نُقطَةة إنْتَهى • - الصفحة 25 - عيون العرب

X · #**121** 07-17-2017, 10:21 AM

.
.
.

زمان عن هون
إشتقت لك يا مدونتي
راسي رح ينفجر من التخزين

ياريت ترجع الأيام إلي كنت أتواجد فيها 24 ساعة

أخر شي أنجزته شفت 34 حلقة بيوم واحد من أنمي بليزي بوب برمضان
سهرت وصار ظهر اليوم الثاني وما نمت كملت تفريج وعملت كم شغلة
لأشوف الساعة 6 وما ضل للأذان غير ساعتين
وقتها حكمت على نفسي بالاعدام
إذا نمت رح أروح المغرب والفطور إذا ضمنت العشاء قبل السحور
قررت ما أنام والسيئ إنه أمي ما بدأت بتجهيز الفطور مشان أساعدها
فتحت القرآن أقرأ بختمتي وللأسف ما قدرت أقرء اكثر من نص صفحة
قمت اشوف حلقة بروح من الوقت نصف ساعة تقريبا وبعدها بقوم
أجهز الفطور... هي على اساس
بس حتى الحلقة ما صارت وعندها نمت
أخواتي المساكين خبروني أنه وقت اجو يصحوني أكلو لكمات
ورفسات وكفوف كثير

الحمد لله وقتها بابا كان معزوم وما إجا للساعة 10

إستغرب اني نايمة بس ما علق و بعترف إني كنت مجنونة لما ما
نمت كل هذا الوقت أي3

.
.

X · #**122** 07-17-2017, 10:28 AM

.
.
.

صح إذا ما عندي قلب كيف رح أحب
مو مستحيل
طيب إذا آذاني شخص وين بشعر بالالم
مو بالرئتي لا ما أظن
إذا حبيت شخص بحب من معدتي
وإذا آذاني بتألم بمعدتي وبحس فيها عم ترتجف
وعلى كل الأحوال معدتي بتصير بترفض الاكل

وعلى حالة الحب مثل ما الناس بدخلوا الي بحبوهم لقلبهم بدخل الي بحبه لمعدتي

لا تخافوا ما بحب حدا بسهولة.

.
.

X · #**123** 07-17-2017, 10:49 AM

.
.
.

موت~حياة
سؤال وجيه
ليش تاء الموت مفتوحة على عكس تاء الحياة

كل شخص يفكر فيها من وجهة نظره

بالنسبة لي اشوف إنه...

الموت يأخذنا إلى الاخرة عالم لا نهاية له إن كان بالجنة أو النار ~ الله يرحمنا

الحياة هي الدنيا المحدودة دخل تاء الحياة

وكذا..

.
.