|
|
#226
04-05-2008, 09:31 PM
| ||
| | ||
| رد: غلا راحت الصاله ولقت مافيها حد غير تغريد ولطيفه وسعود الناس كلها راحت ويالله يالسوالف وغلا متنرفزه غلا : خااااااااااالتي ،، وينه خالد ؟؟ لطيفه : ايه خالد ، مع العنود : بدارج فوق غلا شهقت : هييي ، شنو؟ لطيفه : روحي لهم غلا عروقها ذابت كل الشكوك دخلت براسها وألف ألف صوره تصورت بمخها .. العنود و خالد ،، لا مستحيل وصلت لعند باب دارها وشافت العنود طالعه من الدار وشايله غتره بيدها ومطيحه شيلتاه بعد /، وخالد طالع من الدار وهو يبتسم ويسكر أزرة ثوبه غلا مب مصدقه اللي تشوفه ، الدنيا دارت فيها وطاحت على الارض وهي ماسكه بعواميد الدرج وتشوف خالد من تحت يكلم امه وماتسمع غير ظحكته .. خالد : وينها غلاي؟ لطيفه : راحت لك فوق العنود وهي تبتسم بانتصار : روح شوفها خالد : العنود ممكن ماتكلميني؟ العنود : اعصابك ياولد خالتي خالد : اففففففييييييين غلا ركضت داخل الدار والدموع مغرقه وجهها غلا ( خالد؟؟ يخوني؟؟؟؟ انا؟ ليش شسويت؟ شالنقص اللي فيني؟؟؟) خالد دخل وهو شايل مريم : هاا حبيبتي؟ غلا : انت ، شتبي بعد ، بره ، مابي اشوووووفك اطلع خالد : شفيج؟؟ شفيج غلا؟ غلا : لاتجيب اسمي على لسانك اطلع عني ، هات البنيييه هاتها خالد : يه غلا ، شبلاج شصاير ؟؟؟ غلا : مابيك خاااااالد اطلع عنييي خالد : فهميني شصاير؟ شفيج غلا غلا صرخت : اطلععععععععععع عني اطلع .. دفرته غلا من القهر وقفلت الباب وهو مب راضي يوخر بيكسر الباب عليها سعود طلع له والعنود واخوها راحوا .. تغريد : شبلاها؟ شصاير؟؟ خالد : مادري عمتي مادري؟ جيتها جان القاها معصبه وتقولي اطلع ، خذت مريم مني مادري شفيها تغريد تطق الباب : فتحي غلا انا عمتج ، فجي الباب حبيبتي غلا : مااااااابي حد مابي روحوا كلكم مابيه ، قولو له يروح ، يطلقني مابيه مابيه ، مارضى لنفسي تعيش مع خاين خالد بقق عينه ورفس الباب : غلا فجي الباب لااكسره فجي لي ، فهميني شصاير غلا : لاتكلمني مابيييييييك روح عني روح .. سحب سعود ولده ونزلوا تحت وغلا بعد ماتغريد تكسرت اصابعها من الطق فتحت لها ، وقفلت الباب وراها .. تغريد : شصاير؟ غلا تلمها وتصيح : مااااااابيه عمتي ، مابيه مااااابيه ، خااين ياعمتي ، اكرههه ، خل يطلقني تغريد : انشالله انشالله كل اللي تبينه بيصير بس قولي شفيج؟ ليش خاين شسوى لج ؟؟ غلا تصييييييييح وهي منقهره ميته من كل قلبها ، تغريد خافت على غلا لان صوتها راح وبدت ترقل وهي تصيح لمتها تغريد وطاحت غلا .. تغريد تهزها : غلا شفيييج؟؟؟ غلا قومي حاولت تغريد معاها ومافي امل انها تصحى ، فتحت الباب وصرخت تناديهم .. سعود يحاول يصيحها ، يضرب وجهها بخفه عشان تقوم ، فتحت عينها وشافتهم وشافت خالد جرت يد عمها وغطت بها وجهها .. سعود : خلاص اطلع ، وخل الدكتور يجينا خالد : شنو اطلع يبا مرتي يايبا مرتي سعود : خالد كلمه وحده اطلع تغريد لمت خالد وطلعته .. قعدت معاه بالصاله واتصلت لريلها قالت له لايجيها .. وتمت معاهم .. خالد : شسويت انا شسويت؟ والله ماسويت شي عمتي تغريد : شوف خالد ، انا واصله حدي عليك انت وامك ، اسكت عني وخلني دافنتها ، لين صحت غلا يصير ألف خير خالد : شفيج بعد انتي عمتي ، شبلاكم علي؟ عمر كان تحت توه داخل البيت ويسمع الهيله فوق ماحب ينادي حد ماله اي داعي يتلقف |
|
#227
04-05-2008, 09:35 PM
| ||
| | ||
| رد: غلا طلع عليهم الصبح والدكتور طمنهم على غلا .. خالد : حد يقولي شصاير؟ سعود : تغريد انتي قولي له .. خالد : شصاير حد يتحجى؟ سعود سكر الباب على غلا بعد مانامت ومريم حذاها .. تغريد : انت لودخلت على غلا الحين بتذبحك ، تخونها ياخالد؟؟ تخون بنت عمك؟ ومع العنود ، ليش هذا جزاها؟ خالد هب عليها : شتقوليييييين عمتي؟ شبلاج انتي؟ انا اخون ، مستحيل ، عمتي لاا والله ظلمتوني ، تكفون سمعوني تغريد : مالي كلام وياك انا بروح الحين تفاهم مع مرتك .. مشت عنه تغريد وهو منقهر فمكانه .. مرت اايام وشهور على السالفه و غلا قعدت فالبيت العود .. عمر عيونه طاوعت للعلاج و فتحت عيونه ، ورد يشوف مثل قبل وأحسن . غلا الفرحه ماكانت شايلتها بهالخبر عمر : حمدلله ، احلى شي كنت ابي اشوفه انتي، عيوني ردت لي وكنت ابي اشوفج انتي اول وحده ، بس بدون دموع .. غلا : حمدلله على سلامتك عمر . عمر : الله يسلمج ردوا البيت وغلا قطت عباتها وتمت بالشيله بس .. وعمر بالكرسي اللي جدامها عمر : غلا انا ادري باللي يصير بينج وبين امي ، عشان جذي اانا طلعت المستأجرين من البيت ، وبخليه لج لين الوضع يهدى بينج وبين خالد غلا قامت من على الكرسي : مابيه خالد ماااااابيه عمر : قعدي غلا خليني اكمل الله يخليج غلا : ........ عمر : البيت انتي سكنيه وياعيالج ، وشوفي من تبين يسكن وياج وانا مالي اي حق اني اعترض .. غلا : بسكنه بروحي عمر : بدون رجال؟ مايصير غلا غلا : وينهم الرجال يوم ولدهم يخوني؟ عمر عصب : غلا ، شقصدج غلا طلعت للدار .. وقفلت على روحها وتمت تصيح .. ماكان قصدها اللي قالته ولاتقصد انها تجرح عمر ، جميله على راسها من فوق .. بس هي لين الحين منصدمه من الي صار مع طول الفتره اللي مرت .. خالد كان قاعد فبيته وكل مايروح للبيت العود وتشوفه غلا ماتقعد معاه وترفض اي حد يكلمها بهالسالفه ، صار وحيد فالبيت وبيته كأيب عليه ، والدنيا كلها سوووده فعينه خالد : عمر انت اخوي ، شلون اخون ، مستحيل عمر : خالد هي مب راضيه حد حتى يجيب اسمك على لسانه جدامها شنسوي خالد : شتسوون؟ خلوني اضيع انا مرتي وعيالي بعاد عني وانا مثل الاسير ماعرف راسي من ريلي عمر : حاول معاها ياخالد ، بنت عمي طيبه وبكلمه ترضى اشرح لها .. خالد ماصدق خبر وقام لدار غلا فتح الباب وغلا كانت ماعطه الباب ظهرها وتطالع من الدريشه خالد حط يده على جتفها : غلا؟؟ غلا شردت منه بسرعه : انت شتبي؟؟؟؟؟ انت شنو ماتستحي؟ لك عين تكلمني بعد خالد : غلا بس عاد سمعيني ، حيل مصخت السالفه ، سمعي اللي عندي وسوي اللي تبينه انتي حكمتي علي بالاعدام بدون ماتسمعين كلامي غلا : شسمع؟ انا شفت بعيني بعيييييني ياخالد ، ياللي كنت معتبرتك ولد عمي ريلي ، اللي بيحميني ، طلعت تخوني ، جذبتهم وصدقتك وطلعت انت الجذاب تخوني؟ ليش شسويت لك انا؟ شالناقص فيني وماعطيتك؟؟؟؟ ومع من العنود؟ ومتى لما صار عندك 3 عيال؟؟؟؟؟؟ استح على دمك يارياااال ، تراني بنت عمك خالد يدز غلا بكل قوته على السرير وصوته كله صهل بكلمه وحده : غلا!!!!!!!!!! غلا طار قلبها من اللي صار ، بعد يمد يده؟؟ خالد : انتي سمعتي كلامي؟؟ فهمتي شي ؟ تراها داخله تاخذ غرض اخوها وانا مع بنتي ولا ادري انها موجوده بالدار غلا : خلاص خالد ، خلني ، طاب خاطري خالد : سمعيني حرام عليج غلا صاحت ولاعطته مجال يتكلم .. طلع خالد ورضخ الباب وراه ، وركب سيارته ويلف بالشوراع .. غلا ترفع جسمها من بعد دفرة خالد ، كسر ضلوعها ، مااستحى على دمه ولا حشم القرابه اللي بينهم .. بعد المغرب غلا نزلت ولقت عمر فالصاله وابوه يقطر بعينه شافته غلا وابتسمت عمر مستانس حييييييل ، غلا اليوم تظحك : هلااا بنت عمي ، اليوم تظحكين غلا : عمي قول لخالد ابيه يطلقني عمر :شنو؟ سعود : افا طلاق ، ليش يايبه؟ غلا : من زود المحبه ياعمي ، خلاص انا مابي خالد ، خاطري طاب منه .. عمر : بس مايصير ياغلا ، تراج ظالمته .. غلا : بعد ظالمته؟؟ سعود : هو كلمج؟ كلمتيه مايصير جذي على عماكم يابنيتي .. غلا: عمي اقولكم يخوني وشفتها طالعه من الدار معاه شايله غترته وهو يلحقها يظحك شتبي بعد اكثر من جذذي ، حرام عليكم ، والله حراااااام عمر : خلاص غلا لاتسوين بروحج جذي .. دخلت تغريد سلمت وخذت غلا معاها .. دخلوا المجلس وخالد موجود غلا توها بتحط ريلها لفت تغريد : غلا خلج ، اانا جمعتكم عشان تفهمون شاللي صاير ، مايجوز اللي سويتيه فريلج ، قعدي وسمعيه لين الآخر غلا : شتبي بعد؟ عندك كف ناسي تعطيني اياه؟؟ تفضل اظربني خالد : غلا حرام عليج الي تسوينه فورتي دمي ، عفستي حالي ، انتي بكيفج حكمتي ، عمتي والله ماخنت والله ، العنود دخلت الدار وانا كنت بالحمام اتيدد ومريم على السريرر . دخلت خذت غرض لاخوها وربي مادري شنو هو حتى ، وانا الاعب مريم طلعت اظحك وادور غلا ، ابي احلق مريوم واللله ياناس واللللله ماجذبت غلا ماعلقت كلامه يليق باللي صار .. يمكن كلامه صح ، بس ، العنود!!!!! خالد : هذا كل اللي عندي ياريت تراجعين اللي سويتيه ، وانا داري انج حاسه انج ظالمتني ، مع السلامه وطلع خالد .. غلا : عمتييييييييييييي ، لاتصدقينه ، العنود كانت تقولي اليوم بيبين لج كل شي اكيد تقصد شي تغريد : ياغلا طولي بالج انتي سمعتي كلام ريلج شفتي شقال لج ، لاتظلمينه ...... قعدت معاها تغريد لين هدت ووصلتها لين الدار وقالت لعمتها تروح ، خلاص تبي تقعد مع عمرها شوي .. عمر كان بياكل نفسه من كثر التفكير يبي يعرف شصار بينهم ؟ لايكون خالد طاوعها وطلقها ؟؟؟؟ صج انه يموووت فغلا لين اليوم ، بس هي خلاص تزوجت خالد ومايبي شي يخرب عليها حياتها ، والطلاق كريه بتشتت العايله وعيالهم صغار وغلا لين الحين صغيره ، بتصفعها الدنيا ان طلقها خالد ، امه صايره فحاله لا تطاق مع غلا رجع خالد البيت وفتح باب الدار .. غلا قعدت على الكرسي وهي تشوف الدبله الجديده بيدها ودموعها تحرق عيونها فتحت الدرج وطلعت صورة خالد المبروزه ، حذفتها على الطوفه وانكسر البرواز وصاحت بدون وعي عليه خالد فتح كبت غلا يشوف ملابسها يشوف دنيته من غير غلا ، يطالع سريرهم ، سرير مريم وغرفة عياله دموعه بتنزل لكنه يحبسهم ، غضب عنه طاحت مسحها ونزلت الثانيه (( حرام علييج ياغلا والله ظلمتيني ، شلون اعيش من غيرج؟ مستحيل اعيش من غيرج)) |
|
#228
04-05-2008, 09:38 PM
| ||
| | ||
| رد: غلا مرت على هالسالفه اسبوع وخالد لين الحين فالبيت و غلا انتقلت لبيت عمها .. انتقلت معاها يدتها و ولد عمها عمر !! قوي الخبر صح !! ،، شلون ولد عمها يسكن معاها ؟؟ بس هو ماسكن فالبيت .. كان ينام فالمجلس وياكل واذا تملل يدخل شوي للبيت وبعدها يطلع .. خالد درى بالسالفه وكان كل يوم يدفن قلبه بالرماد ويسكت ، لكنه ماقدر هاليوم يسكت أكثر ،، شلون اخوه يعيش مع مرته .. طالع الساعه وهو منسدح على السرير .. الساعه كانت سبع وربع بالليل ،، قام وشاف عمره بالمنظرره ،، صاار له فتره طووويله ماحلق ، وجهه ظعفاان و متغير .. يلف يدور غلا ، هذي آخر رجوه له انشالله ترد ، يمكن قلبها يحن علي .. بس مالقاها ، تعود يشوف ملابسه مرتبتها ومحطوطه لكن محد وياه اليوم !! خالد كان كل يوم يقوم يتذكر اللي صار ، لو يدري وين أرض العنود جان دفنها فيها ،، لكن من يوم اللي صار وهي مالها أثر .. بدل ملابسه خالد ولبس ثوبه وهو ماله خلق حتى يحط غترته .. بس هو بيروح يشوف غلا مو أي حد ،، لكن شيظمن له ان غلا ترفض تقابله؟؟ لالا ماتسويها غلا فيني ، انا لازم اشرح لها شاللي يصير ، ولهت على عيالي ، ولهت عليها .. ركب سيارته ووصل للبيت نزل ورن الجرس .. غلا كانت قاعده فالصاله و سعد و فيصل جدام عيونها يلونون بالدفتر ومريم بحظنها .. من يوم اللي صار وغلا تسرح بعالم ماتدري شنو آخرته الخدامه : MR.Khalid is here madaam غلا برقت عينها لما سمعت اسمه ،، حظنت مريم وقامت لفت على خالد ، من شافته تذكرت اللي صار.. غلا : خالد؟؟ خالد : تكفيييين سمعيني ، وراس اللي بيدج تسمعيني غلا اغتاضت من هالكلمه يعني بتسمع غصبٍ عنها لين الآخر .. خالد قعد على الكرسي من بعد ماقعدت غلا .. خالد : انا ماني مطول ، بس عندي كم كلمه ياريت تفهمينها ، ترا مب عدله اللي تسوينه ، تخلين اخوي عايش معاج فنفس البيت وانتي على ذمتي غلا : مب كل الناس تخون ياخالد .. خالد : غلا ، غلا انتي شفيج ؟ ليش مب راضيه تصدقين ؟ ماتوقعت اني حييل رخيص بالنسبه لج ، فراقي سهل ، غلا انا كل يوم اموت من الظيقه والوحده ، انتوا كنتوا مالين علي حياتي ، شاللي غيرج؟ انتي شلون بس فكرتي اني اخون ؟ غلا فكري ان دمج يخونج ، بس انا لا ، مستحيل غلا .. فكري فكلامج وبتعرفين ، انا مستحيل اخليج ، لا انتي و لا عيالي ، انتوا فدمي .. غلا ماردت عليه بولا كلمه و يدته طلعت من الصاله على حسهم يتكلمون .. اليده : يمه ،، من عندج؟؟ غلا : خالد يمه ، بوفيصل .. اليده : هذي انت ؟ شتبي فبنتنا؟ خالد : يمه شفيج ؟ هذي مرتي غلا توقف جدام خالد لان اليده تبي تدزه : يمه شفيج ، ذي ريلي ، شبتسوين فيه؟؟؟؟؟ خالد فرح وايد من اللي سوته غلا ، لين الحين تحبني ، مو تحبني في ذرة أمل انها تحبني .. فيصل شاف ابوه وصرخ وركض له وتعلبش بثوبه خالد الفرحه طيرته من على الارض ورفع فيصل بيد وسعد بالثانيه فيصل كان يعاتبه ليش هو بعيد عنهم ومايجيهم ، وخالد يطالع غلا .. غلا خذت مريم وحطتها بالدار ، خالد فهم على ان غلا ماتبيه ،، باس عياله ويدته وطلع .. قعد يلف بالشوارع لكنها بعد تملل يروح لبيته ويتملل بروحه .. وصل للدار وماعرف شيسوي ،، قعد على كرسي مكتبه وظغط على المسجل والصوره صورة عياله معاه هو وغلا ,, الاغنيه ماتتفوت لازم تسمعها غلا .. |
|
#229
04-05-2008, 09:42 PM
| ||
| | ||
| رد: غلا اتصل على موبايلها وهي بدون وعي ردت غلا : الووو ! خالد حط موبايله على المسجل وخش وجهه بيدينه .. انتوا اللي تغيرتوا ولا احنا مثل مااحنا .. احنا اللي تكدرنا تعذبنا ولا ارتحنا .. نسيتوا احنا حبايبكم ولنا في حبكم أحلام .. معقوله يضيع الحب؟؟ وامانينا تصير أوهام! تركتونا بلا سبه ، تكبرتوا ونسيتونا .. حتى في سوالفكم ماظني ذكرتونا .. ولا احنا مثل مااحنا ، على حطة اياديكم .. انتوا اللي تغيرتوا .. تغير كل شي فيكم .... نسهر مع طواريكم .. ونحضن طيفكم وننام .. ولا ظني يجينا يووم ،، نتغير مع الايام .. (( في كل همسه و همسه نقول : حبايبنا ظلمتونا )) ولا ندري لحد الآن ليش انتوا تركتونا؟ غلا كانت تسمع الاغنيه وهي تصيح ، ليش خالد يسوي جذي ؟؟ ليش لين الحين يحبني؟ خلاص يخليني ، انا مابيه ، مابيه !!! لا مستحيل اخلي خالد ، وعيالنا شلون يكبرون بعيد عنهم .. انطق باب الدار ، غلا انتبهت ان خالد على الخط طنشت للباب .. غلا : الوو ؟؟ خالد كان غرقان فدموعه الاغنيه ذكرته باشيا يحاول ينساها .. غلا : الو خالد !!! تسمعني ؟؟ ماتبي تكلمني؟ خالد انتبه وقام يدور الصوت ، تذكر السماعه ومسكها بسرعه خالد : الوو الو كاني غلا غلا : خالد؟ خالد : غلا عمررري ، تكفين ردي لي الله يخلييج غلا : شلون ارد لك ، بعد اللي صار خالد : انتي تظلميني والله تظلميني ،، انا باجر بروح ادور العنود واجيبها لج وانا بحلف لج اذا مب مصدقتني .. عمر فتح الباب ورد سكره لان يدته حشرته تبي غلا عمر : يدتي الله يخليج ، البنيه تكلم ريلها ، خلاص يدته تحذفه بالفاين : ياقليل الادب ، يالدب عمر : اللللله يخليج يدتي ، رحميني ، مابقى فيني ظلع عدل يدته : انت من فتحت عيونك وانت مستقوي ، شحليلاتك وانت ماتشوف عمر صج حز بخاطره الكلام بس مايقدر يشيل عليها و ظحك : تبيني ارد عمي؟؟ انشالله (يحط يداته على عيونه) ، ماشوفج وينج ركض فيصل وطب فحضن عمر عمر : هلا هلا ،، ها وين اخوك فيصل يأشر له انه داخل عمر : وانتوا غتمان كلكم نرجع لغلا وخالد كانوا ساااكتين ومايتكلمون ، على هالحال تموا لهم يمكن عشر دقايق .. غلا : انا بخليك الحين خالد : لا ،لا حرام عليج غلا : بروح لمريم خالد : وانا غلا؟ ليش اهون عليج؟ غلا : ماتهون ، خلاص باجر يصير الف خير ، مع السلامه .. خالد : .............. وسكرت غلا .. بدلت غلا الي لابسته لان كان مايصلح للقعده بره ،، كانت لابسه روب اورنج حرير ، بدلته ولبست جلابيه سودا وحمرا ، لفت شيلتها بعد مانومت مريم وطلعت .. عمر عدل قعدته لانه كان منسدح .. مايقدر مايشوف غلا ، لين الحين يحبها .. عمر ( استغفر الله استغفر الله ، يارب ساعدني ، شسوي ؟ خل توخر عني ) غلا : تعشيتوا؟ عمر : ها! لالا ننطرج ، يدتي مب راضيه غلا تظحك له وهي تشيل فيصل الي قاعد حذاه : اذاك فيصل .. عمر لين الحين مب متصور ان غلا ام ل3 وهو يحبها عمر : هههههههههه لا فديتتتتتته شيطان على ابوه غلا ابتسمت ببرود وقعدت على الكرسي .. غلا ( كل شي يدفعني اني ارجع لك ياخالد ، حتى كلام الناس !! لكن ) غلا : خالد بيجي باجر عمر : صج؟؟ ليش؟ غلا : بيجي هو والعنود عمر تخرع : انزين ليش؟ شصاير؟ غلا : باجر نعرف .. علمي علمك عمر : على خير انشالله ، خلاص انا بروح ، ماعليج امر يجيبون لي عشاي لين المجلس .. غلا : انشالله .. |
|
#230
04-05-2008, 09:50 PM
| ||
| | ||
| رد: غلا مر اسبوع على السالفه وخالد ولا سوى اي شي .. ثاني يوم من الاسبوع اللي بعده وغلا لين الحين فالبيت مع يدتها :: كانت نايمه هي وعيالها فدارها اللي سكنتها لما نزلت بيت عمها ( سعود ) .. قامت على عوار فبطنها مب طبيعي ، شافت الساعه لقتها 6 ومافيها نوم كلش من العوار .. مريم وسعد وفيصل نايمين قامت غلا وربطت شعرها وطلعت ، بس ردت داخل الغرفه بسرعه .. ماتوقعت عمر موجود بره ،، وهالحزه! شيسوي؟؟ انتظرت غلا شوي بدارها ، يمكن يخلص اللي عنده ويروح ، فتحت الباب بشووويش عشان لايحس وطلت ، لا لين الحين موجود .. بدلت غلا ملابسها وحطت شيلتها وطلعت .. غلا : صباح الخير .. عمر وهو متخرع : صباح النور !!! غلا : شفيك؟ عمر : شمقعدج هالحزه ؟؟ غلا : ولاشي ، بس تعبانه شوي ، ويمكن اروح المستشفى اشوف شفيني .. عمر : تحبين حد يروح معاج ؟ اانا مثلآ غلا تظحك له : لا شكراً بروح بروحي. . عمر : على راحتج ، ومن بيقعد عند عيالج؟ ؟ غلا : ماعليك ، بخليهم عند يدتي والخدامه معاهم ، مب مطوله ساعه بالكثيرررر .. عمر : اها ، يالله ، ماتشوفين شر يابنت عمي ، عن اذنج .. غلا : الله وياك .. وطلع عمر من البيت .. خالد كان منخش طول هالايام ، لان ريله حفت وهو يدور العنود وكل مايروح بيتهم يقولون له محد ، طالعه ، معزومه ..... إلى مالا نهايه .. (( طبعآ الحين غلا شكها صار بمكانه ، لو انا بمكانها أكيد بيكون االلي افكر فيه صح ، انا غبت عنها اكثر من اربع ايام ، اكثر من اي مهله يعطيها اي حد للغلطان عشان يبرر غلطه ، اوف انا شسوي؟ مالي غير حل واحد انخش عند بيتهم واذا شفتها اسحبها معاي ..)) غلا فالبيت رجعت لأيامها الهاديه ، قبل لاتتزوج خالد ، لبرائتها وايامها الوررديه ،، تمر بكل ركن وزاويه فالبيت وتتذكر شصار .. طاحت دموعها لما تذكرت عمها سعد .. قعدت غلا على السوفا وماسكه الكوب فيدها ماتقدر تاكل صارت ، حتى الشرب يتعبها حطت يدها على خدها تفكر .. (( ابوي وامي وعمي وراحوا عني ،، لكن اللي جدامي وراح عني ؟؟؟؟ ليش شمعنى انا ،، السيوف تطعن ظهري بكل هدوء ، ولا حد حاس فيني ، الكل يلومني والغلط كله طايح على راسي ، ليش ياخالد ، كل شي توقعته يصير ، الا انك تخوني .. )) سالت دموع غلا وتتبعها ألف عمها تطفي نور وجهها ، طاح الكوب من يدها وانكسر وهي تصيح .. ماتعرف تصيح على شنو ؟؟ حظها ؟. عيالها؟. ريلها؟. او العوار حتى ؟. حست بتعتب يسكنها مع الخمول اللي فيها ، دخلت تتسبح يمكن الحراره تخف عنها .. صارت الساعه 10 ونص .. غلا بعد ماتسبحت وقعدت مع يدتها ، طلعت دارها ، لبست وقالت ليدتها انها بتروح المستشفى .. ركبت السياره غلا .. و خالد هم ركب سيارته رايح يدور العنود .. الدريول شغل الراديو مثل ماسوى خالد .. و خالد يسمع الاغنيه ويظحك عليها .. و غلا نفس الشي .. " تاركني دمعه و ع الخدود تصب معذب حبيبك وانت متعذب " نزلت غلا للعياده و لقت مافيها زحمه انتظرت لين وصل دورها .. خالد نزل وانخش فالبراحه اللي جدام بيتهم بعد ماحط سيارته عند مواقف المسيد وخشها بين النخل << ياعيني عليك .. انتظر خالد شي يدل على ان العنود موجوده ، وصلت ، بتطلع .... مافي شي يدل .. حط عقاله على الارض وتلثم وراح رن الجرس .. فتحت الخدامه الباب و دخلت خالد بعد ماقال لها انه رفيج محمد ومحمد قال له يدخل البيت ينتظره .. دور خالد حد فالبيت يطقطق البيبان عسى حد يطلع له .. مشى ودخل لصاله مسكره فتح بابها ووحده تطالع التلفزيون وماعطته ظهرها وجنها العنود خالد : العنوووووووود؟؟ العنود نقزت : انت؟ خالد : وتشردين مني؟؟ الحين تطلعين معاي العنود : اطلع معاك؟ وين نروح؟ شتبي فيني؟ خالد : مابيج الله لايبيج ، ابيج تمشين معاي وتقولين لغلا اللي صار وان انا انظلمت العنود : مابي خالد : شوفي العنود ترا انا لين الحين ساكت عنج ،(خالد شاف ماله داعي للهداوه معاها) ،،،، " سحبها من يدها و رفس الباب .. فتح باب السياره وركبت العنود حتى مالبست عباتها ، طلعت بشيلتها .. خالد كان يسوق بسرعه جنونيه ، واللي زيد عليه جنونه زحمة السير اللي واجهته .. العنود كانت ميته خوف منه ، كان معصب واول مره تشوف واحد معصب جذي مستعد يذبحها !! طلعت غلا من العياده بعد ماقالوا لها ان اللي فيج مجرد برد ، لا أكثر ولا أقل ، وعطوها ادويه ،، ردت البيت وشافت ضبه بالحوش .. |
 |
| مواقع النشر (المفضلة) |
| |
العرض العادي
