|
|
#246
04-08-2008, 08:41 PM
| ||
| | ||
| رد: غلا لما وصلوا للشاليهات عمر كان جنه واصل من قبلهم بوايد وقاعد بروحه .. غلا اول وحده دخلت ومن بعدها باقي البنات وغاده وعمتها وخالات خالد .. عمر يوم شافها وقف عمر : هلا والله .. غلا : اهلييين عمر كره ان يكون فلقاهم من بعد فتره طويله حد معاها ، اففففف (( مب وقتكممممممم )) لمته خالته بقو وفقصت عيونه .. وغلا تطالعهم وتظحك خالاته كانوا يموتوووووون عليه و وحده ورا الثانيه تلمممه ،، لما خلص ورجع نظره على مكان ماغلا واقفه مالقاها .. غلا راحت للشاليه اللي بيتمون فيه النسوان وخذت عيالها رجع بعد بيشوف خالاته لقى المكان انترس كله عيال خالاته وخواله ،، وخالد اخوه بعد ,,, عمر يطالعهم ويتأمل فكل واحد وهو يتكلم ويسولف مع الثاني وطريقته شلون يعد عليه سالفته تمللل مايحب هالأجواء ، اول مره لما يلتقوون خالد راح من وراه و مسك يده وجتفه من وراه جنه بيتهاوش معاه عمر : هييييي هييييييي شفيك خالد : ها هاااااا شعندك عمر : خااااالد هدني تكفى خالد : قول مافيك حييييل ، يالشاايب عمر : خلاص انت قلتها خالد هده : من متى انت هني؟ عمر : من امس خالد : شجابك؟ عمر : جذي خالد : لا والله صج انك اناني عمر ظحك له ولبس نظارته الشمسيه وفتح الباب وطلع للبحر يتمشى بروحه خالد : فهالشمووووس يالرومممنسي عمر لف عليه ونزل نظارته غمز له ورجع لبسها خالد سكت وتذكر دفتره واشعااره .. كلهم راحوا يرتاحون و عمر تم بروحه ،، وبعد المغرب كلهم تجمعوا فشاليه الحريم .. المها كانت قاعده على اللاب توب جنها تبي تخلص شي ،، نادتها امها و هدت الي فيدها .. عمر كان طالع من المطبخ تفاجىء لما شاف اللاب توب ، قرى اللي مكتوب .. عندما يحكي القمر.. .:.:.:.:.. عندما يحكي القمر (عمر) تتزين السماء بنجوم فضية وتنصت لكلامه في تلك الليلة الماسية ويسكن الليل وتسمع همس وردة جورية تخبر عصفورة برية اسمعي اعشقي ارقصي فتلك ليلة يحكي فيها القمر)عمر) أعشق هذا أم سحر ؟؟؟ أم أنها لحظة تقطر بتلات زهر ؟؟ أم جواهر تلمع في قلب السماء ؟؟؟ زمرد؟ ياقوت ؟ ماس ؟ أم حجر القمر يضيء كما لوكان عين عاشق مشتاق وأنا وأنت بين جنبات الكون وفي أحضان نسيم الليل وجناحي طير ندور في فلك قصة ملكية تروى فقط عندما عندما يحكي القمر عندما يحكي معشووقي ,,,, (عمر) عمر (( هااااه؟؟؟ منو ؟ انااا؟ )) المها بصدمه : عمر؟؟؟؟ شتسوي هني؟؟ عمر : هاه؟ المها : شفيك؟ واقف هني؟ عمر : لا ولاشي ومشى عمر المها ( ويييي لايكون قرى لايكون قرى ) طالعت الشاشه وكانت البيج مفتوحه على اللي كانت تكتبه المها قعدت وهي ميييييييييته فشيله (( انا هبله ليش ماسكره ، افففف هبله والله هبله ، بتم على طول هبله ، الحين شبيقول ، ياهل وتحبني ، اف فشششله )) خالد : ماتبين تنزلين غلا : ههههه لا خالد اخاف هالحزه مابي بعدين انا ماحب البحر خالد : تكفيييين ، أي قرش خبل بيجي هني ، مظيع عمره !! غلا : ههههههههههههههههههههه شتقصدددد يعنييييييي خالد : ولاشي ، زقايري وين؟ غلا بظحكه : قطيييتهم خالد : لااااااا واللللللللللللللللللله؟؟؟؟؟؟؟؟ غلا : يس ، أي والله خالد : غلاااااااا ، افففففففففففف ، صج صج طايحه فخاطري الحين زقاره ، شهالحركه غلا، تبين اخليج تروحين الدوحه مشي تجيبين لي زقاير؟؟ غلا قامت وجنها بتروح .. خالد عوره قلبه : وين بتروحين؟ غلا .... اف نزل راسه غلا : بروح اجيبهم لك خالد : غلا يعني ماتعرفيني لما اعصب غلا مشت عنه خالد مسك يدها .. خالد : غلا خلج وياي ، مابيج تروحين لهم ، انا جيت هني عشان نصفي كل شي غلا تهد يدها من يده وتمشي عنه .. خالد (( اففففففففففيييييييييييييييييييينننننن)) راحت عنه غلا وقعدت ورا الشاليه ,, كانت قاعده معاه بعيييد بروحهم ، ونست شيلتها داخل الشاليه كانت لابسه برمودا جينز وتيشيرت احمر مع الجاكيت ماله .. (( الحين لو رحت داخل المكان كله ريايل ، وين اروح ، مب راده له ، لين يعرف ان اللي سواه غلط مب كل مره يزعق علي جني ياااااااااهل )) خالد كان يدورها ومالقاها .. نط له فيصل وناشبه نساه سالفة غلا من كثر حنته .. تغريد : سعد حبيبي روح ناد خالد وتعالوا الحين بنحط العشا سعد : اوكيييييييييييييي خالد : عمتي وين غلا؟ تغريد : والله مادري حبيبي ، مب كانت وياك خالد : ها أي .. تغريد : وينها عيل خالد : ايي تذكرت قالت لي ,,,,,,,,,,,,,,,,,,, وراح عنهااا خالد .. خالد( افففففففففف وين راحت ذي بعد ) .. غلا كانت مبعده بعيد وواصله لآخر الشاليهات تتمشى بروحها وهي ناسيه كل شي وراااها خالد ، سعد ، مريم ، فيصل ، الناس اللي داخل تنتظرها .. فاله شعرها وتمشي حافيه على رمل البحر الناااعم .. ماتبي تفكر بأي شي يظايقها ، تبي تفكر بكل شي حلو مرت فيه وبكل لحظه حلوه عااشتها .. قعدت على الارض ومسحت على الرمل بيدها وقعدت تناظر السما و عتمة هالليل .. النجوم تلمع فالسما فووق كأنها الماس منثور على قطعه سودا ، والقمر منور على المكان كله .. قعدت تفكر شلون هي فكرت ان خالد خانها؟؟ (( انا لما شفته طالع والعنود كانت تظحك ، كل الشكوك طاحت فراسي ، بس حمدلله كل شي طلع عكس اللي توقعته ، بس خالد تغير عن قبل ، بس من شنو؟ بعدين ليش صار يصارخ ويهاوش؟؟ حتى اليهال يصرخ عليهم؟ اكييد فيه شي ، واذا فيه شي ليش مايعلمنييي ؟؟؟ خالد؟؟ فيه شي؟؟؟؟؟؟ خالد : بخخخخ ، شتسوين هنييييييي غلا اللي طارت من مكانها متصرووعه غلا : خاااااااالد يالباايخ زين ، اففففف والله صبيت قلبي غلا قعدت وهي ترقل من الخرعه ،، المكان كله كان ساكن حواليها ، حتى موج البحر اللي تكرهه ، كان على مسمعها مثل تغريدة الطير ، والحين خاالد نقزها من أحلى جو يمكن تعيشه وسط هالحياه اللي هي فيها ، بصفاء وراحة بال خالد وهو منترس ظحك : شكنتي تسوين ها؟ غلا : مابي اقول ، خالد ليش جذي تسوي ، والله خرعتني خالد : ليش بالله ، وايد كريه عشان اخرع لهدرجه غلا وقفت ومشت عنه خالد : بعد بتشرد ، هذي اللي تبي اقطها فالبحر بهالليييل غلا لفت عليه ولقته يركض يبي يقطها ،، ماشافت عمرها الا وهي تركض عنه غلا تعبت من الركض وحست بطنها رد يعورها والكلى بتطيح من مكانها ، وقفت ولفت عليه غلا : خلاص خااااالد خالد : هاااا ، اشوفكم كلكم شيبتوا وانا اللي بقيت كما الجبال الراااسيه غلا : هههههههههههههه .. غلا مشت عنه وتحاول تخش يدها وهي حاطتها على بطنهاا من كثر العوار خالد : شحلوووو طووووولك من تمشى وانا ارااااك غلا تحطمت تدري انها قصيره وماتحب حد يعلق على طولها ، لفت عليه وهي متخصره له وتظحك غلا : لا والله خالد يقلدها : لا والله غلا تخش ويهها بيدها : خاااااالد ، لاتعلق لوسمحت خالد : هههههه انشالله بحااول غلا : يااااااالله خاالد اليوم الثاني .. الجو برد شوي .. غلا : زين جذي ، جايبينا الشاليهات فهالبرد ، من اللي مقترح هالفكره بعرف انا خالد يبلع ريجه تغريد : ررريلج غلا تطالعه : انت.؟؟ خالد : ههههههههه خوش فكره صصصح غلا : افف من قلب طلعت غلا تدخل فيصل وسعد لداخل البيت .. وخالد لحقها .. خالد : تكفين غلا بتزعلين بعد غلا تطالعه بتعجب: مازعلت؟ خالد : اشووى عبالي زعلتي عشان فالبحر انتي وعيالج غلا : لا والله خالد : يالله زين جذي نظلت عمري غلا : يلا سعدد دخلتهم غلا ورجعت لخالد .. قعدت على الكرسي وطالعت خالد وهي تطلع ريلها من النعال وانتوا بكرامه .. خخخ كان لابس هاي نك اسود وجينز ورافع الهاي نك من البرد على خشمه غلا : هههههههه ليش مسوي جذي خالد : برررد غلا : محد قالك تقترح هالاقتراح خالد : ييييه الله والبرد غلا : اشوووفك مو بردان كلششش خالد : ييييه تتحديني يعني غلا تظحك : ماتحداك انا ، انا اقولك الصج خالد : الصصصج ، اوريج الصج قط خالد الهاي نك ورفع الجينز ودخل البحر ، والجوو باارد غلا : خاااااالد اطلع ، جنيت انت؟ اطلع تبي تمررض!! خالد : هذاا الصصصصصج غلا : انزين خلاص عرفت الصج اطلع بسسسسس خالد طلع ولبس ملابسه غلا قعدت تنفض له الرمل اللي تعلق بالهاي نك .. عمر اللي كان جاي من آخر الشاليه ، كان على البطبطه مع عيال خالته .. شافهم وهو توه واصل عند البيوت .. يشوف غلا وهي مع خالد ، اول مره يشوف شعرها . . كانت غير ،، انخش عشان لحد يشوفه .. قعد يطالعهم ، خالد يقول لغلا كلام حلو وهي تضحك وتضربه على خفييف على جتفه عمر ( لو انا الحين مكانك ياخالد!! الله شنو بتكون هالدنيا جنه لي ،، انت اسعد انسان فهالدنياا ) ماصدق اللي يشوفه ، خالد شال غلا !!!! ماوعى للي قاعد يسووويه و صار يركض على طول المكان وهو يعدي البيوت وكل الاماكن لين وصل لنفس المكان اللي انخشت فيه غلا عن خالد وصل لييين مدخل الشاليه .. قعد على الارض وانخش وسط الاغراض المحطوطه ، وقعد يصيح من حرقه فقلبه .. كل العالم متهنيه الا انا .. كرهت الدنيا واللي عايشين فالدنيا عشاانج وانتي اسعد انسانه فهالدنياا انا الغلط مني اني حبيت وتميت وافي لآخر دررجه ... مشت غلا مع خالد ووصلوا لعند مكان كأنه اسطبل للحصن غلا : في حصن هني؟ خالد : ماظن لان ابوي شال كل شي هني ونقله للزرع .. غلا تذكرت عمها سعد : اها خالد فتحه وشاف .. غلا مشت شوي ولفت لقت خالد وطالع على حصان اسود غلا شهقت .. خالد : هههههه خرعج .. خالد نزل من عليه ويعطيها اياه غلا : لالالالالالالالالالالالالالالالالالالالالا خالد : ههههههههه ماراح يعظج ، تعالي انا بشيلج غلا غلا : لالالالا خالد مابي والله مابي خالد : امشي يالله غلا : مااااااابي خالد واللي يخليك خلاص برجع خالد : موبكيفج غلا : تكفى خالد : صدقيني برجعج بس اركبي غلا : مابي خالد غصب؟ خالد : تقدرين تقولين غلا : الله يخليك خالد : عشان خاطري يلا ، يلا حبيبتي بتركبين صح ! غلا : اافف الله يسامحك ياخالد غلا ركبت شوي شوي وماقدرت اول ماقعدت غلا : مابي بنزل خالد خالد : هههههههههه بس ؟ غلا : خاااااااالد غلا كانت شوي وبتصيح خالد : ههههههههههه تعالي انزين غلا انزلت منه وخالد شالها .. غلا تمشى عنه بسرعه وهي تتحلطم عليه ، ودخلت لداخل الشاليه .. خالد قعد على الكرسي وهو يفكر فيها .. (( والله بنتي مو مرتي ، صغييره حييل ، بس احبهاااااااااااا )) |
|
#247
04-08-2008, 08:42 PM
| ||
| | ||
| رد: غلا بعد مارجعوا من الشاليهات .. ومرت الأيام .. بعز الشتا البارد ،، عمر كان قاعد فداره يكمل رسمته و دخل عليه خالد .. خالد: ها عمير ،، بروحك ، شتسوي؟؟ عمر بسرعه يبي يخش الرسمه : هلا هلا خالد ، والله قاعد لاشغل ولامشغله .. خالد : ليش ليش تشيلها خلني اشوفها .. عمر : ههههه ، لالا خرابيط مب حلوه ، براويك غيرها خالد : لالا بشوفها هاتها خالد يمسكها ورفعها يطالعها : امممم ، لاحلوه ، من هذي؟ عمر : مادري ، رسمه من بالي خالد : ااها .. خلى الرسمه خالد وابتسم له : مع السلامه . عمر يناديه : خالد ،، خااالد خالد طلع منه معصب و عمر ماعرف شيسوي خلاص أكيد راح يمشكلها بسبتي .. خالد كان يمشي بسرعه حتى ان امه كانت تسأله ليش طلع بسرعه وماقعد ،، مارد عليها .. لطيفه دخلت على ولدها عمر لطيفه : شصاير؟ شقلت لاخوك؟ عمر : والله ماقلت شي يمه ، هو مادري شفيه ، طلع معصب ، ماسويت له شي والله ماسويت لطيفه : ياحظي على ولدي ، لايصير فيه شي ، روح الحقه عمور ، شوف شفيه عمر : انشالله وراح يركض ورا اخوه .. فتح الباب لقاه توه بيطلع .. عمر اعترض له ووقف له عند السياره .. خالد : شصاير؟ عمر : شفيك علينا؟ امي تسأل عنك ، انزل تبيك خالد : مافيني شي ، بس غلا متصله تبيني ضروري عمر : الله هذا وانا وياك صار جذي ، عيل لوبروحك شبيصير خالد : يلا عمر خلني اطلع عمر : خالد انا ماني ياهل فهمني شفيك ياخي خالد : ولييييييين ، بتتمشكل انت ، خلني اطلع عمر وخر عن السياره وخلى اخوه يطلع من البيت .. وصل لبيته وغلا كانت قاعده بالصاله مع مريم الصغيره وسعد و فيصل يلعبون وهي تشوف التلفزيون .. اول ماوصل خالد طفته ووقفت له غلا : هلا حبيبي .. ماطولت ! خالد مسكها جنه بيظربها من جتوفها غلا : شفيك خالد؟ شصاير؟ خالد انربط لسانه ( شقول لها؟ اقول لها انا اشك فيج ؟ ومع اخوي؟ ) غلا : شفيك خالد ، شصاير؟ ليش معصب ، تكلمم خالد يهد يده منه ويمشي عنها غلا عيونها امتلت بدموعها : خالد ردي علي شفييك خالد : سكتيي عني غلااااا خلاص لحد يكلمنييي غلا : زين بس قولي شفيك؟ خالد : اووووووووووووووووووووه وطلع لداره .. قعدت غلا على الكرسي و تحس العوار الي خف عنها هالاسابيع القليله رد عليها بألم مضاعف .. فيصل : شفيج يما؟ ليش ابوي يصرخ؟ غلا : مافيه شي حبيبي ، تعبان ، يبي ينام فيصل : انا اروح له؟معليه؟ غلا نقزت له : لاا ، لا تحمل ولاحد منكم يروح له ، خلوه بروحه فيصل يطالع سعد اخوه وقعدوا يكملون لعبهم .. غلا قعدت تبي تفكر شصار فخالد لما راح؟ كان مزاجه حلو واحلى من الحلو .. قبل لايطلع خالد غلا كانت نازله على الدرج وهي شايله مريم .. وخالد نازل وراهم وهو كاشخ .. خالد : ها ، شبتسوون زلزال حلاوه؟ غلا : هههههههههه ، شمعنى يعني؟ خالد يشيل مريم : والله دام هالحلوه مع امها ، الله يستر غلا : ههههههههههه ، صج عاد خالد : والله صج ، اقول غلا اذا السكر زدتي عليه سكر ولا شي حلو شيصير؟ غلا تفكر : اممم يصير حلوو خالد : لا يا بابا ، يصير سكر زياده غلا : ههههههههههههههه صح ، شلون راحت عن بالي خالد : وهاي اللي يصير مع هالبنت وامها مريم بدون وعي تكفخ وجه خالد خالد : آه يالخايسه ، تظربين ابوج، أي مب وجه دلع ، يلا روحي لامج وخري غلا تشيل مريم منه وهي تظحك على خالد ، يجنن والله يجنننن خالد: انزين حياتي ، انا رايح الحين ، تبون شي غلا : ابي سلامتك حبيبي ، بس ها لاتتأخر خالد يحب راسها : وانا اقدر؟ غلا تظحك له وخالد فرص خد مريم وراح .. مريم صاحت وغلا تنرفزت : خاااااااالد خالد وهو طالع : مع السلاااااااامه .. وعلى الحقيقه اللي هي الحين شاغله كل تفكيرها ، بعد مريم ردت تصيح .. غلا شالتها وطلعت للدار عشان صار وقت نومتها .. غلا فتحت باب الدار بس خالد ماحس كان لابس بجامه وعليها روب اسود للشتا وقاعد فالبلكونه يدخن .. غلا أكيد ظاق خلها لما شافته رد يدخن ، أكيد فيه شي .. غلا بدلت لمريم و خففت من ضي النور وقعدت على الكرسي تنومها .. خالد لف وشافهم . ورد يطالع اللي كان سرحان فيه .. غلا تهز الكرسي وهي تناظر مريم اللي بحظنها ، ومريم تقاوم جفونها تبي تقعد تطالع امها مثل كل اليهال ،، بس النوم غلبها و سدل جفونها ونامت .. حطتها غلا فسريرها الجديد اللي شراه لها خالد وحطوه قريب من سريرهم .. وراحت هي تبدل عشان تبي تنام بعد .. دام خالد مطنشها ولا معبر وجودها شتسوي .. المهم .. غلا دخلت وبدلت ملابسها ولبست لها شي دافي لانها كانت متجمده لان خالد فاتح البلكونه بعد .. قعدت غلا على السوفا وهي لابسه بجامه ودلاغ لوول ، رافعه ريلها وضامتهم قريب لها ، وتفكر .. ثنينهم فنفس الدار لكن كل واحد منهم فعالم ثاني .. غلا كلت شوي من الفروت اللي على الطاوله وتحسفت لانه كان باااارد حييل ، غلا خلاص بتروح تكلمه مب حاله جذي .. غلا وقفت قريب من كرسيه .. غلا : شفيك خالد؟ خالد:محتاجج غلا غلا: وانا عندك خالد : انتي بعيد عني غلا : انا بعينك خالد : انتي دنيتي لكن انا دورتج مالقيتج ، وين كنتي؟. غلا سكتت وماردت .. خالد : تحبينه؟ غلا استغربت : من؟ خالد : اخوي عمر .. غلا : انت شتقول؟ شهالكلام خالد؟ خالد : هذا سؤال يبي له جواب ، وغلااتي جاوبيني غلا : انا نسيته خالد :اللي حب ماينسى حبيبه ، ولا انا غلطان غلا : خالد شتبيني اقولك عشان ترتاح؟ انا ماحبه ، انا احبك انت ، مستحيل افكر بغيرك وانت ريلي ، انت مو واثق فيني؟ اذا شاك فيني قولي ، صارحني .. خالد : غلا بمووووت صدقيييني ، اخوي يحبج فهميييييني ، ياناس فهموني ، اخوي يحب مرتي ، وانا ادري ، شسوي وين اروح ؟ انتي قولي لي انتي ردي علي ، مب انتي اقرب الناس لي؟ فهميني شسوي غلا بدت تصيح وهي تكلمه : ياخالد انت ماعليك منه انت تعرف عن هالسالفه وانت لاتهتم له ، انا ماحبه صدقني ونسيته ومستحيل ارجع افكر فيه ، وان فكرت ، صدقني كل شي بيني وبينه مايتعدى مشاعر الأخوه ، صدقني خالد : ياخوفي ياغلا من اللي يصير ، مو الاخوه اللي بيني وبينج انقلبت لعشق ، وعمر اخوي قلبه يدق .. غلا: خالد؟ انت واعي للي تقوله؟؟؟ خالد : لا غلا ، لاا ، صدقيني ماعرف شقاعد اقول ، انا جنيت وناوي اموت ، آآخ ياغلا ، ماتدرين شكثر اغار عليج ، هذي مشكلتي الكبيره ومالها أي حل ، عمري ماحبيت ويوم حبيت ، حبيتج انتي وبجنون ، عقلي راح ، كل شي مني راح ، وصرت رهينج ، تكفين قولي ، شسوي بحالتي؟ غلا ماعرفت شتقول لخالد ، كلامه كبير وايد عليها ،، لمته بقو وتمت تصييح خالد ماعرف شيسوي لهالطفله اللي يحسها كل حياته ، يحس ساعات مايقدر يوصل لها كل اللي فقلبه يخاف يجرحها .. بعدها بأسبوع الجروح بينهم كانت شوي شوي تلتأم بس بصعوبه .. كانوا متجمعين فعطلة نهاية الاسبوع كعادتهم ، وعمر خلاص صار فيه طبع أو نقدر نقول شي يشده للعب مع اليهال .. عمر قال للمها انه رسام ويعرف يعزف على عدة اشيا وتفاجىء لما لقاها تعرف كل شي عنه ، بالأصح كل التفاصيل الدقيقه عن حياته وكل خطوه خطاها فعمره .. وهو مايعرف ولاشي عنها ، غير انها المها .. لووول ، أحرجها بكم سؤال .. عمر : بس اانا اللي قريته كان مكتوب فيه عمر ؟ اخاف انا! المها : ها لالالا ، انا كنت ناقلته من موضوع حاطينه على السايت ، عجبني الشعر حتى انا مانتبهت ان فيه اسم عمر .. عمر : اها .. المها : بس انا اكتب عمر : اها حلو ، انا بعد بس موحترف ، يعني خرابيط تقدرين تسمينها المها : هههههههههههه ( هذا اللي صار بينهم قبل هاليوم ) عمر دخل على اليهال اللي من فتح الباب ركضوا له يلمونه ويسلمون يبلفيت لوول .. عمر : ها شكتبتي لنا هالأسبوع المها استحت جنه يتبع اخبارها : ماكو شي جديد ، انت شرسمت عمر : انا رسمت لوحه بس خشيتها المها : ليش؟ عمر : ماكملتها المها : مايصير اشوفها؟ عمر : لما اخلصها انتي اول وحده تشوفها المها : اوكي عمر : زين ماقلتي لي ، شآخر كتاباتج؟ المها: هههه ، لحظه .. راحت المها وطلعت من شنطتها الدفتر الصغير .. عمر : هذيج المره لاب توب هالمره دفتر باجر شنو؟ المها : ههههههههه مادري؟ عمر : تلفزيون شكله المها : هههههههههههههه عمر حس انه قاعد يملق عليها وايد فسكت وقعد يقرا .. لم اكن اعلم ان الحب يأتي مع اللحان ... عندنا تعزف تلك الاحان المليئة بالرومانسية والحنان .. يستمع اليها العشاق ويميزون احبائهم .. وتتحرك مشاعرهم .. الحب مفعم بالحيويئة .. فانة دواء كل انسان ... دواء ينسي المهموم همومة وغمومه ويبدي يفكر في حبيبه فقط لا غيره ... هذا المسمى بالحب الحقيقي .. احلى ماتره العين اثنين من الناس بينهم عشق جنون وحب حنون .. وليس الحب ك الرسمة على الجدار قلب ويمر بيها اسهام .. وحروف المحبين على تلك السهاام .. لكن ... السهم فعلا ً يمر بداخل قلب شخص انسان فعلا ً حبيته .. فيبدى بتألم تألم المحبين ويبدى بشعوور العاشقين .. فيطلب من اول فتاة تراه عياناه مناسبة لها يدها لتكون عاشقتها .. فيصيبها بذالك السهم سهم الحب فتحس بكل المعانة الذي عان منها ذالك العاشق .. فالعشق قصة والحب قصة .. وفي النهاية الحب و العشق يجتمعا في قلب واحد لكنه مقسوم لجزئين .. جزؤ ينعش دم العاشق وجزء اخر ينعش دم العاشقة .. فهنا السؤال ؟؟ هل انت عااشق مثل هؤلاء الناس ؟؟ عمر بعد هالكلام الطويل اللي كان مكتوب على عدة صفحات ، سكر دفترها ، وهو متأكد بأن من غير مايقصد خلى المها تحبه .. ابتسم لها وهو قايم.. المها : ليش ؟ عمر : وايد حلو كلامج المها وهي تبتسم : صج؟ مافيه شي يبي له تعديل عمر : يمكن لو نشيل الللحان ، تطلع أحلى المها ابتسمت له بدون تعليق .. وهو طلع عنها .. وكل اللي معاه فحيره .. المها فلت صفحات دفترها وهي ماتعرف شصاير؟ قعدت شوي مع اليهال لاعبتهم من غير خاطر وطلعت عنهم بتروح تاكل لها شي انصدمت بالمنظر اللي شافته .. خالد كان متوسط غلا و عمر وجنهم عشاق فاصل بينهم حاجز .. ( اذا المها تشوفهم جذي؟ الناس شلون؟ ) المهم .. تمت تناظرهم لين ماانتبه لها عمر .. طالعها ومستغرب ليش تطالعهم ، المها ركضت وطلعت بره البيت .. تركض تبي تدور حد يوقفها عن الركض ، مالقت غير الحديقه انخشت فيها وهي تصيح ، ماتدري ليش؟ المها ( انا صج احبه ، احبه ، لو ماحبه مانقهرت من اللي شفته ) .. عمر كان يدورها ليش شافته وركضت؟ |
|
#248
04-08-2008, 08:56 PM
| ||
| | ||
| رد: غلا عمر انتبه لخطواته ، و وعى للي قاعد يسويه .. عمر( ليش انا لاني احبها ولاهي حبيبتي ، ليش الحقها؟ بس مسكينه راحت جنه خاطرها مكسور ) عمر دخل للحديقه اللي ماجزو عشبها من فتره ، والعشب البارد بقطرات الندى يتوغل رجله ويزيد برودته ، لكنه يستحمل لازم يشوف بنت خالته شفيها .. دورها عمر بس مالقاها ، يأس ورجع لداخل البيت ، ولقى الضبه على كرسي فالصاله .. تخرع شصاير؟ مايدري؟ يبي يشوف شفيهم لكن الجمعه كلها حريم وبنات ، يروح يرز عمره ؟ وخر عنهم شوي ونادى فاطمه بنت عمته فاطمه : Yes عمر ! عمر : فاطمه ، شصاير؟ ليش هالحشره ؟ فاطمه : اسكت ، فاتك ، المها جاتنا تصيح فتحت الباب وقطت روحها على الارض عمر : شنو؟ ليش؟ وين دخلت؟ فاطمه : مادخلت هني ، من الصاله اللي احنا نتجمع فيها ، بس ماندري شفيها .. عمر : مسكينه ، ماتستاهل فاطمه : I know عمر خلى فاطمه و مشى عنها .. قعد على الكرسي وفصح غترته ، وقعد يلوم نفسه على اللي سواه في المها ، اذا هي تحبه ، هو ليش يتكبر ، مو يتكبر يعني ، ليش يجرحها؟؟ زين اللي صار فيها الحين؟؟؟؟ قبل العشا بشوي .. غلا كانت قاعده مع خالد على مرجيحه حاطينها فالليوان ، وغلا كانت لابسه شغابه كلها حركات سلاسل وكرستال ناعم .. خالد كان ماسك الشغابه ويتسأل وغلا ميته ظحك .. خالد : لالا الصراحه شغل عدل .. غلا : هههه خالد خالد : ههههه والله من صجي لطيفه تناديهم .. خالد : لبيه يالسدره لطيفه : تعال ابيك انت غلا فهمت شقصدها خالد : ماتحرك بروحي اناا غلا : اووش ، ماعليك مني ، روح لها خالد : ب ..... غلا : ولا كلمه ، روح انت خالد : غلااا غلا : حبيبي ، بتروح صح! خالد : انشالله ، انطريني هني مب تشردين غلا : ههههه انشالله خالد نزل من على درجة الليوان وغلا تطالعه .. راح لعند امه وامه مسكته جنها تقوله كلام ، ومشى معاها ودخلوا لمكان دافي .. غلا قعدت على المرجيحه وقعدت تهز وهي تفكر .. (( خالد له ألف مزاج ، بكل ثانيه مزاجه شكل ، انا شلون بصبر جذي؟ )) خالد : يمممه شهالخرابيط؟ انا ماخبرت في ام مثلج ، يمه الله يخليج طلعي من الي انتي فيه ، شتبين الناس تقول؟ شتبيني انا اقول عن امي؟؟ لطيفه : انا ماقلت شي غلط خالد : شنو اللي قلتيه عيل صح ، يمه صدقيني كلامج بيطلعني عن طوري لطيفه : انت دايمآ جذي ، بعد ساعه بتقتنع بكلامي خالد : لو هالمسا تنطبق على هالارض ماسويت بكلامج ، طاوعتج مره وضعت ، مستحيل اسمع كلامج مره ثانيه لطيفه : تبي تدخل النار؟ خالد : لاني مابي ادخل النار اسوي جذي ، يمه انا اطيعج بالشي الزين ، وانتي كل كلمه منج على راسي من فوق ، لكن .. في ام تقول لولدها تعال تزوج على مرتك لطيفه : ايه في ، وانا منهم خالد : يمه يمه سمعيني ، لو عيوني تطلع من مكانها! لو قلبي وقفت دقاته ، لو كل شي انعدم مستحيل اتزوج على غلا ، مستحييييل ، لاتخليني احلف يايمه لطيفه : انت من صجك تبي تتم على طول جذي ، البنيه مافيها حيل تجيب لك عيال بعد ، شفت على الثالث وماقدرت ، والحين بندخل السنه وهي لاخبر منها ولاشي .. خالد : انا مرتاح جذي مرتااح ، انشالله مانجيب عيال ، حياتي معاها راحه ، بعيال وبدون عيال لطيفه كانت تنقهر من كل كلمه يقولها خالد : بتاخذها غصبٍ عليك خالد : دوريني يممممممممممممه وطلع عنها خالد .. خالد راح المجلس عند ابوه خالد : يبى اكيد امي استخفت سعود يصاصره : تبي الصج هي من زماان مب توها خالد : اههههههه سعود : ها شسوت اليوم بعد؟ خالد : والله يايبا انا اخرتها بجن من هالعيشه سعود : افا خالد : أي والله ، تقولي تزوج !! تخيل لا ومن العنود ؟ تخسي سعود : احسنت بعدي عليك والله ياولدي ، هذي الرجال .. انا اللي احذرك ، هذي بنت عمك ويتيمه ، وامك انشالله حسابها معاي انا .. غلا اللي ماكانت تدري بولا شي ، كانت قاعده مع عمتها و خالد ولد عمتها فحظنها تلاعبه .. خالد مسك فشعر غلا وغلا صرخت ، شالته تغريد عنها و غلا قامت تشوف عيالها .. دخلت عليهم الصاله ولقت عمر بروحه واليهال محد !!!!!!!!!!!!!!!!!!!!!! عمر : ياهلا بغلا ، هلا ببنت عمي ، حياج ياام فيصل غلا : الله يخليييك ، تسلم ياعمر ، ها ليش مارحت معاهم؟ عمر : اتملل من سوالفهم ، وشفت ان اليهال اقرب لي منهم غلا : اهاا ، انزين وينهم عنك عمر : بالحوش غلا : شنو؟؟؟؟؟ فهالبرد ؟؟؟ ياااااااااالله ، بذبح الخدامه عمر اللي بدى يظحك ، ماتصور غلا بنت عمه اللي كانت فيوم حبيبته ام ال17 سنه أم وتحاتي عيالها غلا : لا والله شيظحكك ؟ عمر : هههههههههههههههه ولاشي غلا : والله ياعيال عمي عليكم برود اففففففففففف انت واخوك ، ثلج ثلج غلا طلعت ودخلت سعد و فيصل واليهال لحقوهم . وقعدوا فالصاله .. عمر يكلم غلا وهي تسكر ملابس سعد .. عمر : ماتوقعتج فيوم بهالموقف .. غلا : شتقصد؟ عمر : ام ،، ول 3 عيال ، وتخافين عليهم ، يابختهم غلا تنرفزت من كلمة يابختهم ، تبي تقطع وريد غلاها من عنده بس شلون ماتعرف غلا : عمر تكفى خل نطلع من حياة بعض ، ترا انا اللي حياتي بتنهدم .. عمر : وحياتي انا؟؟ غلا : انت اللي مصر توقف حياتك وماتنور طريقك ، اذا حبيتني وخسرتني ؟ شنو يعني؟ ماخسرت الجنه انت ياعمر ، الف بنت غيري تتمناك ، مايصير جذي سعد الي خاف من كلام امه وكان بيركض ينادي ابوه لكنها مسكت يده .. عمر : صح كلامج ، انا آسف غلا سكتت وانكسر خاطرها وايد ، حست نفسها قاسيه حيييل .. غلا خذت سعد معاها وطلعت .. قعد عمر على الكرسي وجاه فيصل ولدها فيصل : ليش تهاوش امي؟ عمر : ماهاوشها فيصل : امبلا ، بعلم ابوي عليك عمر : يويلك يافيصل ( انا شقاعد اقول؟ ) ، انت هبل أصلآ امك كانت تهاوشني لاني مالعبكم فيصل :احثن عمر : انا ااراااااويك شاله عمر وطيره وقعدو يتظاربون شوي لووول .. غلا قعدت على طاولة العشا اللي خلت هالمره من الرجال وقعدت سعد حذاها .. سعد : ماماا غلا : شفيك؟ سعد : ابي ادخل معاهم غلا ( شهالغباء؟ ليش جبته معاي؟ ) : انشالله ، تعال اوديك لطيفه : مافيه داعي تلعبين دور الام الكامله ، خليه يروح بروحه .. غلا ماردت عليها وكانت هذي قومتها عنهم .. ودت ولدها وعشته هو مع اخوه وتمت تشوفهم و عمر يلاعبهم .. طبعآ عمر انحرج لوجود غلا .. بس شوي شوي رك الجو بينهم .. لما صار الوقت انهم يرجعون بيوتهم ،، خالد الحمدلله كان مزاجه تمام ، وهو مايبي يعكر عليه شي نادته امه بس قال لها انه مستعجل ، طبعآ تمت تتحلطم عليه وهو طنشها .. دور غلا قالوا له انها بدارها فوق .. خالد (يالله لايكون ردت على ذيج السالفه ، شتسوي فوق!! ) غلا توصخت ملابسها وراحت تبدلهم .. خلصت و بلحظة وصول خالد كانت هي طالعه غلا طلعت وكانت لين الحين مب رافعه شعرها ، سكرت الباب ولفت عشان تنزل شافت خالد جدامها خالد ضرب لها سلام و غلا ظحكت له .. خالد تم متصلب غلا : شفيك .. خالد كان يعد على اصابعه ( 1 , 2 , 3 ) وشالها غلا صرخت بس خالد كتم صرختها خالد : هاااا ولاا كلمه غلا : انشالله بس نزلني غلا مالقت شي لها فالكبت شتوي وكانت لابسه فستان حريري وقصير ولما شالها انكشفت ريلها وخافت حد يطلع لهم .. خالد : بتسكتين ولاا ! غلا سكتت وتمت تطالعه بنظرات ترجيه ينزلها . خالد مشى فيها ووصلوا لطاولة البليارد اللي كان حاطها عمها سعد فغرفة قديمه .. حطها خالد وقعد على ركبه وحنى راسه غلا ظحكت خالد يرفع عينه بخجل : أحبج غلا : وانا اكثر حبيييبي الغير متوقع ان العنود كانت تتربص لكل حركه لهم ، وماتت قهر لما شافت خالد جذي ، مادرت ان ولد خالتها رومنسي جذي .*.*.*.*.*.*.*.*.*.*.*.*.*.*.*.*.*.*.*.*.*.*.*.*.* .*.*.*.*. بعد اسبوعين .. عمر كان فمجلس رفيجة تركي .. عمر : قوم خل نطلع تركي : وين عاد؟ عمر : قوم وانا اقولك ركبوا السياره وعمر كان جنه يبي يتنكر .. فصخ عقاله وكان لابس ثوب اسود ولف غترته بطريقه غريبه ، لاهو متلثم ولاهو ناسفها .. تركي : شعندك؟ عمر : ماعندي شي ، امش تركي :زين وين عمر : امش وانا اقولك مشوا فالطريق و تركي كل شوي ناط له بسؤال غلا كانت نايمه وخالد كان توه صاحي وقاعد مع مريم يلاعبها وهي صاحيه بس فسريرها ، استانس اول مره تقوم مريم على هدوء .. غلا تحس في شي مظايقها تقلب على يسارها وترد على يمينها و خالد لف عليها خالد : خلاص يبا ، بسج نوم غلا ماكانت تسمعه ، كان عوار بطنها طاغي هالمره وتبي تاخذ الحبوب وخالد موجود شتسوي .؟؟؟ خالد : يلا غلا يلا عمري ، قومي زهقت بروحي خالد يهز يدها ، وغلا ماترد عليه خالد : غلا شفيج؟؟؟ غلااا غلا فتحت عينها وهي متخرعه : شفيك خالد شفيك؟ خالد : اوف خرعتيني غلا : مافيني شي ، شفيك انت ؟ خالد : ولاشي ، متملل يلا قومي صرنا الظهر ترا غلا : اف ، صج ! خالد : والله ، يلا عمري غلا : انت ليش مارحت الشغل؟ خالد : جذب تقدرين تقولين متملل امممممم مايبي يخلييج غلا ( ياااربي لا عاد مب اليوم ولا الحين ابي آخذ الحبووب ) .. خالد شاف علامات البرود على وجهها غلا تبتسم له : حياتي والله .. خالد: يالله انا بتسبح وابي اطلع الاقي احلى ريوق ينتظرني غلا : من عيوني دخل خالد الحمام و غلا على طوول فتحت الكبت وطلعت الحبوب وكلتهممم .. وارتاحت و راحت فعالم ثاني ، مفعول الدوا نومها دون لاتدري .. لما طلع خالد ................. تدرون شصار؟؟؟؟؟؟؟؟؟؟؟؟؟ |
|
#249
04-08-2008, 09:08 PM
| ||
| | ||
| رد: غلا نكمل... خالد لما طلع من الحمام انصدم من اللي شافه .. كان عنده موعد مهم و ضروري حيل فالشغل ، لدرجة انه كان حاط نوت تذكره على المنظره .. ولما طلع من الحمام شافها .. خالد : يااااالله شلون راحت عنييي!! لا بالله انتهيت يابوفيصل الموعد كان مع مندوبين من بره للشركه و خالد كان مدير لهالمشروع و راح عن باله هالموعد راح يشوف موبايله شافه طافي خالد : يا حلااوووه .. حاول يفتحه طلع مفظي .. خالد تم يظحك و ظحكته صحت غلا من تخدير الدوا .. غلا تحاول تفتح عينها من النوم الثقيل اللي سكنها .. غلا : شفيك خالد؟ خالد : اهههههه ، نسيت الموعد اللي قلت لج عنه غلا : لااا صج! شبتسوي الحين؟ روح لحق خالد : شلحق ياعمري ، الساعه 11 تلاقينهم يتغدون الحين ههههههههه غلا : خالد تراك ماخذ الموضوع بظحك وايد ، قوم تحرك شوف شصار على الاقل اتصل اعتذر أي شي خالد لاتقعد جذي خالد : غلا شفيج؟ بتصل لرفيجي يعتذرلي منهم ونأجل الموعد لباجر .. غلا : ياااربي من برودك خالد : غلا شفيج الله يهداج ؟ ترانا بأول اليوم .. غلا سكتت وماردت عليه وقامت من السرير .. عمر وهم فنص الطريج قال لتركي عمر : خلاص خل نرجع تركي : انت ماقلت لي وين بنروح اصلآ الحين تبي نرد ، عمور شبلاك ؟ شنو شارب على الصبح؟ عمر : مارتيني هههههههاي تركي : تسويها عمر : انثبر زين تركي ظحك و حركوا ورجعوا للبيت .. عمر قعد معاهم شوي وبعدها استأذن لانه صار وقت الغدا ، ولطيفه دايمآ معودتهم ان وقت الغدا كلهم مع بعض باستثناء خالد اللي تزوج (( بعد العشا )) خالد كان طالع بره البيت و غلا كانت بالمطبخ مع سعد و فيصل ويسوون سويت خفيف لان الفراغ كان ذابحهم.. وخلتهم يشاركونها وهم يسوون السويت .. خلتهم يزينونها بالحلاوه والمكسرات و سعد لعب فيهم دوور سعد : يصير احط ذذذذذذذذي يمه؟؟؟ غلا تشوف شماسك غلا ظحكت عليه : حط بس لاتكثر ، شووي زين! سعد : انشالله .. كان ماسك كيس سكر ناعم ، ركب على الكرسي وفتحه على قطعة عجينة البسكوت اللي كانت مخصصه لكل واحد منهم ويزينها طبعآ اصطبغت باللون الابيض وهو فررح وايد ، بعدها كت كل شي شافه موجود عليها و خلى امه تدخلها بالفرن فيصل عكسه خلاها عاديه ماسوى فيها شي .. خلوها بالفرن وبعدها طلعتهم غلا عشان يتسبحون لأن كل واحد منهم مجرب كل شي على ملابسه .. وهي بعد حاشها طشار .... غلا وهي طالعه من الحمام تنشف شعرها رن التليفون ،، شالته وصوتها فيه الظحكه .. غلا : الووو عاليه : الوو ، السلام عليكم غلا : وعليكم السلام يامحترمه عاليه : مالت عليج اقول غلا : ههههههههههه أي هذي علووي الللي اعرفها عاليه : هههههههههه ، شخبارج حبيبتي؟ شمسويه؟ غلا : حمدلله طيبين ، شخباركم انتوا؟ شمسوين فهالدنيا؟ عاليه : حمدلله طيبين غلا تقعد وهي تسولف معاها ويجيها فيصل وهو مبدل ولابس بجامته وشعره مبلل وقعد فحظنها .. تمت تسولف معاها شوي و بعدها استأذنت عاليه منها وسكروا من بعض .. غلا كانت تبي تصحي فيصل اللي نام بحظنها عشان يذوق اللي سواه ، بس قلبها ماطاوعها ونومته على سريرها .. سعد : يممممممه احترقت كيكتي غلا : هههههه هذي مو كيكه حبيبي سعد يصيح : خربااانه ، سودااا غلا : محد قالك اترسها ، خلاص خذ مالت فيصل سعد : لاااااااااااااااا كيكتيييييي ، صارت سوداااا غلا : خلااص ياحبيبي ، خلاص خذ مالت فيصل ، اخوك ناام سعد يسكت شوي وياخذ الثانيه وياكل منها شوي .. طبعآ بسكوتة سعد احترقت لان كل شي فيها سريع التفاعل لوول .. بعد ماقعدت معاه وخلص أكله طلعت شوي عنه وهو يشرب كاس الحليب تبي تشوف خالد وصل ولا لين الحين .. طلت من الدريشه وماشافت السياره ، طالعت الساعه لقتها 9 ونص .. غلا تفكر ( غريبه! خالد مب من عوايده لهالحزه بره البيت ! أخاف صار له شي ، اعووذ بالله ، اتصل فيه احسن لي) رفعت السماعه واتصلت وتمت تنتظر منه يرد ،، مارد وبعد شوي تحول للمسج سكرت وردت اتصلت وبعد انتظرت وبعد تحول للمسج ،، تنرفزززت غلا ورقعت السماعه .. ردت لولدها وطلعت هي وياه ، نام سعد بداره هو وأخوه بروحه .. تمت غلا على الكرسي تنتظره وتنتظره ، طفرت من النطره ، خلاص ماتقدر تصبر .. تمر الساعات ، ساعه ورا ساعه لين ماصارت الساعه 11 مو 11 بس وربع بعد << هَدي المهم .. غلا هني خلاص طفح بها الكيل ماتقدر تنتظره بعد ، بتنزل للحوش أي شي ماتقدر تنطر ، قبل لاتنزل شافت عيالها وتأكد ان ماعليهم شر لو تموا بروحهم ، غطت مريم ونزلت فتحت الباب وسمعت تسكيرة باب سياره غلا من سمعتها ردت عن الباب عشان يكون لخالد مجال انه يدخل ، خالد كان وهو يمشي يحك عينه حتى يقاوم النوم .. دخل البيت وسكر الباب وتفاجىء بغلا خالد : اوه غلا ! شمقعدج؟ ليش مانمتي؟ غلا: حمدلله على سلامتك .. تبيني انام وانت بره؟ شأخرك؟ خالد : ماكو شي خذتني السوالف مع ربعي وكان واحد منهم واصل توه من بره ومانتبهت للوقت غلا هني خلااااص قفلت عليييه : اها ، عيل تصبح على خير .. خالد من مشت غلا رضخ بقو على الارض من القهر ، محتر من كل شي اليوم والاحلى مزاجه تعكر من طلع من البيت وزادته غلا لما طلع للدار لقاها نايمه << هي ماكانت نايمه تتصنع النووم .. خالد هز راسه و راح يبدل ملابسه .. خالد فالحمام فتح الكبت الصغير اللي على اطراف المنظره لقى فيد غرشه وفيها حبوب ، استغرب ، قرى المكتوب مافهمه الكلام مشبك وما يفهم للغة الصيدله ..! والدوى شكله غريب يعني لاهو يستعمله ومايظن غلا تاخذه! خذاه خالد وفتح باب الحمام (وانتوا بكرامه) .. خالد: غلا؟ غلا : نعم؟ خالد: هادوا لج؟ غلا فزت : أي دوى ؟ خالد: ذي !! غلا طاح قلبها هذي العلبه الجديده من مسكنها عشان لو خلص الاولي يكون في واحد غيره المهم غلا تظاهرت بأنه مب لها غلا : يوو ، هذا شلون راح عن بالي !! خالد : شنو ؟ غلا : لما كنت حامل ب ، باللي بعد مريم (غلا تغيرت ملامحها لما طرت السالفه) وبعد ماراح ، عطوني دوا يخفف شوي من العوار ، وهذا كان محطوط بالغلط ، وانا كل يوم اقول برجعه بس يروح عن بالي وانسى خالد : اهااا ، والله انا تخرعت غلا لاشعوريآ نست حركة خالد ورجعت فيها الايام يوم كانت حامل وموقف خالد لما سقطت شلون زعل مازعل يمكن حزن خالد : غلا شفيج؟ غلا : ولاشي خالد يمسك يدها : غلا شفيج علي اليوم؟ غلا تهد يده : هدني خالد ، بنام ونامت عنه خالد بلع ريجه وخلى الدوى على الطاولة و زحم فيصل عنه و حط راسه ونام .. لما قام الصبح لقى غلا قايمه قبله وريوقه ينطره ومريم بيدها تنومها خالد : صباح الخير غلا : هلا ، صباح النور خالد : ها قعدت؟ غلا : متى نامت؟ انا معاها من بعد الصلاة لين الحين خالد يبتسم لها :يخلييج لي والله غلا : يلا بدل عشان تتريق خالد : تحت ؟ غلا : تبيه فوق اليوم بعد؟ خالد : لا ، بس اسأل .. غلا : لا تحت خالد : خلاص اتسبح وانزل بس غلا ، اذا القهوه بارده ترا مابيها ماعليج امر ، ابيها حاره غلا ( شروط بعد ) : انشالله .. نزلت غلا بعد مادخل خالد يتسبح ومعاها الشيخه مريم مافيها نوم كلش ،، حطتها على كرسيها ودخلت تسوي البلاك كوفي لخالد خلتها بالغوري ماصبتها وحطته على الطاوله وقربت مريم بحيث انها تنشاف لو قعدت مع خالد نزل خالد وقعد على الطاوله وهو ياكل كل شوي يضرب باصابعه ينبه مريم وهي تنقز كل ماضرب باصابعه و غلا تظحك غلا : بتتأخر اليوم بعد؟ خالد : لالا ، بس يمكن على الغدا اتأخر بس فاضي بعد المغرب .. غلا : تمام عيل ، لان يومين ويرجعون لمدارسهم واذا ممكن يعنيييييي خالد وهو يبتسم : خلاص خلاص فهمت فهمت ، السوق عدل ؟؟؟؟؟ غلا : عدل ، بس لو سمحت نروح من وقت عشان مانتأخر ومايتغير موعد نومتهم خالد : ياويلي شنو تحسبينها بالمسطره انتي غلا : تقدر تقول خالد يظحك لها وهو قايم : يلا تبين شي؟ غلا : سلامتك .. لاتنسى فيصل و سعد خالد يأشر لها على عيونه ... غلا تظحك له وهي توصله لعند الباب خالد لبس نظارته وطلع من البيت غلا : الله وياك حبيبي خالد يلف عليها ويبوس اصابعه وجنه بيفر شي عليه غلا ظحكت علييه وسكرت الباب بعد مامشى .. غلا ( ماقدر ازعل عليه ، والله هالانسان هديه لي من السما ) خالد ( بعد عمري هالبنيييه ، هذي هديتي من السماا ، الله يخليها ) |
|
#250
04-08-2008, 09:10 PM
| ||
| | ||
| رد: غلا بعد ماجتمع خالد مع المندوبين و الكلام الطويل والعريض ، طلعت له سفره بس بعيد شوي ، يعني مطوله ... لما رجع للبيت ولقاهم ينتظرونه على الغدا قعد معاهم بملابسه وتغدا . . خالد : اقول غلا غلا : قول حبيبي خالد : انشالله انا مسافر غلا تهد اللي فيدها : شنو؟ متى ؟ وين ؟ خالد : هههههه شوي شوي عليي ، مو الحين مطوله حييل ، حتى ماحطوا لها تاريخ ، على مايخلص اللي نسويه هني فالدوحه ، بنتوسع فيه لبره ، بس مطوول ياعمري ، لاتحاتين غلا : اخاف فجأه تقولي بسافر ، ترا انا ماحب هالحركات خالد : ههههههههههه ماسويتها فيج من قبل غلا تفتقت جروحاتها : ادري، بس عمي سعد وايد كان يفاجئني بها ، حتى لما راح وخلاني ..! خالد سكت وماعلق ، حتى هو طرى عليه عمه اللي بدى ينساه ، حس نفسه قليل أصل شلون ينسى عمه !! غلا ماكملت غداها ، والعبره كانت حييل خانقتها ، ناشبه فبلعومها ومن صوتها يبين بس كانت تلهي عمرها ترد على اسئلة عيالها وتزيد أكلهم ولخالد لين خلصوا ... خالد يطالعهم : ها خلصنا؟ سعد + فيصل : ايواا خالد : تبون نتسبح ؟؟؟ سعد : اييييييييييييييييييييييي انا ابي خالد : ماما بترضى؟ غلا تطالعه بنظرات وديه وهو ينظارها برجا ، تلف لعيالها كل واحد ينط من على كرسيه يبون يتسبحون خالد : الله يخلييج غلا تغمض له عيونها وهي تبتسم خالد : ايوااااا قاموا مع ابوهم وراحو يتسبحون بالبرجه وغلا ارتاحت شوي يعني بيكونون تحت نظر خالد فالفتره اللي تبي تسترجع فيها ماضيها شووووي .. مريم كانت نايمه بالدار الفوقيه ، غلا دخلت الصاله الكرستاليه ، اللي يسميها خالد اللوفر من كثر ماغلا ماتسمح لأي حد يدخلها ، ودايمآ مفتاح هالدار معاها ، خالد كان دايمآ يتغشمر معاها وكل شوي مطلع لها اسم على هالدار لين ثبت على اللوفر لوول .. المهم ، غلا ماغيرت شي بديكور هالغرفه الا انها زادت صورتين وحده لها ولخالد والثانيه هم مع عيالهم .. الصور كانت فقمة الروعه .. قعدت غلا على الكرسي وهي تناظر كل صوره فهالمكان الممتلي بالصور .. تسندت و قعدت تشوف طيف عمها بهالدار ودموعها تتقسم على خدها .. تذكرت لما كانت مع خالد وبيسافرون لشهر عسلهم .. عمها كان يقول لها ولخالد : الدوحه ماتسوى شي بدونكم حطت يدها على وجهها تكتم شهقاتها اللي تطلع من كثر الصياح .. وأنت ياعمي ماتدري شنو الدوحه بدونك؟ ماتدري شلون حياتي لما رحت وخليتني بروحي فهالدنيااا خالد و عياله تموا لهم ساعه يمكن وبعدها خالد طلعهم وخلاهم يتسبحون وهو تسبح بعد .. رجعوا لداخل البيت وراحوا ينامون من بعد هاللووويه ، و خالد نزل يدور غلا كان يناديها ومايسمعها ترد : غلا ..... غلاا!!!! ياغلا؟؟ أم فيييييصل ، غلاا؟؟ ويينج؟ غلااااااااااااااا غلا سمعته وقامت من على الكرسي تنشف دموعها وفتحت الباب بسرعه غلا تعلي صوتها لان صراخه وهو يناديها كان عالي .. غلا : هني ، كاني ، بسس خالد لف وهو متخلبص : انتي وينج؟ غلا : كنت هني (تأشر) داخل خالد : طالعيني زين غلا ترفع عيونها وتنزلهم بسرعه خالد : ادري غلا ، احنا مانقدر نتوب عن شي صح!! غلا : موجذي السالفه خالد ( من رفعت عينها له شافته رايح عنها) .. خالد خلاها وطلع الدار غلا (يوووه ، بعد على اقل شي بيزعل ويتنرفز ، انا مافيني حييييل ياربي ) غلا ركبت للدار وماقدرت انهدت كل قواها على نص الدرج وطاحت ، خالد كان لين الحين يتمشى بالصاله اونه ينتظرها عشان تجيه لفوق ، سمع صوت صياحها وركض خالد متخرع وهو يشيلها : غلا ، غلا شفيج؟ شصار لج؟ غلا ماترد عليه وتصيح .. لين قدرت تقوم من على الارض خالد حطها على الكرسي : غلا شفيج؟ سامحيني ماقصدت ازعلج ، لاتسوين بروحج جذي غلا : كانت حاطه راسها على خالد وتصيح مثل اليهال وتقوي من مسكتها فبلوزته كأنها خايفه من شي بيصير خالد يحاول يهديها : حبيبتي شفيج؟ شصاير علميني ..! غلا بكل كلمه تطلع منه صياحها يزيد و خالد سكت لين خلصت صياحها خالد : ماتبين تقولين لي شفيج ؟ غلا ساكته ومركزه نظرها على الارض خالد : براحتج ، متى ماتبين تعلميني ، انا بسمعج ، يلا روحي ارتاحي الحين ، ادري ماخلتج مريومه تنامين غلا تمشي عنه وهي كانت صج تعبانه ومحتاجه مثل هالكلام يريحها .. من حطت راسها على المخده راحت فسابع نوومه .. خالد قعد شوي فدارهم يفكر في غلا مرته ، الله يعيني لو ردت على سالفتها .. بعدها طلع وراح يكمل شغله على الكمبيوتر .. ولما صار وقت طلعة عيالهم غلا اعتذرت وخالد طلع عكس توقعاتها ، تقبل اعتذارها مثل مايقولون بصدر رحب وفضل راحتها على حاجة عياله ،وتكفل هو بهالشغله ، لكن شنو طلع ذووووويق .. هههههه لما رجعوا البيت غلا كانت فالصاله وبس لامه المخده وسرحانه ، انتبهت لهم لما دخلوا ووقفت لهم وقعدوا يورونها شنو شروا وهي تظحك و تعلق على ملابسهم ( الله ، يجنن حبيبي ، وايد حلوووو ) بس هاللي تقوله حتى خالد لاحظ شكثر تكررهم لوول .. خالد : يلا يلا، دوررررركم بدلوا عشان العشا والنووووم ، يلاااااااااا (خالد يهجم عليهم وهم ركضوا بسرعه عنه لدورهم) .. غلا تظحك بس كانها منجبره عشان تجامل خالد وماتنكد عليه .. خالد : ها عمري شلونج الحين؟ غلا : احسن خالد : اوريج انا شنو شريت؟ غلا : أكيييد .. خالد طلع اللي شراه وكان شاري لها سلسال بس هالمره ذهبي لونه ، بس روووعه شكله غلا تطالعه بنظرات مليانه عاطفه لخالد : الللله يجنن حبيبييييي خالد : نسيتي الوايد حلوو غلا : هههههه خالد : اشوفج مشيره على هالكلمتيين ،، شعندج هاا؟ غلا تنشف دموعها قبل لاتطييح : والله ماعندي شي .. خالد كان يطالع غلا وهي ماسكه الهديه وتطالعها وتجربها و يفكر بوايد اشيا فيها وهو خايف عليهاا .. .* بعد مرور أسبوع *. كان يوم الثلاثاء .. وقت الغدا .. فالبيت العود .. بدار عمر .. عمر كان قاعد كالعاده بروحه فالدار لين يجي وقت الأكل يطلع ياكل ويرد لها .. كان قاعد يحط رسمات غلا فوق بعضهم جنه بيعزلهم بروحهم .. كانوا اكثر من وحده و حجم الصفحات تختلف كبيره صغيره متوسطه .. المهم حطهم بظرف كبير حط الظرف على مكتبه ومسك قلمه بيرسم شي عليه بسرعه يميزه عن باقي الأظرف الفاضيه .. ماعرف شيرسم وخلاه فاظي لين ماتجيه فكره ويرسم شي عليه بس كتب من تحت (( نسيت ان افترقنا ! .. )) وحطه فوق الكبت .. الخدامه طقت الباب عليه تقوله ان الغدا جاهز عمر : اوكي اوكي جاااااي .. طلع عمر من الدار و قعد مع ابوه وامه ويدته على طاولة الغدا فسكووت .. سعود : ها شلون شغلك؟ عمر : ماشي حااله سعود هب فيه : شلون ماشي حاله؟ اذا ماتبيه اطلع مب ملزوم انت فيه غيرك يبيه عمر تنرفز : يبا شفيك ! ماقلت لك مابيه ، سألتني ورديت عليك سعود : هذي رد ؟ ماتعرف تجاوب ابوك عدل انت؟ لطيفه : سعود خلاص، طول بالك على الصبي اليده : سّعود؟ شبلاك على ولدي؟ سعود : مافيني شي يمه ، اعااتبه اليده : اسكت ، مالك خص فولدي ، كمل غداك كمله سعود يطالع لطيفه وولده : انشالله يمه اليده : عمر يمه ، اكل يايمه اكل ، تراك صاير ماتنشاف ، اكل يايمه لاتصير لي مثل ابوك عمر ياكل وهو فيه الظحكه : انشالله يمه المها كانت قاعده فدارها وجاها اخوها يقولها ان الغدا حطوه بس هي ماتبي تتغدى . . المها تحبه بس ماتبي تعلم أي حد عن اللي فيها ، حتى لما كانت تقول لنفسها ان هذي مشاعرها تجاه ولد عمتها كان تقول لا ماحبه ، بس هي تدري ان هي تحبه ، وتدري ان عمر مستحيل يحب غير غلا فتحت لاب توبها تدور اشعار تطبعهم عشان يشوفهم عمر .. بس تذكرت !! آخر مره عطاها تعلييييق رووعه ههههههه ،، سكرت اللاب توب وانخشت تخت لحافها .. |
 |
| مواقع النشر (المفضلة) |
| |
العرض العادي
