|
| |||||||
| تسالي و ألعاب القسم يهتم بالمواضيع التفاعلية والمسلية والالعاب الخفيفة والضريفة |
 |
| | LinkBack | أدوات الموضوع | انواع عرض الموضوع |
04-22-2018, 05:24 AM
| ||
| | ||
| افكر انزلها قصه : [cc=~]- رن صاحب أبوي ، 📞 و حكا لأبوي خمس دقايق و بكون عندك ، جاي أنا و مرتي و الولاد نسهر عندكو .. 👨👩👧👦 رحت أنا قفزت عن الكنباي ، و حملت حرام مرمي و تلت كاسات و شاحن، حطيت الحرام ع كتافي و قلت لأهلي ، اعتبرو حالكم ما خلفتوني ! و تبخرت بثواني و هربت ع غرفتي ! و الحرام طاير وراي ، قول بات مان ، 🦇 بعد شوي إلا صاحب أبوي واصل ، و صوته عبى الحارة ! رحت زي سبايدرمان لزقت بالحيط و تمزلطت لعند الشباك ، و طلعت طرف عيني من ورا البرداي ، 🕷 شفت صاحب أبوي دخل من باب حديقة البيت ، دخلت وراه مرته ، و قردين صغار ... و غزال ! 😦 قصدي ابنه الكبير ! 😍 رجعت خطوتين لورا من الصدمة ، لإني أول مرة بعرف إنو عنده ابن كبير لا و شبه الفراولة ! 🍓 يا هيك القعدات يا بلا ي عمي ! ركضت ع غرفتي زي ساندريلا ! لبست بيجامة زهرية كنت مخبيها أهديها لصاحبتي ، و سشورت شعري ، و حطيت بلشر زهري ع خدودي ، 👩🏻🎤 و عملت حالي الأميرة النائمة التي استيقظت ! و طلعت ع حوش الدار اسلم عليهم ، و إمي خافف عقلها (من متى بنتي شعشبونة الإنعزال ، بتطلع تسلم بدون ما أطلب منها!!!) 😳 المهم ، إنطلاقاً من منظوري تبع إنو الرجال بتلفت أنظارهم الأنثى الطفولية .. 🍼 تركت كل القاعدين ، و عملت حالي ملتهيّة باللعب مع أخوان فراولتي الصغار ، و قال أركض وراهم ، و أدزهم عالمرجيحة ، و أغنيلهم و ألعب بشعري ، و حسيت فعلاً إنو هدفي الجميل بلش يلتفتلي ! 🍩 لولا الحادثة الي كانت بتستناني ، ولا تقريباً كان رح يوقع بغرامي ! ⚠ هسا الباب الي بدخل من حديقة بيتنا على مطبخ بيتنا ، في إلو تلت درجات ، ع دايرهم درابزين ، رحت قعدت عالدرجات قال إني كيوت و بتفرج عالنجوم ، إجا واحد من الولاد الصغار يركض جهتي ، قلت بعمل حالي قنبلة لطافة و خفة دم ، و بطلعلو راسي من بين حدايد الدرابزين بَنَقزُه ، 💣🐷 فدحشت راسي بشكل سريع بيناتهم و قلتله (بخ عينو) ، و ضحكت ، فالكل نقزو معه و تطلعو علي ! إجيت أطلع راسي من بين الحديدات ريڤيرس، خبطو دِنَيْ من ورا بالحديدتين و نفردو جمب راسي زي مرايا السيارة ! 🚘 صرت أحاول أطلع راسي و أعيط من الخوف لإنو علّق ، قامو كلهم ركضو علي يشوفو إيش مالي ، إلا حبة الفراولة ضل قاعد ع كرسيه و المشكلة إنو قبالي ! وجهي معلق بإتجاهو ! فش مجال أواري نفسي أو أواري الموقف ! 😣 أبوي عصب علي و قال (يعني راسك الجحش كيف إندحش هون يا بنت الكلب) طبعاً هو مش خايف ع راسي ، خايف عالحديدات لإنو يمكن يضطر يقصهم ! 😰 و إمي بلشت تهزئني (ولك طنجيرة إنتي ؟طنجيرة ؟ مستصغرة حالك؟ نقصلك ذنيكي هسا ؟) 💩 و حبة الفراولة و إمه قبالي و بضحكو 🙃🗡🍓 و أنا مجبور أشوفهم و أتأملهم و همة شايفيني مسخرة ، لإنو وجهي بإتجاهم و فش مجال للحراك 🙂، و إمي قعدت تدهن زيت على دينَيْ المشنقلات من ورا ، و صاحب أبوي قعد يوسع الحديدات مع أبوي و يضحك و يحكيله (بنتك طالعتلك راسها كبير تلومهاش ي زلمة) 😂 شكراً عمو على دفاعك ، بس أنا راسي مو كبير و بس ، أنا راسي حالياً أحمر و كبير و معلق و يا ريت لو تقطعوه و تريحوني  [/cc]
__________________ _   |
|
04-22-2018, 05:26 AM
| ||
| | ||
 المفترض اصحى بعد ثلاث ساعات عزومة مجبورة اروح لها
__________________ |
|
04-22-2018, 05:28 AM
| ||
| | ||
|
واي واي واي اكلت هوا 
__________________  - لا تثق بالناس كثيراً ، لأن البعض ؛ ينسى وجودك عندما يجد من هو افضل منك . - خطِيئةَ الأنْقيَاء ، هِي ظَنُّهم أن الجَميع مثْلهُمْ . -
سبب غيابي ، هنا لو اردت  :" class="inlineimg" /> |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اي قلب تملك !! | كحل العين | حوارات و نقاشات جاده | 15 | 03-18-2019 07:16 PM |
| المتعسة تقول هاي والعطلة تقول باي والتعب يقول جاي | **أميرة الذوق ** | صور أنمي | 18 | 04-03-2017 11:02 AM |
| تبي تقول ضفدع Frogاسمعوا وش تقول | HATONE | نكت و ضحك و خنبقة | 1 | 06-20-2012 11:17 PM |
| صورة الدجاجات تقول القيادة للذكورفقط ، فماذا تقول انت لجمعيات حقوق المراة ؟؟؟ | المشتاق لله | ختامه مسك | 15 | 08-06-2006 06:33 PM |
68013Likes
العرض العادي
