|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
04-18-2006, 02:47 PM
| ||
| | ||
| أنا والطقاقات ((( حوار الصباح))) صباحة الخير ابو بكري اهلين صباح النور اثنين بيض واحد جبن لوسمحت من عيوني على فكره ابو بكري وين بكري ماشوفه هاالايام والله سافر على الشام اشوف البوفيه طاح سوقها شو قلت اقول الله يخليه لك تسلم حبيبي .................... نرجع الموضوعنا ياالله حيهم وشلونكم ابيكم تجلسون عاقلين وتسمعون سالفتي ونتم ساكتين (صاير حبابه) واللي بيتكلم بهفه على وجهه طراق ( انت قد الكلام هذا يا سواق) لا بس اضحك مع الاعضاء طيب قلنا السالفه ونت محترم نشاء الله اذكر مره وانا اتمشى في احد احياء جده القديمه وكانت سيارتي سوبر بان وكانت الساعه 6 مساء وكنت مشغل بشير حمد شنان واغني اغنية (يا اهل الشميسى عسى قلبي تحنونه) ومبصوط يد فيها غرشة كوكا والثانيه زقاره وامشي بشويش وامر شارع مظلم وفجئه ألا اعترضو في طريقي حريم وكانو تقريبا سبع حريم ومسكت ابريك والتفو حول السياره قلت لهم عسى ماشر وش تبون قالو حنا طقاقات واريحين نحيي حفل عرس والسواق تأخر علينا وسيارته في الورشه ونبغاك توصلنا للعرس علشان مانتأخر عليهم قلت لهم اسف هذا اللي ناقص اودي طقاقات (عاد مافيهم وحده تفتح النفس) وفجئه افتحت الباب وحده منهم وقالت توصلنا يعني توصلنا ولا بجمع عليك عيال حارنتا وقول انك تتحرش فينا قلت في نفسي والله اللي رحت فيها لو يمسكوني ها العبنده والله يفتحون قسم مخرطه في حارتهم ابلع الشر وغني له ياسواق وحافظ على شرفك ووصلهم ولا خذيت الاكلهم اركبو في السياره وقالو يالله بس وصلنا لاتكثر الحكي علشان لاجا عرسك نطق فيه ببلاش قلت وين مكان العرس قالو بحره يعني خمسه وربعين كيلو تقريبا قلت ويش بحره والله مانتم صاحين يا الله انزلو من السياره ماني موديكم احسب ان مشواركم في جده (وانا قامطها منهم) تعريف كلمة قامطها( هي تحويل العضلات السفليه التي بين المنكعين من اراديه الى لا اراديه في لحظت الخوف وقالت وحد منهم صغيره الله يخليك حنا في موقف محرج وانقذنا منه والله ماننسى جميلك هذا جلست اطالعها وبصرحه اعيونها حلوه من ورى البرقع (بس اعيونها حلوه ولا الباقي يخلف الله) بصراحه حنيت عليهم(ايه هين حنيت عليهم امش بس لابفتحون فيك شوارع) قلت في نفسي يا الله وصلهم منت خسران شي وشرطت عليهم يعبون لي بانزين وقالو موافقين ونعشيك لو تبغى(تعرفون طفران ماعندي ولا ريال) قلت توكلنا على الله مرينا محطة البانزين وعبولي التانكي فل وجابو لي قوطي ببسي كان راكبين معي قدام ثنتين وحده عجوز والثانيه البنت اللي عيونها حلوه وكانت هي اللي جنبى وركبنا الخط وكان المسجل شغال قالت وحده منهم الله هذا بشير حمد شنان قلت :ايه بشير قالت: من وين شاريه قلت: من سوق الخضره من وين بعد من التسجيلات قالت: اقصد من اي تسجيلات قلت: من استديو هديه في غليل  قالت: ممكن تعطينياه قلت: اسف مقدر قالت: يابخيل مسكت ابريك وقفت جنب الخط وقلت انا بخيل ياالله انزلو من السياره هذا جزاي قالو اللي ورى ركبين اسفين اسفين اسفين هذى خبله ولا تسمع كلامها الله يخليك ترانا تأخرنا على الزواج قلت طيب ماشي وكملنا الطريق وفجئه إلا وسمع صوت خرفشه وراي وقلت وش هذا الصوت اللى ورى قالت وحده مهم ممكن تقفل المسجل قلت: ليه قالت : نبغى نسوي بروفه ونطبل قلت :ويش ويش ماعاد الا هذي تبون تطبلون في سيارتي روحو بس قالت اللي جنبي البنت الصغيره الله يخليك ياعمري خلينا نطبل والله ان تستانس حسيت ان اعظامي تفككت يوم قالت ياعمري وحس اني ارتخيت معها خاصه يوم امسكت يدي وهي تكلمني بصوت فيه شوي ميوعه وبصراحه صوتها رهيب جدا وتعرفون حنا في اليل والحريم سمر مره ولا اشوفهم بس اسمع اصواتهم وقلت يالله خلني اتخيل دامني ماشوفهم اني رايح مع لبنانيات رحله للبحر خاصه ان اصواتهم تساعدني على تخيلاتي(وتعرفون احلا مافيه صوت السمرى) المهم قلت يالله طقو الله يفرق بيني وبينكم وقالت اللي جنبي وش اسمك قلت والله البلشه وش تبين بسمي قالت علشان نغني فيك قلت والله مين قدي انا اسمي ...... قالت يالله يا بنات شيلو بسم افلان وقامو يطقون يغنون كل ال فلان خياله حتى فلان وعياله ويازين فلان بينهم والله لايفرق شملهم قلت ماقصرتوالله لايهينكم وطلبت اغنية ابو صالح سرى ليله وقالو انشاالله وغنوها ومن اغنيه الى اغنيه وانا مبصوط معهم وهز اكتوفي لين وصلنا بحره قلت وين القاعه اللي تبونها قالت العجوز اللي معي قدام والظاهر انها ريسة الفرقه مهيب قاعه عرسهم فى بيتهم فوق السطح قلت وين البيت قالت والله ماادري بس عندنا تلفونهم وقفت عند كابينة اتصالات وقلت عطوني رقم التلفون علشان اتصل في اهل العرس وعرف وين مكانهم قالت لوحده كانت في المقعد الخلفي عطيني يا نوره تلفون اهل العرس تراه في الشنطه السوداء اللي عندك قلت احلى يااسود في اسود قالت وهي تضخك الله يقطع سوالفك المهم قامة تدور الرقم في الشنطه وقالت ماحصلتة في الشنطه والظاهر اني نسيته في البيت على الكمدينه في غرفتي قلت: الله يلعن والديكم ويلعن من جمعكم يابنات الكلب تبوني افرفر في الشوارع لين نلقى العرس ياالله حولو من سيارتي يابنات الكلب قفلتوها معاي قالت العجوز الله يرضى عليك ياوليدي هد اعصابك قلت ونتم خليتو فيها اعصاب اخرتوني وبهذلتوني وش اقول لبوي اذا جيت البيت كيد بيسألني وش اللي اخرك لى هالحزه تبوني اقوله اوصل طقاقات الى بحره علشان يذبحني قالت البنت الصغيره بسيطه قله رايح رحله غراميه سودا قلت لا والله اكلي......ونطمي تراها واصله معاي انتي فاضيه تنكتين معي قالت ريسة الطقاقات يمك فر شوي لين نلقا بيت عليه لمبات عرس قلت انتي من جدك ولا تمزحين ياعجوز قريح تعالي دغدغيني علشان اضحك ياالله بس حولو من السياره ودبرو انفسكم وحمدو ربكم اني وصلتكم قالت البنت الصغيره لبى عمرك وفديت اعيونك الحلوه قلت هذا اول في الخط ينفع معي هالكلام يوم كنا في الظلام ولا اشوف وجهك ولا ها الحين منوره الدنيا وشوفك يا الله حولو من السياره وخلوني امشي قالت العجوز بعطيك 200 ريال قلت موافق موافق موافق ( تعرفون طفران) وقمنا نفتر لين لقينا بيت فوقه لمبات وانزلت البنت الصغير وسألت اهل البيت وطلع هو العرس اللي يبونه وقلت الحمدالله فكه وين ال 200 يالله هاتوها و عطتني العجوز الفلوس وقالت تستاهلها وذا بتجلس معنا الين نخلص من العرس وترجعنا بعطيك 200 ثانيه قلت والله لو تعطوني الفين ماجلست استناكم انا ماهقيت اخلص منكم تبوني استناكم وقالت البنت الصغيره بعد مانزلو خوياتها هذا رقم تلفوني خذه معاك قلت وشهوله اخذه قالت يمكن تفكر تشتغل معنا في الفرقه سواق وتر قلبي ارتاح لك واجد(الظاهر حبتني البنت) وتبيني اكلمها علشان اغازلها (ايه هين) ماعاد الا انتي وقالت ترى الكفر الوراني نازل هواه ونزلت من السياره اطالع الكفر ولا ماشوف فيه شي ورجعت لها وقلت تكذبين على قالت اضحك معاك واحد صفر قلت الحمدالله الظاهر انك منسمه خذيت الرقم ومشيت وان احمد ربي اني افتكيت منهم وبعد مامشت تقريبا كيلو منهم الا فيه سياره تلحقني وتكبس لي با النور وقلت هذا والله النشبه وشيبي هذا بعد وقفت على جنب ووقف معي الاهذا واحد وجنبه البنت السمراء الصغيره والعجوز قلت يا اليل مطولك وش تبون بعد قالت العجوز نسينا الطبول معك في المقعد الاخير قلت اخذوها الله لا يردكم قولي امين انتي وطبولك خذوها ومشيت وانا في الطريق قلت خلني اشغل شريط بشير حمد شنان وستانس وجيت بشغله إلا الشريط مهوب موجود قلت ايابنت الكلب سرقتيه مني ياكويحه اثاريها يوم قالت الكفر نازل هواه تبيني انزل من السياره علشان تسرق الشريط وسوتها فيني اه يا القهر اه يالقهر انتهت |
| مواقع النشر (المفضلة) |
| |
.gif "thanks")
العرض العادي
