06-13-2016, 02:59 AM
|
| |
السلام عليكم والرحمة
حاسة بضيقة شوي ما أدري ليش؟؟
بس أتوقع أن السبب حماسي الزايد... هذي هي انا أتحمس بزيادة وأتوقع أشياء
ولما يصير العكس أتضايق من نفسي ومن حماسي الزايد
أعترف إني سجلت في أكثر من منتدى وكنت أتعب على المواضيع من قلب
أجلس بالساعات قدام اللاب وأنا أشتغل على الفوتو،
هذا غير عن الطبخ والأعمال إلي أسويها
وقبل لا أطرح الموضوع أكون متحمسة أشوف ردود الأعضاء والإدارة
ولما أطرحه أشوف بس عدد قليل من الأعضاء رادين على موضوعي
طبعاً أنا ما أنكر إني إنبسطت بردودهم، لكني كنت أتوقع ردود أكثر وأكثر
مقابل تعبي إلي تعبته من تصميم ومن طبخ ومن أعمال...إلخ
يعني في هالفترة لما قررت أكتب رواية كنت متحمسسسة وطااايرة من الفرح
وأفكر في آراء الناس فيها من إنتقادات ومن إعجاب
لكن لما طرحتها في أحد المنتديات إنصدمت
والسبب ان عدد المتابعين ينعدوا على أصابع اليد الوحدة
فكرت إني اوقف كتابة بس كملت لعيون إلي شجعوني لأن مهما كان
هالناس أسعدوني حتى لو بكلمة، ما أبي أطنشهم وأعطيهم ظهري وأمشي
وكملتها وما زلت مصرة إني أكملها وأخلصها
بس في نفس الوقت لما أشوف روايات ثانية وأنواع التشجيع والحماس
أقول في نفسي: ليش هالحماس ما يكون مع روايتي؟؟
أدري إن بعدني في البداية، بس أتضايق
لأني بدأت في الكتابة وأنا متحمسة لتوقعات والآراء والإنتقادات
قبل حماسي إني أكتب أحداث ومشاعر
حاولت أخلي إحساسي يتبلد لكن ماعرفت
حاولت أقنع نفسي حتى لو بمتابع واحد، لكن ماقدرت لأن البني آدم بطبعه
يطمح لشي أكبر
أدري إني هذرت كثييير
بس حبيت إني أفضفض شوي مع نفسي يمكن أقدر أشوف حل لحماسي الزايد
أحياناً والله أحس إنه يتعبني، وأحياناً أحس إنه يلهمني أسوي أشياء أكثر وأفضل
|
 |
المواضيع المتشابهه 
154Likes
" class="inlineimg" />
العرض العادي
