدنا وأكلت
لما طرت من السعاده ، لأن السعاده ترادف الأكل بالنسبه لي ههخهه .
وصدقًا مره استمتعت، قعدنا نلعب أسئلة ثقافيه وتحمسنا مع خالي
لدرجة نصارخ متحمسين من يجاوب أول ههههههههههههههههههههههههه ..
لو أحد شافنا رمانا بالمصحه .
والعشا صح رز ودجاج بس يا انه كان طعمه احسن من الهمبرقر يعني مدري
كيف صارت بس صدق كان لذيذ : ( ! الجو كان حار ، حار جدا ، بعد المغرب
ودرجة الحراره بالأربعين تصدقون ؟ اكيد تصدقون ههه .
المهم بس جلستنا هذاك اليوم والسوالف والفصفصه والأكل أحسن من اوروبا
وسفره لها وكل أبوها ، استمتعت صدق كان عيد ميلاد مثالي : ( !
وأحسن شي انه م كان مقصود، كان هدية من ربي، الحمد لله .

**LAVANIT** · #68 07-17-2016, 06:44 PM

هالتدوينه م منها فايده ، بس جيت أقول أبغا أنام .
نعسانه قلب7 ، ابغا انام قلب7 .

**LAVANIT** · #69 07-17-2016, 08:31 PM

طيب، فيه حاجه منرفزتتي شويتين هاليومين .
مصطلح " قصف الجبهة " اللي اخترعوه من عصر أجدادي ولو
أحد قاله برى المنتدى كان طقطقت عليه، بس صغار العقول هنا لا زالو
يستخدمونه ههخهههههخهه ، طيب أول شي : مو أي تبن اقوله يصير
قصف جبهة، ايش هو قصف الجبهة ؟ الردود الحاذقة، تعرف وش معنى
رد حاذق أصلا؟ لا ، ليه؟ لأنك بزر ، رد حاذق، بدون شرح طويل وفلسفه
كثير " رد قوي " والرد هو " الاجابه " يعني باختصار إجابه قوية على شيء
" موجه لك " ليس موجه لعامة الناس .
ومو أي رد تقوله لي يعتبر قصف جبهة ، فيه حاجه ثانية اسمها " قلة ادب "
، لما أجي أسأل سؤال عادي وترد رد زي وجهك عشان يحسونك رهيب و واو
وفله ، مع ذلك مابيحس بهالشي الا صغار العقول مثلك .
لما أحد يكذب وتكشف كذبته فهذا مو قصف للجبهه ، لكن لما أحد يدرعم ويتكلم
بأشياء غبيه وتخليه يوقف فلفسفه زياده لأنك " عالم أكثر منه " فهذا يعتبر
قصف جبهة على قولتكم يا أطفال .
أما لما اصير استفسر عن شي بكل هدوء وجايتك ونيتي كويسة، أو اسولف
معك عادي وترد برد زي وجهك هذي " قلة ادب " وكل حبيشتك من الأطفال
حقين " بووممم الجبهة ذهبت " فهؤلاء بزارين أكثر منك بعد .
لذلك الرجاء عدم استخدام هالمصطلح عشان م تطلع غبي ي بزر انت وياه .
وبس والله .

**LAVANIT** · #70 07-17-2016, 10:19 PM

-
سبحانك ربي ما أعظمك .