السلام عليكم ورحمة الله وبركاته شلونك فلور ان شاء الله بخير
تضرب راسها بالحيط طيب انا ما متابعتها من البداية ليه ما انتظرها تخلص 15 فصل بيوم واحد منين اجيب كمان هلأ المرعب بالوضع اني احس انك بتتأخري بتنزيل لفصول ما بعيش هيك أنا
حااجج تذمر وحكي فاضي انا بدخل مع الاحداث، ويا الهي الانطباع الاول شو مختلف عن الحقيقة وسيطرتك عالشخصيات والاحداث فن ومهارة مدري كيف بس صدمني 15 فصل بكل هالسيطرة كثير فكرت واكثر من مرة ان سيطرتك مو شي عابر ولفتني كثير لاني فاشلة بالسيطرة
اكثر شخصية كرهتها جيمو -معلش الاسم هيك احلى- عندي شخصية شريرة بواقعي اول اسمها جيم وفيه الف هالشي زاد كرهي لها وجودها مثل العفن بين كومة الجميلين هدول

تيم افف شخصيته قريبة من شخصية اعرفها بس على اكبر عمره مبين فيه حبيته لطيف وحتى جرائمه الي طلعت لنا ما كانت سيئة فعلًا وكان مسالم يتجنب الشر بشكل صريح

حلوتي الصغيرة الطفلة الأمور ايليا ياخ شخصيتها طفولية وغباءها محطم ارقام قياسية على عمرها عن جد اول ما قرأت عنها قبل ما اقرأ عمرها فكرتها تحت الخمسطعش حتى وشفتها طفولية بس بعد قصة الحادثة الي صارت معها احس جدا طبيعية شخصيتا يعني هي ما بتتذكر شي عن نفسها وعن حياتها بدأت من الصفر مرة ثانية، صدمتني بالفصول الاخيرة كيف شخصيتها قوت وصارت بهالعقلية كانها طفلة كبرت بسرعة وخصوصا بالقرية بيَّن عمرها عليها بس مع تيم تصير طفلة
تيم امان لانه جد امان كل ما كان الشخص شرس اكثر كل ما كان البقاء معه امان اكثر لهيك تحمد ربها بالفصول الاولى كانت ضايعة لانه مجرم ع اساس

ايثان ببكي من روعته قريب لشخصية من شخصيات روايتي بس ايثان بيصدم اكثر هذا مبدع الكسول النعسان ضليت اقرأ من الوحدة للثلاثة بالليل كله عالساكت الا مقطع بين تيم وايليا ضحكت عليه وبالزور غبيت الضحك ووقت قلتي ايثان النعسان او هيك شي مر تعبير عليه خلاني اصير بالاراضي من الضحك والله لو ما الخلق نايمة لضليت نصف ساعة اضحك كل ما اجي بكمل قراءة اضحك بس نهيتها حسابا لوجود لبابا

فيرسوس صدمتيني لما قلتي انه طيب صراحة لاخر لحظة وانا مفكرة عنده نية شريرة مثل تيم الدب لما فكر انها ممكن تكون جاسوسة صدمني هو كمان ما بعرف كيف غير عقله بس بالغ الصراحة يعني خطفا واخدا وجابا وفكر انها تكون جاسوسة لك اخ من كثر ما يستحق نتجسس عليه ، لو جاسوسة من نوع جيما اي موافقة يستحق وزيادة اف تخيلي نتأمله طول الليل وهو نايم بمهمة تجسس على جماله> عادي التناقض شي اساس بالرواية هاد تيم وفيرسوس وانا على الخط
كمان كنت اتخيل فيرسوس اشقر حلو مدلل وابن رئيس عصابة استلم الحكم بعد ابوه عنده مشاعر كيوت طلع اصلع وعنده وشوم وتذكرت لما قرأ باول الفصول وصفك له والانطباع عنه كانه كان شخص ثاني

لما عرفها ع غرفتا تاجر الاعضاء البشرية تيم هون غسلت يدي منه تناقضه فيه تناقض حتى فطست من الضحك مو حرام عليه هي طفلة غبية وهو يصدمها عبتخيل وضعا وقتا بس شقد ما بذلت جهد ما بقدر استوعبه كله بمخي شي ثقيل

مدري من وين ابدا بالاحداث خصوصًا كلها فوق بعضها براسي مسقعة 15 فصل

اسم تيمي كان شي اخر بالرواية كيف فكرت اسمه تيمي مسكت بطني اول ما قالت تيمي وانا بدي ادخل الرواية واخبرا انه دلع واحلى الشي بعد ما دخل جوثن وقلها وتيم الصريح قال عيجبه الوضع انتحر انا عنها انتحر

فعليا دائما بتفهمها لما تفكر ليش دخلت بهيك عالم بين هدول كانت حياتا قابلة للهدوء وتكون طبيعيه شخصيتها وحياتها بيحرقو قلبي دائما زعلانه عليها يا ريت عندي شقفة من حبها للحياة ومع ان حياتا ما فيها شي حلو ،، غير تيم
احب عيونا وشعرا كيوت حتى بشكلا عيونا مثل اخي هون المشكلة كل ما توصفيهم اتذكره ويتخرب المشهد

انا مالي مسامحة تيم يوم كذب ووداها لبيتها مع ان بيته كان الاقرب دخلنا بمواضيع ودوامات مالها داعي يعني خلص امشي عالاتفاق بس محتال

أمه واجتماعه فيها لما دخلت جسد ايليا مشاعري فاضت تيمي رجع طفل
بس كنت خايفة تفيق وتشوفه بحضنا

الطريقة الي رجعتي فيها حقوق تيم نارر والله انصدمت من فخامة الفصل من اندماج ايليا لصندوق انجيلا الخاص بفضائح العائلة

عجبتني حياتا بالريف وزعلت وقت عرفت الي صار معها بسبب الاندماج شكله بندخل بقصة جديدة

فندق تيم الفندق ما لاقى غير يكون لتيم وانا اقول ليش عبتمدحه طلع لانه ملك الابطال بس فرطت ضحك عدخلته ذكرني بحدا صار رئيس شركة من جديد وهو دوبه بيعرف يكون طفل
ولا اصراره انها تشتكي عالفندق بمكتبه فاضي ورايق طمنينا العائلة ما انهارت بعد ما استلمها

حريق المطبخ ليش يقوم هو يشوف العطل هو مدير مو شغلته شغلة الموظفين خليه بيرك بكرسيه وحطيلة سكاكين بلاستيك وبعدي عنه الاشياء المضرة وكذا مو مناسب لنفسياتنا يصير بخطر.
بسسس ما بنكر جمال الموقف لما كانو بقلب الحريق قدرتها الي ودتها لعنده وشجاعته بعدين والنار فكل مكان ذكرتني يوم صار عنا حريق الدخان وتأثيره عليهم اكثر شي وقفت عنده صرت افكر بكل نفس رح يتنفسوه

جوزيف والله من اللحظة الي بدأت تتزين فيها عرفت من اول ما ظهر عرفته بكون جاي يخطبا والي فرطني لما قالت له عمي وهو جاي يخطبا قصفته من سابع سما

صح بالغ ايثان معه بس خلصنا منه حيوان حقير قال عبتتصنع مشان تتلهى مع هاد وهداك ع اساس اهلا مهتمين ان اتلهت او ما اتلهت شلفوا بدهم تضل ع حالا عبتستناهم

وتوظفت عنده بالآخر حبيت مسار الاحداث باخر الفصول وايثان حرق قلبي لما طار بسبب تيم بحقد ع تيم لو كل مرة بطير ايثان هيك

شكرا لحياتي القبيحة انها استقبلت هيك جمال ودخلت فيها هالرواية وربي استمتعت فيها كثير فخامة اسلبوك وطريقة سردك وكل شي اول شي بقرأه لك وانصدمت كنت اتوقع شي ثاني ومترددة اقرأها لان الفكرة الي براسي وما بعرف مصدرها عن اسلوبك كانت معقدة ومخيفة مع ان حتى مقتطفاتك بالمدونة جميلة وفخمة وتنحب غصب
كل شي تحفة قيادتك للأحداث واضافة التفاصيل وحتى الاشياء الرئيسية كل شي بمحله مو مزحوح انش
بدي فصول شوفي مأحلاني كمتابعة احتاج فصل كمان لينعشني

وما بعرف ابارك لك ولا ايش ان الرواية انسرقت طبعا روايتك تحفة وما تنكري بس ممتلكاتنا ممنوع تنسرق > ممتلكات مين جاية أدحش حالي بهالفن وأنا آخر من يصل. خلي نبرز انفسنا برواية مسروقة > احلى شي صيغة الجمع -تصفق وتنحني لنفسا-
ما بقول طولت عليك بردي لاني لسا احسه قزوم ادام روعة الفصول الخمسطعش وأصلا كله علاك والزبدة سايطة بس بروح اضطراري وللفصل السطعش الي اتمنى تنزليه يوم يكون جمعة او خميس لأكون اول رد