|
| |||||||
| مدونات الأعضاء دفتر يوميات الأعضاء خاص بالعضو ذاته ولا يحق لأي عضو الرد أو التعقيب قسم يسمح للأعضاء بإضافة تدويناتهم اليومية الخاصة لمشاركتها مع مئات الآلاف من الاعضاء والزوار يومياً .. مدونات - مدونة |
 |
| | LinkBack | أدوات الموضوع | انواع عرض الموضوع |
|
#78
07-06-2018, 05:35 PM
| ||
| | ||
 lamsa السّلام عليكم بقلّك لازم ترد السّلام حتّى لو كان المكان فاضي  ما بعرف ليه كل ما أرجع للدوام بعد فترة غياب بتوتَّر وبحسب 50 حساب للطلعة يمكن لأنّه عطلنا فترة وممكن لأنّه ببلد تانية صحيح مو بعيد كتير بس لازم تجهز نفسك وأغراضك وتاخد سكن! والمرّة هاي أنا ماخدة سكن مع طالبة مسيحيّة يا الله شو أمورة  ولطيفة وبشوشة ما تعاملت كتير معها بس حبيتها وحبيت إمها كمان أمورة وبشوشة والغرفة حلوة بس كتير حر  الأهم من هاد كلّه والسبب الأكبر إنّي متوترة هو إنه الدوام بالقدس قريب كتير ع المسجد الأقصى شي حلو كان إنّه الجامعة تطلعلنا تصاريح لحتى نفوت للمستشفى بالقدس لأنّه صحلنا فرصة نشوف الأقصى .. مش كل حدن بتصحله هالفرصة والقدس بتجنن والأقصى أجواءه بتسطل لو فتّه ما بتحب تطلع منّه  لكن حسبي الله ونعم الوكيل رغم إنها أرضك.. وبلدك وهذه مقدساتك إلّا إنّه لازم تصريح لحتّى تفوتها ولازم تمر بتفتيش وقصص والمعابر بعيدة عن البلدات والمناطق السّكنية والباقي معزول بالجدار الفاصل يعني بتلف الدنيا لحتّى توصل للمعبر عشان الجيش اللي محتل أرضك هو اللي يعطيك الإذن تعبر في حين الطريق كتير قريبة لو ما كان فيه معابر وتفتيش يعني القصّة بتتعدى كونك طالب ورايح لدوامك أو موظّف وطالع لشغلك بتصير القصّة قصّة فكرة ومبدأ مبدأ احتلال وعم يذلّك وانت مضطر تتحمل هالذّل كل يوم كل يوم والجندي أو الجندية بإشارة ممكن يخليك تعبر وبإشارة ممكن يرجعك وانت لازم تسكت وتتحمّل ما بعرف لإمته هالبهدلة والذّل بس حسبي الله بكل حدن باع مبدأه وبالتّالي أرضه وأهله وإن شاء الله يطلع التّصريح وما أتبهدل لا ع المعبر ولا من دكتوري التدوينات الطّويلة ما حد بقرأها لهيك بحط فيها أسرار 
__________________   |
|
#79
07-06-2018, 11:46 PM
| ||
| | ||
| خلّك خلوق وما تستنّى محبّة الناس
__________________ |
|
#80
07-07-2018, 11:55 PM
| ||
| | ||
| ياخِ بكره الصيف واللي بحبوه
__________________ |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| Because on this day I was born | الـ,ـرصــآصـة آلـفـضيـ,ـة | مدونات الأعضاء | 0 | 09-03-2016 07:11 PM |
| أنتَ فخرنا | فضيّ : I didn't choose to be born as a demon | مانجا الأمير الأسود | رفعي | ρsүcнσ | Manga Space | 1 | 02-16-2016 07:48 PM |
| Between hate and revenge the dark love will born | skip beat | أرشيف المواضيع الغير مكتمله او المكرره او المنقوله و المخالفه | 14 | 04-27-2012 06:03 PM |
| Brother Bear | مَنفىّ ❝ | أرشيف المواضيع الغير مكتمله او المكرره او المنقوله و المخالفه | 16 | 08-30-2009 01:24 PM |
1543Likes
العرض العادي
