قصة حلوة كثير ولكم .. شو رايكم .. - عيون العرب

**ag-007** · #1 12-28-2007, 11:31 PM

احم .. اسمعو لاول قصة بكتبها .. وخلص رح انزل رواية .. اكتشفت موهبتي ..
بس اقرو للاخر هااااا ..

كان يا ما كان في قديم الزمان
ملك عنده ثلاث بنات حب في يوم من الأيام
انه يختبر حبهم اله

......

جاب الكبيرة (وجه البكسة)
وقالها: يابا يا حبيبتي قديش بتحبي أبوكي الملك
البنت من غير تفكير: بحبك قد ما السمك بحب البحر

الملك فكر وقال في باله
اي هو السمك بقدر يعيش بدون بحر .. هاي البنت بتحبني كتير
وقال الها
أنا كنت عارف انك بتحبيني بس مش لهدرجة
وقام أعطاها قصر كبير ومجوهرات

......

جاب البنت التانية (واسطة العقد) وسألها نفس السؤال
وقالها: يابا يا حبيبتي قديش بتحبي أبوكي الملك
فقالتله: بحبك قد ما الطير بحب السما

وقال في باله: اي هو الطير بقدر يعيش بدون سما ويطير .. هاي البنت بتحبني كتير
انبسط الزلمة وكيّف .. وأعطاها قصر جنب أختها ومجوهرات وميمعة

......

بعدين جاب البنت الصغيرة
اخر العنقود (اللي بموت فيها) وسألها نفس السؤال
وقالها: يابا يا حبيبتي قديش بتحبي أبوكي الملك
قامت جاوبته: بحبك قد ما الدقّة بتحب الشطة

الزلمة زعل وعصب وقام لاحها كف خلا أيديها و رجيلها اربعة
ومسكها من شعرها وزتها برة القصر .. وما رضي يسمع منها ولا نص كلمة

.
.
.

......

البنت دارت بالحواري يا عيني وعلى أرصفة الطرقات
وتسمع كلمة من هاد وكلمتين من هداك
لغاية ماأجاها مزارع مسكين على باب الله حبها وحبته
وراحوا سكنو بالكوخ تبعه اللي بنص الغابة ، طبعا أول اشي تزوجوا
يعني مش سكنوا هيك سبهللة

.
.

ودارت الأيام ومرت الأيام
ما بين بعاااد وخصاااااااااااااااااام

......

وفي يوم من الأيام كان الملك قاعد بتصيد بالغابة
ونسي حاله وسرح وضاع بالغابة .. دور على المرافقين ولا هم هون
طب الحرس فص ملح و داب .. وين الشباب ؟
لا حياة لمن تنادي .. وضل الملك يمشي ويمشي
لغاية ما لقي هالكوخ لصغير، قال يلا بفوت برتاح وباكلي لقمة

دق على الباب فتحلوا صاحب البيت وهو مش عارفه
دخلوا جوا وهو شايفه تعبان
وصار يحكي مع الزلمة مرته مش خافي عليها الصوت

قام الزلمة بيقول للمرة
!! اذبحيلنا جاجتين خلينا نتعشى ونعشي الضيف
المرة مين طبعا ؟
واضحة بنت الملك المقصوفة الصغيرة
- ركزوا بالقصة ولكو .. هههههههه -

.
.

المهم بدت تشتغل بالجاجات وخطر على بالها فكرة
نادت جوزها وقالتله خود شوية الدقة هاي مع صحن زيت
سلكو فيهم لغاية ما يخلص الاكل شكله الزلمة ميت من الجوع

والله الزلمة عجبته الفكرة وقام حط الزيت والدقة قدام الملك
وقاله: اتفضل يا عمي على بين ما يجهز الاكل

الملك ميت جوع وهو بحب الدقة كتير
ما بلع اول لقمة ولا صار بده يستفرغ
وصاح بالزلمة: ولك شو هاد دقة من غير شطة ؟؟؟ .. كيف بتاكلوها هاي؟؟

وفجأة اتذكر بنته الصغيرة وصار يعيّط زي الهبايل
قاله الزلمة: ول ، شو مالك يا زلمة انت العاقل .. كل هاد مشان شوية دقة !!
هسة الجاج بخلص .. !! قلعطتني ... شو هالعالم هاي

راح الملك حكى للزلمة القصة
وهو خلص من هون نطت البنت وقالت
بخ ، كيفك بابا ؟ عرفت اديش بحبك يا اهبل ؟؟

وهيك عرف الملك قديش بتحبه بنته
وجابتله دقة بشطة .. طبعا ما أكل منها ولا لقمة لأنه نزل بالجاج جرد
و أعطاها قصرين ومجوهرات و سوبر ماركت و كيلو معسل (علشان هي بتأرجل )
وشغل جوزها ضريب مواس وسكاكين عنده وتوته توته خلصت الحتوتة

سلامي

المشكلةبس الي بحكي بهاي اللهجة رح يفهما مصبوووط ..

تحياتي ..

" منقول من الايميل "

**destroyer** · #2 12-28-2007, 11:47 PM

حلوه كتيييييييييير

تسلم ag

**ag-007** · #3 12-28-2007, 11:50 PM

شكرا على مرورك الحلو .. destroyer ..

نورتي ..

**εïз][šнєяy** · #4 12-29-2007, 01:22 AM

ايج ايح
بلا مواس و سكاكين الله يخليك

و انا بقول كل الابداع من وين

بس حلوه و انا بحب البابا قد السمك و البحر و الطير و السما

شكرا ايج

**CATTY** · #5 12-29-2007, 01:58 AM

ههههههههههههههههههههه
يازلمي روح وانا مفكريتك الي الفتها وبحكي من وين هاي الابداعات الي مخبيها عنا

طلعت ناقلها من الايميل
بس والله حلووووووووووووووووه
ممممممممممم تسمحلي اسرقها لمنتدى تاني
مشكووووووووور كتييييييييير ايج على هيك قصه حلوه
بس صاحبها الو مستقبل زاهر :77:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مجموعة كبير من صور الأطفال, صور جميله جدا ...........mk	mk1990.	أرشيف المواضيع الغير مكتمله او المكرره او المنقوله و المخالفه	1	11-14-2007 02:54 PM
البلاستيك: خطر كبير على الصحة	emy_fleur	صحة و صيدلة	2	10-25-2007 02:55 AM
أفيدونى هل يموت الحب كما يموت الورد	MAMDOUH	أرشيف المواضيع الغير مكتمله او المكرره او المنقوله و المخالفه	6	04-29-2007 01:34 PM