|
|
#106
03-03-2008, 08:26 PM
| ||
| | ||
| رد: غلا جاتها بنت خالتها الصغيره وجايبه موبايل غلا معاها تقول لها انه كان يرن شافته غلا لقت 5 مسد كولز من خالد ظحكت غلا مب غريبه عليه حيييييييل ساعات توصل العشر وطاالع .. اتصلت له غلا وهو معصب خالد : لا والله زين رديتي وافتكرتي فيني غلا : ههههههه عمري شسوي كنت البس بنات خالتها يسمعونها ويتناقزون .. خخخ خالد : حلفي غلا ، مافتكرتي بريلج شدعوى!!! غلا : خالد .. خالد : آآخ ،، ياويل خالد والله .. غلا : وينك الحين خالد : مادري غلا : شنو خالد : هههه وين يعني حبيبتي بمجلس الرجال ولايعه جبدي ابيج غلا : انطر حبيبي انطر ، تو الناس حييييييل ترا خالد : لااااااااااا مالي شغغغغغغغل ترا بدش وياعمي وخل اشوفج انتفج غلا : أي أي تسويها هههههه خالد: احبج احبج احبج غلا سكتت ووجها احمر ماعرفت شتقول بنات خالتها حذاها .. خالد : الوو ؟ غلا : وياك خالد : ليش ساكته الحبيبه؟؟ غلا: ههههههههههههه خالد : قولي احبك يالخايسه غلا : هه خااالد عاد خالد : قوليها ولا ترا والله ازعل صج عليج اطرها انا غلا : اسكت خالد : اوكي سكت غلا بعد صمت : زين أحبك بنات خالتها فتحوا عيونهم وهم يتسمعون ويتظحكوون خالد : ووووح عليج يالخايسه غلا : وعلييييييك خالد : شكرآ يازوجتي العزيزه غلا : العفو يازوجي العزيز خالد : ههه يلا حبيبي انا بخليج ، ديري بالج على عمرج غلا : انشالله وانت بعد .. خالد : تاااااامرني المدام غلا طنقرت : بااااااي ورقعت التليفون خالد طرش مسج مدام مدام مدام مدام مدام مدام مدام مدام مدام مدام مدام مدام مدام مدام مدام مدام مدام مدام مدام مدام مدام غلا شافته وفقعت ظحك عليه .. قعدوا مع الناس سوالف وجذي .. بعد صلاة المغرب زفوا العروس على أقبلت .. الليتات موطيه ومركز ليت عليها وهي تدخل كانت ناعمه حيل لابسه فستان سكري وعليه شك على البطن بالذهبي وعي علاقات اليد ومن شك الصدر طايحه سلاسل .. وبالذيل نفس الشي والظهر كله طايحه سلاسل لين تحت وشعرها سوته جنان مرفوع من الجنبين ومن تحت الشعر طايحه هم سلاسل ومرشوش عليه لمعه خفييفه .. عمر كان مغتص مايدري ليش يمكن طرت عليه خطوبة اخوه وجذي .. غلا هم من الجهه الثانيه كان مبين عليها ان فيها شي بس كانت تبتسم وطول الوقت مع مرت عمها .. قعدوا يمكن ربع ساعه وبعدها دخل سعد غلا لبست عباتها كان خلقها خفيف لاعراس يعني وتتسكر من جدام بس يعني اللي تحت يبين حطت شيلتها وغطت وجهها سلموا الشباب على سعد وطلعوا تم سعود وسعد وخالد وخوالهم .. طبعآ غلا قطت عباتها وركبت للكوشه وخالد تحرك لها لما شافها ومسك يدها يركبها .. والبنات يشوفونهم ومنقهرين خخخخخخخخ مراهقات كيكيككيييي وقفت غلا وحبت عمها سعد ولمته ووقفت حذا خالد وعيونها تدمع غصب خالد : يوه غلا بعد صياح غلا : افففففففف خالد شفيك عليييي خالد ماكان قصده مثل اللي فهمته كل يقصد فرحانين الا انتي تصيحين باس راسها خالد : لاتصيرين دلوعه جذي غلا : كيفي زين خالد : كيفي زين قعدوا معاهم شوي وصوروا وابتعدت الناس عنهم شوي وخلوهم بروحهم .. |
|
#107
03-03-2008, 08:29 PM
| ||
| | ||
| رد: غلا عمر وخالد وسعد وسعود والبقيه من الرجال كانو قاعدين بالصاله يسولفون قبل لاتجي موعد طيارتهم عشان يرجعون للدوحه .. خالد وهو شوي معصب : انزين وشقالك ابوي؟؟ عمر منغص : ماقال شي ، هزأني وطردني .. خالد : مارد عليك يعني !! عمر : لا والله لين اليوم لا خالد : خلاص حبيبي ، سفرتك خلها علي عمر : لالا شهالكلام ياخالد ، ابوي الملزوم مو انت خالد : انت شعليك يبا كيفيييي مو كيفك عمر : خالد الله يخليك خنشوف ابوي شيقول واذا مارضى يصير الف خير خالد : يعني انت ماتعرف ابوي ووو ....... يقاطعهم عمهم سعد سعد : نعم نعم شتقولون؟؟ خالد : اههههه ،، لا والله نسولف عن دراسة عمر عمر فتح عينه ليش يقول الحين ابوي بيقول رايح تتشكى لاخوك ومادري شنو خالد : ها يبا شقلت !! سعود : كل خير انشالله خالد : يعني موافق ولا سعود : نرد الدوحه ونتفاهم عمر يفتن بعيونه لخالد يعني ليش تقول ومادري شنو وخالد يظحك بس بقهر (( ابوي و امي ليش صارو جذي؟؟ ماكانو جذي! شاللي عفسهم علينا؟؟ )) تغدوا وبعد الغدا مشوا للمطار .. خالد كان ساكت ماسولف وياغلا ولانكت بس شلونج وشسويتوا اليوم وبس .. غلا استغربت شفيه خالد ؟؟ ركبوا الطياره وخالد بعد ساكت .. كانت غلا فالنص ويمينها خالد ويسارها لطيفه .. وصلت الطياره للدوحه ونزلت لطيفه وراها سعود ووراه خالد واللي صدم غلا ان وراها عمر كان قلبها يدق بكل ثانيه زود عن اللي قبلها .. نزلوو للمطار وكان ريل تغريد فاستقبالهم لانه حضر الخطوبه ورد قطر لشغله .. بعد 3 ساعات .. غلا كانت طالعه من الحمام (وانتوا بكرامه) متسبحه .. خالد كان منسدح ويدخن .. قعدت حذاه غلا .. غلا : شفيك اليوم خالد؟؟ خالد : مافيني شي ! غلا : مب على طبيعتك ، صاير شي؟ خالد : لاا مافيني شي يتراوالج ، انا مثل كل يوم غلا : اوكي وقامت نشفت شعرها ومشطته ونامت لما شافت خالد سبقها ونام .. .* مر على هالكلام 3 أشهر *. عمر كان بداره مع خالد يسولفون ويتظحكون طقت Dwana الباب Dwana: mr. Omar Your friend Turki is waiting you In the Majlees عمر : Ok I'll come now خالد : خلاص عيل روح له وسلم عليه عمر : مايصير جذي فشله انزل سلم واطع خالد : اخ شسوي ياربي معشوق الجماهير اناا ادري ادري عمر : ههههه خف عليناااااااااااااا خالد : هههههههههههههه يلا يلا امش عمر مشى وياخالد لين تحت وشافو غلا طالعه غلا ظحكت لهم وهي منزله عينها وخالد بالعماله يبطىء مشيته ويمد يده لها وهي تمشي ويحطها على خصرها وهي تدزها .. خالد : مو تشردين رااد غلا وخرت عنه وراحت فوق .. عمر سوى روحه ماشاف الموقف اللي حرق قلبه دخلوا المجلس وسلمو على تركي وقعد شوي خالد سولف وياهم وطلع لغلا . لانها بروحها ومايبيها تقعد مع امه عشان ماتنغث . دخل خالد وقط غترته اللي لبسها عشان يسلم على تركي وفتح طقاق ثوبه .. غلا كانت طالعه من غرفة التبديل وقعدت على كرسيين قراب من السرير .. خالد : يامسا العيد يالحسن الفريد يامسا الورد ياعطر الزهور يامسا من سنا وجهك يزيد من محياك الجميل ازداد نور.. غلا تظحك له : ههه هلا حبيبي خالد : عيووووووووون حبيبج انتييي غلا : الله الله شهالحب خالد : افا افا (يحط يده على قلبه) قتلتيني ياغلا ، مش آدر لالا بنتحررر غلا : ههههههه ،، خاااااالد خالد : زعلت غلا : ليييش خالد يرفع عينه للسما : زعلااااااان زعلاان غلا اونها ماتدري : مسكين زعلان خالد : أي مسكييين و زعلان شوفي عيوني ،، كسرت خاطرج؟؟ غلا تمثل اونها بتصييح يوم شافت عينه : وااااااااااي ،، لا كلش ماكسرت خاطري خالد : صج غلوووي ! غلا : Yea خالد : شكرآ جزيلآ غلا : العفوو حبيبي خالد قام عنها ووقف فالبلكونه يدخن .. غلا وقفت وهي منترسه ظحك .. مانتبه لها ومسكت يده ومشته للدار .. غلا : ههه حبيبي مو لايق الزعل خالد : مو زعلان عااادي غلا تبوس خده بقوووووووووووووووووووووووووووو غلا : وجذي خالد : اممم تقدرين تقولين لين الحين زعلان غلا : ههههههههه (ترد تبووس خده) وجذي؟؟ خالد : غلا خلاص مابي اكلمج زعلان حدي غلا : ههههه خااااالد خالد : ههههههههه عمر خالد انتي بعد يومين كانو متجمعين بعد الغدا .. سعود / لطيفه / خالد / غلا / عمر .. غلا كانت تلعب بكراكيش شيلتها وخالد يسولف مع عمر .. سعود: اقول ياعمر .! عمر : سم يبا سعود يبي يفرحه : شنطتك جاهزه ! عمر مستغرب هو شوي نسى سالفة دراسته : حق شنو ؟ سعود : حق امريكا ! غلا لفت عليهم وخالد بفرح : مبرووووووووووووووووك تستاااااااااااااااااااااااااااهل عمر عينه لمعت مو يبي يصيح مايدري ليش وظحك : صج يبا؟؟ سعود : أي يبا صج عمر حب راس ابوه : الله يخليييييييييك لي يبااااااااا سعود : احسنت ، بس ها ابيك تجيني بالشهاده اللي ترفع راسي عمر : ابشر ياابو خالد سعود ظحك له وعمر لم خالد بقووووووووووووووووووووووه مو طبيعيه رن موبايل خالد وراح يتكلم بعيد وسعود ولطيفه شوي بعدوو .. عمر : مالي مبروك؟؟ غلا بحزن : الف مبروك ياعمر ، موفق انشالله عمر : ماتقصرين ياغلاا ، دعواتج لي غلا وهي تطالع الارض: أكيد . . خالد يرجع له : ها حبيب قلبي اوصف شعورك عمر : مشتاق خالد فتح عينه وخفف من لمته : شنو؟؟؟ عمر : مشتاق امسك الكتاب واكررره خالد : اااها .. يلا غلا مشينا وراحو لطابقهم وعمر تحسف شقال هو شلون طلعت منه هالكلمه ؟؟ قعدت غلا وهي مكتأبه ماتدري من شنو !! خالد بدل ولبس بجامه كحليه . عمر كان بداره لان كلمه وابوه وقاله السفره بقى عليها 3 اسابيع ف بدى يجهز ملابسه وكل اغراضه ويغني.. وافي وكل وفا ياغدرك الوافي عافك وعف وعفا واعفى ولك عافي .. ولافك ولف ولفى والفاك له لافي بهبك وبك به جفا لاهلك ولك جافي رن تليفونه وكان تركي عمر : هلا حبيب قلبي تركي : هلا هلا عمور شخبارك ؟ عمر : الله يسلمك ننشد عنك تركي : الله يخلييك ، ها مبروك مبروك سمعنا اشاعه عنك انك بتشرد بره قطر عمر : تشوت والله هههههههههه تركي : ههههههههههههههههههههههه خلاص الحقك انا عمر : جد والله ! بتجي وياي؟ تركي : أي شعاد بوصلك وبرد قطر عمر : يالله كنت ابيك وياي لكن مالله كاتب تركي : انشالله بردتك ماني مفارقك يابوسّعود عمر : ماعليك زود يالطيب تركي : يلا يبا مانعطلك بس حبيت ابارك لك عمر : الله يسلمك والله ، عشت ماتقصر .. تركي : ماعليك زود ، يلا مع السلامه عمر : فمان الله .. سكر منه وقعد يغني بصوته الحزين تفنن في طروق الحب شرقني وغربني معك يازيين دوخات الهوى ياحلوو مشواره وغرد في سما سمعي ابي تحكي وتطربني سواليفك مطر عمري ربيعي ظحكة ازهارره .. آخ يابختك ياخوي ، غلا تحبك ولك الله يهنيكم انشالله ,.,. قعد يرتب اغراضه وخلصهم وسكر الشنطه حطها تحت السرير .. فهال3 اسابيع عمر شرى كل اللي لازمه وزود .. كان راد عمر من جمعة ربعه وباجر سفرته .. ويسمع ويغني معاه .. هذاك اللي تبي له الخير .. عشق غيرك .. وصار للغير .. ياقلبي ابتعد وارحل .. ياقلبي عنه لاتسأل .. كفاك تعيد .. وهو بعيد .. غلاك لا خبر لا خير .. عمر خانته عينه ونزلت دموعه من تحت نظارته بس مسحهم لكن غصب عنه تمت تدمع .. قدر يصبر عن عيونك ويزيد اكثر من ظنونك تحسب انه يبي عونك وهو تغير كثير كثير ياقلبي ابتعد وارحل .. ياقلبي عنه لاتسأل .. كفاك تعيد .. وهو بعيد .. غلاك لا خبر لا خير .. تناسى حبه وطاريه وبلاش اكثر تفكر فيه وشاللي تقدر تسويه مدامه مهتني (بالغير).. ياقلبي ابتعد وارحل .. ياقلبي عنه لاتسأل .. كفاك تعيد .. وهو بعيد .. غلاك لا خبر لا خير .. رجع للبيت ولقى غلا بالصاله واستغرب غلا صارت نادر ماتقعد بالصاله التحتيه من عرست دايمآ مع خالد او بطابقهم .. شمسهرها؟؟؟ شدعوووووووى!! تنطرني!! يمكن خالد ماوصل بسسسس سيارته كاهي بره هااااا!!! عمر : مساء الخير بنت عمي غلا وقف قلبها : مساء النور . عمر : تنطرين حد؟؟ غلا : أي؟ عمر وقف قلبه (هاا) : اها غلا : انطر خالد ماشفته ؟؟ عمر : آه خالد ، سيارته بره ليش تنطرينه اكيد فالبيت غلا انقهرت من اسلوبه : خالد طلع مع عمي وعمي رد وخالد لين الحين عمر : جان سألتي ابوي غلا : سالته ويقول قال بيرد مع ربعه ولين الحين ماوصل عمر يكلمها باسلوب جنه يقولها شهالغباء؟؟ : زين اتصلي . غلا تلف عنه : اتصلت حاط الAnswer machine عمر : نطريه عيل غلا ماردت عليه وجاتها الصيحه شفيهههههم كل اللي فالبيت انقلبو علي اول مره تحس عمرها غريبه .. اتصلت لعمها سعد بدخلة خالد وسكرت قبل لايرن خالد متصرقع : غلاا !! غلا : تصدق عاد ! خالد : شمسهرج؟ غلا : تبيني انام بعد ؟ خالد : أي؟ غلا : وين كنت !! خالد : سهران مع ربعي وراح علي الوقت غلا : اها اوكي ، خساره تميت انطرك وقلبي متخرع عليك وانت مستانس ولامفتكر ،،، تصبح على خير . وراحت عنه وهو يناديها يوقفها وهي ماتسمع له ونامت خالد : قومي غلا مانمتي ادري غلا ماترد عليه وتم يجادل فيها تم سهران لين الفجر واذن وراح صلى ولما رد شاف غلا قايمه . خالد : صباح النور غلا ماردت خالد : اكلمج انا غلا : نعم؟ خالد : بفهم شمزعلج ممكن ! غلا : لا ليش ازعل وعلى شنو ازعل اصلآ خالد : يوه غلا تكلممممي تكفين لاتتمين ساكته جذي انا اموت غلا : بذمتك خالد تسوي ان قلبك على وانت مو مفتكر فيني من العصر وانت مع عمي ولا ادري عنك وترد لي اخر الليل وانا متخرعه عليك وبكل جمود تقولي سهران مع ربعي وراح علي الوقت !! خالد ينزل راسه : انا اسف غلا عورها قلبها : ماله داعي تتأسف ماقلت هالكلام عشان تقولي اسف عشان ابين لك بس ليش انا محتره خالد يحك قفاه : ماعيدها غلا : ماصار شي خالد : سامحينيييي غلا : عادي خالد والله عادي .. خالد يبوس يدها وراح ينام وهي تمت شوي ونامت وراه .. ثاني يوم الصبح قام خالد وغلا وتريقوا كلهم مع بعض والساعه 10 ونص تجمعوا اهلهم كلهم فبيت سعود يودعون عمر وعلى الساعه 12 خالد وعمر وسعود وسعد راحو المطار يوصلون عمر . وصلوا للمطار وسلمو على عمر وودعوه ووصوه على عمره .. باس راس ابوه ولم اخوه وحبه ولم عمه وحب راسه وسافر عنهم .. كانت غلا تزاحم شوي من افكاره .. طارت طيارته وهو وحيد مسافر للغربه عشان ينسا هوى بنت عمه اللي ظيعه ودمره يمكن بهالسفر اقدر اتحرر من غلا وانسى حبها اللي ساكني .. آآآخ الله يقدرني انشالله . بعد العشا خالد وغلا طلعوا يتعشون بره .. خالد : غلا عمري، افتح البوكسي بتلاقين علبه هاتيها غلا فتحت ولقتها .. العلبه حمره وملفوفه بشريطه سودا .. غلا : كاهي خالد : فتحيها .. غلا فتحتها ولقت شريط وورقه .. غلا : شنو هاي؟ خالد : مادري عمر وصاني اشوفه قال لج ولي .. غلا طار قلبها تخرعت (( شالسااااااااااااالفه !! )) فتحت الورقه وكانت مكتوبه بخط يد عمر .. تعرف هي هالخط .. |
|
#108
03-03-2008, 08:31 PM
| ||
| | ||
| رد: غلا . بسم الله الرحمن الرحيم . الغالي خالد ، وبنت عمي غلا .. اتمنى محد منكم يكون شايل بقلبه شي علي وان كان شايل يسامحني ، انا اليوم ودعتكم والله وحده العالم ان كان في امل مثل ماودعتوني مسافر ترحبون فيني راجع .. دعواتكم لي بالتوفيق ودعواتي لكم بالسعاده طول عمركم .. هالشريط فيه اهداء مني لكم كنت خاشه ليوم عرسكم بس الاحراج منعني وماعرف ليش اتمنى تعجبكم واتمنى عمر اخوكم مايغيب عنكم اذكروني بكل الخير مثل ماانا راح اطريكم بشتاق لكم واحد واحد وبتعذب على بعدكم الغربه اللي اسمع عنها بجربها وبعيشها بروحي .. لاتبخلون علي بالسؤال واي شي تبونه انا حاظر وياخالد وصيتك بنت عمي حطها بعينك وداريها وياغلا وصيتج اخوي لاتزعلينه وهالله الله فيه سلمو على الكل وخصوصآ ابوي والله يحفظكم أخوكم .. عمر بن سعود (وكاتب التاريخ).. .*.*.*.*.*.*.*.*.*.*.*.*.*.*.*.*.*.*.*.*.*.*.*.*.* .*.*.*.*.*. غلا كانت تحس بشي وقف فبلعومها .. عيونها دمعت وخالد شافها تصيح بس ماقال شي هو يدري انها ماتداني الفراق .. واصلآ كلام عمر يهز جبال من قوته .. مبين عليه حزين ومكتأب بس الله يفرج عليه خالد : غلااي طولي بالج .. غلا : ماكو شي والله بس كلامه يعور القلب خالد : ادري ، الله يوفقه انشالله .. غلا : انشالله خالد : ظحكي عاد غلا ابتسمت ابتسامه منكسره .. ومشوا .. خالد : هاتي الشريط نسمعه .. عطته وحط الcd خالد استغرب شوفوا .. الالحان العذبه انصبت باذنهم واستاغت السمع كان عمر مغني لهم اغنيه بصوته هو موسيقى هاديه وصدى بآخر الكلمات جنااااااان سمعوووو قصدي اقروو خخخ .*.*.*.*.*.*.*.*.*.*.*.*.* ---------------------------------- يا (خالد) جيتك لأني قبل ابارك لك واهني شفت هذا الكون كله؟؟ من الفرح وده يغني .. كيف مايطرَب مسانا؟ واجمل ثنين معانا؟؟ كيف مايضوي و (غلا) زادت النور بسمانا؟ يامسا الاحساس كله والزهر روزه وفله يامسا العز اللي يسمو في زمانه و في محله .. يالفرح لو جيت دارك ويش ابهدي ؟ وكيف ابارك؟ ليله فيها مو بعيده يحضر البدر ويشارك .. يا(خالد) يسلم لي كونك يحفظك ربي ويصونك ماأوصيك الوصايه حط (غلانا) في عيونك وانتي يا (الغلا) أمانه لاجل غاليك وعشانه هالله الله ف(خالد) لاحرمك الله حنانه .. .*.*.*.*.*.*.*.*.*.*.*.*.* ---------------------------------- خالد وغلا كانو طول الوقت يطالعون بعض وغلا عيونها تلمع وخالد مبتسم ووده يضم اخوه وعلى راسه يحطه حس كثر ماكان يحب عمر اخوه صار يحب اكثر اخوه الوحيد جذي فرحان فيني وانا ماخذ حبه مننننننه اخ لو اقدر اطير له شاف عمر الساعه لكن عمر لين الحين فالجوووو غلا صارت تشهق وخالد انتبه لها خالد : عمري طولي بالج ، بالعكس الاغنيه وايد حلوه غلا : ادري خالد لكن خالد ماقال شي وتمت غلا تصيح وكنسوا العشا راحو لمكان هااااااادي كانت حديقه توها جديده والوقت كان متأخر محد فيها والجووو حلووو هوا وبراد نزلت غلا وانقلب مودها صارت كله تبتسم ودها تلم خالد وتقوله اسفه عن كل حركه ظايقتك تبي تسوي اشيا وايد بس تستحي منه غلا مشت وخالد يطالعها .. غلا: شيل عيوووووووونك خالد : ماقدر ، هالجمال تهقين ينعاف؟؟؟ غلا : اوووش خالد : هاهاهي ظحكتيني كركركرركرررر غلا : ههههههههههههههههههههههه تم خالد ويا غلا يتمشون والهوا حلوووووووو خالد : عجبتج الاغنيه ؟! غلا وهي تقوي من مسكة يدها لخالد : حييييييييل خالد : والله بوله علييييه غلا ماعلقت .. خالد : الله يوفقه انشالله ، يالله حياتي نرد ؟؟ غلا : اللي تشوفه .. وركبوا السياره وردوا للبيت وابوهم كان بالمجلس وامهم بدارها .. نزلو هم يسوون العشا .. غلا : هههههههه مو تسمنيييييي يوييلك خالد : افا اف افا انا اسم حياتيييييييييي ، ياويييييييحكِ ياغلا غلا : ههههههههههههههههههههه سوو لهم اكله خفييفه وقعدوا ياكلووونها .. خلصوا العشا وطلعوا قعدوا بصاله مسكره خالد راح جاب له اسكريم غلا : ولاتعزم الله يسامحك خالد يقرب منها : افا عليج انا لج مو العسكريم غلا : ههههههههههههههههههههههههههههههههههههههههههههه ههههه ههههههه خالد : هههههههههه أي أي مشيها غلا : شسمه حبيبي خالد : عسكريمه بعد ههههههههههههههه غلا : ههههههههههه خالد يذوقها شوي من اسكريمه وتحط يدها على يده وتشيل الاسكريم من عنده خالد : ماشي ياغلاااااااااا الاسكريم وراعي الاسكريم كلهممممم لج غلا : هههههههههه دخلت عليهم لطيفه وسط ظحكهم لطيفه : ها خير شهالظحك اخر الليل؟؟ خالد : شسوي يمه احبهااااااااا احبهاا لطيفه ماقالت شي وسبلت بعيونها وقامت .. لطيفه : المجلس كله ربع ابوك قصرو صوتكم وانتي طلعي داركم غلا فتحت عينها وطالعت خالد وهو مثلها خالد : شفيج يمه شنو تطلع دارها شهالكلام لطيفه : عشان مايشوفونها ربع ابوك خالد : اجل انتي بعد روحي عشان مايشوفونج لطيفه : شهالاسلوب بعد ياخويلد خالد : شسوي والله اللي يكلم غلا يكلمني اناا لطيفه : انا امك خالد : وانا ولدج وسمعي يمااااا انا اقولج هالكلام جدامج وجدام غلا اللي يمس غلا يمسني وكل ماتشوفين غلا تذكري انها مرتي وانا ريلها لطيفه ماقالت شي وطلعت عنهم وخلتهم .. غلا كانت لين الحين منصدمه من كلام امه غلا مشت عن خالد وخالد يود يدها وهي بقوه نفضت يده وطلعت للدار وقعدت تصيييح ليش تكلمني جذذذذذذي؟؟؟ انا شسويت لهااا؟؟ |
|
#109
03-10-2008, 07:19 PM
| ||
| | ||
| رد: غلا غلاااااااااااااااي كمليها بليزز ... متابعه معك .... الله يخليك ... و يعطيك ألف ألف ألف عاااااااافيه .. قطريه كيووت
__________________ يآمآ جرحوني بس ما بكيت { أجرح !!.. صمتي على جرحي يسبب جرح أدخل و أسدح توبكك هنا ~.~ " قطرية كيووت " |
 |
| مواقع النشر (المفضلة) |
| |
العرض العادي
