|
|
#243
04-08-2008, 08:35 PM
| ||
| | ||
| رد: غلا نكمل..... صار اليوم اللي لازم يودعون فيه أهلهم ويرجعون للكويت .. كان هذا اليوم أثقل يوم لغلا لانه حييل يذكرها بأمها ماتدري ليش ؟ ولانها بتوادع فيها ناس تحبهم حييل ، ماتحب شي اسمه الودااع كلش .. خصوصآ اللي تحس مابعده لقا .. وهي حاسه بهالشي هالمره بشكل غريب .. تغريد : شفيج غلا؟ شيصيحج ؟؟ اللي يجي مرده يروح غلا : افف مادري عمتي ، متظايقه وايد تغريد : وسعي صدرج حبيبتي ، ترا اذا شافج ريلج بيسوي لنا عرس غلا : مابي عمتي بنام تغريد : ردينا ، انتي لين متى جذي؟ غلا : عمتي تكفين تغريد : غلا مو كل ماصار شي شردتي منه بالنوم غلا : انشالله انشالله جا وقت الوادع وكلهم مروا على غلا وسلمت .. بعد ماوصلوهم للمطار ، غلا ماكانت تبي تقعد فالبيت العود ، لان خالد باجر عليه دوام و سعد و فيصل نفس الشي .. خالد يشيل مريم : يلا غلا مشينا غلا : ها وصلتوهم؟ خالد : أي وصلنااهم ، وجيت حق مريووومتي غلا : تبي تقوم من على الكرسي مب قادره لوول يمد يده خالد ، قومها و مشوا للسياره .. عمر من الدريشه . : مريوووووووووم مرتي وين بايقينها؟ خالد يلف يدور من وين الصوت ورفع راسه : ههههههه ها فالعلالي الاخ عمر : ايييه خالد : هههههههههههههه يلا حبيبي سلااام عمر : الله وياكم ، مريوووم باتي عند هلج اليوم بس باجر تعالي ها مريم كانت معصبه وخدودها متفجره لوول .. خالد : افف وخر لاتحوشك عمير ، لعنة الخدود عمر : ههههههههههههههههههههه غلا ( افففففففف يلا بمووت ) كانت غلا طول اليوم على لحم بطنها تبي تروح تاخذ المسكن وعمر و خالد طاقين سالفه خالد : خلاص خلاص يلا ترا الاشاره شابه حمره عمر : هههههههههه مع السلامه .. غلا ركبت السياره و فيصل و سعد ورا ومريم بوسطهم .. بعد يومين .. خالد كان توه راد من الدوام وبدل ونزل غلا قالت له بتسبح مريم ويمكن تنزل ، هو الجوع كان لاعب عليه دور ماقدر ونزل يتغدى .. غلا كانت قاعده على السرير وماعطه اللي يدخل ظهرها ،، جاها سعد وهو يرررركض وضرب فظهرها غلا بدون وعي دزته لان الضربه ذبحتها ،، مسكت على بطنها وحست بعوار مب طبيعي ،، قامت تبي تسعف عمرها ماقدر تمشي طاحت و ماقدرت الا تسحب عمرها لين باب الدار وصرخت غلا : خاااااااااااااااااااااالد خالد طار من مكانه ركض على الردج وقعد يتلفت يدورها خالد : شفيج (يشيلها من على الارض) شصار غلا ؟؟ غلا : بمووت خالد بموووت خالد : لالا الحين نروح المستشفى ركبها خالد السياره ويطير فيها للمستشفى .. انفتح باب الطوارىء وهو يصرخ على الموجودين ،، حطوها على السرير بعد ماغمى عليها .. دخلوها لغرفة العمليات وهني خالد قلبه طاح من مكانه .. أكيد غلا فيها شي ، او الياهل صار له شي .. اتصل حق عمته و جاته .. انتظروا اكثر من 3 ساعات .. خالد فقد الامل بغلا أكيد اكيد صار لها شي قعد على الكرسي بس ماطاوعه قلبه يرتاح ومايدري شي عن غلا .. قام ولما لف شاف الدكتور طالع خالد : هاشصاير؟؟ شفيها غلا ؟؟ فيها شي؟ الدكتور يطالعهم ويطالع الارض خالد : شفيك تكلم قول شصاير ؟؟؟؟؟؟؟؟؟؟ تغريد : طمنا يادكتور شفيها البنت؟؟ عمر رد من بره ودخل البيت شاف العنود موجوده .. عمر : اوه العنود عندنا شصاير؟ العنود : ممنوع ازوركم ياعيال خالتي عمر : لا محد قال العنود : كلامك يقول عمر : انا اقول اروح ارتااح احلااااااااااااالي العنود تطالعه بنظرات تحره وهو ماعطيها كل البرود اللي فيه دخل عمر داره وعلق ملابسه عمر : هذي حطت ال × على خالد و ال O علي انا ،، شكلي انا الضحيه الجديده عاليه كانت تتصل على موبايل غلا بس محد يرد عليه .. اتصلت فيتهم وقالت لها ان غلا كانت تصرخ بس ماتدري شفيها وخذها خالد وطلعوا وشكلها كانت وايد تعبانه .. عاليه خافت وايد على غلا ومحد يرد ، دورت فموبايلها مره كانت غلا مكلمتها من موبايل خالد .. عاليه بعد مشاورات وكل شوي تتصل وقبل لايرن تسكر ، تحس فشله تتصل عاليه : ييه شبسوي انا بتصل اسال عنهااا اتصلت عاليه ورن اكثر من مره ، آخر شي خالد طفى موبايله .. عاليه هني ماتت من الخوف أكيد في شي لا وجايد بعد .. الدكتور : ماقدر اقولكم الا حمدلله على سلامة بنتكم ، والله يرحم ولدكم خالد من هول الصدمه قعد على الكرسي بقو : مات! الدكتور : بس حمدلله المريضه ماصار فيها شي ، بس على فكره لازم نخليها بالمتسشفى خالد بروح مطفيه : اكييد اكيد تغريد : مشكور يادكتور خالد : راح عمتي !! تغريد : ماعليه حبيبي ، يجي غيره ، توها على الحمال ، عودها لين الحين ليين ماقسى .. خالد : شلون عمتي ، شصار انزين؟ هي حتى كاس الماي ماتمسكه ، انا صرت لها يدها ، عمتي القصور مني؟ تغريد : لا ياخالد انت مب جذي شهالكلام اللي تقوله ، كل شي الله كاتبه واللي الله كاتبه بيصير بقصور منك او بكمال زايد منكم ،، غلا لين الحين صغيره وبعدين ماتدري يمكن بغلطه صار فيها شي .. وانشالله تعوضونها ، ماصار شي ، والحمدلله يقولك صحتها تمام خالد : حمدلله حمدلله على كل حااال .. تغريد قعدت شوي وراحت بيتها ، وخالد تم مع غلا ، وبعد نص ساعه دخلوه عليها .. غلا توها بتقوم لخالد تبي تطلع من المكان خالد يمسكها ويرجع يسدحها ، لكن نظراته كلها لوم و عتب لها خالد : ارتاحي مب زين لج التعب .. غلا : ابي اطلع خالد ازهق من المستشفى خالد : غلا انتي غلا : ادري قالوا لي ، بس ابي اطلع تكفى خالد : لا هالمره بتمين وماراح تطلعين . غلا سكتت وماقالت شي خالد كان ساكت ويا يطالع السقف يالارض .. غلا : اذا تعبان روح ارتاح ، ماعليك مني خالد : وين اخليج ، اانا بتم هني غلا : روح خالد ماتسوى قعدتك هني ، انا خالد : اووش غلا ، ولا كلمه . غلا تبي تتكلم لكنها ماتقدر تبي تصيح ماتقدر .. عمر درى باللي صار بس حس لو بيروح الحين بيكون وقته غلط يعني ينتظر لين بعد كمٍ ساعه ويروح مع امه .. تغريد اتصلت وقالت للطيفه اللي صار .. لطيفه افكار وايد فمخها تدور وتحتدم بجدران تمنعها من التنفيذ ، لكن بهالخبر سلطت ضوو الشر عليهم .. لطيفه : أي أي ، وعليه ، صاجه عودها لَين .. ، المهم اخليج الحين انا بالبس وباجيكم .. يالله مع السلامه .. سعود : ها شفيهم؟ لطيفه : غلا .. سعود : شفيها ؟؟ شصار لطيفه : سقطت سعود : شنو؟؟؟ لا اله الا الله .. لطيفه : انا غلطت ، زوجت ولدي وحده توها ياهل سعود : لطيفه انتي متى بتشيلين هالخرابيط من راسج واعمال السووو ، شنو ياهل ، ترا الياهل مب بعمره بافكااره بذذي ( يطق على مخها ) .. لطيفه : لاا والله .. انا غلط سعود : بس بس نقطينا بسكاتج ،، انا ماشي ، مع السلامه .. طلع عمر ومر وشاف عمر شكله بيطلع و مستعيل .. سعود : ها على وين ياعمر؟ عمر : والله بمر واحد من ربعي وبعدها بروح لاخوي فالمستشفى سعود : اييه ، احسنت ، انا بعد ماشي لهم الحين عمر : صج يبا؟؟ عيل اخذني وياك ورفيجي بعدين امره سعود : اهههه ، يلا توكلنا .. عمر خجل من ابوه لانه يدري انه لين الحين مشاعره ببنت عمه ماتغيرت .. الساعه كانت 4 ونص لما وصل سعود وعمر ولده .. خالد : تعبانه غلا؟؟ غلا : شوي خالد : ابوي وعمر كلموني وقالوا جاايين فالدرب غلا كانت نفسيتها تعبانه حييل : تعباانه خاالد مالي خلق لاحد خالد : انشالله ، ولايهمج ، بس لاتتعبين عمرج .. غلا صاحت بس هالمره بكل هدوء بدون لايحس لها خالد ونامت ودموعها متحدره على خدها .. خالد قال لابوه و عمر انها نايمه وقعدوا شوي معاه وبعدها راحو .. وبعد المغرب جات لطيفه وتغريد جات قبلها ،، خالد راح بيته بدل ملابسه وجاب لغلا بعد و خذ عياله ووداهم بيت اهله ورد المستشفى لغلا .. وعلى هالحال تموا لهم اسبووع .. غلا بعد اللي صار لها نفسيتها تعبت وايد ، وصارت تفكر باشيا يخلقها عقلها من فرااغ .. مرت على سالفتنا شهرين ،، والشتا غزل خيوطه على الدوحه ،، وصار جوها بارد والنسمه أبرد .. كان جووها حلوو حييل ، خصوصآ عند خالد اللي الشتا عنده حبه الأبدي .. غلا كانت تتناسى الموضوع اللي صار معاها وتحاول تركز باشيا غير ، بريلها بعيالها ببنتها الصغيره .. كانوا قاعدين بالصاله ومريم على الارض بنص اخوانها وبيدها مله وتاكل ونص الاكل على ملابسها ،، كانت توها تمشي .. |
|
#244
04-08-2008, 08:38 PM
| ||
| | ||
| رد: غلا خالد كان كاشخ ولابس ثوب اسود بس وقاعد يسولف لغلا شصار معاه فالشغل ، غلا ماتحب سوالف شغله لانه دايمآ يتشكى منهم انه مايقدرونه ويقعد يسبهم ، وهي نصحته أكثر من مره يطلع من شغله ويشتغل بمجال ثاني وهو مايبي .. المهم .. خالد : غلاااا غلا : اسمعك حبيبي قوول خالد : تظنين لو رحت لامي اليوم شبتسوي واللله مالي مزاج غلا : شنو مالي مزاج خاالد ،، كفايه طول الاسابيع الخميس ماروحه الا بروحي ، والكلام كله ينقلب علي والشين كله يصير مني ، والله ان مارررحت ........ خالد : زين زين خلاص باروح باروح غلا : بس الله يخليك سوالف وعوار راس مابي ، اذا قالت شي سو روحك ماسمعت خالد : يسوون الي يبونه ، بس هاااا ، عند ام فصول ، حدهمم Stoop يبا ، منطقه خطره غلا : هههههههه ،، لا جد خالد خالد : والله صج حلوه هذي ، تبين اشوفهم يضرونج واسكت ، لوووو سمحتيييييييييييي غلا : ههههههههههه انشالله انشالله .. حطت غلا الكوب الي كانت تشرب منه على الطاوله وخذت مريم خالد : يه ، وين رايحين ! غلا : لازم نكشخ انا ومريوومه مريم تسوي يبدها اوكي خالد : لا والله ، يام كشه انشالله محد بيقرعج غيري غلا : ههههههه ، خالد ماعليك امر سبحهمم خالد تغيرت ملامحه : هلا؟؟ غلا : س ب ح ه م !! خالد : منو انا؟ غلا : أي انت؟ خالد : اسبح هذيلا غلا : عيالك ،، أي ،، انا مريم اخذ وقت معاها على ماتجهز خالد : صج ،، انزين خذي فيصل و سعد ماياخذون وقت حليلهم بس دقيقه حق كل واحد غلا : صج ، عاد تدري عشان جذي انا عطيتك اياهم وخذت مريم ،، ابي راحتك حبيبيي خالد : تكفيين غلا ، لاتسوين فيني جذي ، انا احبج ، ليش تجورين علي غلا : ههههههههههههههه " بجديه " ، يلا خالد سبحهم ، بنتأخر بعدين وبناخذ كلمتين حلوييين من خالتي خالد : اسبحهمم ،، انشالله .. فيصل و سعد مستانسيييييين لان يدرون ابوهم مو لهالسوالف ، يسبح ويلبس و هالاشيا .. خالد : يالله يالله ياعيالي ، يالله خل نخلص قبلهم ونحرهم يالله .. Ok!! سعد و فيصل : اوكي سعد : انا قببببببببببببببل انزيييييين؟ فيصل يشهق : لااااااااااااااا ، انااااااااااااا سعد يكفخه على مخه : اناا انااا فيصل يصييح : لااااا انااااااا خالد يزعق عليهم : بس انت وياه امشوا جدامي ، راووني حمامكم حمام الهنا الملتعن ، وينه ؟ فيصل و سعد يظحكون ليش انه ابوهم عصب خالد : يالتافهيييييين ، خلصووني غلا تسمعه من حمام دارهم وهي تسبح مريم فيه لوول .. خلصت من السبوح وطلعتها لبستها وسوت لها شعرها وكشختها وخلتها تلعب بالدار وهي دخلت تتسبح وطلعت ولبست وتعدلت وراحت تشوفهم خالد كان مشمر ثوبه اللي غرق ماي و شامبو و صابون وكل شي خالد وهو فاقد اعصابه : هيييييي انت شوي شوي على شعرر اخوك قرعته اللللله يخليييييييك غلا : ههههههههههههههههههههههههههههههه ،، خاااالد ، ههههههههه شمسووووووووووي !! خالد يلف عليهم : افففففييييييييييين يالللللللللله والله ان تطنزتي ادخلج معاهم غلا : ههههههههههههههههههههه توك فسعد وفيصل يلعب ، خالد شفيك هههههههههههه خالد : صج ومستانسه المدام ، اقول بره انتي وبنتج لا اغرقكم الحين ، لاني فكار عيالج ولا كار الطنازه ، لا اهدهم الحين واطلع غلا : ههههههههههههههههههههههههه ،، انشالله ، خلاص بسرعه خلصهم عفيه خالد : زين ، زيييييين قعد خالد شوي وبعدها خلصهم .. طلعوا من الحمام وهم ملتفين بفوطهم ميتين برد غلا تشهق : خااااااااالد حرام عليك شمسوي فيهم خالد : خلص الماي الحار ، مافي الا بارد غلا : خاااااالد ، شنو هاي بعد ، حرام عليك الجو بارد خالد ياخذ ملابسه وهو يتحلطم وراح داره هو وغلا وتسبح غلا عصبت ماتوقعته جذي ، يقول مابي ماقدر ، مب يجمدهم لبستهم وخلتهم يدفون شوي على مايخلص خالد .. خالد : ها اشوف صافين لي صفه (( كانوا ينطرونه بالصاله )) تحبون اصوركم؟ غلا : صج خالد !! يلا تأخرنا ترا خالد : يلاا تفضلوا ( طلعت غلا معاها مريم وبعدها سعد وبعده فيصل ) ، تفضل تاج راسيييي ركبوا السياره رايحين للبيت العوود .. عمر كان بالصاله الفوقيه محد معاه ولا يدري بالعالم اللي تحت .. كان منسدح و حاط ريله على تكاية السوفا والكاب حاطه على عينه و يغني .. عمر : شوويه ان قلت انا كلي لك شويه ان قلت اهواك .. لو تجمع حب العالم .. احساس .. و شوق العالم .. وكلام الحب و اغاني الحب ماتساوي يا ( عمر ) غلااك .......... يغير الاغنيه وان كان صورتك بحشاي محفوره غصب علي انسى ضنا عيني وشقاي ماعاد لي قلب تزود حموله كلها هموم وابرميها وراي فمان الله أي بهالسهووله انا ترا برحل على كيفي وهواااي افا راحت ليالينا بهالسهوله عمر طرى عليه شي ، وتم ملازم باله ، يبي يسويه ، يبي يروح بيتهم القبلي ويشوف كل مكان فيه ، مايدري ليش .. بس هو ظن ان فيه المستأجرين وبوسط تفكيره تذكر انه من بعد سالفة غلا مع خالد ولما قعدت فالبيت نسى يرجع المستأجرين و هالمهمه كلفها خالد لعمر اخوه وعمر نسى عمر : ايووووااا ، احسن شيييييييي .. ريما : شنو اللي احسن شي؟ عمر نط من مكانه : هاااا؟؟؟؟؟ شتسوين انتي هنيييييييي!!! ريما : معقوله! ماتدري يعني؟ عمر : شجايبج بيتنا؟؟؟ العنود : هذي ريما رفيجتييي عمر : وشووووو ،، بعددددددددددي لاا عمَر بيتناااا ريما : what you mean? عمر : اللي اقصده يابنت الناس ، هذي دمرت بيت اخوي والحين انتي صرتي لزيمتها ، لا بالله حالنا اعتفس ، الله يستر شناويين عليه ، سمعوني ، ترا انا احذركم من أي شي تبون تسوونه ، واخوي خالد ، صدقووني ترا ان فكرتو فيه ، تراكم تجيسون الناار ، تلعبون بها .. فاااهمين ! العنود : عمررر ، مب جذي تقابل الضيوف اوكيه! عمر : هذي مب ضيفه اعرفها انا و ..... خليني ساكت ... خلاهم ونزل .. العنود : من وين تعرفيينه؟؟؟ ريما : He is my lOve ،، اعرفه من الجامعه، كان معاي بامريكا العنود : اااها ، اوكييي ، That’s good ريما بمكر : لييش ؟؟ العنود : ولاشي ، خلينا ننزل ابي اعرفج على غلا .. ريما : Oh ، غلا ، هذي اللي يحبها عمر العنود : اوش وطي صوتج لا يسمعج خالد ريما : Yeaa , the sweet guy khalid العنود : شيلي عينج عنه ها .. ريما : هههههههههههه اوكيي ونزلوا لهم بس خالد و غلا ماقعدوا معاهم غلا سلمت وخالد كلش ولا حتى عاناهم بالحجي ، صار يعرف شلون يتصرف مع هالاشكال ، وسوالف المراهقات مب علييييه .. قعد مع صاله صغيره شوي ، هو و غلا وخالاته ، وخواله .. ريما تصاصرها : بس شكله يموت عليها العنود : اسكتيي ، هذا لو عليه يفرش الارض لها ذهب ، مادري شمسويه له ، بس صاجه خالتي ، هذي تتعامل بالسحر ، مسويه له عمل ريما : I don’t think sooo العنود : انتي اسكتي شعرفج ريما سكتت وقعدت تشوف الموجودين عمر كان قاعد بالصاله اللي قاعدين فيها اليهال وقاعده معاه المها بنت خاله جاسم ، المها كانت على طول مع اليهال مع انها ام 16 سنه يعني مب فسن اليهال بس كانت تحب تقعد معاهم وتلاعبهم ، وعمر من الملل راح لهم وعجبته السالفه حييل ، انه يقعد يلاعب اليهال ويركض معاهم ويسوي اشيا ماتخطر على البال ، فيها كل برائة الاطفال .. عمر : لاا مب صاير حصاان ، انجلعوا .. فيصل بن خالد : واللللله اعلم ابويي صير حصاااااااااااان عمر : تخرعني باابوك يالله ، بره اللعببببه ، اطللللع، يلا يهال صفوا نلعب خشيشه يلااااااا صفوا اليهال كلهم وفيصل واقف ويده فحلجه يصييييييح وركض للصاله يدور امه فيصل وهو راسه فحظن امه يصيح غلا : شفييييييك فيصل؟ فيصل: عميييييييي ، يقولي اطلععععع ، مايلعبوني غلا : هههههههه ، انزين خلاص تعال اوديك .. راحت معاه غلا و فيصل ماسك يدها وخاش ويهه فيها ودموعه على ويهه بس ساكت يعني وقت الصيحه خلص ههههه غلا خشته وراه وهي متروسه ظحك .. غلا بجديه : عمرر .. عمر وهو مفتشل بس هم يبي يظحك ، غلا وجايه تدافع عن ولدها ، وعند من ؟ عندي انا ههههههه عمر : ياهلا والله ههههههههه هاااااا جاايني الحين يالخايس غلا : عمرر ، شعندك عليه عمر : يالله زيين يبي اركبه ، تبون يصيدني الدسك والسبه هذي غلا : هههههه لا انشالله ، بس عمر يعنيي تكفى عمر : هههههههههههه لا افا عليج ، هذا ولد الغاليييين ، مب على ظهري احطه ، هنيي احطه على راسي ، بس يظل حمار غلا : هههههههههههه حمار حمار بس تكفى لاتصيحه عمر : ياويلي ، لاتدلعينه ، والله مب زين ، ان صاح اظربيه غلا : بل شدعوى عاد ياعمر ، ياهل ، ماعليه هالمره عشان خالد لعبه عفيه عمر : يالله تعااااااال انت فيصل يمشي اونه مستحي عمر يجره : خلصنييييييييييييييي لعبهم عمر وطووول معاهم لدرجة انه تعشى معاهم بس طبعآ عشا اليهال يكون وقته قبل العشا الكبار << اهم شي بعد ماعشاهم لعبهم لعبة الالغاز وبعدها خلاهم وراح عنهم .. طلع من صالتهم مر على الصاله اللي متجمعين فيها كلهم ولمح غلا تضم مريم بنتها فوسط هيلة الناس .. مايدري ليش طاحت عينه عليها .. عمر وهو نازل رايح لسيارته بيطلع من البيت ومايدري ان خالد كان بنفس ممره .. عمر : ضمني على صدرك ضمني ضعف صبري لا اتنفس انفاسك واحرقها في صدري .. كل نقطه في جسمي تملكها يا عمري .. خالد : من هالملعون اللي بيلمك عمر تصرقع : خويلد انت من وين طلعت خالد : حاكين المصباح السحري تصدق عمر : اههههههههههههههه اكيد ولدك الهيس خالد : حدك عاد ها ، الا عيالي عمر : ييييييييييييه ،، خفففففف عليناااااااا خالد : اوكييي اوكييييي I'll try عمر : شعنندددددددددده خالد : اقول عمير ، هذي مب الي كانت وياك فالجامعه عمر : تخسي ، هذي وياي ، هذي "" وحده "" كاااااانت في الجامعه ، ولاتذكروني ان ذكرتوها ،انا غير وهي غير ، لو سمحت ياخي خالد: انزين يه .. خلاه خالد وراح للمجلس و عمر راح معاه بس قعد ماخذ عشر دقايق وطلع متملل .. |
|
#245
04-08-2008, 08:39 PM
| ||
| | ||
| رد: غلا خالد بعد ماطلع عمر اخوه تم سرحان فعالم ثاني و لما خلص من اللي يفكر فيه شاف ساعته لقاها 10 ونص ، طبعآ هالوقت يكون مو متأخر بالنسبه لليمعه فبيتهم ، لكنه زهق وحس ان موده انقلب عليه وصار ماله خلق لأي شي .. قام على حيله بياخذ غلا واليهال ويردون البيت ، بس لأنه هو ماله خلق .. سعود : وين يبا؟ وين ياخالد ؟ خالد : والله تعبان شوي يبا برجع البيت سعود : افا وهني مب بيتك ادخل ارتاح خالد : لا ماعليه يبا، انت تعرفني اذا نمت ماقوم ، ثقيله نومتي سعود : خلاص على راحتك خالد : يالله مع السلامه وسلم من بعيد على اللي قاعدين و طلع .. مشى خالد فالحوش عشان يدخل لداخل البيت ويقول لغلا انه يبي يرجع ولازم يردون معاه .. مشى ووصل عند الباب كان المكان مظلم والباب ماينفتح خالد : ولييين شكلهم اليهال لاعبيين عدل هنيي ، كله منك ياعمور العنود تلف من وراه وتجي تتسند على الباب وهي مرفعه حاجب العنود : آمرني ! خالد : شتبين ؟ العنود : مابي شي ، بس شكلك متوهق ، تبي تدخل؟ خالد : انتي آخر انسان افكر ألجئ له العنود : افا ، ليش كل هالكلام ،، ترا مهما صار ، احنا عيال خاله خالد يتكلم بصوت واطي : لوبيدي هالنسب اقطعه ، جان ذابحه مب قاطعه بس العنود : ارفعلي صوتك خلني اسممع غلا فداخل الصاله جاها اتصال وشكله من بره ،، تتكلم والصوت مب واظح طلعت تتكلم بره . غلا : الوووو ؟؟ الخط الثاني : -------------- غلا : الوو؟؟؟؟ وسكرر عنهاا استغربت غلا هي ماتتكلم وايد فهالموبايل و هالرقم مب رقم وحده من رفيجاتها ، واصلآ ماعندها رفيجات بهالمنطقه؟؟؟؟؟ سكرته وجات بتدخل ، سمعت صوت خالد .. رجعت تبي تشوفه وينه مالقت حد غلا ( افف الظاهر انا استخفيت ، ههه كل هاي من حبي له ) ، رفعت عينها لما حست انها دعمت فجسم حد خالد : هااا حاااسبيييي ، تتعور غلا بعديين غلا استحت لان عمتها كانت فنفس الممر خالد يلف يوم ظربه خالد ولد عمته على ريله خالد : يالملعووووون تغريد : اسكت اسكت ، شكبرك بتتهاوش لك مع ياهل .. خالد : والله انا لين الحين شاب تغريد : افففف منك ياخالد ، الله يعينج على مابلاج يابنت اخوي غلا وهي تمسك يد خالد وماتدري شلون جاتها الشجاعه : هذي نعمه عمتي مب بلوه خالد يرفع حواجبه يوم طلعت عمته : شعندج اليوم؟ غلا : هههههه والله ماعندي شي خالد : عليي انا ! غلا : ههههههههه شبيكون عندي ، لاتطالعني جذي (تلف وجهه) شيل عينك خالد يرجع راسه بقوه : بكيفج هو؟ غلا : خااااااااالد خالد : ههههههه ، انزين يلا غلا تطالعه باستغراب : لشنو يلا؟ خالد : نرجع البيت غلا : انشالله ، بس مو جنه من وهل؟ خالد رجع انعفس مزاجه : يلا غلا فالسياره اقولج ، خلصوني غلا : انشالله بس دقايق .. راحت غلا بسرعه لبست عباتها وخذت مريم ، دورت فيصل و سعد مالقتهم .. راحت للسياره وهي شايله مريم .. وشافتهم فالسياره .. ركبت غلا وهي ساكته ولا قالت له شي ولا ناقشته فالموضووووع طول الطريق وهم ساكتيين فيصل : يباااااا خالد : هابابا؟ فيصل : ابي الدكاان خالد بقق عينه . ولف على غلا لقاها كلش مب معاه خالد : ضروري؟ غلا : مره ثانيه فيصل ، كل شي فالبيت فيصل : انزين خالد استغرب غلا مستحيل تقول لا لعيالها اذا يبون شي .. كان يبي يسألها ليش؟ بس قال مب ضروري وصلوا للبيت ونزل خالد وفتح الباب لعياله ونزلوا ، شال مريم وسكر الباب .. دخلت غلا البيت وركبت هي و سعد .. فيصل قعد فالصاله وشغل التلفزيون خالد دخل وهو شايل مريم وقفل باب البيت وشاف فيصل .. خالد : يلا يلا الساعه 10 طفه فيصل : يباااا، بس شووووووي خالد يزعق عليه : طفه اقووووووولك فيصل تخرع وصاح ركض لامه وهو يصييح ، غلا تنرفزت مب ناقصه صياحه غلا : شفيك فيصل؟ فيصل يصيح ومايرد عليها ودرت ان خالد مهاوشه .. غلا : ماعليه حبيبي ، يلا قوم معاي .. سبحتهم ونومتهم .. لبسوا بجامااتهم ونامو ، ردت غلا باب دارهم وكانت مريم نايمه بسريرها .. غطتها غلا و دخل خالد .. قعد على الكرسي وقط غترته ، غلا كانت تفصخ شغابتها وتشوفه من المنظره غلا ( شكله ماله مزاج لأي شي ، الله يستر بتهب علينا عاصفه اليوم ) غلا راحت تبدل ملابسها وهو لين الحين على قعدته لايتكلم ولا حتى يحرك نظره .. كانت تشوفه من ورا الحاجز اللي تبدل من وراه ، خالد صب له كاس من الماي اللي حاطينه على الطاوله .. خذ تفاحه وقرمها .. غلا ( انا احسن لي اروح اقعد معاه قبل لايثور ) غلا راحت وحطت يدها على جتوفه وقعدت حذاه خالد طالعها ورد على ماكان عليه ، صمٌ بكمٌ لول غلا : شفيك حبيبي؟؟ خالد : مافيني شي غلا : لا فيك ، الا اذا ماتبي تقولي ..! خالد: والله مافيني شي غلا غلا : على راحتك قامت غلا وهي تسحب يدها من على جتوفه بشوي شوي ، وخالد ياكل اظافره مايحب غلا تزعل لكنه ماله مزاج خالد مسكها من يدها ولفت غلا خالد : غلا! غلا : عيون غلا انت خالد : آسف ، اليوم مزاجي متعكر غلا : ولايهمك ، نام انت الحين وارتاح وماعليك من شي خالد كان يسمع كلامها ويحسه كأنه هذا اللي يبي يسمعه عشان يرتاح ، يطالعها وهي تكلمه والابتسامه تتغلغل في كلامها معاه ، يرتاااح لما يشوفها حييل، وبس يشوف وجه العنود مايتحمل عينه تنفتح عشان يشوفها .. قامت عنه غلا ولما ردت لقته نايم بملابسه .. .* بعد اسبوعين *. يوم الاربعا غلا كانت قاعده فالبيت وبيدها مجله ، دخل خالد البيت وهو مستاانس ، غلا قابلته بعد بظحكه حلوه غلا : هلاا والله خالد : قبل لا أسلممممممم ، عندددددي لج مفاااجأه ، انمااااا إييييييييييه غلا : هههههههه شنو؟؟؟؟ قول خالد : ههههههههه مافي لازم تدفعين مقدم غلا عرفت شيبي بس سوت روحها مافهمت : هههههههه ماعندي كااش الحين شسوي؟ خالد : خلاص خلي المفاجأه لين يصير الكاش عندج ... غلا : لاا خاااااااالد خالد : مب ماعندج كااش غلا تبوس خده ورجعت طالعت الارض خالد : ايواا جذي تعجبيني غلا : ههههههههههههههههههه ، يلا شالمفاجأه؟؟ خالد : والله يعني هي مب وايد حلوه ، بس تغيير ، والعيال او مره بيروحونها غلا : وين؟ خالد : الشاليهات غلا وقفت : لا خالد خالد : ليش غلا؟؟؟ يلا تكفين حبيبتي كلهم بيروحون غلا : مابي خالد خالد : لا بتروحين غلا ، مو عشان اللي صار تحرمين نفسج من الوناسه .. غلا : مب ضروري وناستي هنااك ، هني وناستي انا خالد : غلا ، باجر بنروح الشاليهات انا وانتي واليهال وطلع لداره غلا قعدت على كرسي الصاله وهي منقهره و جاها سعد يكلمها وماتدري شيقول خلته ودخلت للصاله وقفلت على روحها الباب .. حطت راسها فكفينها وهي تتذكر يوم كانوا فالزرع ، كانت تنتظر عمها سعد ، وقالوا لها انه توفى وهي تنتظره ،، صاحت من كل قلبها ، تبي تقول لخالد انها ماتبي تروح معاه لكن هو شايل من باله فكرة انها تعارضه ،، تخاف اللي صار لعمها يصير لحد منهم ، وهي ماتبي تخسر ولا واحد منهم ، هم اهلها اللي بقوا لها .. لو فقدتهم ، من بيبقى لها؟؟؟؟؟ خالد يطق الباب بضربات متتاليه نرفزت غلا .. غلا فتحت الباب لانها تدري انه هو .. فتحته بكل هدوء وهي واقفه ورا الباب خالد : انا بروح اشتري الناقص ، ممكن تجين معاي؟ غلا : ماعليه خالد انا تعبانه شوي .. خالد : شفييج؟ غلا : لا ولاشي راسي يعورني بس خالد : اها ، عيل باخذ فيصل معاي غلا : اوكي .. الله معاكم وسكرت الباب خالد تنرفز وكان يبي يرفس الباب بس مسك اعصابه لانها مب حلوه هالحركه يسويها ، ولمن غلا؟؟؟ ،، خالد صار اذا يعصب مايقدر يتحكم فاعصابه كلش .. |
 |
| مواقع النشر (المفضلة) |
| |
العرض العادي
