|
| |||||||
| تسالي و ألعاب القسم يهتم بالمواضيع التفاعلية والمسلية والالعاب الخفيفة والضريفة |
 |
| | LinkBack | أدوات الموضوع | انواع عرض الموضوع |
07-25-2017, 01:24 PM
| |||||||||
| | |||||||||
| جنا صغار نقعد وكت الغروب بباب الدار ننطر جيت أبونه يرجع مبتسم بس وجه متعوب ومن يشوفنا يضحكن عيونه يجي محمل ابونا اشكال والوان وتظل تلوم بيه امنا الحنونه تعبك هذا تعبك لا يبو فلان تتعب والصغار يضيعونه لكن يبتسم ودموعه بالعين ويكول لامي التعب يستاهلونه هذولا حزام ظهري بساعة الضيق ولك بالشدة يم فلان عونه أبونا على جتافه صغار وكبار لعبنا سنين ما تعبن متونه يلبسنا حرير وهو محروم وقميصه من التعب مقلوب لونه واذكر لو لعبنا الوالده تصيح أبوكم نايم ولا تفززونه لحد هاليوم تصدق منك انخاف ونجل اسمك يوالدنا ونصونه يهنيـــــــــــالله اليســـعدك واليرضـــيك برضاك الجنـــة ندخله يبـــــــــــونه
__________________
 |
|
07-25-2017, 01:26 PM
| |||||||||
| | |||||||||
| كلمات موال صدفة صدفة لقيتك يا محلا هالصدفه وياك سكت لساني ويرجف قلبي وضلت عينك تحجي وياي.... من شفتك جني اعرف وجهك من سنين وشبيها بلحظات الشفتك بجت العين تاري انت اللي كنت اتمناه صدفه لقيتك يا محلاها الصدفه وياك صدفه بلايا موعد التقي وياك وصرنا بروح وحده واحنا روحين مابعتك وابد مافرطت بيك واحس تركض ركض وياك السنين كلشي بها الزمن ينشرى وينباع بس نبض القلوب ودمعة العين باموالك تحصل راحة البال بس ماتنجمع بالمال قلبين العشق يعني تذوب الرووح بالروح الورد مايوم ورد إلا بالطيب الذهب يلمع بريقه ويسحر الناس بس عمره الذهب مابجى العيون حبيبك من يغيب عليك لحظات عقلك ينتهي ويصيبك جنون عطشي الماي وروى بشفافك يا محبوب والهوا يتعطر بانفاسك والورده تشمك وتذوب يا اترف من ورق الشجرة وجنح الطير يا اللي خدودك وشفافك لمستها حرير لا تبعد عني اترجاك صدفه لقيتك يا محلا هالصدفه وياك بعد عيونك الحلوات من هو يستاهل امشيله وبعد تفاح وجناتك الريانات مين يستاهل اعزفله واغنيله حبيبك لو يغيب عليك لحظات عقلك ينتهي ويصيبك جنون يصب دمعك على الخد مثل الاطفال وتظل تناطر اليرحون ويجون نملك مال بس اغلى من الاموال حبايب ساعة الشده يوافون رصيد الحب جبير وماخلص يوم بس كلمة حبيبي تعادل الكون بعد عيونك الحلوات من هو يستاهل امشيله وبعد تفاح وجناتك الريانات مين يستاهل اعزفله واغنيله عشت وياك عمري من الصغر محروم يا ليله والف ليله تعال الليل ذاك الليل وبعدني ويا القمر يشكيلي واشكيله وبعد دقات قلبي من يجي طاريك تزيد وبالحزن تكثر مواويله ارجف وارتعد واذبل واظل محتار هو القلب حبك شَرْد اسويله...
__________________
|
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اي قلب تملك !! | كحل العين | حوارات و نقاشات جاده | 15 | 03-18-2019 07:16 PM |
| المتعسة تقول هاي والعطلة تقول باي والتعب يقول جاي | **أميرة الذوق ** | صور أنمي | 18 | 04-03-2017 11:02 AM |
| تبي تقول ضفدع Frogاسمعوا وش تقول | HATONE | نكت و ضحك و خنبقة | 1 | 06-20-2012 11:17 PM |
| صورة الدجاجات تقول القيادة للذكورفقط ، فماذا تقول انت لجمعيات حقوق المراة ؟؟؟ | المشتاق لله | ختامه مسك | 15 | 08-06-2006 06:33 PM |
68013Likes
العرض العادي
