|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
11-25-2016, 10:42 AM
| ||
| | ||
| منو السرق الدهب ؟؟؟ وينو الدهب ؟؟؟ كلمات/عماد خالد لكن لسان الحال غلب عاد نسّوي شنو و ريّسنا المبجّل الداخرينو للحوبة نهب الدهب من الصباح قام من نومو يتمّطق وبدون خجل وبدون أدب فتح خشمو الكبير وقعد يتنّهر يكورك لمن كواريكو جابت القِبيل الكان رايح في الدرب والعجيب ريّسنا يتسآل دون إختشا منو يا اخوانا السرق الدهب ؟؟ منو الخلاّ عازة تنبش في الحفر لافة الشوارع درب درب عاد يا دخري الحوبة ما عيب عليك تكتل الكتيل وكمان تسألنا نحنا منو السرق الدهب ؟؟ والله عيب عليك يا بولهب أبولهب زاتو كان واضح في منهجو ما زولاً قاعد يباري الكضب بعدين نحنا زاتو وين نلقاهو الدهب نحن من جيتنا يا ريّس زادنا أصبح تعب وشرابنا أصبح كرب والحال إنت شايفو براك كل يوم أكعب من كعب وعازة المسكينة منو غيرك الشلهتا منو غيرك البهدلها منو المصّر أحلامها وشرّاها فوق حبل الوجع الصعب منو النّشف نيل العازة غير واحداً جانا فوق ضهر دبابة وللسلطة إغتصب وللمدفع ضرب منو الطرطش طير العازة فضل وراهو ساكيهو لمن هرب منو الشتّت عِقد العازة من جنوبها لشمالها من شرقها ولغرب و جاي تسأل بدون خجل وبدون أدب منو السرق الدهب؟؟؟ يعني بس منو يا ريّس البيكون سرق الدهب ؟؟ يعني حا يكون مزارع في قلبو الكبير مزروعة قيمة الأرض وصاحبو الطين الخصِب ؟، حا يكون عامل مكافح هزمت صبرو جيوش التعب ؟؟ حا يكونن صبايا زاينهن العفة و مليانات أدب ؟؟ حا يكون طالب نجيب من صباحو لمساهو يتوانس مع الكتب ؟؟ عليك الله يا ريّس أكان تعرف الله حتقول لربك شنو وكت ترقد هناك وسط التُرب برضك حا تستغفل ربّنا وكمان تقعد تقول أنا لا حرامي لا سكرجي لا بتاع لعب !!! ياخي خلاص كفانا خلاص قد هدّ حيلنا التعب قطّع قلوبنا حال العازة الخِرب مليّنا من كترة الكضب والله شوقنا بحور ليوم الغضب إن طال الزمن إن قصر الزمن جاييك يوم يا سارق الدهب الأربعاء 23/11/2016 |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| نشا الدهب | الصاعق الناري | نور الإسلام - | 1 | 04-15-2012 03:50 PM |
| الجهة المعتمة | ياسر الششتاوي | أرشيف المواضيع الغير مكتمله او المكرره او المنقوله و المخالفه | 16 | 03-26-2010 11:50 AM |
العرض العادي
